གཞི་གྲངས་སྒྲིག་གཞི།
གཞི་གྲངས་སྒྲིག་གཞི་ནི་ཕན་ཚུན་བར་དུ་ཡོད་པའི་དམིགས་བསལ་གྱི་འབྲེལ་བ་གཅིག་གམ་མང་པོའི་གཞི་གྲངས་རྒྱུ་ཆའི་ཚོགས་སྤྱི་ལ་ཟེར། གནད་དོན་གང་རུང་ཞིག་ཡིན་ཡང་། གཞི་གྲངས་རྒྱུ་ཆ་ནི་ཁེར་རྐྱང་དུ་གནས་པ་མིན་ཏེ། དེ་ཚོའི་བར་དུ་འབྲེལ་བ་གང་རུང་ཞིག་ཡོད། གཞི་གྲངས་རྒྱུ་ཆའི་བར་གྱི་འབྲེལ་བ་འདི་དག་ལ་སྒྲིག་གཞི་ཞེས་ཟེར། སྤྱིར་བཏང་དུ། རྩིས་འཁོར་གྱིས་གནད་དོན་ངོ་མ་ཞིག་ཐག་གཅོད་དགོས་ན། ཕལ་ཆེར་གཤམ་གྱི་གོ་རིམ་འགའ་བརྒྱུད་དགོས་ཏེ། དང་པོ་གནད་དོན་དངོས་མ་ནས་འོས་འཚམས་ཀྱི་གྲངས་རིགས་མ་དཔེ་ཞིག་སྤྱི་མཚན་དུ་བསྒྱུར་དགོས། དེའི་འཕྲོར་གྲངས་རིགས་ཀྱི་མ་དཔེ་དེ་བརྩི་ཐུབ་པའི་རྩི་ཐབས་ཤིག་ཏུ་ཇུས་འགོད་བྱེད་དགོས། མཇུག་ཏུ་བྱ་རིམ་ཇུས་འགོད་བྱས་ནས་དེ་ལ་ཚོད་ལེན་དང་། ལེགས་སྒྲིག་བྱས་ཐོག་གནད་དོན་དེ་ཐག་གཅོད་པར་བྱ། གྲངས་རིགས་ཀྱི་མ་དཔེ་འཚོལ་བའི་ངོ་བོ་ནི་གནད་དོན་ལ་དབྱེ་ཞིབ་བྱས་ནས། དེའི་ནང་གི་བཀོལ་སྤྱོད་བྱ་ཡུལ་བླངས་ཏེ་བཀོལ་སྤྱོད་བྱ་ཡུལ་བར་གྱི་འབྲེལ་བ་བཙལ་རྗེས་སུ། གྲངས་རིགས་ཀྱི་སྐད་བརྡས་གསལ་བཤད་བྱེད་དགོས། དཔེར་ན། གདུང་ཁྲིའི་སྒྲིག་གཞིའི་ཐེབས་ཤུགས་བརྩི་བའི་གྲངས་རིགས་ཀྱི་མ་དཔེ་ནི་ཐིག་གཤིས་མཉམ་བྱ་ཚོ་དང་། མི་འབོར་གྱི་འཕར་ཚད་སྔོན་དཔག་གི་གྲངས་རིག་མ་དཔེ་ནི་ཆ་ཕྲན་མཉམ་བྱ་ཡིན། འོན་ཀྱང་གྲངས་མིན་བརྩི་བྱའི་གནད་དོན་མང་ཆེ་ཤོས་གྲངས་རིགས་ཀྱི་མཉམ་བྱས་མཚོན་མི་ཐུབ།
གཞི་གྲངས།
གཞི་གྲངས་ནི་ཕྱི་རོལ་བྱ་དངོས་ཀྱི་མཚོན་རྟགས་དང་། རྩིས་འཁོར་ཚན་རིག་ནས་རྩིས་འཁོར་དུ་ནང་འཇུག་བྱ་ཐུབ་པ་དང་རྩིས་འཁོར་གྱིས་སྒྲིག་གཅོད་བྱ་བའི་རྟགས་ཀྱི་སྤྱི་མིང་ལ་ཟེར།
སྤྱི་མཚན་གཞི་གྲངས་རིགས་ཀྱི་མཚོན་ཚུལ།
སྤྱི་མཚན་གཞི་གྲངས་རིགས་ནི་གྲངས་རིག་གི་མ་དཔེ་ཞིག་དང་མ་དཔེ་དེའི་སྟེང་གི་གཏན་འཁེལ་བའི་བཀོལ་སྤྱོད་ཚོ་ཞིག་ལ་ཟེར། སྤྱི་མཚན་གཞི་གྲངས་རིགས་ཀྱི་མཚན་ཉིད་ནི་དེའི་གཏན་ཚིགས་ཆོས་ཉིད་ཀྱིས་ཐག་གཅོད་པ་མ་གཏོགས། དེ་རྩིས་འཁོར་དུ་ཇི་ལྟར་མཚོན་པ་དང་མངོན་འགྱུར་བྱ་བ་ལ་འབྲེལ་བ་མེད། དེའི་ནང་གི་སྒྲིག་གཞི་ཅི་ལྟར་འགྱུར་ཡང་དེའི་གྲངས་རིགས་ཀྱི་ཁྱད་ཆོས་མ་འགྱུར་ན། ཕྱིའི་བེད་སྤྱོད་བྱེད་ཚུལ་ལ་གནོན་པ་མི་བྱ།
རྩི་ཐབས།
རྩི་ཐབས་ནི་གནད་དོན་ངེས་ཅན་ཞིག་འགྲེལ་བའི་གོ་རིམ་གྱི་གསལ་བཤད་ཡིན། དེ་ནི་བཀའ་བརྡའི་ཚད་ཡོད་རིམ་སྟར་དང་། དེའི་ནང་གི་བཀའ་བརྡ་རེ་རེས་བཀོལ་སྤྱོད་གཅིག་གམ་མང་པོ་མཚོན་ཡོད།
ཐིག་གཤིས་རེའུ་མིག་གི་སྦྲེལ་ཚུལ།
ཐིག་གཤིས་རེའུ་མིག་གི་རིམ་ལྟར་གསོག་འཇོག་སྒྲིག་གཞིའི་ཁྱད་ཆོས་ནི་གཏན་ཚིགས་འབྲེལ་བ་ཉེ་བའི་རྒྱུ་ཆ་གཉིས་ཀྱི་དངོས་ལུགས་གོ་གནས་ཀྱང་ཉེ་བ་ཡིན་པས། རེའུ་མིག་ནང་གི་རྒྱུ་ཆ་གང་རུང་ཞིག་སྐབས་བསྟུན་གྱིས་གསོག་འཇོག་བྱ་ཐུབ། དེའི་གསོག་གནས་ནི་ཅུང་སླ་བའི་ཐད་མཐོང་གི་སྤྱི་འགྲོས་ཅིག་གིས་མཚོན་ཐུབ། འོན་ཀྱང་ཕྱོགས་གཞན་ཞིག་ནས་བལྟས་ན། ཁྱད་ཆོས་འདིས་གསོག་འཇོག་སྒྲིག་གཞི་འདི་ལ་སྐྱོན་ཆ་ཞིག་ཀྱང་བཟོས་ཡོད་དེ། ནང་འཇུག་དང་ཕྱིར་འདོན་བྱེད་སྐབས་རྒྱུ་ཆ་མང་པོ་ཞིག་སྤོ་དགོས།
དོས།
དོས་དང་རུ་སྟར་ནི་ཐིག་གཤིས་སྒྲིག་གཞི་གལ་ཆེན་གཉིས་ཡིན། གཞི་གྲངས་སྒྲིག་གཞིའི་ཕྱོགས་ནས་བལྟས་ན། དོས་དང་རུ་སྟར་ནི་ཡང་ཐིག་གཤིས་སྒྲིག་གཞི་ཞིག་ཡིན། དེའི་ཁྱད་གཤིས་ནི་དོས་དང་རུ་སྟར་གྱི་རྩ་བའི་བཀོལ་སྤྱོད་དེ་ཐིག་གཤིས་རེའུ་མིག་བཀོལ་སྤྱོད་ཀྱི་བུ་ཚོགས་ཤིག་ཡིན། དེ་ནི་བཀོལ་སྤྱོད་བཀག་པའི་ཐིག་གཤིས་རེའུ་མིག་ཅིག་ཡིན་པས།དེ་ལ་བཀག་པའི་གཞི་གྲངས་སྒྲིག་གཞི་ཞེས་ཟེར། གཞི་གྲངས་རིགས་ཀྱི་ཕྱོགས་ནས་བལྟས་ན། དེ་དག་ནི་ཐིག་གཤིས་རེའུ་མིག་དང་ཆེ་ཆུང་འདྲ་བའི་སྤྱི་མཚན་གཞི་གྲངས་རིགས་ཀྱི་གལ་ཆེའི་རིགས་གཉིས་ཡིན། དེ་དག་མཉེན་ཆས་རྒྱུད་ཁོངས་སུ་བཀོལ་རྒྱ་ཆེ་བས། བྱ་ཡུལ་དུ་གཏད་པའི་བྱ་རིམ་ཇུས་འགོད་དུ་དེ་དག་དབྱིབས་མང་གཞི་གྲངས་རིགས་ཡིན།
རུ་སྟར།
རུ་སྟར་ནི་སྔོན་འཇུག་སྔོན་ཐོན་གྱི་ཐིག་གཤིས་རེའུ་མིག་ཅིག་ཡིན། དེར་རེའུ་མིག་གི་སྣེ་གཅིག་ཏུ་ནང་འཇུག་བྱེད་པ་དང་། སྣེ་གཞན་གཅིག་ཏུ་རྒྱུ་ཆ་འདོར་དགོས། དེ་ནི་ང་ཚོའི་འཚོ་བའི་ནང་གི་རུ་སྒྲིག་དང་གཅིག་མཚུངས་ཡིན། རུ་སྟར་དུ་ཆེས་སྔོན་མ་བཅུག་པའི་རྒྱུ་ཆ་ནི་ཆེས་སྔོན་མར་ཕྱིར་ཐོན་པ་ཡིན།
ཕྲེང་།
རྩིས་འཁོར་དུ་གྲངས་མིན་བྲིན་གྱི་སྒྲིག་གཅོད་བྱ་ཡུལ་གཙོ་བོ་ནི་གཞི་གྲངས་ཡིག་རྟགས་ཕྲེང་ཡིན། སྔར་གྱི་བྱ་རིམ་ཇུས་འགོད་སྐད་བརྡའི་ནང་དུ་ཡིག་རྟགས་ཕྲེང་ནི་ནང་འཇུག་དང་ཕྱིར་འདོར་གྱི་རྒྱུན་ཚད་བྱས་ནས་ཐོན་པ་དང་། སྐད་བརྡས་བྱ་རིམ་ལས་སྣོན་གྱི་བྱུང་བ་དང་བསྟུན་ནས་ཡིག་རྟགས་ཕྲེང་སྒྲིག་གཅོད་བྱེད་ཚུལ་འབྱུང་བ་ཡིན། འདི་ལྟར་བྱས་ནས་ཡིག་རྟགས་ཕྲེང་ནི་འགྱུར་ཚད་རིགས་གཅིག་བྱས་ནས་བྱ་རིམ་ཇུས་འགོད་སྐད་བརྡ་མང་པོར་ཐོན་པ་དང་མཉམ་དུ། ཡིག་རྟགས་ཀྱི་བཀོལ་སྤྱོད་རབ་དང་རིམ་པ་བྱུང་ཡོད། ཡིག་རྟགས་ཕྲེང་སྤྱིར་བཏང་དུ་བསྡུས་ནས་ཕྲེང་ཟེར། ཕྱོགས་སྒྲིག་དང་སྐད་བརྡའི་སྒྲིག་སྒྱུར་བྱ་རིམ་དུ། ཁུངས་བྱ་རིམ་དང་དམིགས་ཡུལ་བྱ་རིམ་དུ་ཚང་མ་གཞི་གྲངས་ཡིག་རྟགས་ཕྲེང་ཡིན། གནད་དོན་སྒྲིག་གཅོད་བྱ་རིམ་དུ། མི་རྣམས་ཀྱི་རུས་མིང་དང་། སྡོད་གནས། དངོས་རྫས་ཀྱི་མིང་དང་། བཟོ་སྐྲུན་བྱེད་ས། ཚད་གཞི་སོགས་ཀྱང་ཡིག་རྟགས་བྱས་ནས་སྒྲིག་གཅོད་བྱེད་པ་ཡིན། ཡང་དཔེར་ན། ཆ་འཕྲིན་བཤེར་འཚོལ་རྒྱུད་ཁོངས་དང་། རྩོམ་སྒྲིག་བྱ་རིམ། དྲི་ལན་རྒྱུད་ཁོངས། རང་བྱུང་སྐད་བརྡ་ཡིག་སྒྱུར་རྒྱུད་ཁོངས། རོལ་དབྱངས་དབྱེ་ཞིབ་བྱ་རིམ་སོགས་ཚང་མ་ཡང་གཞི་གྲངས་ཡིག་རྟགས་ཕྲེང་སྒྲིག་གཅོད་བྱ་ཡུལ་བྱས་ཡོད།
གྲངས་ཚོ།
ཐིག་གཤིས་རེའུ་མིག་གི་སྒྲིག་གཞི་རུ་གཞི་གྲངས་རྒྱུ་ཆ་སོ་སོ་ནི་སྒྲིག་གཞི་མིན་པའི་མ་རྡུལ་རིགས་ཡིན། རྒྱུ་ཆའི་བྲིན་ནི་འབྱེད་མི་ཐུབ་པ་ཡིན། འདིར་དཔྱད་པ་གཏོང་པའི་གཞི་གྲངས་སྒྲིག་གཞི་གྲངས་ཚོ་ནི་ཐིག་གཤིས་རེའུ་མིག་གི་ཐོག་ཏུ་རྒྱ་ཆེར་བཏང་པ་ཡིན་པར་བྱས་ཆོག་སྟེ། རེའུ་མིག་ནང་གི་གཞི་གྲངས་རྒྱུ་ཆ་རང་ཉིད་ཀྱང་གཞི་གྲངས་སྒྲིག་གཞི་ཞིག་ཡིན།
ཁྱབ་ཆེན་རེའུ་མིག
ཁྱབ་ཆེན་རེའུ་མིག་ནི་ཐིག་གཤིས་རེའུ་མིག་ཁྱབ་ཇེ་ཆེར་བཏང་བ་དེ་ཡིན། མི་ལ་ལས་དེ་ལ་རེའུ་མིག་ཅེས་ཟེར། དེ་མི་བཟོས་དབང་ཤེས་སོགས་ཀྱི་ཁྱབ་ཁོངས་ཀྱི་རེའུ་མིག་སྒྲིག་གཅོད་སྐད་བརྡLISPརུ་ཁྱབ་ཆེར་བཀོལ། ཁྱབ་ཆེན་རེའུ་མིག་རྩ་བའི་གཞི་གྲངས་སྒྲིག་གཞི་ཞིག་བྱས་ནས། བྱ་རིམ་ལ་ཡང་ཁྱབ་ཆེན་རེའུ་མིག་རབ་དང་རིམ་པ་བྱས་ཡོད།
སྡོང་།
སྡོང་འགྲེམས་སྒྲིག་གཞི་ནི་ཐིག་གཤིས་མིན་པའི་གཞི་གྲངས་སྒྲིག་གཞི་རིགས་གལ་ཆེན་ཞིག་ཡིན། རྒྱུན་དུ་མཐོང་ཐུབ་པ་ནི་སྡོང་དང་ཚེབ་གཉིས་སྡོང་ཡིན། ཐད་ཀར་བལྟས་ན་སྡོང་ནི་ཡན་ལག་གི་འབྲེལ་བ་བྱས་ནས་སྒྲིག་གཞི་རིམ་པ་གཏན་འཁེལ་བྱས་ཡོད། སྡོང་འགྲེམས་སྒྲིག་གཞི་ནི་བཀོལ་རྒྱ་ཧ་ཅང་ཆེ། དཔེར་ན། མིའི་རིགས་སྤྱི་ཚོགས་ནང་གི་རིགས་རྒྱུད་དང་། སྤྱི་ཚོགས་ཀྱི་ཁྱབ་ཁོངས་སོགས་ཀྱི་འབྲེལ་བ་ནི་སྡོང་བོས་གསལ་བོ་མཚོན་ཚུབ། སྡོང་ནི་རྩིས་འཁོར་ཁྱབ་ཁོངས་སུ་ཡང་སྤྱོད་རྒྱ་ཆེ། དཔེར་ན། སྒྲིག་སྒྱུར་བྱ་རིམ་དུ་སྡོང་གིས་ཁུངས་བྱ་རིམ་གྱི་བརྡ་སྤྲོད་སྒྲིག་གཞི་མཚོན། ཡང་དཔེར་ན། གཞི་གྲངས་མཛོད་རྒྱུད་ཁོངས་སུ། སྡོང་འགྲེམས་སྒྲིག་གཞི་ཡང་ཆ་འཕྲིན་སྒྲིག་གཞི་བྱས་པའི་རྣམ་པ་གཙོ་བོ་ཞིག་ཡིན།
ཚེབ་གཉིས་སྡོང་།
ཚེབ་གཉིས་སྡོང་ནི་རིགས་གཞན་གྱི་སྡོང་དབྱིབས་ཅིག་ཡིན། དེའི་ཁྱད་ཆོས་ནི་ཚིགས་ཚེག་གཅིག་ཏུ་མང་ན་ཡང་སྡོང་ལག་གཉིས་མ་གཏོགས་མེད། དེའི་མ་ཚད་ཚེབ་གཉིས་སྡོང་གི་སྡོང་གི་སྡོང་ལག་ལ་གཡས་གཡོན་གྱི་ཁྱད་པར་འབྱེད། དེའི་རིམ་པ་བརྗེ་མི་རུང་།
རིས།
རིས་ནི་ཐིག་གཤིས་རེའུ་མིག་དང་སྡོང་འགྲེམས་ལས་ཅུང་དཀའ་བའི་གཞི་གྲངས་སྒྲིག་གཞི་ཞིག་ཡིན། ཐིག་གཤིས་རེའུ་མིག་ཏུ་གཞི་གྲངས་རྒྱུ་ཆའི་བར་གྱི་འབྲེལ་བ་ནི་ཐིག་གཤིས་ཡིན། རྒྱུ་ཆ་སོ་སོར་ཐད་ཀའི་སྔོན་མ་གཅིག་དང་ཐད་ཀའི་རྗེས་མ་གཅིག་མ་གཏོགས་མེད། སྡོང་འགྲེམས་སྒྲིག་གཞི་རུ་གཞི་གྲངས་རྒྱུ་ཆའི་བར་གྱི་འབྲེལ་བ་རིམ་པ་ཡིན་པར་མ་ཟད། རིམ་པ་སོ་སོའི་གཞི་གྲངས་རྒྱུ་ཆ་དང་རིམ་འོག་མའི་རྒྱུ་ཆ་མང་པོ(དེའི་བུ་རྒྱུད་ཚིགས་ཚེག)དང་འབྲེལ་བ་ཡོད་སྲིད་ཀྱང་། རིམ་པ་གོང་མའི་རྒྱུ་ཆ་གཅིག(དེའི་ཕ་མའི་ཚིགས་ཚེག)མ་གཏོགས་འབྲེལ་བ་མེད། རིས་ཀྱི་སྒྲིག་གཞི་རུ་ཚིགས་ཚེག་བར་གྱི་འབྲེལ་བ་ནི་གང་རུང་ཞིག་ཡིན། རིས་ནང་གི་གཞི་གྲངས་རྒྱུ་ཆ་གང་རུང་གཉིས་བར་དུ་འབྲེལ་བ་ཡོད་སྲིད། དེ་བས་རིས་ཀྱི་བཀོལ་རྒྱ་ཧ་ཅང་ཆེ། ལྷག་པར་དུ་ཉེ་བའི་ལོ་འགའི་ནང་དུ་དར་ཁྱབ་བྱུང་བས། དེ་སྐད་བརྡ་རིག་པ་དང་། གཏན་ཚིགས་རིག་པ། དངོས་ལུགས། རྫས་འགྱུར། གློག་འཕྲིན་ལས་གྲྭ། རྩིས་འཁོར་ཚན་རིག རྩིས་རིག་སོགས་རིག་ཚན་མང་པོའི་ནང་དུ་ཁྱབ་ཡོད།བརྡ་འགྲེལ་གྱི་དོན་ཚིག་ཉུང་མདོར་བསྡུས་ཀྱིས་བཀོད་པ་དེ་ཡིན།
གཞི་གྲངས་སྒྲིག་གཞིའི་བྱ་རིམ་ཇུས་འགོད(ཚོད་ལྟ)
བྱ་རིམ་ཇུས་འགོད་ཀྱི་ཁོར་ཡུགVCངོས་འཛིན་པ་དང་། ཁོར་ཡུག་དེ་ལས་བྱ་རིམ་ཇུས་འགོད་བྱ་ཚུལ་ཤེས་དགོས། projectདང་བྱ་རིམ་ཇུས་འགོད་ཡིག་ཆ་བཟོ་ཚུལ་དང་སྤྱོད་ཚུལ་ཤེས་དགོས་ལ་གཞི་གྲངས་སྒྲིག་གཞིའི་བྱ་རིམ་ཇུས་འགོད་བྱ་ཚུལ་ཁོང་དུ་ཆུད་དགོས། Cསྐད་བརྡའི་འགུལ་རྣམ་བགོ་བཤའ་དང་ལྷོད་གཏོང་རྟེན་འབྱུང་གྲངསmallocདངrealloc freeསོགས་སྤྱོད་ཤེས་སུ་འཇུག་དགོས།
འཚོལ་བ།
སྐབས་འདིའི་འཚོལ་བ་ནི་རྩིས་འཁོར་གྱི་བརྡ་ཆད་ཅིག་སྟེ། སྤྲད་པའི་བྲིན་ངེས་ཅན་ལྟར་འཚོལ་ཡུལ་རེའུ་མིག་ཏུ་གནད་ཚིག་དང་སྤྲད་པའི་བྲིན་མཚུངས་པའི་ཐོ་འམ་གཞི་གྲངས་རྒྱུ་ཆ་གཏན་འཁེལ་བྱ་བ་ལ་ཟེར།
ཐིག་གཤིས་རེའུ་མིག
ཐིག་གཤིས་རེའུ་མིག་གི་ཁྱད་ཆོས་ནི། གཞི་གྲངས་རྒྱུ་ཆའི་སྟོང་མིན་ཚད་ཡོད་ཚོགས་སྤྱི་རུ། “དང་པོ”ཞེས་པའི་གཞི་གྲངས་རྒྱུ་ཆ་གཅིག་ཁོ་ན་ཡོད་པ་དང་། “མཐའ་མ”ཞེས་པའི་གཞི་གྲངས་རྒྱུ་ཆ་གཅིག་ཁོ་ན་ཡོད། གཞི་གྲངས་དང་པོ་ལས་གཞན་ཚོགས་སྤྱིའི་རྒྱུ་ཆ་སོ་སོ་ལ་སྔོན་མ་གཅིག་མ་གཏོགས་མེད། གཞི་གྲངས་མཐའ་མ་ལས་གཞན་ཚོགས་སྤྱིའི་རྒྱུ་ཆ་སོ་སོ་ལ་རྗེས་མ་གཅིག་མ་གཏོགས་མེད།
རིམ་སྒྲིག
རིམ་སྒྲིག་ནི་རྩིས་འཁོར་བྱ་རིམ་ཇུས་འགོད་ཀྱི་བཀོལ་སྤྱོད་གལ་ཆེན་ཞིག་ཡིན། དེའི་ནུས་པ་ནི་གཞི་གྲངས་རྒྱུ་ཆ་ཞིག་གི་རིམ་པ་གང་རུང་ཞིག་བསྐྱར་དུ་བསྒྲིགས་ནས་གནད་ཚིགས་ལྟར་རིམ་པ་ལྡན་དུ་འཇུག་དགོས་པ་དེ་ཡིན།
སྦྲེལ་རེས་དྲ་རྒྱ།
སྦྲེལ་རེས་དྲ་རྒྱ་ཡང་ན་རྒྱལ་སྤྱིའི་དྲ་རྒྱ་ཟེར་ཞིང་། སྒྲ་སྒྱུར་ལ་དབྱིན་ཐེ་དྲ་ཟེར། དེ་ནི་དྲ་རྒྱ་དང་དྲ་རྒྱ་བར་ཕྲེང་སྦྲེལ་བྱས་ནས་གྲུབ་པའི་གཏོས་ཆེ་བའི་དྲ་རྒྱ་ཞིག་ཡིན་ལ། དྲ་རྒྱ་འདི་དག་སྤྱི་སྤྱོད་ཡིན་པའི་གྲོས་མཐུན་ཚོ་གཅིག་གིས་སྦྲེལ་ཡོད་པ་དང་། གཏན་ཚིགས་སྟེང་ཁེར་རྐྱང་ཡིན་པའི་རྒྱལ་སྤྱིའི་དྲ་རྒྱ་ཆེན་པོ་ཞིག་ཏུ་ཆགས་འདུག
དྲ་རྒྱ་ཚོད་ལེན།
དྲ་རྒྱ་ཚོད་ལེན་གྱི་ཁ་ཕྱོགས་ས་གཙོ་བོ་ནི་རྗེ་འཁོར་དང་ལམ་འཚོལ་ཆས། མེ་འགོག་གྱང་སོགས་དྲ་རྒྱའི་སྒྲིག་ཆས་དང་། ལག་འགུལ་ཚོད་ལེན་དང་ཡང་ན་རང་འགུལ་ཅན་གྱི་ཚོད་ལེན་ལ་བརྟེན་ནས་སྒྲིག་ཆས་དེ་གཏན་འཁེལ་བྱས་པའི་བྱེད་ནུས་ལ་ཐོན་ཐུབ་མིན་ར་སྤྲོད་བྱེད་ཆོག
རྗེ་འཁོར།
རྗེ་འཁོར་ནི་དོན་ལ“གློག་སྒོ”སྟེ། གློག(འོད)བརྡ་རྟགས་བརྒྱུད་འགྲེམས་བྱེད་པར་སྤྱོད་པའི་དྲ་རྒྱའི་སྒྲིག་ཆས་ཞིག་ཡིན་པ་དང་། དེ་ནི་རྗེ་འཁོར་གྱི་དྲ་རྒྱ་ཚིགས་ཚེག་གང་རུང་གཉིས་སུ་སྦྲེལ་ཞིང་། སྒེར་སྤྱོད་བྱེད་པའི་གློག་གི་བརྡ་རྟགས་རྒྱུ་ལམ་ཞིག་འདོན་སྤྲོད་བྱེད་ཆོག རྒྱུན་མཐོང་གི་རྗེ་འཁོར་ནི་ཨེ་ཐེར་དྲ་རྒྱའི་རྗེ་འཁོར་ཡིན་ལ། གཞན་ད་དུང་ཁ་པར་སྐད་གདངས་རྗེ་འཁོར་དང་འོད་སྐུད་རྗེ་འཁོར་སོགས་ཡོད།
རིམ་བརྒལ་ཡིག་དེབ།
རིམ་བརྒལ་ཡིག་དེབ་ནི་རིམ་བརྒལ་སྦྲེལ་མཐུད་ཀྱི་བྱེད་ཐབས་སྤྱད་ནས། བར་སྟོང་མི་མཐུན་པའི་ཡི་གེའི་ཆ་འཕྲིན་རྩ་འཛུགས་སྣ་ཚོགས་མཉམ་དུ་ཡོད་པའི་དྲ་རྒྱའི་རྣམ་པའི་ཡིག་དེབ་ཞིག་ཡིན་ལ། དེ་ལས་ཀྱང་སྤྱོད་མཁན་མཚམས་ངོས་སྤྱི་འགྲོས་དང་ཡིག་དེབ་དང་ཡིག་དེབ་བར་གྱི་འབྲེལ་ཡོད་ནང་དོན་མངོན་བྱེད་ཅིག་ཡིན། དེང་སྐབས་རིམ་བརྒལ་ཡིག་དེབ་ནི་སྤྱི་ཁྱབ་དུ་གློག་རྡུལ་ཡིག་ཚགས་རྣམ་པར་གནས་པ་དང་། དེའི་ནང་གི་ཡི་གེ་ནི་གནས་ཡུལ་གཞན་པ་འམ་ཡིག་ཚགས་འབྲེལ་མཐུད་ལ་ཐག་མདུད་བྱེད་ཅིང་། མིག་སྔའི་ཀློག་འདོན་གྱི་གནས་ཡུལ་ཐད་ཀར་རིམ་བརྒལ་ཡིག་དེབ་འབྲེལ་མཐུད་ཀྱིས་སྟོན་པའི་གནས་ཡུལ་ལ་བརྗེ་རུང་། རིམ་བརྒལ་ཡིག་དེབ་ལ་རྣམ་གཞག་ཤིན་ཏུ་མང་ཞིང་། མིག་སྔར་རྒྱུན་སྤྱོད་བྱེད་པ་ནི་རིམ་བརྒལ་ཡིག་དེབ་ཀྱི་བཀོད་རྟགས་སྐད་བརྡ་དང་འབྱོར་ལྡན་ཡིག་དེབ་རྣམ་གཞག་ཡིན།
རིམ་བརྒལ་སྦྲེལ་མཐུད།
རིམ་བརྒལ་སྦྲེལ་མཐུད་ནི་ངོ་བོའི་སྟེང་དྲ་ངོས་ཤིག་གི་ཆ་ཤས་ཡིན་ལ། དྲ་ངོས་སོ་སོ་མཉམ་གཅིག་ཏུ་སྦྲེལ་རྗེས་ད་གཟོད་དངོས་གནས་དྲ་ཚུགས་ཤིག་གྲུབ་པ་ཡིན།
ཞབས་ཞུ་ཆས།
ཞབས་ཞུ་ཆས་ནི་རྩིས་རྒྱག་ཞབས་ཞུའི་སྒྲིག་ཆས་ཡིན། ཞབས་ཞུ་ཆས་ཡིས་ཞབས་ཞུའི་རེ་འདུན་དང་ལེན་བྱེད་དགོས་པ་མ་ཟད་ཐག་གཅོད་ཀྱང་བྱེད་དགོས། དེ་བས་སྤྱི་བཏང་དུ་ཞབས་ཞུ་ཆས་ལ་ཞབས་ཞུའི་འགན་ཁུར་ཡོད་དགོས་པ་དང་ཞབས་ཞུ་འགན་ལེན་གྱི་ནུས་པ་འང་འཛོམས་དགོས།
རིམ་བརྒལ་ཡིག་དེབ་གྲོས་མཐུན།
རིམ་བརྒལ་ཡིག་དེབ་གྲོས་མཐུན་ནི་རིམ་བརྒལ་སྦྲེལ་ཚུལ་གྱི་བྱེད་ཐབས་སྤྱད་ནས། བར་སྟོང་མི་མཚུངས་པའི་ཡི་གེའི་ཆ་འཕྲིན་སྣ་ཚོགས་མཉམ་གཅིག་ཏུ་རྩ་འཛུགས་བྱས་པའི་དྲ་དབྱིབས་རྣམ་པའི་ཡིག་དེབ་ཡིན་ལ། རིམ་བརྒལ་ཡིག་དེབ་ནི་དེ་བས་ཀྱང་སྤྱོད་མཁན་སྦྱོར་ངོས་ཀྱི་སྤྱི་འགྲོས་ཞིག་ཡིན་པ་དང་། ཡིག་དེབ་དང་ཡིག་དེབ་བར་གྱི་འབྲེལ་ཡོད་ནང་དོན་མངོན་པར་བྱེད་པ་ཡིན།
ཆ་འཕྲིན་སྤྱི་ཚོགས།
“ཆ་འཕྲིན་ཅན”ཞེས་པའི་མཚན་ཉིད་ནི་དུས་རབས་སྔོན་མའི་ལོ་རབས60པར་ཐོག་མར་བཏོན་པ་དང་། སྤྱིར་བཏང་དུ། ཆ་འཕྲིན་ཅན་ཞེས་པ་ནི་ཆ་འཕྲིན་ལག་རྩལ་དང་ཆ་འཕྲིན་ཐོན་ལས་དེ་དཔལ་འབྱོར་དང་སྤྱི་ཚོགས་འཕེལ་རྒྱས་ཁྲོད་ནུས་པ་ཉིན་བཞིན་འཕེལ་རྒྱས་འགྲོ་བ་དང་། དེ་མ་ཟད། གཙོ་ཁྲིད་ཀྱི་ནུས་པ་འདོན་སྤེལ་བྱེད་པའི་འགུལ་རྣམ་འཕེལ་རྒྱས་བརྒྱུད་རིམ་ཞིག་ཡིན།
ཆ་འཕྲིན་མྱུར་བགྲོད་གཞུང་ལམ།
ཆ་འཕྲིན་མྱུར་བགྲོད་གཞུང་ལམ་ནི་ཆ་འཕྲིན་གྱི་མགྱོགས་མྱུར་བརྒྱུད་གཏོང་བྱས་པ་དེ“མྱུར་བགྲོད་གཞུང་ལམ”ལྟ་བུ་ཞིག་ལ་དཔེ་བླངས་པ་དང་། མྱུར་ཚད་ནི་མིག་སྔའི་དྲ་རྒྱའི་བརྒྱུད་གཏོང་མྱུར་ཚད་ལས་ལྡབ་ཁྲི་གཅིག་གིས་མཐོ་ཞིང་། ཤོང་ཚད་ནི་འཕྲིན་ལམ་ཞིག་གིས་བརྒྱུད་གཏོང་ཚད་དེ་ཕལ་ཆེར་བརྙན་འཕྲིན་འཕྲིན་ལམ500འམ་ཡང་ན་ཁ་པར་ཁྲི50ལྷག་ཡིན། དེ་ལས་གཞན། ཆ་འཕྲིན་འབྱུང་ཁུངས་དང་ནང་དོན། རྣམ་པ་ཡང་འདྲ་མིན་སྣ་ཚོགས་ཡོད། དྲ་རྒྱ་སྤྱོད་མཁན་གྱིས་དུས་ཚོད་གང་རུང་ཞིག་གམ་ཡུལ་གང་རུང་ཞིག་ནས་སྒྲ་དང་གཞི་གྲངས། པར་རིས་སམ་ཡང་ན་གཟུགས་བརྙན་སོགས་སྨྱན་མང་གཟུགས་ཀྱི་བྱེད་ཐབས་ཀྱིས་ཆ་འཕྲིན་ཕན་ཚུན་བརྒྱུད་སྤྲོད་བྱེད་ཆོག
ཡིག་ཚགས།
ཡིག་ཚགས་ནི་མཉེན་ཆས་གསར་སྤེལ་བེད་སྤྱོད་དང་སྲུང་སྐྱོང་ནང་གི་དགོས་ངེས་ཀྱི་དཔྱད་གཞིའི་ཡིག་ཆ་ཡིན།
གསར་འགྱུར་ཚོ་ཆུང་།
གསར་འགྱུར་ཚོ་ཆུང་ནི་མདོར་བསྡུས་ནས་བཤད་ན། དེ་ནི་དྲ་རྒྱ་ལ་བརྟེན་པའི་རྩིས་འཁོར་གྱི་སྡེབ་སྒྲིག་ཞིག་ཡིན། རྩིས་འཁོར་འདི་དག་ལ་གསར་འགྱུར་ཞབས་ཞུ་ཆས་ཞེས་འབོད། སྤྱོད་མཁན་མི་འདྲ་བ་མཉེན་ཆས་ཁ་ཤས་ལ་བརྟེན་ནས་ཞབས་ཞུ་ཆས་ཀྱི་སྟེང་དུ་མཐུད་ཐུབ་ལ། མི་གཞན་གྱི་གནས་ཚུལ་ཀློག་འདོན་བྱེད་ཆོག་པ་མ་ཟད། གྲོས་བསྡུར་ནང་དུ་ཞུགས་ཆོག གསར་འགྱུར་ཚོ་ཆུང་ནི་ཆ་ཚང་བའི་སྣོལ་རེས་ཚུལ་གྱི་རིམ་བརྒལ་གློག་རྡུལ་གླེང་སྟེགས་ཞིག་ཡིན་པ་དང་། དྲ་རྒྱ་སྤྱོད་མཁན་གང་རུང་གྱིས་ཕན་ཚུན་སྤེལ་རེས་ཐུབ་པའི་ལག་ཆ་ཞིག་ཡིན།
IP(དྲ་རྒྱའི་བར་གྱི་སྦྲེལ་རེས་བྱེད་པའི་གྲོས་མཐུན)
དྲ་རྒྱའི་བར་གྱི་སྦྲེལ་རེས་བྱེད་པའི་གྲོས་མཐུན་ནི་རྩིས་འཁོར་དྲ་རྒྱའི་ཕན་ཚུལ་འབྲེལ་མཐུད་འཕྲིན་གཏོང་ལ་ཇུས་འགོད་བྱས་པའི་གྲོས་མཐུན་ཡིན། དབྱིན་ཐེ་དྲ་རྒྱའི་ནང་དུ། དེ་ནི་དྲ་སྟེང་གི་རྩིས་འཁོར་དྲ་རྒྱས་ཕན་ཚུན་འཕྲིན་གཏོང་བྱེད་པ་མངོན་འགྱུར་བྱེད་པའི་སྒྲིག་སྲོལ་ཆ་ཚང་ཞིག་ཡིན།
གླིང་སྐོར་དྲ་བ།
གླིང་སྐོར་དྲ་བ་(环球网)ནི་མི་དམངས་ཉིན་རེའི་ཚགས་པར་ཁང་དང་རྒྱལ་སྲིད་སྤྱི་ཁྱབ་ཁང་གི་གསར་འགྱུར་གཞུང་དོན་ཁང་གིས་ཆོག་མཆན་ཐོབ་པ་དང་། མི་དམངས་དྲ་བ་དང་གླིང་སྐོར་སྐབས་དོན་ཚགས་པར་གྱི་མཉམ་དུ་མ་དངུལ་བཏང་ནས་བཙུགས་པ་དང་། 2007ལོའི་ཟླ11པར་དངོས་སུ་ཤར་གཏོང་བྱས་ལ། གསར་འགྱུར་རྩོམ་སྒྲིག་དབང་ཆ་ཡོད་པའི་དབྱིན་རྒྱ་སྐད་གཉིས་ཀྱི་གསར་འགྱུར་དྲ་ཚིགས་ཆེ་གྲས་ཤིག་ཡིན། ཀྲུང་དབྱང་རིམ་པའི་ཕྱོགས་བསྡུས་རང་བཞིན་གྱི་དྲ་རྒྱའི་གསར་འགྱུར་སྨྱན་གཟུགས་ཡིན། གླིང་སྐོར་དྲ་བས་ཁྱབ་ཁོངས་ཡོངས་དང་ཕྱོགས་ཡོངས་ཀྱི་སྐབས་འཕྲལ་ཀྱི་ཐོག་མ་ཉིད་ཀྱི་རྒྱལ་སྤྱིའི་གསར་འགྱུར་འདོན་སྤྲོད་བྱེད་པ་དང་། ཆེད་ལས་ཀྱི་རྒྱལ་སྤྱིའི་དཔྱད་ཡིག་ཆ་འཕྲིན་ཞབས་ཞུ་ཡིན། གསར་འགྱུར་དཔྱད་ཡིག་ཆ་འཕྲིན་དང་སྡེ་ཁུལ་མཉམ་འགུལ། སྤོ་འགུ་གནས་ཐང་འཕར་བའི་ཞབས་ཞུ་གཞི་གཅིག་ཏུ་བྱས་པའི་འཛམ་གླིང་གི་འཚོ་བར་སྒོ་མོ་གསར་བ་གཏོད་ཡོད།