Powerpoint 2007
Powerpointནི་སྟོན་འགྲེམས་ཟིན་བྲིས་བཟོ་བྱེད་ཀྱི་མཉེན་ཆས་ཤིག་ཡིན་ལ། དེ་ནི Microsoft Officeམཉེན་ཆས་ཀྱི་གྲུབ་ཆ་གཙོ་བོ་ཞིག་རེད། Powerpointབེད་སྤྱད་ནས་ཡི་གེ་དང་། རིས་དབྱིབས། སྐད། བརྙན་ཟློས་བཅས་ཚུད་པའི་སྨྱན་མང་གཟུགས་ཀྱི་སྟོན་འགྲེམས་ཟིན་བྲིས་བཟོ་ཐུབ། Powerpoint 2007དེ་སྔོན་མའི་པར་གཞི་ལས་ཕུན་སུམ་ཚོགས་པའི་བྱེད་ནུས་བརྒྱུད་འཛིན་བྱས་པའི་རྨང་གཞིའི་ཐོག་འཆར་ངོས་གསར་པ་དང་། སྟབས་བདེ་བའི་བཀོལ་སྤྱོད་དཔེ་རྣམ་གྱིས་སྤྱོད་པ་པོར་སྨྱན་མང་གཟུགས་ཀྱི་སྟོན་འགྲེམས་ཟིན་བྲིས་བཟོ་བར་ཕྱོགས་སྟོན་ལེགས་པོ་བྱེད་ཐུབ། Powerpointབེད་སྤྱད་ནས་དམིགས་བསལ་གྱི་ཁྱད་ཆོས་ལྡན་པའི་སྟོན་འགྲེམས་ཟིན་བྲིས་བཟོ་དགོས་ན།སྔོན་ལ་དེ་ཡི་བཀོལ་སྤྱོད་ཁྱད་ཆོས་ཤེས་དགོས། Microsoftཀུང་སིས་གསར་དུ་བཏོན་པའི་སྟོན་འགྲེམས་ཟིན་བྲིས་བཟོ་བའི་མཉེན་ཆསPowerpoint 2007དེ་བེད་སྤྱོད་པ་སྟབས་བདེ་ཡོང་ཆེད་འཆར་ངོས་གསར་པ་དང་བྱེད་ནུས་གསར་པ་མང་པོ་ཁ་སྣོན་བྱས་ཡོད།
ཁྱིམ་ཕྱིའི་སྨྱན་ཆས།
ཁྱིམ་ཕྱིའི་སྨྱན་ཆས་ནི་ཐོག་ཁང་གི་སྟེང་དང་ཚོང་ལས་ཁུལ་གྱི་སྒོ་འགྲམ། ལམ་འགྲམ་སོགས་སུ་སྒྲིག་བཀོད་བྱས་པའི་བརྡ་འཕྲིན་ཁྱབ་སྒྲོག་གི་སྨྱན་བྱེད་ལ་ཟེར་བ་དང་། རྣམ་པ་གཙོ་བོ་ལ། དབུགས་སྒང་དང་། དབུགས་ལྡན་མཁའ་འཕུར། འཁོར་སྒམ། རྣམ་པ་ཆེ་བའི་དབུགས་ལྡན་གཟུགས་རིས། མཐོ་རིམ་སློབ་གྲྭའི་ནང་དང་། ཚད་མཐོའི་སྡོད་ཁུལ་གྱི་ཐོག་ཁང་གི་བར་ཁྱམས་སོགས་ཡིན།
གཞི་གྲངས་འཕྲིན་གཏོང།
གཞི་གྲངས་འཕྲིན་གཏོང་ནི་འཕྲིན་གཏོང་ལག་རྩལ་དང་རྩིས་འཁོར་ལག་རྩལ་མཉམ་འབྲེལ་གྱིས་ཐོན་པའི་འཕྲིན་གཏོང་གི་བྱེད་ཐབས་རིགས་ཤིག་ཡིན་ལ། དེ་ནི་གནས་གཉིས་ཀྱི་བར་དུ་བརྡ་འཕྲིན་བརྒྱུད་སྤྲོད་བྱེད་པར་ངེས་པར་དུ་བརྒྱུད་སྤྲོད་འཕྲིན་ལམ་ཡོད་དགོས་པ་ཞིག་ཡིན། བརྒྱུད་སྤྲོད་སྨྱན་གཟུགས་མི་འདྲ་བར་གཞིགས་ནས། སྐུད་ལྡན་གཞི་གྲངས་ཀྱི་འཕྲིན་གཏོང་དང་སྐུད་མེད་གཞི་གྲངས་འཕྲིན་གཏོང་རིགས་གཉིས་སུ་དབྱེ་ཡོད། ཡིན་ན་ཡང་། དེ་གཉིས་གང་ཡིན་ཡང་བརྒྱུད་སྤྲོད་འཕྲིན་ལམ་དེ་གཞི་གྲངས་མཐའ་སྣེ་དང་རྩིས་འཁོར་གཉིས་མཉམ་དུ་སྦྲེལ་ནས་བྱུང་བ་ཞིག་ཡིན་ལ། གནས་མི་འདྲ་བའི་གཞི་གྲངས་ཀྱི་མཐའ་སྣེ་རུ་མཉེན་ཆས་དང་སྲ་ཆས། བརྡ་འཕྲིན་ཡོང་ཁུངས་བཅས་ཀྱིས་མཉམ་དུ་སྤྱོད་པ་ཞིག་ཡིན།
གསར་དར་སྨྱན་ཆས།
གསར་དར་སྨྱན་ཆས་ནི་ལག་རྩལ་གསར་བའི་མ་ལག་གི་ཁྱད་ཆོས་ལྡན་པའི་སྨྱན་ཆས་ཀྱི་རིགས་ལ་ཟེར་བ་ཡིན་ཏེ། དཔེར་ན། མྱུར་སྐྱེལ་འཕྲིན་ཡིག་བརྡ་ཁྱབ་དང་། ཨང་ཀིའི་སིལ་དེབ། ཨང་ཀིའི་ཚགས་པར། ཨང་ཀིའི་རྒྱང་སྒྲོག ཁ་པར་འཕྲིན་ཐུང་། སྤོ་སྒུལ་བརྙན་འཕྲིན། དྲ་རྒྱ། ཨང་ཀིའི་བརྙན་འཕྲིན། ཨང་ཀིའི་གློག་བརྙན། རེག་བྱའི་སྨྱན་ཆས་སོགས་ལྟ་བུ་ཡིན། དེ་ལས་གཞན་པའི་དུས་དེབ་དང་། ཁྱིམ་ཕྱིའི་སྨྱན་ཆས། རྒྱང་སྒྲོག བརྙན་འཕྲིན་བཅས་ནི་སྲོལ་རྒྱུན་གྱི་བརྙན་ཆས་བཞི་ཡིན། སྨྱན་ཆས་གསར་བའི་རིགས་ལ“ སྨྱན་སྦྱོར་ལྔ་བ” ཞེས་འབོད་སྲོལ་ཡང་ཡོད།
འཁོར་སྐར་འཕྲིན་གཏོང་།
འཁོར་སྐར་འཕྲིན་གཏོང་དེ་གོ་བདེར་འགྲེལ་ན། དེ་ནི་སའི་གོ་ལའི་སྟེང(ས་ངོས་དང་དམའ་རིམ་རླུང་ཁམས་ཆེན་མོ་ཡང་འདུ)གི་སྐུད་མེད་གློག་གི་འཕྲིན་གཏོང་ས་ཚིགས་བར་དུ་འཁོར་སྐར་དེ་བར་སྦྲེལ་དུ་བཀོལ་ནས་འཕྲིན་གཏོང་བྱེད་པ་ཞིག་ཡིན། འཁོར་སྐར་འཕྲིན་གཏོང་མ་ལག་དེ་འཁོར་སྐར་དང་སའི་གོ་ལའི་ཚིགས་མལ་གྱིས་གྲུབ་པ་དང་། འཁོར་སྐར་འཕྲིན་གཏོང་གི་ཁྱད་ཆོས་ནི། འཕྲིན་གཏོང་ཁྱབ་ཁོངས་རྒྱ་ཆེ་ལ། འཁོར་སྐར་གྱིས་འགྱེད་གཏོང་བྱས་པའི་གློག་རླབས་མངའ་བའི་ཁྱབ་ཁོངས་ཤིག་ཡིན་ན། ཚིགས་མལ་དེ་གཉིས་གང་དུ་ཡང་འཕྲིན་གཏོང་བརྒྱུད་སྤྲོད་བྱེད་ཀྱི་ཡོད་པས། སྐམ་སའི་གནོད་སྐྱོན་ཐེབས་དཀའ་བ་ཞིག་ཡིན། སའི་གོ་ལའི་ཚིགས་མལ་གློག་ལམ་གྱི་སྒྲིག་འགོད་དུས་ལྟར་ཤར་གཏོང་བྱེད་ཐུབ་པ་ཡིན་ན། དུས་མཉམ་དུ་ཕྱོགས་མང་པོའི་བརྡ་འཕྲིན་བསྡུ་ལེན་བྱས་ཏེ། དཔལ་འབྱོར་ས་ཁུལ་དུ་ཁྱབ་སྒྲོག་དང་། ཁུལ་མང་འཕྲིན་གཏོང་མངོན་འགྱུར་བྱ་ཐུབ་པ་དང་། གློག་ལམ་སྒྲིག་ཆས་ནི་དུས་བསྟུན་སྐབས་ཁེལ་ཞིག་ཡིན་པས། དུས་ལྟར་གཅིག་བསྡུས་ཁུལ་དུ་སྐད་ཆའི་ཞབས་ཞུ་ཁྱབ་ཐུབ་ཅིང་། གཅིག་མཚུངས་འཕྲིན་ལམ་དེ་ཁ་ཕྱོགས་མི་འདྲ་བ་དང་ཡང་ན་བར་ཁོངས་མི་གཅིག་པར་བཀོལ་སྤྱོད་བྱས་ཆོག་པ་ཡིན།
འཕྲིན་གཏོང་དྲ་རྒྱ།
མིའི་རིགས་ཀྱི་བརྡ་འཕྲིན་དེ་སྐད་ཆ་དང་ཡི་གེ པར་འདེབས། གློག་འཕྲིན། ཁ་པར་སོགས་ཀྱི་བགྲོད་ལམ་རིམ་པར་བརྒྱུད་མཐར་དེང་དུས་ཀྱི་རྣམ་སྣ་ཚོགས་ཀྱི་འཕྲིན་གཏོང་བྱ་ཐབས་སུ་སླེབས་པ་ཡིན་ལ། མིག་སྔའི་དེང་རབས་འཕྲིན་གཏོང་དྲ་རྒྱ་དེ་ཨང་རྩིས་ཅན་དང་། ཤེས་ནུས་ཅན། སྣ་འཛོམས་ཅན། ཐགས་ཡངས་ཅན། མི་སྒེར་བ་ཅན་བཅས་ཀྱི་ཕྱོགས་སུ་བསྐྱོད་ཀྱིན་ཡོད།
འོད་འགྱེད་འཕྲིན་གཏོང་།
འོད་འགྱེད་འཕྲིན་གཏོང་ནི་འོད་ལ་བརྟེན་ནས་བརྡ་འཕྲིན་བརྒྱུད་སྤྲོད་བྱེད་པའི་འཕྲིན་གཏོང་གི་བྱེད་ཐབས་ཤིག་ཡིན། འོད་འགྱེད་ནི་རྣམ་པ་གསར་བའི་འོད་ཁུངས་ཤིག་ཡིན་ཞིང་། དེ་ལ་གསལ་ཚད་མཐོ་བ་དང་། ཁ་ཕྱོགས་རང་བཞིན་གྱི་ཤུགས་ཆེ་བ། ཚོན་རྐྱང་རང་བཞིན་བཟང་བ། རྐྱེན་ལྡན་གྱི་རང་བཞིན་ཤུགས་ཆེ་བ་སོགས་ཀྱི་ཁྱད་ཆོས་ལྡན་ཡོད། བརྒྱུད་སྤྲོད་ཀྱི་སྨྱན་རྫས་མི་འདྲ་བར་གཞིགས་ནས། དེ་ནི་རླུང་ཁམས་ཆེན་མོའི་འོད་འགྱེད་འཕྲིན་གཏོང་དང་འོད་ཚིན་འཕྲིན་གཏོང་རིགས་གཉིས་སུ་དབྱེ་ཡོད་ལ། རླུང་ཁམས་ཆེན་མོའི་འོད་འགྱེད་འཕྲིན་གཏོང་གིས་རླུང་ཁམས་ཆེན་མོ་བརྒྱུད་སྤྲོད་སྨྱན་རྫས་ཀྱི་འོད་འགྱེད་འཕྲིན་གཏོང་དུ་བེད་སྤྱོད་བྱེད་པ་ཞིག་ཡིན། འོད་ཚིན་འཕྲིན་གཏོང་གིས་འོད་ཚིན་བརྒྱུད་སྤྲོད་འོད་ཀྱི་བརྡ་རྟགས་སྤྱོད་པའི་འཕྲིན་གཏོང་གི་བྱེད་ཐབས་ཤིག་ཡིན།
རླབས་ཕྲན་འཕྲིན་གཏོང་།
རླབས་ཕྲན་འཕྲིན་གཏོང(Microwave Communication)ནི། རླབས་ཐག་ཧོའོ་སྨི1 ནས་སྨི1 བར་གྱི་གློག་ཁབ་ལེན་རླབས་རྒྱུན་སྤྱད་དེ་རླབས་ཕྲན་བརྒྱུད་ནས་འཕྲིན་གཏོང་བྱས་པའི་རིགས་ལ་ཟེར། རླབས་དུམ་རིང་བའི་གློག་ཁབ་ལེན་གྱི་རླབས་རྒྱུན་ལྟོས་ཟླར་གྱུར་བ་དག་གི་ཟློས་ཕྱོད་ཁྱབ་ཁོངས་ནི། 300 MHz（0.3 GHz）~300 GHz ཡིན་འོས། སྐུད་བཀྲིས་གློག་མདའི་འཕྲིན་གཏོང་དང་འོད་ཐག་འཕྲིན་གཏོང་། འཁོར་སྐར་འཕྲིན་གཏོང་སོགས་དེང་རབས་འཕྲིན་གཏོང་དྲ་རྒྱའི་བརྒྱུད་སྐུར་བྱ་ཐབས་དང་མི་འདྲ་ས་ནི། རླབས་ཕྲན་འཕྲིན་གཏོང་ནི་ཐད་ཀར་རླབས་ཕྲན་སྨྱན་རྫས་བྱས་ཏེ་འཕྲིན་གཏོང་བྱེད་པའི་རིགས་ཡིན་ལ། དེར་སྲ་གཟུགས་ཀྱི་སྨྱན་རྫས་བཀོལ་དགོས་མེད། སྣེ་གཉིས་བར་གྱི་དྲང་ཐིག་གི་རིང་ཚད་དུ་འགལ་རྐྱེན་མེད་དུས་རླབས་ཕྲན་སྤྱད་ནས་བརྒྱུད་བསྐུར་བྱས་ཆོག རླབས་ཕྲན་འཕྲིན་གཏོང་གི་ཤོང་ཚད་ཆེ་བ་དང་། རྒྱུ་སྤུས་བཟང་བ་མ་ཟད་རྒྱང་རིང་གི་གནས་སུ་བརྒྱུད་བསྐུར་བྱ་ཐུབ་པ་ཡིན། དེ་བས་དེ་ནི་རྒྱལ་ཁབ་འཕྲིན་གཏོང་གི་འཕྲིན་གཏོང་བྱ་ཐབས་གལ་ཆེན་ཞིག་ཡིན་ལ། འཕྲིན་གཏོང་དྲ་རྒྱ་སྣ་ཚོགས་སུ་ཡོངས་ཁྱབ་དུ་སྤྱོད་པར་འཚམ་པ་ཡིན།
སྐུད་མེད་འཕྲིན་གཏོང་།
སྐུད་མེད་འཕྲིན་གཏོང་ནི་གཙོ་བོ་རླབས་ཕྲན་འཕྲིན་གཏོང་དང་འཁོར་སྐར་འཕྲིན་གཏོང་གཉིས་སུ་འདུ་བ་ཡིན། རླབས་ཕྲན་ནི་སྐུད་མེད་གློག་རླབས་རིགས་ཤིག་ཡིན་པ་དང་། དེས་བརྒྱུད་བསྐུར་བྱེད་པའི་བར་ཐག་ནི་སྤྱིར་བཏང་དུ་སྟོང་སྨི་བཅུ་ཕྲག་ལས་མེད། འོན་ཀྱང་རླབས་ཕྲན་གྱི་ཟློས་ཐག་ནི་ཧ་ཅང་རྒྱ་ཆེ་བ་ཞིག་ཡིན་ལ། འཕྲིན་གཏོང་གི་ཤོངས་ཚད་ཀྱང་ཧ་ཅང་ཆེ་བ་ཞིག་ཡིན། རླབས་ཕྲན་འཕྲིན་གཏོང་གི་སྨི་བཅུ་ཕྲག་རེའི་བར་མཚམས་སུ་རླབས་ཕྲན་བར་སྦྲེལ་ཚིགས་མལ་གཟུགས་དགོས། འཁོར་སྐར་འཕྲིན་གཏོང་ནི་འཕྲིན་གཏོང་འཁོར་སྐར་བེད་སྤྱོད་བྱས་ཏེ་བར་སྦྲེལ་ཚིགས་མལ་དེ་ས་ངོས་ཀྱི་སའི་གོ་ལའི་ཚིགས་མལ་གཉིས་སམ་ཡང་ན་དེ་ལས་མང་པའི་སའི་གོ་ལའི་ས་ཚིགས་དང་། ཡང་ན་སྤོ་སྒུལ་གཟུགས་ཀྱི་བར་དུ་རླབས་ཕྲན་འཕྲིན་གཏོང་འབྲེལ་གཏུག་འཛུགས་སྐྲུན་བྱེད་པ་ཞིག་ཡིན།
སྟོན་འགྲེམས་ཟིན་བྲིས།
སྟོན་འགྲེམས་ཟིན་བྲིས་ནི་གནས་ཚུལ་དང་དོན་དག་ཞིག་ངོ་སྤྲོད་བྱ་བའི་སྨྱན་མང་གཟུགས་ཀྱི་རྒྱུ་ཆའི་ཚོ་ཞིག་ཡིན་ལ། Powerpointཡིས་སྐྱེད་གྲུབ་བྱས་པའི་ཡིག་ཆའི་ཚུལ་ཞིག་ཀྱང་ཡིན། སྟོན་འགྲེམས་ཟིན་བྲིས་ནང་དུ་སྒྲོན་བརྙན་དང་། ཟུར་མཆན། རྩ་གནད་སོགས་ཀྱི་ནང་དོན་ཚུད་ཡོད་པ་དང་། Powerpointནི་དེ་རྣམས་བཟོ་བ་དང་། སྟོན་བྱེད་ཀྱི་གལ་ཆེ་བའི་ལག་ཆ་ཞིག་ཡིན། Powerpointཡི་ནང་གི་སྟོན་འགྲེམས་ཟིན་བྲིས་དང་སྒྲོན་བརྙན་གྱི་ཐ་སྙད་ནི་མི་འདྲ་ལ། Powerpointཡིས་བཟོས་པའི་ཡིག་ཆར་སྟོན་འགྲེམས་ཟིན་བྲིས་དང་དེའི་ནང་གི་ཤོག་ལྷེ་རེ་རེ་ལ་སྒྲོན་བརྙན་ཞེས་ཟེར་བ་ཡིན།
སྒྲོན་བརྙན་རྩོམ་སྒྲིག
Powerpointཡིས་བཟོས་པའི་ཡིག་ཆར་སྟོན་འགྲེམས་ཟིན་བྲིས་དང་དེའི་ནང་གི་ཤོག་ལྷེ་རེ་རེ་ལ་སྒྲོན་བརྙན་ཞེས་ཟེར་བ་ཡིན། Powerpointཡི་ནང་དུ་སྒྲོན་བརྙན་ཁ་སྣོན་དང་འདེམས་པ། འདྲ་ཕབ། རིམ་སྒྲིག བསུབ་པ་སོགས་བཀོལ་སྤྱོད་བྱེད་ཐུབ་པ་དང་། སྒྲོན་བརྙན་བཀོལ་སྤྱོད་བྱེད་དུས་ཆེས་སྟབས་བདེ་བ་ནི་སྒྲོན་བརྙན་བཤར་ལྟའི་མཐོང་རིས་ཡིན།
ཟིན་བྲིས་ཉར་ཚགས།
སྟོན་འགྲེམས་ཟིན་བྲིས་བཟོ་བའི་བརྒྱུད་རིམ་ནང་དུ་སྒྲོན་བརྙན་བསྟན་ནས་སྒྲོན་བརྙན་གྱི་མངོན་ཚུལ་དང་འགུལ་རིས་ཀྱི་མཐོང་འབྲས་སོགས་ལ་བལྟ་དགོས་པ་དང་། སྤྱོད་པ་པོས་བཟོས་པའི་སྟོན་འགྲེམས་ཟིན་བྲིས་ཀྱི་མཇུག་འབྲས་ཀྱང་ཉར་ཚགས་བྱེད་དགོས་སོ།།
གནས་བཟུང་རྟགས་ཀྱི་རྩོམ་སྒྲིག
གནས་བཟུང་རྟགས་ནི་ཡི་གེ་དང་པར་རིས་སོགས་ཀྱི་འཇུག་སྣོད་ཡིན་ལ། དེ་ནི་སྒྲོན་བརྙན་ནང་དོན་གྲུབ་པའི་གཞི་རྩའི་བྱ་ཡུལ་ཞིག་ཡིན་པ་མ་ཟད་རང་གི་གཏོགས་གཤིས་ཀྱང་ཡོད། སྤྱོད་པ་པོས་དེའི་ནང་གི་ཡི་གེར་བཀོལ་སྤྱོད་བྱས་ཆོག་ལ་གནས་བཟུང་རྟགས་རང་ལ་ཡང་ཆེ་ཆུང་ལེགས་སྒྲིག་དང་། སྤོ་བ། འདྲ་ཕབ། སྦྱར་བ། བསུབ་པ་སོགས་ཀྱི་བཀོལ་སྤྱོད་བྱས་ཆོག
གནས་བཟུང་རྟགས་ཀྱི་གཏོགས་གཤིས།
PowerPoint 2007གྱི་ནང་གི་གནས་བཟུང་རྟགས་དང་། ཡིག་སྒྲོམ། རང་འདེམས་པར་རིས་སོགས་ཀྱི་བྱ་ཡུལ་ལ་ཧ་ཅང་འདྲ་བའི་གཏོགས་གཤིས་ཡོད་དེ། དཔེར་ན། ཁ་དོག་དང་། ཐིག་དབྱིབས་སོགས་ཀྱི་གཏོགས་གཤིས་སྒྲིག་འགོད་བཀོལ་ཚུལ་ཧ་ཅང་འདྲ་བ་ཡིན། སྒྲོན་བརྙན་ནང་དུ་གནས་བཟུང་རྟགས་གདམ་སྐབས། བྱེད་ནུས་ཁུལ་ནང་དུ་བྱང་བུ“རྣམ་གཞག”ཐོན་པ་ཡིན། བྱང་བུའི་ནང་གི་མཐེབ་གནོན་དང་བཀའ་བརྡ་ཡིས་གནས་བཟུང་རྟགས་ཀྱི་གཏོགས་གཤིས་ལ་སྒྲིག་འགོད་བྱེད་ཐུབ།
ཡིག་རྐྱང་ཁ་སྣོན།
ཡིག་རྐྱང་གི་བྱེད་ནུས་ནི་སྟོན་འགྲེམས་ཟིན་བྲིས་ནང་གི་བརྗོད་གཞི་དང་། གནས་ཚུལ་གྱི་གསལ་བཤད། རྣམ་བཤད་བཅས་སུ་མེད་དུ་མི་རུང་བ་ཞིག་ཡིན། སྟོན་འགྲེམས་ཟིན་བྲིས་ནང་དུ་ཡིག་རྐྱང་ཁ་སྣོན་བྱེད་ཐབས་མང་པོ་ཡོད་ཀྱང་། རྒྱུན་སྤྱོད་ཐབས་ལ་གནས་བཟུང་རྟགས་བེད་སྤྱོད་དང་། ཡིག་སྒྲོམ་བེད་སྤྱོད། ཕྱི་རོལ་ནས་འདྲེན་འཇུག་བྱེད་པ་བཅས་གསུམ་ཡོད་དོ།།
ཡིག་རྐྱང་བཀོལ་སྤྱོད།
PowerPoint 2007གྱིས་ཡིག་རྐྱང་ལ་འདེམས་པ་དང་། འདྲ་ཕབ། སྦྱར་བ། དྲས་གཏུབ། ཕྱིར་འཐེན། བསྐྱར་ཟློས། འཚོལ་བ། གོ་བརྗེ་བ་སོགས་ཀྱི་བཀོལ་སྤྱོད་བྱ་ཐུབ་པར་བྱས་ཡོད། ཡིག་རྐྱང་གི་གཞི་རྩའི་བཀོལ་སྤྱོད་ཁོང་དུ་ཆུད་པ་བྱ་རྒྱུ་ནི་ཡི་གེའི་གཏོགས་གཤིས་སྒྲིག་འགོད་བྱེད་པའི་རྨང་གཞི་ཡིན།
ཡིག་རྐྱང་གཏོགས་གཤིས་སྒྲིག་འགོད།
སྟོན་འགྲེམས་ཟིན་བྲིས་དེ་མཛེས་པ་དང་གསལ་པོ་ཡོང་ཆེད། རྒྱུན་དུ་ཡིག་རྐྱང་གི་གཏོགས་གཤིས་ལ་སྒྲིག་འགོད་བྱེད་དགོས་ཏེ། ཡིག་རྐྱང་གི་གཞི་རྩའི་གཏོགས་གཤིས་སྒྲིག་འགོད་བྱེད་པ་ལ་ཡིག་གཟུགས་དང་། ཡིག་ཚུགས། ཡིག་གཟུགས་ཆེ་ཆུང་། ཡི་གེའི་ཁ་དོག་སོགས་ཡོད། PowerPointནང་དུ་སྒྲོན་བརྙན་ལ་པར་རྣམ་ཞིག་བཀོལ་སྤྱོད་བྱས་ཟིན་རྗེས་སྒྲོན་བརྙན་ནང་གི་ཡི་གེ་ལ་སྔོན་སྒྲིག་གི་གཏོགས་གཤིས་ཡོད་ཀྱང་། གནས་ཚུལ་མང་པོའི་འོག་སྤྱོད་པ་པོས་རང་གི་དགོས་མཁོར་གཞིགས་ནས་དེ་ཚོར་སྒྲིག་འགོད་བྱེད་དགོས་པ་རེད།
སྤྱི་འགྲོས་བར་འཇུག
སྟོན་འགྲེམས་ཟིན་བྲིས་རྩོམ་སྒྲིག་བྱེད་པའི་རྒྱུད་རིམ་ནང་དུ་ཡིག་རྐྱང་ནང་འཇུག་བྱེད་པ་ཕུད། ད་དུང་དམིགས་བསལ་གྱི་མཚོན་རྟགས་དང་སྤྱི་འགྲོས་བར་འཇུག་བྱ་ཐུབ།
དུམ་ཚན་རྣམ་གཞག
སྒྲོན་བརྙན་ནང་དུ་ཡིག་རྐྱང་གི་གོ་རིམ་ཁ་གསལ་གོ་བདེ་ཡོང་ཆེད་སྒྲོན་བརྙན་ནང་གི་དུམ་ཚན་ལ་རྣམ་གཞག་དང་རིམ་པའི་སྒྲིག་འགོད་བྱེད་དགོས། དཔེར་ན། རིམ་པ་མི་འདྲ་བའི་རྣམ་གྲངས་མཚོན་རྟགས་དང་སྒྲིག་ཨང་བེད་སྤྱད་ནས་དུམ་ཚན་གྱི་བར་རིམ་མཚོན་པ་ལྟ་བུ། དུམ་ཚན་གྱི་རྣམ་གཞག་ལ་དུམ་ཚན་སྙོམས་སྒྲིག་དང་། དུམ་ཚན་སྐུམ་པ། དུམ་ཚན་གྱི་བར་ཐག་སོགས་ཀྱི་སྒྲིག་འགོད་ཚུད་ཡོད།
རྣམ་གྲངས་མཚོན་རྟགས།
སྟོན་འགྲེམས་ཟིན་བྲིས་ནང་དུ་གཙོ་ཆེ་བའི་ནང་དོན་དང་། རྣམ་གྲངས། བརྗོད་གཞི་སོགས་མཛེས་པ་དང་མངོན་གསལ་དུ་ཡོང་ཆེད་རྣམ་གྲངས་མཚོན་རྟགས་བེད་སྤྱོད་བྱ་དགོས།
རྣམ་གྲངས་སྒྲིག་ཨང་།
PowerPointནང་དུ་རིམ་པ་མི་འདྲ་བའི་དུམ་ཚན་ལ་རྣམ་གྲངས་སྒྲིག་ཨང་སྒྲིག་འགོད་བྱེད་ཐུབ། སོར་བཞག་ཏུ་རྣམ་གྲངས་སྒྲིག་ཨང་ནི་ཨ་རབ་གྲངས་ཀ་ལས་གྲུབ་པ་ཞིག་ཡིན་པ་དང་། སྤྱོད་པ་པོས་རང་བཟོས་རྣམ་གྲངས་སྒྲིག་ཨང་བཟོ་ལྟ་ཡང་བེད་སྤྱོད་ཆོག
པར་རིས་བར་འཇུག
སྟོན་འགྲེམས་ཟིན་བྲིས་ནང་དུ་པར་རིས་ནང་འཇུག་བྱ་ཚེ། བརྗོད་གཞི་དང་མཚོན་བྱའི་བསམ་བློ་རྒྱས་བཤད་བྱེད་ཐུབ་ཀྱང་ནང་འཇུག་བྱས་པའི་པར་རིས་དང་བརྗོད་གཞི་མཐུན་མིན་ལ་བསམ་བློ་ཡག་པོ་གཏོང་དགོས།
པར་རིས་རྩོམ་སྒྲིག
སྤྱོད་པ་པོས་སྟོན་འགྲེམས་ཟིན་བྲིས་ནང་དུ་པར་རིས་བར་འཇུག་བྱས་རྗེས། དེ་ཡི་གནས་ས་དང་ཆེ་ཆུང་ལེགས་སྒྲིག་བྱེད་ཐུབ་པ་མ་ཟད། དགོས་མཁོར་གཞིགས་ནས་དྲས་གཏུབ་དང་། གོ་བསྡུར་ཚད་དང་གསལ་ཚད་ལེགས་སྒྲིག མཐའ་སྒྲོམ་ཁ་སྣོན། ནང་གསལ་ཁ་དོག་ལེགས་སྒྲིག་སོགས་ཀྱི་བཀོལ་སྤྱོད་ཀྱང་བྱ་ཐུབ།
རིས་དབྱིབས་འབྲི་ཚུལ།
PowerPoint 2007གྱིས་བྱེད་ནུས་ཆེ་བའི་རིས་འབྲིའི་ལག་ཆ་མཁོ་སྤྲོད་བྱས་ཡོད། རིས་འབྲིའི་ལག་ཆ་བེད་སྤྱད་ནས་ཐིག་དུམ་དང་། འབྲེལ་ཐིག དབྱིབས་རྩིས་རིས་དབྱིབས། སྐར་མའི་གཟུགས། མདའ་རྩེ་སོགས་འབྲི་ཐུབ་སྟེ། བྱང་བུ“བར་འཇུག”གི“པར་རིས་བར་འཇུག”ཚོའི་མཐེབ་གནོན“བཟོ་དབྱིབས”ལ་ཆིག་རྡེབ་བྱས་ཏེ། ཐོན་པའི་གདམ་བྱང་ནས་མཁོ་བའི་བཟོ་དབྱིབས་ལ་རིས་དབྱིབས་འབྲི་ཆོག་པ་ཡིན།
རིས་དབྱིབས་རྩོམ་སྒྲིག
PowerPointནང་དུ་བྲིས་ཟིན་པའི་རིས་དབྱིབས་ལ་རང་གཤིས་ལྡན་པའི་རྩོམ་སྒྲིག་བྱ་ཐུབ་ལ། བཀོལ་སྤྱོད་གཞན་དང་འདྲ་བར་སྒྲིག་འགོད་བྱེད་པའི་སྔོན་ལ་རིས་དབྱིབས་བདམས་དགོས་པ་དང་། རིས་དབྱིབས་ཀྱི་གཞི་རྩའི་རྩོམ་སྒྲིག་ལ་རིས་དབྱིབས་སྐོར་བ་དང་། རིས་དབྱིབས་སྙོམས་སྒྲིག རིས་དབྱིབས་རིམ་བརྩེགས། རིས་དབྱིབས་སྡེབ་སྒྲིག་སོགས་ཚུད་ཡོད།
རིས་དབྱིབས་རྣམ་གཞག
PowerPointལ་ཆ་ཚང་བའི་རིས་དབྱིབས་སྒྲིག་འགོད་བྱེད་ནུས་ཡོད་ལ། སྒྲོན་བརྙན་ལ་ཐིག་དབྱིབས་དང་། མདའ་རྩེའི་བཟོ་ལྟ། ཁ་སྐོང་ཁ་དོག གྲིབ་འབྲས། རྩ་གསུམ་མཐོང་འབྲས་སོགས་ཀྱིས་བརྒྱན་ཐུབ། རྒྱུད་ཁོངས་ཀྱི་མཁོ་སྤྲོད་བྱས་པའི་རིས་དབྱིབས་སྒྲིག་འགོད་ལག་ཆས་རིས་དབྱིབས་ཡོད་པའི་སྒྲོན་བརྙན་དེ་དེ་བས་གོ་བདེ་བ་ཡོང་ངེས་ཡིན།
མཛེས་ཡིག་ནང་འཇུག
མཛེས་ཡིག་ནི་དམིགས་བསལ་གྱི་རིས་དབྱིབས་ཡི་གེ་ཞིག་ཡིན། དེ་རྒྱུན་དུ་སྒྲོན་བརྙན་གྱི་ཁ་བྱང་ཡི་གེ་མཚོན་པར་བེད་སྤྱོད་པ་ཡིན། སྤྱོད་པ་པོས་དེ་ལ་སྤྱིར་བཏང་གི་ཡི་གེ་ཆེ་ཆུང་དང་། སྦོམ་གཟུགས། གསེག་གཟུགས་སོགས་ཀྱི་མཐོང་འབྲས་སྒྲིག་འགོད་བྱ་ཐུབ་ལ། རིས་དབྱིབས་བཞིན་མཐའ་སྒྲོམ་དང་། ཁ་སྐོང་ཁ་དོག་གཏོགས་གཤིས་སྒྲིག་འགོད་བྱ་ཐུབ་པ་མ་ཟད། ཆེ་ཆུང་ལེགས་སྒྲིག་དང་། སྐོར་བ། གྲིབ་གཟུགས་ཁ་སྣོན། རྩ་གསུམ་མཐོང་འབྲས་སོགས་ཀྱང་སྒྲིག་འགོད་བྱ་ཐུབ།
པར་དེབ་བར་འཇུག
ཨང་སྒྲིག་པར་ཆས་དང་དར་ཁྱབ་ཆེ་བས་རྩིས་འཁོར་བེད་སྤྱད་ནས་གློག་རྡུལ་པར་དེབ་བཟོ་མཁན་དེ་བས་ཀྱང་མང་དུ་ཕྱིན་ཡོད་མོད། གློག་རྡུལ་པར་དེབ་བཟོ་བའི་ཆེད་ལས་མཉེན་ཆས་མེད་ཚེ། PowerPointབེད་སྤྱད་ནས་སྟབས་བདེའི་ངང་སྤུས་ཚད་ལེགས་པའི་གློག་རྡུལ་པར་དེབ་བཟོ་ཐུབ་ལ། ཚོང་ལས་བཀོལ་སྤྱོད་ནང་དུ་གློག་རྡུལ་པར་དེབ་དེ་ཀུང་སིའི་ཐོན་རྫས་དཀར་ཆག་ངོ་སྤྲོད་བྱེད་པ་དང་། བརྙན་རིས་གཞི་གྲངས་མཉམ་སྤྱོད། ཞིབ་འཇུག་གྲུབ་འབྲས་ངོ་སྤྲོད་སོགས་བྱེད་པར་ཧ་ཅང་འཚམ་པ་ཡིན།
སྒྲོན་བརྙན་མ་པར།
PowerPoint 2007ལ་སྒྲོན་བརྙན་མ་པར་དང་། ཁྲིད་ཟིན་མ་པར། ཟུར་མཆན་མ་པར་བཅས་མ་པར་གསུམ་ཚུད་ཡོད། སྒྲོན་བརྙན་མ་པར་ནང་དུ་སྒྲོན་བརྙན་གྱི་ཁྱད་ཆོས་ལ་སྒྲིག་འགོད་བྱ་ཐུབ་པ་དང་། སྟོན་འགྲེམས་མ་པར་ནང་དུ་སྟོན་འགྲེམས་ཟིན་བྲིས་དེ་སྟོན་འགྲེམས་ཚུལ་གྱིས་པར་འདེབས་ཕྱིར་འདོན་བྱེད་པ། ཟུར་མཆན་མ་པར་ནང་དུ་སྟོན་འགྲེམས་ཟིན་བྲིས་ལ་ཟུར་མཆན་ནང་དོན་ནང་འཇུག་བྱ་ཐུབ།
སྒྲོན་བརྙན་མ་པར་སྒྲིག་འགོད།
སྒྲོན་བརྙན་མ་པར་གྱིས་སྒྲོན་བརྙན་ཕྱི་རྣམ་གཏན་འཁེལ་བ་ཡིན། དེ་ནི་སྒྲོན་བརྙན་གྱི་ཁ་བྱང་དང་། དངོས་ཡིག་ཡི་གེའི་བཟོ་ལྟ(ཡིག་གཟུགས་དང་། ཡིག་གཟུགས་ཆེ་ཆུང་། ཡི་གེའི་ཁ་དོག གྲིབ་གཟུགས་སོགས་ཀྱི་མཐོང་འབྲས་ཚུད་ཡོད)སྒྲོན་བརྙན་གྱི་རྒྱབ་ལྗོངས། ཤོག་ངོས་མགོ་བྱང་སོགས་ཀྱི་སྒྲིག་འགོད་བྱེད་པར་སྤྱོད་པ་ཡིན། སྒྲོན་བརྙན་མ་པར་གྱིས་སྒྲོན་བརྙན་ཡོངས་ཀྱི་སོར་བཞག་པར་རྣམ་སྒྲིག་འགོད་བྱེད་པ་ཡིན།
| ལག་རྩལ། བརྡ་འགྲེལ 960 ཡོད། |