ཐེངས་གཉིས་པའི་ཉལ་ཐའི་དམག་འཁྲུག
ཐེངས་གཉིས་པའི་ཉལ་ཐ་དམག་འཁྲུག་ནི་དབྱིན་ཇི་དང་ཧྥ་རན་སེ་གཉིས་ཨུ་རུ་སུ་དང་ཨ་རི་གཉིས་ཀྱིས་རྒྱབ་སྐྱོར་ལས་ཀྲུང་གོ་བཙན་འཛུལ་བྱས་པའི་དམག་འཁྲུག་ཡིན། དབྱིན་ཇི་དང་ཧྥ་རན་སེ་གཉིས་ཀྱིས་ཐེ་ཕིང་ཐེན་གོ་ལས་འགུལ་སྐབས་དང་བསྟུན་ཏེ། ཡ་ལོ་རྟགས་དོན་རྐྱེན་དང་མ་ཧྲིན་ཧྥོ་དོན་རྐྱེན་ལ་ཁ་གཡར་ཏེ། མཉམ་འབྲེལ་བྱས་ནས་ཆིང་སྲིད་གཞུང་ལ་རྒོལ་བའི་འཐབ་འཁྲུག་ཅིག
ཐེངས་དང་པོའི་ཉལ་ཐའི་དམག་འཁྲུག
ཐེངས་དང་པོའི་ཉལ་ཐའི་དམག་འཁྲུག་ལ་དབྱིན་ཇིས་ཐེངས་དང་པོའི་ཀྲུང་དབྱིན་འཐབ་འཁྲུག་ཟེར་ལ། ཡང་ན་ཚོང་འགྲུལ་འཐབ་འཛིང་ཡང་ཟེར། དེ་ནི་ཀྲུང་གོའི་ཉེ་རབས་ལོ་རྒྱུས་ཀྱི་འགོ་བརྗོད་ལྟ་བུ་ཡིན།
བསྒྱུར་བཀོད་ཆེན་པོ་གསུམ།
ཞིང་ལས་དང་ལག་ཤེས། བཟོ་ཚོང་ལས་རིགས་ལ་སྤྱི་ཚོགས་རིང་ལུགས་ཀྱི་བསྒྱུར་བཀོད་བྱས་ཏེ། ཀྲུང་གོ་རྒྱལ་ཡོངས་འཆར་འགོད་དཔལ་འབྱོར་གྱི་ལམ་ལུགས་ལ་འཁྲིད་པའི་ལས་འགུལ་ཞིག
ཝུའུ་ཁྲང་འོས་ལངས།
ཝུའུ་ཁྲང་འོས་ལངས་ནི1911ལོའི་ཟླ10ཚེས10ཉིན（ལྕགས་ཕག་ལོའི་ཟླ་བརྒྱད་པའི་ཚེས་བཅུ་དགུ་ཉིན）ཧུའུ་པེ་ཝུའུ་ཁྲང་ནས་ཆིང་རྒྱལ་རབས་ཀྱི་དབང་བསྒྱུར་རྩད་སློག་བྱེད་པའི་དམག་འགྱུར་ཞིག་ཡིན། ལྕགས་ཕག་ལོའི་གསར་བརྗེ་ཀྱི་འགོ་མའང་ཡིན།
ལྕགས་ཕག་ལོའི་གསར་བརྗེ།
ལྕགས་ཕག་ལོའི་གསར་བརྗེ་ནི1911ལོ（ཆིང་ཞོན་ཐུང་ལོ་གསུམ་པ）ཀྲུང་གོའི་འབྱོར་ལྡན་གྲལ་རིམ་གྱི་དམངས་གཙོའི་གསར་བརྗེ་ཧོབ་ལངས་བྱུང་། དེ་ནི་ཆིང་རྒྱལ་རབས་རིམ་བཞིན་རུལ་སུངས་དང་། བཙན་རྒྱལ་གྱིས་བཙན་འཛུལ་ཇེ་དྲག་ཏུ་ཕྱིན་པ་དང་བསྟུན། ཀྲུང་གོའི་འབྱོར་ལྡན་གྲལ་རིམ་གྱི་གསར་དར་རྨང་གཞི་བྱུང་ལ། དེའི་དམིགས་ཡུལ་ནི་ཆིང་སྲིད་གཞུང་གི་སྒེར་གཅོད་དབང་བསྒྱུར་རྩ་སློག་བྱེད་པ་དེ་ཡིན། མི་རིགས་ཉེན་ཁ་ལས་སྐྱོབ་པ་དང་། རྒྱལ་ཁབ་རང་བཙན་ལྷུར་ལེན་བྱེད་པ། དམངས་གཙོ་དང་འབྱོར་ཕྱུག་ཡོང་རྒྱུར་དམིགས་པ་ཡིན།
ས་ཞིང་བཅོས་བསྒྱུར་གྱི་ལས་འགུལ།
ས་ཞིང་བཅོས་བསྒྱུར་ནི་ས་ཞིང་ལམ་ལུགས་ཀྱི་བཅོས་བསྒྱུར་ལ་ཟེར། དེ་ལ་ཕྱོགས་སོ་སོའི་ནང་དོན་འདུ་བ་སྟེ། ས་ཞིང་གི་དཔྱ་ཁྲལ་བསྡུ་བའི་ལམ་ལུགས་ཀྱི་བཅོས་བསྒྱུར། ས་ཞིང་ཐོན་དབང་ལམ་ལུགས་ཀྱི་བཅོས་བསྒྱུར། ས་ཞིང་བཀོལ་སྤྱོད་ལམ་ལུགས་ཀྱི་བཅོས་བསྒྱུར་སོགས་ཡོད་པ་རེད།
ཀུན་སྤྱོད་དག་ཐེར་ལས་འགུལ།
ཀྲུང་གོ་གུང་ཁྲན་ཏང་གིས་ཏང་ཡོངས་ལ་སྤེལ་བའི་མར་ཁེ་སི་ལེ་ཉིང་རིང་ལུགས་གྱི་སློབ་གསོ་ལས་འགུལ་ཞིག་ཡིན། དེ་སྔ་སྤྱི་ལོ1942ལོ་དང་སྤྱི་ལོ1950ལོ། སྤྱི་ལོ1957ལོ་སོགས་ཐེངས་གསུམ་ལ་སྤེལ་མྱོང་བ་རེད། དེ་ནང་སྤྱི་ལོ1942ལོའི་ཡན་ཨན་དག་ཐེར་ལས་འགུལ་ལ་སྐད་གྲགས་ཆེ། དེ་བས་དག་ཐེར་ལས་འགུལ་དེ་གཙོ་བོར་ཡན་ཨན་དག་ཐེར་ལས་འགུལ་ལ་གོ
གསུམ་རྒོལ་དང༌ལྔ་རྒོལ་ལས་འགུལ།
གསུམ་རྒོལ་ནི་ལྐོག་ཟ་ལ་ངོ་རྒོལ་དང༌། ཆུད་ཟོས་ལ་ངོ་རྒོལ། དཔོན་ངན་རིང་ལུགས་ལ་ངོ་རྒོལ་བཅས་ལ་ཟེར་ཞིང༌། ལྐོག་རྔན་སྤྲོད་ལེན་ལ་ངོ་རྒོལ་དང༌། ཁྲལ་རིགས་སྐུང་གཡོལ་ལ་ངོ་རྒོལ། རྒྱལ་ཁབ་ཀྱི་རྒྱུ་ནོར་རྐུ་འཁྱེར་ལ་ངོ་རྒོལ། རྒྱུ་ཆ་རྐུ་འཕྲི་སླ་བཅོས་ལ་ངོ་རྒོལ། རྒྱལ་ཁབ་ཀྱི་དཔལ་འབྱོར་རྐུ་འཁྱེར་ལ་ངོ་རྒོལ་བཅས་ལྔ་རྒོལ་གྱི་ལས་འགུལ་ཡིན།
ཧྭ་ཀུའོ་ཧྥེང་།
ཧྭ་ཀུའོ་ཧྥེང། ཐོག་མའི་མཚན་ལ་སུའུ་ཐའོ་ཟེར། ཧྲན་ཞི་ཞིང་ཆེན་ཅའོ་ཁྲུང་རྫོང་གི་མི་ཡིན། ཀྲུང་གོའི་གུང་ཁྲན་ཏང་དང་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགོ་ཁྲིད་པ་གལ་ཆེན་ནང་གི་གཅིག་ཡིན། ཡུན་རིང་ཉམས་ཚོད་བླངས་པའི་གུང་ཁྲན་རིང་ལུགས་ཀྱི་འཐབ་མོ་བ་དང་། འབྱོར་མེད་གྲལ་རིམ་གྱི་གསར་བརྗེ་པ་ཡིན། སྤྱི་ལོ1976ལོའི་ཟླ4བར་ཀྲུང་གུང་ཀྲུང་དབྱང་གི་ཀྲུའུ་ཞི་གཞོན་པ་དང་པོ་དང་། རྒྱལ་སྲིད་སྤྱི་ཁྱབ་ཁང་གི་ཙུང་ལིས་འགན་ཁུར་ཞིང་ཕྱིས་སུ་ཀྲུང་གུང་ཀྲུང་དབྱང་གི་ཀྲུའུ་ཞི་དང་། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞིའི་འགན་ཁུར།
སུང་ཕིང་སྡེ་བ་བཅུ་ཡིས་དུད་ཁྲལ་བཀག་པ།
མི་སེར་རྒྱལ་ཁབ་ཁྲི་ལོ8པའི་ཟླ7པར། མའོ་རྫོང་གི་རྫོང་དཔོན་ཁག་དང་ཏེ་ཞི་ཆུས་དཔོན་རྣམས་ལྐོག་འབྲེལ་བྱས་ནས། སུང་ཕིང་སྡེ་བ་བཅུ་ལ་དུད་ཁྲལ་བསྡུ་ལེན་བྱས་ཤིང་། མང་ཚོགས་ཀྱིས་བློར་མ་བབས་པས་དེ་ལ་ངོ་རྒོལ་བྱས་པའི་འཐབ་རྩོད་རབ་དང་རིམ་པ་བྱས་པའོ།།
ཚྭ་ཁང་གཏོར་བ།
ཆིང་རྒྱལ་རབས་སྐབས་སུ་ཆིང་སྲིད་གཞུང་གིས་བཙན་རྒྱལ་རིང་ལུགས་ལ་ངོ་སོ་དང་གོང་མའི་རྒྱས་སྤྲོས་ཀྱི་འཚོ་བའི་ཆེད་དུ། ཚྭ་གོང་ཇེ་ཆེ་དང་ཚྭ་ཁྲལ་ཡང་ཇེ་མཐོར་བཏང་བ་མ་ཟད། ཚྭ་རྒྱུན་པར་བཙོང་རྒྱུ་མེད་པས་འབངས་རྣམས་ཀྱི་ངོ་ལོག་བྱས་པ་རེད།
དམངས་གསུམ་རིང་ལུགས།
སྤྱི་ལོ1905ལོར། སུན་ཀྲུང་ཧྲན་གྱིས་ཧོང་ཞིན་དང་སུང་ཅའོ་རེན་སོགས་དང་ལྷན་དུ་འཇར་ཕན་ཏུང་ཅིན་ནས་ཀྲུང་གོའི་མནའ་མཐུན་ཚོགས་པ་བཙུགས། 《ཀྲུང་གོའི་མནའ་མཐུན་ཚོགས་པའི་སྤྱིའི་སྒྲིག་ཡིག》ཏུ། སུན་ཀྲུང་ཧྲན་གྱིས་མཉྫུ་མཐར་སྐྲོད་དང་། ཀྲུང་ཧྭ་སླར་གསོ། མིན་གོ་གསར་འཛུགས། ས་དབང་ཆ་སྙོམས་བཅས་བྱེད་པའི་མནའ་མཐུན་ཚོགས་པའི་རྩ་འཛིན་བཏོན།
ན་གཞོན་གསར་པ།
དུས་རབས20པའི་ལོ་རབས20པར་ཀྲུང་གོ་ན་ཤུགས་རྐྱེན་ཆེས་ཆེ་བའི་གསར་བརྗེའི་དུས་དེབ་ཅིག་ཡིན་ལ། ཐོག་མའི་དེབ་མིང་ལ《ན་གཞོན་དུས་དེབ》ཟེར་བ་དང་། དེབ་གཉིས་པ་ནས་བཟུང《ན་གཞོན་གསར་པ》ཞེས་པར་བསྒྱུར་ནས་དེས་ལྔ་བཞིའི་ལས་འགུལ་ལ་བྱེད་ནུས་གལ་ཆེན་ཐོན།
བཟོ་ཞིང་གི་དྲག་པོའི་འོས་ལངས།
སྤྱི་ལོ1927ལོའི་ཟླ8པའི་ཚེས1ཉིན། ཀྲོའུ་ཨེན་ལའེ་དང་ཧོ་ལུང་། ཡེ་ཐིང་། ཀྲུའུ་ཏེ། ལིའུ་པོ་ཁྲེང་སོགས་ཀྱིས་གསར་བརྗེའི་དམག་དཔུང་ལ་སྣེ་ཁྲིད་དེ་ནན་ཁྲང་ནས་འོས་ལངས་བྱས་པ་ལ་ཟེར།
ཞི་ཨན་དུས་འགྱུར།
སྤྱི་ལོ1936ལོའི་ཟླ12པར། ཅང་ཅེ་ཧྲི་ཞི་ཨན་དུ་སླེབས་ཏེ། ཀྲང་ཞུའེ་ལིའང་དང་དབྱང་ཧུའུ་ཁྲེང་ལ་བཙན་ཤེད་ཀྱིས་གུང་བཅོམ་འཆར་གཞི་ལག་བསྟར་བྱེད་དུ་བཅུག ཀྲང་དང་དབྱང་གཉིས་ཀྱིས་ཐེངས་མང་པོར་ཅང་ཅེ་ཧྲི་ལ་ནང་འཁྲུག་མཚམས་བཞག་སྟེ་གུང་འབྲེལ་འཇར་འགོག་བྱེད་རྒྱུར་ཁ་ཏ་བསླབ་བྱ་བྱས་མོད། ཡིན་ནའང་ཅང་ཅེ་ཧྲིས་ལུགས་མེད་དུ་གཤེ་གཤེ་བཏང་། ཚེས12ཉིན་ཁོང་གཉིས་ཀྱིས་ཅང་ཅེ་ཧྲི་བཙན་ཉར་བྱས་ཏེ། དྲག་པོའི་གསལ་འདེབས་སྤེལ་ནས་ཅང་ཅེ་ཧྲིར་བཙན་ཤེད་ཀྱིས་འཇར་འགོག་བྱེད་དུ་བཅུག དེ་ནི་རྒྱལ་ཁབ་ཕྱི་ནང་ཀུན་ཏུ་ཧ་ལས་པའི་ཞི་ཨན་དུས་འགྱུར་ཡིན་ལ། ཟླ་བཅུ་གཉིས་པའི་ཚེས་བཅུ་གཉིས་ཀྱི་དུས་འགྱུར་ཡང་ཟེར།
ནན་ཁྲང་འོས་ལངས།
སྤྱི་ལོ1927ལོའི་ཟླ7པའི་ཚེས1ཉིན། ཀྲོའུ་ཨེན་ལའེ་དང་ཧོ་ལུང་སོགས་ཀྱིས་གསར་བརྗེའི་དམག་དཔུང་གི་སྣེ་ཁྲིད་དེ་ནན་ཁྲང་དུ་འོས་ལངས་བྱས་པ་ལ་ཟེར།
ཞི་བདེ་མཉམ་གནས་ཀྱི་རྩ་དོན་ལྔ།
ཞི་བདེ་མཉམ་གནས་ཀྱི་རྩ་དོན་ལྔ་ནི་སྤྱི་ལོ1953ལོའི་ཟླ12པར། ཀྲུང་གོ་སྲིད་གཞུང་དང་རྒྱ་གར་སྲིད་གཞུང་གཉིས་ཀྱིས་བོད་ལྗོངས་ས་གནས་བར་གྱི་འབྲེལ་བའི་གནད་དོན་ཐད་གྲོས་མོལ་བྱས་ཏེ། ཙུང་ལི་ཀྲོའུ་ཨེན་ལའེ་ཡིས་རྒྱ་གར་གྱི་འཐུས་མི་ཚོགས་པར་མཇལ་འཕྲད་གནང་སྐབས་ཐེངས་དང་པོར་ཞི་བདེ་མཉམ་གནས་ཀྱི་རྩ་དོན་ལྔ་སྟེ། “ཕན་ཚུན་བདག་དབང་དང་འཐུས་ཚང་གི་མངའ་ཁོངས་ལ་བརྩི་འཇོག ཕན་ཚུན་བཙན་གནོད་མི་བྱེད་པ། ཕན་ཚུན་ནང་སྲིད་ལ་ཐེ་གཏོགས་མི་བྱེད་པ། འདྲ་མཉམ་གཉིས་ཕན། ཞི་བདེ་མཉམ་གནས་བྱེད་པ”བཅས་ཀྱི་རྩ་དོན་ལྔ་བཏོན་པ་རེད། སྤྱི་ལོ1954ལོའི་ཟླ6ཚེས28ཉིན་དང་ཚེས29ཉིན་ཀྲོའུ་ཨེན་ལའེ་ཡིས་རྒྱ་གར་དང་འབར་མར་འཚམས་འདྲི་གནང་སྐབས། རྒྱ་གར་གྱི་ཙུང་ལི་ཉི་ཧོ་ལུའུ་དང་འབར་མའི་ཙུང་ལི་ཝུའུ་ནུའུ་དང་ལྷན་དུ《མཉམ་འབྲེལ་གསལ་བསྒྲགས》སྤེལ་ནས་ཞི་བདེ་མཉམ་གནས་ཀྱི་རྩ་དོན་ལྔ་གསལ་བསྒྲགས་བྱས། རྩ་དོན་ལྔ་པོ་འདི་ནི་རྒྱལ་ཁབ་སོ་སོའི་བར་རྒྱུན་ལྡན་གྱི་འབྲེལ་བ་འཛུགས་པའམ་འབྲེལ་འདྲིས་མཉམ་ལས་བྱེད་སྐབས་བརྩི་སྲུང་བྱ་འོས་པའི་གཞི་རྩའི་རྩ་དོན་ཡིན་ཞིང་། ཀྲུང་གོ རྒྱ་གར། འབར་མ་བཅས་ཀྱི་སྲིད་གཞུང་གིས་ཐུན་མོང་ཐོག་དར་སྤེལ་གཏོང་གི་ཡོད། ཞི་བདེ་མཉམ་གནས་ཀྱི་རྩ་དོན་ལྔ་ནི་ཀྲུང་གོས་རང་བཙན་རང་བདག་གིས་ཞི་བདེའི་ཕྱི་འབྲེལ་སྲིད་ཇུས་ལག་བསྟར་བྱེད་པའི་རྨང་གཞི་དང་མཚོན་ཚུལ་འཐུས་ཚང་ཞིག་ཡིན་ཞིང་། འཛམ་གླིང་ཐོག་རྒྱལ་ཁབ་མང་ཆེ་བས་དང་ལེན་བྱས་ནས། རྒྱལ་སྤྱིའི་འབྲེལ་བ་ཚད་ལྡན་དུ་གཏོང་བའི་ཚད་གཞི་གལ་ཆེན་ཞིག་ཏུ་གྱུར་ཡོད།
ནན་ཅིན་ཆིངས་ཡིག
ནན་ཅིན་ཆིངས་ཡིག་ནི་ཉེ་རབས་ཀྲུང་གོའི་ལོ་རྒྱུས་སྟེང་འདྲ་མཉམ་མིན་པའི་ཆིངས་ཡིག་ཨང་དང་པོ་ཡིན།
ཐེན་ཅིན་ཆིངས་ཡིག
ཐེན་ཅིན་ཆིངས་ཡིག་ནི་དབྱིན་ཇི་དང་ཧྥ་རན་སེ། ཨ་མེ་རི་ཁ། ཨུ་རུ་སུ་བཅས་རྒྱལ་བཞི་ཡིས་བཙན་གྱིས་ཀྲུང་གོར་བཞག་པའི་ཆིངས་ཡིག་ཅིག་ཡིན་ལ། འདི་ནི་བཙན་རྒྱལ་པས་ཀྲུང་གོའི་ཆིང་སྲིད་གཞུང་ལ་བཞག་པའི་འདྲ་མཉམ་མིན་པའི་ཆིངས་ཡིག་གཉིས་པ་ཡིན།
པེ་ཅིན་ཆིངས་ཡིག
པེ་ཅིན་ཆིངས་ཡིག་ནི་དབྱིན་ཧྥ་མཉམ་འབྲེལ་དམག་དཔུང་གིས་ཆིང་སྲིད་གཞུང་ལ་བཙན་ཤེད་ཀྱིས་བཞག་པའི་འདྲ་མཉམ་མིན་པའི་ཆིངས་ཡིག་ཅིག་ཡིན།
ཞི་བདེ་རྣམ་རྒྱལ་གྱི་ས་ཞིང་ལམ་ལུགས།
ཞི་བདེ་རྣམ་རྒྱལ་གྱི་ས་ཞིང་ལམ་ལུགས་ནི་བཀས་བཀོད་རྒྱུད་འཛིན་གྱི་ཞིང་བདག་གྲལ་རིམ་གྱི་ས་ཞིང་ལམ་ལུགས་མེད་པར་བཟོས་ཏེ་ཞིང་བར་ས་ཞིང་ཐོབ་འདོད་ཀྱི་རེ་འདུན་སྐོང་བའི་ས་ཞིང་ལམ་ལུགས་ཤིག་ཡིན།
མ་ཀོན་ཆིངས་ཡིག
མ་ཀོན་ཆིངས་ཡིག་ནི་སྤྱི་ལོ1895ལོར་ཀྲུང་གོའི་ཆིང་སྲིད་གཞུང་དང་འཇའ་ཕན་གཉིས་ཀྱི་བར་ལ་བཞག་པའི་འདྲ་མཉམ་མ་ཡིན་པའི་ཆིངས་ཡིག་ཅིག་ཡིན།
ཕིང་རང་གཡུལ་འགྱེད།
ཕིང་རང་གཡུལ་འགྱེད་ནི་ལི་ཧུང་ཀྲང་གིས་སྣེ་ཁྲིད་པའི་ཤིང་རྟ་ལོའི་ཀྲུང་འཇའ་དམག་འཁྲུག་གི་སྐབས་སུ་གཡུལ་འགྱེད་ཆེན་པོ་བཞི་བྱས་པའི་ནང་གི་དང་པོ་དེ་ཡིན།
རྒྱ་མཚོ་སེར་པོའི་གཡུལ་འགྱེད།
རྒྱ་མཚོ་སེར་པོའི་གཡུལ་འགྱེད་ནི་ལི་ཧུང་ཀྲང་གིས་སྣེ་ཁྲིད་པའི་ཤིང་རྟ་ལོའི་ཀྲུང་འཇའ་དམག་འཁྲུག་གི་སྐབས་སུ་གཡུལ་འགྱེད་ཆེན་པོ་བཞི་བྱས་པའི་ནང་གི་གཉིས་པ་དེ་ཡིན།
ལིའོ་ཏུང་གཡུལ་འགྱེད།
ལིའོ་ཏུང་གཡུལ་འགྱེད་ནི་ལི་ཧུང་ཀྲང་གིས་སྣེ་ཁྲིད་པའི་ཤིང་རྟ་ལོའི་ཀྲུང་འཇའ་དམག་འཁྲུག་གི་སྐབས་སུ་གཡུལ་འགྱེད་ཆེན་པོ་བཞི་བྱས་པའི་ནང་གི་གསུམ་པ་དེ་ཡིན།
ཝེ་ཧའེ་གཡུལ་འགྱེད།
ཝེ་ཧའེ་གཡུལ་འགྱེད་ནི་ལི་ཧུང་ཀྲང་གིས་སྣེ་ཁྲིད་པའི་ཤིང་རྟ་ལོའི་ཀྲུང་འཇའ་དམག་འཁྲུག་གི་སྐབས་སུ་གཡུལ་འགྱེད་ཆེན་པོ་བཞི་བྱས་པའི་ནང་གི་བཞི་པ་དེ་ཡིན།
དམར་དམག་རྒྱང་སྐྱོད།
མའོ་ཙེ་ཏུང་གིས་ཀྲུང་དབྱང་གི་དམར་དམག་ལ་བཀོད་འདོམས་བྱས་ཏེ། སྤྱི་ལོ1934ལོའི་ཟླ10པ་ནས་སྤྱི་ལོ1936ལོའི་ཟླ10པའི་བར་སྤྱི་ལེ་ཉིས་ཁྲི་ལྔ་སྟོང་ལྷག་བརྒལ་ནས་རྒྱང་སྐྱོད་ལ་རྒྱལ་ཁ་བླངས།
བཅིངས་འགྲོལ་དམག་འཁྲུག
བཅིངས་འགྲོལ་དམག་འཁྲུག་ནི་སྤྱི་ལོ1945ལོའི་ཟླ8པ་ནས་སྤྱི་ལོ1949ལོའི་ཟླ9པའི་བར་ཀྲུང་གོ་མི་དམངས་བཅིངས་འགྲོལ་དམག་གིས་ཀྲུང་གོ་གུང་ཁྲན་ཏང་གི་མགོ་ཁྲིད་འོག་གོ་མིན་ཏང་གི་དབང་སྒྱུར་མགོ་སྟེང་སློག་པ་དང་རྒྱལ་ཡོངས་བཅིངས་འགྲོལ་བྱེད་པའི་དམག་འཁྲུག་ཅིག་ཡིན།
ནང་འཁྲུག
འཇའ་འགོག་དམག་འཁྲུག་མཇུག་རྫོགས་རྗེས་སུ་ཅང་ཅེ་ཧྲི་ཡིས་གུང་ཁྲན་ཏང་ལ་ཞི་བདེ་ཡིན་ཁུལ་གྱིས་ནང་འཁྲུག་བསླང་བའི་གོ་གུང་བར་གྱི་དམག་འཁྲུག་དེ་ལ་ཟེར།
གཡུལ་འགྱེད་ཆེན་པོ་གསུམ།
གཡུལ་འགྱེད་ཆེན་པོ་གསུམ་ནི་སྤྱི་ལོ1948ལོའི་ཟླ9པ་ནས་སྤྱི་ལོ1949ལོའི་ཟླ1པོའི་བར། ཀྲུང་གོ་མི་དམངས་བཅིངས་འགྲོལ་དམག་དང་ཀྲུང་ཧྭ་མིན་གོའི་དམག་གིས་འཐབ་འཁྲུག་བྱས་པའི་ལིའོ་ཧྲེང་གཡུལ་འགྱེད་དང་། ཧུའེ་ཧའེ་གཡུལ་འགྱེད། ཕིང་ཅིན་གཡུལ་འགྱེད་བཅས་གཡུལ་འགྱེད་ཆེན་པོ་གསུམ་ལ་ཟེར།
| ཀྲུང་གོའི་དེང་རབས་ལོ་རྒྱུས། བརྡ་འགྲེལ 462 ཡོད། |