ཀླུ་སྒྲོན།
སྤྱི་ལོ2005ལོར་མཚོ་སྔོན་བརྙན་འཕྲིན་ཁང་དུ་བྱ་བ་གཉེར་པ་ནས་བཟུང་། ད་བར་དུ《མཚོ་སྔོན་བོད་སྐད་གསར་འགྱུར་མཉམ་སྒྲོག》གི་སྙན་སྒྲོན་པ་དང《ཀྲུང་དབྱང་གསར་འགྱུར་མཉམ་སྒྲོག》གི་བོད་སྐད་ཀྱི་སྙན་སྒྲོན་པའི་བྱ་བ་སྒྲུབ་བཞིན་ཡོད།
དཔའ་བརྟན་རྒྱལ།
སྤྱི་ལོ2003ལོར་མཚོ་སྔོན་མི་རིགས་སློབ་ཆེན་ནས་སློབ་མཐར་ཕྱིན། ད་ལྟ་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་གྱི་རྒྱང་སྒྲོག་པ་དང་མདོ་འཛིན་པའི་ལས་ཀ་གཉེར་བཞིན་ཡོད།
དབང་ཆེན་ལྷ་མོ།
སྤྱི་ལོ1983ལོར་སི་ཁྲོན་ཞིང་ཆེན་དཀར་མཛེས་ཁུལ་དཀར་མཛེས་རྫོང་དུ་སྐྱེས། སྤྱི་ལོ2009ལོ་ནས་ཁམས་པའི་བརྙན་འཕྲིན་ཁང་གི་ཁམས་པའི་དགའ་ཚལ་གྱི་མདོ་འཛིན་པ་བྱས།
ནོར་བུ་མཚོ།
སྤྱི་ལོ2003ལོར་ནུབ་བྱང་མི་རིགས་སློབ་གྲྭ་ཆེན་མོའི་བོད་སྐད་ཡིག་སྡེ་ཁག་ནས་སློབ་མཐར་ཕྱིན་རྗེས། མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དུ་མདོ་འཛིན་གྱི་བྱ་བ་གཉེར།
ཕག་མོ་རྡོ་རྗེ།
སྤྱི་ལོ1975ལོའི་ཟླ5པར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གསེར་ཆེན་རྫོང་དུ་སྐྱེས། སྤྱི་ལོ2003ལོ་ནས་བཟུང་མཚོ་སྔོན་བོད་སྐད་བརྙན་འཕྲིན་གྱི་མདོ་འཛིན་པའི་ལས་གནས་ལ་ཞུགས།
བཀྲ་ཤིས་དབང་ཕྱུག
ཁོང་ནི་སྤྱི་ལོ1990ལོར་ཀྲུང་དབྱང་མི་རིགས་སློབ་ཆེན་གྱི་བོད་རིག་པའི་སྡེ་ཁག་ནས་སློབ་མཐར་ཕྱིན། སྔ་རྗེས་སུ་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དང་བོད་སྐད་བརྙན་འཕྲིན་གཉིས་སུ་སྙན་སྒྲོན་པ་དང་མདོ་འཛིན་པ། རྩོམ་སྒྲིག་པ་སོགས་ཀྱི་བྱ་བ་བསྒྲུབས།
བཀྲ་ཤིས་དོན་འགྲུབ།
སྤྱི་ལོ1984ལོར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་མང་རྫོང་དུ་སྐྱེས། སློབ་ཆེན་འགྲིམ་པ་ནས་བཟུང་མཚོ་སྔོན་བོད་སྐད་རླུང་འཕྲིན་གྱི་ལེ་ཚན་མདོ་འཛིན་པ་དང་སྙན་སྒྲོན་པ་སོགས་ཀྱི་བྱ་བ་སྒྲུབ་མུས་ཡོད།
བསོད་ནམས་ལྷ་མོ།
སྤྱི་ལོ1993ལོར་མཚོ་སྔོན་དགེ་ཐོན་སློབ་ཆེན་ནས་སློབ་མཐར་ཕྱིན་རྗེས་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་ཁང་དུ་མདོ་འཛིན་དང་སྙན་སྒྲོན། གསར་འགོད་པ། རྩོམ་སྒྲིག་པ། ལོ་ཙཱ་བ་བཅས་ཀྱིས་བྱ་བ་སྒྲུབ་བཞིན་ཡོད།
བྱམས་པ་རྡོ་རྗེ།
ཁམས་པའི་བོད་སྐད་བརྙན་འཕྲིན་ཁང་དུ་རིག་རྩལ་སྡེ་ཁག་གི་འགན་འཛིན་གཞོན་པ་དང《བྱམས་པའི་ཁ་བརྡ》ལེ་ཚན་གྱི་བརྙན་བཟོ་བ་སོགས་ཀྱི་བྱ་བ་སྒྲུབ་མུས་ཡོད།
དཔའ་མཆོག་མ་ཅིག་རྒྱལ།
སྤྱི་ལོ1984ལོར་མཚོ་ལྷོ་མི་རིགས་དགེ་ཐོན་སློབ་གྲྭ་ནས་སློབ་མཐར་ཕྱིན་རྗེས་མཚོ་སྔོན་བརྙན་འཕྲིན་ཁང་གི་གདན་ཞུས་ལྟར། མཚོ་སྔོན་བརྙན་འཕྲིན་ཁང་བོད་སྐད་ཚན་ཁག་ཏུ་ཕེབས་ཏེ་གསར་འགྱུར་རྒྱང་སྒྲོག་པ་དང་མདོ་འཛིན་པའི་ལས་ཀ་གཉེར།
ཚེ་རིང་བཀྲ་ཤིས།
སྤྱི་ལོ2001ལོར་མཚོ་སྔོན་དགེ་ཐོན་སློབ་ཆེན་མི་རིགས་དགེ་འོས་སློབ་གླིང་ནས་སློབ་མཐར་ཕྱིན་རྗེས། མཚོ་སྔོན་བོད་སྐད་རླུང་འཕྲིན་གྱི་གསར་འགྱུར་བྱ་བའི་ལས་རྐང་དུ་ཞུགས་ནས་ལེ་ཚན་མདོ་འཛིན་པ་དང་གསར་འགོད་པ་སོགས་ཀྱི་བྱ་བ་སྒྲུབ་མུས་ཡོད། མཚོ་སྔོན་ཞིང་ཆེན་རྩོམ་པ་པོའི་མཐུན་ཚོགས་ཀྱི་ཚོགས་མི་ཡིན།
ཚེ་རིང་ལྷ་མོ།
སྤྱི་ལོ2005ལོ་ནས་ད་བར་དུ་མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་གྱི《གསར་འགྱུར་མེ་ལོང》ལེ་ཚན་གྱི་སྙན་སྒྲོན་པ་དང་། བོད་སྐད་ཀྲུང་དབྱང་གསར་འགྱུར་མཉམ་སྒྲོག་གི་སྙན་སྒྲོན་པ། དེ་མིན་རིགས་རྩལ་ལེ་ཚན་མང་པོའི་མདོ་འཛིན་གྱི་བྱ་བ་བསྒྲུབས་མྱོང་།
ཚེ་རིང་སྒྲོལ་མ།
སྤྱི་ལོ2005ལོར་མཚོ་སྔོན་བོད་སྐད་བརྙན་འཕྲིན་ཁང་དུ་མདོ་འཛིན་དང་སྙན་སྒྲོན་པའི་བྱ་བར་ཞུགས་ཏེ《མེ་ཏོག་གངས་ལྷ》སོགས་ལེ་ཚན་སྐོར་ཞིག་ལ་མདོ་འཛིན་བྱེད་མུས་ཡོད།
འཆི་མེད་དབང་མོ།
སྤྱི་ལོ2009ལོར་ཁམས་པའི་བརྙན་འཕྲིན་ཁང་དུ་རྒྱུགས་འཕྲོད་པ་དང་། མདོ་འཛིན་པ་དང་གསར་འགོད་པ་སོགས་ཀྱི་བྱ་བ་སྒྲུབ་མུས་སུ་ཡོད།
འཇམ་དབྱངས་དོན་འགྲུབ།
སྤྱི་ལོ1993ལོ་ནས་ད་བར་བོད་ལྗོངས་བརྙན་འཕྲིན་ལས་ཁུངས། བོད་ལྗོངས་གསར་འགྱུར་མཉམ་བསྒྲགས་ལེ་ཚན་གྱི་གཙོ་འགན་སྙན་སྒྲོན་པའི་འགན་བཞེས་བཞིན་ཡོད།
འབྲུག་མོ་རྒྱལ།
སྤྱི་ལོ1993ལོར་མཚོ་སྔོན་མི་རིགས་སློབ་ཆེན་ནས་སློབ་མཐར་ཕྱིན་རྗེས། ཐད་ཀར་དུ་མཚོ་སྔོན་བོད་སྐད་རླུང་འཕྲིན་ཁང་དུ་ལས་བགོས་བྱས་ནས་སྙན་སྒྲོན་པ་དང་མདོ་འཛིན་པ། རྩོམ་སྒྲིག་པ་བཅས་ཀྱི་ལས་ཀ་གཉེར་ནས་མི་ལོ་ཉེར་གཉིས་ཙམ་འགོར་ཞིང་ད་ལྟ་ཀྲུའུ་རིན་རིམ་པའི་སྙན་སྒྲོན་པ་ཡིན།
འབྲུག་ལྷ་རྒྱལ།
སྤྱི་ལོ1986ལོར་སློབ་མཐར་ཕྱིན་རྗེས་ཐད་ཀར་དུ་མཚོ་སྔོན་རྒྱང་སྒྲོག་བརྙན་འཕྲིན་ཁང་དུ་ལས་བགོས་བྱས་ཏེ། ད་ལྟའི་བར་སྙན་སྒྲོན་པ་དང་མདོ་འཛིན་པ། ལོ་ཙཱ་བ། གསར་འགོད་པ། རྩོམ་སྒྲིག་པ་བཅས་ཀྱི་བྱ་བ་གཅིག་ལྕོགས་སུ་གཉེར།
ཡོན་ཏན།
སྤྱི་ལོ2009ལོའི་ཟླ9པར། ཁམས་པའི་བརྙན་འཕྲིན་ཁང་དུ་རྒྱུགས་འཕྲོད་ཏེ། གསར་འགྱུར་སྒྲོག་གཏོང་གི་ལས་ཀ་གཉེར་བཞིན་ཡོད།
རྡོ་རྗེ་རྒྱལ་མཚན།
སློབ་ཆེན་མཐར་ཕྱིན་པ་ནས་མཚོ་སྔོན་བོད་སྐད་བརྙན་འཕྲིན་ལས་ཁུངས་སུ་གསར་འགོད་དང་བརྙན་འཕྲིན་ལེ་ཚན་རྩོམ་སྒྲིག་གི་ལས་ཀ་གཉེར་བཞིན་ཡོད། ད་ལྟའི་བར་རིམ་བཞིན《མེ་ཏོག་གངས་ལྷ》དང《རྨ་འབྲིའི་རླབས་ཀྱི་ཟེགས་མ》《 ཁ་བའི་ཞབས་རྗེས 》བཅས་སུ་ལེ་ཚན་ཇུས་འགོད་དང་བརྙན་ཕབ། རྩོམ་འབྲི་སྒྲིག་བཟོ། མདོ་འཛིན་བཅས་བྱེད་མུས་ཡོད།
ལྷ་དཔལ།
སྤྱི་ལོ2007ལོར་མཚོ་སྔོན་དགེ་ཐོན་སློབ་ཆེན་གྱི་བོད་ཡིག་སྡེ་ཁག་ནས་མཐར་ཕྱིན། ལོ་བཅུའི་རིང་ཨ་མདོ་བརྙན་འཕྲིན་ཁང་དུ་རྩོམ་འབྲི་པ་དང་བརྙན་ལེན་པ། སྒྲིག་སྦྱོར་པ་བཅས་ཀྱི་བྱ་བ་བསྒྲུབས།
ལྷ་རྒྱལ་བཀྲ་ཤིས།
སྤྱི་ལོ2001ལོར་མཚོ་སྔོན་དགེ་ཐོན་སློབ་གྲྭ་ནས་སློབ་མཐར་ཕྱིན་ཞིང་། སྤྱི་ལོ2004 ལོའི་ཟླ་བཅུ་གཉིས་པའི་ཚེས་གཅིག་ཉིན་ནས་བཟུང་། ཐད་གཏོང་བགྲོ་གླེང་ལེ་ཚན《375ཐད་གཏོང་ཁང》གི་རྩོམ་སྒྲིག་པ་དང་མདོ་འཛིན་པའི་འགན་གཅིག་ལྕོགས་ཀྱིས་ཁུར།
སྤེན་པ་ཚེ་རིང་།
སྤྱི་ལོ2007ལོར་བོད་ལྗོངས་མི་རིགས་སློབ་ཆེན་ནས་སློབ་ཐོན་བྱས་རྗེས་བོད་ལྗོངས་བརྙན་འཕྲིན་ལས་ཁུངས་སུ་ལས་ཀ་གཉེར།
ཞེ་དབྱིན་དབྱིན།
ཁོ་མོ་ནི་སྤྱི་ལོ1978ལོའི་ཟླ5ཚེས22ཉིན་ཧྥུའུ་ཅན་ཞིང་ཆེན་ཁྲང་ཐིང་རྫོང་དུ་སྐྱེས་ཤིང་། ཀྲུང་གོའི་ནང་ཁུལ་ལེ་ཚན་གྱི་མདོ་འཛིན་པ་ཡིན། སྤྱི་ལོ2003ལོར་ཧྥུའུ་ཅན་དགེ་འོས་སློབ་ཆེན་གྱི་རོལ་དབྱངས་རིག་པའི“གླུ་དབྱངས་འཁྲབ་སྟོན་དང་དེའི་སློབ་གསོའི”རབ་འབྱམས་པའི་ཞིབ་འཇུག་སློབ་མའི་འཛིན་གྲྭར་སློབ་མཐར་ཕྱིན་པ་དང་། ལོ་དེར་ཀྲུང་དབྱང་བརྙན་འཕྲིན་ལས་ཁུངས་ཀྱི་ནོར་སྲིད་དཔལ་འབྱོར་འཕྲིན་ལམ་དུ་ཞུགས་པ་རེད། སྤྱི་ལོ2010ལོར་སིང་ཀ་ཕོར་དུ་ཐོག་མར་ལུའུ་ཐུའུ་གསར་འགྱུར་ཁང་གི་གསོ་སྦྱོང་ནང་ཞུགས་པ་དང་ལོ་དེར་ཆིང་ཧྭ་སློབ་ཆེན་གྱི་འཛིན་གྲྭEMBAནས་སློབ་མཐར་ཕྱིན། སྤྱི་ལོ2011ལོ་ནས་བཟུང་ཀྲུང་དབྱང་བརྙན་འཕྲིན་ལས་ཁུངས་ཀྱི3•15དགོང་ཚོགས་ཀྱི་མདོ་འཛིན་པའི་འགན་བཞེས་པ་རེད།
མཱ་ཧུང་ཐའོ།
ཁོང་ནི་ཀྲུང་དབྱང་བརྙན་འཕྲིན་ལས་ཁུངས་ཀྱི་ནོར་སྲིད་དཔལ་འབྱོར་འཕྲིན་ལམ་གྱི་མདོ་འཛིན་པ་ཡིན། སྤྱི་ལོ1995ལོ་ནས་བཟུང་བརྙན་འཕྲིན་ལས་རིགས་གཉེར་འགོ་ཚུགས་པ་དང་། ད་ལྟ་ཀྲུང་དབྱང་བརྙན་འཕྲིན་ལས་ཁུངས་ཀྱི་ནོར་སྲིད་དཔལ་འབྱོར་འཕྲིན་ལམ《དཔལ་འབྱོར་ཆ་འཕྲིན་མཉམ་བསྒྲགས》དང་།《དཔལ་འབྱོར་ཆུ་ཚོད་ཕྱེད་ཀ》《གོ་ལ་ཧྲིལ་པོའི་ནོར་སྲིད་དཔལ་འབྱོར་སྦྲེལ་མཐུད》སོགས་ལེ་ཚན་གྱི་མདོ་འཛིན་བྱེད་ཀྱིན་ཡོད།
མཱ་ཧུང་མན།
སྤྱི་ལོ1976ལོར་སྐྱེས་ཤིང་། དཔལ་འབྱོར་རིག་པའི་འབུམ་རམས་པ་དང་། ནོར་དཔལ་མདོ་འཛིན་པ་གྲགས་ཅན། ནོར་དཔལ་དཔྱད་གཏམ་པ་བཅས་ཡིན།
ཀུང་ཧའོ།
ཁོ་མོ་ནི་པེ་ཅིང་བརྙན་འཕྲིན་ལས་ཁུངས་ཀྱི་གཞོན་ནུའི་འཕྲིན་ལམ《གཞོན་ནུའི་སྤྱི་ཕན》（སྔོན་མིང་ལ《གཞོན་ནུའི་སྤྱི་ཕན་བསམ》ཟེར）གྱི་ལེ་ཚན་བཟོ་མཁན་དང་མདོ་འཛིན་པ་རེད།
ཞའོ་ཆོན།
ཞའོ་ཆོན། ཕོ། སྤྱི་ལོ1959ལོར་སི་ཁྲོན་ཁྲེང་ཏུའུ་རུ་སྐྱེས་པ་དང་དེ་སྔ་ཧྲེན་ཀྲེན་གྱི《ཁྲོམ་གཞུང》དུས་དེབ་ཀྱི་པར་ལེན་གསར་འགོད་པའི་འགན་འཁུར་མྱོང་ཡོད། “ཀྲུང་གོའི་ག་ཤོས་ཀྱི་པར་ལེན་པ”ཞེས་བརྗོད་ཀྱིན་ཡོད། སྤྱི་ལོ1980ལོའི་དུས་དཀྱིལ་ནས“ང་ཚོའི་མི་རབས་འདི”པར་ལེན་བྱེད་འགོ་བརྩམས། སྤྱི་ལོ1991ལོར《ལྷ་ཡུལ་གྱི་བྱ》ཞེས་པའི་སན་མའོ་པར་ལེན་ཆེད་སྒྲིག་ཕྱོགས་བསྒྲིགས་དཔེ་སྐྲུན་བྱས། སྤྱི་ལོ1992ལོར་སུའེ་ཙེར་དུ་འགྲེམས་སྟོན་ཞིག་སྤེལ། སྤྱི་ལོ1993ལོར་ཧྥ་རན་སི་ནས་པར་ལེན་མཉམ་འབྲེལ་འགྲེམས་སྟོན་ལ་ཞུགས། སྤྱི་ལོ1997ལོར《ང་ཚོའི་མི་རབས་འདི》ཞེས་པ་པར་སྐྲུན་བྱས། སྤྱི་ལོ2000ལོར《ངའི་པར་མིག་འོག་གི་མཛེས་མ》ཞེས་པ་པར་དུ་བསྐྲུན།
ལི་ཀྲེན་ཧྲེང་།
ལི་ཀྲེན་ཧྲེང་། ཀྲུང་གོའི་པར་ལེན་མཁས་ཅན་གྱི་གསར་འགོད་པ། སྤྱི་ལོ1940ལོའི་ཟླ8པར་ལེའོ་ཉིང་ཞིང་ཆེན་ཏ་ལེན་གྲོང་ཁྱེར་དུ་སྐྱེས་པ་དང་ཕ་ཡུལ་ཧྲན་ཏུང་རུང་ཁྲེང་ཡིན། སྤྱི་ལོ1963ལོར་ཁྲང་ཁྲུན་གློག་བརྙན་སློབ་གླིང་གི་པར་ལེན་ཚན་ཁག་ནས་མཐར་ཕྱིན་པ་དང་། ཧེ་ལུང་ཅང་ཉིན་རེའི་ཚགས་པར་ཁང་དུ་གསར་འགོད་པ་ལོ་སྤྱི་ལོ20བྱས་པ་དང་། ཀྲུང་གོ་མི་དམངས་ཉེན་རྟོག་དཔོན་སློབ་ཆེན་གསར་འགྱུར་ཚན་ཁག་ཏུ་ལོ15སློབ་ཁྲིད་བྱས།
ཝང་ཝུན་ལན།
ཝང་ཝུན་ལན། སྐྱེས་པ། རྒྱ་རིགས། སྤྱི་ལོ1953ལོའི་ཟླ9པར་པེ་ཅིང་གྲོང་ཁྱེར་དུ་སྐྱེས། ཧོ་པེ་ཞིན་ལེ་ནས་ཡིན། སྤྱི་ལོ1968ལོའི་ཟླ12པར་ལས་ཀར་ཞུགས། སྤྱི་ལོ1976ལོའི་ཟླ9པར་ཏང་ནང་ཞུགས། མཐོ་རིམ་གསར་འགོད་པ་ཡིན། ད་ལྟ《ཀྲུང་གོའི་ཉིན་རེའི་ཚགས་པར》གྱི་སྤྱི་ཁྱབ་རྩོམ་སྒྲིག་པའི་ལས་རོགས་དང་ཀྲུང་གོའི་པར་ལེན་མཁས་ཅན་མཐུན་ཚོགས་ཀྱི་ཀྲུའུ་ཞི་གཞོན་པའི་འགན་བཞེས་བཞིན་ཡོད། ཀྲུང་གོའི་ཉིན་རེའི་ཚགས་པར་པར་ལེན་པུའུ་ཡི་ཀྲུའུ་རེན་དང་། ཀྲུང་གོའི་པར་ལེན་མཁས་ཅན་མཐུན་ཚོགས་ཀྱི་ཀྲུའུ་ཞི་གཞོན་པ། པར་ལེན་མཁས་ཅན་ཝང་ཝུན་ལན་གྱིས་མི་རྣམས་ཀྱི་སེམས་ནང་ཁོང་གི《པེ་ཅིང་གི་བྲོ་བ》དང་།《གྲགས་ཅན་མི་སྣའི་མཐོང་ཐོས》 《སྐོར་སྐྱོད་ཀྱི་ལྕགས་རི་རིང་མོ》 《རྐང་འཁོར་གྱི་ཉིན་མོ》སོགས་ཀྱི་རྣམ་པ་རང་ཤུགས་སུ་འཆར་གྱི་ཡོད། དེ་དག་ནི་མི་དཀྱུས་མའི་འཚོ་བའི་སྐད་ཅིག་ཙམ་དང་རྒྱུན་དུ་མཐོང་བའི་སྤྱི་ཚོགས་ཀྱི་རྣམ་པ་ཞིག་ཡིན་མོད། འོན་ཀྱང་ཁོང་གི་པར་ལེན་ལ་ནང་དོན་སྙིང་ཟབ་མོ་ལྡན་ཡོད། ལོ་ངོ30ཡི་རིང་པར་ལེན་སྐབས་པར་རིས་ཤིག་གི་ཁྲོད་ནས་དུས་རབས་ཀྱིས་བསྐྱོད་མྱོང་བའི་རྗེས་ཤུལ་རྙེད་ཡོད། སྤྱི་ལོ2019ལོའི་ཟླ12པར་རྒྱལ་སྤྱིའི་གློག་བརྙན་སྒྱུ་རྩལ་མནའ་འབྲེལ་དང་། ཁོ་མེ་དབྱི་གྲོང་ཁྱེར་སྲིད་གཞུང་། ཏ་ཀའེར་ཐེབས་རྩ་ལྷན་ཚོགས་བཅས་ཀྱིས་ཧྥ་རན་སེའི་ཁོ་མེ་དབྱི་རུ་གཉེར་བའི“པར་ལེན་ལག་རྩལ་ཐོན་ནས་ལོ་ངོ180འཁོར་བར་དྲན་གསོ་ཞུ་བའི”བྱེད་སྒོའི་ནང་ཝང་ཝུན་ལན་པར་ལེན་ལག་རྩལ་ཐོན་ནས་ལོ་ངོ180ཡི་མི180ཡི་གྲས་སུ་བདམས་པ།
| མདོ་འཛིན་པ། བརྡ་འགྲེལ 51 ཡོད། |