དྲ་རྒྱའི་སྨྱན་སྦྱོར།
དྲ་རྒྱའི་སྨྱན་སྦྱོར་ནི་སྲོལ་རྒྱུན་གྱི་སྒྲ་ཟློས་དང་བརྙན་ཟློས་སྒྲིག་འགོད་བཀོལ་སྤྱོད་ཀྱི་བྱ་ཐབས་དང་མི་འདྲ་བ་ཞིག་མིན་པར། IT སྒྲིག་ཆས་གསར་སྤེལ་ཚོང་བ་དག་གིས་འདོན་སྤྲོད་བྱས་པའི་ལག་རྩལ་དང་སྒྲིག་ཆས་སྤྱད་ནས་བརྒྱུད་གཏོང་བྱེད་ཀྱི་ཡོད་ལ། དེས་གསོག་འཇོག་དང་སྒྲ་ཟློས། བརྙན་ཟློས་ཀྱི་བརྡ་རྟགས་ཐག་གཅོད་བྱེད་ཀྱི་ཡོད། ཆེས་རྒྱུགས་ཆེ་བའི་སྲོལ་རྒྱུན་གྱི SDI (ཕྲེང་སྦྲེལ་གྲངས) བརྒྱུད་གཏོང་བྱ་ཐབས་ཀྱི་ཆད་སྐྱོན་དངོས་དེ་དྲ་རྒྱའི་བརྗེ་རེས་ཀྱི་ཁྱད་གཤིས་ཡིན། དེའི་ཕྱོགས་ཀྱི་བྱ་བར་ཤུགས་སྣོན་གྱིས་ཧུར་བརྩོན་བྱས་ན། ད་གཟོད SDI བེད་སྤྱོད་བྱས་ཏེ་རིགས་མཚུངས་ཀྱི་ཐའེ་དྲ་དང IP ཡིས་འདོན་སྤྲོད་བྱས་པའི་དྲ་ལམ་གྱི་ནུས་པ་གསར་འཛུགས་བྱས་ཆོག དེ་བས་དྲ་ཐོག་བརྙན་ཟློས་ལས་རིགས་ཁྲོད་ཀྱི་དྲ་རྒྱའི་སྨྱན་སྦྱོར་གྱི་ལག་རྩལ་ནི་དེ་བསྟུན་གྱིས་བྱུང་ཞིང་འཕེལ་བ་ཡིན། གཞི་རྩའི་གནས་ཚུལ།
བརྒྱུད་གཏོང་སྨྱན་ཆས།
བརྒྱུད་གཏོང་སྨྱན་ཆས(Transmission Medium) ལ་བརྒྱུད་གཏོང་ཟམ་ཐིག་དང་ཡང་ན་བརྒྱུད་གཏོང་སྨྱན་དངོས་ཞེས་ཀྱང་བརྗོད་ལ། དེ་ནི་གཞི་གྲངས་བརྒྱུད་གཏོང་མ་ལག་གི་སྐུར་ཆས་དང་བསྡུ་ལེན་འཕྲུལ་ཆས་བར་གྱི་དངོས་ལུགས་ལམ་ཐིག་ཡིན་པ་དང་། དེ་ལ་ཕྱོགས་འདྲེན་བརྒྱུད་གཏོང་སྨྱན་ཆས་དང་ཕྱོགས་འདྲེན་མ་ཡིན་པའི་བརྒྱུད་གཏོང་སྟེ་རིགས་ཆེན་པོ་གཉིས་སུ་དབྱེ་ཡོད། ཕྱོགས་འདྲེན་བརྒྱུད་གཏོང་སྨྱན་ཆས་ཀྱི་ནང་དུ། གློག་རྡུལ་རླབས་རྒྱུན་གྱིས་ཕྱོགས་འདྲེན་དེ་སྲ་གཟུགས་ཀྱི་སྨྱན་ཆས(ཟངས་སྐུད་དང་འོད་སྐུད)བརྒྱུད་ནས་བརྒྱུད་སྒྲོག་བྱེད་ཀྱི་ཡོད་ལ། ཕྱོགས་འདྲེན་བརྒྱུད་གཏོང་སྨྱན་ཆས་ནི་རང་དབང་གི་བར་གསེང་ལ་བརྗོད་ཀྱི་ཡོད་པ་དང་། ཕྱོགས་འདྲེན་བརྒྱུད་གཏོང་མ་ཡིན་པའི་སྨྱན་ཆས་ཀྱི་ཁྲོད་དུ་གློག་རྡུལ་གྱི་བརྒྱུད་གཏོང་ལ་རྒྱུན་པར་སྐུད་མེད་བརྒྱུད་གཏོང་ཀྱང་ཟེར་གྱི་ཡོད།
ཚོར་བའི་སྨྱན་སྦྱོར།
ཚོར་བའི་སྨྱན་སྦྱོར་ནི་ཐད་ཀར་མིའི་ཚོར་བའི་དབང་བོ་བརྒྱུད་ནས་ངོས་འཛིན་བྱེད་ཀྱི་ཡོད་པ་ཞིག་ཡིན་ལ། དེར་མིའི་རིགས་ཀྱི་སྐད་ཆ་དང་ཡི་གེ རོལ་དབྱངས། རང་བྱུང་ཁམས་ཀྱི་སྐད་སྒྲ། འགུལ་མེད་ཀྱི་པར་རིས་དང་གྲིབ་བརྙན། འགུལ་རིས་སོགས་ཀྱི་བརྡ་འཕྲིན་ལ་ཟེར་གྱི་ཡོད།
སྨྱན་ཆས།
སྨྱན་ཆས་ལ་རྒྱ་སྐད་ཀྱིས“媒体”ཞེས་འབོད་པ་དང་། མིང་བརྡ་འདི་ནི་ལཱ་ཏིང་སྐད་ཀྱི“Medius”ཞེས་པ་ལས་བྱུང་བ་ཡིན་ཞིང་། སྨྱན་ཆས་ནི་བརྡ་འཕྲིན་ཁྱབ་སྒྲོག་བྱེད་པའི་ཟམ་ཐིག་ལྟ་བུ་ཡིན་ཏེ། དེ་ནི་མི་རྣམས་ཀྱིས་བརྡ་འཕྲིན་བརྒྱུད་སྤྲོད་དང་བསྡུ་ལེན་བྱེད་པར་ཡོ་ཆས་གང་རུང་དང་། བརྒྱུད་ལམ། སྐྱེལ་བྱེད་དངོས་པོ། མཚམས་སྦྱོར་བྱེད་ཀྱི་དངོས་པོའམ་ཡང་ན་ཐབས་རྩལ་གྱི་བྱེད་ཐབས་བེད་སྤྱོད་པར་ཟེར་བ་ཡིན་ལ། ཡང་ན་སྨྱན་ཆས་ནི་བརྡ་འཕྲིན་དེ་བརྡ་འཕྲིན་སྤྲོད་ཡུལ་ནས་བརྡ་འཕྲིན་འཕྲོད་ཡུལ་ལ་འབྱོར་བར་བྱ་བའི་ཐབས་ལམ་དེ་ཡིན་ཞེས་ཀྱང་བརྗོད་ཆོག སྨྱན་ཆས་ལ་ནང་དོན་གཉིས་ལྡན་ཞིང་། དང་པོ་ནི་བརྡ་འཕྲིན་སྐྱེལ་བྱེད་ཀྱི་དངོས་གཟུགས་ཡིན་པ་དང་། གཉིས་པ་ནི་བརྡ་འཕྲིན་གསོག་ཉར་དང་། གསལ་སྟོན། བཀོད་བསྒྲིག བརྒྱུད་སྤྲོད་བྱེད་པའི་དངོས་གཟུགས་ཡིན།
སྲོལ་རྒྱུན་སྨྱན་ཆས།
སྲོལ་རྒྱུན་སྨྱན་ཆས་ནི་ཉེ་བའི་ལོ་འགའི་ནང་གསར་དུ་བྱུང་བའི་དྲ་རྒྱའི་སྨྱན་ཆས་ལ་བལྟས་ཏེ་བརྗོད་པ་ཞིག་ཡིན་ཞིང་། སྲོལ་རྒྱུན་གྱི་བརྒྱུད་སྒྲོག་བྱེད་ཐབས་ནི་འཕྲུལ་ཆས་རིགས་ཤིག་གིས་དུས་ངེས་གཏན་ནང་སྤྱི་དམངས་ལ་བརྡ་འཕྲིན་ཁྱབ་སྒྲོག་དང་ཡང་ན་སློབ་གསོའི་རོལ་རྩེད་སྟེགས་བུའི་སྨྱན་ཆས་མཁོ་སྤྲོད་བྱེད་པ་ཞིག་ཡིན་པ་དང་། དེ་ལ་དབྱེ་ན། ཚགས་དེབ་དང་། ཁྱིམ་ཕྱིའི་སྨྱན་ཆས། ཡིག་སྐུར། རྒྱང་སྒྲོག བརྙན་འཕྲིན། སྨྱན་ཆས་ལས་གཞན་པའི་དྲ་རྒྱ་སོགས་ནི་སྲོལ་རྒྱུན་གྱིས་གོ་བ་ལེན་ཕྱོགས་ཀྱི་སྨྱན་ཆས་ཡིན།
ཀྲུང་དབྱང་ཕྱོགས་བསྡུས་བརྙན་འཕྲིན་ཁང་།
ཀྲུང་གོའི་ཀྲུང་དབྱང་སྣ་འཛོམས་བརྙན་འཕྲིན་ནི་ཀྲུང་དབྱང་གི་བརྙན་འཕྲིན་ཐོག་མ་དེ་ཡིན་པ་དང་། དེ་ནི་གསར་འགྱུར་གཙོ་བོར་བྱས་པ་ཞིག་ཡིན་ཞིང་། རིག་རྩལ་ཕྱོགས་བསྡུས་དང་། གློག་བརྙན་འཕྲིན། འགུལ་རིས་བཅས་ཀྱི་བརྙན་གཟུགས་ཀྱིས་གཙོ་བོ་བྱས་ཡོད་ལ། གཞན་པའི་བརྙན་གཟུགས་དང་ལེ་ཚན་ཉུང་བསྡུས་སོགས་མཉམ་འདྲེས་ཀྱིས་གྲུབ་པའི་སྣ་འཛོམས་ཀྱི་བརྙན་གཟུགས་རིགས་ཤིག་ཡིན། ཀྲུང་དབྱང་བརྙན་འཕྲིན་ནི་ཀྲུང་གོའི་ནང་ཁུལ་དུ་ཁྱབ་རྒྱ་ཆེས་ཆེ་བ་དང་། ལྟ་མཁན་གྱི་མི་གྲངས་ཆེས་མང་བ། ཤན་ཤུགས་ཐེབས་ཚད་ཆེས་ཆེ་བའི་རྒྱལ་ཁབ་རིམ་པའི་བརྙན་གཟུགས་ཤིག་ཡིན།
ཁམས་པའི་བརྙན་འཕྲིན།
ཁམས་པའི་བརྙན་འཕྲིན་ནི་ལྷ་ས་དང་ཨ་མདོའི་བོད་སྐད་བརྙན་འཕྲིན་གྱི་རྗེས་སུ་བྱུང་བའི་རྒྱལ་ཡོངས་ཀྱི་བོད་སྐད་བརྙན་འཕྲིན་གསུམ་པ་དེ་ཡིན་ཞིང་། འཁོར་སྐར་དང་སྐུད་ལྡན་བརྙན་འཕྲིན། སྐུད་མེད་འཕྲིན་གཏོང་སོགས་ཀྱི་རྣམ་པ་བརྒྱུད་ནས་གཏོང་བ་ཞིག་ཡིན་པ་དང་། དེ་ནི་སི་ཁྲོན་དང་མཚོ་སྔོན། ལྷ་ས། ཀན་སུའུ་སོགས་ནུབ་རྒྱུད་ཀྱི་ཞིང་ཆེན་དུ་ཁྱབ་ཡོད་ལ། དེ་ཉིད་དུས་ཚོད་ཉེར་བཞིའི་རིང་གཏོང་གི་ཡོད།
ཁེ་ལས་བརྡ་ཁྱབ།
ཁེ་ལས་བརྡ་ཁྱབ་ནི་ཐོན་སྐྱེད་རྒྱུ་ཆའི་ནང་དོན་ཅན་གྱི་བརྡ་ཁྱབ་ཡིན་ལ། དེ་ནི་གཙོ་བོ་བཟོ་ལས་ཁེ་ལས་བརྒྱུད་སྒྲོག་དང་འབྲེལ་བ་ཡོད་པའི་མ་བཅོས་རྒྱུ་ཆ་དང་འཕྲུལ་ཆས་རྒྱུ་ཆ། ལྷུ་ལག་སོགས་ཐོན་སྐྱེད་རྒྱུ་ཆའི་བརྡ་འཕྲིན་གྱི་རིགས་ཡིན། སྤྱིར་བཏང་དུ་ཆེད་ལས་ཅན་གྱི་སིལ་དེབ་དང་ཆེད་ལས་ཅན་གྱི་སྨྱན་ཆས་བེད་སྤྱད་དེ་ཆ་འཕྲིན་བརྡ་ཁྱབ་ཁྱབ་སྒྲོག་བྱེད་པ་ཞིག་ཡིན།
གློག་བརྙན་བརྡ་ཁྱབ།
ཨ་རི་དང་ཡོ་རོབ་གླིང་། ཉི་ཧོང་། ལྷོ་ཨ་མེ་རི་ཁ་རྒྱལ་ཁབ་སོགས་སུ་གློག་བརྙན་སྨྱན་སྦྱོར་གྱི་བརྡ་ཁྱབ་སྤྱོད་ཀྱི་ཡོད་ལ། དེ་ནི་བརྙན་འཕྲིན་དང་ཚགས་དེབ་སོགས་གཞན་པའི་བརྡ་ཁྱབ་ཀྱི་རྣམ་པ་ལས་བཀོལ་རྒྱ་ཆེ་བ་ཡིན། གློག་བརྙན་ནི་དུས་རབས་ཉི་ཤུ་བའི་ནང་དུ་ཤུགས་རྐྱེན་ཆེས་ཆེ་བའི་རིག་གནས་སྣ་འཛོམས་སྒྱུ་རྩལ་གྱི་རྣམ་པ་ཞིག་ཡིན་པ་དང་། ཕུན་སུམ་ཚོགས་པའི་སྒྱུ་རྩལ་གྱི་རྣམ་པ་བརྒྱུད་ནས་མིའི་རིགས་སྤྱི་ཚོགས་ཀྱི་འཚོ་བ་དང་ནང་སེམས་ཀྱི་འཇིག་རྟེན་མཚོན་གྱི་ཡོད་ཅིང་། ལྟ་མཁན་རྣམས་ཀྱིས་གློག་བརྙན་ལས་མཐོང་པ་ནི་མི་སེམས་འགུག་ཐུབ་པའི་གཏམ་རྒྱུད་ཙམ་དང་། ཡིད་དུ་འོང་བའི་འཁྲབ་སྟོན་པ་གྲགས་ཅན་ཁོ་ན་ཙམ་མ་ཡིན་པར། ས་ཁུལ་མི་འདྲ་བའི་ཡུལ་སྲོལ་གོམས་གཤིས་དང་རིག་གནས་ལྟ་ཚུལ་སོགས་ཀྱང་ཚུད་ཡོད་པ་ཞིག་ཡིན་པས། དེ་ཆེས་རྒྱ་ཆེ་བ་དང་ཆེས་ཞིབ་ཚགས་ཀྱི་སྒོ་ནས་མཚོན་ཐུབ་པའི་ཆ་འཕྲིན་གྱི་རིགས་ཤིག་ཡིན།
ཆ་འཕྲིན་བརྡ་ཁྱབ།
འགྲན་རྩོད་དམིགས་གཏན་ཏུ་བཟུང་སྟེ་མི་མང་ཚུར་འགུག་མངོན་དུ་འགྱུར་བར་བྱ་བའི་བརྒྱུད་སྒྲོག་གི་ལས་འགན་ཞིག་ཡིན།
བརྙན་འཕྲིན་བརྡ་ཁྱབ།
བརྙན་འཕྲིན་བརྡ་ཁྱབ་ནི་བརྙན་འཕྲིན་བརྒྱུད་ནས་བརྒྱུད་སྒྲོག་བྱེད་པའི་བརྡ་ཁྱབ་ཀྱི་རིགས་ལ་ཟེར་བ་དང་། དེས་རྒྱུན་དུ་ཚོང་ཟོང་དང་ཞབས་ཞུ་དང་། རྩ་འཛུགས། གོ་དོན་སོགས་བརྒྱུད་སྒྲོག་བྱེད་པ་ཡིན། བརྙན་འཕྲིན་བརྡ་ཁྱབ་མང་ཆེ་བ་ནི་ཕྱིའི་བརྡ་ཁྱབ་ཀུང་ཟིས་སྒྲིག་བཟོ་བྱས་པ་ཞིག་ཡིན་ལ། བརྙན་འཕྲིན་ལས་བརྒྱུད་གཏོང་བྱེད་པའི་དུས་ཚོད་ཉོས་ཏེ་ཁྱབ་སྒྲོག་བྱེད་པ་ཞིག་ཀྱང་ཡིན། རྣམ་པ་མི་འདྲ་བའི་ཐོན་རྫས་ཀྱི་ནུས་པ་དེ་བརྙན་འཕྲིན་བརྡ་ཁྱབ་བརྒྱུད་ནས་ཁྱིམ་སྤྱོད་གཙང་དག་དངོས་རྫས་དང་ཞིང་ལས་ཐོན་རྫས། ཞབས་ཞུ། ཐ་ན་ཆབ་སྲིད་བྱ་འགུལ་སོགས་ཁྱབ་སྒྲོག་བྱེད་པ་ཡིན། ཨ་རིར་མཚོན་ན་བརྙན་འཕྲིན་བརྡ་ཁྱབ་ཀྱིས་མི་མང་ལ་ཐེབས་པའི་ཤུགས་རྐྱེན་ཧ་ཅང་ཆེ་བ་ཞིག་ཡིན།
བརྡ་ཁྱབ།
བརྡ་ཁྱབ་ནི་ཁྱབ་རྒྱ་ཆེ་བའི་བརྡ་སྦྱོར་གྱི་ནང་དོན་ཡིན་ལ། བརྡ་ཁྱབ་ནི་དམིགས་བསལ་གྱི་དགོས་མཁོ་གང་རུང་ཞིག་གི་ཆེད་དུ། ངེས་གཏན་གྱི་སྨྱན་ཆས་བརྒྱུད་དེ་སྤྱི་དམངས་ལ་ཁ་གཏད་པའི་བརྡ་འཕྲིན་བརྒྱུད་བསྐུར་དང་ཁྱབ་སྒྲོག་བྱེད་པའི་ཐབས་ལམ་ལ་བརྗོད་པ་ཡིན། བརྡ་ཁྱབ་ལ་སྒྲ་ཡངས་དོག་གི་གོ་དོན་གཉིས་སུ་དབྱེ་ཡོད་དེ། སྒྲ་ཡངས་འཇུག་གོ་དོན་ལ། དཔེར་ན། དཔལ་འབྱོར་མ་ཡིན་པའི་བརྡ་ཁྱབ་དང་དཔལ་འབྱོར་གྱི་བརྡ་ཁྱབ་ལྟ་བུ་ཡིན་ལ། དཔལ་འབྱོར་མ་ཡིན་པའི་བརྡ་ཁྱབ་ནི་ཁེ་ཕན་གྱི་དམིགས་ཡུལ་མེད་པའི་བརྡ་ཁྱབ་ཡིན་པ་དང་། དཔེར་ན། སྲིད་གཞུང་གི་ཁག་དང་སྤྱི་ཚོགས་ལས་དོན་ལས་རིགས། ཐ་ན་མི་སྒེར་གྱི་བརྡ་ཁྱབ་སྤྱི་བསྒྲགས་དང་ལས་དོན་ཞུ་ཡིག གསལ་བསྒྲགས་སོགས་ལྟ་བུ་ཡིན། དེའི་དམིགས་ཡུལ་གཙོ་བོ་ནི་ཁྱབ་སྤེལ་བྱ་རྒྱུ་དེ་ཡིན། སྒྲ་དོག་འཇུག་གི་གོ་དོན་ནི་དཔལ་འབྱོར་བརྡ་ཁྱབ་ཁོ་ནར་གོ་བ་ཡིན་ལ། དེ་ལ་ཚོང་ལས་བརྡ་ཁྱབ་ཅེས་ཀྱང་ཟེར། དེ་ནི་ཁེ་ཕན་དམིགས་ཡུལ་དུ་བཟུང་བའི་བརྡ་ཁྱབ་ཡིན་ལ། རྒྱུན་དུ་ཚོང་ཟོང་ཐོན་སྐྱེད་མཁན་དང་བདག་གཉེར་བྱེད་མཁན། འཛད་སྤྱོད་པ་བཅས་ཕན་ཚུན་འབྲེལ་འདྲིས་བྱེད་པའི་བརྡ་འཕྲིན་ཐབས་ལམ་གལ་ཆེན་ཞིག་དང་ཡང་ན་ཁེ་ལས་ཀྱིས་ཁྲོམ་རའི་གནས་གཞི་འཛིན་པ་དང་ཡང་ན་ཚོང་ཟོང་འགྲེམ་སྤེལ། ཞབས་ཞུའི་ངལ་རྩོལ་མཁོ་འདོན་བཅས་ཀྱི་རྣམ་པ་གལ་ཆེན་ཞིག་ཡིན་པ་དང་། དེའི་དམིགས་ཡུལ་གཙོ་བོ་ནི་དཔལ་འབྱོར་གྱི་ཁེ་ཕན་རྒྱ་སྐྱེད་པ་དེ་ཡིན།
སྨྱན་མང་རྩིས་འཁོར།
སྨྱན་མང་གཟུགས་རྩིས་འཁོར【multimedia computer】ཞེས་པ་ནི། སྐད་གདངས་དང་པར་རིས། འགུལ་བརྙན་སོགས་སྨྱན་གཟུགས་བརྡ་འཕྲིན་གཏོང་སའི་སྣ་འཛོམས་ཀྱི་རྩིས་འཁོར་ལ་ཟེར་བ་དང་། སྨྱན་མང་གཟུགས་རྩིས་འཁོར་ནི་སྤྱིར་བཏང་དུ་སྨྱན་མང་གཟུགས་མི་སྒེར་བའི་རྩིས་འཁོར（MPC）ལ་ཟེར་གྱི་ཡོད།
སྨྱན་མང་གཟུགས་རྩིས་འཁོར།
སྨྱན་མང་གཟུགས་རྩིས་འཁོར【multimedia computer】ཞེས་པ་ནི། སྐད་གདངས་དང་པར་རིས། འགུལ་བརྙན་སོགས་སྨྱན་གཟུགས་བརྡ་འཕྲིན་གཏོང་སའི་སྣ་འཛོམས་ཀྱི་རྩིས་འཁོར་ལ་ཟེར་བ་དང་། སྨྱན་མང་གཟུགས་རྩིས་འཁོར་ནི་སྤྱིར་བཏང་དུ་སྨྱན་མང་གཟུགས་མི་སྒེར་བའི་རྩིས་འཁོར（MPC）ལ་ཟེར་གྱི་ཡོད།
བརྡ་ཁྱབ་རིག་པ།
བརྡ་ཁྱབ་རིག་པ་ནི་ཁེར་ཚུགས་ཀྱི་རིག་ཚན་ཞིག་ཡིན་ལ། དེ་ནི་བརྡ་ཁྱབ་བྱ་འགུལ་གྱི་ཞིབ་འཇུག་ལོ་རྒྱུས་དང་གཞུང་ལུགས། ཐབས་ཇུས། སྒྲིག་བཟོ་དང་ལས་གཉེར་དོ་དམ་བྱེད་པའི་ཚན་རིག་ཅིག་ཀྱང་ཡིན། བརྡ་ཁྱབ་དང་འབྲེལ་བའི་ཤེས་བྱ་ནི་དང་ཐོག་གསར་འགྱུར་རིག་ཚན་དང་དཔལ་འབྱོར་རིག་ཚན་ཀྱི་ཚན་ཆུང་ནང་དུ་རགས་ཙམ་རེ་མཐོང་ཐུབ་པ་ལས་མ་ལག་ངོ་མ་ཞིག་ཏུ་གྱུར་ཐུབ་མེད། ད་ལྟའི་བར་དུ་བརྡ་ཁྱབ་ཀྱི་ཤེས་བྱ་དེ་རིག་ཚན་འདི་དག་གི་ནང་དོན་གྲུབ་ཚུལ་གྱི་ནང་གསེས་ཤིག་ཡིན་ཏེ། དཔེར་ན། གསར་འགྱུར་རིག་པ། ཁྲོམ་རའི་རིག་པ། ཁེ་ལས་ཀྱི་དོ་དམ་རིག་པ། ཚོང་ལས་སེམས་ཁམས་རིག་པ་སོགས་སུ་བརྡ་ཁྱབ་ཀྱི་ནང་དོན་རྒྱས་བཤད་བྱས་ཡོད།
བོད་ལྗོངས་བོད་སྐད་བརྙན་འཕྲིན།
བོད་ལྗོངས་བོད་སྐད་བརྙན་འཕྲིན་ནི་སྤྱི་ལོ1999 ལོར་དངོས་སུ་གཏོང་མགོ་བརྩམས་པ་དང་། ཉིན་རྒྱུན་བོད་སྐད་ཀྱི་ཆེད་བསྒྲིགས་ལེ་ཚན་དང་བོད་སྐད་གློག་བརྙན་ཟློས་གར་སོགས་གཏོང་གི་ཡོད་པ་དང་། ད་ལྟ་བོད་ཁུལ་མི་མང་གིས་དགའ་བསུ་ཐོབ་པའི་བོད་སྐད་ཀྱི་ལེ་ཚན་ཉེར་གཅིག་གིས་གྲུབ་ཡོད་པ་ཞིག་ཡིན། བོད་ལྗོངས་བརྙན་འཕྲིན་ལས་ཁུངས་བོད་སྐད་སྲུང་སྐར་འཕྲིན་ལམ་ནི་བོད་རང་སྐྱོང་ལྗོངས་ཙམ་མ་ཟད་རྒྱལ་ཡོངས་བོད་སྐད་བརྙན་འཕྲིན་ལེ་ཚན་གྱི་བརྒྱུད་སྤེལ་སྟེགས་བུ་གཙོ་བོའི་གྲས་ཤིག་ཡིན་པ་དང༌། རང་རྒྱལ་གྱི་ཞིང་ཆེན་རིམ་པའི་བོད་སྐད་སྲུང་སྐར་བརྙན་འཕྲིན་འཕྲིན་ལམ་ཨང་དང་པོ་དེ་ཡིན། ལོ་ངོ 25 རིང་གི་འཕེལ་རྒྱས་བརྒྱུད་བོད་སྐད་སྲུང་སྐར་འཕྲིན་ལམ་འདི་བོད་སྐད་ལེ་ཚན་སྒྲ་སྒྱུར་ཐབ་ཆག་ལས་བྱེད་མི་ཐུབ་པ་ནས་བཅར་འདྲི་དང་རྩོམ་སྒྲིག སྙན་སྒྲོན་བཅས་གཅིག་ཏུ་བསྡུས་པའི་སྲུང་སྐར་བརྙན་འཕྲིན་འཕྲིན་ལམ་ཞིག་ཏུ་འགྱུར་ཡོད་པ་དང༌། ཐོག་མར་བོད་རང་སྐྱོང་ལྗོངས་ཁོ་ནར་ཁ་ཕྱོགས་པའི་སྒྲ་སྒྱུར་ལེ་ཚན་ཞིག་ནས་རྒྱལ་ཡོངས་དང་རྒྱལ་ཕྱི་རྒྱལ་ནང་གི་བོད་རིགས་སྤུན་ཟླར་ཁ་ཕྱོགས་པའི་བོད་ཀྱི་རིག་གནས་ཁྱབ་སྤེལ་ལྟེ་གནས་གལ་ཆེན་ཞིག་ཡིན།
མུ་འབྲེལ་བརྡ་ཁྱབ།
མུ་འབྲེལ་བརྡ་ཁྱབ་ཅེས་པ་ནི་གཅིག་མཚུངས་སྨྱན་ཆས་སམ་ཡང་ན་སྨྱན་ཆས་མི་འདྲ་བའི་སྟེང་དུ་རེས་འཁོར་གྱིས་བརྒྱུད་སྒྲོག་བྱེད་པའི་བརྡ་ཁྱབ་ཀྱི་རིགས་ཤིག་ཡིན་ལ། འདི་ལྟ་བུའི་བརྡ་ཁྱབ་ནི་བརྗོད་དོན་གཅིག་མཚུངས་སམ་ཡང་ན་རྣམ་པ་གཅིག་མཚུངས་སྟེང་འཕེལ་རྒྱས་བྱུང་བའི་གཞན་ལས་བརྒལ་བའི་གསར་གཏོད་ཀྱི་མངོན་སྟངས་ཤིག་ཡིན། མུ་འབྲེལ་བརྡ་ཁྱབ་དེ་ཆིག་རྐྱང་གི་བརྡ་ཁྱབ་དང་བསྡུར་ན་གསར་གཏོད་ཀྱི་རྒྱུན་མཐུད་རང་བཞིན་དང་དུས་བསྟུན་གྱི་རྒྱ་བསྐྱེད་རང་བཞིན་ལྡན་པ། སྨྱན་རྫས་གཞན་པ་དང་བར་ཁྱད་ཆེ་བའི་རང་བཞིན་ལྡན་པ་སོགས་ཀྱི་ཁྱད་ཆོས་ལྡན་ཡོད།
ཚགས་དེབ།
ཚགས་དེབ་ཅེས་པ་ནི་ཚགས་པར་དང་དུས་དེབ་ཀྱི་སྤྱི་མིང་ལ་བརྗོད་པ་དང་། ཚགས་དེབ་ནི་ཤོག་བུའི་སྟེང་ཡི་གེ་ཕབ་སྟེ་རྒྱུ་ཆ་བརྒྱུད་སྒྲོག་བྱེད་པའི་ལག་ཆ་ལྟ་བུ་ཡིན་ལ། དེས་འགྲེལ་བཤད་དང་ཁྱབ་སྒྲོག་སོགས་ཀྱི་ནུས་པ་འདོན་གྱི་ཡོད། དེས་སྣང་བརྙན་གང་ཞིག་ལ་སྲུང་སྐྱོབ་བྱས་ཆོག་སྟེ། དཔེར་ན། ཀྲུང་གོའི«མི་དམངས་ཉིན་རེའི་ཚགས་པར» ནི་རྒྱལ་ཁབ་ཀྱི་སྣང་བརྙན་སྲུང་སྐྱོབ་བྱེད་པའི་ཚགས་པར་གྱི་རིགས་ཡིན་ལ། «བཅིངས་འགྲོལ་དམག་མིའི་ཚགས་པར» ནི་དམག་དཔུང་གི་སྣང་བརྙན་སྲུང་སྐྱོབ་བྱེད་པ་ཞིག་ཡིན་པ་དང་། «ཁེ་ལས་ཚགས་པར» ནི་ཁེ་ལས་ཀྱི་སྣང་བརྙན་སྲུང་སྐྱོབ་བྱེད་པ་ཞིག་ཡིན།
ཚོང་ཟོང་བརྡ་ཁྱབ།
ཚོང་ཟོང་བརྡ་ཁྱབ་ནི་འཛད་སྤྱོད་པར་ཁ་ཕྱོགས་ཏེ་ཚོང་ཟོང་གང་རུང་གི་ཁྱད་ཆོས་མཚམས་སྦྱོར་ཀྱིས་ཐད་ཀར་ཐོན་རྫས་མཁོ་སྤྲོད་བྱ་རྒྱུ་དེ་ཡིན་ལ། དེའི་དམིགས་ཡུལ་ནི་ཚོང་ལམ་འབྱེད་པ་དང་ཚོང་རའི་གནས་ཁུལ་བཟུང་ཚད་ཀྱི་བརྡ་ཁྱབ་སྤེལ་བའི་བྱ་འགུལ་ཞིག་ཡིན།
ཚོང་སྐུལ་བརྡ་ཁྱབ།
ཚོང་སྐུལ་བརྡ་ཁྱབ་ནི་ཐད་ཀར་འཛད་སྤྱོད་པར་ཐོན་རྫས་གང་རུང་ཞིག་གམ་ཡང་ན་ཞབས་ཞུའི་བརྡ་སྦྱོར་རང་བཞིན་ཅན་གྱི་རྣམ་པ་ཞིག་ཡིན་པ་དང་། དེ་ནི་ཐོན་རྫས་ཀྱི་རྒྱུ་སྤུས་དང་། གཤིས་ནུས། ཁྱད་ཆོས་སོགས་འཛད་སྤྱོད་པར་སྟབས་བདེ་སྒོས་རེ་སྐུལ་དང་འཛད་སྤྱོད་བྱ་བར་འབོད་སྐུལ་བཏང་སྟེ། བརྡ་ཁྱབ་ཀྱི་དམིགས་ཡུལ་འགྲུབ་པར་བྱེད་པ་དེ་ཡིན།
རྒྱང་སྒྲོག་བརྙན་འཕྲིན།
རྒྱང་སྒྲོག་བརྙན་འཕྲིན（Radio and television）ནི་སྐུད་མེད་གློག་རླབས་དང་ཡང་ན་འདྲེན་སྐུད་བརྒྱུད་ནས་རྒྱ་ཆེ་བའི་ས་ཁུལ་དུ་སྒྲ་དང་རི་མོའི་ལེ་ཚན་སྒྲོག་སྐྱེལ་བྱེད་པའི་བརྒྱུད་སྒྲོག་སྨྱན་རྫས་ཤིག་ཡིན་ལ། དེའི་བསྡུས་མིང་ལ་རྒྱང་སྒྲོག་ཟེར། སྐད་ཆ་ཁོ་ན་བརྒྱུད་སྒྲོག་བྱེད་པ་ལ་རྒྱང་སྒྲོག་དང་། སྐད་དང་བརྙན་རིས་གཉིས་ཀ་བརྒྱུད་སྤྲོད་བྱེད་པ་ལ་བརྙན་འཕྲིན་རྒྱང་སྒྲོག་ཟེར་བ་ཡིན།
རྒྱང་སྒྲོག་བརྡ་ཁྱབ།
རྒྱང་སྒྲོག་ནི་སྐུད་མེད་གློག་རླབས་སམ་ཟངས་སྐུད་བརྒྱུད་ལམ་བརྒྱུད་ནས་མི་མང་ལ་ཆ་འཕྲིན་དང་། ཞབས་ཞུ། རོལ་རྩེད་སོགས་བརྒྱུད་སྒྲོག་སྨྱན་སྦྱོར་གྱི་རིགས་ཤིག་ཡིན། བརྙན་འཕྲིན་གྱི་བཀོལ་རྒྱ་ཆེ་རུ་མ་ཕྱིན་པའི་ཡར་སྔོན་ལ། རྒྱང་སྒྲོག་ནི་མི་མང་གིས་དགའ་བསུ་ཆེས་ཆེར་ཐོབ་པ་ཞིག་ཡིན་པ་དང་། བརྙན་འཕྲིན་གསར་དུ་དར་བ་དེས་རྒྱང་སྒྲོག་བརྡ་ཁྱབ་ཀྱི་མགྲོན་པོ་མངོན་གསལ་གྱིས་ཇེ་ཉུང་དུ་སོང་ཞིང་། ལོ་ངོ་མང་པོའི་འཕེལ་རྒྱས་ཀྱི་རྣམ་པར་བལྟས་ན། རྒྱང་སྒྲོག་བརྡ་ཁྱབ་ཀྱི་ཤུགས་རྐྱེན་ཚད་ནི་ཧ་ཅང་ཆེ་ལ། དེའི་ཐུན་མོང་མ་ཡིན་པའི་ཁྱད་ཆོས་ལ་གཞན་པའི་བརྡ་ཁྱབ་རིགས་ཀྱིས་འགྲན་དཀའ་བ་ཞིག་ཡིན།
སྨྱན་སྦྱོར་བརྡ་འཕྲིན་གྱི་ནུས་པ།
སྨྱན་སྦྱོར་བརྡ་འཕྲིན་གྱི་ནུས་པ་ནི་གསར་འགྱུར་རང་སྟེང་དུ་ཡོད་པའི་སྤྱི་ཚོགས་ཀྱི་མི་མང་གིས་ཡིད་རྟོན་བྱས་ཆོག་པའི་ནང་གནས་ཀྱི་ནུས་པ་དེར་ཟེར་བ་དང་། སྨྱན་ཆས་རང་སྟེང་གི་ནང་གཤིས་དང་ཕྱིའི་རྣམ་པ་དེས་སྤྱི་ཚོགས་མི་མང་གི་སེམས་སུ་གོ་ཐོབ་ག་འདྲ་ཞིག་ཟིན་ཡོད་པ་དང་། དེ་ནི་སྨྱན་ཆས་ཞིབ་བསྡུར་གྱི་དབང་དྲག་རང་བཞིན་ཡིན་པ་དང་། ཡིད་རྟོན་གྱི་ཚད་དང་སྤྱི་ཚོགས་ཀྱི་ཤུགས་རྐྱེན་ནུས་པའི་ཚད་གཞལ་བྱེད་ཀྱང་ཡིན། སྨྱན་སྨྱོར་ཡིད་རྟོན་ནུས་ཤུགས་ཀྱི་མཐོ་དམན་གྱིས་དཔྱད་གླེང་ཤུགས་རྐྱེན་གྱི་ཆེ་ཆུང་ཐག་གཅོད་བྱེད་ཀྱི་ཡོད།
དུས་དེབ་བརྡ་ཁྱབ།
དུས་དེབ་བརྡ་ཁྱབ（magazine advertising）ནི་དུས་ལྟར་དུས་དེབ་སྟེང་བཀོད་པའི་བརྡ་སྦྱོར་ལ་ཟེར་བ་ཡིན་ཞིང་། དུས་དེབ་སྣ་ཚོགས་ཀྱི་ཀློག་པ་པོ་ཅུང་ཙམ་མངོན་གསལ་ཡིན་པས། དེ་ནི་ཆེད་ལས་མི་འདྲ་བའི་ཚོང་ཟོང་བརྡ་ཁྱབ་ཀྱི་སྨྱན་ཆས་བཟང་བོ་ཞིག་ཡིན། དུས་དེབ་སྟེང་དུ་ཡི་གེ་མང་པོ་བཀོལ་ནས་ཚོང་ཟོང་གི་ཞིབ་ཕྲའི་བརྡ་འཕྲིན་བརྒྱུད་སྒྲོག་བྱས་ཆོག་པ་ཡིན་ལ། འཛད་སྤྱོད་པས་རྒྱུས་ལོན་དང་དྲན་རྟོགས་བྱ་སླ་བ་དང་། ཉར་ཚགས་ཀྱི་རིན་ཐང་ཀྱང་མཐོན་པོ་ཡོད། དུས་དེབ་དང་ཚགས་པར་གཉིས་འདྲ་བ་ཡིན་ལ། དུས་དེབ་བརྡ་ཁྱབ་དེ་ཡང་བརྒྱུད་སྒྲོག་སྨྱན་སྦྱོར་གྱི་རིགས་ཤིག་ཡིན་ལ། དེའི་རྣམ་པ་ནི་པར་སྐྲུན་དཔེ་རྟགས་ཀྱིས་ཆ་འཕྲིན་བརྒྱུད་སྒྲོག་གི་རྒྱུན་མཐུད་རང་བཞིན་གྱི་པར་སྐྲུན་བྱེད་པའི་དཔེ་དེབ་ཅིག་ཡིན།
ཚགས་པར་བརྡ་ཁྱབ།
ཚགས་པར་བརྡ་ཁྱབ（newspaper advertising）ནི་དུས་ལྟར་ཚགས་པར་གྱི་སྟེང་དུ་བཀོད་པའི་བརྡ་ཁྱབ་ཀྱི་རིགས་ལ་ཟེར་བ་དང་། ཚགས་པར་ནི་པར་བཏབ་སྨྱན་རྫས（print-medium）ཀྱི་རིགས་ཡིན། དེའི་ཁྱད་ཆོས་ནི་འགྲེམ་སྤེལ་ཟློས་ཕྱོད་ཀྱི་ཚད་མཐོ་བ་དང་། འགྲེམ་སྤེལ་གྱི་བྱང་ཚད་མང་པ། བརྡ་འཕྲིན་བརྒྱུད་བསྐུར་གྱི་མྱུར་ཚད་མགྱོགས་པས།ཚགས་པར་བརྡ་ཁྱབ་ཀྱིས་དུས་ལྟར་ཁྱབ་རྒྱ་ཆེ་བའི་སྒྲོག་སྤེལ་བྱས་ཆོག་པ་ཡིན།
དམངས་ཀྱི་བརྒྱུད་སྒྲོག
དམངས་ཀྱི་བརྒྱུད་སྒྲོག་ནི་སྤྱི་ཚོགས་དང་འབྲེལ་བའི་སྨྱན་རྫས་ཡི་གེ་དང་གློག་རླབས། བརྙན་འཕྲིན། གློག་རྡུལ་དྲ་རྒྱ་སོགས་བརྒྱུད་ནས། སྤྱི་ཚོགས་ལ་ཡོངས་བསྒྲགས་བརྒྱུད་སྐུར་དང་། རང་ཉིད་ཀྱིས་ཐབས་ལམ་སྣ་ཚོགས་སྤྱད་དེ་བསྐྱར་བཟོའི་ཆ་འཕྲིན་གྱི་སྤྱི་ཚོགས་ལག་ལེན་བྱེད་པའི་གོ་རིམ་ཧྲིལ་བོ་དེ་ཡིན།
ཁྲོམ་རའི་བརྡ་འཕྲིན།
ཁྲོམ་རའི་བརྡ་འཕྲིན་ནི་ཁྲོམ་རའི་དཔལ་འབྱོར་གྱི་འབྲེལ་བ་སྣ་ཚོགས་དང་དཔལ་འབྱོར་བྱ་འགུལ་གྱི་རྣམ་པ་མི་འདྲ་བ་སྣ་ཚོགས། དཔལ་འབྱོར་བྱ་འགུལ་གྱི་འགྱུར་ལྡོག་གི་གནས་ཚུལ་དང་ཁྲོམ་རའི་ཉོ་ཚོང་དང་འབྲེལ་བ་ཡོད་པའི་བརྡ་འཕྲིན་སྣ་ཚོགས། གསང་འཕྲིན། གཞི་གྲངས་སོགས་ཀྱི་སྤྱི་མིང་ལ་ཟེར་བ་ཡིན། ཁྲོམ་རའི་བརྡ་འཕྲིན་ནི་ཡི་གེ་དང་སྐད་ཆ། གཞི་གྲངས། བརྡ་རྟགས། བསྒྲགས་བྱང་སོགས་ལ་བརྟེན་ནས་མངོན་འགྱུར་དང་བརྒྱུད་སྒྲོག་བྱེད་ཀྱི་ཡོད་ཅིང་། དེས་ཁེ་ལས་འཕེལ་རྒྱས་འགྲོ་བ་ལ་བྱེད་ནུས་གལ་ཆེན་འདོན་གྱི་ཡོད།
ཁྲིམས་ལུགས་ཉིན་རེའི་ཚགས་པར།
《ཁྲིམས་ལུགས་ཉིན་རེའི་ཚགས་པར》ནི་ཀྲུང་གུང་ཀྲུང་དབྱང་སྲིད་ཁྲིམས་ཨུ་ཡོན་ལྷན་ཁང་ལས་ཁུངས་ཀྱི་ཚགས་པར་ཡིན་ལ། ཉིན་རྒྱུན་གྱི་བྱ་བ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཁྲིམས་འཛིན་པུའུ་ལ་མངགས་བཅོལ་བྱས་ནས་དོ་དམ་བྱེད་པ་དང་། དེ་ནི་མིག་སྔར་ཀྲུང་གོ་རུ་ཁྲིམས་ལུགས་ཁྱབ་ཁོངས་ཀྱི་ཀྲུང་དབྱང་རིམ་པའི་ཁྲིམས་ལུགས་སྐོར་གྱི་ཕྱོགས་བསྡུས་རང་བཞིན་གྱི་ཚགས་པར་གཅིག་པུ་ཡིན།
བརྙན་འཕྲིན་ཁང་།
བརྙན་འཕྲིན་ཁང་ནི་སྐུད་མེད་གློག་གི་བརྡ་རྟགས་དང་འཁོར་སྐར་བརྡ་རྟགས། སྐུད་ཡོད་དྲ་རྒྱ་དང་སྦྲེལ་རེས་དྲ་རྒྱ་སོགས་ལ་བརྟེན་ནས་བརྙན་འཕྲིན་ལས་ཚན་གཏོང་བའི་སྨྱན་སྦྱོར་ལས་ཁུངས་ཤིག་ཡིན་ཞིང་། བརྙན་འཕྲིན་ལས་ཚན་སྒྲིག་སྦྱོར་བྱས་ནས་བརྙན་འཕྲིན་དང་དྲ་རྒྱ་བརྒྱུད་དེ་གཏོང་བའི་སྨྱན་སྦྱོར་ལས་ཁུངས་ཡིན་པ་དང་། དེ་ནི་རྒྱལ་ཁབ་དང་ཚོང་ལས་སྡེ་ཁག་གིས་གསར་འཛུགས་བྱས་པའི་སྨྱན་སྦྱོར་འཁོར་རྒྱུག་རྩ་འཛུགས་ཡིན།
མཚོ་སྔོན་བོད་ཡིག་གསར་འགྱུར།
《མཚོ་སྔོན་བོད་ཡིག་གསར་འགྱུར》ནི1951ལོའི་ཟླ1པའི་ཚེས16ཉིན་གསར་དུ་བསྐྲུན་པ་དང་། ཀྲུང་གོ་གསར་བ་དབུ་བརྙེས་རྗེས་ཀྱི་བོད་ཡིག་ཚགས་པར་ཐོག་མ་ཡིན་ལ། རང་རྒྱལ་གྱིས་བོད་ཡིག་བཀོལ་ནས་པར་དུ་བསྐྲུན་པའི་ས་གནས་ཀྱི་ཏང་གི་ཚགས་པར་ཐོག་མའང་ཡིན།
| སྨྱན་སྦྱོར། བརྡ་འགྲེལ 191 ཡོད། |