ཁམས་པའི་བརྙན་འཕྲིན།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཁམས་པའི་བརྙན་འཕྲིན།
ཁམས་པའི་བརྙན་འཕྲིན་ནི་ལྷ་ས་དང་ཨ་མདོའི་བོད་སྐད་བརྙན་འཕྲིན་གྱི་རྗེས་སུ་བྱུང་བའི་རྒྱལ་ཡོངས་ཀྱི་བོད་སྐད་བརྙན་འཕྲིན་གསུམ་པ་དེ་ཡིན་ཞིང་། འཁོར་སྐར་དང་སྐུད་ལྡན་བརྙན་འཕྲིན། སྐུད་མེད་འཕྲིན་གཏོང་སོགས་ཀྱི་རྣམ་པ་བརྒྱུད་ནས་གཏོང་བ་ཞིག་ཡིན་པ་དང་། དེ་ནི་སི་ཁྲོན་དང་མཚོ་སྔོན། ལྷ་ས། ཀན་སུའུ་སོགས་ནུབ་རྒྱུད་ཀྱི་ཞིང་ཆེན་དུ་ཁྱབ་ཡོད་ལ། དེ་ཉིད་དུས་ཚོད་ཉེར་བཞིའི་རིང་གཏོང་གི་ཡོད།
གཞི་རྩའི་གནས་ཚུལ།

རྒྱ་ཡིག་གི་མིང་།
康巴卫视
མིང་དངོས།
སི་ཁྲོན་ཁམས་པའི་བརྙན་འཕྲིན།
གཏོང་མགོ་ཚུགས་པའི་དུས།
སྤྱི་ལོ2000ལོའི་ཟླ10ཚེས28ཉིན།
1 བྱུང་འཕེལ། 

སྤྱི་ལོ2009 ལོའི་ཟླ་བ5པའི་ཚེས7ཉིན། རྒྱལ་ཁབ་རླུང་འཕྲིན་གློག་བརྙན་བརྙན་འཕྲིན་སྤྱི་ཁྱབ་ཅུས་ཀྱིས་སི་ཁྲོན་ཁམས་པའི་བོད་སྐད་བརྙན་འཕྲིན་ཁང་གསར་དུ་འཛུགས་པར་ཆོག་མཆན་གནང་། ཏང་དང་སྲིད་གཞུང་གི་ཐུགས་ཁུར་འོག   སྤྱི་ལོ2009ལོའི་ཟླ་བ6པའི་ཟླ་མཇུག་ཏུ། སི་ཁྲོན་ཞིང་ཆེན་རླུང་འཕྲིན་གློག་བརྙན་བརྙན་འཕྲིན་གྲངས་ཉུང་མི་རིགས་སྐད་རིགས་སྒྱུར་བཟོ་ལྟེ་གནས(ཁམས་པའི་བརྙན་འཕྲིན)འཛུགས་སྐྲུན་བྱ་རྒྱུར་གྲ་སྒྲིག་བྱེད་འགོ་བརྩམས། སྤྱི་ལོ 2009 ལོའི་ཟླ་བ10པའི་ཚེས་ཉེར་བརྒྱད་ཉིན་ཁམས་པའི་བརྙན་འཕྲིན་བདེ་བླག་ངང་ཚོད་གཏོང་བྱས། སྤྱི་ལོ 2010ལོའི་ཟླ་བ་དྲུག་པའི་ཚེས་ཉེར་བཞི་ཉིན་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་ལི་ཁྲང་ཁྲུན་གྱིས་ཁམས་པའི་བརྙན་འཕྲིན་ཁང་ལ་གཟིགས་ཞིབ་གནང་བ་དང་བསྟུན་ནས་ཁམས་པའི་བརྙན་འཕྲིན་དངོས་སུ་གཏོང་འགོ་ཚུགས། སྤྱི་ལོ 2010ལོའི་ཟླ་བ11པར། ཁམས་པའི་བརྙན་འཕྲིན་དེ་སི་ཁྲོན་རླུང་འཕྲིན་བརྙན་འཕྲིན་ཁང་ལ་ཟླ་སྒྲིལ་བྱས་ནས། དྲིལ་བསྒྲགས་སྒྲོག་གཏོང་དང་། ལེ་ཚན་སྤེལ་རེས། རྣམ་གྲངས་མཉམ་ལས། ཤེས་ཡོན་གསོ་སྐྱོང་སོགས་ཀྱི་ཐད་ནས་ཐོན་ཁུངས་གཅིག་སྒྲིལ་བྱས་པས། ཁམས་པའི་བརྙན་འཕྲིན་ཁང་གི་སྒྲིག་ཆས་ལེགས་བཅོས་ཐུབ་པར་མ་ཟད། ལེ་ཚན་གྱི་སྤུས་ཀའང་ཇེ་མཐོར་སོང་བ་རེད།

2 ཁྱབ་ཁོངས།

ཁམས་པའི་བརྙན་འཕྲིན་ནི་བོད་ལྗོངས་དང་མཚོ་སྔོན་གྱི་བོད་སྐད་བརྙན་འཕྲིན་རྗེས་ཀྱི་རྒྱལ་ཡོངས་ཀྱི་བོད་སྐད་བརྙན་འཕྲིན་ཨང་གསུམ་པ་ཡིན། འཁོར་སྐར་དང་སྐུད་ཡོད་བརྙན་འཕྲིན་འཕྲུལ་ཆས། སྐུད་མེད་འཕྲིན་གཏོང་སོགས་ཀྱི་ཐབས་ལ་བརྟེན་ནས་སི་ཁྲོན་དང་བོད་ལྗོངས། མཚོ་སྔོན། ཀན་སུའུ། ཡུན་ནན་བཅས་ནུབ་རྒྱུད་ཞིང་ཆེན་དང་རང་སྐྱོང་ལྗོངས་ལྔའི་བོད་ཁུལ་ལ་ཁེབས་ཡོད། ཁམས་པའི་བརྙན་འཕྲིན་ཉིན་རེར་ཆུ་ཚོད་བཅོ་བརྒྱད་རིང་གཏོང་ཞིང་། 《གསར་འགྱུར་མཉམ་བསྒྲགས》དང《ཁམས་པའི་བརྙན་འཕྲིན་གསར་འགྱུར》《སྐད་གཉིས་སློབ་ར》《འཆི་མེད་ཀྱི་གླེང་མོལ》《བྱམས་པའི་ཁ་བརྡ》 《ཁྲིམས་སྐྱོང་མེ་ལོང》《 ཁམས་པའི་དགའ་ཚལ》 《ཁམས་པའི་ཟློས་གར་ཁང》《 གནམ་གཤིས་སྔོན་བརྡ》སོགས་གསར་འགྱུར་དང་ཆེད་སྒྲིག་རིག་རྩལ། གློག་བརྙན་བརྙན་འཕྲིན་ཟློས་གར་སོགས་རིགས་སོ་སོའི་ལེ་ཚན་འདུས་ཡོད། 

3 དམིགས་གཞི།

ཁམས་པའི་བརྙན་འཕྲིན་ཁང་བཙུགས་པ་ནས་བཟུང་། ཀྲུང་དབྱང་དང་ཞིང་ཆེན་ཏང་ཨུ། ཞིང་ཆེན་སྲིད་གཞུང་བཅས་ཀྱི་བླང་བྱ་ལྟར། གསར་འགྱུར་ལ་གཙོ་བོར་དམིགས་པ་དང་ཆ་འཕྲིན་སྒྲོག་གཏོང་། རིག་གནས་དར་སྤེལ། མང་ཚོགས་དང་ཉེ་བར་བཅར་བ། བོད་ཁུལ་ལ་ཞབས་ཞུ་སྒྲུབ་པ་བཅས་ཀྱི་བསམ་ཕྱོགས་ལྟར། གླེང་ཕྱོགས་ཡང་དག་ཁོང་དུ་ཆུད་དེ། རྒྱལ་ཡོངས་ཀྱི་ཚོགས་ཆེན་གཉིས་དང་ཡུལ་ཤུལ་གྱི་གནོད་སེལ་རྒུད་སྐྱོབ། ལྔ་པའི་བཅུ་གཉིས་ཀྱི་ཝུན་ཁྲོན་ས་འགུལ་བྱུང་ནས་ལོ་གསུམ་འཁོར་བ། ཏང་དབུ་བརྙེས་ནས་ལོ་ངོ་དགུ་བཅུ་འཁོར་བ་སོགས་ཀྱི་དྲིལ་བསྒྲགས་དང་སྒྲོག་གཏོང་ལས་འགན་ལེགས་འགྲུབ་བྱུང་ཡོད།  བོད་ཁུལ་སྤུན་ཟླ་ལ་ཞབས་ཞུ་ཡག་པོ་སྒྲུབ་པའི་ཆེད་དུ། སྤྱི་ལོ2011ལོའི་ལོ་འགོར། ཁམས་པའི་བརྙན་འཕྲིན་ཁང་གིས་མི་སྣ་སྒྲིག་འཛུགས་བྱས་ནས་ནུབ་རྒྱུད་ཀྱི་ཞིང་ལྗོངས་ལྔའི་ཁམས་པའི་བོད་ཁུལ་གྱི་ས་ཆ་སོ་སོར་སོང་ནས་བརྙན་འཕྲིན་ལྟ་བའི་གནས་ཚུལ་ལ་བརྟག་དཔྱད་བྱས་ཡོད། ཤེས་རྟོགས་བྱུང་བར་ལྟར་ན། ཁམས་པའི་བརྙན་འཕྲིན་ཁང་དེ་བོད་ཁུལ་མང་ཚོགས་ཀྱིས་འཛམ་གླིང་ལ་རྒྱུས་ལོན་བྱེད་སའི་ཐབས་ལམ་གཙོ་བོ་ཞིག་ཏུ་གྱུར་ཡོད་ལ། ཁམས་ཁུལ་གྱི་བརྒྱ་ཆ་བརྒྱད་ཅུ་ཡན་གྱི་མང་ཚོགས་ཁམས་པའི་བརྙན་འཕྲིན་ལྟ་བ་ལ་དེ་གོམས་གཤིས་སུ་གྱུར་པ་རེད། 

ཁམས་པའི་བརྙན་འཕྲིན་ཁང་གིས་མུ་མཐུད་དུ་འབད་བརྩོན་གང་ཐུབ་བྱས་ནས། བོད་རིགས་མང་ཚོགས་ཀྱི་དགའ་བསུ་ཐོབ་པའི་བསམ་པའི་རིག་གནས་འཚོ་བ་ཞིག་ཏུའང་གྱུར་བ་རེད།   


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2015-12-08

གསར་སྤེལ་མཁན། :ལྷ་བྷེ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།