བོད་རང་སྐྱོང་ལྗོངས།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

བོད་རང་སྐྱོང་ལྗོངས།
བོད་རང་སྐྱོང་ལྗོངས་ནི་ཀྲུང་གོའི་མདོ་དབུས་མཐོ་སྒང་གི་ལྷོ་ནུབ་རྒྱུད་དུ་ཡོད་པ་དང་། བྱང་གི་འཕྲེད་ཐིག 26°50′—36°53′དང་ཤར་གྱི་གཞུང་ཐིག78°25′—99°06′གི་བར་དུ་གནས་ཤིང་། བྱང་ཕྱོགས་ནི་ཞིན་ཅང་ཡུ་གུར་རིགས་རང་སྐྱོང་ལྗོངས་ལ་ཐག་ཉེ་བ་དང་། ཤར་ཕྱོགས་ནི་སི་ཁྲོན་ཞིང་ཆེན་དང་འབྲེལ་ནས་ཡོད། ཡང་བྱང་ཤར་ནི་མཚོ་སྔོན་ཞིང་ཆེན་ལ་ཐུག་ཡོད་པ་དང་། ལྷོ་ཤར་ནི་ཡུན་ནན་ཞིང་ཆེན་དང་འབྲེལ་ནས་ཡོད་ཅིང་། ལྷོ་ཕྱོགས་སུ་འབར་མ་དང་རྒྱ་གར། འབྲུག་ཡུལ བལ་བོ་སོགས་རྒྱལ་ཁབ་དག་དང་ཐག་ཉེ་བ་ཡིན་ལ། ནུབ་ཕྱོགས་ནི་ཁ་ཆེ་དང་འབྲེལ་ནས་ཡོད་དེ། ལྷོ་བྱང་གི་ཞེང་ལ་སྤྱི་ལེ900དང་ཤར་ནུབ་ཀྱི་རིང་ཚད་ལ་སྤྱི་ལེ2000ཡོད་པ་ཡིན། བོད་རང་སྐྱོང་ལྗོངས་ཀྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ122200 ཡིན་ལ། རྒྱལ་ཡོངས་ཀྱི་སྤྱིའི་རྒྱ་ཁྱོན་གྱི1/8 ཟིན་ཡོད་ཅིང་། རྒྱལ་ཡོངས་ཀྱི་ཞིང་ཆེན་དང་གྲོང་ཁྱེར། རང་སྐྱོང་ལྗོངས་བཅས་ཀྱི་ནང་ནས་ཨང་གཉིས་པར་བགྲངས་པ་ཡིན། དེ་ཡང་བོད་རང་སྐྱོང་ལྗོངས་ཀྱི་ཆ་སྙོམས་ཀྱི་མཚོ་འཕགས་ནི་སྨི4000ཡན་ལ་སོན་པས། འཛམ་གླིང་གི་ཡང་རྩེ་ཞེས་སྙན་པའི་གྲགས་པ་ཕྱོགས་བཅུར་ཁྱབ་ཡོད། ཡང་སྤྱི་ལོ2012ལོའི་ལོ་མཇུག་ཏུ་བསྡོམས་རྩིས་བྱས་པ་ལྟར་ན། ལྗོངས་ཡོངས་ཀྱི་རྒྱུན་སྡོད་མི་གྲངས་ནི3080000ཡིན་ལ། ས་ཁུལ་རིམ་པའི་གྲོང་ཁྱེར4དང་། ས་ཁུལ3 གྲོང་ཁྱེར་ཐད་སྐྱོང་ས་ཁུལ3 རྫོང72 བཅས་ཡོད། བོད་རང་སྐྱོང་ལྗོངས་ནི་ཀྲུང་གོའི་མདོ་དབུས་མཐོ་སྒང་གི་ལྷོ་ནུབ་རྒྱུད་དུ་ཡོད་པ་དང་། བྱང་གི་འཕྲེད་ཐིག 26°50′—36°53′དང་ཤར་གྱི་གཞུང་ཐིག78°25′—99°06′གི་བར་དུ་གནས་ཤིང་། བྱང་ཕྱོགས་ནི་ཞིན་ཅང་ཡུ་གུར་རིགས་རང་སྐྱོང་ལྗོངས་ལ་ཐག་ཉེ་བ་དང་། ཤར་ཕྱོགས་ནི་སི་ཁྲོན་ཞིང་ཆེན་དང་འབྲེལ་ནས་ཡོད། ཡང་བྱང་ཤར་ནི་མཚོ་སྔོན་ཞིང་ཆེན་ལ་ཐུག་ཡོད་པ་དང་། ལྷོ་ཤར་ནི་ཡུན་ནན་ཞིང་ཆེན་དང་འབྲེལ་ནས་ཡོད་ཅིང་། ལྷོ་ཕྱོགས་སུ་འབར་མ་དང་རྒྱ་གར། འབྲུག་ཡུལ བལ་བོ་སོགས་རྒྱལ་ཁབ་དག་དང་ཐག་ཉེ་བ་ཡིན་ལ། ནུབ་ཕྱོགས་ནི་ཁ་ཆེ་དང་འབྲེལ་ནས་ཡོད་དེ། ལྷོ་བྱང་གི་ཞེང་ལ་སྤྱི་ལེ900དང་ཤར་ནུབ་ཀྱི་རིང་ཚད་ལ་སྤྱི་ལེ2000ཡོད་པ་ཡིན། བོད་རང་སྐྱོང་ལྗོངས་ཀྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ122200 ཡིན་ལ། རྒྱལ་ཡོངས་ཀྱི་སྤྱིའི་རྒྱ་ཁྱོན་གྱི1/8 ཟིན་ཡོད་ཅིང་། རྒྱལ་ཡོངས་ཀྱི་ཞིང་ཆེན་དང་གྲོང་ཁྱེར། རང་སྐྱོང་ལྗོངས་བཅས་ཀྱི་ནང་ནས་ཨང་གཉིས་པར་བགྲངས་པ་ཡིན། དེ་ཡང་བོད་རང་སྐྱོང་ལྗོངས་ཀྱི་ཆ་སྙོམས་ཀྱི་མཚོ་འཕགས་ནི་སྨི4000ཡན་ལ་སོན་པས། འཛམ་གླིང་གི་ཡང་རྩེ་ཞེས་སྙན་པའི་གྲགས་པ་ཕྱོགས་བཅུར་ཁྱབ་ཡོད། ཡང་སྤྱི་ལོ2012ལོའི་ལོ་མཇུག་ཏུ་བསྡོམས་རྩིས་བྱས་པ་ལྟར་ན། ལྗོངས་ཡོངས་ཀྱི་རྒྱུན་སྡོད་མི་གྲངས་ནི3080000ཡིན་ལ། ས་ཁུལ་རིམ་པའི་གྲོང་ཁྱེར4དང་། ས་ཁུལ3 གྲོང་ཁྱེར་ཐད་སྐྱོང་ས་ཁུལ3 རྫོང72 བཅས་ཡོད།
གཞི་རྩའི་གནས་ཚུལ།

རྒྱ་ཡིག་གི་མིང་།
西藏自治区
ཕྱི་ཡིག་གི་མིང་།
Tibet
མིང་གཞན།
ཐུ་བྷོད། དབུས་གཙང་། བོད་ལྗོངས།
སྲིད་འཛིན་ས་ཁོངས་ཀྱི་རིགས་དབྱེ།
རང་སྐྱོང་ལྗོངས།
ཁོངས་གཏོགས་ས་ཁུལ།
ཀྲུང་གོའི་ལྷོ་ནུབ་ས་ཁུལ།
མངའ་ཁོངས།
གྲོང་ཁྱེར་བཞི་དང་ས་ཁུལ་གསུམ།
ས་ཁོངས་ཀྱི་ཁ་པར་ཨང་རྟགས།
(+86)0891—0897
སྦྲག་སྲིད་ཨང་རྟགས།
850000—860000
གནས་ཡུལ།
ཀྲུང་གོའི་ལྷོ་ནུབ་ས་ཁུལ་གྱི་མཐའ་མཚམས་དང་མདོ་དབུས་མཐོ་སྒང་གི་ལྷོ་ནུབ་རྒྱུད།
རྒྱ་ཁྱོན།
སྤྱི་ལེ་གྲུ་བཞི་མ་ས་ཡ་གཅིག་དང་ཉིས་འབུམ། བརྒྱད་ཁྲི་དང་གྲངས་ཆུང་བརྒྱད་བཞི་ཡོད།
མི་གྲངས།
ས་ཡ་གསུམ་དང་གྲངས་ཆུང་གཉིས་ཡོད།(སྤྱི་ལོ2010ལོ)
སྐད་རིགས།
བོད་སྐད།
གནམ་གཤིས།
ནུབ་བྱང་གི་གྲང་ངར་ཆེ་བའི་ནམ་ཟླ་དང་ལྷོ་ཤར་གྱི་དྲོད་ཁུལ་བཞའ་ཚན་གྱི་ནམ་ཟླ།
མཛེས་ལྗོངས་གྲགས་ཅན།
ཕོ་བྲང་པོ་ཏ་ལ་དང་ར་ས་འཕྲུལ་སྣང་གི་གཙུག་ལག་ཁང་། དགའ་ལྡན་རྣམ་པར་རྒྱལ་བའི་གླིང་། རི་བོ་ཇོ་མོ་གླང་མ། ཡར་ཀླུང་གཙང་བོ་སོགས།
གནམ་གྲུ་ཐང་།
ལྷ་སའི་གོང་དཀར་གནམ་གྲུ་ཐང་། ཆབ་མདོའི་སྤང་མདའ་གནམ་གྲུ་ཐང་།
རླངས་འཁོར་ཨང་རྟགས།
藏A—藏G
1 གནས་ཡུལ།

བོད་རང་སྐྱོང་ལྗོངས་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ལྷོ་ནུབ་རྒྱུད་དུ་ཡོད་ཅིང་།བྱང་གི་འཕྲེད་ཐིག26°50'—36°53'དང་ཤར་གྱི་གཞུང་ཐིག 78°25'—99°06'  གི་བར་དུ་ཡོད་ལ། ལྗོངས་ཡོངས་ཀྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ས་ཡ་གཅིག་དང་ཉིས་འབུམ་ཉིས་ཁྲི་ལྷག་ཡོད་དེ། ཀྲུང་གོའི་སྐམ་ས་ཡི་སྤྱིའི་རྒྱ་ཁྱོན་གྱི་བརྒྱད་ཆའི་གཅིག་ཟིན་པ་དང་། རྒྱལ་ཡོངས་ཀྱི་ཞིང་ཆེན་དང་གྲོང་ཁྱེར། རང་སྐྱོང་ལྗོངས་བཅས་ཀྱི་ནང་ནས་ཨང་གཉིས་པར་བགྲངས་པ་ཡིན་ཞིང་། དེ་ནི་དབྱིན་ཇི་དང་ཧྥ་རན་སེ། འཇར་མན། ཧོ་ལན། ལུ་ཙེམ་པོག་བཅས་རྒྱལ་ཁབ་ལྔ་བོའི་རྒྱ་ཁྱོན་དང་འདྲ་བ་ཡིན།

བོད་རང་སྐྱོང་ལྗོངས་ཀྱི་བྱང་ཕྱོགས་ནི་ཞིན་ཅང་ཡུ་གུར་རིགས་རང་སྐྱོང་ལྗོངས་ལ་ཐག་ཉེ་བ་དང་། ཤར་ཕྱོགས་ནི་སི་ཁྲོན་ཞིང་ཆེན་དང་འབྲེལ་ནས་ཡོད། ཡང་བྱང་ཤར་ནི་མཚོ་སྔོན་ཞིང་ཆེན་ལ་ཐུག་ཡོད་པ་དང་། ལྷོ་ཤར་ནི་ཡུན་ནན་ཞིང་ཆེན་དང་འབྲེལ་ནས་ཡོད་ཅིང་། ལྷོ་ཕྱོགས་སུ་འབར་མ་དང་རྒྱ་གར། འབྲུག  བལ་བོ་སོགས་རྒྱལ་ཁབ་དག་དང་ཐག་ཉེ་བ་ཡིན་ལ། ནུབ་ཕྱོགས་ནི་ཁ་ཆེ་དང་འབྲེལ་ནས་ཡོད་དེ། ལྷོ་བྱང་གི་ཞེང་ལ་སྤྱི་ལེ900དང་ཤར་ནུབ་ཀྱི་རིང་ཚད་ལ་སྤྱི་ལེ2000ལྷག་ཡོད་པ་ཡིན།

2 གནམ་གཤིས།

བོད་རང་སྐྱོང་ལྗོངས་ཀྱི་གནམ་གཤིས་ནི་ས་དབྱིབས་དང་རླུང་ཁམས་ཆེན་པོའི་འཁོར་རྒྱུག་གི་ཤུགས་རྐྱེན་འོག  གཞན་དང་ཐུན་མོང་མ་ཡིན་ཞིང་ཧ་ཅང་རྙོག་འཛིང་ཆེ་བ་ཡིན། དེ་ཡང་སྤྱིའི་ཆ་ནས་ནུབ་བྱང་གི་ཕྱོགས་ནི་གྲང་ངར་ཆེ་ལ་སྐམ་ཤས་ཆེ་བ་དང་། ཤར་ལྷོའི་ཕྱོགས་ནི་དྲོ་ཞིང་བཞའ་ཚན་གྱི་ཁྱད་ཆོས་མངའ་བ་ཡིན། དེ་བས་གནམ་གཤིས་ཀྱི་རིགས་ལ་ཡང་ཚ་ཁུལ་དང་ཚ་ཁུལ་ཕལ་བ། མཐོ་སྒང་དྲོད་ཁུལ། མཐོ་སྒང་གྲང་ཁུལ་ཕལ་བ། མཐོ་སྒང་གྲང་ཁུལ་སོགས་རྣམ་པ་སྣ་ཚོགས་ཡོད།

དགུན་དུས་ཀྱི་ནུབ་རླུང་དང་དབྱར་དུས་ཀྱི་ལྷོ་ནུབ་དུས་རླུང་གི་ཚོད་འཛིན་འོག  བོད་རང་སྐྱོང་ལྗོངས་སུ་ཐན་དུས་དང་ཆར་དུས་ཀྱི་དབྱེ་བ་ཧ་ཅང་མངོན་གསལ་ཡིན་ལ། སྤྱིར་བཏང་དུ་ལོ་རེའི་ཟླ་བ་བཅུ་བ་ནས་ལོ་རྗེས་མའི་ཟླ་བ་བཞི་བའི་བར་དུ་ཐན་དུས་ཡིན་པ་དང་། ཟླ་བ་ལྔ་བ་ནས་དགུ་བའི་བར་ནི་ཆར་དུས་ཡིན་ཞིང་། དེའི་སྐབས་ཀྱི་ཆར་ཆུ་འབབ་ཚད་ཀྱིས་ལོ་ཧྲིལ་བོའི་ཆར་ཆུ་འབབ་ཚད་ཀྱི90% ཡས་མས་ཟིན་ཡོད་པར་མ་ཟད། ས་ཁུལ་སོ་སོའི་ཆར་ཆུ་འབབ་ཚད་ཆ་མཉམ་མིན་པ་ཧ་ཅང་ཚབས་ཆེན་ཡིན།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:3  སྔ་མའི་པར་གཞི།

ཉེ་ཆར་དག་བཅོས།:2015-11-11

གསར་སྤེལ་མཁན། :ལྷ་བྷེ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།