བོད་རིགས།
བོད་རིགས་ལ་བསྡོམས་པས་མི་གྲངས་ཁྲི640ལྷག་ཡོད་ཅིང་། དེ་དག་གཙོ་བོ་བོད་རང་སྐྱོང་ལྗོངས་དང་མཚོ་སྔོན། ཀན་སུའུ། སི་ཁྲོན། ཡུན་ནན་སོགས་འདབས་འབྲེལ་ཞིང་ཆེན་དུ་འདུས་སྡོད་བྱས་ཡོད་པ་དང་། ཕྱུགས་ལས་གཙོ་བོ་ཡིན་ལ། ཞོར་དུ་ཞིང་ལས་ཀྱང་གཉེར་བཞིན་ཡོད་པ་རེད། བོད་རིགས་ལ་རང་གི་སྐད་དང་ཡི་གེ་ཡོད། དུས་རབས་བཅུ་བ་ནས་བཅུ་དྲུག་བར་ནི། བོད་ཀྱི་རིག་གནས་དར་རྒྱས་ཆེས་ཆེ་བའི་དུས་སྐབས་ཡིན་ཞིང་། ལོ་བརྒྱ་ཕྲག་གི་རིང་ལ་བོད་ཀྱི་རིག་གནས་ལ་འཕེལ་རྒྱས་ཀྱི་གཟི་འོད་རབ་ཏུ་འབར་བ་དང་། འཛམ་གླིང་ན་སྐད་གྲགས་ཆེ་བའི《བཀའ་འགྱུར》དང《བསྟན་འགྱུར》གཙོ་བྱས་པའི་སངས་རྒྱས་ཆོས་གཞུང་གི་དཔེ་ཚོགས་རི་བོའི་གཏོས་དང་མཉམ་པ་སྔ་ཕྱིར་བྱུང་བ་དང་། དེ་མིན་སྡེབ་སྦྱོར་དང་རྩོམ་རིག མཚན་ཉིད་རིག་པ་དང་ལོ་རྒྱུས། ས་ཁམས། གནམ་དཔྱད་རིག་པ་། སྐར་རྩིས་དང་གསོ་བ་རིག་པ་སོགས་ཀྱི་གསུང་རྩོམ་ཡང་རབས་དང་རིམ་པ་བྱུང་བ་རེད།
བོད་རིགས་མི་གྲངས།
ཀྲུང་གོའི་གྲངས་ཉུང་མི་རིགས55ལས་བོད་རིགས་ལ་བསྡོམས་པས་མི་གྲངས་ཁྲི680ཡོད་ཅིང་། དེ་དག་གཙོ་བོ་བོད་རང་སྐྱོང་ལྗོངས་དང་མཚོ་སྔོན། ཀན་སུའུ། སི་ཁྲོན། ཡུན་ནན་སོགས་འདབས་འབྲེལ་ཞིང་ཆེན་དུ་འདུས་སྡོད་བྱས་ཡོད་པ་དང་། ཕྱུགས་ལས་གཙོ་བོ་ཡིན་ལ། ཞོར་དུ་ཞིང་ལས་ཀྱང་གཉེར་བཞིན་ཡོད་པ་རེད། 2010ལོའི་རྒྱལ་ཡོངས་ཀྱི་མི་གྲངས་ཁྱབ་གཤེར་ཐེངས་དྲུག་པ་ལྟར་ན། རྒྱལ་ནང་གི་བོད་རིགས་སྤྱིའི་མི་གྲངས་ཁྲི658.2ལ་བསླེབས་ཡོད་ཅིང་། དེའི་ཁྲོད་ན་ཚོད0-14བར་གྱི་བསྡུར་ཚད25.6%ཟིན་ལ། རྒྱལ་ཡོངས་ཀྱི་ཆ་སྙོམས་ཀྱི་གྲངས་ཚད་ལས་བརྒལ་འདུག སྤྱིའི་མི་གྲངས་ཀྱིས་རྒྱལ་ཡོངས་ཀྱི0.4713%ཟིན་པས། མི་གྲངས་ཐད་ཀྲུང་གོའི་མི་རིགས་ཀྱི་ཨང་བརྒྱད་པར་ཆགས།
ཨ་ཁྲང་རིགས།
ཨ་ཁྲང་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན་ལ། གཙོ་བོ་ཡུན་ནན་ཞིང་ཆེན་གྱི་ཏེ་ཧོང་ཏའེ་རིགས་དང་ཅིང་ཕོ་རིགས་རང་སྐྱོང་ཁུལ་གྱི་ལུང་ཁྲོན་དང་ལིང་ཧི་སོགས་རྫོང་ཁག་ཏུ་འདུས་སྡོད་བྱས་ཡོད།
པའེ་རིགས།
པའེ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན་ལ། གཙོ་བོ་ཡུན་ནན་ཞིང་ཆེན་ནུབ་ཁུལ་གྱི་དབྱི་ཨེར་ཧའེ་ལྟེ་བར་གྱུར་བའི་ཏ་ལི་པའེ་རིགས་རང་སྐྱོང་ཁུལ་དུ་གནས་ཤིང་ཡུན་ནན་གྱི་ས་གནས་གཞན་དག་ཏུའང་ཐོར་སྡོད་བྱས་ཡོད།
ཧ་ཉི་རིགས།
ཧ་ཉི་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། གཙོ་བོ་ཡུན་ནན་ཞིང་ཆེན་ལྷོ་ནུབ་ཕྱོགས་ཀྱི་ལིས་ཧྲིག་གཙང་བོའི་སྨད་རྒྱུད་ཀྱི་ཞིན་ཕིན་དང་ཀྲིན་ཡོན། ཅང་ཁྲིན་སོགས་ཀྭི་རྫོང་མཁར་དུ་ཁྱབ་ཡོད་ལ་བསྡོམས་པས་མི་གྲངས1660000ལྷག་ཡོད།
མའོ་ནན་རིགས།
མའོ་ནན་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། གཙོ་བོ་ཀོང་ཞི་ཧོན་ཅང་རྫོང་གི་ལྷོ་རྒྱུད་ཀྱི་རི་ཁུལ་དུ་འདུས་སྡོད་བྱས་ཡོད། མི་རིགས་རང་གིས་རང་ལ“ཨ་ནན”ཞེས་འབོད་པ་དང་། 1986ལོའི་ཟླ6པར་མའོ་ནན་རིགས་ཞེས་བསྒྱུར། བསྡོམས་པས་མི་གྲངས101192ལྷག་ཡོད།
མོན་པ་རིགས།
མོན་པ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན་ལ། “མོན་པ”ནི་མོན་ཡུལ་དུ་སྡོད་པའི་མི་ཞེས་པའི་དོན་ཡིན། གཙོ་བོ་བོད་ལྗོངས་ཀྱི་མེ་ཏོག་རྫོང་དང་མཚོ་སྣ་རྫོང་དུ་འདུས་སྡོད་བྱས་ཡོད་ཅིང་། ཉིང་ཁྲི་དང་རྫ་ཡུལ་སོགས་སུའང་གནས་ཡོད། བསྡོམས་པས་མི་གྲངས10561ལྷག་ཡོད།
སོག་རིགས།
སོག་རིགས་ནི་ཀྲུང་གོའི་མི་རིགས་ང་དྲུང་ནང་གི་གཅིག་ཡིན་ལ། གཙོ་བོ་ནང་སོག་རང་སྐྱོང་ལྗོངས་དང་ཞིན་ཅང་། མཚོ་སྔོན། ཀན་སུའུ། ཧེ་ལུང་ཅང་། ཅི་ལིན། ལིའོ་ཉིང་སོགས་ཞིང་ཆེན་གྱི་སོག་རིགས་རང་སྐྱོང་ཁུལ་དང་རྫོང་སོགས་སུ་འདུས་སྡོད་བྱས་ཡོད་ཅིང་། ཉིན་ཞ་དང་ཧོ་པེ། སི་ཁྲོན་དང་ཡུན་ནན། པེ་ཅིན་སོགས་ས་ཁུལ་དུའང་ཐོར་སྡོད་བྱས་ཡོད་པ་དང་། བསྡོམས་པས་མི་གྲངས5980000ལྷག་ཡོད།
མིའོ་རིགས།
མིའོ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། རང་རྒྱལ་ནས་བྱུང་བའི་རྒྱལ་སྤྱི་རང་བཞིན་གྱི་མི་རིགས་ཤིག་ཡིན་ལ། གཙོ་བོ་རང་རྒྱལ་གྱི་ལྷོ་རྒྱུད་ས་ཁུལ་དང་ཡ་གླིང་ཤར་ལྷོ་ས་ཁུལ་དུ་འདུས་སྡོད་བྱས་ཡོད། རང་རྒྱལ་དུ་གཙོ་བོ་ཀུའེ་ཀྲོའུ་དང་ཧུའུ་ནན། ཡུན་ནན། ཀོང་ཞི། སི་ཁྲོན། ཀོང་ཏུང་། ཧུའུ་པེ་སོགས་ཞིང་ཆེན་དང་ལྗོངས་འགར་འདུས་སྡོད་བྱས་ཡོད། བསྡོམས་པས་མི་གྲངས9426000ལྷག་ཡོད།
མུའུ་ལའོ་རིགས།
མུའུ་ལའོ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། གཙོ་བོ་ཀོང་ཞི་ཞིང་ཆེན་ལའོ་ཁྲིན་མུའུ་ལའོ་རིགས་རང་སྐྱོང་རྫོང་དུ་འདུས་སྡོད་བྱས་ཡོད་ཅིང་། བསྡོམས་པས་མི་གྲངས550000ལྷག་ཡོད།
འཇང་རིགས།
འཇང་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། གཙོ་བོ་ཡུན་ནན་ཞིང་ཆེན་གྱི་ས་ཐང་འཇང་རིགས་རང་སྐྱོང་རྫོང་དང་འབལ་ལུང་རྫོང་། རྒྱལ་ཐང་རྫོང་། དེ་མིན་ཉིན་ལིང་རྫོང་གི་ཡུང་ཉིན་ས་ཁུལ་དུ་ཁྱབ་ཡོད་ཅིང་། སི་ཁྲོན་གྱི་མུ་ལི་རྫོང་དང་བོད་ལྗོངས་ཀྱི་སྨར་ཁམས་རྫོང་དུའང་ཐ་ཐོར་དུ་ཁྱབ་ཡོད། བསྡོམས་པས་མི་གྲངས326000ལྷག་ཡོད།
ནུའུ་རིགས།
ནུའུ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། གཙོ་བོ་ཡུན་ནན་ཞིང་ཆེན་གྱི་པེ་ཅིང་དང་ཧྥུ་གོང་། གོང་ཧྲང་བཅས་རྫོང་གསུམ་དུ་འདུས་སྡོད་བྱས་ཡོད་ཅིང་། བསྡོམས་པས་མི་གྲངས37523ལྷག་ཡོད།
ཕུའུ་སྨི་རིགས།
ཕུའུ་སྨི་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན་ལ། རང་ལ“ཐུའུ་ཡུན་སྨི”དང“ཕུའུ་རི་སྨི”སོགས་འབོད་ཚུལ་མི་འདྲ་བ་དུ་མ་ཡོད་ཅིང་། དེ་རིགས་ཀྱི་ནང་དོན་ནི་མི་དཀར་བོ་ཞེས་པའི་དོན་ཡིན། མི་རིགས་དེ་གཙོ་བོ་ཡུན་ནན་དང་སི་ཁྲོན་ས་ཁུལ་དུ་ཁྱབ་ཡོད་ལ། བསྡོམས་པས་མི་གྲངས 42000ལྷག་ཡོད།
ཆའང་རིགས།
ཆའང་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། རང་གི་སྐད་དུ“ཨེར་མ”ཟེར་ཞིང་། ནང་དོན་ནི་ས་དེ་གའི་མི་ཡིན་ཞེས་པའི་དོན་ཡིན། གཙོ་བོ་སི་ཁྲོན་ཞིང་ཆེན་རྔ་བ་བོད་རིགས་རང་སྐྱོལ་ཁུལ་གྱི་མོ་ཝུན་ཆའང་རིགས་རང་སྐྱོང་རྫོང་དང་ཝུན་ཁྲོན་རྫོང་། ལིས་རྫོང་། ཁྲོ་ཆུ་རྫོང་། ཟུང་ཆུ་རྫོང་སོགས་སུ་ཁྱབ་ཡོད། བསྡོམས་པས་མི་གྲངས300000ལྷག་ཡོད།
ས་ལར་རིགས།
ས་ལར་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན་ལ། རང་རྒྱལ་གྱི་མདོ་དབུས་མཐོ་སྒང་གི་མཐའ་མཚམས་སུ་འཚོ་བ་རོལ་བཞིན་ཡོད་དེ། གཙོ་ཆེར་མཚོ་སྔོན་ཞིང་ཆེན་ཞིན་ཧྭ་ས་ལར་རིགས་རང་སྐྱོང་རྫོང་དང་དེའི་འདབས་འབྲེལ་གྱི་དཔའ་ལུང་ཧོས་རིགས་རང་སྐྱོང་རྫོང་གི་ཀ་མདོ་ཞང་། ཀན་སུའུ་ཞིང་ཆེན་ཧྲི་ཧྲན་པའི་ཨན་རིགས་ཏུང་ཞང་རིགས་ས་ལར་རིགས་རང་སྐྱོང་རྫོང་སོགས་སུ་འདུས་སྡོད་བྱས་ཡོད།
ཧྲེ་རིགས།
ཧྲེ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། ཧྥུ་ཅན་དང་ཀྲེ་ཅང་། ཅང་ཞི། ཀོང་ཏུང་། ཨན་ཧུའེ་བཅས་ཞིང་ཆེན་ལྔའི་རྫོང（གྲོང་ཁྱེར）བརྒྱད་ཅུའི་རི་ཁུལ་ཁ་ཤས་སུ་ཐོར་སྡོད་བྱས་ཡོད།བསྡོམས་པས་མི་གྲངས708651ལྷག་ཡོད།
ཧྲུའེ་རིགས།
ཧྲུའེ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། གཙོ་བོ་ཀུའེ་ཀྲོའུ་སེན་ཏུའུ་ཧྲུའེ་རིགས་རང་སྐྱོང་རྫོང་དུ་འདུས་སྡོད་བྱས་ཡོད་ཅིང་། ཀུའེ་ཀྲོའུ་ཞིང་ཆེན་གྱི་ལི་པོ་དང་ཏུའུ་ཧྲན། ཏུའུ་ཡུན། ཚུང་ཅང་རྫོང་དང་ཀོང་ཞིའི་རོང་ཨན་དང་ནན་ཏན། ཧི་ཁྲི་རྫོང་སོགས་སུའང་ཐོར་སྡོད་བྱས་ཡོད། བསྡོམས་པས་མི་གྲངས411847ལྷག་ཡོད།
ཐ་ཅི་ཁེ་རིགས།
“ཐ་ཅི་ཁེ”ཞེས་པ་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན་ལ། དམངས་ཁྲོད་ཀྱི་ངག་རྒྱུན་ལྟར་ན་རྒྱལ་པོའི་ཅོད་པན་གྱི་དོན་ཡིན་པར་བརྗོད། མི་རིགས་དེ་ཞིན་ཅང་ཡུ་གུར་རིགས་རང་སྐྱོང་ལྗོངས་ཀྱི་ནུབ་ལྷོ་ས་ཁུལ་དུ་ཁྱབ་ཡོད་ལ། མི་གྲངས་ཀྱི60%ཙམ་ཐ་ཧྲི་ཁུར་ཀན་ཐ་ཅི་ཁེ་རང་སྐྱོང་རྫོང་དུ་འདུས་སྡོད་བྱས་ཡོད། བསྡོམས་པས་མི་གྲངས51000ལྷག་ཡོད།
ཐ་ཐར་རིགས།
ཐ་ཐར་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། ཞིན་ཅང་ཡུ་གུར་རིགས་རང་སྐྱོང་ལྗོངས་སུ་ཐར་ཐོར་དུ་གཞིས་སྡོད་བྱས་ཡོད། བསྡོམས་པས་མི་གྲངས3556ལས་མེད། མི་རིགས་དེ་ནི་དུས་རབས་བཅོ་ལྔ་བའི་དུས་དཀྱིལ་དུ་མོང་གོལ་ཆན་ཚ་ཧན་རྒྱལ་ཁབ་ཀྱི་ཏྭ་ཏན་རིགས་རང་བཙན་བྱས་ཏེ་དུས་ཡུན་རིང་བོའི་ལོ་རྒྱུས་འཕེལ་རིམ་ཁྲོད་ས་དེ་གའི་མི་རིགས་གཞན་པ་དང་འདྲེས་ནས་བྱུང་བ་རེད།
ཐུའུ་ཅ་རིགས།
ཐུའུ་ཅ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན་ལ། རང་ལ“པུས་ཚི་ཁ”ཞེས་ཟེར་ཞིང་། རྒྱ་ཡིག་ཏུ“ཐུའུ་ཅ”ཟེར་བ་ནི་ཆིང་རྒྱལ་རབས་ཀྱི་དུས་མཇུག་ནས་བཟུང་དཔེ་གཞུང་དུ་བྱུང་། ཁོ་ཚོ་ནི་གཙོ་བོ་ཧུའུ་ནན་ཞིང་ཆེན་གྱི་བྱང་ཕྱོགས་དང་ཧུའུ་པེ་ཞིང་ཆེན་གྱི་ཨུན་ཧྲི་ས་ཁུལ། སི་ཁྲོན་ཞིང་ཆེན་གྱི་ཤར་ཕྱོགས་སུ་འདུས་སྡོད་བྱས་ཡོད། བསྡོམས་པས་མི་གྲངས8353912ལྷག་ཡོད།
ཧོར་རིགས།
ཧོར་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། གཙོ་བོ་མཚོ་སྔོན་ཞིང་ཆེན་གྱི་ཧུའུ་ཀྲུའུ་དང་མིན་ཧོ་རྫོང་། ཀན་སུའུ་ཞིང་ཆེན་གྱི་དཔའ་རིས་དང་ཡུང་ཏུན། གྲོ་ནེ་རྫོང་སོགས་སུ་འདུས་སྡོད་བྱས་ཡོད། བསྡོམས་པས་མི་གྲངས289565ལྷག་ཡོད།
དབའ་རིགས།
དབའ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། གཙོ་བོ་ཡུན་ནན་ཞིང་ཆེན་ཀྲིན་ཁང་དང་ཡུན་ཏུག གུན་མ། ཚང་ཡོན། ལན་ཚང་། ཞི་མིན་བཅས་སུ་འདུས་སྡོད་བྱས་ཡོད་ཅིང་། ས་ཆ་སོ་སོ་རུ་རང་མི་རིགས་ལ་འབོད་ཚུལ་མི་འདྲ་ཡང་ཕལ་ཆེར“རི་ནས་སྡོད་པའི་མི”ཞེས་པའི་པའི་དོན་ཡིན། ཀྲུང་གོ་གསར་བ་དབུ་བརྙེས་རྗེས་གཅིག་མཐུན་གྱིས་དབའ་རིགས་ཞེས་འབོད། མི་གྲངས429000ལྷག་ཡོད།
ཡུ་གུར་རིགས།
ཡུ་གུར་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། གཙོ་བོ་ཞིན་ཅང་ཡུ་གུར་རང་སྐྱོང་ལྗོངས་སུ་འདུས་སྡོད་བྱས་ཡོད་ཅིང་བསྡོམས་པས་མི་གྲངས10069346ལྷག་ཡོད། ཡུ་གུར་རིགས་ནི་གནའ་དུས་ཀྱི་ཡ་གླིང་བྱང་མའི་ཧོས་ཧོ་དང་ཡ་གླིང་དབུས་མའི་དུས་རབས་བར་མའི་རིགས་སོ་སོའི་མུའུ་སི་ལིན་གཉིས་ཀྱི་གདུང་རྒྱུད་ཡིན་ལ། “ཡུ་གུར”ཞེས་པ་ནི་མཉམ་འབྲེལ་དང་མཐུན་སྒྲིལ་གྱི་དོན་ཡིན།
ཝུའུ་ཙེ་པིའེ་ཁེ་རིགས།
ཝུའུ་ཙི་པིའེ་ཁེ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། ཞིན་ཅང་ཡུ་གུར་རང་སྐྱོང་ཁུལ་དུ་ཐོར་སྡོད་བྱས་ཡོད་ཅིང་། བསྡོམས་པས་མི་གྲངས10569ལྷག་ཡོད།
ཞི་པོ་རིགས།
ཞི་པོ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན་ལ། གཙོ་བོ་ལིའོ་ཉིང་དང་ཅི་ལིན། ཧེ་ལུང་ཅང་ཞིང་ཆེན་བཅས་སུ་འདུས་སྡོད་བྱས་ཡོད་པ་དང་། ཞིན་ཅང་ཡུ་གུར་རང་སྐྱོང་ལྗོངས་སུའང་ཐར་ཐོར་དུ་གནས་ཡོད། བསྡོམས་པས་མི་གྲངས190000ལྷག་ཡོད།
ཡའོ་རིགས།
ཡའོ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། གཙོ་བོ་ཀོང་ཞི་དང་ཧུའུ་ནན། ཡུན་ནན། ཀོང་ཏུང་། ཀུའེ་ཀྲོའུ་ཞིང་ཆེན་སོགས་སུ་གནས་ཡོད། བསྡོམས་པས་མི་གྲངས2796000ལྷག་ཡོད།
དབྱིས་རིགས།
དབྱིས་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། སི་ཁྲོན་དང་ཡུན་ནན། ཀུའེ་ཀྲོའུ་བྱང་ཕྱོགས། ཀོང་ཏུང་གི་ནུབ་བྱང་ཕྱོགས་སུ་གནས་ཡོད་ལ། ལིང་ཧྲན་ཆེ་ཆུང་གཉིས་ནི་དབྱིས་རིགས་མང་བོ་འདུས་སྡོད་བྱེད་སའི་གནས་ཡིན། བསྡོམས་པས་མི་གྲངས8714393ལྷག་ཡོད།
ཀེ་ལའོ་རིགས།
ཀེ་ལའོ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། མང་ཆེ་ཤོས་ནི་ཀུའེ་ཀྲིའུ་ཞིང་ཆེན་གྱི་ཙུང་དབྱི་རྫོང་དང་ཨན་ཧྲོང་རྫོང་སོགས་སུ་ཐར་ཐོར་དུ་གནས་ཡོད་ལ། ཀོང་ཞི་དང་ཡུན་ནན་སོགས་སུའང་ཉུང་ཤོས་ཤིག་གཞིས་སྡོད་བྱས་ཡོད། བསྡོམས་པས་མི་གྲངས550746 ལྷག་ཡོད།
ཡུས་ཀུའུ་རིགས།
ཡུས་ཀུའུ་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན་ལ། གཙོ་བོ་ཀན་སུའུ་ཞིང་ཆེན་དུ་འདུས་སྡོད་བྱས་ཡོད་ཅིང་། བསྡོམས་པས་མི་གྲངས14378ལྷག་ལས་མེད། ཁོ་ཚོས་རང་ཉིད་ལ“ཡའོ་ཧུར”དང“ཞི་ལ་ཡུས་ཀུར”ཞེས་འབོད།
ཀྲོང་རིགས།
ཀྲོང་རིགས་ནི་ཀྲུང་གོའི་མི་རིགས་ང་དྲུག་ནང་གི་གཅིག་ཡིན། འདུས་སྡོད་བྱེད་ས་གཙོ་བོ་ནི་ཀོང་ཞི་ཀྲོང་རིགས་རང་སྐྱོང་ལྗོངས་ཡིན་ལ། དེ་ལས་གཞན་ཡུན་ནན་དང་ཀོང་ཏུང་། ཧུའུ་ནན། ཀུའེ་ཀྲོའུ། སི་ཁྲོན་ཞིང་ཆེན་སོགས་སུའང་ཉུང་ཤོས་ཤིག་ཡོད་པ་དང་། བསྡོམས་པས་མི་གྲངས16926381ལྷག་ཡོད།
| མི་རིགས། བརྡ་འགྲེལ 142 ཡོད། |