སའི་གོ་ལའི་ཤེས་བྱ།
སའི་གོ་ལའི་ཉིན་ཞག་གཅིག་གི་ཚད་དང་བྱེ་ཐང་གི་རྒྱ་ཁྱོན། ནང་གི་དྲོད་ཚད། བཞུར་ཆུའི་ཚེ་ཚད། འགྱུར་བ། འཁྱགས་རོམ། ནང་སྙིང་སོགས་རྒྱས་བཤད་བྱས་ཡོད།
འཛམ་གླིང་གི་སའི་གོ་ལའི་ཉིན་མོ།
མིའི་རིགས་ལ་སའི་གོ་ལ་གཅིག་པོ་འདི་མ་གཏོགས་མེད་པ་དང་། སའི་གོ་ལའི་སྟེང་གི་སྐྱེ་དངོས་ཡོད་ཚད་ང་ཚོའི་ཁྱིམ་ཚང་ཆེན་པོའི་ཁོངས་མི་ཡིན། རང་བྱུང་ལ་ཤ་ཚ་བ་དང་ཁོར་ཡུག་སྲུང་སྐྱོང་བྱེད་རྒྱུ་ནི་མི་ཚང་མའི་འགན་འཁྲི་ཡིན། ཁོར་ཡུག་གཏོར་བརླག་གཏོང་བ་ནི་མིའི་རིགས་ལ་ཉེས་སྐྱོན་བཟོ་བ་རང་ཡིན་པས། ད་ལྟ་ཉིད་ནས་ང་ཚོས་སོ་སོའི་ལག་ཟུང་ལ་བརྟེན་ནས་དེ་དག་འགྱུར་ལྡོག་གཏོང་དགོས།
ཡོམ་མཚུངས་ཐིག
ས་འགུལ་ཐེངས་གཅིག་ཁྲོད་ས་གཡོའི་དྲག་ཚད་འདྲ་མཚུངས་ས་གནས་ཁག་ལ་སྦྲེལ་བའི་ཐིག་དང་། ཡང་ན་ས་གཡོའི་དྲག་ཚད་ཁུལ་མི་འདྲ་བའི་འབྲེལ་མཚམས་ཐིག་སྟེ། ས་ཡོམ་ཐིག་ལ་དུས་རྒྱུན་དུ་ཁ་ཟུམ་འཁྱོག་ཐིག་ཟེར་ལ། དེ་ནི་ཡོམ་ལྟེ་བསྐོར་ནས་ལྟེ་བའི་མཚུངས་ཐིག་ཟླུམ་དབྱིབས་ལྟར་མངོན་ནས་ཁྱབ་པ་ཡིན།
ས་འགུལ་རྒྱུན་ཤེས།
ས་འགུལ་རྒྱུན་ཤེས་ནི་སའི་གོ་ལའི་ནང་གི་འགྱུར་ལྡོག་གི་དབང་གིས་བྱུང་བའི་ས་ཤུན་གྱི་གཡོ་འགུལ་ཏེ། ས་གཡོ་བའི་སྐབས་སུ་རང་ཉིད་དམ་མི་གཞན་ཇི་ལྟར་ཉེན་ཁ་ལས་སྐྱོབ་པའི་མན་ངག་ཅིག་གོ།
གཞུང་ཐིག
གཞུང་ཐིག་གམ་བྱི་རྟའི་གཞུང་ཐིག་ནི་སའི་གོ་ལ་ཡི་ལྷོ་སྣེ་དང་བྱང་སྣེ་མཉམ་དུ་སྦྲེལ་ཞིང་འཕྲེད་ཐིག་དང་དྲང་འཕྱང་དུ་གནས་པའི་ཐིག་ཅིག་ཡིན།
ས་ཡོམ་ཁྱབ་སྟངས།
དེང་དུས་ཚན་རིག་ལག་རྩལ་གྱི་འཕེལ་རྒྱས་མྱུར་བས། འགྲོ་བ་མིའི་རིགས་མཁའ་སྐྱོད་འཕུར་གྲུར་བསྡད་དེ་སྟོང་ཁམས་སུ་ཉུལ་བཞིན་ཡོད་མོད། སའི་གོ་ལའི་གཏིང་རིམ་ལ་ཕྱིན་ཏེ་གསལ་བོ་ཞིག་བལྟ་འདོད་པ་ནི་ད་དུང་རྨི་ལམ་ཙམ་དུ་ཟད་པ་རེད། མིའི་རིགས་ཀྱིས་ཚན་རིག་ལ་བརྟེན་ནས་སྟོང་སྨི10མན་དུ་གཏེར་ཁྲོན་རྩད་ཞིབ་བྱེད་པ་མངོན་པར་གྲུབ་ནའང་། སའི་གོ་ལའི་ཕྱི་ངོས་ཀྱི་རྒྱ་ཁྱོན་དང་ཚངས་ཕྱེད་ཤིན་ཏུ་ཆེ་བ་ལ་གཞིགས་ཏེ་བཤད་ན། སའི་གོ་ལའི་ནང་རོལ་གྱི་གྲུབ་ཚུལ་ལ་གསལ་བོར་བལྟ་འདོད་པ་ནི་ད་དུང་གླེང་བའི་གནས་སུ་འགྱུར་དཀའ་བ་ཞིག་ཏུ་སྣང་།
གནས་ཆེན་སྨན་མོ་བྲག་དཀར།
རྒྱལ་ཡུམ་བྱམས་མ་ཆེན་མོས་བྱིན་གྱིས་རློབས་པའི་གནས་མཆོག་སྔོན་ཚེ་དམུ་རྒྱལ་མགོན་པོ་གནས་འདིར་རྫུ་འཕྲུལ་ཞབས་ཀྱིས་བཅག་པ་དང་བར་དུ་རིག་འཛིན་ཡབ་སྲས་ཀྱིས་བྱིན་རླབས་བཀའ་རྟགས་བཞག་ལ། མདོར་ན་ངོ་མཚར་ཡིད་དུ་འོང་བའི་ཡུལ་ལྗོངས་འདིར་བོན་བན་གཉིས་ཀས་རང་རང་ལུགས་ལྟར་དད་པའི་ཕྱག་བསྐོར་བྱེད་ཅིང་། དེང་སྐབས་ནག་ཆུ་ས་ཁུལ་གྱི་གནས་རི་རྩ་ཆེན་དང་མ་འོངས་ཡུལ་བསྐོར་གྱི་རྟེན་གཞི་བཅས་རེད།
རང་རྒྱལ་གྱི་རང་བྱུང་ཁུལ་ཆེན་པོ་གསུམ།
རང་རྒྱལ་གྱི་རང་བྱུང་ཁམས་ཆེན་པོ་གསུམ་ནི་ཤར་ཕྱོགས་དུས་རླུང་ཁུལ་དང་ནུབ་བྱང་ཐན་སྐམ་དང་ཐན་སྐམ་ཕྱེད་ཙམ་གྱི་ས་ཁུལ། མདོ་དབུས་མཐོ་ལྷགས་ཁུལ་བཅས་ཡིན།
ཤར་ཕྱོགས་དུས་རླུང་ཁུལ།
ཤར་ཕྱོགས་དུས་རླུང་ཁུལ་གྱི་རྒྱབ་ཏུ་སྐམ་སའི་མཐོ་སྒང་ཡོད་ལ་མདུན་དུ་རྒྱ་མཚོ་ཆེན་པོ་ཡོད། དེར་ཐེམ་སྐས་རིམ་པ་གཉིས་པའི་ས་སེར་མཐོ་སྒང་དང་། སི་ཁྲོན་གཤོང་ས། ཡུན་ཀའེ་མཞོ་སྒང་བཅས་དང་། ཐེམ་སྐས་རིམ་པ་གསུམ་པའི་མཚོ་རྒྱུད་བདེ་ཐང་དང་རི་མ་ཐང་བཅས་འདུས་ཡོད། དེས་རྒྱལ་ཡོངས་ཀྱི་སྐམ་སའི་བརྒྱ་ཆའི45ཟིན་པ་དང་། རྒྱལ་ཡོངས་མི་གྲངས་ཀྱི་བརྒྱ་ཆའི95（སྤྱི་ལོ2004）ཟིན།
ནུབ་བྱང་ཐན་སྐམ་དང་ཐན་སྐམ་ཕྱེད་ཙམ་གྱི་ས་ཁུལ།
ནུབ་བྱང་ཐན་སྐམ་དང་ཐན་སྐམ་ཕྱེད་ཙམ་གྱི་ས་ཁུལ་ནི་གཙོ་བོ་སྐས་རིམ་གཉིས་པའི་སྟེང་གི་ནང་སོག་མཐོ་སྒང་དང་། ཐ་ལེ་མུའུ་གཤོང་ས། ཇུན་གར་གཤོང་ས་ལ་སོགས་པའི་ས་དབྱིབས་འདུས་ཤིང་། དེའི་རྒྱ་ཁྱོན་གྱིས་རྒྱལ་ཡོངས་སྐམ་སའི་རྒྱ་ཁྱོན་གྱི་བརྒྱ་ཆའི30ཟིན་ལ། མི་གྲངས་ཀྱིས་རྒྱལ་ཡོངས་མི་གྲངས་ཀྱི་བརྒྱ་ཆའི4ཙམ་མ་གཏོགས་ཟིན་མེད།
མདོ་དབུས་མཐོ་ལྷགས་ཁུལ།
མདོ་དབུས་མཐོ་ལྷགས་ཁུལ་ནི་རང་རྒྱལ་གྱི་ས་བབ་སྐས་རིམ་དང་པོར་གཏོགས་ཤིང་། དེས་རྒྱལ་ཡོངས་ཀྱི་སྐམ་སའི་རྒྱ་ཁྱོན་གྱི་བརྒྱ་ཆའི25ཟིན་ན་ཡང་། མི་གྲངས་ཀྱིས་རྒྱལ་ཡོངས་མི་གྲངས་ཀྱི་བརྒྱ་ཆའི1ཙམ་ལས་ཟིན་མེད།
རང་རྒྱལ་གྱི་དཔལ་འབྱོར་ས་རྒྱུད་གསུམ།
རང་རྒྱལ་གྱི་དཔལ་འབྱོར་ས་རྒྱུད་གསུམ་ནི་ཕལ་ཆེར་ཤར་རྒྱུད་དང་། དབུས་རྒྱུད། ནུབ་རྒྱུད་བཅས་དཔལ་འབྱོར་ས་ཁུལ་གསུམ་དུ་དབྱེ་ཆོག
ཤར་རྒྱུད་ས་ཁུལ།
ཤར་རྒྱུད་ས་ཁུལ་ནི་རང་རྒྱལ་གྱི་མཚོ་རྒྱུད་དུ་ཆགས་ཡོད་ལ། རང་རྒྱལ་གྱི་ས་རྒྱུད་ཆེན་པོ་གསུམ་ལས་རྨ་གཞིའི་སྒྲིག་ཆས་ལེགས་ཤིང་། གྲོང་ཁྱེར་ཅན་དུ་འགྱུར་བའི་ཆུ་ཚད་དང་ཚན་རྩལ་གྱི་ཆུ་ཚད་ཆེས་མཐོ་བའི་ས་རྒྱུད་ཅིག་ཡིན།
དབུས་རྒྱུད་ས་ཁུལ།
དབུས་རྒྱུད་ས་ཁུལ་ནི་ཀྲུང་གོའི་དཀྱིལ་དབུས་སུ་གནས་ཡོད་ཅིང་། ཤར་རྒྱུད་ཀྱི་དཔལ་འབྱོར་མུ་མཐུད་དུ་གོང་འཕེལ་དུ་འགྲོ་དགོས་ན་ངེས་པར་དུ་དབུས་རྒྱུད་ཀྱི་མ་བཅོས་རྒྱུ་ཆར་བརྟེན་དགོས་ཤིང་། དབུས་རྒྱུད་ལ་ཤར་རྒྱུད་དཔལ་འབྱོར་འཕེལ་རྒྱས་སུ་གཏོང་བའི་དགེ་མཚན་ཆེན་པོ་ལྡན།
ནུབ་རྒྱུད་ས་ཁུལ།
ནུབ་རྒྱུད་ས་ཁུལ་ནི་སྐམ་སའི་མཐའ་ཁུལ་དུ་གནས་ཤིང་། མང་ཤས་ནི་རང་རྒྱལ་གྱི་གྲངས་ཉུང་མི་རིགས་འདུས་སྡོད་ས་ཁུལ་ཡིན། ཞིང་ཆེན་མང་ཤོས་མཐའ་མཚམས་སུ་གནས་པ་དང་། རང་རྒྱལ་གྱི་བརྒྱ་ཆའི70ཡི་མཐའ་མཚམས་ཐིག་དེ་རུ་ཡོད།
ཚོར་འདྲེན་འཕྲུལ་ཆས།
ཚོར་འདྲེན་འཕྲུལ་ཆས་ནི་མིའི་མིག་ཤེས་ཀྱི་ཚོར་བ་ཇེ་གསལ་དུ་གཏོང་བའི་དཔྱད་ཆས་ཤིག་ཡིན་པ་དང་། མཁའ་འགྲུལ་ཡོ་བྱད་དམ་འཇིག་རྟེན་འཕུར་སྐྱོད་འཕྲུལ་ཆས་སྟེང་དུ་དེས་ས་ཐོག་གི་དངོས་གཟུགས་ལས་ལྡོག་འཕྲོའམ་ཁྱབ་འགྱེད་བྱས་པའི་གློག་ཁབ་ལེན་རླབས་ཀྱི་བརྡ་འཕྲིན་བསྡུ་ལེན་བྱེད་པ་མ་ཟད། འདྲ་པར་སྦྱིན་ཤོག་གམ་ཡང་ན་གཞི་འཛིན་གྲངས་ཀྱི་སྒྲ་ཕབ་སྦྱིན་ཤོག་སྟེང་དུ་ཟིན་ཐོ་བཀོད་དེ། ས་ཐོག་གི་སྡུད་ལེན་ས་ཚིགས་སུ་གཏོང་བ་ཡིན།
ས་རྒྱུས་བརྡ་འཕྲིན་མ་ལག
ས་རྒྱུས་བར་སྟོང་གི་གཞི་འཛིན་གྲངས་ཁོ་ན་ལེགས་སྒྲིག་བྱེད་པའི་རྩིས་འཁོར་མ་ལག་ལ་ས་རྒྱུས་བརྡ་འཕྲིན་མ་ལག་ཟེར་བ་དང་། བསྡུས་མིང་ལGISཟེར།
གོ་ལ་ཧྲིལ་བོའི་གནས་ཁེལ་མ་ལག
འཁོར་སྐར་ལ་བརྟེན་ནས་འཛམ་གླིང་ཡོངས་སུ་དུས་འོས་འཚམ་ཞིག་ཏུ་ཕྱོགས་སྟོན་དང་གནས་གཏན་ཁེལ་བྱེད་པའི་མ་ལག་ལ་གོ་ལ་ཧྲིལ་བོའི་གནས་གཏན་ཁེལ་མ་ལག་ཟེར་བ་དང་། དེའི་བསྡུས་མིང་ལGPSཟེར།
བྱང་ཤར་ཁུལ།
བྱང་ཤར་ཁུལ་དུ་ཧེ་ལུང་ཅང་དང་ཅི་ལིན། ལིའོ་ཉིང་བཅས་ཞིང་ཆེན་གསུམ་དང་ནང་སོག་རང་སྐྱོང་ལྗོངས་ཀྱི་ཤར་རྒྱུད་བཅས་འདུས་ལ། རང་བྱུང་ས་ཁོངས་ཀྱི་ཁག་ཆ་ཚང་བ་དང་ཐོན་ཁུངས་ཕུན་སུམ་ཚོགས་པ། ནང་ཁུལ་གྱི་དཔལ་འབྱོར་འབྲེལ་བ་དམ་པོ་ཡིན་པའི་ས་ཁུལ་ཞིག་ཡིན།
དབུས་ཕྱོགས་བདེ་ཐང་།
དབུས་ཕྱོགས་བདེ་ཐང་ནི་རྨ་ཆུའི་སྨད་རྒྱུད་དུ་ཡོད་ཅིང་། རྨ་ཆུ་དང་ཧའེ་ཧོ་ཆུ་བོ། ཧོའེ་ཧོ་ཆུ་བོ་སོགས་བྱེ་མ་འདུས་ཚད་མཐོ་བའི་ཆུ་བོས་མཉམ་དུ་རྡེག་སྤུངས་བྱས་ནས་ཆགས་པས་རྨ་ཧོའེ་ཧའེ་གསུམ་བདེ་ཐང་ཡང་ཟེར།
བྱང་ཤར་ས་ནག་ཁུལ།
ས་ནག་ནི་བྱང་ཤར་ས་ཁུལ་གྱི་ཐོན་སྐྱེན་ནུས་ཤུགས་ཅུང་ཆེ་བའི་ས་རྒྱུ་རིགས་ཤིག་ཡིན་མོད། འོན་ཀྱང་བྱང་ཤར་གྱི་སའི་ཐོན་ཁུངས་གསར་སྤེལ་བྱེད་པའི་བརྒྱུད་རིམ་ཁྲོད་དུ། གནད་དོན་མི་འདྲ་བ་ཡོད་པ་ཡིན།
བྱང་ཤར་ན་ཐང་ཁུལ།
ཧེ་ལུང་ཅང་ཞིང་ཆེན་གྱི་བྱང་ཤར་ས་ཁུལ་དུ་ཡོད་པའི་གཙང་བོ་གསུམ་གྱི་བདེ་ཐང་ནི་ཧེ་ལུང་ཅང་གཙང་བོ་དང་སུང་ཧྭ་གཙང་བོ། ཝུ་སུའུ་ལི་གཙང་བོ་བཅས་ཀྱིས་རྡེག་སྤུངས་བྱས་ཏེ་གྲུབ་པའི་བདེ་ཐང་དམའ་མོ་ཞིག་ཡིན་ཞིང་། ཀྲུང་གོའི་རྒྱ་ཁྱོན་ཆེས་ཆེ་བའི་ན་ཐང་ས་ཁུལ་ཡིན།
ཚོང་འབྲུའི་རྟེན་གཞི།
བྱང་ཤར་ས་ཁུལ་ནི་རྒྱལ་ཡོངས་ཀྱི་ཅུང་བརྟན་འཇགས་ཡིན་པའི་ཚོང་འབྲུའི་རྟེན་གཞི་ཡིན་ལ། ལོ་རེར་རྒྱལ་ཁབ་ལ་ཚོང་འབྲུ་ཏུན་ཁྲི་ཚོ་མང་པོ་འདོན་སྤྲོད་བྱེད་བཞིན་ཡོད་པ་དང་། རང་རྒྱལ་གྱི་ཚོང་འབྲུའི་རྟེན་གཞི་ཆེས་ཆེ་བ་ཡིན།
ཡོམ་ལྟེ།
ཡོམ་ཁུངས་ནི་ས་ངོས་ཀྱི་གྲིབ་གཟུགས་ཕོག་སར་ཡོད་ཅིང་། ཡོམ་ལྟེ་ནི་ས་ཁོངས་ངེས་ཅན་ཞིག་ལས་ཚེག་ཅིག་ལ་གོ་དགོས་པ་མིན།
མི་འབོར་ས་ཁམས་རིག་པ།
མི་འབོར་ས་ཁམས་རིག་པ་ནི་མི་ཆོས་ས་ཁམས་རིག་པའི་ཁྲོད་ཀྱི་ཡན་ལག་གི་རིག་ཚན་གསར་བའི་གྲས་ཤིག་ཡིན་པ་དང་། ས་ཁམས་རིག་པ་དང་། མི་འབོར་རིག་པ། སྤྱི་ཚོགས་རིག་པ། དཔལ་འབྱོར་རིག་པ། ལོ་རྒྱུས་རིག་པ་སོགས་ཀྱི་རིག་ཚན་བར་གྱི་མཐའ་མཚམས་རིག་ཚན་ཞིག་ཡིན་ལ། ལོ་རྒྱུས་ཀྱི་ཆ་རྐྱེན་ངེས་ཅན་འོག་མི་འབོར་ཁྱབ་ཚུལ་དང་། མི་འབོར་གྲུབ་ཚུལ། མི་འབོར་འགྱུར་ལྡོག་དང་མི་འབོར་འཕར་བའི་བར་སྟོང་གི་འགྱུར་ལྡོག་དང་། དེ་བཞིན་རང་བྱུང་ཁོར་ཡུག་དང་སྤྱི་ཚོགས་དཔལ་འབྱོར་ཁོར་ཡུག་གི་འབྲེལ་བའི་བར་གྱི་རིག་ཚན་ཞིག་ཡིན། དེས་མི་འབོར་གྱི་གྲངས་དང་སྤུས་ཚད། མི་འབོར་འཕར་ཚད་དང་མི་འབོར་གྱི་སྒྲིག་གཞིའི་བར་སྟོང་གི་བར་ཁྱད་དང་། ས་ཁམས་ཁོར་ཡུག་གཅིག་གི་ཕན་ཚུན་གྱི་འབྲེལ་བར་ཞིབ་འཇུག་བྱེད་པའི་རིག་ཚན་ཞིག་ཡིན། ས་ཁམས་རིག་པ་དང་དཔལ་འབྱོར་རིག་པ། སྤྱི་ཚོགས་རིག་པ། ལོ་རྒྱུས་རིག་པ། སྐྱེ་ཁམས་རིག་པ་དང་དེ་བཞིན་མི་འབོར་རིག་པ་སོགས་མི་འབོར་གྱི་གནད་དོན་ལ་དོ་སྣང་བྱེད་པའི་རིག་ཚན་བར་ཕུན་ཚུན་འབྲེལ་ནས་ཡོད་ཀྱང་། མི་འབོར་སྣང་ཚུལ་གྱི་བར་སྟོང་གི་འགྱུར་བ་དེ་མཐའ་གཅིག་ཏུ་ས་ཁམས་རིག་པའི་མི་འབོར་ཞིབ་འཇུག་གི་གཙོ་གནད་དུ་ཆགས་ཡོད། མི་འབོར་དང་ས་ཁམས་རིག་པར་ཕྱོགས་བསྡུས་རང་བཞིན་དང་ས་ཁོངས་རང་བཞིན་གྱི་ཁྱད་ཆོས་ལྡན་ཡོད།
རྒྱ་མཚོའི་ངོས་ལས་མཐོ་ཚད།
དེ་ནི་ས་ངོས་ཀྱི་གནས་ཤིག་མཚོ་ངོས་ལས་མཐོ་བའི་དྲང་འཕྱང་བར་ཐག་ལ་ཟེར་ཞིང་། ས་ཆ་ག་གེ་མོ་ཞིག་དང་མཚོ་འཕགས་ཀྱི་བར་ཁྱད་ཡིན་ལ། སྤྱིར་བཏང་དུ་ཆ་སྙོམས་ཀྱི་རྒྱ་མཚོའི་ངོས་ཚད་ལྟར་རྩིས་རྒྱག་པ་ཡིན། རྒྱ་མཚོའི་ངོས་ལས་མཐོ་ཚད་ཀྱི་ཐིག་གནས་སམ་ཆུ་ཚད་ཐིག་གནས་ཟེར་བ་དང་། དེ་ནི་མཚོ་འགྲམ་གྱི་ས་ཆ་ག་གེ་མོའི་ཆ་སྙོམས་ཀྱི་མཚོ་ངོས་ཡིན་ཞིང་། དེ་ནི་ས་གནས་དེ་གའི་རླབས་ཚད་འཇལ་ས་ཚིགས་ཀྱི་ལོ་མང་རིང་གི་ཟིན་ཐོ་གཞིར་བཟུང་སྟེ་མཚོ་ངོས་ཀྱི་གནས་ཡུལ་ཆ་སྙོམས་བྱས་ནས་ཐོབ་པ་ཡིན།
ས་བབ་མཐོ་ཚད།
མཚོ་ངོས་ལས་མཐོ་ཚད་ལ་ལྟོས་མེད་མཐོ་ཚད་ཀྱང་ཟེར་ཞིང་། དེ་ནི་ས་གནས་ཤིག་དང་རྒྱ་མཚོའི་ངོས་ཀྱི་མཐོ་ཚད་ཀྱི་ཁྱད་པར་ཡིན། དུས་རྒྱུན་ཆ་སྙོམས་ཀྱི་མཚོ་ངོས་ཚད་གཞི་བྱས་ནས་རྩིས་བརྒྱབ་ན། ས་ངོས་ཀྱི་ས་གནས་ཤིག་མཚོ་ངོས་ལས་མཐོ་བའི་དྲང་འཕྱང་གི་བར་ཐག་ཡིན། མཚོ་ངོས་ལས་མཐོ་ཚད་ཀྱི་མགོ་བརྩམས་ས་ལ་མཚོ་ངོས་ལས་མཐོ་ཚད་ཐིག་གནས་དང་ཡང་ན་ཆུ་ཚད་ཐིག་གནས་ཟེར་ལ། དེ་ནི་མཚོ་འགྲམ་ག་གེ་མོའི་ཆ་སྙོམས་ཀྱི་མཚོ་ངོས་ཡིན་ཞིང་། ས་གནས་དེ་གའི་རླབས་ཚད་འཇལ་ས་ཚིགས་ཀྱི་ལོ་མང་རིང་གི་ཟིན་ཐོ་གཞིར་བཟུང་ནས་མཚོ་ངོས་ཀྱི་གནས་ཡུལ་ཆ་སྙོམས་བྱས་ནས་ཐོབ་པ་ཡིན།
མཚོ་སྙོམ་ཐིག་གནས།
རྒྱ་མཚོའི་ངོས་ལས་མཐོ་ཚད་ཀྱི་ཐིག་གནས་ནི་རྒྱ་མཚོའི་ངོས་ལས་མཐོ་ཚད་ཀྱི་མགོ་འཛུགས་ས་ཡིན་ལ། རྒྱ་མཚོའི་ངོས་ལས་མཐོ་ཚད་ཚོད་རྩིས་བྱེད་པའི་གཞི་འཛིན་ས་ཡང་ཡིན། མཚོ་འགྲམ་གྱི་ས་གནས་ཤིག་གི་ཆ་སྙོམས་རྒྱ་མཚོའི་ངོས་ལ་ཟེར་བ་དང་། དེ་ནི་ས་གནས་དེ་གའི་རླབས་ཚད་འཇལ་ས་ཚིགས་ཀྱི་ལོ་མང་རིང་གི་ཟིན་ཐོ་གཞིར་བཟུང་ནས་མཚོ་ངོས་ཀྱི་གནས་ཡུལ་ཆ་སྙོམས་བྱས་ནས་ཐོབ་པ་ཡིན།
རྒྱ་མཚོའི་ངོས་ལས་མཐོ་ཚད་ཆེས་མཐོ་ཤོས་ཀྱི་གྲོང་ཁྱེར།
རྒྱ་མཚོའི་ངོས་ལས་མཐོ་ཚད་ཆེས་མཐོ་ཤོས་ཀྱི་གྲོང་ཁྱེར་ཆེ་ཤོས་ནི་སུའུ་ཁུ་ལེ་ཟེར་བའི་གྲོང་ཁྱེར་ཆུང་ཆུང་ཞིག་ཡིན་པ་རེད།
| ས་རྒྱུས། བརྡ་འགྲེལ 324 ཡོད། |