ཅི་ཏིས་མཱ་ཅ།
ཁོང་ནི་ལྷོ་ནུབ་མི་རིགས་སློབ་གླིང་རྒྱའི་སྐད་ཡིག་སྡེ་ཁག་གི་རྒྱའི་སྐད་ཡིག་དང་རྩོམ་རིག་ཆེད་ལས་སྦྱངས་ནས་མཐར་ཕྱིན། སློབ་ཆེན་གྱི་སློབ་གཉེར་བརྒྱུད་རིམ་ལྡན། ད་ལྟ་ཀྲུང་གུང་མཚོ་སྔོན་ཞིང་ཆེན་ཏང་ཨུའི་རྒྱུན་ཨུ་དང་། ཞིང་ཆེན་དྲིལ་སྒྲོག་པུའུ་པུའུ་ཀྲང་གི་འགན་བཞེས་ཡོད།
བསྟན་འཛིན།
ཁོང་ནི་ཧྥུ་ཏན་སློབ་ཆེན་གསར་འགྱུར་སྡེ་ཁག་གསར་འགྱུར་ཆེད་ལས་སྦྱངས་ནས་མཐར་ཕྱིན། སློབ་ཆེན་གྱི་སློབ་གཉེར་བརྒྱུད་རིམ་ལྡན། ད་ལྟ་ཀྲུང་གོ་རྩོམ་རིག་ལྷན་ཚོགས་ཀྱི་ཀྲུའུ་ཞི་གཞོན་པའི་འགན་བཞེས་ཡོད། ཀྲུང་གོ་རྩོམ་པ་པོ་མཐུན་ཚོགས་ཀྱི་ཀྲུའུ་ཞི་གཞོན་པའི་འགན་བཞེས་མྱོང་།
ཀླུ་སྒྲོན།
སྤྱི་ལོ2005ལོར་མཚོ་སྔོན་བརྙན་འཕྲིན་ཁང་དུ་བྱ་བ་གཉེར་པ་ནས་བཟུང་། ད་བར་དུ《མཚོ་སྔོན་བོད་སྐད་གསར་འགྱུར་མཉམ་སྒྲོག》གི་སྙན་སྒྲོན་པ་དང《ཀྲུང་དབྱང་གསར་འགྱུར་མཉམ་སྒྲོག》གི་བོད་སྐད་ཀྱི་སྙན་སྒྲོན་པའི་བྱ་བ་སྒྲུབ་བཞིན་ཡོད།
དཔའ་བརྟན་རྒྱལ།
སྤྱི་ལོ2003ལོར་མཚོ་སྔོན་མི་རིགས་སློབ་ཆེན་ནས་སློབ་མཐར་ཕྱིན། ད་ལྟ་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་གྱི་རྒྱང་སྒྲོག་པ་དང་མདོ་འཛིན་པའི་ལས་ཀ་གཉེར་བཞིན་ཡོད།
གཉའ་ཟླ་བ་བློ་གྲོས་རྒྱལ་མཚན།
ཁོང་ནི་སྤྱི་ལོ1950ལོར་མཚོ་སྔོན་ཞིང་ཆེན་མཚོ་ཤར་ས་ཁུལ་བཱ་ཡན་རྫོང་རྩ་བ་ཡུལ་ཚོའི་གཉའ་ཚང་ཞེས་པའི་བོན་ཁྱིམ་གྲགས་ཅན་ཞིག་ཏུ་སྐྱེས། སྤྱི་ལོ1971ལོ་ནས1974ལོའི་བར་ཀྲུང་དབྱང་མི་རིགས་སློབ་གྲྭ་ཆེན་མོར་སློབ་གཉེར་མཛད་པ་དང་། 1983ལོར་ནུབ་བྱང་མི་རིགས་སློབ་གྲྭ་ཆེན་མོའི་གྲངས་ཉུང་མི་རིགས་སྐད་ཡིག་ཚན་ཁག་གི་བོད་ཡིག་རབ་འབྱམས་ཞིབ་འཇུག་སློབ་མ་མཐར་ཕྱིན། སྤྱི་ལོ1996ལོའི་ཟླ12པར་མཚོ་སྔོན་མི་རིགས་དཔེ་སྐྲུན་ཁང་གི་རེ་ཞུས་ལྟར་བྱ་བའི་ལས་གནས་དེ་གར་སྤོས་ཏེ་ད་ལྟའི་བར་དུ《སྦྲང་ཆར》དུས་དེབ་ཀྱི་གཙོ་སྒྲིག་པ་དང་ཞུས་ཆེན་གཞོན་པའི་འགན་བཞེས་ཡོད།
ཀརྨ་བསམ་འགྲུབ།
བོད་ཀྱི་ཡིག་མཁན་ཀརྨ་བསམ་འགྲུབ་བམ་སྙུག་མིང་ལ་བོད་སྙུག་ཅེས་འབོད་པའི་ཁོང་ནི།ཀརྨ་དགོན་ཀརྨ་བཤད་སྒྲུབ་སོགས་མདོ་དབུས་ཁམས་གསུམ་གྱི་མཁས་པ་གང་མང་ཞིག་གི་མདུན་དུ་ཡུན་རིང་མཛུབ་ཁྲིད་ཞུས་ནས་སྦྱང་བ་མཛད། ལཉྫ་དང་ཝརྟུ། དབུ་ཅན། ཡིག་གསར་རྙིང་གི་མཛེས་རྩལ་སྣ་ཚོགས་སོགས་ལ་མངའ་མཉེས་ཤིང་ཁྱད་པར་དུ་བོད་ཀྱི་རྩ་བའི་ཡི་གེ་དྲུག་ལ་སྦྱང་བ་ཕུལ་དུ་སོན་ཡོད་པ་རེད།
གླང་མདུན་དཔལ་འབྱོར།
ཁོང་ནི་སྤྱི་ལོ1941ལོར་ལྷ་སའི་སྐུ་དྲག་གི་ཁྱིམ་ཚང་ཞིག་ཏུ་སྐྱེས། ཆུང་ངུའི་དུས་སུ་རྒྱ་གར་དུ་ཕྱིན་ནས་དབྱིན་ཇིའི་ཡི་གེ་སྦྱངས། སྤྱི་ལོ1979ལོ་ནས་བཟུང་གསར་རྩོམ་གྱི་ལས་ལ་ཞུགས། ཁོང་ནི་བོད་ཀྱི་རིག་གཞུང་མཁས་པ་དང་སྒྲུང་གཏམ་རྩོམ་པ་པོ་གྲགས་ཅན་ཞིག་ཡིན། ཁོང་སྤྱི་ལོ2013ལོའི་ཟླ11པའི་ཚེས28ཉིན་གྲོང་ཁྱེར་ལྷ་ས་རུ་སྐུ་གཤེགས།
ཀུན་ཐར།
ལྷ་རིས་པ་ཀུན་ཐར་ནི་བོད་བརྒྱུད་ནང་བསྟན་གྱི་མཛེས་རྩལ་སྲོལ་རྒྱུན་གྱི་རྨང་མཐུག་ཅིང་རེབ་གོང་སྒྱུ་རྩལ་གྱི་ཕ་སར་གྲགས་པ་རུ་སྐྱེས་པའི་བོད་ཀྱི་ལྷ་རིས་པ་གྲགས་ཅན་ཞིག་ཡིན་པ་དང་། ཁོས་ལོ་མང་པོའི་སྦྱོང་བརྡར་བརྒྱུད་ནས། འབྲི་ཚུལ་དང་། ཐབས་རྩལ་ཉིན་བཞིན་ཡར་རྒྱས་ཕྱིན་ཏེ། པིར་ཁ་ལྷ་ཡིས་བསྒྱུར་བ་བཞིན་ཐང་ག་དང་ལྡེར་སྐུའི་ཚོན་རིས་མཛེས་ཤིང་གསོན་ཉམས་ལྡན་པས་མཚན་སྙན་འབྲུག་ལྟར་ལྡིར་གྱིན་ཡོད་ཅིང་། ད་ལྟ་ཁོང་གིས་རེབ་གོང་སྒྱུ་རྩལ་ཁང་དུ་བྱ་བ་གཉེར་བཞིན་མཆིས་ཤིང་། མཚོ་སྔོན་ཞིང་ཆེན་མཛེས་རྩལ་མཐུན་ཚོགས་ཀྱི་ཚོགས་མི་དང་། མཚོ་སྔོན་ཞིང་ཆེན་ཆེད་ལས་ལག་རྩལ་འཇོན་མིར་བདམས་ཡོད།
དཀོན་ལོ།
ཁོང་གི་མིང་གཞན་ལ་དཀོན་མཆོག་སྒྲ་དབྱངས་རྒྱ་མཚོ་ཟེར། སྤྱི་ལོ1957ལོར་མདོ་སྨད་ཀན་སུའུ་ཞིང་ཆེན་ཀན་ལྷོ་ཁུལ་གྱི་བསང་ཆུ་རྫོང་ཀླུ་གྲགས་སྡེ་བ་རུ་སྐྱེས། སྤྱི་ལོ1978ལོར་ནུབ་བྱང་མི་རིགས་སློབ་གླིང་གི་གྲངས་ཉུང་མི་རིགས་སྐད་ཡིག་སྡེ་ཁག་ནས་སློབ་མཐར་ཕྱིན། ད་ལྟ་ཀན་ལྷོ་ཁུལ་གྱི《ཟླ་ཟེར》རྩོམ་སྒྲིག་ཁང་གི་ཀྲུའུ་རེན་གཞོན་པ་དང་གཙོ་སྒྲིག་པ་གཞོན་པ་སོགས་ཀྱི་འགན་ཁུར་ཡོད།
དབང་ཆེན་ལྷ་མོ།
སྤྱི་ལོ1983ལོར་སི་ཁྲོན་ཞིང་ཆེན་དཀར་མཛེས་ཁུལ་དཀར་མཛེས་རྫོང་དུ་སྐྱེས། སྤྱི་ལོ2009ལོ་ནས་ཁམས་པའི་བརྙན་འཕྲིན་ཁང་གི་ཁམས་པའི་དགའ་ཚལ་གྱི་མདོ་འཛིན་པ་བྱས།
དོན་གྲུབ་རྒྱལ།
ཁོང་ནི་དེང་རབས་བོད་ཀྱི་རྩོམ་རིག་གི་མཁའ་དབྱིངས་སུ་རྟག་ཏུ་འཚེར་བའི་སྐར་མ་འོད་ཆེན་ཞིག་ཡིན་ཞིང་། ཁོང་གི་མི་ཚེའི་བརྒྱུད་རིམ་དང་བློ་གྲོས་ཀྱི་རྩལ་ནི་ཧ་ཅང་ཐུན་མོང་མ་ཡིན་པ་ཞིག་ཡིན་ལ། དེ་བཞིན་དུ་ཁོང་གི་རྩོམ་རིག་བརྩམས་ཆོས་ལའང་གསར་གཏོད་ཀྱི་རང་བཞིན་དང་ཐུན་མོང་མ་ཡིན་པའི་ཁྱད་ཆོས་ལྡན་པས། རིག་གཞུང་ཞིབ་འཇུག་ཐད་གྲུབ་འབྲས་མངོན་གསལ་བླངས་ཤིང་། བོད་ཀྱི་དེང་རབས་རྩོམ་རིག་གི་གར་སྟེགས་སྟེང་གསར་རྩོམ་གྱི་གར་སྟབས་ཐུན་མོང་མ་ཡིན་པ་ཞིག་བསྒྱུར་བ་དང་། ཁོའི་ཤིན་ཏུ་ཐུང་བའི་མི་ཚེའི་ཤོག་བྱང་ངོས་སུ་ཕུལ་དུ་བྱུང་བའི་རྩོམ་རིག་གི་གྲུབ་འབྲས་བླ་མེད་བསྐྲུན་ཡོད།
ཀུན་བཟང་རྒྱལ་མཚན།
ཀུན་བཟང་རྒྱལ་མཚན་ནི་བོད་ཀྱི་གཞོན་སྐྱེས་ལྷ་རིས་པ་ཅུང་ཁྱད་དུ་འཕགས་པ་ཞིག་ཡིན་ཞིང་། ཁོའི་རི་མོའི་བརྩམས་ཆོས་དག་ལ་རྒྱབ་ཁབ་ཕྱི་ནང་གི་བྱ་དགའ་ཐོབ་མྱོང་བ་མ་ཟད། ཁོ་ནི་རྩོམ་རིག་ལ་དགའ་མཁན་ཞིག་ཡིན་པས་དཔྱད་རྩོམ་རྩོམ་འབྲིའི་ལས་ཀའང་ཞོར་དུ་གཉེར་བཞིན་པ་ཞིག་ཡིན།
ནོར་བུ་མཚོ།
སྤྱི་ལོ2003ལོར་ནུབ་བྱང་མི་རིགས་སློབ་གྲྭ་ཆེན་མོའི་བོད་སྐད་ཡིག་སྡེ་ཁག་ནས་སློབ་མཐར་ཕྱིན་རྗེས། མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དུ་མདོ་འཛིན་གྱི་བྱ་བ་གཉེར།
དོར་ཞི།
ཁོང་གི་མཚན་ལ་དོར་ཞི་བློ་བཟང་ཐུབ་བསྟན་ཆོས་འཕེལ་ལམ་དོར་ཞི་གདོང་དྲུག་སྙེམས་པའི་བློ་ལྡན་ཞུ་ཞིང་སྤྱི་ལོ1935ལོར་ཀན་སུའུ་དཔའ་རིས་སུ་འཁྲུངས། ད་ལྟ་ནུབ་བྱང་མི་རིགས་སློབ་གྲྭ་ཆེན་མོའི་བོད་སྐད་ཡིག་རིག་གནས་སློབ་གླིང་གི་དགེ་རྒན་ཆེན་མོ་དང་འབུམ་རམས་པའི་ཁྲིད་སྟོན་དགེ་རྒན་ཆེན་མོ་ཡིན།
ཕག་མོ་རྡོ་རྗེ།
སྤྱི་ལོ1975ལོའི་ཟླ5པར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གསེར་ཆེན་རྫོང་དུ་སྐྱེས། སྤྱི་ལོ2003ལོ་ནས་བཟུང་མཚོ་སྔོན་བོད་སྐད་བརྙན་འཕྲིན་གྱི་མདོ་འཛིན་པའི་ལས་གནས་ལ་ཞུགས།
ནག་པོ་སྐལ་བཟང་།
ཁོང་ནི་སྤྱི་ལོ1955ལོར་མཚོ་སྔོན་ཞིང་ཆེན་རྨ་ལྷོ་ཁུལ་རེབ་གོང་ཡུལ་དུ་སྐྱེས་ཤིང་། ཆུང་དུས་ནས་བོད་དང་རྒྱའི་སློབ་གྲྭར་འགྲིམས། སྤྱི་ལོ1982ལོར་མཚོ་སྔོན་མི་རིགས་སློབ་གྲྭ་ཆེན་མོ་ནས་སློབ་མཐར་ཕྱིན་པ་ནས་བཟུང་། མཚོ་སྔོན་མི་རིགས་དཔེ་སྐྲུན་ཁང་ན་རྩོམ་སྒྲིག་པའི་ལས་ཀ་གཉེར་སྒྲུབ་བྱེད་བཞིན་ཡོད།
ཀུན་བཟང་དོན་གྲུབ།
མཚོ་སྔོན་ཞིང་ཆེན་མཚོ་ལྷོ་ཁུལ་མི་རིགས་མཐོ་འབྲིང་དང་པོའི་དགེ་རྒན་ཡིན། 《སྦྲང་ཆར》གཙོ་བྱས་པའི་དུས་དེབ་དང་ཚགས་པར་སོགས་སུ་བརྩམས་ཆོས་མང་ཙམ་སྤེལ་ལ། འབྲས་བུ་ཡང་མི་དམན་པ་བླངས།
བཀྲ་ཤིས་དབང་ཕྱུག
ཁོང་ནི་སྤྱི་ལོ1990ལོར་ཀྲུང་དབྱང་མི་རིགས་སློབ་ཆེན་གྱི་བོད་རིག་པའི་སྡེ་ཁག་ནས་སློབ་མཐར་ཕྱིན། སྔ་རྗེས་སུ་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དང་བོད་སྐད་བརྙན་འཕྲིན་གཉིས་སུ་སྙན་སྒྲོན་པ་དང་མདོ་འཛིན་པ། རྩོམ་སྒྲིག་པ་སོགས་ཀྱི་བྱ་བ་བསྒྲུབས།
ནོར་བུ་ཚེ་རིང་།
ཁོང་ནི་སྤྱི་ལོ1962ལོར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་དུ་སྐྱེས། སྤྱི་ལོ1986ལོར་མཚོ་སྔོན་མི་རིགས་སློབ་གྲྭ་ཆེན་མོའི་བོད་ཡིག་སྡེ་ཁག་ནས་མཐར་ཕྱིན་རྗེས་ལས་བགོས་ལྟར《མཚོ་སྔོན་སློབ་གསོ》རྩོམ་སྒྲིག་ཁང་དུ་རྩོམ་སྒྲིག་གི་བྱ་བ་གཉེར། ཁོང་ནི་བོན་གྱི་ཞིབ་འཇུག་པ་དང་དུས་དེབ་རྩོམ་སྒྲིག་པ་ཡིན།
གདུགས་དཀར།
ལྷ་རིས་པ་གདུགས་དཀར་ནི། མི་གཤིས་དྲང་ལ་ལྷ་རིས་འབྲི་རྩལ་ཁྱད་དུ་འཕགས་ལ། བྲིས་པའི་ཐང་གར་ཞིབ་ཚགས་ལྡན་པ་ཞིག་ཡིན་ཞིང་། ཁོས་ལོ་ངོ་ལྔ་བཅུའི་རེབ་གོང་ལྷ་རིས་སྒྱུ་རྩལ་གྱི་ལག་ལེན་ཁྲོད་ཁོས་རང་གི་དད་པ་དང་དུངས་ཞེན་གྱིས་རེབ་གོང་ལྷ་རིས་སྒྱུ་རྩལ་ཉམས་པ་སླར་གསོ་དང་མི་ཉམས་གོང་སྤེལ་ཐད་ལ་རང་གི་ནུས་ཤུགས་ཡོད་ཚད་བཏོན་ཡོད་པ་དང་། ཁོ་ལ་ཞིང་ཆེན་རིག་གནས་ཐིན་སོགས་འབྲེལ་ཡོད་སྡེ་ཁག་ནས་ཞིང་ཆེན་རིམ་པའི་མཛེས་རྩལ་སློབ་དཔོན་ཆེན་མོ་དང་། རྒྱལ་ཁབ་རིམ་པའི་མཛེས་རྩལ་སློབ་དཔོན་ཆེན་མོའི་མཚན་སྙན་ཐོབ་ཡོད།
བཀྲ་བྷ།
ཁོང་སྤྱི་ལོ1963ལོར་མཚོ་སྔོན་ཞིང་ཆེན་མཚོ་ལྷོ་ཁུལ་གུང་ཧོ་རྫོང་གི་རོང་མ་འབྲོག་གི་དུད་ཁྱིམ་ཞིག་ཏུ་སྐྱེས། ཆུང་དུས་ནས་བཟུང་སློབ་གྲྭ་རིམ་བཞིན་འགྲིམས་པ་དང་། སྤྱི་ལོ1986ལོར་མཚོ་སྔོན་ཞིང་ཆེན་མཚོ་ལྷོ་མི་རིགས་དགེ་ཐོན་སློབ་གྲྭ་ནས་མཐར་ཕྱིན་རྗེས་མཚོ་སྔོན་མི་དམངས་ཀུན་ཁྱབ་རླུང་འཕྲིན་ལས་ཁུངས་སུ་བྱ་བ་ལས། སྤྱི་ལོ2001ལོར་མཚོ་སྔོན་མི་རིགས་སློབ་གྲྭ་ཆེན་མོའི་རབ་འབྱམས་ཞིབ་འཇུག་སློབ་མ་མཐར་ཕྱིན་རྗེས་ཀྲུང་དབྱང་མི་རིགས་སློབ་གྲྭ་ཆེན་མོར་ལས་བགོས་བྱས་པ་དང་ད་ལྟ་སློབ་གྲྭ་དེའི་དགེ་རྒན་གྱི་འགན་བཞེས་ཡོད།
ཀོག་པོ་བ།
དགུང་ལོ་གཞོན་དུས་ནས་རྩེ་སྐོར་གྱི་ཞབས་སྡོད་ཞུས་ནས（རྩེ་དྲུང་བྱས）ལས་ཚན་རིམ་བགྲོད་ཀྱིས་དུས་རབས་ཉི་ཤུ་པའི་དུས་འགོར་སྲིད་བློན་ཞོལ་ཁང་པའི་སྣེ་མགྲོན（རིམ་པ་བཞི་པ་མཁན་ཆུང）གནང་བ་དང་། དེའི་རྗེས་ཏཱ་ལའི་བླ་མ་སྐུ་ཕྲེང་བཅུ་གསུམ་པའི་མགྲོན་གཉེར་ཆེན་མོ་གནང་།
བཀྲ་ཤིས་དོན་འགྲུབ།
སྤྱི་ལོ1984ལོར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་མང་རྫོང་དུ་སྐྱེས། སློབ་ཆེན་འགྲིམ་པ་ནས་བཟུང་མཚོ་སྔོན་བོད་སྐད་རླུང་འཕྲིན་གྱི་ལེ་ཚན་མདོ་འཛིན་པ་དང་སྙན་སྒྲོན་པ་སོགས་ཀྱི་བྱ་བ་སྒྲུབ་མུས་ཡོད།
བན་གོ།
ཁོང་ནི་ལྷོ་ནུབ་མི་རིགས་སློབ་ཆེན་གྱི་བོད་རིག་པའི་སློབ་གླིང་གི་འགོ་གཙོ་དང་། རབ་འབྱམས་ཆེན་མོའི་ཞིབ་འཇུག་པའི་མཛུབ་སྟོན་དགེ་རྒན་སོགས་ཀྱི་འགན་བཞེས་ཡོད།
གསང་བདག
གསང་བདག་ནི་ཆུང་ངུའི་དུས་ནས་རེབ་གོང་ལྷ་རིས་སྒྱུ་རྩལ་ལ་ལྷན་སྐྱེས་ཀྱི་བག་ཆགས་ཟབ་ཅིང་རིག་པ་རྣོ་ལ། རི་མོ་འབྲི་རྒྱུར་དགའ་མཁན་ཞིག་ཡིན། ཁོའི་ལྷ་རིས་སྒྱུ་རྩལ་ལ་སྲོལ་རྒྱུན་གྱི་ལག་ཐབས་ཀྱི་རྨང་གཞིའི་སྟེང་གསར་སྐྲུན་གྱི་ཆ་མངའ་བ་ཞིག་ཡིན་ཏེ། ཚོན་སྣ་འཛོམས་ཤིང་འཚམ་པ། གསེར་བྱུག་པ་ཞིབ་ཚགས་དང་གནད་ལ་འཁེལ་བ། མི་སྣས་མངོན་སུམ་གྱི་སྣང་བ་སྟེར་ཞིང་ཡིད་འགུགས་ཀྱི་ནུས་པ་ལྡན་པ་བཅས་རང་གི་ཐུན་མིན་གྱི་ཉམས་ཤིག་ཆགས་ཡོད། དེ་བས་གསང་བདག་ནི་རེབ་གོང་སྤྱི་དང་ནང་སྒོས་སུ་རྒྱལ་ཡོངས་ན་མིང་དུ་གྲགས་པའི་ལྷ་བཟོ་སྐད་གྲགས་ཅན་ཞིག་ཡིན། ད་ལྟ་ཁོས་རྒྱལ་ཁབ་ལས་རིགས་ནུས་རྩལ་གྱི་སྤུས་ཀ་གསལ་འབྱེད་དཔྱད་སྡུར་བ་དང་། མཚོ་སྔོན་ཞིང་ཆེན་དམངས་ཁྲོད་ལག་ཤེས་པ་ཆེན་མོ་སོགས་ཀྱི་འགནཁུར་ཡོད།
ངག་དབང་རྒྱ་མཚོ།
ཁོང་ནི་མགོ་ལོག་དར་ལག་སྡེར་ནང་དགོན་དང་སྡེར་ནང་ས་བྲིས་བོད་ཀྱི་རིག་གནས་རྒྱུད་འཛིན་སློབ་གླིང་དུ་ཡིག་གཟུགས་དགེ་རྒན་དང་། ཞིང་ཆེན་རིམ་པའི་དངོས་རྫས་མ་ཡིན་པའི་ཤུལ་བཞག་རིག་གནས་ཀྱི་རྒྱུད་འཛིན་པ་སྟེ་སྡེར་ནང་ས་བྲིས་ཀྱི་རྒྱུན་འཛིན་པ་བཅས་ཡིན།
ངག་དབང་རྒྱ་མཚོ།
ཁོང་ནི་མགོ་ལོག་དར་ལག་སྡེར་ནང་དགོན་དང་སྡེར་ནང་ས་བྲིས་བོད་ཀྱི་རིག་གནས་རྒྱུད་འཛིན་སློབ་གླིང་དུ་ཡིག་གཟུགས་དགེ་རྒན་དང་། ཞིང་ཆེན་རིམ་པའི་དངོས་རྫས་མ་ཡིན་པའི་ཤུལ་བཞག་རིག་གནས་ཀྱི་རྒྱུད་འཛིན་པ་སྟེ་སྡེར་ནང་ས་བྲིས་ཀྱི་རྒྱུན་འཛིན་པ་བཅས་ཡིན།
བསེ་ཚང་བློ་བཟང་དཔལ་ལྡན།
ཁོང་ནི་སྤྱི་ལོ1938ལོར་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རེབ་གོང་རྫོང་རོང་བོ་སྡེ་བདུན་དུ་གྲགས་པའི་ཡ་གྱལ་ཐེ་བུ་ཞེས་པར་སྐུ་འཁྲུངས་ཤིང་། ཀན་སུའུ་གཙོས་མི་རིགས་དགེ་འོས་མཐོ་རིམ་ཆེད་གཉེར་སློབ་གྲྭའི་སློབ་སྤྱི་གཞོན་པ་དང་སློབ་དཔོན་ཆེན་མོ། སྲིད་གྲོས་ཀན་སུའུ་ཞིང་ཆེན་ཨུ་ཡོན་ལྷན་ཚོགས་ཀྱི་རྒྱུན་ཨུ། ཀན་ལྷོ་ཁུལ་སྲིད་གྲོས་ཀྲུའུ་ཞི་གཞོན་པ། ཀྲུང་གོའི་ནང་བསྟན་མཐུན་ཚོགས་ཀྱི་ལས་འཛིན་པ། ཀན་སུའུ་ནང་བསྟན་མཐུན་ཚོགས་ཀྱི་ཚོགས་སྤྱི་གཞོན་པ། ཀན་སུའུ་དམངས་སྲོལ་ཞིབ་འཇུག་ཚོགས་པའི་ཚོགས་སྤྱི་གཞོན་པ། ཀྲུང་གོའི་བོད་བརྒྱུད་མཐོ་རིམ་ནང་བསྟན་སློབ་གླིང་གི་གདན་ཞུའི་ཞིབ་འཇུག་པ་དང་ནུབ་བྱང་མི་རིགས་སློབ་གྲྭ་ཆེན་མོའི་གདན་ཞུས་སློབ་དཔོན་ཆེན་མོ་སོགས་ཀྱི་འགན་བཞེས་མྱོང་།
བསོད་ནམས་ལྷ་མོ།
སྤྱི་ལོ1993ལོར་མཚོ་སྔོན་དགེ་ཐོན་སློབ་ཆེན་ནས་སློབ་མཐར་ཕྱིན་རྗེས་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་ཁང་དུ་མདོ་འཛིན་དང་སྙན་སྒྲོན། གསར་འགོད་པ། རྩོམ་སྒྲིག་པ། ལོ་ཙཱ་བ་བཅས་ཀྱིས་བྱ་བ་སྒྲུབ་བཞིན་ཡོད།
ཆོས་གྲགས།
ཆོས་གྲགས་ནི་སེང་གེ་གཤོང་མ་མགོ་སྡེ་བ་ནས་བོད་ཀྱི་ལྷ་རིས་པ་གྲགས་ཅན་པཎ་ཆེན་སྐུ་ཕྲེང་དགུ་བའི་ལྷ་རིས་པ་འཇིགས་མེད་ཆོས་སྐྱོང་དགེ་རྒན་དུ་བསྟེན་ནས་རིམ་བཞིན་འཚར་ལོངས་བྱུང་བས། ཁོ་ནི་མཚོ་སྔོན་ཞིང་ཆེན་གྱི་མཛེས་རྩལ་མཁན་པོ་དང་མཚོ་སྔོན་ཞིང་ཆེན་གྱི་དམངས་ཁྲོད་མཛེས་རྩལ་མཁན་པོ། ཞིང་ཆེན་རིམ་པ་དང་བོའི་དམངས་ཁྲོད་མཛེས་རྩལ་བ་བཅས་ཀྱི་མཚན་སྙན་ཐོབ་ཡོད་པའི་བོད་ཀྱི་ལྷ་རིས་པ་གྲགས་ཅན་ཞིག་ཡིན།
| སྒྱུ་རྩལ་མི་སྣ། བརྡ་འགྲེལ 832 ཡོད། |