བསྒྱུར་བཀོད་ཆེན་པོ་གསུམ།
ཞིང་ལས་དང་ལག་ཤེས། བཟོ་ཚོང་ལས་རིགས་ལ་སྤྱི་ཚོགས་རིང་ལུགས་ཀྱི་བསྒྱུར་བཀོད་བྱས་ཏེ། ཀྲུང་གོ་རྒྱལ་ཡོངས་འཆར་འགོད་དཔལ་འབྱོར་གྱི་ལམ་ལུགས་ལ་འཁྲིད་པ་ཞིག་སྟེ། ཞིང་ལས་ཀྱི་སྤྱི་ཚོགས་རིང་ལུགས་བསྒྱུར་བཀོད་དམ་ཞིང་ལས་མཉམ་ལས་ཅན་གྱི་ལས་འགུལ་དེས་རྒྱལ་ཡོངས་ཀྱི་ཞིང་པ་ཁྱིམ་དུད་བརྒྱ་ཆའི96.3མཉམ་ལས་ཁང་དུ་བཅུག་པ་དང༌། ལག་ཤེས་ལས་རིགས་ཀྱི་སྤྱི་ཚོགས་རིང་ལུགས་བསྒྱུར་བཀོད་ཀྱིས་ཀྲུང་གོ་རྒྱལ་ཡོངས་ཀྱི་ལག་ཤེས་ལས་རིགས་གཉེར་མཁན་བརྒྱ་ཆའི90ཡན་མཉམ་ལས་ཁང་དུ་བཙུད། མ་རྩ་རིང་ལུགས་བཟོ་ཚོང་ལས་རིགས་ཀྱི་སྤྱི་ཚོགས་རིང་ལུགས་བསྒྱུར་བཀོད་ཁྲོད། ཞི་བའི་བླུ་ཉོ་ཡི་བྱེད་ཐབས་སྤྱད་དེ། བཤུ་གཞོག་བྱེད་མཁན་རྣམས་རང་སྟོབས་རང་སྤེལ་གྱི་ངལ་རྩོལ་བར་བསྒྱུར་བ་ཞིག་ཡིན། སྤྱི་ལོ1956ལོར་བསྒྱུར་བཀོད་ཆེན་པོ་གསུམ་མཇུག་བསྒྲིལ་བ་དང༌། སྤྱི་ལ་དབང་བའི་ལམ་ལུགས་ཀྱི་དཔལ་འབྱོར་ཐོན་འབོར་དེ་བཟོ་ལས་སྤྱིའི་ཐོན་འབབ་ཀྱི་བརྒྱ་ཆའི90ཡན་ཟིན་ཡོད་པ་དང༌། གུང་ཁྲན་རིང་ལུགས་ཀྱི་དཔལ་འབྱོར་མཚོན་རྟགས་སུ་བགྲང་བའི་འཆར་འགོད་དཔལ་འབྱོར་དངོས་སུ་གྲུབ་པས། རྒྱལ་ཁབ་ཀྱི་དཔལ་འབྱོར་ཡོངས་རྫོགས་སྲིད་གཞུང་གི་དོ་དམ་འོག་ཏུ་བཅུག་པ་དང༌། ཐ་ན་ཚོང་ཟོག་གི་ཐོན་ཚད་ཀྱང་གཞུང་གི་འཆར་འགོད་ནང་དུ་བཅད། སྒེར་གྱི་རྒྱུ་ནོར་སོ་སོར་བདག་དབང་མེད་པ་དང༌། ཐོན་སྐྱེད་རྒྱུ་ཆ་ཡོངས་རྫོགས་སྤྱི་བར་བདག་གི་ཡོད།
བརྡ་འགྲེལ་གདོང་འཛར།
