གོར་སོབ་བསྲེག་ཐབ།
གོར་སོབ་བསྲེག་ཐབ་ནི་ཚ་སྣོན་གློག་ཆས་ཀྱི་ཁོངས་སུ་གཏོགས་ཤིང་། དེའི་ནུས་པ་ནི་གོར་སོབ་ལ་སྲོ་བ་དེ་ཡིན། ཁྱིམ་ཚང་མང་ཆེ་ཤོས་ཤིག་གི་ནང་དུ། གོར་སོབ་བསྲེག་ཐབ་ནི་གཞན་པའི་ཁྱིམ་ཆས་དང་བསྡུར་ན་ཆག་སྐྱོན་བྱུང་སླ་བ་ཡིན། དེ་ལ་རྒྱུ་རྐྱེན་གཉིས་ཡོད་དེ། དང་ཐོག གོར་སོབ་བསྲེག་ཐབ་ཀྱི་བཟོ་སྐྲུན་གྱི་འགྲོ་སྒོ་ཆུང་ལ་སྤུས་ཀ་མི་ལེགས་པས་ཆག་སྐྱོན་བྱུང་སླ་བ་ཡིན་ནོ། ། དེ་ནས་གོར་སོབ་བསྲེག་ཐབ་ལ་ཆག་སྐྱོན་བྱུང་བ་ནི་རང་སྟེང་ནས་གནད་དོན་བྱུང་བ་མ་ཡིན་པར། ཟས་རིགས་ཀྱིས་དེ་ལ་ཆག་སྐྱོན་བྱུང་དུ་བཅུག་པ་ཡིན། དཔེར་ན་གལ་ཏེ་གོར་སོབ་བསྲེག་ཐབ་ཐོག་ཏུ་གོ་རེ་སོགས་བཞག་པ་མང་དྲགས་པ་ལ་སོགས་པ་ཡིས་སྐྱོན་བྱུང་བ་ཡིན། ཉིན་རྒྱུན་དུ་གོར་སོབ་བསྲེག་ཐབ་བཀོལ་སྤྱོད་བྱེད་པ་ལ་མཚོན་ན་གཟའ་འཁོར་གཅིག་གི་ནང་དུ་ཐེངས་གཅིག་ལ་དེའི་ནང་གི་དངོས་རྫས་ཧྲོབ་ཧྲོབ་རྣམས་གཙང་དག་བྱེད་དགོས།
གློག་རྡིག
གློག་རྡིག་ལ་གློག་བ་ཡང་ཟེར། དེ་ནི་གློག་ནུས་གློག་ཁོག་སུ་བསྒྱུར་བའི་ཐབ་ཆས་ཤིག་ཡིན། དེ་ནི་བཀོལ་སྤྱོད་བྱེད་བདེ་བ་དང་བདེ་ཐང་ཡིན་པ། ད་དུང་དེ་ལས་གཞན་པའི་ནུས་པ་ཁྱད་འཕགས་ལྡན་ནོ། །
གློག་སྡུད་ཐབ་ཀ
གློག་སྡུད་ཐབ་ཀ་དང་པོ་ནི1957ལོར་ཐོག་དང་པོར་འཇར་མན་ནས་བྱུང་བ་ཡིན། སྤྱི་ལོ1972ལོར་ཨ་མེ་རི་ཁའི་གློག་སྡུད་ཐབ་ཀ་ཐོན་སྐྱེད་བྱེད་པར་འགོ་བརྩམས། དུས་རབས་ཉི་ཤུའི་བའི་ལོ་རབས་བརྒྱད་ཅུའི་དུས་མགོར་ཡོ་རོབ་གླིང་དང་འཇར་པན་སོགས་སུ་ཕྱིར་འཚོང་བྱེད་པར་འགོ་བརྩམས།
ཆུ་སྲོ་ཆས།
ཆུ་སྲོ་ཆས་ནི་རྫས་འགྱུར་རིགས་པ་སྣ་ཚོགས་ལ་བརྟེན་ནས་དུས་ཚོད་ངེས་ཅན་ཞིག་གི་ནང་དུ་ཆུའི་དྲོད་ཚད་མཐོ་རུ་གཏོང་བའི་སྒྲིག་ཆས་ཤིག་ཡིན། རྩ་བའི་རིགས་པ་མི་གཅིག་པར་བརྟེན་ནས་དེ་ལ་དབྱེ་ན་གློག་གི་ཆུ་སྲོ་ཆས་དང་། འབུད་རླངས་ཀྱི་ཆུ་སྲོ་ཆས། ཉི་གློག་གི་ཆུ་སྲོ་ཆས། ཁབ་ལེན་ནུས་ཀྱི་ཆུ་སྲོ་ཆས། མཁའ་རླུང་གི་ཆུ་སྲོ་ཆས། དྲོད་རླངས་ཀྱི་ཆུ་སྲོ་ཆས་སོགས་ཡོད། གློག་གི་ཆུ་སྲོ་ཆས་ཀྱི་ལེགས་པའི་ཆ་ནི་བཀོལ་སྤྱོད་བྱེད་བདེ་བ་དང་། སྒྲིག་སྦྱོར་བྱེད་སླ་བ་སོགས་ཀྱི་ཁྱད་ཆོས་ལྡན། སྐྱོན་ཆ་ནི་བོངས་ཚད་ཆེ་བ་དང་། བར་སྟོང་མང་པོ་ཟིན་པ། སྔོན་ནས་གྲ་སྒྲིག་བྱེད་དགོས་པ་དང་རེ་སྒུག་བྱེད་པའི་དུས་ཡུན་རིང་བ་སོགས་ཡིན།
རླུང་གཡབ།
རླུང་གཡབ་ནི་ཁང་པའི་ཕྱི་ནང་གི་མཁའ་རླུང་སྙོམས་སྦྱོར་བརྗེ་རེས་བྱེད་པའི་གློག་ཆས་ཀྱི་རིགས་ཤིག་ཡིན་པ་དང་། དྲི་སེལ་རླུང་གཡབ་ཀྱང་ཟེར། རླུང་གཡབ་སྤྱོད་པའི་དམིགས་ཡུལ་ནི་ཁང་པའི་ནང་གི་མཁའ་རླུང་བཙོག་དྲི་ཕྱིར་ཕུད་གཏོང་བ་དང་། དྲོད་ཚད་དང་རླན་ཚད་སོགས་སྙོམ་སྒྲིག་བྱེད་པ་རེད། རླུང་གཡབ་ནི་མི་མང་འདུ་འཛོམས་བྱེད་པའི་གནས་དང་ཁྱིམ་ཚང་སོགས་སུ་བཀོལ་སྤྱོད་བྱེད་པ་རེད།
དུག་སེལ་སྒྲོམ།
དུག་སེལ་སྒྲོམ་ནི་ཀྲུང་གོའི་ཐོག་དང་པོར་གསར་གཏོད་བྱས་པའི་གློག་ཆས་ཀྱི་རིགས་ཤིག་རེད། དེ་ནི་མགྲོན་ཁང་ཆེན་མོ་དང་གསོལ་ཁང་། སློབ་གྲྭ་སོགས་སུ་བཀོལ་སྤྱོད་བྱེད་པར་ཁྱབ་ཆེ་བ་དང་། ཁྱིམ་ཚང་མང་ཆེ་བ་རྣམས་ཀྱིས་དུག་སེལ་སྒྲོམ་གལ་འགེངས་ཆེ་བ་རྟོགས་པས། མ་འོངས་བ་ན་ཡང་དུག་སེལ་སྒྲོམ་ནི་ཁྱིམ་ཚང་རེ་རེ་ནས་བཀོལ་སྤྱོད་བྱེད་པའི་གློག་ཆས་ཀྱི་རིགས་ཤིག་ཡིན་ནོ། །
དུད་སྣུམ་རྔུབ་ཆས།
དུད་སྣུམ་རྔུབ་ཆས་ནི་ཐབ་ཚང་གི་ཁོར་ཡུག་གཙང་བཟོ་བྱེད་པའི་གློག་ཆས་ཀྱི་རིགས་ཤིག་ཡིན། དེས་ཐབ་ཚང་དུ་སྒྲིག་སྦྱོར་བྱས་ན་ནུས་ཁུངས་གྲོན་ཆུང་བྱེད་ཐུབ་པ་དང་བདེ་ཐང་ཡིན་ནོ། གཡོས་སྦྱོར་བྱེད་པའི་བརྒྱུད་རིམ་ཁྲོད་དུ་བྱུང་བའི་མིའི་ལུས་ཕུང་ལ་གནོད་པའི་སྣུམ་གྱི་དུ་དྲེག་དང་དུ་བ་སོགས་མྱུར་དུ་མེད་པར་བཟོ་བ་ཡིན། ཁོར་ཡུག་འབགས་བསླད་བཟོ་བར་ཇེ་ཉུང་དུ་འགྲོ་བར་མ་ཟད་དུག་སྔོན་འགོག་བྱེད་པ། འབར་གས་མི་བྱེད་པ་སོགས་ཀྱི་བདེ་འཇགས་འགན་ལེན་གྱི་ནུས་པ་ལྡན་པ་ཡིན།
དྲོད་རླངས།
དྲོད་རླངས་ནི་བྱང་ཕྱོགས་ས་ཁུལ་གྱིས་དགུན་གྱི་དུས་སུ་གྲང་ངར་འགོག་པའི་སྒྲིག་བཀོད་ཡིན། ཁྱབ་ཆེ་བའི་གོ་དོན་ནི་མི་རྣམས་ལ་དྲོད་ཁོལ་སྟེར་ཐུབ་པའི་ཐོན་རྫས་ཤིག་ཡིན། གྲང་ངར་ཆེ་བའི་ས་གནས་སུ་དྲོད་རླངས་བཀོལ་སྤྱོད་བྱེད་བཞིན་ཡོད།
ཕོར་འཁྲུད།
ཕོར་འཁྲུད་ནི་རང་འགུལ་གྱིས་དཀར་ཡོལ་དང་ཐུར་མ། སྡེར་མ། གྲི་སོགས་གཙང་འཁྲུད་བྱེད་པའི་སྒྲིག་ཆས་ཡིན། དེས་གསོལ་ཁང་དང་མགྲོན་ཁང་། ལས་ཁུངས་སོགས་ཀྱི་ཇ་མའི་ལས་འགན་ཇེ་ཡང་དུ་གཏོང་བ་དང་བྱ་བའི་ལས་ཆོད་མཐོར་འདེགས་སུ་གཏོང་ཐུབ་པ་ཡིན། དལ་གྱིས་ཕོར་འཁྲུད་སྤྱིར་བཏང་གི་ཁྱིམ་ཚང་ནང་དུའང་ཡོད་དོ།
འཁྱག་སྒམ།
འཁྱགས་སྒམ་ནི་དུས་ཡུན་རིང་བོར་དྲོད་ཚད་དམའ་བའི་གྲང་བཟོ་སྒྲིག་ཆས་ཤིག་ཡིན་པ་དང་། བཟའ་བཏུང་དང་དངོས་རྫས་གཞན་དག་རུལ་བར་མི་བྱ་བའི་དམངས་སྤྱོད་ཐོན་རྫས་ཤིག་ཀྱང་ཡིན། ནང་དུ་གནོད་བཙིར་འཕྲུལ་འཁོར་དང་འཁྱགས་རོམ་བཟོ་ཆས་སོགས་ཡོད།
འཁྱགས་སྒྲོམ།
འཁྱགས་སྒྲོམ་ནི་འཁྱག་གཏོང་དགོས་པའི་ཟས་རིགས་ཐམས་ཅད་ནང་དུ་གསོག་འཇོག་བྱས་ཆོག་པའི་ཁྱིམ་ཆས་ཀྱི་རིགས་ཤིག་ཡིན། ལས་རིགས་སོ་སོ་དང་ཁྱིམ་ཚང་སོ་སོ་རུ་བཀོལ་སྤྱོད་བྱེད་བཞིན་ཡོད།
འོད་རླབས་ཐབ་ཀ
འོད་རླབས་ཐབ་ཀ་ནི་ཚལ་རྔོ་བར་བཀོལ་སྤྱོད་བྱེད་པའི་གློག་ཆས་ཀྱི་རིགས་ཤིག་ཡིན། འོད་རླབས་ཐབ་ཀ་ལ་ནུས་ཁུངས་གྲོན་ཆུང་བྱེད་པའི་ནུས་པ་ལྡན་པ་ཡིན།
རླུང་འཁོར།
རླུང་འཁོར་ནི་ཚ་བ་ཆེ་བའི་སྐབས་སུ་བཀོལ་སྤྱོད་བྱེད་པའི་ཁྱིམ་སྤྱོད་གློག་ཆས་ཤིག་ཡིན། དེས་མི་རྣམས་ཀྱི་ཚ་བ་སེལ་བའི་ནུས་པ་ཐོན་པ་རེད།
ཁྲ་ཡོལ།
ཁྲ་ཡོལ་ནི་ཁྱིམ་ཚང་གི་ཁང་པ་གསར་བ་སོགས་མཛེས་འཆོས་བྱེད་པའི་དངོས་པོ་ཞིག་ཡིན། ཐོག་ཁང་གསར་བ་སོགས་སུ་མཛེས་འཆོས་བྱེད་པའི་སྐབས་སུ་ཕལ་ཆེར་བཀོལ་སྤྱོད་བྱེད་པ་ཡིན།
གོས་རྡང་།
གོས་རྡང་ནི་མིའི་རིགས་ཀྱིས་ཉིན་རྒྱུན་བཀོལ་སྤྱོད་བྱེད་བཞིན་པའི་ཁྱིམ་ཆས་ཀྱི་རིགས་ཤིག་ཡིན། དེང་སྐབས་ཁྱིམ་ཚང་མང་པོ་ཞིག་གི་འཚོ་བའི་ངེས་མཁོའི་དངོས་རྫས་ཤིག་ཏུ་གྱུར་ཡོད།
གློག་སྟན།
གློག་སྟན་ནི་མི་རྣམས་གཉིད་པའི་སྐབས་སུ་མལ་འགྲིལ་ནང་གི་དྲོད་ཚད་ཇེ་མཐོར་གཏོང་བྱེད་ཀྱི་ཁྱིམ་ཆས་ཀྱི་རིགས་ཤིག་ཡིན། དེ་ནི་གློག་ཟད་ཚད་ཉུང་ལ་དྲོད་ཚད་རང་ཉིད་ཀྱིས་དགོས་མཁོ་དང་བསྟུན་ནས་སྙོམ་སྒྲིག་བྱེད་ཆོག་པ་ཞིག་ཡིན།
ཅོག་ཁེབས།
ཅོག་ཁེབས་ལ་དབྱེ་ན་གསོལ་ཅོག་སྒོར་དབྱིབས་རིགས་ཀྱི་ཅོག་ཁེབས་དང་། གསོལ་ཅོག་གྲུ་བཞི་དབྱིབས་ཀྱི་ཅོག་ཁེབས། ཇ་ལྕོག་སྒོར་དབྱིབས་རིགས་ཀྱི་ཅོག་ཁེབས་སོགས་རིགས་ཧ་ཅང་མང་པོ་འདུག
ཅོག་ཙེ་གྲུ་བཞི།
ཅོག་ཙེ་གྲུ་བཞི་ནི་ཐུན་མོང་མ་ཡིན་པའི་ཁྱད་འཕགས་ཅན་གྱི་རྒྱ་མི་རིགས་ཀྱི་སྲོལ་རྒྱུན་གྱི་ཁྱིམ་ཆས་ཤིག་རེད། གྲུ་བཞི་ཁ་གང་དབྱིབས་ཅན་གྱི་ཅོག་ཙེ་ཡིན། ཚད་གཞི་ལ་རིགས་ཆེ་ཆུང་གི་དབྱེ་བ་ཡོད།
ཅོག་ཙེ།
ཅོག་ཙེ་ནི་རྒྱུན་བཀོལ་གྱི་ཁྱིམ་ཆས་ཀྱི་རིགས་ཤིག་ཡིན། ངོས་འཇམ་པོ་ཡིན་པ་དང་། དེའི་ཐོག་ཏུ་དངོས་པོ་འཇོག་ཆོག་པ་དང་བྱ་བ་སོགས་སྒྲུབ་ན་ཆོག་གོ །
ཇ་ཅོག
ཇ་ཅོག་ནི་ཆིང་རྒྱལ་རབས་ཀྱི་སྐབས་སུ་དར་རྒྱས་བྱུང་བའི་ཁྱིམ་ཆས་ཤིག་རེད། མིང་རྒྱལ་རབས་སྐབས་ཀྱི་རི་མོའི་ཁྲོད་དུ་ཇ་ཅོག་གི་ནུས་པ་ཐོན་ཡོད། ཆིང་རྒྱལ་རབས་ཀྱི་སྐབས་སུ་འགྱུར་ལྡོག་བྱུང་ནས་ཁྱད་འཕགས་ཀྱི་ཐོན་རྫས་ཤིག་ཏུ་གྱུར་བ་རེད། སྤྱིར་བཤད་ན། ཇ་ཅོག་ཅུང་དམའ་བ་དང་ལ་ལར་ད་དུང་རིམ་པ་ཉིས་བརྩེགས་ཅན་ཡིན། ཇ་ཅོག་མང་ཆེ་ཤོས་ནི་མགྲོན་ཁང་ནང་གི་འབོལ་ཁྲི་ཡོད་པའི་གནས་སུ་འཇོག་དགོས་པ་དང་གཙོ་བོ་ཐོག་ཏུ་ཇ་ཕོར་དང་སིལ་ཏོག མེ་ཏོག དུ་ཚག་སོགས་འཇོག་བྱེད་ཀྱི་གོ་ཆོད་ཡོད།
ཉལ་ཤག
ཉལ་ཤག་ནི་མི་རྣམས་ངལ་གསོ་སའི་གནས་གཙོ་བོ་ཞིག་ཡིན་པས། ཉལ་ཤག་ཇུས་འགོད་བྱས་པ་བཟང་མིན་གྱིས་ཐད་ཀར་མི་རྣམས་ཀྱི་བྱ་བ་སྒྲུབ་པ་དང་འཚོ་བ་རོལ་བ། སློབ་སྦྱོང་བྱེད་པ་སོགས་ལ་ཤུགས་རྐྱེན་ཐེབས་སྲིད། དེ་བས་ཉལ་ཤག་ནི་ཁྱིམ་ཚང་མཛེས་སྤྲས་བྱེད་པའི་བྱ་བ་གཙོ་བོ་ཞིག་ཡིན།
ཉིས་མལ།
ཉིས་མལ་ནི་སྔ་རོལ་གྱི་མལ་ཁྲི་དང་བསྡུར་ན་ཅུང་ཆེ་བ་ཡིན། དེའི་ཐོག་ཏུ་མི་གཉིས་ནས་གསུམ་ད་དུང་དེ་ལས་མང་པོའི་བཀོལ་སྤྱོད་བྱེད་ཐུབ། རིང་ཚད་ལ་སྨི་གཉིས་ཡོད། ཞེང་ཚད་ལ་སྨི་གཅིག ཉིས་མལ་ལ་དབྱེ་ན་ཚད་ལྡན་གྱི་ཉིས་མལ་དང་ཇེ་ཆེར་གཏོང་ཆོག་པའི་ཉིས་མལ་གཉིས་ཡོད།
ད་བེར།
ད་བེར་ནི་གནའ་རབས་ཀྱི་འཛུགས་སྐྲུན་དངོས་པོའི་ནང་ཁུལ་གྱི་རླུང་འགོག་བྱེད་ཀྱི་ཁྱིམ་ཆས་ཤིག་ཡིན། ད་བེར་ནི་སྲོལ་རྒྱུན་གྱི་ཁྱིམ་ཆས་ཀྱི་གྲུབ་ཆ་གཙོ་བོ་ཞིག་ཡིན་པའི་ཆ་ནས། ལོ་རྒྱུས་ཡུན་རིང་ལྡན།
དྲ་ཚགས།
དབྱར་ཁ་སླེབས་དུས། དུག་སྦྲང་དང་ཤ་སྦྲང་སོགས་ཀྱིས་མི་རྣམས་ལ་གནོད་པ་ཐེབས་སྲིད་པ་དང་། ཁྱིམ་ནང་དུ་དུག་སྦྲང་གཅིག་ཡོད་པ་ན་གཉིད་མི་ཐུབ་པ་ཡིན། དེ་ན་དུག་སྦྲང་བཀག་འགོག་བྱེད་པའི་ཐབས་ནི་སྤོས་དང་ཆུའི་དྲི་ཞིམ་སོགས་བཀོལ་སྤྱོད་བྱེད་པ་ལས་གཞན། དྲ་ཚགས་ནི་དུག་སྦྲང་འགོག་པའི་ཐབས་ལེགས་ཤོས་ཤིག་རེད།
དྲིལ་ཡོལ།
དྲིལ་ཡོལ་གཙོ་བོ་གློག་སྒུལ་དྲིལ་ཡོལ་དང་། འདེད་སྒྲོག་དྲིལ་ཡོལ། ལྡེམ་རྩིབ་དྲིལ་ཡོལ། མེ་འགོག་དྲིལ་ཡོལ་སོགས་ཡོད། དེས་ལ་ཕྱིའི་རྣམ་པ་མཛེས་པ། གྲུབ་ཚུལ་སྲ་བརྟན་ཡིན་པ་དང་སྤྱོད་ཤན་ཆེ་བ་སོགས་ཀྱི་ཁྱད་ཆོས་མང་པོ་ལྡན།
ཕོར་སྒྲོམ།
ཤིང་བཟོའི་ཕོར་སྒྲོམ་ལ་ཤིང་རིགས་ཀྱི་ཕོར་སྒྲོམ་དང་གདངས་གཏོང་སྟངས་རིགས་ཀྱི་ཕོར་སྒྲོམ། ཧ་ཡང་ལྕགས་བསྲེས་མའི་རིགས་ཀྱི་ཕོར་སྒྲོམ་བཅས་གསུམ་ཡོད།
བསིལ་སྔས།
བསིལ་སྔས་ནི་བསིལ་བར་བྱེད་པའི་ཉལ་ཆས་ཤིག་ཡིན། དེ་ནི་ཚ་བ་འགོག་པ་དང་དྲོད་ཚད་མར་འབབ་པའི་རྒྱུ་ཆའི་གྲུབ་པ་ཡིན། དེ་ཡིས་མི་རྣམས་གཉིད་ཁུག་པར་བསིལ་མོ་བདེ་མོ་ཡིན་པའི་ཁོར་ཡུག་ཞིག་བསྐྲུན་ངེས་ཡིན། དེ་བས། དབྱར་ཁ་སླེབས་དུས། རང་ཉིད་ལ་འཚམ་པའི་བསིལ་སྔས་བཀོལ་སྤྱོད་བྱས་ན་མིའི་ལུས་པོ་བདེ་ཐང་ཡོང་བར་ཕན་པ་ཆེའོ། །
བསིལ་སྟན།
བསིལ་སྟན་ནི་དབྱར་ཁར་བསིལ་མོ་ཡོང་བའི་ཆེད་དུ་བཀོལ་སྤྱོད་བྱེད་བཞིན་པའི་གདན་ཡིན། དེ་ལ་སྨྱུག་མའི་རིགས་ཀྱི་བསིལ་སྟན་དང་རྩྭའི་རིགས་ཀྱི་བསིལ་སྟན་གཉིས་ཡོད།
བསྣོལ་ཁྲིའུ།
ཧན་རྒྱལ་རབས་དང་ཝེ་རྒྱལ་རབས་ཀྱི་སྔོན་ལ། གནའ་མི་ཐམས་ཅད་ས་ལ་སྡོད་པ་དང་སྐབས་དེར་རྐུབ་བཀྱག་རྒྱབ་བསྙེས་མ་སོགས་མེད་པ་དང་། དུས་སྐབས་དེའི་མལ་ཁྲི་ནི་སྔ་རབས་ཀྱི་རྐུབ་སྟེགས་ཡིན་པ་དང་གཟིམ་ཆས་མིན། གྲལ་རིམ་གྱི་དབྱེ་བ་ཆེ་བའི་བཀས་བཀོད་རྒྱུད་འཛིན་གྱི་སྤྱི་ཚོགས་ཁྲོད་དུ་བསྣོལ་ཁྲིའུ་ནི་མི་གང་རུང་ཞིག་འདུག་ཐུབ་པ་ཞིག་མ་ཡིན་པར། བསྣོལ་ཁྲིའུ་ལ་འདུག་པའི་མི་ནི་ཐོབ་ཐང་ཡོད་པ་དང་གོ་གནས་མཐོ་བ་སོགས་ཡིན།
