ཀྲེ་ཅང་ཞིང་ཆེན།
ཀྲེ་ཅང་ཞིང་ཆེན་ནི་ཀྲུང་གོའི་ཤར་ལྷོའི་མཚོ་འགྲམ་གྱི་འབྲི་ཆུ་སན་ཅོ་ཀྲོའུ་ལྷོ་ཕྱོགས་སུ་ཡོད་པ་དང་། ཤར་ཕྱོགས་ནས་ཏུང་ཧའེ་དང་སྦྲེལ་ཞིང་། ལྷོ་ཕྱོགས་ནས་ཧྥུ་ཅན་དང་སྦྲེལ་ཡོད་ལ། ནུབ་ཕྱོགས་ནས་ཅང་ཞི་དང་ཨན་ཧུའེ་དང་སྦྲེལ་ཡོད། ཡང་བྱང་ནས་ཧྲང་ཧའེ་དང་ཅང་སུའུ་གཉིས་ལ་སྦྲེལ་ཡོད། དེ་ཡང་ཀྲེ་ཅང་ཞིང་ཆེན་གྱི་གཙང་བོ་ཆེས་ཆེན་པོ་ནི་ཆན་ཐང་ཅང་གཙང་བོ་ཡིན་ལ། གཙང་བོ་དེ་ཧ་ཅང་ཀྱག་ཀྱོག་ཡིན་པའི་རྐྱེན་གྱིས་ཅང་ཟེར་བ་ཡིན་ཞིང་། ཀྲེ་ཅང་ཡང་ཟེར། དེའི་ཞིང་ཆེན་གྱི་མིང་ནི་གཙང་བོ་ལས་ཐོགས་པ་དང་། མིང་བསྡུས་ན་ཀྲེ་ཞེས་འབོད་པ་ཡིན། གཞན་ཀྲེ་ཅང་ཞིང་ཆེན་གྱི་ཤར་ནུབ་དང་ལྷོ་བྱང་གི་དྲང་ཐིག་གི་རིང་ཚད་ལ་སྤྱི་ལེ་བཞི་བརྒྱ་དང་ལྔ་བཅུའི་ཡས་མས་ཡིན་ལ། རྒྱལ་ཡོངས་ཀྱི་ས་ཞིང་བརྟག་དཔྱད་ཀྱི་འབྲས་བུ་ལྟར་ན། ཀྲེ་ཅང་ཞིང་ཆེན་གྱི་སའི་རྒྱ་ཁྱོན་ནི་སྤྱི་ལེ་གྲུ་བཞི་མ་འབུམ155000 ཡིན་ཞིང་། རྒྱལ་ཡོངས་ཀྱི་སའི་རྒྱ་ཁྱོན་གྱི1.1%ཟིན་པ་དང་། ཀྲུང་གོའི་གཞི་ཁྱོན་ཆེས་ཆུང་བའི་ཞིང་ཆེན་གྲས་ཀྱི་གཅིག་ཡིན། ཀྲེ་ཅང་ཞིང་ཆེན་དུ་ཧང་ཀྲོའུ་དང་ཉིང་པོ། ཝུན་ཀྲོའུ། ཧྲའོ་ཞིན། ཧུའུ་ཀྲོའུ། ཅིན་ཧྭ། ཆུས་ཀྲོའུ། ཀྲོའུ་ཧྲན། ཐའེ་ཀྲོའུ། ལི་ཧྲུའེ་སོགས་ཐད་གཏོགས་གྲོང་ཁྱེར་བཅུ་གཅིག་ཡོད་པ་དང་། དེའི་ཁྲོད་ཀྱི་ཧང་ཀྲོའུ་དང་ཉིང་པོ་གཉིས་ནི་ཞིང་ཆེན་རིམ་པའི་གྲོང་ཁྱེར་ཕལ་བ་ཡིན་ལ། དེའི་མངའ་འོག་ཏུ་རྫོང་རིམ་པའི་སྲིད་འཛིན་ས་ཁུལ90 ཡོད་ཅིང་། དེའི་ནང་དུ་ཐད་གཏོགས་གྲོང་ཁྱེར34 དང་རྫོང་རིམ་པའི་གྲོང21 རྫོང34 རང་སྐྱོང་རྫོང1 བཅས་འདུ་བ་ཡིན།
ཅང་ཞི་ཞིང་ཆེན།
ཅང་ཞི་ཞིང་ཆེན་ནི་ཀྲོང་གོའི་ཞིང་ཆེན་རིམ་པའི་སྲིད་འཛིན་ས་ཁུལ་ཡིན་པ་དང་། མིང་བསྡུས་ན་ཀན་ཞེས་འབོད་པ་ཡིན་ལ། མིང་གཞན་ལ་ཀན་ཕོ་ས་གཞི་ཟེར་ཞིང་། དེ་ནི་ཅང་ནན་གྱི་ཉ་འབྲས་ཀྱི་ཕ་སའང་ཡིན། ཅང་ཞི་ཞིང་ཆེན་ནི་བྱང་གི་འཕྲེད་ཐིག24°29′14″—30°04′41″དང་ཤར་གྱི་གཞུང་ཐིག113°34′36″—118°28′58″ཀྱི་བར་དུ་གནས་པ་ཡིན་ཞིང་། ཤར་ཕྱོགས་སུ་ཀྲེ་ཅང་དང་ཧྥུ་ཅན་ཞིང་ཆེན་གཉིས་དང་སྦྲེལ་ཡོད་ལ། ལྷོ་ཕྱོགས་སུ་ཧུའུ་ནན་ཞིང་ཆེན་དང་སྦྲེལ་ཡོད། ཡང་བྱང་ཕྱོགས་སུ་ཧུའུ་པེ་དང་ཨན་ཧུའེ་ཞིང་ཆེན་དང་སྦྲེལ་ཡོད། གཞན་ཅང་ཞི་ཞིང་ཆེན་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ166900 ཡོད་ཅིང་། ས་ཁུལ་རིམ་པའི་གྲོང་ཁྱེར11དང་རྫོང100ཡོད་ལ། ཞིང་ཆེན་གྱི་ལྟེ་གནས་ནི་ནན་ཁྲང་གྲོང་ཁྱེར་ཡིན་པ་དང་ཧྭ་ཤར་ས་ཁུལ་གྱི་ཁོངས་སུ་གཏོགས།
ཅང་སུའུ་ཞིང་ཆེན།
ཅང་སུའུ་ཡི་མིང་བསྡུས་ན་སུའུ་ཞེས་འབོད་པ་དང་། ཞིང་ཆེན་གྱི་ལྟེ་གནས་ནི་ནན་ཅིང་ཞེས་འབོད་པ་ཡིན་ལ། ཀྲུང་གོའི་སྐམ་ས་ཆེན་པོའི་ཤར་རྒྱུད་མཚོ་འགྲམ་གྱི་ལྟེ་བར་ཡོད་ཅིང་། ཤར་གྱི་གཞུང་ཐིག116°18′—121°57′དང་བྱང་གི་འཕྲེད་ཐིག30°45′—35°20′བར་དུ་ཡོད། ཅང་སུའུ་ཞིང་ཆེན་གྱི་སྐམ་སའི་མཐའ་མཚམས་ལ་སྤྱི་ལེ3300 ཡོད་པ་དང་། རྒྱ་ཁྱོན་ལ་སྤྱི་ལེ་གྲུ་བཞི་མ126000 ཡོད་ལ། རྒྱལ་ཡོངས་ཀྱི་སའི་རྒྱ་ཁྱོན་གྱི1.06%ཟིན་ཞིང་། མི་གྲངས་ཆ་སྙོམས་ཀྱི་རྒྱལ་ཁོངས་གཞི་ཁྱོན་ནི་རྒྱལ་ཡོངས་ཀྱི་ཞིང་ཆེན་ལས་ཆེས་ཉུང་བ་དེ་ཡིན། ཡང་ཅང་སུའུ་ཞིང་ཆེན་གྱི་ས་བབ་ནི་གཙོ་བོ་བདེ་ཐང་ཡིན་པ་དང་། བདེ་ཐང་གི་གཞི་ཁྱོན་ལ་སྤྱི་ལེ་གྲུ་བཞི་མ70000 ཡོད་ཅིང་། ཅང་སུའུ་ཞིང་ཆེན་གྱི་སྤྱིའི་རྒྱ་ཁྱོན་གྱི་བརྒྱ་ཆའི70% ཡན་ལ་སོན་ཡོད་ལ། སྡུར་ཚད་ནི་རྒྱལ་ཡོངས་ཀྱི་ཞིང་ཆེན་ཡོངས་ཀྱི་ཨང་དང་པོ་ཡིན། གཞན་སྤྱི་ལོ2014ལོར་བསྡོམས་རྩིས་བྱས་པ་ལྟར་ན། ཅང་སུའུ་ཞིང་ཆེན་གྱི་རྒྱུན་སྡོད་མི་གྲངས་ནི79606000 ཡིན་ལ། རྒྱལ་ཡོངས་ཀྱི་ཨང་ལྔ་བ་ཡིན།
སི་ཁྲོན་ཞིང་ཆེན།
སི་ཁྲོན་ཞིང་ཆེན་གྱི་མིང་བསྡུས་ན་ཁྲོན་དང་ཧྲུའུ་ཞེས་འབོད་པ་དང་། ཞིང་ཆེན་གྱི་ལྟེ་གནས་ནི་ཁྲེང་ཏུའུ་ཡིན་ལ། ཀྲུང་གོའི་སྐམ་ས་ཆེན་པོའི་ལྷོ་ནུབ་ཏུ་ཡོད་ཅིང་། ས་གཤིན་ཐོན་ལེགས་ཀྱི་ཞིང་ཁམས་ཞེས་པའི་གྲགས་པ་རྒྱས་ཡོད་པ་ནི། ཀྲུང་གོའི་ནུབ་རྒྱུད་ཀྱི་སྒོ་མོ་ལྟ་བུ་ཡིན་པ་དང་དོམ་གྱི་ཕ་ས་ཡིན་པའི་རྐྱེན་གྱིས་ཡིན། དེ་ཡང་སི་ཁྲོན་ཞིང་ཆེན་ནི་དེང་གི་ཁྲུང་ཆིང་དང་ཀུའེ་ཀྲོའུ། ཡུན་ནན། བོད་ལྗོངས། མཚོ་སྔོན། ཀན་སུའུ། ཧྲའན་ཞི（陕西）བཅས་ལ་འབྲེལ་ཡོད། ཡང་ཤར་རྒྱུད་ནི་ཁྲོན་ཏུང་ཞེང་ལིང་གྲོག་རོང་དང་ཁྲོན་ཀྲུང་དེའུ་འབུར་གཉིས་ཡིན་པ་དང་། དབུས་རྒྱུད་ནི་ཁྲེང་ཏུའུ་བདེ་ཐང་ཡིན་ལ། ནུབ་རྒྱུད་ནི་ཁྲོན་ཞི་མཐོ་སྒང་ཡིན། གཞན་སི་ཁྲོན་ཞིང་ཆེན་ལ་ས་ཁུལ་རིམ་པའི་གྲོང་ཁྱེར17དང་མི་རིགས་གྲངས་ཉུང་གི་རང་སྐྱོང་ཁུལ3ཡོད། སི་ཁྲོན་ཞིང་ཆེན་ནི་ཀྲུང་གོའི་དཔལ་འབྱོར་དང་བཟོ་ལས། ཞིང་ལས། དམག་དོན། ཡུལ་སྐོར་ལྗོངས་རྒྱུ། རིག་གནས་བཅས་གཙོ་བོར་བྱས་པའི་ཞིང་ཆེན་ཞིག་ཡིན་ལ། ཞིང་ཆེན་གྱི་ལྟེ་གནས་ཁྲེང་ཏུའུ་ནི་དམག་ཁུལ7གྱི་ཡ་གྱལ་ལམ་ཁྲེང་ཏུའུ་དམག་ཁུལ་ཡོད་ས་ཡིན།
ཐའེ་ཝན་ཞིང་ཆེན།
ཐའེ་ཝན་ཞིང་ཆེན་ནི་ཀྲུང་གོའི་སྐམ་ས་ཆེན་པོའི་ཤར་ལྷོའི་མཚོ་འགྲམ་དུ་ཡོད་ཅིང་། ཤར་ཕྱོགས་ནས་ཞི་བདེ་རྒྱ་མཚོ་ཆེན་མོ་དང་ཐག་ཉེ་བ་དང་། བྱང་ཤར་ཀྱི་ཕྱོགས་ནས་ལིའུ་ཆིའུ་གླིང་ཚོམ་དང་ཐག་ཉེ་བ་ཡིན། ཡང་ལྷོ་ཕྱོགས་སུ་པ་ཧྲི་མཚོ་འགག་དང་ཧྥི་ལི་ཕིན་གླིང་ཚོམ་གཉིས་དང་ཁ་གཏད་དུ་ཡོད་ལ། ནུབ་ཕྱོགས་སུ་ཐའེ་ཝན་མཚོ་འགག་དང་ཧྥུ་ཅན་ཞིང་ཆེན་གཉིས་ལ་འབྲེལ་ནས་ཡོད། དེ་ཡང་ཐའེ་ཝན་ཞིང་ཆེན་གྱི་སྤྱིའི་རྒྱ་ཁྱོན་ལ་སྟོང་སྨི་གྲུ་བཞི་མ་36000 ཡོད་དེ། ཐའེ་ཝན་གླིང་ཕྲན་དང་ལན་ཡུས། ལིའུ་ཏའོ། ཏིའོ་ཡུས་ཏའོ་སོགས་གླིང་ཕྲན་མང་བོ་འདུ་བ་ཡིན་ཞིང་། ཐའེ་ཝན་ཞིང་ཆེན་གྱི་གཞི་ཁྱོན་ལ་སྟོང་སྨི་གྲུ་བཞི་མ་35798 ཡོད་པ་དང་། རྒྱལ་ཡོངས་ཀྱི་གླིང་ཕྲན་ཆེས་ཆེ་བ་དེ་ཡིན། ཐའེ་ཝན་ཞིང་ཆེན་ནི་ཚ་ཁུལ་དང་ཚ་ཁུལ་ཕལ་བའི་ནམ་ཟླའི་བར་མཚམས་ཀྱི་སར་གནས་པས། རང་བྱུང་གི་ལྗོངས་རྣམ་དང་སྐྱེ་ཁམས་ཐོན་ཁུངས་ཧ་ཅང་ཕུན་སུམ་ཚོགས་པ་ཡིན་ལ། མི་གྲངས23000000 ཡིན། ཡང་ས་དེའི་གཞིས་ཆགས་མི་རིགས་གམ་ཀའོ་ཧྲན་མི་རིགས་ནི་དུས་རབས17 པར་རྒྱ་རིགས་ས་དེར་གནས་མ་སྤར་བའི་ཡར་སྔོན་ནས་གནས་དེར་འཚོ་སྡོད་བྱས་པ་ཡིན་མོད། མིང་རྒྱལ་རབས་ཀྱི་དུས་མཇུག་དང་ཆིང་རྒྱ་རབས་ཀྱི་དུས་འགོར། ཧྥུ་ཅན་ལྷོ་ཕྱོགས་དང་ཀོང་ཏུང་ཤར་ཕྱོགས་ཀྱི་མི་རྣམས་དེར་གནས་སྤར་རྗེས། རྒྱ་རིགས་གཙོ་བོར་བྱས་པའི་སྤྱི་ཚོགས་ཤིག་གྲུབ་པ་རེད།
ཧའེ་ནན་ཞིང་ཆེན།
ཧའེ་ནན་ཞིང་ཆེན་གྱི་མིང་བསྡུས་ན་ཆུང་ཞེས་འབོད་པ་དང་། མིང་གཞན་ལ་ཆུང་ཀྲོའུ་ཟེར་བ་ཡིན་ལ། ཀྲུང་གོའི་ལྷོ་ཕྱོགས་སུ་ཡོད་པ་ཡིན། དེ་ཧའེ་ནན་ཞིང་ཆེན་ནི་ཀྲུང་གོའི་གཞི་ཁྱོན་ཆེས་ཆེ་བའི་ཞིང་ཆེན་ཡིན་ཞིང་། ཧའེ་ནན་གྱི་དཔལ་འབྱོར་དམིགས་བསལ་ས་ཁུལ་ནི་ཀྲུང་གོའི་ཞིང་ཆེན་རིམ་པའི་དཔལ་འབྱོར་དམིགས་བསལ་ས་ཁུལ་ཆེས་ཆེན་པོའམ་གཅིག་པུ་དེ་ཡིན།ཡང་ཧའེ་ནན་གླིང་ཕྲན་ནི་ཀྲུང་གོའི་གླིང་ཕྲན་གཉིས་པར་བགྲངས་པ་ཡིན། ཧའེ་ནན་ཞིང་ཆེན་གྱི་བྱང་ཕྱོགས་ནི་ཆུང་ཀྲོའུ་མཚོ་འགག་དང་ཀོང་ཏུང་ཞིང་ཆེན་གཉིས་ལ་ཐུག་ཡོད་ཅིང་། ནུབ་ཕྱོགས་སུ་ཀོང་ཞི་ཀྲོང་རིགས་རང་སྐྱོང་ཁུལ་དང་ཡུའེ་ནན་གཉིས་ལ་ཐག་ཉེ་བ་དང་། ཤར་ཕྱོགས་ནི་ནན་ཧའེ་དང་ཐའེ་ཝན་གཉིས་དང་ཁ་གཏད་དུ་ཡོད་ལ། ཤར་ལྷོའམ་ལྷོ་ཕྱོགས་སུ་ནན་ཧའེ་ཀྲུང་དང་ཧྥི་ལེ་ཕིན། ཝུན་ལའེ། མ་ལའེ་ཞི་ཡ་བཅས་དང་ཐག་ཉེ་བ་ཡིན། སྤྱི་ལོ1988ལོའི་ཟླ4བར།ཧའེ་ནན་ཞིང་ཆེན་དུ་ཧའེ་ནན་དཔལ་འབྱོར་དམིགས་བསལ་ས་ཁུལ་བཙུགས་པ་ཡིན་ལ།ཧའེ་ནན་ཞིང་ཆེན་གྱི་སྲིད་འཛིན་ས་ཁུལ་ནི་ཧའེ་ནན་གླིང་ཕྲན་དང་ཞི་ཧྲ་གླིང་ཚོམ། ནན་ཧྲ་གླིང་ཚོམ། ཀྲུང་ཧྲ་གླིང་ཚོམ་བཅས་ཀྱི་གླིང་ཕྲན་གྱི་ཆུ་འོག་བྲག་རྡོ་དང་རྒྱ་མཚོ་སོགས་ཡིན།
ནང་སོག་རང་སྐྱོང་ལྗོངས།
ནང་སོག་རང་སྐྱོང་ལྗོངས་ཀྱི་བསྡུས་མིང་ལ“ནང་སོག”ཟེར་ཞིང་། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཞིང་ཆེན་རིམ་པའི་སྲིད་འཛིན་ཁུལ་ཞིག་ཡིན། སྲིད་གཞུང་གནས་ཡུལ་ནི་ཧུའུ་ཧོ་ཧའོ་ཐུ་ཡིན། དེ་ནི་ཀྲུང་གོའི་བྱང་རྒྱུད་དུ་གནས་ཡོད་པ་དང་། ས་ཁམས་གནས་ཚད་ནི་བྱང་གི་འཕྲད་ཐིག37°24′-53°23′དང་། ཤར་གྱི་གཞུང་ཐིག97°12′-126°04′བར་དུ་གནས་ཡོད་པ་ཡིན། བྱང་ཤར་ས་ཁུལ་ནི་ཧེ་ལུང་ཅང་དང་། ཅི་ལིན། ལིའོ་ཉིན། ཧོ་པེ་བཅས་དང་འབྲེལ་ཡོད་པ་དང་། ལྷོ་རྒྱུད་ནི་ཧྲན་ཞི་དང་། ཧྲའན་ཞི། ཉིང་ཞ་བཅས་དང་འབྲེལ་ཡོད། ནུབ་ལྷོ་ནི་ཀན་སུའུ་དང་འབྲེལ་ཡོད་པ་དང་། བྱང་ཕྱོགས་ནི་ཨུ་རུ་སུ་དང་ཕྱི་སོག་ལ་འབྲེལ་ཡོད་པ་རེད། ནང་སོག་རང་སྐྱོང་ལྗོངས་ནི་ས་ཁམས་ས་ཁོངས་ཆེན་པོ་བཞི་རུ་བགོས་པའི་ནུབ་བྱང་ས་ཁུལ་དུ་གཏོགས་པ་ཡིན། སྤྱི་ལོ2019ལོའི་ལོ་མཇུག་བར་ནང་སོག་གི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི118.3ཡོད་པ་དང་། དེའི་ཁོངས་སུ་ས་ཁུལ་རིམ་པའི་གྲོང་ཁྱེར9དང་མེང3 གྲོང་ཁྱེར་ཁོངས་གཏོགས་ཆུས23 རྫོང་རིམ་པའི་གྲོང་ཁྱེར11 རྫོང17 ཆི49 རང་སྐྱོང་ཆི3བཅས་ཡོད། རྒྱུན་སྡོད་མི་གྲངས་ཁྲི2539.6ཡོད། ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར17212.5ཡོད།
བོད་རང་སྐྱོང་ལྗོངས།
བོད་རང་སྐྱོང་ལྗོངས་ནི་ཀྲུང་གོའི་མདོ་དབུས་མཐོ་སྒང་གི་ལྷོ་ནུབ་རྒྱུད་དུ་ཡོད་པ་དང་། བྱང་གི་འཕྲེད་ཐིག 26°50′—36°53′དང་ཤར་གྱི་གཞུང་ཐིག78°25′—99°06′གི་བར་དུ་གནས་ཤིང་། བྱང་ཕྱོགས་ནི་ཞིན་ཅང་ཡུ་གུར་རིགས་རང་སྐྱོང་ལྗོངས་ལ་ཐག་ཉེ་བ་དང་། ཤར་ཕྱོགས་ནི་སི་ཁྲོན་ཞིང་ཆེན་དང་འབྲེལ་ནས་ཡོད། ཡང་བྱང་ཤར་ནི་མཚོ་སྔོན་ཞིང་ཆེན་ལ་ཐུག་ཡོད་པ་དང་། ལྷོ་ཤར་ནི་ཡུན་ནན་ཞིང་ཆེན་དང་འབྲེལ་ནས་ཡོད་ཅིང་། ལྷོ་ཕྱོགས་སུ་འབར་མ་དང་རྒྱ་གར། འབྲུག་ཡུལ བལ་བོ་སོགས་རྒྱལ་ཁབ་དག་དང་ཐག་ཉེ་བ་ཡིན་ལ། ནུབ་ཕྱོགས་ནི་ཁ་ཆེ་དང་འབྲེལ་ནས་ཡོད་དེ། ལྷོ་བྱང་གི་ཞེང་ལ་སྤྱི་ལེ900དང་ཤར་ནུབ་ཀྱི་རིང་ཚད་ལ་སྤྱི་ལེ2000ཡོད་པ་ཡིན། བོད་རང་སྐྱོང་ལྗོངས་ཀྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ122200 ཡིན་ལ། རྒྱལ་ཡོངས་ཀྱི་སྤྱིའི་རྒྱ་ཁྱོན་གྱི1/8 ཟིན་ཡོད་ཅིང་། རྒྱལ་ཡོངས་ཀྱི་ཞིང་ཆེན་དང་གྲོང་ཁྱེར། རང་སྐྱོང་ལྗོངས་བཅས་ཀྱི་ནང་ནས་ཨང་གཉིས་པར་བགྲངས་པ་ཡིན། དེ་ཡང་བོད་རང་སྐྱོང་ལྗོངས་ཀྱི་ཆ་སྙོམས་ཀྱི་མཚོ་འཕགས་ནི་སྨི4000ཡན་ལ་སོན་པས། འཛམ་གླིང་གི་ཡང་རྩེ་ཞེས་སྙན་པའི་གྲགས་པ་ཕྱོགས་བཅུར་ཁྱབ་ཡོད། ཡང་སྤྱི་ལོ2012ལོའི་ལོ་མཇུག་ཏུ་བསྡོམས་རྩིས་བྱས་པ་ལྟར་ན། ལྗོངས་ཡོངས་ཀྱི་རྒྱུན་སྡོད་མི་གྲངས་ནི3080000ཡིན་ལ། ས་ཁུལ་རིམ་པའི་གྲོང་ཁྱེར4དང་། ས་ཁུལ3 གྲོང་ཁྱེར་ཐད་སྐྱོང་ས་ཁུལ3 རྫོང72 བཅས་ཡོད། བོད་རང་སྐྱོང་ལྗོངས་ནི་ཀྲུང་གོའི་མདོ་དབུས་མཐོ་སྒང་གི་ལྷོ་ནུབ་རྒྱུད་དུ་ཡོད་པ་དང་། བྱང་གི་འཕྲེད་ཐིག 26°50′—36°53′དང་ཤར་གྱི་གཞུང་ཐིག78°25′—99°06′གི་བར་དུ་གནས་ཤིང་། བྱང་ཕྱོགས་ནི་ཞིན་ཅང་ཡུ་གུར་རིགས་རང་སྐྱོང་ལྗོངས་ལ་ཐག་ཉེ་བ་དང་། ཤར་ཕྱོགས་ནི་སི་ཁྲོན་ཞིང་ཆེན་དང་འབྲེལ་ནས་ཡོད། ཡང་བྱང་ཤར་ནི་མཚོ་སྔོན་ཞིང་ཆེན་ལ་ཐུག་ཡོད་པ་དང་། ལྷོ་ཤར་ནི་ཡུན་ནན་ཞིང་ཆེན་དང་འབྲེལ་ནས་ཡོད་ཅིང་། ལྷོ་ཕྱོགས་སུ་འབར་མ་དང་རྒྱ་གར། འབྲུག་ཡུལ བལ་བོ་སོགས་རྒྱལ་ཁབ་དག་དང་ཐག་ཉེ་བ་ཡིན་ལ། ནུབ་ཕྱོགས་ནི་ཁ་ཆེ་དང་འབྲེལ་ནས་ཡོད་དེ། ལྷོ་བྱང་གི་ཞེང་ལ་སྤྱི་ལེ900དང་ཤར་ནུབ་ཀྱི་རིང་ཚད་ལ་སྤྱི་ལེ2000ཡོད་པ་ཡིན། བོད་རང་སྐྱོང་ལྗོངས་ཀྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ122200 ཡིན་ལ། རྒྱལ་ཡོངས་ཀྱི་སྤྱིའི་རྒྱ་ཁྱོན་གྱི1/8 ཟིན་ཡོད་ཅིང་། རྒྱལ་ཡོངས་ཀྱི་ཞིང་ཆེན་དང་གྲོང་ཁྱེར། རང་སྐྱོང་ལྗོངས་བཅས་ཀྱི་ནང་ནས་ཨང་གཉིས་པར་བགྲངས་པ་ཡིན། དེ་ཡང་བོད་རང་སྐྱོང་ལྗོངས་ཀྱི་ཆ་སྙོམས་ཀྱི་མཚོ་འཕགས་ནི་སྨི4000ཡན་ལ་སོན་པས། འཛམ་གླིང་གི་ཡང་རྩེ་ཞེས་སྙན་པའི་གྲགས་པ་ཕྱོགས་བཅུར་ཁྱབ་ཡོད། ཡང་སྤྱི་ལོ2012ལོའི་ལོ་མཇུག་ཏུ་བསྡོམས་རྩིས་བྱས་པ་ལྟར་ན། ལྗོངས་ཡོངས་ཀྱི་རྒྱུན་སྡོད་མི་གྲངས་ནི3080000ཡིན་ལ། ས་ཁུལ་རིམ་པའི་གྲོང་ཁྱེར4དང་། ས་ཁུལ3 གྲོང་ཁྱེར་ཐད་སྐྱོང་ས་ཁུལ3 རྫོང72 བཅས་ཡོད།
ཞང་ཀང་དམིགས་བསལ་སྲིད་འཛིན་ས་ཁུལ།
ཞང་ཀང་གི་མིང་ཧྲིལ་བོ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དམིགས་བསལ་སྲིད་འཛིན་ས་ཁུལ་ཞེས་པ་དེ་ཡིན་ལ། ཞང་ཀང་གླིང་ཕྲན་དང་ཅིའུ་ལུང་ཕྱེད་གླིང་། ཞིན་ཅེ་བཅས་ཀྱིས་གྲུབ་པ་ཡིན་ཞིང་། དེ་ནི་ཀྲུང་གོའི་ཧྭ་ལྷོ་ས་ཁུལ་དང་ཀྲུའུ་ཅང་གཙང་བོའི་ཤར་ངོགས་སུ་ཡོད་དེ། བྱང་ཕྱོགས་ནི་ཧྲིན་ཀྲེན་ཧོ་དང་ཀོང་ཏུང་ཧྲིན་ཀྲེན་ལ་འབྲེལ་ནས་ཡོད། ཡང་ནུབ་ཕྱོགས་སུ་ཨའོ་མོན་གྱི་བར་དུ་རྒྱ་མཚོས་བཅད་ནས་ཁ་གཏད་དུ་ཡོད་པ་དང་། ལྷོ་ཕྱོགས་ནི་ཀྲུང་གོ་ཧའེ་ལྷོ་མ་ལ་ཐུག་ཡོད། ཞང་ཀང་ནི་དར་རྒྱས་ཧ་ཅང་ཆེ་བའི་རྒྱལ་སྤྱིའི་གྲོང་ཁྱེར་ཆེན་པོ་ཞིག་ཡིན་ལ། གོ་ལ་ཧྲིལ་བོའི་དངུལ་རྩའི་ལྟེ་གནས་ནི་ཉིའུ་ཡུའེ་ཨང་དང་པོ་དང་ལོན་ཏོན་གཉིས་པ། ཞང་ཀང་གསུམ་པར་བགྲངས་པ་ཡིན་པས། དེ་གསུམ་པོའི་སྤྱི་མིང་ལ་ཉིའུ་ལོན་ཀང་ཞེས་འབོད་པ་ཡིན། ཡང་ཞང་ཀང་ནི་ཡ་གླིང་གི་དངུལ་རྩ་དང་ཞབས་ཞུ། མཁའ་འགྲུལ་བཅས་ཀྱི་ལྟེ་གནས་གལ་ཆེན་ཞིག་ཡིན།
ཞིན་ཅང་ཡུ་གུར་རིགས་རང་སྐྱོང་ལྗོངས།
ཞིན་ཅང་གི་མིང་ཧྲིལ་བོ་ནི་ཞིན་ཅང་ཡུ་གུར་རིགས་རང་སྐྱོང་ལྗོངས་ཞེས་པ་དེ་ཡིན་པ་དང་། མིང་བསྡུས་ན་ཞིན་ཞེས་འབོད་པ་ཡིན་ལ། ཀྲུང་གོའི་ནུབ་བྱང་གི་མཐའ་མཚམས་སུ་ཡོད་ཅིང་། ལྗོངས་ཡོངས་ཀྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ1660000 ཡོད་དེ། རྒྱལ་ཡོངས་ཀྱི་སྤྱིའི་རྒྱ་ཁྱོན་གྱི1/6 ཟིན་ཡོད་པར་མ་ཟད། ཀྲུང་གོའི་སྐམ་སའི་ཐོག་གི་རྒྱ་ཁྱོན་ཆེས་ཆེ་བའི་ཞིང་ཆེན་རིམ་པའི་སྲིད་འཛིན་ས་ཁུལ་དེ་ཡིན། དེ་ཡང་ཞིན་ཅང་ནི་ཡ་ཨོ་སྐམ་ས་ཆེན་པོར་གནས་པ་དང་། སྐམ་སའི་མཐའ་མཚམས་ཀྱི་རིང་ཚད་ལ་སྤྱི་ལེ5600ལྷག་ཡོད་པ་ཡིན་ཞིང་། མཐའ་འཁོར་ནི་ཨུ་རུ་སུ་དང་ཧ་ས་ཁོ་སི་ཐན། ཅི་ཨེར་ཅི་སི་ཐན། ཕ་ཁི་སི་ཐན། མོང་གོལ། རྒྱ་གར། ཨ་ཧྥུ་ཧན་བཅས་རྒྱལ་ཁབ་བརྒྱད་དང་འབྲེལ་ནས་ཡོད་ལ། ལོ་རྒྱུས་ཐོག་ཏུ་གནའ་བོའི་ཟ་འོག་དར་ལམ་གྱི་རྒྱུ་ལམ་གཙོ་བོ་ཡིན། དེང་སྐབས་ནི་ཡ་ཨོ་སྐམ་ས་ཆེན་པོའི་ཟམ་ཆེན་གཉིས་པའི་བརྒྱུད་ལམ་གཙོ་བོ་ཡིན། ཞིན་ཅང་ཡུ་གུར་རིགས་རང་སྐྱོང་ལྗོངས་སུ་མི་རིགས47 ཡོད་དེ། གཙོ་བོ་ཡུ་གུར་རིགས་དང་ཧ་སག་རིགས། ཧུའེ་རིགས། ཁོར་ཁེ་ཙི་རིགས། ཞི་པོ་རིགས། ཐ་ཅི་ཁེ་རིགས། ཨུ་རུ་སུ་རིགས་ཡིན་ལ། ཀྲུང་གོའི་གྲངས་ཉུང་མི་རིགས་རང་སྐྱོང་ས་ཁུལ་ལྔའི་གྲས་ཀྱི་གཅིག་ཡིན།
ཧུའུ་པེ་ཞིང་ཆེན།
ཧུའུ་པེ་ཞིང་ཆེན་གྱི་མིང་བསྡུས་ན་ཨེ་ཞེས་འབོད་པ་ཡིན་ལ། ཞིང་ཆེན་གྱི་ལྟེ་གནས་ནི་ཝུའུ་ཧན་གྲོང་ཁྱེར་ཡིན་ཞིང་།དེ་ནི་ཀྲུང་གོའི་དབུས་རྒྱུད་ཀྱི་ལྷོ་ཕྱོགས་དང་འབྲི་ཆུའི་དབུས་རྒྱུད་དུ་ཡོད་པ་ཡིན་ཏེ།བྱང་གི་འཕྲེད་ཐིག29°05′-33°20′དང་ཤར་གྱི་གཞུང་ཐིག108°21′-116°07′གྱི་བར་དུ་གནས་པ་ཡིན། དེ་ཡང་ཤར་ཕྱོགས་སུ་ཨན་ཧུའེ་དང་འབྲེལ་ཡོད་པ་དང་། ཤར་ལྷོའི་ཕྱོགས་ནི་ཅང་ཞི་དང་ཧུའུ་ནན་ཞིང་ཆེན་གཉིས་ལ་ཐག་ཉེ་བ་ཡིན། ཡང་ནུབ་ཕྱོགས་སུ་ཁྲུང་ཆིང་དང་འབྲེལ་ཡོད་པ་དང་། ནུབ་བྱང་གི་ཕྱོགས་ནི་ཧྲའན་ཞི（陕西）དང་ཐག་ཉེ་བ་ཡིན་ལ། བྱང་ཕྱོགས་སུ་ཧོ་ནན་ཞིང་ཆེན་དང་འབྲེལ་ཡོད། གཞན་ཧུའུ་པེ་ཞིང་ཆེན་གྱི་ཤར་དང་ནུབ། བྱང་ཕྱོགས་བཅས་སུ་རི་བོའི་མུ་ཁྱུད་ཀྱིས་བསྐོར་ཡོད་ཅིང་། དབུས་རྒྱུད་ནི་ཉ་འབྲས་ཀྱི་ཕ་ས་ཞེས་པའི་ཅང་ཧན་བདེ་ཐང་ཆེན་པོ་དེ་ཡིན། འབྲི་ཆུ་ནི་ཧུའུ་པེ་ཞིང་ཆེན་བརྒལ་ཏེ་ནུབ་ནས་ཤར་དུ་བཞུར་བ་ཡིན་ལ། མཚོ་དང་མཚེའུ་ཧ་ཅང་མང་བས། ཞིང་ཆེན་དེ་ལ་སྟོང་མཚོའི་ཞིང་ཆེན་དུ་འབོད་པ་ཡིན།
ཡུན་ནན་ཞིང་ཆེན།
ཡུན་ནན་ཞིང་ཆེན་ནི་ཀྲུང་གོའི་ཞིང་ཆེན་རིམ་པའི་སྲིད་འཛིན་སྡེ་ཁག་ཅིག་ཡིན་ལ། ཀྲུང་གོའི་ལྷོ་ནུབ་ཕྱོགས་སུ་ཡོད་པ་དང་། ཞིང་ཆེན་གྱི་ལྟེ་གནས་ནི་ཁུན་མིང་གྲོང་ཁྱེར་ཡིན། ཡང་ཡུན་ནན་ཞིང་ཆེན་གྱི་མིང་བསྡུས་ན་ཏེན་ནམ་ཡུན་ཞེས་འབོད་པ་ཡིན་ཞིང་། དེ་ནི་མིའི་རིགས་ཀྱི་ཤེས་རིག་གི་འབྱུང་ཁུངས་གཙོ་བོའི་གྲས་ཀྱི་གཅིག་ཡིན། ཡུན་ནན་ཞིང་ཆེན་གྱི་སའི་རྒྱ་ཁྱོན་ལ་སྟོང་སྨི་གྲུ་བཞི་མ390000ལྷག་ཡོད་པ་དང་། རྒྱལ་ཡོངས་ཀྱི་སའི་རྒྱ་ཁྱོན་གྱི4.11% ཡིན་པར་མ་ཟད། རྒྱལ་ཡོངས་ཀྱི་ཞིང་ཆེན་རིམ་པའི་སྲིད་འཛིན་ས་ཁུལ་སོ་སོའི་རྒྱ་ཁྱོན་ལས་ཨང་བརྒྱད་པར་བགྲངས་པ་ཡིན། དེ་ཡང་ཞིང་ཆེན་དེའི་སྤྱིའི་མི་གྲངས་ནི45960000ཡིན་ལ། རྒྱལ་ཡོངས་ཀྱི་སྤྱིའི་མི་གྲངས་ཀྱི3.35% ཟིན་པ་དང་། རྒྱལ་ཡོངས་ཀྱི་ཞིང་ཆེན་སོ་སོའི་མི་གྲངས་ལས་ཨང་བཅུ་གཉིས་པར་བགྲངས་པ་ཡིན། གཞན་ཡུན་ནན་ཞིང་ཆེན་ལ་གྲོང་ཁྱེར8དང་། གྲངས་ཉུང་མི་རིགས་རང་སྐྱོང་ཁུལ8 ཡོད། ཡུན་ནན་ཞིང་ཆེན་ནི་སི་ཁྲོན་དང་ཀུའེ་ཀྲོའུ། ཀོང་ཞི། བོད་ལྗོངས་བཅས་ཀྱི་ཞིང་ཆེན་དང་ཐག་ཉེ་ཞིང་། འབར་མ་དང་ལའོ་ཀྲྭ། ཡུའེ་ནན་བཅས་རྒྱལ་ཁབ་དག་དང་ཡང་ཐག་ཉེ་བ་ཡིན།
ཧེ་ལུང་ཅང་ཞིང་ཆེན།
ཧེ་ལུང་ཅང་ཞིང་ཆེན་ནི་ཀྲུང་གོའི་བྱང་ཤར་ས་ཁུལ་དུ་ཡོད་པ་དང་། ཀྲུང་གོའི་རྒྱལ་ཁོངས་ཀྱི་བྱང་སྣེ་དང་ཤར་སྣེ་གཉིས་ནི་ཞིང་ཆེན་དེའི་ས་ཁོངས་སུ་ཡོད་པ་ཡིན་ལ། བྱང་ཤར་ས་ཆ་ནི་ཧེ་ལུང་ཅང་ཞིང་ཆེན་ཡོད་པས་མིང་དུ་གྲགས་པ་ཡིན་ཞིང་། ཧེ་ལུང་ཅང་གི་མིང་བསྡུས་ན་ཧེ་ཞེས་འབོད་པ་ཡིན། ཧེ་ལུང་ཅང་ཞིང་ཆེན་གྱི་ཤར་རྒྱུད་དང་བྱང་རྒྱུད་ནི་ཝུའུ་སུའུ་ལི་ཅང་ཧེ་ལུང་ཅང་དང་སྦྲེལ་ཡོད་ལ། ཨུ་རུ་སུ་དང་ཐག་ཉེ་བ་ཡིན། ཡང་ནུབ་རྒྱུད་ནི་ནང་སོག་རང་སྐྱོང་ལྗོངས་དང་སྦྲེལ་ཡོད་པ་དང་། ལྷོ་རྒྱུད་ནི་ཅི་ལིན་ཞིང་ཆེན་དང་སྦྲེལ་ནས་ཡོད་ཅིང་། བྱང་གི་འཕྲེད་ཐིག43°26′-53°33′དང་ཤར་གྱི་གཞུང་ཐིག121°11′-135°05′ཡི་སར་གནས་པ་ཡིན། གཞན་ལྷོ་བྱང་གི་རིང་ཚད་ལ་སྤྱི་ལེ1120 ཡོད་པ་དང་། ཤར་ནུབ་ཀྱི་ཞེང་ལ་སྤྱི་ལེ930ཡོད་ཅིང་། རྒྱ་ཁྱོན་ལ་སྤྱི་ལེ་གྲུ་བཞི་མ470000.3 ཡོད། ཧེ་ལུང་ཅང་ཞིང་ཆེན་ལ་ཞིང་ཆེན་རིམ་པའི་གྲོང་ཁྱེར་ཕལ་བ་གཅིག་དང་གྲོང་ཁྱེར་ཅུང་ཆེན་པོ་གཅིག ས་ཁུལ་རིམ་པའི་གྲོང་ཁྱེར10། ས་ཁུལ1ཐད་གཏོགས་གྲོང་ཁྱེར་64 རྫོང་རིམ་པའི་གྲོང་ཁྱེར18 རྫོང45 རང་སྐྱོང་རྫོང1བཅས་ཡོད།
ཧྲན་ཏུང་ཞིང་ཆེན།
ཧྲན་ཏུང་ཞིང་ཆེན་ནི་རི་བོ་ཐའེ་ཧང་ཧྲན་གྱི་ཤར་ཕྱོགས་སུ་ཡོད་པས་མིང་དུ་གྲགས་པ་ཡིན་ལ། མིང་བསྡུས་ན་ལུའུ་ཞེས་འབོད་པ་ཡིན་ཞིང་། ཞིང་ཆེན་གྱི་ལྟེ་གནས་ནི་ཅི་ནན་ཡིན། ཆིན་རྒྱལ་རབས་ཀྱི་སྐབས་སུ་ཆི་གོ་དང་ལུའུ་གོའི་ཁོངས་སུ་གཏོགས་པ་ཡིན་པས། མིང་གཞན་ལ་ཆི་ལུའུ་ཞེས་འབོད་པ་ཡིན།དེ་ཡང་ཧྲན་ཏུང་ཞིང་ཆེན་ནི་ཧྭ་ཤར་མཚོ་འགྲམ་དང་རྨ་ཆུའི་སྨད་རྒྱུད་དུ་གནས་པ་དང་། ཧྭ་ཤར་ས་ཁུལ་གྱི་བྱང་ཕྱོགས་ཀྱི་ཞིང་ཆེན་ཞིག་ཡིན་ལ། ནུབ་ཕྱོགས་སུ་རྒྱ་མཚོ་དང་བར་ཐག་རིང་བའི་སྐམ་སར་སྦྲེལ་ཡོད་པ་དང་། བྱང་ཕྱོགས་ནས་ལྷོ་ཕྱོགས་སུ་སོ་སོར་ཧོ་པེ་དང་ཧོ་ནན། ཨན་ཧུའེ་ཅང་སུའུ་བཅས་ཞིང་ཆེན་བཞི་ལ་སྦྲེལ་ཡོད།
ཁྲུང་ཆིང་གྲོང་ཁྱེར།
ཁྲུང་ཆིང་གྲོང་ཁྱེར་གྱི་མིང་བསྡུས་ན་པ་དང་ཡུས་ཞེས་འབོད་པ་དང་། མིང་གཞན་ལ་ཧྲན་ཁྲེང་དང་ཡུས་ཏུའུ། ཆའོ་ཏུའུ། ཝུའུ་ཏུའུ་བཅས་ཟེར་ཞིང་། དེ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཐད་གཏོགས་གྲོང་ཁྱེར་དང་ཀྲུང་གོའི་རྒྱལ་ཁབ་ལྟེ་གནས་གྲོང་ཁྱེར། རྒྱལ་ཁབ་གྲོང་ཁྱེར་ཆེན་པོ། འབྲི་ཆུའི་སྟོད་རྒྱུད་ཀྱི་དཔལ་འབྱོར་ལྟེ་གནས་བཅས་ཡིན། དེ་ཡང་ཅ་ལིང་ཅང་ལ་གནའ་དུས་སུ་ཡུས་ཧྲུའེ་ཞེས་འབོད་པ་ཡིན་པས། ཁྲུང་ཆིང་གྲོང་ཁྱེར་གྱི་བསྡུས་མིང་ལ་ཡུས་ཞེས་འབོད་པ་ཡིན།
ཅི་ལིན་ཞིང་ཆེན།
ཅི་ལིན་ཞིང་ཆེན་གྱི་བསྡུས་མིང་ལ་ཅི་ཞེས་ཟེར་བ་དང་། ཞིང་ཆེན་གྱི་ལྟེ་གནས་ནི་ཀྲང་ཁྲུན་གྲོང་ཁྱེར་ཡིན། དེ་ནི་ཤར་གྱི་གཞུང་ཐིག་ཏུའུ122º —131º གནས་ཤིང་། བྱང་གི་གཞུང་ཐིག་ཏུའུ41º—46º བར་དུ་གནས་པ་ཡིན། ཡང་སའི་རྒྱ་ཁྱོན་གྱིས་རྒྱལ་ཡོངས་ཀྱི་སའི་རྒྱ་ཁྱོན་གྱི2% ཟིན་ཡོད་ཅིང་། ཀྲུང་གོའི་བྱང་ཤར་དབུས་རྒྱུད་དུ་ཡོད་པ་དང་། ཉི་ཧོང་དང་ཨུ་རུ་སུ། ཁྲའོ་ཞན། ཁོ་རེ་ཡ། སོག་པོ་སོགས་དང་ཀྲུང་གོའི་བྱང་ཤར་གྱི་ལྟེ་གནས་ས་ཁུལ་དུ་ཡོད་པ་ཡིན། དེ་ཡང་བྱང་ཕྱོགས་སུ་ཧེ་ལུང་ཅང་དང་བྲེལ་ཡོད་པ་དང་། ལྷོ་ཕྱོགས་སུ་ལིའུ་ཉིང་ཞིང་ཆེན་དང་སྦྲེལ་ཡོད་ལ། ནུབ་ཕྱོགས་ནི་ནང་སོག་རང་སྐྱོང་ལྗོངས་དང་སྦྲེལ་ཡོད་ཅིང་། ཤར་ཕྱོགས་སུ་ཨུ་རུ་སུ་དང་སྦྲེལ་ཡོད། གཞན་ཤར་ནུབ་ཀྱི་རིང་ཚད་ལ་སྤྱི་ལེ650 ཡོད་པ་དང་། ལྷོ་བྱང་གི་ཞེང་ལ་སྤྱི་ལེ300 ཡོད། དེ་ཡང་ཤར་ལྷོའི་རྒྱུད་མཐོ་བ་དང་ནུབ་བྱང་གི་རྒྱུད་དམའ་བ་ཡིན་ལ། ནུབ་རྒྱུད་དབུས་མ་ནི་མཐའ་ཡས་པའི་བདེ་ཐང་ཡིན། ཅི་ལིན་ཞིང་ཆེན་གྱི་གནམ་གཤིས་ནི་དྲོད་ཁུལ་དུས་རླུང་གི་ནམ་ཟླའི་ཁོངས་སུ་གཏོགས་པ་དང་། སྐམ་སའི་རང་བཞིན་ཧ་ཅང་མངོན་གསལ་ཡིན། དེ་ཡང་དབྱར་དུས་སུ་ཚ་བ་ཆེ་ཞིང་ཆར་ཆུ་མོད་པ་དང་། དགུན་དུས་སུ་གྲང་ངར་རྒོད་ཅིང་སྐམ་ཤས་ཆེ་བ་ཡིན། ཡང་ཅི་ལིན་ནི་ཀྲུང་གོའི་བཟོ་ལས་རྟེན་གཞི་གལ་ཆེན་ཞིག་ཡིན་ལ། ཐོན་རྫས་གསར་གཏོད་ཀྱི་ཕྱོགས་ནས་ཧ་ཅང་སྔོན་ཐོན་ཡིན།
ཐེན་ཅིན་གྲོང་ཁྱེར།
ཐེན་ཅིན་གྲོང་ཁྱེར་གྱི་བསྡུས་མིང་ལ་ཅིན་ཞེས་འབོད་པ་ཡིན་ལ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཐད་གཏོགས་གྲོང་ཁྱེར་དང་ཀྲུང་གོའི་རྒྱལ་ཁབ་ལྟེ་གནས། ཀྲུང་གོའི་བྱང་ཕྱོགས་དཔལ་འབྱོར་ལྟེ་གནས། པོ་ཧའེ་ཡི་མཐའ་འཁོར་ས་ཁུལ་དཔལ་འབྱོར་ལྟེ་གནས། ཀྲུང་གོའི་བྱང་ཕྱོགས་རྒྱལ་སྤྱིའི་མཁའ་འགྲུལ་ལྟེ་གནས། ཀྲུང་གོའི་བྱང་ཕྱོགས་རྒྱལ་སྤྱིའི་དངོས་སྐྱེལ་ལྟེ་གནས་བཅས་ཡིན། གཞན་ཐེན་ཅིན་གྲོང་ཁྱེར་ནི་ཧྭ་བྱང་བདེ་ཐང་གི་རྒྱ་མཚོའི་ཆུ་ལག་གི་སར་ཡོད་དེ། ཤར་ཕྱོགས་ནས་པོ་ཧའེ་དང་ཐག་ཉེ་བ་དང་བྱང་ཕྱོགས་ནས་ཡན་ཧྲན་དང་ཐག་ཉེ་བ་ཡིན།
ཧྲའན་ཞི་ཞིང་ཆེན།
ཧྲའན་ཞི་ཞིང་ཆེན་ནི་ཀྲུང་གོའི་ཞིང་ཆེན་རིམ་པའི་སྲིད་འཛིན་སྡེ་ཁག་ཅིག་ཡིན་ལ། མིང་བསྡུས་ན་ཧྲན་དང་ཆིན་ཞེས་འབོད་པ་དང་། ཞིང་ཆེན་གྱི་ལྟེ་གནས་ནི་ཞི་ཨན་གྲོང་ཁྱེར་ཡིན། དེ་ཡང་ཀྲུང་གོའི་ནུབ་བྱང་ཕྱོགས་ཀྱི་རྒྱ་མཚོ་དང་ཐག་མི་རིང་བའི་སྐམ་ས་རུ་གནས་ཤིང་། རྨ་ཆུ་དང་འབྲི་ཆུ་གཉིས་ནི་ཞིང་ཆེན་དེ་ནས་འཕྲེད་ཀྱིས་བཅད་ནས་བཞུར་གྱིན་ཡོད་པར་མ་ཟད། ཤར་གྱི་གཞུང་ཐིག105°29′-111°15′དང་བྱང་གི་འཕྲེད་ཐིག31°42′-39°35′ཡི་བར་དུ་ཡོད་པ་ཡིན། ཡང་ཧྲའན་ཞི་ཞིང་ཆེན་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ200000.58ཡིན་ལ། མི་གྲངས་ནི37330000 ཡིན་ཞིང་། ཞིང་ཆེན་དེ་ལ་ཞིང་ཆེན་རིམ་པའི་གྲོང་ཁྱེར་ཕལ་བ་གཅིག་དང་ས་ཁུལ་རིམ་པའི་གྲོང་ཁྱེར9ཡོད། ཧྲའན་ཞི་ཞིང་ཆེན་ནི་ཤར་ཕྱོགས་ནས་ཧྲན་ཞི（山西）དང་ཧོ་ནན་ཞིང་ཆེན་གཉིས་ལ་ཐག་ཉེ་ཞིང་། ནུབ་ཕྱོགས་ནས་ཉིང་ཞ་དང་ཀན་སུའུ་གཉིས་ལ་འབྲེལ་ཡོད་ཅིང་། ལྷོ་ཕྱོགས་ནས་སི་ཁྲོན་དང་ཁྲུང་ཆིང་། ཧུའུ་པེ་ཞིང་ཆེན་བཅས་ལ་འབྲེལ་ཡོད་པ་དང་། བྱང་ཕྱོགས་སུ་ནང་སོག་དང་འབྲེལ་ཡོད།
ཧྲན་ཞི་ཞིང་ཆེན།
ཧྲན་ཞི་ཞིང་ཆེན་ནི་རི་བོ་ཐའེ་ཧང་ཧྲན་གྱི་ནུབ་ཕྱོགས་སུ་ཡོད་པའི་མིང་དུ་གྲགས་པ་དང་། མིང་བསྡུས་ན་ཅིན་ཞེས་འབོད་པ་ཡིན་ལ། སན་ཅིན་བྱ་བ་དེ་ཡང་དེ་ཡིན། དེའི་ཞིང་ཆེན་གྱི་ལྟེ་གནས་ནི་ཐའེ་ཡོན་ཡིན་ཞིང་། ཤར་ཕྱོགས་ནི་ཐའེ་ཧང་ཧྲན་དང་སྦྲེལ་ཡོད་པ་དང་། བྱང་ཕྱོགས་ནི་ལྕགས་རི་རིང་བོ་དང་ནང་སོག་གཉིས་ལ་སྦྲེལ་ཡོད། ཡང་ལྷོ་ནུབ་གཉིས་ནི་རྨ་ཆུ་དང་ཧྲན་ཞི།（陕西）ཧོ་ནན་གསུམ་ལ་སྦྲེལ་ཡོད། ཧྲན་ཞི་ལ་ལོ་ངོ་སྟོང་ཕྲག་ལྷག་གི་ལོ་རྒྱུས་ལྡན་པ་དང་། ཧྭ་ཞ་ཤེས་རིག་གི་འབྱུང་གནས་སུ་བཤད་ཅིང་བསྒྲགས་ལ། ཀྲུང་གོའི་གནའ་རབས་ཀྱི་རིག་གནས་བཤམས་སྟོན་ཁང་དུ་འབོད་པ་ཡིན། དེའི་རྒྱ་ཁྱོན་ལ་སྤྱི་ལེ་གྲུ་བཞི་མ150000.67 ཡོད། ཡང་ཤར་ཕྱོགས་སུ་རི་བོ་ཐའེ་ཧང་ཧྲན་ཡོད་དེ། ནུབ་ཕྱོགས་སུ་རི་བོ་ལུའི་ལིང་ཧྲན་ཡོད་ཅིང་། རི་ཁུལ་གྱི་གཞི་ཁྱོན་གྱིས་ཞིང་ཆེན་ཡོངས་ཀྱི་རྒྱ་ཁྱོན་ལས80%ཡན་ཟིན་ཡོད། ཧྲན་ཞི་ལ་ས་ཁུལ་རིམ་པའི་གྲོང་ཁྱེར11ཡོད་པ་དང་། རྫོང་རིམ་པའི་སྲིད་འཛིན་སྡེ་ཁག119ཡོད་ལ། ཐད་གཏོགས་ས་ཁུལ་གྱི་ཆགས་དབྱིབས་ནི་བྱང་གི་འཕྲེད་ཐིག34°34′-40°44′དང་ཤར་གྱི་གཞུང་ཐིག110°14′-114°33′གྱི་སར་གནས་པ་ཡིན། དེ་ཡང་ཡོངས་ཀྱི་སྤྱིའི་མི་གྲངས་ནི36100000.8 ཡོད།（སྤྱི་ལོ2012ལོར།）
ཐད་གཏོགས་གྲོང་ཁྱེར།
ཐད་གཏོགས་གྲོང་ཁྱེར་ནི་རྒྱལ་ཁབ་མང་ཆེ་བའི་ཆེས་གལ་ཆེ་བའི་སྲིད་འཛིན་ས་ཁུལ་ཡིན་ཞིང་། མིང་འདི་ནི་ཀྲུང་གོ་དང་ཁྲའོ་ཞན། ཁོ་རེ་ཡ། ཡོ་ནན་སོགས་རྒྱ་ཡིག་རིག་གནས་ཁྱབ་ཁོངས་ཀྱི་རྒྱལ་ཁབ་ཀྱིས་སྤྱོད་པ་ཡིན་ལ། ངོ་གདོང་གི་ནང་དོན་ནི་ཐད་ཀར་ཀྲུང་དབྱང་སྲིད་གཞུང་གིས་དོ་དམ་དང་སྒྲིག་འཛུགས་བྱེད་པའི་གྲོང་ཁྱེར་ཡིན། ཐད་གཏོགས་གྲོང་ཁྱེར་དུ་འགྱུར་དགོས་ན་སྡོད་དམངས་མི་གྲངས་ཅུང་མང་དགོས་པར་མ་ཟད། སྤྱིར་བཏང་དུ་རྒྱལ་ཡོངས་ཀྱི་ཆབ་སྲིད་དང་དཔལ་འབྱོར། རིག་གནས་སོགས་ཀྱི་ཐད་ནས་གོ་གནས་གལ་ཆེན་ཟིན་དགོས། གོ་བ་འཛིན་སྟངས་འདི་ནི་སྤྱི་ལོ1930ལོར། ཀྲུང་ཧྭ་མི་སེར་རྒྱལ་ཁབ་ཀྱི《གྲོང་ཁྱེར་སྒྲིག་འཛུགས་བཅའ་ཁྲིམས》ཞེས་པར་ཁུངས་གཏུགས་པ་ཡིན་ལ། ཐད་གཏོགས་གྲོང་ཁྱེར་གནས་ཐིག་གཏན་ཁེལ་ལ་དམིགས་བསལ་ལྡན་པའི་དབང་གིས་ཐད་གཏོགས་གྲོང་ཁྱེར་གྱི་གྲོང་ཁྱེར་ཨུ་ཡོན་ཧྲུའུ་ཅིའི་འགན་ནི་ཀྲུང་དབྱང་ཆབ་སྲིད་ཅུའི་ཨུ་ཡོན་གཅིག་ལྕོགས་སུ་འཁུར་བ་ཡིན། ཀྲུང་ཧྭ་མི་སེར་རྒྱལ་ཁབ་ཀྱི་དུས་སྐབས་སུ་ཆེས་མང་ཡང་ཐད་གཏོགས་གྲོང་ཁྱེར12བཙུགས་ཡོད་དེ། སོ་སོ་ནི་ནན་ཅིན་དང་། ཧྲང་ཧའེ། ཁྲུང་ཆིང་། ཐེན་ཅིན། ཧན་ཁོ། ཆིང་ཏའོ། ཏ་ལེན། ཧྲེན་དབྱང་། ཧ་ཨེར་པིན། ཞི་ཨན། ཀོང་ཀྲོའུ། པེ་ཕིང་བཅས་ཡིན་ལ། རྒྱལ་ཁབ་བཙུགས་པའི་ཐོག་མའི་དུས་སྐབས་སུ་ཐད་གཏོགས་གྲོང་ཁྱེར་བཙུགས་པ་ནི། པེ་ཅིང་། ཧྲང་ཧའེ། ནན་ཅིན། ཁྲུང་ཆིང་། ཧྲེན་དབྱང་། ཧ་ཨེར་པིན། ཞི་ཨན། ཀོང་ཀྲོའུ། ཧྥུ་ཧྲུན་། པིན་ཞི། ཝུའུ་ཧན། ཁྲང་ཁྲུན་བཅས་ཡིན་ཞིང་། མིག་སྔར། ཀྲུང་གོའི་སྐམ་ས་ཆེན་པོ་ས་ཁུལ་དུ་བསྡོམས་པས་ཐད་གཏོགས་གྲོང་ཁྱེར་བཞི་སྟེ། པེ་ཅིང་། ཧྲང་ཧའེ། ཐེན་ཅིན། ཁྲུང་ཆིང་བཅས་ཡིན།
ཉིང་ཞ་ཧུའེ་རིགས་རང་སྐྱོང་ལྗོངས།
ཉིང་ཞ་ཧུའེ་རིགས་རང་སྐྱོང་ལྗོངས་ཀྱི་མིང་བསྡུས་ན་ཉིང་ཞེས་འབོད་པ་ཡིན་ལ། དེ་ནི་ཀྲུང་གོའི་རང་སྐྱོང་ལྗོངས་ལྔའི་གྲས་ཀྱི་གཅིག་ཡིན་ཞིང་། ཀྲུང་གོའི་ནུབ་རྒྱུད་ཀྱི་རྨ་ཆུའི་སྟོད་རྒྱུད་ས་ཁུལ་དུ་ཡོད་དེ། ཤར་ཕྱོགས་ནས་ཧྲའན་ཞི་ཞིང་ཆེན་ལ་ཐག་ཉེ་བ་དང་། ནུབ་རྒྱུད་དང་བྱང་རྒྱུད་དུ་ནང་སོག་རང་སྐྱོང་ལྗོངས་དང་འབྲེལ་ནས་ཡོད། ཡང་ལྷོ་ཕྱོགས་ནས་ཀན་སུའུ་ཞིང་ཆེན་དང་འབྲེལ་ནས་ཡོད་ལ། ལྷོ་བྱང་གི་རིང་ཚད་ལ་སྤྱི་ལེ456 ཡོད་པ་དང་། ཤར་ནུབ་ཀྱི་རིང་ཚད་ལ་སྤྱི་ལེ250 ཡོད་ཅིང་། ལྗོངས་ཡོངས་ཀྱི་སྤྱིའི་རྒྱ་ཁྱོན་ལ་སྟོང་སྨི66000 ཡོད། གཞན་ཞིང་ཆེན་གྱི་ལྟེ་གནས་ནི་དབྱིན་ཁྲོན་གྲོང་ཁྱེར་ཡིན། ཉིང་ཞ་ཧུའེ་རིགས་རང་སྐྱོང་ལྗོངས་ནི་ཀྲུང་ཧྭའི་ཤེས་རིག་གི་འབྱུང་གནས་ཡིན་ལ། ཟ་འོག་དར་ལམ་དུ་འབོད་པ་ནི་དེ་རུ་ཡོད་པ་དང་། ལོ་རྒྱུས་ཐོག་ཤར་ནུབ་རྒྱུད་ཀྱི་འགྲིམ་འགྲུལ་ཚོང་དོན་གྱི་རྒྱུ་ལམ་གཙོ་བོ་ཡིན་པར་མ་ཟད། རྨ་ཆུ་བཞུར་སའི་ས་ཆ་ཡིན་པའི་ཆ་ནས། དེ་རུ་ལོ་རྒྱུས་ཀྱི་རྒྱུན་རིང་བའི་རྨ་ཆུའི་རིག་གནས་ཡོད་པ་ཡིན། ལོ་ངོ་སུམ་ཁྲིའི་ཡར་སྔོན་དུ་ཉིང་ཞ་རུ་མིའི་རིགས་འཚོ་སྡོད་ཀྱི་རྗེས་ཤུལ་ཡོད་པ་ཡིན་ལ། སྤྱི་ལོ1038 ལོར། ཏང་ཞང་རིགས་ཀྱི་འགོ་གཙོ་ལི་ཡོན་ཧའོ་ཡིས་དེ་རུ་མི་ཉག་རྒྱལ་རབས་བཙུགས་པ་དང་། མི་ཉག་རིག་གནས་བྱུང་བ་ཡིན།
ཀན་སུའུ་ཞིང་ཆེན།
ཀན་སུའུ་ཞིང་ཆེན་གྱི་བསྡུས་མིང་ལ་ཀན་དང་ཡང་ན་ལུང་ཟེར་ཞིང་། ཀྲུང་གོའི་ཞིང་ཆེན་རིམ་པའི་སྲིད་འཛིན་སྡེ་ཁག་གི་གྲས་ཤིག་ཡིན། རྨ་ཆུའི་སྟོད་རྒྱུད་དུ་ཆགས་པ་དང་། ཀན་སུའུ་ནི་ཀན་ཀྲོའུ་དང་སུའུ་ཀྲོའུ་གཉིས་ཀྱི་ཡི་གེ་སྔ་མ་གཉིས་ལས་གྲུབ་ཅིང་། ཡང་ཞིང་ཆེན་གྱི་ས་ཁོངས་ཀྱི་མང་ཆེ་བ་ནི་ལུང་ཧྲན་གྱི་ནུབ་ཕྱོགས་སུ་ཡོད་པ་དང་། ཐང་རྒྱལ་རབས་ཀྱི་སྐབས་སུ་གནས་འདིར་ལུང་ཡིའུ་ཏའོ་བཙུགས་མྱོང་བའི་རྐྱེན་གྱིས་ལུང་ཞེས་ཀྱང་ཟེར། ཀན་སུའུ་ནི་བྱང་གི་འཕྲེད་ཐིག32°31′-42°57′དང་ཤར་གྱི་གཞུང་ཐིག92°13′-108°46′དང་། རྨ་ཆུའི་སྟོད་རྒྱུད་དུ་ཆགས་ཤིང་། ས་སེར་མཐོ་སྒང་དང་། མདོ་དབུས་མཐོ་སྒང་། ནང་སོག་མཐོ་སྒང་བཅས་ལ་འབྲེལ་ཡོད་པ་དང་། ཤར་དུ་ཧྲན་ཞི་དང་། ལྷོ་རུ་པ་ཧྲུའུ་དང་མཚོ་སྔོན། ནུབ་ཏུ་ཞིན་ཅང་། བྱང་དུ་ནང་སོག་དང་ཉིང་ཞ་བཅས་ལ་འབྲེལ་ཡོད། ཀན་སུའུ་ཞིང་ཆེན་ཤར་ནུབ་ཀྱག་ཀྱོག་ཡིན་ལ་སྤྱི་ལེ1600ལྷག་འདུག་ཅིང་། ཞིང་ཆེན་ཡོངས་ཀྱི་རྒྱ་ཁྱོན་ལ་སྤྱི་ལེ་གྲུ་བཞི་མ453700དང་། ཀྲུང་གོའི4.72%ཟིན། དེའི་ཁོངས་སུ་ས་གནས་རིམ་པའི་གྲོང་ཁྱེར12དང་རང་སྐྱོང་ཁུལ2གཏོགས་པ་དང་། ཞིང་ཆེན་གྱི་ལྟེ་གནས་ནི་ལན་ཀྲོའུ་གྲོང་ཁྱེར་ཡིན།
ཀུའེ་ཀྲོའུ་ཞིང་ཆེན།
ཀུའེ་ཀྲོའུ་ཞིང་ཆེན་གྱི་མིང་བསྡུས་ན་ཆན་ནམ་ཀུའེ་ཞེས་འབོད་པ་ཡིན་ལ། ཀྲུང་གོའི་ལྷོ་ནུབ་ས་ཁུལ་གྱི་ཤར་ལྷོའི་རྒྱུད་དུ་ཡོད་ཅིང་། ཞིང་ཆེན་གྱི་ལྟེ་གནས་ནི་ཀུའེ་དབྱང་ཡིན། དེ་ཡང་ཤར་ཕྱོགས་ནི་ཧུའུ་ནན་ཞིང་ཆེན་དང་ཐག་ཉེ་བ་དང་། ལྷོ་ཕྱོགས་ནི་ཀོང་ཞི་ཞིང་ཆེན་དང་ཐག་ཉེ་བ་ཡིན། ཡང་ནུབ་ཕྱོགས་ནི་ཡུན་ནན་ཞིང་ཆེན་དང་འབྲེལ་ཡོད་པ་དང་། བྱང་ཕྱོགས་སུ་སི་ཁྲོན་དང་ཁྲུང་ཆིང་གཉིས་ལ་འབྲེལ་ཡོད། གཞན་ས་ཁུལ་རིམ་པའི་གྲོང་ཁྱེར་དྲུག་དང་མི་རིགས་གྲངས་ཉུང་གི་རང་སྐྱོང་ཁུལ་གསུམ། རྫོང་རིམ་པའི་ཞིང་ཆེན་གྱི་ཐད་གཏོགས་ལས་ཁོངས་གཉིས་བཅས་ཡོད་པ་ཡིན། ཀུའེ་ཀྲོའུ་ཞིང་ཆེན་གྱི་ས་དབྱིབས་ནི་ཀྲུང་གོའི་ལྷོ་ནུབ་རྒྱུད་ཀྱི་མཐོ་སྒང་རི་ཁུལ་དུ་གཏོགས་ཤིང་། སྤྱིའི་ཆ་ནས་ནུབ་ཕྱོགས་མཐོ་བ་དང་ཤར་ཕྱོགས་དམའ་བ་ཡིན་ལ། དབུས་རྒྱུད་ནས་བྱང་དང་ཤར། ལྷོ་ཕྱོགས་བཅས་སུ་གསེག་ནས་ཡོད། ཡང་མཚོ་འཕགས་ནི་སྨི1100ཡས་མས་ཡིན་པ་དང་། ས་དབྱིབས་ལ་མཐོ་སྒང་དང་རི་ཁུལ། དེའུ་འབུར། གཤོངས་ས་བཅས་རིམ་པ་མི་འདྲ་བ་བཞི་ཡོད་ཅིང་། རྒྱལ་ཡོངས་སུ་བདེ་ཐང་གཏན་ནས་མེད་པའི་ཞིང་ཆེན་དེ་ཡིན། ཀུའེ་ཀྲོའུ་ཞིང་ཆེན་གྱི་གནམ་གཤིས་ནི་ཚ་ཁུལ་ཕལ་བའི་བཞའ་ཚན་དུས་རླུང་གི་ནམ་ཟླའི་ཁོངས་སུ་གཏོགས་ཏེ། དུས་བཞིའི་དབྱེ་མཚམས་ཧ་ཅང་མངོན་གསལ་ཡིན་པ་དང་ཆར་ཆུ་ཤིན་ཏུ་མོད་པ་ཡིན།
ཀོང་ཏུང་ཞིང་ཆེན།
ཀོང་ཏུང་ཞིང་ཆེན་ནི་ལིང་ལྷོ་ཤར་ལམ་དང་ཀོང་ལྷོ་ཤར་ལམ་ཡོད་པས་མིང་དུ་གྲགས་པ་དང་། མིང་བསྡུས་ན་ཡུའེ་ཞེས་འབོད་པ་ཡིན་ལ། ཞིང་ཆེན་གྱི་ལྟེ་གནས་ནི་ཀོང་ཀྲོའུ་ཡིན་ཞིང་། དེ་ནི་ཀྲུང་གོའི་སྐམ་ས་ཆེན་མོའི་ལྷོ་རྒྱུད་མཚོ་འགྲམ་གྱི་ཞིང་ཆེན་ཤིག་ཡིན་ཏེ། ནན་ལིང་གི་ལྷོ་ཕྱོགས་དང་ནན་ཧའེ་ཡི་འགྲམ་ངོགས་སུ་ཡོད་པ་དང་། ཞང་ཀང་དང་ཨའོ་མོན། ཀོང་ཞི། ཧུའུ་ནན། ཧྥུ་ཅན་བཅས་ལ་འབྲེལ་ཡོད། ཡང་ཧའེ་ནན་དང་ཁ་གཏད་དུ་ཡོད་པ་དང་། ཀྲུའུ་སན་ཅོ་དང་ཡུའེ་ཤར། ཡུའེ་ནུབ། ཡུའེ་བྱང་བཅས་ས་ཁུལ4རུ་བཀར་ཡོད་ཅིང་། ཞིང་ཆེན་རིམ་པའི་གྲོང་ཁྱེར་ཕལ་བ2དང་ས་ཁུལ་རིམ་པའི་གྲོང་ཁྱེར19 ཐད་གཏོགས་ས་ཁུལ60 རྫོང་རིམ་པའི་གྲོང་ཁྱེར20 རྫོང36 རང་སྐྱོང་རྫོང3བཅས་ཡོད། ཀོང་ཏུང་ཞིང་ཆེན་ལ་སྐད་བརྡའི་གོམས་གཤིས་དང་སྲོལ་རྒྱུན། ལོ་རྒྱུས་རིག་གནས་སོགས་ཀྱི་ཐད་ནས་ཐུན་མོང་མ་ཡིན་པའི་གཤིས་ལུགས་རེ་ཡོད་དེ། ལིང་ནན་རིག་གནས་ཀྱི་རྒྱུད་འཛིན་ས་ཁུལ་གཙོ་བོ་ཞིག་ཡིན་ལ། དེ་ནི་ཀྲུང་གོའི་མི་གྲངས་ཆེས་མང་བའི་ཞིང་ཆེན་ཡང་ཡིན།
ཀོང་ཞི་ཀྲོང་རིགས་རང་སྐྱོང་ལྗོངས།
ཀོང་ཞི་ཀྲོང་རིགས་རང་སྐྱོང་ལྗོངས་ནི་ཀྲུང་གོའི་མི་རིགས་གྲངས་ཉུང་གི་རང་སྐྱོང་ལྗོངས་ལྔའི་གྲས་ཀྱི་གཅིག་ཡིན་ཞིང་། ཀུའེ་ཅང་གཙང་བོ་ཡོད་པའི་རྐྱེན་གྱིས་མིང་བསྡུས་ན་ཀུའེ་ཞེས་འབོད་པ་དང་། ཞིང་ཆེན་གྱི་ལྟེ་གནས་ནི་ནན་ཉིང་གྲོང་ཁྱེར་ཡིན་ལ། ས་ཁུལ་རིམ་པའི་གྲོང་ཁྱེར14དང་རྫོང་རིམ་པའི་གྲོང་ཁྱེར7ཡོད་དེ། ཀྲུང་གོའི་མཚོ་འགྲམ་གྱི་རང་སྐྱོང་ས་ཁུལ་གཅིག་པུ་དེ་ཡིན། དེ་ཡང་ཀོང་ཞི་ནི་ཀྲུང་གོའི་ཧྭ་ལྷོ་ས་ཁུལ་གྱི་ནུབ་རྒྱུད་དུ་ཡོད་ཅིང་། བྱང་ཕྱོགས་ནས་ནུབ་ཕྱོགས་སུ་སོ་སོར་ཀོང་ཏུང་དང་ཧུའུ་ནན། ཀུའེ་ཀྲོའུ། ཡུན་ནན་བཅས་ཞིང་ཆེན4ལ་འབྲེལ་ཡོད་པ་དང་། ལྷོ་ཕྱོགས་ནི་པེ་པུའུ་ཝན་དང་འབྲེལ་ནས་ཏུང་ནན་ཡ་དང་ཁ་གཏད་དུ་ཡོད། ཡང་ལྷོ་ནུབ་ཕྱོགས་ནས་ཡོ་ནན་དང་ཐག་ཉེ་བ་ཡིན་ལ། ཀྲུང་གོའི་ལྷོ་རྒྱུད་མཚོ་འགྲམ་གྱི་དར་རྒྱས་ཆེ་བའི་ཞིང་ཆེན་ཞིག་ཡིན།
པེ་ཅིང་གྲོང་ཁྱེར།
པེ་ཅིང་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ས་དང་། ཐད་གཏོགས་གྲོང་ཁྱེར། རྒྱལ་ཁབ་ཀྱི་ལྟེ་གནས་གྲོང་ཁྱེར་བཅས་ཡིན་ལ། ཀྲུང་གོའི་ཆབ་སྲིད་དང་རིག་གནས། ཚན་རིག་སློབ་གསོ་དང་རྒྱལ་སྤྱིའི་འབྲེལ་འདྲིས་ཀྱི་ལྟེ་གནས། ཀྲུང་གོའི་དཔལ་འབྱོར་དང་དངུལ་ལོར་གྱི་ཐབས་ཇུས། དོ་དམ་ལྟེ་གནས་བཅས་ཡིན་པ་དང་། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྲུང་དབྱང་མི་དམངས་སྲིད་གཞུང་དང་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གཞུང་སྒྲུབ་ཁང་གནས་ས་བཅས་ཡིན། པེ་ཅིང་ནི་ཧྭ་བྱང་བདེ་ཐང་གི་བྱང་ཕྱོགས་དང་རྒྱབ་ཕྱོགས་ནི་རི་བོ་ཡན་ཧྲན་ལ་གཏད་ཡོད། ཐེན་ཅིན་གྲོང་ཁྱེར་དང་ཧོ་པེ་ཞིང་ཆེན་དང་འབྲེལ་ལ། པེ་ཅིང་གི་མངའ་འོག་ཏུ་མཁར་ཤར་ཁུལ་དང་། མཁར་ནུབ་ཁུལ། ཁྲའོ་དབྱང་ཁུལ། ཧའེ་ཏེན་ཁུལ། ཧྥེང་ཐའེ་ཁུལ། ཧྲི་ཅིང་ཧྲན་ཁུལ། མོན་ཐོའུ་ཀོའུ་ཁུལ། ཧྥང་ཧྲན་ཁུལ། ཏ་ཞིང་ཁུལ། ཐུང་ཀྲོའུ་ཁུལ། ཧྲུན་དབྱི་ཁུལ། ཁྲང་ཕིང་ཁུལ། ཕིང་ཀུའུ་ཁུལ། ཧོའེ་རོའུ་ཁུལ། མི་ཡུན་རྫོང་། ཡན་ཆིང་རྫོང་སོགས་ཁུལ་དང་རྫོང16འདུ་བ་ཡིན། སྤྱི་ལོ2013ལོའི་ལོ་མཇུག་ཏུ་གྲོང་ཁྱེར་ཡོངས་སུ་རྒྱུན་སྡོད་མི་གྲངས21148000ཡོད།
མཚོ་སྔོན་ཞིང་ཆེན།
མཚོ་སྔོན་ནི་ཀྲུང་གོའི་མདོ་དབུས་མཐོ་སྒང་གི་གལ་ཆེ་བའི་ཞིང་ཆེན་ཞིག་ཡིན་ཞིང་། ཞིང་ཆེན་གྱི་ལྟེ་གནས་ནི་གནའ་མཁར་ཟི་ལིང་ཡིན། རི་བོ་ཁུ་ནུའི་དབུས་ཁུལ་བརྒལ་ཡོད་ཅིང་། རི་བོ་གདང་ལའི་ལྷོ་རུ་འགྱིང་བ་དང་། རི་བོ་མདོ་ལའི་བྱང་དུ་གནས་ཡོད། མཐའ་ཡས་པའི་རྩྭ་ཐང་མུ་འབྲེལ་དུ་སྣང་བ་དང་། ཚྭ་འདམ་གཞོང་ནི་ཤིན་ཏུ་ས་རྒྱ་ཆེ་བ་ཞིག་ཡིན། རྨ་ཆུ་དང་འབྲི་ཆུའི་འགོ་ཁུངས་མཚོ་སྔོན་དུ་ཡོད་ཅིང་། ཀྲུང་གོའི་ཆེས་ཆེ་བའི་སྐམ་སའི་དབུས་ཁུལ་གྱི་མཐོ་སྒང་ཚྭ་མཚོ་ཡང་མཚོ་སྔོན་དུ་ཡོད་པས་མཚོ་སྔོན་དུ་ཐོགས། ཀན་སུའུ་དང་། སི་ཁྲོན། བོད་ལྗོངས། ཞིན་ཅང་སོགས་དང་འབྲེལ་ཡོད་པ་དང་། དེར་ཟི་ལིང་གྲོང་ཁྱེར་དང་མཚོ་ཤར་གྲོང་ཁྱེར་བཅས་ས་གནས་རིམ་པའི་གྲོང་ཁྱེར་གཉིས་དང་། ཡུལ་ཤུལ་བོད་རིགས་རང་སྐྱོང་ཁུལ་དང་། མཚོ་ནུབ་སོག་རིགས་བོད་རིགས་རང་སྐྱོང་ཁུལ། མཚོ་བྱང་བོད་རིགས་རང་སྐྱོང་ཁུལ། མཚོ་ལྷོ་བོད་རིགས་རང་སྐྱོང་ཁུལ། རྨ་ལྷོ་བོད་རིགས་རང་སྐྱོང་ཁུལ། མགོ་ལོག་བོད་རིགས་རང་སྐྱོང་ཁུལ་སོགས་མི་རིགས་རང་སྐྱོང་གི་ཁུལ6གཏོགས་པ་དང་། བསྡོམས་པས་རྫོང་རིམ་པའི་སྲིད་འཛིན་སྡེ་ཁག48ཡོད་ལ། མཚོ་སྔོན་ཞིང་ཆེན་དུ་བོད་རིགས་དང་། ཧུའེ་རིགས། སོག་རིགས། ཧོར་རིགས། ས་ལར་རིགས་སོགས་གྲངས་ཉུང་མི་རིགས43དང་། མི་གྲངས57779 00ཡོད། མཚོ་སྔོན་ལ་འཛམ་གླིང་གི་ཡང་རྩེ་ཞེས་སུ་གྲགས་ཤིང་། མཚོ་སྔོན་གྱི་ཤར་ཕྱོགས་ནི་རྨ་ཆུ་དང་འབྲི་ཆུ། རྫ་ཆུ་བཅས་ཀྱི་འགོ་ཁུངས་ཡིན་པ་དང་། གཙང་གསུམ་འབྱུང་ཡུལ་ལམ་རྨ་འབྲིའི་འབྱུང་ཡུལ། ཆུའི་གཏེར་མཛོད་བཅས་སུ་གྲགས། མཚོ་སྔོན་ཞིང་ཆེན་ནི་མདོ་དབུས་མཐོ་སྒང་གི་ཤར་བྱང་དུ་གནས་ཤིང་། འདི་གའི་ཁྱད་ལྡན་ས་དབྱིབས་ནི་གཞོང་ས་དང་། རི་སྒང་། ཆུ་ལུང་བཅས་འདུས་པའི་མཐོ་སྒང་ཞིག་ཡིན་ལ། དེ་ནི་འཛམ་གླིང་ཡང་རྩེ་ཞེས་པའི་མདོ་དབུས་མཐོ་སྒང་གི་ཁག་ཅིག་ཡིན། སྤྱི་ལོ2013ལོར། མཚོ་སྔོན་ས་ཁུལ་དུ་ཐོན་སྐྱེད་སྤྱི་འབོར་ནི་དུང་ཕྱུར2101.05ཡིན་པ་དང་། བསྡུར་རུང་བའི་རིན་གོང་ལྟར་རྩིས་ན། ལོ་སྔོན་མ་ལས 10.8%འཕར་སྣོན་བྱུང་ལ། འཕར་ཚད་དེ་རྒྱལ་ཡོངས་ཀྱི་ཞིང་ཆེན་སོ་སོའི་ཁྲོད་ཨང9བ་ཟིན།
ཧྥུ་ཅན་ཞིང་ཆེན།
ཧྥུ་ཅན་ཞིང་ཆེན་གྱི་མིང་བསྡུས་ན་མིན་ཞེས་ཟེར་ཞིང་། ཞིང་ཆེན་གྱི་ལྟེ་གནས་ནི་ཧྥུ་ཀྲོའུ་ཡིན། ཀྲུང་གོའི་ཤར་ལྷོའི་མཚོ་འགྲམ་དུ་ཆགས་པ་དང་། ཤར་དུ་ཐའེ་ཝན་མཚོ་འགག་དང་འབྲེལ་ཞིང་ཐའེ་ཝན་ལ་རྒྱང་གཟིགས་བྱེད་ཐུབ། ཞིང་ཆེན་གྱི་མང་ཆེ་བ་ནི་ཨེ་ཤ་ཡ་དབུས་མའི་ཚ་ཁུལ་གྱི་གནམ་གཤིས་སུ་གཏོགས། མིན་གྱི་ཤར་ལྷོའི་ས་ཁུལ་འགའ་ཤས་ཨེ་ཤ་ཡ་ལྷོ་མའི་ཚ་ཁུལ་དུ་གཏོགས། ཞིང་ཆེན་ཡོངས་ཀྱི་སའི་རྒྱ་ཁྱོན་ནི་སྟོང་སྨི་གྲུ་བཞི་མ་124000ཡིན་པ་དང་། མཚོ་འགྲམ་གྱི་རྒྱ་ཁྱོན་ལ་སྟོང་སྨི་གྲུ་བཞི་མ136000ཡོད། ཧྥུ་ཅན་ཞིང་ཆེན་ནི་མཚོ་ཁའི་འཚོ་སྡོད་གཙོར་བྱེད་ཅིང་། བརླན་པའི་སྐབས་ཀྱི་མཚོ་དང་མཚེའུ། ཆུ་བོའི་རྒྱ་ཁྱོན་ནི་ཧ་ལམ་སྤྱི་ཆིང200000དང་། ཐང་ངོས་ནི་འདམ་དང་བྱེ་འདམ་གཙོར་ཡིན་པའི་མཚོ་ཁུག་གཙོ་བོ་མང་དུ་འདུག གླིང་ཕྲན་ཁྲ་ལམ་མེར་བསྡོམས་པས1500ལྷག་ཡོད་ལ། ཧའེ་ཐན་གླིང་ཕྲན་ནི་ཞིང་ཆེན་ཡོངས་ཀྱི་གླིང་ཕྲན་གྲགས་ཆེ་ཤོས་དེ་ཡིན། ཧྥུ་ཅན་ཞིང་ཆེན་ནི་ཀྲུང་གོའི་ཤར་ལྷོའི་མཚོ་འགྲམ་དུ་ཆགས་ཤིང་། ཤར་བྱང་ནི་ཀྲེ་ཅང་ཞིང་ཆེན་དང་ཉེ་འབྲེལ་དུ་གནས་པ་དང་། ནུབ་དང་། ནུབ་བྱང་ནི་ཅང་ཞི་ཞིང་ཆེན་དང་འབྲེལ་ཡོད། ལྷོ་ནུབ་ནི་ཀོང་ཏུང་ཞིང་ཆེན་དང་འབྲེལ་བ་དང་། ཤར་ནི་ཐའེ་ཝན་མཚོ་འགག་དང་དབར་ཕྱེ་ཞིང་ཐའེ་ཝན་ལ་རྒྱང་གཟིགས་བྱེད་ཐུབ། སྐམ་སའི་རྒྱ་ཁྱོན་ནི་སྤྱི་ལེ་གྲུ་བཞི་མ124000ཡོད་ཅིང་། དེར་ཞིང་ཆེན་ཟུར་རིམ་པའི་གྲོང་ཁྱེར1དང་ས་གནས་རིམ་པའི་གྲོང་ཁྱེར8གཏོགས། ཧྥུ་ཅན་ཞིང་ཆེན་གྱི་རྒྱུན་སྡོད་མི་གྲངས་ནི37480000དང་། སྤྱི་ལོ2013ལོར། ཐོག་མར་སྔོན་རྩིས་བྱས་པའི་ཞིང་ཆེན་ཡོངས་ཀྱི་ཐོན་སྐྱེད་སྤྱི་གྲངས་ནི་སྒོར་དུང་ཕྱུར31910ཡིན་ལ། 11%འཕར་སྣོན་བྱུང་། སྤྱི་ལོ2013ལོར། ཧྥུ་ཅན་ཞིང་ཆེན་གྱི་སྤྱི་པའི་ནོར་སྲིད་ཡོང་འབབ་སྒོར་དུང་ཕྱུར3428.76མངོན་འགྱུར་བྱུང་། ཧྥུ་ཅན་ནི་རི་ལ་བརྟེན་ཞིང་མཚོ་ཁར་ཉེ་བ་དང་། སྐམ་སའི་རྒྱ་ཁྱོན་མང་ཆེ་ཤོས་ནི་དེའུ་འབུར་གྱི་ས་ཁུལ་ཡིན་ཞིང་། ཧྥུ་ཅན་ཞིང་ཆེན་ཡོངས་ཀྱི་ནགས་ཚལ་ཁྱབ་ཚད་རྒྱལ་ཡོངས་ཀྱི་ཨང་དང་པོ་ཡིན་པ་དང65.95%ཟིན། ཧྥུ་ཅན་གྱི་མཚོ་འགྲམ་ཀྱག་ཀྱོག་ཆེ་ཞིང་སྐམ་སའི་མཚོ་ཁའི་རིང་ཚད་ནི་སྟོང་སྨི3751.5ལ་བསླེབས།
ཨན་ཧུའེ་ཞིང་ཆེན།
ཨན་ཧུའེ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཤར་ཕྱོགས་སྐམ་ས་ཆེན་མོའི་ཞིང་ཆེན་ཞིག་ཡིན་ཞིང་། བསྡུས་མིང་ལ་ཝན་ཟེར། ཆིང་གི་གོང་མ་ཁང་ཞི་ཁྲི་ལོ་དྲུག་པ་སྟེ་སྤྱི་ལོ1667ལོ་བཙུགས་པ་དང་། ཞིང་ཆེན་གྱི་མིང་ལ་སྐབས་དེར་ཨན་ཆིང་ཧྥུ་དང་ཧུའེ་ཀྲོའུ་ཧྥུ་ཞེས་པའི་ཧྥུ་གཉིས་ཀྱི་ཐོག་མའི་ཡི་གེ་གཉིས་བླངས་ཏེ་སྦྱར་བས་ཨན་ཧུའེ་སུ་གྲུབ། སྤྱི་ལོ2012ལོའི་བར། ཨན་ཧུའེ་ཞིང་ཆེན་དུ་ས་གནས་རིམ་པའི་གྲོང་ཁྱེར16 དང་རྫོང 62 རྫོང་རིམ་པའི་ས་ཁུལ43ཡུལ་ཚོ་དང་གྲོང་རྡལ། སྲང་ལམ་ལས་དོན་ཁང་བཅས1522 ཡོད། གཞན་སྐྱེ་དངོས་ཀྱི་ཐོན་ཁུངས་དང་། སྲོག་ཆགས་ཀྱི་ཐོན་ཁུངས། གཏེར་ཁའི་ཐོན་ཁུངས། ཆུའི་ཐོན་ཁུངས། སའི་ཐོན་ཁུངས་སོགས་ཡོད་པ་ཡིན།
ལིའོ་ཉིང་ཞིང་ཆེན།
ལིའོ་ཉིང་ཞིང་ཆེན་གྱི་བསྡུས་མིང་ལ་ལུའོ་ཞེས་ཟེར་བ་ཡིན་ལ། ས་ཁུལ་རིམ་པའི་གྲོང་ཁྱེར14དང་། ཞིང་ཆེན་རིམ་པའི་གྲོང་ཁྱེར་ཕལ་བ2ཡོད་པ་ཡིན། དེ་ནི་ཀྲུང་གོའི་བྱང་ཤར་ས་ཆའི་ལྷོ་རྒྱུད་དུ་ཡོད་དེ། ལྷོ་ཕྱོགས་སུ་ཧོང་ཧའེ་དང་པོ་ཧའེ་གཉིས་ལ་སྦྲེལ་ཡོད་ཅིང་། ཤར་ཕྱོགས་སུ་ཁྲའོ་ཞན་གྱི་གཙང་བོ་ཞིག་གིས་བཅད་ཡོད། ཡང་ཉི་ཧོང་དང་ཁོ་རེ་ཡའི་རྒྱ་མཚོར་ཐུག་ཡོད་པས། བྱང་ཤར་ས་ཆའི་མཚོ་འགྲམ་རྒྱུད་དུ་གནས་པའི་ཞིང་ཆེན་གཅིག་པུ་དེ་ཡིན།
| ས་ཁོངས། བརྡ་འགྲེལ 4965 ཡོད། |