ཐོ་རིས།
ཐིག་རྩ་ཐོ་རིས་དང་སྤྱི་དབྱིབས་བྱེ་བྲག་གི་དབྱིབས་སོགས་ནི་གཙོ་ཕལ་ཞིག་གིས་གྲོགས་རམ་དང་གོ་རིམ་བྱེད་པ་མ་གཏོགས་སྤྱི་དབྱིབས་དང་ཁོག་དབྱིབས་ཀུན་ལ་ཡོད་པས་ཐམས་ཅད་སོ་སོའི་སྤྱི་དབྱིབས་ནས་འབྲི་དགོས།
པ་ཏྲ།
རྩ་བའི་རྨང་གཞི་ནི་པ་ཏྲ་རིགས་བརྒྱད་ཀྱི་སྙིང་བོ་གན་ལོག་གཟུགས་ཀྱི་པ་ཏྲ་སྟེ་སེང་སྣ་པ་ཏྲ་ཁུག་སོ་རིམ་པ་གསུམ་ཅན་དང་།དེ་ནས་རི་མོ་འབྲི་བ་ལ་རྨང་གཞི་པ་ཏྲ་སྟེ་ཕྱི་དབྱིབས་ཟུར་གསུམ་སོགས་གང་འདོད་ཅིག་བཞག་ནས།པ་ཏྲ་ཕྱི་དབྱིབས་སྐོར་ཞིང་འབྲི་ཞེས་པ་ལྟར་རོ།།
རི་མོ།
དེང་རབས་རི་མོ་མཁས་ཅན་དག་གིས་ཀྱང་རི་མོའི་ཚན་རིག་ནི་ཐོག་མ་ཐོ་རིས་ནས་འགོ་རྩོམ་དགོས་ཞེས་གསུངས་པ་བཞིན་ཏེ།དེ་ཡང་རི་མོ་འབྲི་ཡུལ་ཆེས་མཐོ་ས་དང་ཆེས་དམའ་བའི་ས་ཐོ་རིས་དང་།གཡས་གཡོན་དང་དབུས་སོགས་ཐོ་རིས་བཞག་སྟངས་འདྲ་མིན་གང་འདྲ་དགོས་པ་རི་མོ་གང་དེའི་ཁྱད་ཆོས་དང་བསྟུན་ནས་དཔྱད་ཅིང་ཐོ་རིས་ཤིག་གི་བར་ཐག་དེས་ཕྱི་དབྱིབས་འབྲི་ཡུལ་གཏན་འཁེལ་བྱ་བའོ།།
སྨན་རྙིང་བྲིས་རྒྱུན།
སྤྱིར་སྨན་རྙིང་གི་ཐིག་ཚད་ཀྱི་སྟེང་ནས་སྒར་ལུགས་དང་སྨན་གསར་རིམ་བཞིན་སོར་དོ་དོར་འཕེལ་བ་ཡིན།
ལྷ་སྐུའི་ཆག་ཚད།
སངས་རྒྱས་གྱི་སྐུ་གཟུགས་ཆག་ཚད་ཇི་ལྟར་འབྲི་ཚུལ། དེ་བཞིན་སྒྲོལ་མ་དང་ཁྲོ་བོའི་ཆག་ཚད་ཇི་ལྟར་འབྲི་ཚུལ།ཚངས་ཐིག་བཅས་སོ།།
ཡུལ་ལྗོངས་བཀོད་པའི་རི་མོ།
ཡུལ་ལྗོངས་བཀོད་པའི་རི་མོ་ནི་རྩ་བའི་སྟེང་ནས་རི་ཆུ་ནགས་གསུམ་སོགས་གཙོ་བྱས་པའི་ཕྱི་སྣོད་ཀྱི་འཇིག་རྟེན་དང་ནང་བཅུད་ཀྱི་སེམས་ཅན་འབྲི་བ་ཡིན་པས། དེ་དག་གི་ནང་ནས་འགའ་ཤས་ཞིག་འདོར་བཀོད་པ་ཡིན།
ལྷ་སྐུའི་རྒྱན་ཆས།
ལྷ་སྐུའི་རྒྱན་རྣམས་རྨང་གཞི་རྩ་བ་བཞིའི་ལྷ་ཡི་རྒྱན་བཀོད་ལྟར་བྲིས་ན།ཞི་ཁྲོའི་རྒྱན་བཀོད་ཐམས་ཅད་འདུས་ཡོད་དེ་དཔེར་ན་སངས་རྒྱས་ཁྲི་རྒྱབ་དྲུག་འགྱོགས་ལ་འཇིག་རྟེན་ན་ཆེ་བ་དྲུག་གིས་བརྒྱན་པ་ལྟ་བུའོ།།
སྤྱི་ཐིག
ཚངས་ཐིག་དང་ཆུ་ཐིག་བཏབ་རྗེས་སྐྲ་མཚམས་ནས་ཞལ་ཉིད་ཞལ་གང་དང་།དེ་ནས་མགྲིན་པར་སོར་གསུམ་དང་།ཐུགས་ཀར་ཞལ་གང་དང་།ལྟེ་བར་ཞལ་གང་དང་།སྐེད་པར་སོར་གསུམ་དང་།གསང་གནས་སོར་དགུ་དང་།བྱིན་པར་སོར་བཞི་དང་།པུས་མོར་སོར་བཞི་དང་།ཟླ་གདན་ལ་སོར་བཞི་དང་།པད་གདན་ལ་ཞལ་གང་བཅས་འཕྲེད་ཐིག་དང་།ཚངས་ཐིག་གཡས་སུ་མཆན་རྩེར་སོར་དྲུག་དང་ །གྲུ་ཁུག་དང་རྐང་རྩེར་ཞལ་གང་དང་།ལག་ངར་འགྲིབ་པའི་དབང་གིས་སོར་དྲུག་དང་།ལག་མཐིལ་དང་པུས་མོར་སོར་དྲུག་དང་།གཡོན་ཕྱོགས་འགྱིང་སྟབས་སོར་དྲུག་དང་།དཔུང་པའི་ཕྱི་རིས་ལ་ཞལ་གང་དང་།པུས་མོའི་ཕྱི་རིས་ལ་སོར་དྲུག་བཅས་ནི་སངས་རྒྱས་དང་སྒྲོལ་མ།ཁྲོ་བོ་ཁྲོ་མོ་སོགས་ཀྱི་སྤྱིའི་འབྲི་ཚུལ་ཡིན།།
བྲིས་སྐུའི་ཆ་ཚད།
སྐུ་ཉམས་འབྲི་ཚུལ་གྱི་ཐིག་རྩ་འདི་དག་ནི་ལས་དང་པོ་བ་དག་གི་ཐོག་མའི་སྦྱངས་བྱ་ཡིན་ལ། དེ་ལས་མཉམ་མེད་སྟོན་པ་བཅོམ་ལྡན་འདས་ཀྱི་སྐུ་བྱང་ཆུབ་པར་འབྲི་ཤེས་པ་བྱུང་ན་བསྐལ་བཟང་གི་སངས་རྒྱས་སྟོང་ལ་སོགས་པ་ཕྱོགས་བཅུ་དུས་གསུམ་གྱི་སངས་རྒྱས་མཐའ་དག་གི་སྐུ་བརྙན་ཚད་དང་ལྡན་པ་འབྲི་ཤེས་པར་འགྱུར་བ་དང་། དེ་བཞིན་བླ་རྒྱུད་དང་གཞི་བདག་སོགས་ཀྱི་གཟུགས་སྐུའི་ཆ་ཚད་ཀྱང་གཚོ་བོའི་སྐུ་འབྲི་ཤེས་པར་གྱུར་ན་ནི་གཞན་དག་འབྲི་ཤེས་པར་འགྱུར་རོ། །
ཞལ་ཐིག
ལྷ་བྲིས་ནི་དངོས་བྲིས་ཀྱི་རྨང་གཞིའི་ཐོག་ནས་འཕེལ་རྒྱས་བྱུང་བ་ཞིག་ཡིན་པ་དང་། བོད་ལའང་བོན་ཆོས་དང་ནང་བསྟན་གཉིས་ཀྱི་ནང་དོན་དང་འབྲེལ་བའི་ལྷ་བྲིས་ཀྱི་ལོ་རྒྱུས་རིང་བོ་ཞིག་ཡོད། བོད་ཀྱི་ལྷ་རིས་སྒྱུ་རྩལ་ནི་བོད་ཀྱི་ཐུན་མོང་མ་ཡིན་པའི་ཚབ་མཚོན་རང་བཞིན་གྱི་སྒྱུ་རྩལ་ཞིག་ཡིན།
ལྷ་རིས་ཀྱི་རྒྱན།
དེ་ཡང་ཤ་ཚུགས་བྲིས་རྗེས་རི་མོའི་མ་ཡི་ཆེ་ཆུང་དང་རྒྱན་རིས་འབྲི་སའི་ཡུལ་གཏན་འཁེལ་ལེགས་གྲུབ་བྱུང་རྗེས་རི་མོའི་བུ་ཡི་བར་ཐག་སོགས་ལ་གཟབ་ནས་རིན་པོ་ཆེའི་རྒྱན་བརྒྱད་དང་གོས་ཆས་འབྲི་དགོས།
རི་མོ་འབྲི་སྟངས།
སྤྱིར་རི་མོའི་ཡུལ་བཀོལ་དང་སྲོག་ཆགས་ཚངས་ཐིག་སོགས་རི་མོ་གང་འདྲ་ཞིག་འབྲི་ནའང་ཐམས་ཅད་ཀྱི་སྔོན་དུ་ཐོ་རིས་དང་། ཐིག་རྩ། ཆག་ཚད་སོགས་ཀྱི་རྨང་གཞིའི་ཐིག་རིས་གདབས་ཚུལ་སོགས་ལེགས་པོར་ཤེས་རྒྱུ་ནི་རི་མོའམ་ལྷ་རིས་འབྲི་བའི་སྔོན་འགྲོའི་ཆ་རྐྱེན་ཡིན་པས། རི་མོ་འབྲི་བ་པོ་ཞིག་ལ་མཚོན་ན་རྨང་གཞིའི་ཤེས་བྱ་འདི་དག་ཡིད་ལ་ངེས་པར་བྱ་རྒྱུ་ནི་གལ་ཆེའོ། །
འབྱུང་ཁམས་འབྲི་ཚུལ།
སྤྱིར་འཛམ་གླིང་ས་ཡི་ཆགས་ཚུལ་ལ་གནམ་འཁོར་ལོ་རྩིབ་བརྒྱད་དང་ས་པདྨ་འདབ་བརྒྱད་ཀྱི་དབྱིབས་ཡིན་ཡང་། བྱེ་བྲག་ས་ཡི་དཀྱིལ་འཁོར་ནི་གྲུ་བཞི་ཡིན་ལ་ཐང་གའང་གྲུ་བཞི་སྟེ། ནང་གི་གནམ་རི་རླུང་ཡང་སར་བྱས་པས་རང་འགྲིག་ཏུ་སོང་བ་དང་། དེ་བཞིན་རང་བྱུང་ཁམས་ཀྱི་རི་ཆུ་ནག་གསུམ་དང་། རྩྭ་རྩི་ཤིང་མེ་ཏོག་ལ་སོགས་པ་ཡང་ཐང་གའི་སྟེང་དུ་འབྲི་བ་ལ་ཐང་ག་གང་དེའི་ཁྱད་ཆོས་གཞིར་བཟུང་ནས་འབྲི་རྒྱུ་ནི་གལ་ཆེའོ། །
ཚོས།
བཙོད་ལེགས་ཞིབ་བརྡུང་ཆུར་གདུ་ཁུ་བ་ལེགས་པར་འདོན། ལྭ་བ་ཆུ་ཡིས་བཀྲུས་ལ་སྐམ། རབ་ཞུ་མཁན་བཙོས་པའི་ཁུ་བར་ཡུན་ཙམ་བཙོས། བཏོན་ཏེ་སྐམ། འབྲིང་མཚུར། ཐ་མ་ལྕུམ་དང་བསེ་ཡབ་བསྡུས〈གདུས〉ཁུས་ཀྱང་རུང་། དེ་ནས་བཙོ་ཁུ་དྲོན་མོའི་ནང་དུ་ལྭ་བ་བསྲུབས། དེ་འདྲ་སྣོད་མང་པོར་བཙོད་ཁུ་དྲངས་ན་རབ། གསུམ་ཙམ་འབྲིང་། གཅིག་ཐ་མར་འདོད་དེ། འགུག་མཁན་གཞན་མི་དགོས་པ་དབུས་གཙང་གི་ལུགས་སོ། བོད་ཆེན་པོའི་ཁམས་སུ་བཙོད་དཀོན་པས་གཙོད་ཁུ་གཅིག་ལ་དྲངས་རྗེས། ལྕུམ་བསེ་ཡབ་ཆུ་ལོ་ཆང་འོབ་ཚེར་འབྲས་བུ་ལྔ་བོ་སྔ་མ་བཟང་། ཕྱི་མ་རིམ་པར་ཞན་པས་སྐྱུར་ཁུ་བྱེད་ཅིང་བཙོ་ལ་སྣམ་བུ་བཙོས། རབ་བུལ་ཏོག་དེ་འོག་ཤིང་སྲེག་གོ་ཐལ་སླེའུར་བླུག་པ་ཆུས་བྲན་པའི་འཛག་ཁུ།ཐང་ཚྭའི་ཁུ་བ། རྡོ་ཞོ་རྣམས་གང་རྙེད་བཙོད་ཁུ་བསྲེས་པའི་ཚན་མོར་ལྭ་བ་སྲུབས། ཡུན་རིང་ཐུང་སྐབས་དང་སྦྱར། བཙོད་ཁུ་དང་འགུག་གཉིས་ཀར་ནུབ་ཆེ་ཆུང་སྔ་ཕྱི་མ་ཤོར་བ་མ་བྱས་ན་ཁྲ་ཆོ་ལོ་ཚོས་ཟ་ཆེ་ཆུང་ཡོང་བས་ཧྲིལ་ཏེ་ཆ་སྙོམས་བཅུག་དགོས་པ་མཐངོ་རྒྱུས་ལྟར་ཤེས་དགོས་སོ།།
ཀྲུང་གོའི་རི་མོ།
མི་རིགས་ཁག་ཀུན་ལ་རང་རང་གི་རི་མོའི་སྒྱུ་རྩལ་ཡོད་པ་དང་། ཀྲུང་ཧྭ་མི་རིགས་ཀྱི་རི་མོའི་སྒྱུ་རྩལ་གྱི་གཙོ་བོ་ནི་མི་རིགས་ཀྱི་སྲོལ་རྒྱུན་ཕུལ་བྱུང་ཅན་ལྡན་པའི་ཀྲུང་གོའི་རི་མོ་ཡིན། དེ་ནི་ཀྲུང་གོར་དམིགས་བསལ་དུ་ཡོད་པའི་སྤུ་སྨྱུག་དང་། སྣག་ཚ། ཞོན་ཤོག ཚོན་རྫས་བཅས་ཡོ་ཆས་དང་རྒྱུ་ཆ་བྱས་ཏེ། དུས་ཡུན་རིང་པོའི་ནང་དུ་ཆགས་པའི་ཀྲུང་གོ་བའི་མཛེས་དཔྱོད་ཀྱི་གོམས་སྲོལ་དང་སྲོལ་རྒྱུན་གྱི་གཟུགས་འགོད་པའི་ཆོས་ཉིད་ལྟར་གསར་གཏོད་བྱེད་པའི་རི་མོའི་རིགས་ཤིག་ཡིན།
ཆུ་ཕྱེ་རི་མོ།
ཆུ་ཕྱེ་རི་མོ་ནི་ཕྱེ་རྒྱུ་ཅན་གྱི་ཚོན་རྫས་ཆུས་སྦྱར་ནས་བྲིས་པའི་རོ་མོ་ལ་ཟེར། ཆུ་ཕྱེ་རི་མོའི་ཚོན་རྫས་ཀྱི་བྱེད་ལས་དེ་སྣུམ་རིས་དང་ཆུ་ཚོན་རི་མོའི་ཚོན་རྫས་ཀྱི་བར་ཙམ་པ་ཡིན།
ཆུ་ཚོན་རི་མོ།
ཆུ་ཚོན་རི་མོ་ནི་ཆུས་ཆུ་ཚོན་ཚོན་རྫས་སྦྱར་ནས་བྲིས་པའི་རི་མོ་ལ་ཟེར། ཆུ་ཚོན་གྱི་ཚོན་མདོག་ཅུང་ཟད་དྭངས་གསལ་ཡིན་པ་དང་། ཆུའི་བྱེད་ལས་ལ་བརྟེན་ནས་ཚོན་མདངས་ཀྱི་གར་སླ་དང་གསལ་མུན་མཚོན་ཐུབ་པ་རེད། ཆུ་ཚོན་རི་མོའི་ཤོག་བུ་སྤྱིར་བཏང་རྒྱུ་སྲ་མོ་དང་ཆུ་ལེན་ཤས་འབྲིང་ཙམ་ན་ཡིན་དགོས།
ཐོད་བརྒལ་མངོན་སུམ་རིང་ལུགས་ཀྱི་རི་མོ།
ཐོད་བརྒལ་མངོན་སུམ་རིང་ལུགས་ནི་འཛམ་གླིང་འཁྲུག་ཆེན་དང་པོའི་རྗེས་སུ་ཧྥ་རན་སེ་རུ་བྱུང་བའི་སྤྱི་ཚོགས་ཀྱི་བསམ་བློ་དང་སྒྱུ་རྩལ་གྱི་ལས་འགུལ་ཞིག་ཡིན་པ་དང་། དེའི་ཤུགས་རྐྱེན་ཡོ་རོབ་ཀྱི་རྒྱལ་ཁབ་ཁག་ལ་ཁྱབ་ཅིང་། དེ་ཉིད་རྩོམ་རིག་དང་། རི་མོ། ཟློས་གར། རོལ་མོ་ལ་སོགས་ཁྱབ་ཁོངས་ཀུན་ལ་ཁྱབ་ཡོད།
དམར་བྲིས།
དམར་བྲིས་ནི་གཟུགས་འགོད་པའི་ནུས་རྩལ་དང་ཐབས་ཤེས་གསོ་སྐྱོང་བྱེད་སྤྱད་ཀྱི་ཉེར་མཁོའི་ཐབས་བཀོད་དམ་གོ་རིམ་ཡིན་ལ། བཟོ་རྩལ་མཁན་པོའི་རྗོད་བྱེད་ཀྱི་ཐབས་སྦྱོང་བ་དང་བརྗོད་བྱའི་ས་བོན་གསོག་པའི་ཐམས་ལམ་གལ་ཆེན་པོ་ཞིག་ཀྱང་ཡིན།
དེང་རབས་རིང་ལུགས་ཀྱི་རི་མོ།
དེང་རབས་རིང་ལུགས་རི་མོ་ནི་དུས་རབས20བའི་ཚུན་ལ་ཉེན་སྲུང་ཁྱད་ཆོས་ལྡན་པའི་སྲོལ་རྒྱུན་རིག་རྩལ་དང་ཁ་བྲལ་དུ་སོང་བའི་གྲུབ་མཐའ་འམ་བསམ་བློའི་འཕེལ་ཕྱོགས་ལ་གོ
དྭངས་གསལ་ཆུ་གྲོང་རི་མོ།
རི་མོ་དེ་ཀྲུང་གོའི་རི་མོའི་སྲོལ་རྒྱུན་གྱི་རིང་དྲིལ་རྣམ་པ་ཡིན་པ་དང་། གཙག་པ་དང་ཟང་ཐལ་གྱི་གཟུགས་འགོད་པའི་ཐབས་ཀྱིས་རྙོག་ཟིང་ཆེ་བའི་ལྗོངས་བཀོད་ཉིད་འགྱུར་བག་ཆེ་བའི་རི་མོའི་ངོས་གཞི་གཅིག་ཏུ་དྲིལ་ཡོད། རི་མོའི་ངོས་སུ་ཆ་ལུགས་དང་རྣམ་འགྱུར་མི་འདྲ་བའི་མི་སྣ500ལྷག་བྲིས་ཡོད་པ་དང་། དེ་དག་གིས་ལས་སྒོ་དང་སྟངས་སྟབས་སྣ་ཚོགས་སོགས་བྲིས་ཡོད་པ་རེད།
པཱ་རོ་ཁོ་སྒྱུ་རྩལ།
པ་རོ་ཁོ་ནི་སྤྱི་ལོ1600ནས་སྤྱི་ལོ1750ལོ་བར་ཡོ་རོབ་ནས་དར་རྒྱས་ཆེན་པོ་བྱུང་བའི་སྒྱུ་རྩལ་ཁྱད་ཆོས་ཤིག་ཡིན། དེ་ནི་ཆོས་ལུགས་བཅོས་བསྒྱུར་ལ་ངོ་རྒོལ་བྱེད་པའི་སྐབས་ཀྱི་དབྱི་ཐ་ལི་ནས་བྱུང་བ་ཡིན་ལ། འཕེལ་རྒྱས་དུས་སྐབས་ནི་ཡོ་རོབ་ཀྱི་ས་ཆ་མང་ཆེ་ཤོས་གནམ་བདག་ཆོས་ལུགས་ལ་དད་མོས་བྱེད་པའི་སྐབས་དང་། གནམ་བདག་ཆོས་ལུགས་ཀྱི་ཁྱབ་སྤེལ་དང་བསྟུན་པ་ཡིན། དེའི་ཤུགས་རྐྱེན་ནི་ལ་ཏེང་མེ་གླིང་དང་ཡ་གླིང་རྒྱལ་ཁབ་ཁག་ལས་ཆེ། པ་རོ་ཁོ་དེ་དུས་ཚོད་དང་བར་སྟོང་ཐད་ཤུགས་རྐྱེན་ཆེན་པོ་ལྡན་པའི་སྒྱུ་རྩལ་ཁྱད་ཆོས་ཞིག་ཡིན་པའི་ཆ་ནས། དེའི་དར་རྒྱས་སྐབས་དེའི་ཆོས་ལུགས་དང་འབྲེལ་བ་ཟབ་མོ་ཡོད་པ་རེད།
ཕོ་ཕུའུ་སྒྱུ་རྩལ།
ཕོ་ཕུའུ་སྒྱུ་རྩལ་ནི་ནུབ་ཕྱོགས་ཀྱི་དེང་རབས་རི་མོའི་བསམ་བློའི་རླབས་རྒྱུན་ཞིག་ཡིན་པ་དང་། དེ་ནི་དུས་རབས20པའི་ལོ་རབས50པར་དབྱིན་ཇི་རུ་ཐོག་མར་བྱུང་བ་དང་ལོ་རབས50བའི་དུས་དཀྱིལ་དུ་ཨ་རི་ནས་དར་རྒྱས་ཀྱི་རྩེར་སོན་པ་རེད།
བག་ཆགས་རིང་ལུགས་ཀྱི་རི་མོ།
བག་ཆགས་རིང་ལུགས་ནི་དུས་རབས19བའི་མཇུག་ཏུ་ཧྥ་རན་སེ་ནས་དར་བའི་སྒྱུ་རྩལ་བསམ་བློ་དང་གྲུབ་མཐའ་ཞིག་རེད། བག་ཆགས་རིང་ལུགས་ཀྱི་རི་མོ་བས་འོད་མདོག་གི་རྩ་བའི་རིགས་པ་ལྟར་རོ་མོའི་ཁ་དོག་ལ་བཟོ་བཅོས་གསར་བ་བྱས་ཏེ། སྲོལ་རྒྱུན་གྱི་རི་མོའི་ཁམ་མདོག་བརྟོལ་བ་དང་། གཞུང་ཕྱོགས་སློབ་གླིང་སྒྱུ་རྩལ་གྱི་དབང་བསྒྱུར་ལ་རྩ་བ་ནས་ངོ་རྒོལ་བྱེད་པ་ཡིན། དེ་རྗེས་སུ་ཧྥ་རན་སེ་ལྟེ་བར་གྱུར་པའི་ཡོ་རོབ་གླིང་གི་རི་མོའི་ལས་འགུལ་གྱི་འཕེལ་ཕྱོགས་གཙོ་བོར་གྱུར་བ་རེད།
བཤུ་བྲིས།
བཤུ་བྲིས་ལ་མ་དཔེར་བལྟས་ཏེ་འབྲི་བའམ་འགོད་པ་དང་། མ་དཔེའི་སྟེང་དུ་ཤོག་བུ་སྲབ་མོ་སྦྱར་ནས་འབྲི་བའམ་འགོད་པའི་ཐབས་གཉིས་ཡོད། སྒྲ་ཡངས་འཇུག་གི་སྒོ་ནས་བཤད་ན་བཤུ་བྲིས་ནི་རི་མོ་ཁོ་ནར་མ་ཁྱབ་པར་རྡོ་རིང་གི་ཡི་གེ་ལ་སོགས་ཀྱང་ཡོད་པ་རེད།
བེམ་གཟུགས་རི་མོ།
རི་མོའི་ངོས་སུ་མི་སྣ་དང་ཡུལ་ལྗོངས་མེད་པར་བཟའ་བཅའ་དང་། ཐབ་ཆས། སྔོ་ཚལ། ཤིང་ཏོག མེ་ཏོག དཔེ་དེབ། རོལ་ཆས། སྲོག་ཆགས་ཀྱི་དམར་དཔེ་ལ་སོགས་ཉིན་རྒྱུན་གྱི་བེམ་པོའི་གཟུགས་ཀྱི་ཉེར་སྤྱད་བྲི་བྱ་གཙོ་བོ་བྱེད་པའི་རི་མོ་ལ་གོ
མགྱོགས་བྲིས།
མགྱོགས་བྲིས་ཞེས་པ་ནི་དུས་ཡུན་ཐུང་ངུའི་ནང་དུ་ཞ་སྨྱུག་དང་ལྕགས་སྨྱུག སྤུ་སྨྱུག་གསུམ་ལ་སོགས་པའི་སྟབས་བདེའི་འབྲི་སྤྱད་སྤྱད་དེ་ཐིག་རིས་སླ་མོས（ཚོན་སྤྱད་པའང་ཡོད）བྲི་བྱའི་གཟུགས་ཀྱི་བཟོ་ལྟ་དང་སྟངས་སྟབས། ཉམས་འགྱུར་བཅས་རགས་བསྡུས་སུ་འགོད་པ་དེ་ལ་ཟེར།
མངོན་སུམ་རིང་ལུགས་ཀྱི་རི་མོ།
མངོན་སུམ་རིང་ལུགས་ནི་སྒྱུ་རྩལ་གྱི་ལས་འགུལ་ཞིག་ཡིན་པའི་ཆ་ནས་ཧྥ་རན་སེའི་སྤྱི་ལོ1848ལོའི་གསར་བརྗེ་དང་དུས་མཉམ་དུ་བྱུང་བ་རེད། དེའི་སྲོལ་འབྱེད་པོ་ནི་རི་མོ་བGཁོར་པེ་དང་རིགས་པའི་གཞུང་ལུགས་པ་ཞུང་ཧྥོ་ལའེ་གཉིས་ཡིན། སྤྱི་ལོ1855ལོར། ཁོར་པེ་ཡིས་རང་ཉིད་ཀྱི་རི་མོའི་བཤམས་སྟོན་བསྐོངས་ནས་མཛད་ཆོས་ཀྱི་དཀར་ཆག་གི་སྟེང་དུ་རང་ཉིད་ཀྱི་སྒྱུ་རྩལ་སྐོར་གྱི་ལྟ་བ་བཀོད་པ་ནི་ཁོར་པེའི་མངོན་སུམ་རིང་ལུགས་ཀྱི་བསྒྲགས་གཏམ་དུ་གྲགས།
མི་སྣའི་རི་མོ།
མི་སྣའི་རི་མོ་ནི་མི་སྣའི་བྱ་བྱེད་ཉིད་བྲི་བྱ་གཙོ་བོ་བྱས་པའི་ཀྲུང་གོའི་སྲོལ་རྒྱུན་རི་མོ་ལ་ཟེར། དེ་ཉིད་བརྗོད་བྱའི་སྒོ་ནས་མི་སྣ་དང་། ཆོས་པ། ཡུལ་གོམས། ལྷ་ལྕམ། དངོས་བྲིས་བཅས་སུ་དབྱེ་བ་དང་། འབྲི་ཐབས་ཀྱི་སྒོ་ནས་ཞིབ་བྲིས་དང་། མི་སྣའི་རི་མོ་ནི་ཀྲུང་གོའི་རོ་མོའི་རིག་ཚན་ཆེན་པོ་གསུམ་ལས་བྱུང་བའི་སྔ་ཤོས་ཡིན།
མེ་ཏོག་འདབ་ཆགས་རི་མོ།
མེ་ཏོག་འདབ་ཆགས་རི་མོ་ཞེས་པ་ནི་མེ་ཏོག་རྩི་ཤིང་དང་། རི་དྭགས་འདབ་ཆགས་དང་། ཆུ་སྐྱེས་སྲོག་ཆགས་བཅས་གཙོ་བོར་འབྲི་བའི་ཀྲུང་གོའི་སྲོལ་རྒྱུན་རི་མོ་ལ་ཟེར། རི་མོ་བས་ ཟུར་དང་ཤུགས་ནས་སྤྱི་ཚོགས་འཚོ་བ་དང་དུས་རབས་ཀྱི་སྙིང་སྟོབས་མཚོན་ཡོད་པ་རེད།
| རི་མོ། བརྡ་འགྲེལ 376 ཡོད། |