གློག་ཤུགས་ལས་གྲྭ།
གློག་ཤུགས་ལས་གྲྭ་ནི་གློག་ནུས་ཐོན་སྐྱེད་དང་སྐྱེལ་འདྲེན། འབྲེལ་ཡོད་ཀྱི་ལས་གཞི་ལ་བགོ་བཤའ་བྱེད་པ་དང་། ཁྱབ་ཆེ་བའི་སྒོ་ནས་བརྗོད་ན་གློག་ནི་སྒུལ་ཤུགས་སུ་བྱེད་པ་དང་ནུས་ཁུངས་དེ་ཁྱབ་ཁོངས་མང་པོའི་ཁྲོད་དུ་ཉེར་སྤྱོད་བྱེད་པའི་བཟོ་སྐྲུན་ལ་ཟེར།
ཆུ་བེད་ལས་གྲྭ།
ཆུ་བེད་ལས་གྲྭ་ནི་རང་བྱུང་ཁམས་ཀྱི་ས་ངོས་ཀྱི་ཆུ་དང་ས་འོག་གི་ཆུ་ལ་ཚོད་འཛིན་དང་སྡེར་སྦྱོར་བྱས་པ་ལ་བརྟེན་ནས་གནོད་སེལ་དགེ་སྤེལ་དམིགས་འབེན་དུ་བཟུང་སྟེ་འཛུགས་བསྐྲུན་བྱས་པའི་ལས་གཞི་ཞིག་ཡིན་ལ། ཆུ་ནི་མིའི་རིགས་ཀྱི་ཐོན་སྐྱེད་དང་འཚོ་བར་མེད་དུ་མི་རུང་བའི་ཐོན་ཁུངས་རྩ་ཆེན་ཞིག་ཡིན་མོད། འོན་ཀྱང་རང་བྱུང་གི་རྣམ་པ་དེ་མིའི་རིགས་ཀྱི་མཁོ་བ་དང་ཡོངས་སུ་མཐུན་ཐབས་ཡོད་པ་མ་རེད། ཆུ་བེད་ལས་གྲྭ་འཛུགས་བསྐྲུན་བྱས་ཚེ་ད་གཟོད་ཆུ་རྒྱུན་ཚོད་འཛིན་དང་ཞོད་སྐྱོན་གནོད་འཚེ་སྔོན་འགོག་བྱེད་ཐུབ་པ་མ་ཟད། ཆུའི་མང་ཉུང་ལེགས་སྒྲིག་དང་བགོ་བཤའ་བྱས་ཏེ། མི་དམངས་ཀྱི་འཚོ་བའི་དགོས་མཁོ་སྐོང་པ་དང་ཆུའི་ཐོན་ཁུངས་ཀྱི་དགོས་མཁོ་འདོན་སྤྲོད་བྱེད་ཐུབ་པ་ཡིན།
ཐོན་རྫས།
ཐོན་རྫས་ནི་ཁྲོམ་རར་འདོན་སྤྲོད་བྱས་ཏེ་མི་རྣམས་ཀྱི་བེད་སྤྱོད་དང་འཛད་སྤྱོད་བྱེད་པ་མ་ཟད། མི་རྣམས་ཀྱི་དགོས་མཁོ་ཐམས་ཅད་སྐོང་ནུས་པ་སྟེ། དེའི་ནང་དུ་གཟུགས་ལྡན་དངོས་རྫས་དང་གཟུགས་མེད་ཞབས་ཞུ། རྩ་འཛུགས། འདུ་ཤེས་སམ་ཡང་ན། དེ་དག་གི་སྡེབ་སྒྲིག་འདུ་བ་དང་། ཐོན་རྫས་སྤྱིར་བཏང་དུ་རིམ་པ་ལྔ་རུ་དབྱེ་ཆོག་སྟེ། སྲོག་ཤིང་ཐོན་རྫས་དང་གཞི་རྩའི་ཐོན་རྫས། རེ་སྨོན་ཐོན་རྫས། ཟུར་སྣོན་ཐོན་རྫས། མངོན་མེད་ཐོན་རྫས་བཅས་ཡིན།
སྐྱེ་དངོས་ལས་གྲྭ།
སྐྱེ་དངོས་ལས་གྲྭ་ནི་དུས་རབས20པའི་ལོ་རབས70པའི་དུས་འགོར་དར་རྒྱས་སུ་ཕྱིན་པའི་ཕྱོགས་བསྡུས་རང་བཞིན་གྱི་ཉེར་སྤྱོད་རིག་གཞུང་ཚན་ཁག་ཅིག་ཡིན་ལ། ལོ་རབས90པར་གཞི་རྩའི་མ་ལག་སྨྲ་བའི་སྐྱེ་དངོས་ལས་གྲྭའི་དབུ་བརྙེས་ཤིང་། མ་ལག་སྐྱེ་དངོས་ལས་གྲྭའི་མཚན་ཉིད་བྱུང་བ་རེད། སྐྱེ་དངོས་ལས་གྲྭ་ཞེས་པ་ནི་སྤྱིར་བཏང་དུ་སྐྱེ་དངོས་རིག་པའི་གཞུང་ལུགས་དང་ལག་རྩལ་རྨང་གཞི་བྱས་ཏེ། མཉམ་སྦྱོར་རྫས་བཟོ། འཕྲུལ་ཆས། གློག་རྡུལ་རྩིས་འཁོར་སོགས་དེང་རབས་ལས་གྲྭའི་ལག་རྩལ་དང་། ཆ་རྡུལ་སྐྱེ་དངོས་རིག་པའི་གྲུབ་འབྲས་གསར་ཤོས་བེད་སྤྱོད་གང་ལེགས་བྱས་ནས་རྒྱུད་འཛིན་དངོས་རྫས་ལ་ཚོད་འཛིན་དང་གནས་གཏན་འཁེལ་གྱིས་སྐྱེ་དངོས་སམ་ཡང་ན་དེའི་བྱེད་ལས་ལ་སྒྱུར་བཀོད་བྱས་ཏེ་དུས་ཡུན་ཐུང་ངུའི་ནང་དུ་ཚད་བརྒལ་རྒྱུད་ཐག་རིང་བའི་གཟུགས་དབྱིབས་ལྡན་པའི་སྐྱེ་དངོས་རིགས་གསར་པ་གསར་སྐྲུན་བྱས་པ་དང་། ཡང་བསྐྱར་འོས་འཚམ་གྱི་སྐྱེ་དངོས་འགྱུར་འབྱུང་ཆས་ཡིས“ལས་གྲྭའི་སྲིན”ནམ་ཡང་ན“ལས་གྲྭའི་ཕྲ་ཕུང་སྡོང”ལ་གཞི་ཁྱོན་ཆེ་བའི་སྒོ་ནས་གསོ་སྐྱོང་བྱས་པར་བརྟེན། སྤྱོད་སྒོ་ཅན་གྱི་བརྗེ་ཚབ་ཐོན་དངོས་འབོར་ཆེན་ཐོན་སྐྱེད་བྱེད་པ་དང་ཡང་ན་དེ་དག་གི་ཐུན་མོང་མ་ཡིན་པའི་ལུས་ཁམས་ཀྱི་ནུས་པ་འདོན་སྤེལ་བྱེད་པའི་གསར་བྱུང་གི་ལག་རྩལ་ཞིག་ཡིན་ནོ།།
རྫས་འགྱུར་ལས་གྲྭ།
རྫས་འགྱུར་བཟོ་ལས་ལ་ཞིབ་འཇུག་དང་གཞན་པའི་བརྒྱུད་རིམ་བཟོ་ལས་ཐོན་སྐྱེད་ཁྲོད་དུ་སྤེལ་བའི་རྫས་འགྱུར་བརྒྱུད་རིམ་དང་དངོས་ལུགས་བརྒྱུད་རིམ་གྱི་ཐུན་མོང་གི་ཆོས་ཉིད་ཀྱི་ལས་གྲྭའི་རིག་ཚན་ཞིག་ཡིན། བཟོ་ལས་འདི་དག་ལ་སྲོལ་རྒྱུན་གྱི་རྫས་འགྱུར་བཟོ་ལས་བཟོ་སྐྲུན་འདུ་བ་ལས་གཞན་དེང་རབས་ཀྱི་རྫས་འགྱུར་བཟོ་ལས་ལ་ད་དུང་སྐྱེ་དངོས་ལས་གྲྭ་དང་སྐྱེ་དངོས་སྨན་བཟོ། དེ་བཞིན་འབྲེལ་ཡོད་ཀྱི་ནཱ་སྨི་ལག་རྩལ་འདུ་བ་རེད། དེ་མ་ཟད་འདིའི་རིགས་ཀྱི་དེང་རབས་རྫས་འགྱུར་བཟོ་ལས་དེ་ཉེ་བའི་ལོ་འདི་དག་ལ་འཕེལ་རྒྱས་ཆེན་པོ་བྱུང་པ་དང་མིའི་རིགས་ཀྱི་འཚོ་བར་སྟབས་བདེ་ཆེན་པོ་བསྐྲུན། དེ་ལས་གཞན་མིའི་རིགས་ཀྱི་འཚོ་བ་སྐྱེལ་སྟངས་ལ་ཤུགས་རྐྱེན་གཏིང་ཟབ་ཐེབས་པ་རེད།
འཕྲུལ་ཆས་ལས་གྲྭ།
འཕྲུལ་ཆས་ལས་གྲྭ་ནི་དངོས་ལུགས་གཏན་སྲོལ་བེད་སྤྱོད་བྱེད་པ་དང་འབྲེལ་བའི་འཕྲུལ་ཆས་ཀྱི་རྒྱུད་ཁོངས་ལ་དབྱེ་ཞིབ་དང་ཇུས་འགོད། བཟོ་སྐྲུན་དང་ཉམས་གསོ་བྱེད་པའི་ལས་གྲྭའི་རིག་ཚན་ཞིག་ཡིན་ལ། འཕྲུལ་ཆས་ལས་གྲྭ་ནི་འབྲེལ་ཡོད་ཀྱི་རང་བྱུང་ཚན་རིག་དང་ལག་རྩལ་ཚན་རིག་དེ་གཞི་རྩའི་གཞུང་ལུགས་སུ་བཟུང་སྟེ། ཐོན་སྐྱེད་ལག་ལེན་ཁྲོད་ཀྱི་ལག་རྩལ་ཉམས་མྱོང་ལ་ཟུང་འབྲེལ་བྱས་ཤིང་། གསར་འབྱེད་དང་ཇུས་འགོད། བཟོ་སྐྲུན། སྒྲིག་འཇུག བེད་སྤྱོད་དང་ཉམས་གསོ། འཕྲུལ་ཆས་སྣ་ཚོགས་ཁྲོད་ཀྱི་གཞུང་ལུགས་ཐམས་ཅད་དང་དངོས་ཡོད་གནད་དོན་ལ་ཞིབ་འཇུག་དང་ཐག་གཅོད་བྱེད་པའི་ཉེར་སྤྱོད་རིག་ཚན་ཞིག་ཡིན་པ་དང་། འཕྲུལ་ཆས་ལས་གྲྭ་ནི་བཟོ་རིག་ཞིབ་འཇུག་སློབ་མའི་སློབ་གསོའི་རིམ་པ་དང་པོའི་རིག་ཚན་དང་། ལས་གྲྭའི་ཞིབ་འཇུག་སློབ་མའི་སློབ་གསོའི་ཁྱབ་ཁོངས་ཤིག་ཡིན།
ས་ཤིང་ལས་གྲྭ།
ས་ཤིང་ལས་གྲྭ་ནི་བཟོ་སྐྲུན་སྣ་ཚོགས་བྱེད་པའི་ལས་གྲྭའི་སྒྲིག་བཀོད་ཀྱི་ཚན་རིག་ལག་རྩལ་གྱི་སྤྱི་མིང་ཡིན། དེ་ནི་བེད་སྤྱོད་རྒྱུ་ཆ་དང་སྒྲིག་ཆས། རྩད་ཞིབ་དང་ཇུས་འགོད། ཨར་ལས་དང་གསོ་སྐྱོང་། ཉམས་གསོ་སོགས་བྱེད་པའི་ལག་རྩལ་བྱེད་སྒོ་ལ་གོ་བ་དང་། ལས་གྲྭའི་འཛུགས་སྐྲུན་གྱི་བྱ་ཡུལ་ལ་ཡང་གོ་བ་ཡིན། དེ་ནི་ས་སྟེང་དང་ས་འོག སྐམ་དང་མཚོ་ཐོག་གི་བཟོ་སྐྲུན་དང་། ཐད་ཀར་རམ་བརྒྱུད་ནས་མིའི་རིགས་ཀྱི་འཚོ་བ་དང་ཐོན་སྐྱེད། དམག་དོན། ཚན་རིག་ཞིབ་འཇུག་ཞབས་ཞུའི་བཟོ་སྐྲུན་སྒྲིག་བཀོད་སྣ་ཚོགས་ཡིན་ལ། དཔེར་ན། ཁང་བ་དང་གཞུང་ལམ། ལྕགས་ལམ། ཕུག་ལམ་དང་ཟམ་པ། མིས་བཟོས་གཙང་པོ་དང་ཆུ་རགས། གྲུ་ཁ། གློག་འདོན་ས་ཚིགས། གནམ་གྲུ་ཐང་། རྒྱ་མཚོའི་ལས་སྟེགས་དང་ཆུ་མཁོ་སྤྲོད་ཆུ་འབུད་དང་དེ་བཞིན་འགོག་སྲུང་བཟོ་སྐྲུན་སོགས་ཡོད།
བོད་ཤོག་བཟོ་རྩལ།
ཤོག་བཟོའི་ལག་རྩལ་ནི་བོད་ཁུལ་དུ་རྒྱལ་པོ་སུ་ཡི་སྐུ་རིང་དང་དུས་ནམ་ཞིག་དར་ཁྱབ་བྱུང་ཡོད་མེད་དེ་ཁ་ཚོན་གཅོད་ནུས་མཁན་དང་། གཏན་ཚིག་འགོད་མཁན་ཞིག་ནི་བྱུང་མི་འདུག་མོད། འོན་ཀྱང་། རྒྱལ་པོ་སྲོང་བཙན་གྱི་དུས་ལ་ཁྱིམ་མཚེས་རྒྱལ་ཁབ་འགའ་ཞིག་ཏུ་བོད་ཤོག་སྟེང་དུ་ཡི་གེ་བྲིས་ནས་སྐུར་བའི་ལོ་རྒྱུས་དཔྱད་གཞིའི་ཡིག་ཆ་འགའ་ཞིག་གི་ནང་དུ་འདུག་པས། དེར་བརྟག་ན། ད་ལྟ་ནས་ཡར་ལ་རྩིས་པའི་ལོ1300གོང་ནས་བོད་ཁུལ་དུ་ཤོག་བཟོ་དར་ཟིན་ཡོད་པ་ཤེས་ཐུབ་བོ།། རྒྱལ་པོ་ཁྲི་སྲོང་གི་དུས་སུ་རྒྱ་གར་ནས་བོད་དུ་བསྒྱུར་བའི་བོད་ཡིག་གི་གསུང་རབ་ཚང་མ་ཤོག་དྲིལ་བྱས་ཏེ་ཡིག་འབྲུ་དགུ་སྟོང་དྲུག་བརྒྱ་ལ་བམ་པོ་གཅིག་སྟེ། པོད་གཅིག་གི་ཚད་དུ་རྩིས་པ་ལ་སོགས་པའི་ལོ་རྒྱུས་ཤིན་ཏུ་མང་པོ་ཡོད་པ་དུང་དཀར་ཚིག་མཛོད་སོགས་ལས་གསལ་ལོ།།
སྔོ་རྒྱའི་འགག་ཆུ་གློག་ས་ཚིགས།
སྔོ་རྒྱའི་འགག་ཆུ་གློག་ས་ཚིགས་ནི་ཚྭ་རྔ་འགག་ཆུ་གློག་ས་ཚིགས་བསྐྲུན་པའི་རྗེས་སུ། ཡང་བསྐྱར་རྨ་ཆུའི་སྟོད་ཕྱོགས་སུ་བཙུགས་པའི་ཆུ་གློག་ས་ཚིགས་ཆེ་གྲས་ཤིག་ཡིན། དེ་ནི་རྒྱལ་ཁབ་ཀྱི"བརྒྱད་ལྔའི"གཙོ་གནད་ལས་གཞི་ཞིག་ཡིན། རྒྱལ་ཁབ་ཀྱིས་མ་དངུལ་བཏང་ཞིང་། མཚོ་སྔོན་དང་། ཀན་སུའུ། ཧྲན་ཞི། ཉིན་ཞ་བཅས་ཞིང་ཆེན4ཡིས་མ་དངུལ་བསྡུས་ནས་འཛུགས་སྐྲུན་བྱས་པ་ཡིན།
བྲག་ཁང་སྣ་ཁ་ཆུ་གློག་ས་ཚིགས།
བྲག་ཁང་སྣ་ཁ་ཆུ་གློག་ས་ཚིགས་ནི་ཕྱི་རྒྱལ་གྱི་ཚོང་བས་མ་རྩ་བཏང་ནས་འཛུགས་སྐྲུན་བྱས་པའི་རང་རྒྱལ་གྱི་རྒྱལ་ཁབ་རིམ་པའི་ཆུ་གློག་ས་ཚིགས་འབྲིང་གྲས་ཤིག་ཡིན། དེ་ནི་ཞང་ཀང་ཀྲིན་ཞིན་ཚོགས་པའི་ཀུང་ཟི་དང་ཨ་རིའི་ཨེ་ཡེ་སི་ཚོགས་པའི་ཀུང་ཟི་གཉིས་ཀྱིས་མཉམ་དུ་མ་དངུལ་བཏང་ནས་འཛུགས་སྐྲུན་བྱས་པ་ཞིག་ཡིན་ཞིང་། མཚོ་སྔོན་ཞིང་ཆེན་གྱི་ཆེས་ཆེ་བའི་ཕྱི་རྒྱལ་ཚོང་བས་མ་དངུལ་བཏང་བའི་ལས་གཞི་དང་བཟོ་སྐྲུན་གཙོ་བོ་ཞིག་ཡིན།
གདོང་སྣ་ཆུ་གློག་ས་ཚིགས།
གདོང་སྣ་ཆུ་གློག་ས་ཚིགས་ནི་མཚོ་སྔོན་ཞིང་ཆེན་རྨ་ལྷོ་ཁུལ་གཅན་ཚ་རྫོང་རྫོང་མཁར་དང་བར་ཐག་སྤྱི་ལེ18ཀྱི་མཚམས་དང་། སྔོ་རྒྱའི་འགག་ཆུ་གློག་ས་ཚིགས་ཀྱི་སྨད་རྒྱུད་དུ་སྤྱི་ལེ18ཀྱི་མཚམས་སུ་ཡོད།
ཞན་མེད་རླངས་སྣུམ།
གཞན་མེད་རླངས་སྣུམ། རྒྱ་སྐད། 无铅汽油。 དབྱིན་ཇིའི་སྐད་དུ། 【Un-LeadedPetrol 】 དབྱིན་ཡིག་བསྡུས་བྲིས། （ ULP） དེ་ཡང་མ་བཅོས་རྡོ་སྣུམ་（原油）གྱི་ནང་ནས་རླངས་སྣུམ་འདོན་པའི་བརྒྱུད་རིམ་ཁྲོད་དུ་ཞན་（铅）ནམ་ཞ་ཉེ་ཡི་རྡུལ་ཕྲན་ཁ་སྣོན་བྱས་མེད་པའི་རླངས་སྣུམ་ལ་ཟེར།
ཅིན་ལུང་ཐན་གློག་འདོན་ས་ཚིགས།
ཅིན་ལུང་ཐན་གློག་འདོན་ས་ཚིགས་ནི་རྨིན་ཅང་གཙང་པོའི་སྟོད་རྒྱུད་ཐའེ་ཕིང་ནས་ལིང་ཧོ་ཁོའུ་ཆུ་རྒྱུད་དུ་སྐས་རིམ་བཞིན་གསར་སྤེལ་འཆར་འགོད་ཀྱི་རིམ་པ་གསུམ་པའི་གློག་འདོན་ས་ཚིགས་ཤིག་ཡིན། དེ་ནི་མའོ་རྫོང་ཏེ་ཞི་གྲོང་རྡལ་མངའ་ཁོངས་སུ་ཆགས་ཡོད་པ་དང་། གློག་འདོན་ས་ཚིགས་ནི་རྒྱལ་ཁ་ལ་དབང་བའི་མ་རྐང་ཚོད་འཛིན་བྱེད་པའི་ཁེ་ལས་དང་། རྣམ་གྲངས་ཀྱི་བདག་པོ་ནི་ཀོང་ཞི་ཀུའེ་ཀོན་གློག་ཤུགས་མ་རྐང་ཚད་ཡོད་ཀུང་སི་ཡིན། གློག་འདོན་འཕྲུལ་འཁོར་གྱི་སྤྱིའི་གློག་འདོན་ཚད་ཆན་ཝ་ཁྲི3×6ཡིན། སྤྱི་ལོ2002ལོར་ནས་འཛུགས་སྐྲུན་བྱེད་འགོ་ཚུགས། བཟོ་སྐྲུན་སྤྱིའི་དུས་ཡུན་ཟླ་བ54དང་། ཁྱོན་བསྡོམས་མ་དངུལ་སྒོར་དུང་ཕྱུར8.33བཏང་བ་དང་། ལས་གྲྭ་འཛུགས་སྐྲུན་བྱེད་མཁན་ནི་སི་ཁྲོན་ཧོང་ལུང་གློག་ཤུགས་ཚད་ཡོད་ཀུང་སི་དང་། སི་ཁྲོན་ཞིང་ཆེན་ཆུ་བེད་ཆུ་གློག་རྩད་ཞིབ་ཐིག་ལེན་དང་ཇུས་འགོད་ཞིབ་འཇུག་ཁང་དང་། ནུབ་བྱང་རྩད་ཞིབ་ཐིག་ལེན་དང་ཇུས་འགོད་ཞིབ་འཇུག་ཁང་གིས་ཇུས་འགོད་བྱས།
ཕག་གསོ་ལག་རྩལ།
ཕག་གསོའི་ལག་རྩལ་ཞེས་པ་འདིར་འཇན་མིན་སོགས་ཀྱི་ཕྱིའི་ཆེད་མཁས་པ་དག་གིས་ཞིབ་འཇུག་གི་དཔྱད་འབྲས་ལྟར། ཕག་ཚང་ལ་སོག་ཕྱེ་བཏིང་བ་དང་། དུས་རྒྱུན་གཟན་ཆས་སྟེར་བ་ནི་ཕག་གསོ་བར་མེད་དུ་མི་རུང་བའི་ཚུལ་བསྟན་ཡོད།
བེའུ་གསོ་ཐབས།
བེའུ་གསོ་ཐབས་ནི་བེའུ་བཙས་རྗེས་ཀྱི་ཆུ་ཚོད1-2ནང་འོ་མ་ཐོག་མའམ་སྤྲི་འཐུང་ཐུབ་དགོས་པ་མ་ཟད། ཉིན་ལྟར་འོ་མ་ཐེངས4-6ལ་ལྡུད་དགོས། གལ་ཏེ་བཞོན་མར་འོ་མ་མེད་ན་མིས་བཟོས་འོ་མ་སྦྱོར་སྒྲིག་བྱས་ཏེ་ལྡུད་དགོས་ལ། དེ་ལྟར་རིམ་བཞིན་བེའུའི་འཚར་ལོངས་དང་བསྟུན་ནས་འོ་མ་བཅད་དེ་གཟན་ཆས་སྤུས་ལེགས་བྱིན་ནས་གསོ་སྐྱོང་ལེགས་པོ་བྱེད་དགོས།
གཟན་ཆས་འདྲེས་སྦྱོར་བྱ་ཐབས།
གཟན་ཆས་སྤུས་ལེགས་འདྲེས་སྦྱོར་བྱ་ཐབས་ནི་འབྲུ་རྡོག་དང་། འབྲས་རྡོག་རྣམས་ཞིབ་འཐག་འཕྲུལ་འཁོར་ནང་བླུགས་ནས་ཞིབ་མོར་བཏགས་རྗེས་གཟན་ཆས་གཞན་དང་འདྲེས་སྦྱོར་བྱས་ནས། སྤུས་ལེགས་གཟན་ཆས་ཀྱི་ནུས་པ་ལེགས་པོ་ཐོན་ཐུབ། ཡང་སྦང་མ་རྣམས་ཉི་མར་བསྐམས་རྗེས་ཞིབ་འཐག་འཕྲུལ་འཁོར་ནང་བཏགས་ནས་མ་རྨོས་ལོ་ཏོག་ཕྱི་མ་དང་འདྲེས་སྦྱོར་བྱས་ཏེ་ཕན་འབྲས་ལེགས་པོ་ཐོན་ཐུབ།
སྔོ་ལྗང་གཟན་ཆས།
འདི་ནི་ཆུའི་གྲུབ་ཆས་བརྒྱ་ཆའི60ཡན་ཟིན་པའི་གཟན་རྩྭ་ལ་གོ་ཞིང་། ནང་དུ་ལྗང་ལོའི་རྫས་མོད་པོ་འདུས་པའོ།། རང་བྱུང་ཕྱུགས་རྩྭ་དང་མིས་བཏབ་ཕྱུགས་རྩྭ། སྔོ་བྲེགས་གཟན་རྩྭ་སོགས་འདུས་ཤིང་། འཚོ་བཅུད་ཀྱི་ཁྱད་ཆོས་གཙོ་ཤོས་ནི་ཆུའི་གྲུབ་ཆ་འདུས་ཚོད་མང་བ། སྐམ་ཚུལ་དངོས་པོ་ཉུང་བ། ཚི་སྣ་རྩུབ་རིགས་ཉུང་བ། ཀལ་དང་ལིན་རྫས་འདུས་ཚོད་མང་ཞིང་སྡུར་ཚད་འཚམ་པ། གུང་ལའི་རྫས་དང་འཚོ་བཅུད་རྫས་ཀྱིBཚན་དངEཚན Kཚན། Cཚནབཅས་ཀྱི་འདུས་ཚད་མོད་པ་ཡིན་ལ། བོངས་ཚོད་ཆེ་བ་དང་ཁ་ལ་འཕྲོད་པ། འཇུ་འགྱུར་བེད་ཆོད་འབྱུང་ཚད་མཐོ་བ་བཅས་ཀྱི་ཁྱད་ཆོས་ལྡན་ཕྱིར། ལུག་རྒྱུད་ཀུན་གྱིས་ཟ་མོས་ཆེ་བ།
གཟན་ཆས་རྩུབ་ཤོས།
གཟན་ཆས་རྩུབ་ཤོས་རིགས་དེར་རང་བཞིན་གྱི་གཤེར་ཁུ་འདུས་ཚོད་བརྒྱ་ཆའི60མན་ཡིན་པ་དང་། རྒྱུ་སྐམ་པོའི་དངོས་པོ་ནང་ནས་ཚི་སྣ་འདུས་ཚོད་བརྒྱ་ཆའི18ལས་མང་བའམ། དེ་དང་མཉམ་པའི་གཟན་ཆས་རིགས་ལ་གོ་ཞིང་། དེ་ལ་གཏོགས་པ་རྩྭ་སྐམ་རིགས་དང་ཞིང་ལས་ཀྱི་ཞོར་ཐོན་རིགས། སྦང་སྙིགས་རིགས། ལྗོན་པ་ལ་ལའི་ལོ་མ་སོགས་འདུའོ།།
སྔོ་ཉར་གཟན་ཆས།
སྔོ་ཉར་གཟན་ཆས་ཟེར་པ་དེ་རྩྭ་ལྡུམ་རིགས་སྔོན་པོ་དེ་ལ་ཟེར་ཞིང་། སྐྱུག་ལྡད་སྒོ་ཕྱུགས་རིགས་ཀྱི་གཟན་ཆས་ཡག་ཤོས་ཡིན་སྲིད་དོ།།
ནུས་ཚོད་བཟང་བའི་གཟན་ཆས།
ནུས་ཚོད་བཟང་བའི་གཟན་ཆས་ནི་རྒྱུ་བ་སྐམ་པོའི་གཟན་ཆས་ཁྲོད་ཀྱི་ཚི་སྣ་རྩུབ་པོའི་འདུས་ཚོད་བརྒྱ་ཆའི18ལས་དམའ་བ་དང་། སྤྲི་དཀར་རྩུབ་པོ་བརྒྱ་ཆའི20ལས་དམའ་བའི་གཟན་ཆས་རིགས་ལ་གོ་བའོ།།
སྤྲི་དཀར་རྫས་ཀྱི་གཟན་ཆས།
སྤྲི་དཀར་རྫས་ཀྱི་གཟན་ཆས་ནི་དངོས་པོ་སྐམ་པོའི་ནང་གི་ཚི་སྣ་རྩུབ་པོའི་འདུས་ཚོད་བརྒྱ་ཆའི18ལས་ཉུང་བ་དང་མཉམ་པའམ། དེ་བས་ཅུང་ཟད་མང་བའི་གཟན་ཆས་ཀྱི་སྤྱི་མིང་ངོ་།། ལུག་ལ་དགོས་པའི་སྤྲི་དཀར་རྫས་ཀྱི་མང་ཤོས་གྲོད་པའི་ནང་གི་སྐྱེ་དངོས་ཕྲ་རབ་ལས་རུལ་ཕབས་བྱུང་ནས་ཚིམ་འགྱུར་བ་ཡིན་པས། སྤྲི་དཀར་རྫས་ཀྱི་གཟན་ཆས་དེ་དག་གིས་གསོ་སྐྱོང་ཁྲོད་ནས་ཁ་སྐོང་ཚུལ་དུ་སྤྱོད་པ་ཙམ་ཡིན་པས། སྤྲི་དཀར་རྫས་ཀྱི་ཁ་སྐོང་གཟན་ཆས་ཞེས་ཞིབ་ནན་གྱིས་ངོས་འཛིན་ཚུལ་ཡོད་དོ།།
དབྱིབས་དྲིལ་ཅན་གཟན་ཆས།
དབྱིབས་དྲིལ་ཅན་གཟན་ཆས་ནི་རིལ་རྡོག་དབྱིབས་ཀྱི་གཟན་ཆས་དང་། ལེབ་མོར་བཟོས་པའི་རྩྭ་སྐམ། སོབ་པོར་བཏང་པའི་གཟན་ཆས་ལྟ་བུའོ།། བོད་ཡུལ་ལ་མཚོན་ན། ས་ནང་ངམ་ཕྱུགས་རྩྭ་ནང་གི་སེ་རྫས་རྒྱུན་སྲོལ་ལས་ཉུང་བས། སེ་རྫས་ཁ་གསབ་རྒྱག་ཆེད། མཚོ་སྔོན་ཞིང་ཆེན་ཁོངས་ནས་ལེབ་མོ་ཚུལ་གྱི་ལྡག་སྤྱོད་སེ་རྫས་བཟོས་ཡོད་པ་དེ་བལྡག་བཅུག་ན་ཕན་ནོ།།
རྩྭ་གཏུབ་འཕྲུལ་ཆས།
སྔོ་སྐམ་བྱུང་བའི་མ་རྨོས་ལོ་ཏོག་གི་གཞུང་རྟ་དང་སོ་ནམ་ལས་ཐོན་པའི་སོག་མ་སོགས་གཏུབ་པར་བཀོལ་ཆོག་ཅིང་། འཕྲུལ་ཆས་རིགས་འདི་ལ་རྣམ་པ་གཉིས་ཡོད་དེ། འགྲིལ་ཟོ་ཚུལ་དང་སྡེར་སྒོར་ཚུལ་སོ་སོར་ངོས་འཛིན་ནོ།།
གྲུག་ཧྲུག་འཕྲུལ་ཆས།
གྲུག་ཧྲུག་འཕྲུལ་ཆས་ནི་གཟན་ཆས་ཞིབ་ཤོས་གྲུག་ཧྲུག་གཏོང་བ་དང་གཟན་ཆས་རྩུབ་ཤོས་གྲུག་ཧྲུག་གཏོང་བའི་འཕྲུལ་ཆས་རིགས་གཉིས་ཡོད་ཅིང་། གཟན་ཞིབ་གྲུག་ཧྲུག་འཕྲུལ་ཆས་ལའང་སྤྱིར་སྤྱོད་ཚུལ་ཐོ་ལེབ་གྲུག་ཧྲུག་འཕྲུལ་ཆས་དང་ཆུ་ཐིགས་ཚུལ་གྲུག་ཧྲུག་འཕྲུལ་ཆས། གྱེན་བཞེངས་ཚུལ་ཐོ་ལེབ་གྲུག་ཧྲུག་འཕྲུལ་ཆས་སོགས་རྣམ་པ་དུ་མ་ཡོད་དོ།། གཟན་ཞིབ་གྲུག་ཧྲུག་འཕྲུལ་ཆས་འདི་འབྲུ་རྡོག་ཚུལ་གྱི་རྒྱུ་ཆ་སྦྱོར་བཟོ་ལ་སྤྱོད་པ་གཙོ་སྟེ། དཔེར་ན་མ་རྨོས་ལོ་ཏོག་དང་སྲན་མ། གྲོ་ནས་ལྟ་བུའོ།། གྲུག་ཧྲུག་འཕྲུལ་ཆས་ལ་ལར་རགས་གྲུག་དང་ཞུག་གྲུག་གི་ནུས་པ་བསྒྱུར་རྒྱུ་ཡོད་པ་ཡིན་ནོ།།
དཀྲུག་སྲུབ་འཕྲུལ་ཆས།
དཀྲུག་སྲུབ་འཕྲུལ་ཆས་ལ་ཕྱེ་སྐམ་དཀྲུག་སྲུབ་འཕྲུལ་ཆས་དངTMRགཟན་ཆས་དཀྲུག་སྲུབ་འཕྲུལ་ཆས་ཟེར་བ་གཉིས་ཡོད་ཅིང་། སོ་སོའི་ཁྱད་ཆོས་དང་བེད་སྤྱོད་གཏོང་ཚུལ་ཡོད།
བལ་འབྲེག་འཕྲུལ་ཆས།
བལ་འབྲེག་འཕྲུལ་ཆས་ལ་བེད་སྤྱོད་བྱེད་སྟངས་ཀྱི་དབང་དུ་སྒུལ་སྤོ་ཚུལ་དང་བརྟན་འཁོད་ཚུལ་ཏེ་རིགས་གཉིས་ཡོད་ཅིང་། སྔོན་མ་དེ་རྩྭ་སྙེག་མཚེར་བརྗེའི་གནས་ཚུལ་ལ་བཀོལ་འཚམ་པ་དང་། ཕྱི་མ་དེ་ལུག་ཁྱུ་ཆེ་ཞིང་ལུག་མང་བའི་དབྱིབས་ཚོད་ཅན་གྱི་ཕྱུགས་ར་ལ་བཀོལ་བར་འཚམ་པ་ཡིན།
སྨུགས་སྟོར་ཆས།
རྒྱུན་པར་སྤྱོད་པའི་སྨུགས་སྟོར་ཆས་ལ་རིགས་གཉིས་ཏེ། དབུགས་བཞུ་སྨུགས་སྟོར་ཆས་དང་རྒྱབ་འཁུར་ཚུལ་སྒུལ་སྨུགས་སྟོར་ཆས་ཞེས་སོ་སོར་ངོས་འཛིན་ནོ།།
སྨུག་ཕྱི་འོད་ཐིག་གི་དུག་སེལ་གློག་སྒྲོན།
སྨུག་ཕྱི་འོད་ཐིག་གི་དུག་སེལ་གློག་སྒྲོན་ཞེས་པ་ནི། ཁང་བའི་ནང་རོལ་གྱི་དུག་སེལ་བར་སྤྱོད་པ་གཙོ་སྟེ། ཁོངས་ཁྱོན་སྨི10རེའི་ཚོད་དུ30wཅན་གྱི་སྨུག་ཕྱི་འོད་ཐིག་གློག་སྒྲོན་སྦུ་གུ་གཅིག་བཀོད་སྒྲིག་འོས་ཤིང་། ཕྱོད་ལྡན་དབར་ཐག་སྨི2ལས་མི་འདའ་བ་ཙམ་སྟེ། དེ་དང་མཉམ་དུ་ཁང་བའི་ནང་དུ་དྲོད་ཚད་འཇལ་སྤྱད་དང་རླན་ཚད་འཇལ་སྤྱད་ཀྱང་ངེས་པར་བཀོད་སྒྲིག་འཁྱོངས་དགོས་སོ།།
ཉིན་ཆས།
ཉིན་ཆས་ཞེས་པ་ལུག་གི་ཉིན་ཞག་གཅིག་ནང་ཟ་བར་འགྱུར་བའི་གཟན་ཆས་ཉིད་ཀྱི་དགོས་ཚོད་དེ་ཡིན།
གཟན་ཤོང་།
གཟན་ཤོང་ནི་སྤྱིར་བཏང་དུ་ལུག་ཁང་དང་འགུལ་སྐྱོད་བྱེད་ས་ན་བཟོས་ཡོད་ཅིང་། མང་ཤོས་སོ་ཕག་དང་ཨར་འདམ་གྱིས་བརྩིགས་པའི་དབྱིབས་ནར་མོ་ཅན་ཡིན།
| ལས་གྲྭ། བརྡ་འགྲེལ 814 ཡོད། |