ཀྲོའུ་རྒྱལ་རབས།
ཀྲོའུ་རྒྱལ་རབས་ནི་ཀྲུང་གོའི་རྒྱལ་རབས་ཐོག་དུས་ཡུན་རིང་ཤོས་ཀྱི་རྒྱལ་རྒྱུད་ཞིག་ཡིན། དུས་ཡུན་ལོ་ངོ 1300 ལྷག་ཙམ་གྱི་ལོ་རྒྱུས་ལྡན།
ཆིང་རྒྱལ་རབས།
ཆིང་རྒྱལ་རབས་ནི་གོང་མའི་རྒྱལ་རབས་མཐའ་མ་དེ་ཡིན་པ་དང་མན་ཇུ་རིགས་ཀྱིས་འཛིན་སྐྱོང་བྱས། དེ་ནི་རྒྱ་རིགས་མ་ཡིན་པས་རིགས་ཀྱི་དུས་རབས་གཉིས་པ་དེ་ཡིན། མན་ཇུ་བ་རྣམས་ལ་དེ་སྔོན་ཇུར་ཆེན་ཞེས་འབོད་པ་དང་མིང་རྒྱལ་རབས་ཀྱི་སྐབས་བྱང་ཤར་མཚམས་ཀྲུང་གོའི་ལྕགས་རི་རིང་པོའི་ཕྱི་ངོས་སུ་གནས་སྡོད་བྱེད་ཀྱི་ཡོད།
ཀྲན་གོ
ཀྲན་གོའི་སྐབས་སུ་རྒྱལ་ཕྲན་བདུན་བྱུང་ལ། དེ་དག་ནི་ཆིན་དང་ཁྲུའུ། ཧན་དང་ཀྲའོ། ཝེ་དང་ཆི། ཡན་སོགས་ནི་སྐབས་དེར་རྒྱལ་ཕྲན་བཙན་པོ་བདུན་ཏུ་འབོད་པ་ཡིན།
ཧྲང་རྒྱལ་རབས།
ཧྲང་རྒྱལ་རབས་ནི་ཀྲུང་གོའི་ལོ་རྒྱུས་སྟེང་བྱུང་བའི་རྒྱལ་རབས་གཉིས་པ་ཡིན། མ་ཟད་དུས་མཉམ་ལ་ཡིག་ཐོག་ཏུ་བཀོད་པའི་རྒྱལ་རབས་ཀྱང་ཡིན། དེ་ནི་ཧྲང་ཐང་གིས་སྣེ་འཁྲིད་པའི་ཧྲང་ཚོ་བའི་ཚོ་དཔོན་དག་དང་མཉམ་དུ་ཞ་རྒྱལ་རབས་བསྣུབས་རྗེས་བཙུགས་པའི་རྒྱལ་རབས་ཡིན། རྒྱལ་ས་ཐེངས་མང་གནས་སྤོ་བྱས་མཐར་ཡིན་ནས་རྒྱལ་ས་གཏན་ཆགས་བྱས་ཏེ། ལོ་ཉིས་བརྒྱ་དོན་གསུམ་སོང་བ་རེད། དེ་བས་ཧྲང་རྒྱལ་རབས་ལ་ཧྲང་ངམ་ཡིན་ཧྲང་ཡང་ཟེར་བ་རེད།
ཐེངས་གཉིས་པའི་ཉལ་ཐའི་དམག་འཁྲུག
ཐེངས་གཉིས་པའི་ཉལ་ཐ་དམག་འཁྲུག་ནི་དབྱིན་ཇི་དང་ཧྥ་རན་སེ་གཉིས་ཨུ་རུ་སུ་དང་ཨ་རི་གཉིས་ཀྱིས་རྒྱབ་སྐྱོར་ལས་ཀྲུང་གོ་བཙན་འཛུལ་བྱས་པའི་དམག་འཁྲུག་ཡིན། དབྱིན་ཇི་དང་ཧྥ་རན་སེ་གཉིས་ཀྱིས་ཐེ་ཕིང་ཐེན་གོ་ལས་འགུལ་སྐབས་དང་བསྟུན་ཏེ། ཡ་ལོ་རྟགས་དོན་རྐྱེན་དང་མ་ཧྲིན་ཧྥོ་དོན་རྐྱེན་ལ་ཁ་གཡར་ཏེ། མཉམ་འབྲེལ་བྱས་ནས་ཆིང་སྲིད་གཞུང་ལ་རྒོལ་བའི་འཐབ་འཁྲུག་ཅིག
ཐེངས་དང་པོའི་ཉལ་ཐའི་དམག་འཁྲུག
ཐེངས་དང་པོའི་ཉལ་ཐའི་དམག་འཁྲུག་ལ་དབྱིན་ཇིས་ཐེངས་དང་པོའི་ཀྲུང་དབྱིན་འཐབ་འཁྲུག་ཟེར་ལ། ཡང་ན་ཚོང་འགྲུལ་འཐབ་འཛིང་ཡང་ཟེར། དེ་ནི་ཀྲུང་གོའི་ཉེ་རབས་ལོ་རྒྱུས་ཀྱི་འགོ་བརྗོད་ལྟ་བུ་ཡིན།
བསྒྱུར་བཀོད་ཆེན་པོ་གསུམ།
ཞིང་ལས་དང་ལག་ཤེས། བཟོ་ཚོང་ལས་རིགས་ལ་སྤྱི་ཚོགས་རིང་ལུགས་ཀྱི་བསྒྱུར་བཀོད་བྱས་ཏེ། ཀྲུང་གོ་རྒྱལ་ཡོངས་འཆར་འགོད་དཔལ་འབྱོར་གྱི་ལམ་ལུགས་ལ་འཁྲིད་པའི་ལས་འགུལ་ཞིག
ཝུའུ་ཁྲང་འོས་ལངས།
ཝུའུ་ཁྲང་འོས་ལངས་ནི1911ལོའི་ཟླ10ཚེས10ཉིན（ལྕགས་ཕག་ལོའི་ཟླ་བརྒྱད་པའི་ཚེས་བཅུ་དགུ་ཉིན）ཧུའུ་པེ་ཝུའུ་ཁྲང་ནས་ཆིང་རྒྱལ་རབས་ཀྱི་དབང་བསྒྱུར་རྩད་སློག་བྱེད་པའི་དམག་འགྱུར་ཞིག་ཡིན། ལྕགས་ཕག་ལོའི་གསར་བརྗེ་ཀྱི་འགོ་མའང་ཡིན།
ལྕགས་ཕག་ལོའི་གསར་བརྗེ།
ལྕགས་ཕག་ལོའི་གསར་བརྗེ་ནི1911ལོ（ཆིང་ཞོན་ཐུང་ལོ་གསུམ་པ）ཀྲུང་གོའི་འབྱོར་ལྡན་གྲལ་རིམ་གྱི་དམངས་གཙོའི་གསར་བརྗེ་ཧོབ་ལངས་བྱུང་། དེ་ནི་ཆིང་རྒྱལ་རབས་རིམ་བཞིན་རུལ་སུངས་དང་། བཙན་རྒྱལ་གྱིས་བཙན་འཛུལ་ཇེ་དྲག་ཏུ་ཕྱིན་པ་དང་བསྟུན། ཀྲུང་གོའི་འབྱོར་ལྡན་གྲལ་རིམ་གྱི་གསར་དར་རྨང་གཞི་བྱུང་ལ། དེའི་དམིགས་ཡུལ་ནི་ཆིང་སྲིད་གཞུང་གི་སྒེར་གཅོད་དབང་བསྒྱུར་རྩ་སློག་བྱེད་པ་དེ་ཡིན། མི་རིགས་ཉེན་ཁ་ལས་སྐྱོབ་པ་དང་། རྒྱལ་ཁབ་རང་བཙན་ལྷུར་ལེན་བྱེད་པ། དམངས་གཙོ་དང་འབྱོར་ཕྱུག་ཡོང་རྒྱུར་དམིགས་པ་ཡིན།
ས་ཞིང་བཅོས་བསྒྱུར་གྱི་ལས་འགུལ།
ས་ཞིང་བཅོས་བསྒྱུར་ནི་ས་ཞིང་ལམ་ལུགས་ཀྱི་བཅོས་བསྒྱུར་ལ་ཟེར། དེ་ལ་ཕྱོགས་སོ་སོའི་ནང་དོན་འདུ་བ་སྟེ། ས་ཞིང་གི་དཔྱ་ཁྲལ་བསྡུ་བའི་ལམ་ལུགས་ཀྱི་བཅོས་བསྒྱུར། ས་ཞིང་ཐོན་དབང་ལམ་ལུགས་ཀྱི་བཅོས་བསྒྱུར། ས་ཞིང་བཀོལ་སྤྱོད་ལམ་ལུགས་ཀྱི་བཅོས་བསྒྱུར་སོགས་ཡོད་པ་རེད།
ཁྲུན་ཆིའུ་ཀྲན་གོའི་དུས་རབས།
སྤྱི་ལོའི་གོང་ཀྱི་དུས་རབས8པའི་ནང། ཁྲུན་ཆིའུ་ཀྲན་གོའི་དུས་རབས་སྐབས་ཆབ་སྲིད་ཀྱི་དབང་ཤུགས་ཕྱོགས་བགོས་སུ་ཕྱིན། མིང་དེ་ལྟར་དཔྱིད་དུས་དང་སྟོན་དུས་ཞེས་པའི་ལོ་རྒྱུས་དེབ་ཐེར་གྱི་ཤུགས་རྐྱེན་འོག་འཐོབ།
སུའེ་རྒྱལ་རབས།
རྒྱལ་ས་ཏཱ་ཞིང་ལུའོ་དབྱང་ཡིན། རྒྱལ་ས་གཉིས་པ་ཏུང་ཏུའུ་ཡིན། སུའེ་རྒྱལ་རབས་ནི་སྤྱི་ལོ 581 ལོར་བྱང་ཕྱོགས་མི་རིགས་མཉམ་འདྲེས་ཆེན་པོ་དང། ཅང་ནན་ས་ཁུལ་གྱི་དཔལ་འབྱོར་ལ་འཕེལ་རྒྱས་ཆེན་པོ་བྱུང་བས། སླར་ཡང་ལོ་ངོ་བཞི་བརྒྱ་ལྷག་ཙམ་བར་སྲིད་དབང་ཁ་ཐོར་འགྱུར་བ་རྣམས་གཅིག་འགྱུར་མཛད་པ་དེ་ཡིན།
ཀུན་སྤྱོད་དག་ཐེར་ལས་འགུལ།
ཀྲུང་གོ་གུང་ཁྲན་ཏང་གིས་ཏང་ཡོངས་ལ་སྤེལ་བའི་མར་ཁེ་སི་ལེ་ཉིང་རིང་ལུགས་གྱི་སློབ་གསོ་ལས་འགུལ་ཞིག་ཡིན། དེ་སྔ་སྤྱི་ལོ1942ལོ་དང་སྤྱི་ལོ1950ལོ། སྤྱི་ལོ1957ལོ་སོགས་ཐེངས་གསུམ་ལ་སྤེལ་མྱོང་བ་རེད། དེ་ནང་སྤྱི་ལོ1942ལོའི་ཡན་ཨན་དག་ཐེར་ལས་འགུལ་ལ་སྐད་གྲགས་ཆེ། དེ་བས་དག་ཐེར་ལས་འགུལ་དེ་གཙོ་བོར་ཡན་ཨན་དག་ཐེར་ལས་འགུལ་ལ་གོ
གསུམ་རྒོལ་དང༌ལྔ་རྒོལ་ལས་འགུལ།
གསུམ་རྒོལ་ནི་ལྐོག་ཟ་ལ་ངོ་རྒོལ་དང༌། ཆུད་ཟོས་ལ་ངོ་རྒོལ། དཔོན་ངན་རིང་ལུགས་ལ་ངོ་རྒོལ་བཅས་ལ་ཟེར་ཞིང༌། ལྐོག་རྔན་སྤྲོད་ལེན་ལ་ངོ་རྒོལ་དང༌། ཁྲལ་རིགས་སྐུང་གཡོལ་ལ་ངོ་རྒོལ། རྒྱལ་ཁབ་ཀྱི་རྒྱུ་ནོར་རྐུ་འཁྱེར་ལ་ངོ་རྒོལ། རྒྱུ་ཆ་རྐུ་འཕྲི་སླ་བཅོས་ལ་ངོ་རྒོལ། རྒྱལ་ཁབ་ཀྱི་དཔལ་འབྱོར་རྐུ་འཁྱེར་ལ་ངོ་རྒོལ་བཅས་ལྔ་རྒོལ་གྱི་ལས་འགུལ་ཡིན།
ཧྭ་ཀུའོ་ཧྥེང་།
ཧྭ་ཀུའོ་ཧྥེང། ཐོག་མའི་མཚན་ལ་སུའུ་ཐའོ་ཟེར། ཧྲན་ཞི་ཞིང་ཆེན་ཅའོ་ཁྲུང་རྫོང་གི་མི་ཡིན། ཀྲུང་གོའི་གུང་ཁྲན་ཏང་དང་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགོ་ཁྲིད་པ་གལ་ཆེན་ནང་གི་གཅིག་ཡིན། ཡུན་རིང་ཉམས་ཚོད་བླངས་པའི་གུང་ཁྲན་རིང་ལུགས་ཀྱི་འཐབ་མོ་བ་དང་། འབྱོར་མེད་གྲལ་རིམ་གྱི་གསར་བརྗེ་པ་ཡིན། སྤྱི་ལོ1976ལོའི་ཟླ4བར་ཀྲུང་གུང་ཀྲུང་དབྱང་གི་ཀྲུའུ་ཞི་གཞོན་པ་དང་པོ་དང་། རྒྱལ་སྲིད་སྤྱི་ཁྱབ་ཁང་གི་ཙུང་ལིས་འགན་ཁུར་ཞིང་ཕྱིས་སུ་ཀྲུང་གུང་ཀྲུང་དབྱང་གི་ཀྲུའུ་ཞི་དང་། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞིའི་འགན་ཁུར།
ཐང་རྒྱལ་རབས།
ཐང་རྒྱལ་རབས་བཙུགས་རྗེས་ཁག་གསུམ་སྡེ་དྲུག་དང་བོགས་གླ་བསྡུ་གསུམ་གྱི་ལམ་ལུགས་མུ་མཐུད་དུ་ལག་བསྟར་བྱས། ཐང་ཐའེ་ཙུང་གི་སྐབས་སུ་སྤྱི་ཚོགས་བརྟན་འཇགས་དང་དཔལ་འབྱོར་གོང་དུ་འཕེལ་བར། རྒྱལ་ཁབ་ཀྱི་སྟོབས་ཤུགས་ཤིན་ཏུ་རྒྱས་པའི་ཀྲིན་ཀོན་ཁྲི་ལོའི་སྲིད་སྐྱོང་ཟེར་བ་བྱུང་། དེའི་རྗེས་སུ་སྲིད་འགྱུར་ཅུང་ཆེ་སྟེ། བཙུན་མོ་ཝུའུ་ཙི་ཐེན་རྒྱལ་པོར་བསྡད་ནས་རྒྱལ་མིང་ཀྲོའུ་རུ་བསྒྱུར་བ་སོགས་བྱུང་།
ཀྲུང་དབྱང་དབང་ཆ་གཅིག་སྡུད་ལམ་ལུགས།
ཧན་ཝུའུ་ཏིས་ཐུགས་རྗེ་གཞན་སྤེལ་གྱི་བཀའ་ཁྱབ་བསྒྲགས་བྱས་པ་དེ་ནི་རྒྱལ་ཕྲན་རྒྱལ་པོ་རྣམས་ཀྱིས་རང་ཉིད་ཀྱི་བུ་རྒྱུད་རྣམས་ལ་ས་ཁོངས་དང་ས་ཞིང་གི་སྐལ་བགོས་ཏེ་རྒྱལ་ཕྲན་རྒྱལ་ཕྲན་གསར་བ་བཙུགས་པ་དེ་རེད། དེ་ཕྱི་ཚུལ་དུ་རྒྱལ་ཕྲན་སོ་སོར་གཟིགས་བཟོས་གནང་པ་ཞིག་ཏུ་མཐོང་རུང་། དོན་དུ་རྒྱལ་ཕྲན་སོ་སོའི་སྟོབས་ཤུགས་མཉམ་རྒུད་དུ་བཏང་ནས་ཀྲུང་དབྱང་གི་དབང་ཆ་གཅིག་སྡུད་དུ་གཏོང་ཐབས་ཤིག་རེད།
ཀྲོའུ་ནུབ་མ།
སྤྱི་ལོ་སྔོན་གྱི་དུས་རབས11པའི་དུས་དཀྱིལ་དུ་ཀྲོའུ་ཝུའུ་ཝང་གིས་དམག་དཔུང་གི་སྣེ་ཁྲིད་དེ་གདུག་རྩུབ་ཅན་གྱི་རྒྱལ་པོ་ཀྲོའུ་ལ་ངོ་རྒོལ་གྱི་གཡུལ་འགྱེད་པར་ཆས། ཧྲང་ཀྲོའུ་རྒྱལ་པོས་གནས་སྐབས་སུ་དམག་དཔུང་ཞིག་བསྡུས་ཏེ་བཀག་འགོག་བྱས་པར། དམག་མི་དེ་དག་གིས་མདུང་ཁ་ཕྱིར་གཏད་ཅིང་། ཀྲོའུ་དམག་ལ་རོགས་རམ་གྱིས་ཧྲང་གི་རྒྱལ་ས་བླངས་ཤིང་ཀྲོའུ་རྒྱལ་རབས་བཙུགས་པ་རེད། ལོ་རྒྱུས་སུ་དེར་ཀྲོའུ་ནུབ་མ་ཟེར།
ཁྲུན་ཆིའུ་དུས་སྐབས།
རུའུ་ལུགས་པའི་སྲོལ་འབྱེད་མཁན་ཁུང་ཙིས་ཚེ་སྨད་དུ་བསྟན་བཅོས་ལྔ་རྩོམ་སྒྲིག་བྱས་པར་གྲགས་པའི་ཁྲོད་ཀྱི《ཁྲུན་ཆིའུ་དེབ་ཐེར》རུ་ཁོའི་ཆབ་སྲིད་ལྟ་བ་དང་སྤྱི་ཚོགས་ལ་བཅངས་པའི་ཕུགས་བསམ་བཏོན་ཡོད་ལ། རྗེས་རབས་པས་དེབ་ཐེར་དེ་རུ་བཀོད་པའི་ལོ་རྒྱུས་དུ་སྐབས་དེ་ལའང་ཁྲུན་ཆིའུ་དུས་སྐབས་ཞེས་བཏགས་པ་རེད།
ཁྲུན་ཆིའུ་དུས་སྐབས།
རུའུ་ལུགས་པའི་སྲོལ་འབྱེད་མཁན་ཁུང་ཙིས་ཚེ་སྨད་དུ་བསྟན་བཅོས་ལྔ་རྩོམ་སྒྲིག་བྱས་པར་གྲགས་པའི་ཁྲོད་ཀྱི《ཁྲུན་ཆིའུ་དེབ་ཐེར》རུ་ཁོའི་ཆབ་སྲིད་ལྟ་བ་དང་སྤྱི་ཚོགས་ལ་བཅངས་པའི་ཕུགས་བསམ་བཏོན་ཡོད་ལ། རྗེས་རབས་པས་དེབ་ཐེར་དེ་རུ་བཀོད་པའི་ལོ་རྒྱུས་དུ་སྐབས་དེ་ལའང་ཁྲུན་ཆིའུ་དུས་སྐབས་ཞེས་བཏགས་པ་རེད།
གནའ་དཔེ་བསྲེགས་ནས་རུའུ་ལུགས་དགག་པ།
དེ་ནི་ཆིན་ཧྲི་ཧོང་གིས་རྒྱལ་ཕྲན་དྲུག་པོ་གཅིག་གྱུར་བྱས་རྗེས་བསམ་བློའི་རིག་གནས་དབང་དུ་བསྡུ་ཆེད་སྤེལ་བའི་བྱ་ཐབས་ཤིག དེ་ལས་རུའུ་ལུགས་ཀྱི་བསྟན་བཅོས་མང་པོ་མེར་བསྲེགས་པ་དང་དེའི་རྗེས་འབྲངས་པ་སོགས་ས་འོག་ཏུ་གསོན་སྦས་བྱས་པ་རེད།
གོ་གནས་གཞན་སྤྲོད་ལམ་ལུགས།
གོ་གནས་གཞན་སྤྲོད་ལམ་ལུགས་ནི་ཀྲུང་གོའི་གནའ་དུས་སུ་ཚོ་བའི་འགོ་བ་དེ་ཚོ་མི་ཡོངས་ཀྱིས་དམངས་གཙོས་བདམས་པའི་ལམ་ལུགས་ཤིག་སྟེ། ཚོ་བའི་མནའ་འབྲེལ་ལ་མནའ་འབྲེལ་གྲོས་འདུ་བཙུགས་ཡོད་པ་དང་། གྲོས་མི་ནི་རུས་རྒྱུད་ཚོ་བའི་འགོ་བ་རེད།
དར་ཚོ་བརྒྱད་ཀྱི་ལམ་ལུགས།
དར་ཚོ་བརྒྱད་ཀྱི་ལམ་ལུགས་ནི་ཆིང་རྒྱལ་རབས་ཀྱི་དམག་དོན་ལམ་ལུགས་དང་སྤྱི་ཚོགས་ལམ་ལུགས་ཀྱི་གཞི་རྩ་སྟེ། དར་ཚོ་བརྒྱད་ནི་ཆི་སེར་པོ་དང་དཀར་པོ། དམར་པོ། སྔོན་པོ་བཅས་རེད། དེའི་རྗེས་སུ་གོང་གི་ཁ་དོག་བཞི་བོའི་སྟེང་ཤན་བཏང་བས་དར་ཚོ་བརྒྱད་ཅེས་ཟེར། ནུའུ་ཨེར་ཧ་ཁྲིས་ཐོག་མར་བཙུགས།
པའོ་ཀྲེང་།
པའོ་ཀྲེང་ནི་སུང་བྱང་མའི་ཆབ་སྲིད་པ་ཞིག་སྟེ། མིང་ལ་ཁྲིན་ཟེར་ཞིང་ལུའུ་ཀྲོའུ་ཧོ་ཧྥའེ(ད་ལྟའི་ཨན་ཧེའུ་ཞིང་ཆེན་ལ་གཏོགས)ས་ཆའི་མི་རེད། སྤྱི་ལོ1027ལོར་འདེམས་བླངས་ལ་རྒྱུགས་འཕྲོད། སྔ་རྗེས་སུ་ཐན་ཁྲང་གི་རྫོང་དཔོན་དང་ཏན་ཀྲོའུ་ཡི་ཀྲོའུ་དཔོན་སོགས་ལ་བསྐོས། རྗེས་སུ་ཞིབ་དཔྱོད་བློན་ཆེན་ལ་འཕར།
མགོ་དཀྲིས་དམར་པོའི་འོས་ལངས།
མགོ་དཀྲིས་དམར་པོའི་འོས་ལངས་ནི་ཡོན་རྒྱལ་རབས་ཀྱི་དུས་སྐབས་སུ་བསླངས་པའི་འོས་ལངས་ཆེ་ཤོས་ཤིག་རེད། དེ་ཡང་ཡོན་རྒྱལ་རབས་དུས་མཇུག་ཏུ་ཞིང་པ་འབུམ་གཅིག་དང་ཁྲི་ལྔ་ཙམ་ལ་རྨ་ཆུའི་ཆུ་རྐ་བརྐོ་རུ་བཅུག་པར་མགོ་འཛིན་དཔོན་པོས་ཞིང་པའི་གླ་ཕོགས་ལྐོག་ཟ་བྱས་པས། ཞིང་པས་འོས་ལངས་བྱུང་བ་དང་མཐར་ཀྲུའུ་ཡོན་ཀྲང་གིས་སྣེ་ཁྲིད་པའི་འོས་ལངས་དམག་གིས་ཡོན་རྒྱལ་རབས་བསྣུབས་པ་རེད།
མིང་རྒྱལ་རབས།
མིང་རྒྱལ་རབས་ནི་ཀྲུང་གོའི་ལོ་རྒྱུས་སྟེང་རྒྱ་མི་རིགས་ཀྱིས་བཙུགས་པའི་བཀས་བཀོད་རྒྱུད་འཛིན་གྱི་རྒྱལ་རབས་ཆེས་རྗེས་མ་དེ་རེད། ཀྲུའུ་ཡོན་ཀྲང་ནས་བཟུང་མིང་རྒྱལ་རབས་ཀྱིས་གོང་མའི་སྲིད་དབང་སྒེར་གཅོད་ལམ་ལུགས་ལ་ཤུགས་བསྣན་པས་གོང་མའི་དབང་ཆ་ཤིན་ཏུ་ཆེ། ཧྲི་མུའུ་དུས་འགྱུར་གྱི་རྗེས་ནས་བཟུང་རྒྱལ་ཁབ་ཀྱི་སྟོབས་ཤུགས་ཉམས་རྒུད་དུ་གྱུར་པ་དང་། ཉུག་རུམ་པས་སྲིད་ལ་ཐེ་གཏོགས་བྱས། མིང་རྒྱལ་རབས་ཀྱི་དུས་མཇུག་ཏུ་ནང་ཁུལ་གྱི་འགལ་བ་ཛ་དྲག་ཏུ་གྱུར་ཞིང་། སྤྱི་ལོ1644ལོར་ལི་ཙི་ཁྲེང་གི་སྣེ་ཁྲིད་འོག་ཞིང་པའི་འོས་ལངས་དམག་པེ་ཅིང་ལ་སླེབས་ཏེ་མིང་རྒྱལ་རབས་བསྣུབས།
འཇང་ས་དམ་རྒྱལ་ཁབ།
དུས་རབས་བདུན་པའི་དུས་མགོར་དབྱི་རིགས་དང་པའེ་རིགས་ཀྱི་མེས་པོ་ཚོ་བ་དྲུག་ཡུན་ནན་གྱི་མཚོ་ཨེར་ཧའེ་ཡི་རྒྱུད་དུ་གནས་ཤིང་འཚོ། དེའི་ཁྲོད་ལྷོ་ཕྱོགས་སུ་གནས་པའི་འཇང་ས་དམ་རིམ་བཞིན་སྟོབས་དང་ལྡན་པར་གྱུར་ནས་སྤྱི་ལོ649ལོར་སྲིད་དབང་བཙུགས། དུས་རབས་བརྒྱད་པའི་དུས་མགོར་འཇང་ས་དམ་གྱི་འགོ་བ་ཡི་ཕི་ལུའོ་ཀོ་ཡིས་ཐང་ཞོན་ཙུང་གི་རྒྱབ་སྐྱོར་འོག་ཚོ་བ་དྲུག་པོ་གཅིག་གྱུར་བྱས་པ་རེད།
བཙན་རྒྱལ་རིང་ལུགས་གྱིས་ཀྲུང་གོར་བཙན་འཛུལ་བྱེད་པ།
ལྕགས་ཕག་ལོའི་གསར་བརྗེ་ལངས་རྗེས། བཙན་རྒྱལ་རིང་ལུགས་བཙན་དབང་རྒྱལ་ཁབ་སྟེ་ལྷག་པར་དུ་ཨུ་རུ་སུ་དང་དབྱིན་ཇི། འཇའ་ཕན་སོགས་རྒྱལ་ཁབ་གྱིས་ཀྲུང་གོའི་སྲིད་དབང་བརྗེ་སྤྲོད་ཀྱི་གོ་སྐབས་དང་བསྟུན་ནས་བཙན་འཛུལ་ལ་ཤུགས་བསྣན་པ་རེད། པེ་དབྱང་དམག་ཤེད་ཅན་སྲིད་གཞུང་གིས་བཙན་དབང་རྒྱལ་ཁབ་ཀྱི་གནོན་ཤུགས་ལ་གཉའ་ཆག་ནས་རྒྱལ་འཚོང་སྲིད་ཇུས་ལག་བསྟར་བྱས་པས། ཀྲུང་གོའི་ཕྱི་འབྲེལ་ལ་བསྟུད་མར་ཕམ་ཁ་འཁེལ་ཏེ་མངའ་ཁོངས་དང་བདག་དབང་མང་པོ་ཤོར།
མནའ་མཐུན་ཚོགས་པ་བཙུགས་པ།
མནའ་མཐུན་ཚོགས་པ་ནི་རྒྱལ་ཡོངས་རང་བཞིན་དང་གཅིག་གྱུར་གྱི་འབྱོར་ལྡན་གྲལ་རིམ་གྱི་གསར་བརྗེའི་སྲིད་ཏང་དང་པོ་ཡིན་ཞིང་། དེ་བཙུགས་པ་དེས་ཀྲུང་གོའི་འབྱོར་ལྡན་གྲལ་རིམ་གྱི་དམངས་གཙོ་གསར་བརྗེ་དེ་དུས་རིམ་གསར་བ་ཞིག་ཏུ་སླེབས་པ་མཚོན།
ཝུའུ་ཁྲང་འོས་ལངས་དང་ཧུའུ་པེ་དམག་དོན་སྲིད་གཞུང་བཙུགས།
ཝུའུ་ཁྲང་འོས་ལངས་ཀྱི་སྐབས་སུ། སུན་ཀྲུང་ཧྲན་རྒྱང་རིང་གི་ཡུལ་གྲུ་ཨ་མེ་རི་ཁ་ན་ཡོད་པ་དང་། ཧོང་ཞིན་ཞང་ཀང་དུ་ཡོད་ལ། སུན་ཅའོ་རེན་ཧྲང་ཧའེ་རུ་ཡོད། རྩོམ་རིག་ཚོགས་པ་དང་སྤྱི་ཚོགས་དངོས་སྐྱོད་ཚོགས་པའི་མགོ་ཁྲིད་པ་ལ་ལ་གཤེགས་པ་དང་། ལ་ལར་རྨས་ཕོག་པ། ལ་ལ་བྲོས་བྱོལ་བྱས་པའི་དབང་གིས་དམག་དོན་སྲིད་གཞུང་གི་མགོ་གཙོ་ལི་ཡོན་ཧུང་སྤྱི་ཁྱབ་དམག་སྲིད་དཔོན་པོར་བསྐོས།
| ཀྲུང་གོའི་ལོ་རྒྱུས། བརྡ་འགྲེལ 785 ཡོད། |