སྟག་འབུམ་རྒྱལ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

སྟག་འབུམ་རྒྱལ།
ཁོང་ནི་མཚོ་སྔོན་ཞིང་ཆེན་མང་རྫོང་མི་རིགས་སློབ་འབྲིང་གི་དགེ་རྒན་ཡིན་ལ། ད་ལྟ་ཀྲུང་གོའི་རྩོམ་པ་པོ་མཐུན་ཚོགས་ཀྱི་ཚོགས་མི་དང་། མཚོ་ལྷོ་ཁུལ་རྩོམ་པ་པོ་མཐུན་ཚོགས་ཀྱི་རྒྱུན་ལས་ལས་འཛིན་པའི་འགན་ཁུར་ཡོད།
གཞི་རྩའི་གནས་ཚུལ།

རྒྱ་ཡིག་གི་མིང་།
德本加
སྐྱེས་ལོ།
སྤྱི་ལོ1966ལོ།
རྒྱལ་ཁབ།
ཀྲུང་གོ།
མི་རིགས།
བོད་རིགས།
སྐྱེས་ཡུལ།
མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་མང་རྫོང་།
ལས་རིགས།
དགེ་རྒན།
ཆེད་ལས།
བོད་སྐད་ཡིག་རྩོམ་རིག
བསླབ་གནས།
ཤེས་རམས་པ།
མཐར་ཕྱིན་སློབ་གྲྭ།
ནུབ་བྱང་མི་རིགས་སློབ་གྲྭ་ཆེན་མོ།
འཐུས་ཚབ་བརྩམས་ཆོས།
《ལྷིང་འཇགས་ཀྱི་རྩྭ་ཐང》《རྒུད》 《ཧཱ་པ་གསོས་པའི་ཟིན་བྲིས》
1 ​ངོ་སྤྲོད།

ཁོང་ནི་སྤྱི་ལོ1966ལོར་མཚོ་སྔོན་ཞིང་ཆེན་མཚོ་ལྷོ་ཁུལ་མང་རྫོང་རྩྭ་ཐང་དུ་སྐྱེས་ཤིང་།  ད་ལྟ་མཚོ་སྔོན་ཞིང་ཆེན་མང་རྫོང་མི་རིགས་སློབ་འབྲིང་གི་དགེ་རྒན་ཡིན་ལ།  ཀྲུང་གོའི་རྩོམ་པ་པོ་མཐུན་ཚོགས་ཀྱི་ཚོགས་མི་དང་། མཚོ་ལྷོ་ཁུལ་རྩོམ་པ་པོ་མཐུན་ཚོགས་ཀྱི་རྒྱུན་ལས་ལས་འཛིན་པའི་འགན་ཁུར་ཡོད།

2 སློབ་སྦྱོང་གི་བརྒྱུད་རིམ།

ཁོང་སྤྱི་ལོ1986ལོར་མཚོ་ལྷོ་མི་རིགས་དགེ་ཐོན་སློབ་གྲྭ་ནས་སློབ་མཐར་ཕྱིན་པ་དང་།  སྤྱི་ལོ1988ལོར་ནུབ་བྱང་མི་རིགས་སློབ་གྲྭ་ཆེན་མོའི་གྲངས་ཉུང་མི་རིགས་སྐད་ཡིག་ཚན་ཁག་ཏུ་ཟབ་སྦྱོང་བྱས།  སྤྱི་ལོ1986ལོ་ནས་བཟུང་སློབ་གསོའི་བྱ་བའི་ཐོག་ཞུགས།

3 བྱ་བའི་གྲུབ་འབྲས།

དུས་རབས་སྔོན་མའི་ལོ་རབས་བརྒྱད་ཅུ་བའི་མཇུག་ཏུ་གསར་རྩོམ་གྱི་ལས་ལ་ཞུགས་ཤིང་།  སྔ་གཞུག་ཏུ《མཚོ་སྔོན་བོད་ཡིག་གསར་འགྱུར》དང《སྦྲང་ཆར》《བོད་ཀྱི་རྩོམ་རིག་སྒྱུ་རྩལ》《གངས་རྒྱན་མེ་ཏོག》སོགས་ཞིང་ཆེན་ཕྱི་ནང་གི་དུས་དེབ་དང་ཚགས་པར་སྟེང་དུ་སྒྲུང་གཏམ་དྲུག་ཅུ་ལྷག་སྤེལ་ཞིང་།  དེའི་ཁྲོད་ཀྱི《ཧཱ་པ་གསོས་པའི་ཟིན་བྲིས》《སྒོ་ཁྱི》《ཁྱི་རྒན》《མི་ཚེའི་གླུ་དབྱངས》《ཁྱི་དང་བདག་པོ།  ད་དུང་གཉེན་ཚན་དག》སོགས་སྒྲུང་གཏམ་སྐོར་ཞིག་རྒྱ་ཡིག་ཏུ་བསྒྱུར་ནས《མི་རིགས་རྩོམ་རིག》སོགས་ཀྱི་སྟེང་དུ་བཀོད་ཡོད་ལ།  འགའ་རེ་སློབ་གྲྭ་ཆེན་མོ་ཁག་གི་བསླབ་དེབ་ཏུ་བདམས་འདུག    

སྔ་གཞུག་ཏུ་སྐབས་གཉིས་པ་དང་བཞི་བ་དང་ལྔ་བའི་སྦྲང་ཆར་བྱ་དགའ་དང་།  མཚོ་སྔོན་ཞིང་ཆེན་གྱི་སྐབས་བཞི་བ་དང་ལྔ་བའི་ཕུལ་བྱུང་རྩོམ་རིག་བྱ་དགའ།  རྒྱལ་ཡོངས་སྐབས་གཉིས་པའི་གངས་རྒྱན་བུམ་པའི་རྩོམ་རིག་བྱ་དགའ།  མཚོ་སྔོན་པོ་རྩོམ་རིག་བྱ་དགའ(རྒྱ་ཡིག)སོགས་ཐོབ་མྱོང་། 


དཔྱད་གཞིའི་ཡིག་ཆ།

བརྡ་འགྲེལ་གདོང་འཛར།

མི་སྣ། རྩོམ་པ་པོ། སྟག་འབུམ་རྒྱལ།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:3  སྔ་མའི་པར་གཞི།

ཉེ་ཆར་དག་བཅོས།:2018-07-23

གསར་སྤེལ་མཁན། :ཨ་སངས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།