ཆའང་ཡིག
ཆའང་ཡིག་ནི་ཆའང་རིགས་ཀྱི་བཀོལ་སྤྱོད་བྱེད་པའི་ཆའང་གི་སྐད་ཡིག་ལ་ཟེར་ཞིང་། ཆའང་སྐད་ནི་རྒྱ་བོད་སྐད་ཁོངས་ཀྱི་བོད་འབར་སྐད་རིགས་ཀྱི་ཁོངས་སུ་གཏོགས་པ་དང་། ད་ལྟའི་ཆའང་སྐད་ལ་གཙོ་བོ་ནི་ལྷོ་ཕྱོགས་དང་བྱང་ཕྱོགས་གཉིས་ཀྱི་ཡུལ་སྐད་དུ་དབྱེ་ཡོད་པ་དང་། ཡུལ་སྐད་བར་སྐད་བརྡ་འཕྲོད་མི་ཐུབ་པ་དང་། ཆའང་ཡིག་ནི་ཆའང་སྐད་གཅིག་གྱུར་ཡོང་བར་བྱེད་པའི་ཐབས་ཤེས་ཤིག་ཡིན། ད་ལྟར་བེད་སྤྱོད་བྱས་པའི་ཆའང་ཡིག་ནི་རྒྱལ་ཁབ་ཀྱི་གསར་འཛུགས་བྱས་པ་ཡིན་ལ། ས་ཁུལ་ལ་ལར་བེད་སྤྱོད་བྱས་མེད།
མི་རིགས་ཐུན་མོང་གི་ཕུང་པོ།
མི་རིགས་ཐུན་མོང་གི་ཕུང་པོ་ནི་ས་ཁོངས་ངེས་ཅན་ཞིག་གི་ནང་ཆགས་པའི་ལོ་རྒྱུས་རིག་གནས་ཀྱི་འབྲེལ་བ་དམིགས་བསལ་དང། གཏན་ཆགས་ཀྱི་དཔལ་འབྱོར་བྱེད་སྒོའི་ཁྱད་ཆོས། གཏན་ཆགས་ཀྱི་སེམས་ཁམས་སྤུས་ཚད་ཡོད་པའི་མི་རིགས་ཀྱི་ཕྱོགས་བསྡུས་ཕུང་པོ་ཞིག་ལ་ཟེར།
མི་རིགས་འདྲ་མཉམ།
མི་རིགས་འདྲ་མཉམ་ཞེས་པ་ནི་མི་རིགས་ཡོད་ཚད་འདྲ་མཉམ་དང་། མི་རིགས་ཁག་དབང་ཆ་ཡོད་ཚད་འདྲ་མཉམ། མི་རིགས་ཁག་དོན་དངོས་ཐོག་འདྲ་མཉམ་ཡིན་པ་བཅས་ལ་ཟེར། མི་རིགས་ཆེ་ཆུང་ལ་མ་བལྟོས་པར་ཚང་མ་འདྲ་མཉམ་ཡིན་པ་དང་། མི་རིགས་གང་ཞིག་ལའང་ཁྱད་དབང་ཡོད་མི་ཆོག་པ་ནི་མར་ཁེ་སི་ལེ་ཉིན་རིང་ལུགས་ནི་མི་རིགས་ཀྱི་གནད་དོན་ཐག་གཅོད་བྱེད་པའི་རྩ་བའི་རྩ་དོན་ཡིན། མར་ཁེ་སི་ལེ་ཉིན་རིང་ལུགས་ཀྱིས་མི་རིགས་ཀྱི་བྱ་གཞག་འཕེལ་རྒྱས་གཏོང་བའི་རྨང་གཞི་དང་རིགས་པའི་གཞུང་ལུགས་དང་དོན་དངོས་ཟུང་འབྲེལ་བྱེད་པའི་གཞི་འཛིན་ས་གལ་ཆེན་ཞིག་ཡིན།
མི་རིགས་མཐུན་སྒྲིལ་ཡར་ཐོན་གསར་འཛུགས་བྱེད་སྒོར་སྐུལ་འདེད་གཏོང་བའི་སྐོར་གྱི་གཏན་འབེབས།
མི་རིགས་མཐུན་སྒྲིལ་ཡར་ཐོན་གསར་འཛུགས་བྱེད་སྒོར་སྐུལ་འདེད་གཏོང་བའི་སྐོར་གྱི་གཏན་འབེབས་དེ་སྤྱི་ལོ2013ལོའི་ཟླ12པའི་ཚེས27ཉིན་ཉིང་ཞ་ཧུའེ་རིགས་རང་སྐྱོང་ལྗོངས་མི་དམངས་འཐུས་མིའི་ཚོགས་ཆེན་སྐབས་བཅུ་གཅིག་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བརྒྱད་པའི་ཐོག་གྲོས་འཆམ་བྱུང་ཞིང་། སྤྱི་ལོ2018ལོའི་ཟླ9བའི་ཚེས14ཉིན་ཉིང་ཞ་ཧུའེ་རིགས་རང་སྐྱོང་ལྗོངས་ཀྱི་མི་དམངས་འཐུས་མིའི་ཚོགས་ཆེན་སྐབས་བཅུ་གཉིས་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ལྔ་བའི་ཐོག《〈ཉིང་ཞའི་བར་སྟོང་འཕེལ་རྒྱས་འཐབ་ཇུས་འཆར་འགོད་སྐོར་གྱི་གྲོས་ཆོད〉དང〈མི་རིགས་མཐུན་སྒྲིལ་ཡར་ཐོན་གསར་འཛུགས་བྱེད་སྒོར་སྐུལ་འདེད་གཏོང་བའི་སྐོར་གྱི་ཆོད་དོན〉ལ་གཞིགས་ནས་བཟོ་བཅོས་བྱེད་པ་ཡིན།
མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་།
སྤྱི་ལོ1994ལོ་ནས་བཟུང་ཉིང་ཞ་ཧུའེ་རིགས་རང་སྐྱོང་ལྗོངས་ཀྱི་ཏང་ཨུ་དང་སྲིད་གཞུང་གིས་སྔ་རྗེས་སུ་ཐེངས་གསུམ་ལ“སྲིད་བཀུར་དམངས་གཅེས་ཀྱི་སྔོན་ཐོན་མཉམ་སྡེབ”ཀྱི་མཚན་སྙན་གནང་བ་དང་། སྤྱི་ལོ1998ལོའི་ཟླ9བར་རྒྱལ་ཁབ་མི་རིགས་ལས་དོན་ཨུ་ལྷན་གྱིས“མི་རིགས་མཐུན་སྒྲིལ་ཡར་ཐོན་དཔེ་བཟང”ཞེས་པའི་གཟི་བརྗིད་མཚན་སྙན་གནང་བ་རེད།
མི་རིགས་མཐུན་སྒྲིལ་ཁྱིམ་ཚང་གཅིག་ལྟར་བརྩེ་བ།
མི་རིགས་མཐུན་སྒྲིལ་ཁྱིམ་ཚང་གཅིག་ལྟར་བརྩེ་བ་ཞེས་པ་ནི་ཀྲུང་ཧྭ་མི་རིགས56མཐུན་སྒྲིལ་གྱི་དོན་ཡིན། མིང་ཆ་ཚང་ལ་མི་རིགས་མཐུན་སྒྲིལ་ཁྱིམ་ཚང་གཅིག་ལྟར་བརྩེ་བ་དང་ཆ་སྒྲིག་གཉེན་འཚོལ་གྱི་བྱེད་སྒོ་ཞི་ཅིན་ཕིང་གིས་བཏོན་པ་རེད།
སྤྱི་ཚོགས་ལས་བགོས།
སྤྱི་ཚོགས་ལས་བགོས་ཞེས་པ་ནི་སྤྱི་ཚོགས་ཐོན་སྐྱེད་དེ་ཞིང་ལས་དང་བཟོ་ལས་སོགས་ཀྱི་སྡེ་ཁག་ཏུ་བགོས་པའི་སྤྱིར་བཏང་གི་ལས་བགོས་དང་། དཔལ་འབྱོར་སྡེ་ཚན་ཞིག་གི་སྤྱི་ཚོགས་ཁྱབ་ཁོངས་ལས་བརྒལ་བའི་ཐོན་སྐྱེད་ལས་བགོས་ལ་ཟེར། དེ་བཞིན་སྡེ་ཁག་ཆེ་བ་དེ་དག་ལྕི་བའི་བཟོ་ལས་དང་། ཡང་བའི་བཟོ་ལས། འདེབས་འཛུགས་ལས་རིགས། ཕྱུགས་ལས་སོགས་ཐོན་ལས་སམ་ལས་རིགས་སོགས་དམིགས་བསལ་གྱིས་ལས་བགོས་བྱས་ཡོད།
མི་རིགས་རིག་གནས།
མི་རིགས་ཀྱི་རིག་གནས་ནི་མི་རིགས་ཤིག་དུས་ཡུན་རིང་པོར་ཐུན་མོང་དུ་ཐོན་སྐྱེད་དང་འཚོ་བའི་ལག་ལེན་ཁྲོད་ནས་བྱུང་བ་དང་གསར་གཏོད་བྱས་པའི་མི་རིགས་རང་གི་ཁྱད་ཆོས་མཚོན་ཐུབ་པའི་དངོས་པོ་དང་བསམ་པའི་རྒྱུ་ནོར་གྱི་སྤྱི་བསྡོམས་ཡིན། མི་རིགས་ཀྱི་རིག་གནས་ཀྱིས་མི་རིགས་དེའི་ལོ་རྒྱུས་འཕེལ་རྒྱས་ཀྱི་ཆུ་ཚད་མཚོན་ཡོད།
སྤྱི་ཚོགས་ཀྱི་རིག་གནས།
སྤྱི་ཚོགས་ཀྱི་རིག་གནས་གྲུབ་ཚུལ་གཙོ་བོ་ནི་སྤྱི་ཚོགས་ཀྱི་འདུ་ཤེས་འཛིན་སྟངས་ལས་གྲུབ་པ་དང་། སྤྱི་ཚོགས་ཀྱི་འདུ་ཤེས་འཛིན་སྟངས་ནང་དོན་གཙོ་བོ་ཡིན་པའི་འདུ་ཤེས་མ་ལག་གི་གཞི་རྩའི་གྲུབ་ཚུལ་ཡིན། སྤྱི་ཚོགས་ཀྱི་འདུ་ཤེས་འཛིན་སྟངས་ནི་སྤྱི་ཚོགས་ཀྱི་དཔལ་འབྱོར་རྣམ་པ་ངེས་ཅན་ཞིག་མཚོན་པ་དང་། དེ་ནས་གྲལ་རིམ་དང་སྤྱི་ཚོགས་ཚོགས་པ་ངེས་ཅན་ཞིག་གི་ཁེ་ཕན་དང་བླང་བྱ་ཡང་མཚོན་པའི་འདུ་ཤེས་མ་ལག་ལ་ཟེར། སྤྱི་ཚོགས་ཀྱི་ཚོགས་ཁག་ངེས་ཅན་ཞིག་གི་ཁེ་ཕན་དང་རེ་འདུན་མཚོན་མེད་པ་དང་། གྲལ་རིམ་ཡོད་པའི་སྤྱི་ཚོགས་ནང་དུ་གྲལ་རིམ་རང་བཞིན་མེད་པའི་འདུ་ཤེས་ཀྱི་རྣམ་པ་སྟེ་དཔེར་ན། རང་བྱུང་ཚན་རིག་དང་སྐད་བརྡ་རིག་པ། རྣམ་པའི་གཏན་ཚིགས་རིག་པ་སོགས་ལྟ་བུ། འདུ་ཤེས་འཛིན་སྟངས་མིན་པའི་རྣམ་པ་དེ་དག་ཀྱང་སྤྱི་ཚོགས་རིག་གནས་སྒྲིག་གཞིའི་ནང་གི་གྲུབ་ཆ་གལ་ཆེན་ཞིག་རེད།
ཀྲུང་གོའི་མི་རིགས་ཁྲིམས་ལུགས་ཀྱི་ལོ་རྒྱུས་རྩ་གནད།
《ཀྲུང་གོའི་མི་རིགས་ཁྲིམས་ལུགས་ཀྱི་ལོ་རྒྱུས་རྩ་གནད》ནི་མི་རིགས་དཔེ་སྐྲུན་ཁང་གིས་དཔེ་སྐྲུན་བྱས་པའི་དཔེ་དེབ་ཅིག་ཡིན་ལ་རྩོམ་པ་པོ་ནི་ལི་མིང་ཡིན།
མི་རིགས་ཀྱི་ལོ་རྒྱུས།
མི་རིགས་ནི་གནའ་བོའི་དུས་ནས་ཧ་ཅང་སྟོབས་ཆེར་སོང་ཡོད་ཅིང་། དུས་ཡུན་རིང་པོའི་སྔོན་དུ་ཁ་ཕྲལ་ཆེན་པོ་བྱུང་བར་བརྟེན་ནས་རྒྱལ་ཁབ་མང་པོའི་མི་དམངས་ཁ་ཐོར་དུ་སོང་བ་དང་། འཛམ་གླིང་གི་མི་འབོར་ཡང་སྔར་ནས་དམ་པོར་འབྲེལ་མེད་མོད། འོན་ཀྱང་དེའང་འཕེལ་རྒྱས་སུ་འགྲོ་བའི་འགོ་ཚུགས་ས་རེད།
དབང་པོ་སྐྱོན་ཅན།
《མཉམ་འབྲེལ་རྒྱལ་ཚོགས་ཀྱི་དབང་པོ་སྐྱོན་ཅན་གྱི་དབང་ཆའི་སྤྱི་ཆིངས》CRPDགྱི་དོན་ཚན་དང་པོའི་ནང་། དབང་པོ་སྐྱོན་ཅན་ནི་རྐང་ལག་དང་། སྐད་བརྡ། རྣ་དབང་། སེམས་ཁམས། རིག་སྟོབས་བཅས་སམ་ཡང་ན་ཡུན་རིང་གྱོང་གནོད་སྐྱོན་ཐེབས་པའི་མི་དེ་དག་ལ་གནོད་སྐྱོན་དང་འགོག་རྐྱེན་སྣ་ཚོགས་ཕན་ཚུན་ནུས་པ་ཐོན་པའམ། ཡང་ན་དབང་པོ་སྐྱོན་ཅན་གྱིས་བདེ་ཐང་གི་མི་དང་འདྲ་བར་འདྲ་མཉམ་གྱི་རྨང་གཞིའི་ཐོག་སྤྱི་ཚོགས་ནང་གང་ལེགས་ཞུགས་པ་དང་ཏན་ཏིག་ངང་ཞུགས་པར་འགོག་རྐྱེན་བཟོ་སྲིད་ཅེས་འཁོད་ཡོད།
སྐྱེལ་འདྲེན་པུའུ།
སྐྱེལ་འདྲེན་པུའུ་ནི་ཕྱོགས་བསྡུས་འགན་ནུས་སྡེ་ཁག་ཅིག་ཡིན་པའི་ཆ་ནས་ཀུང་སིའི་གཉེར་སྐྱོང་དོ་དམ་གྱི་བརྒྱུད་རིམ་ཧྲིལ་པོར་འཆར་གཞི་ལག་བསྟར་དང་ཚོད་འཛིན་བྱས་པ་ཞིག་ཡིན།
ཀྲུང་གོའི་མི་རིགས་མཐུན་སྒྲིལ་གྱི་ལས་དོན།
《ཀྲུང་གོའི་མི་རིགས་མཐུན་སྒྲིལ་གྱི་ལས་དོན》ཞེས་པའི་དེབ་འདི་ནི་སྤྱི་ལོ2019ལོར་མི་རིགས་དཔེ་སྐྲུན་ཁང་གིས་དཔེ་སྐྲུན་བྱས་པའི་དཔེ་དེབ་ཅིག་ཡིན་པ་དང་། རྩོམ་པ་པོ་ནི་ཧྲིན་ལིན་དང་། ཀྲོའུ་ཝུན་ཅིང་གཉིས་ཡིན།
ཀ་དང་ང་།
གསལ་ཐག་ཆོད་པའི་དོན།ཨ་མདོའི་ཡུལ་སྐད་དུ། ཀ་ར་ང་ཞེས་པའི་གདངས་ཐོན། ཁོས་རྫུན་གཏམ་གྱིན་ཡོད་པ་ཀ་དང་ང་རེད། ཁོ་རྐུན་མ་ཡིན་ནོ་ཀ་དང་ང་རེད། དེས་ཆང་འཐུང་དེངས་ནོ་ཀ་དང་ང་རེད་ཟེར་བ་ལྟ་བུའོ། །
ཀའི་མགོ།
ཆེས་ཐོག་མའམ་ཆེས་མདུན་གྲལ་གྱི་དོན། ཀའི་མགོ་ན་ཡོད་པ་དེ་ངའི་བུ་རེད། རྒྱུག་འགྲན་བྱེད་སྐབས་ང་ཀའི་མགོ་མ་ཡིན།
ཀི་བཞེངས།
མི་མང་བོས་མཉམ་དུ་ཀི་འདེབས་པ། གསར་བུ་མང་པོས་མཉམ་དུ་ཀི་བཞེངས་བྱས་ཟེར་བ་ལྟ་བུ། ཀྭི་བཞེངས་ཞེས་ཀྱང་འབྲི།
| གཞན་དག བརྡ་འགྲེལ 18 ཡོད། |