འཕེལ་རིམ་དོ་དམ།
སྲོལ་རྒྱུན་གྱི་བཀོལ་སྤྱོད་རྒྱུད་ཁོངས་ལས་བྱ་རིམ་ཁེར་ཚུགས་སུ་འཁོར་སྐྱོད་བྱེད་མི་ཐུབ། ཐོན་ཁོངས་བགོ་བཤའ་དང་ཁེར་ཚུགས་འཁོར་སྐྱོད་ཀྱི་རྨང་གཞིའི་སྡེ་ཚན་ནི་འཕེལ་རིམ་གྱིས་བྱེད་ཅིང་། བཀོལ་སྤྱོད་རྒྱུད་ཁོངས་ཀྱི་ཁྱད་ཆོས་བཞི་པོ་ཡང་འཕེལ་རིམ་ལ་བརྟེན་ནས་གྲུབ་པ་ཡིན་ཕྱིར། ང་ཚོས་འཕེལ་རིམ་གྱི་ལྟ་ཚུལ་སྤྱད་ནས་བཀོལ་སྤྱོད་རྒྱུད་ཁོངས་ལ་ཞིབ་འཇུག་བྱེད་ཆོག་པ་ཡིན། འཕེལ་རིམ་ནི་བཀོལ་སྤྱོད་རྒྱུད་ཁོངས་ནང་གི་དོན་སྤྱི་གལ་ཆེན་ཞིག་ཡིན།
བར་གཅོད་ཞབས་ཞུའི་བྱ་རིམ།
བར་གཅོད་ཞབས་ཞུའི་བྱ་རིམ་ནི་སྒྲིག་གཅོད་ཆས་ཀྱིས“མྱུར་སྐྱེལ་ཡིག་ཆ”སྒྲིག་གཅོད་བྱེད་པ་ནི་ཞབས་ཞུ་ཞིག་ཡིན་པར་བྱས་ཆོག
འཕེལ་རིམ་འཕྲིན་གཏོང་།
འཕེལ་རིམ་འཕྲིན་གཏོང་ནི་འཕེལ་རིམ་བར་གཞི་གྲངས་བརྒྱུད་གཏོང་བྱེད་པ་ལ་ཟེར་ཞིང་། འཕེལ་རིམ་འཕྲིན་གཏོང་ནི་ཆ་འཕྲིན་བརྗེ་རེས་བྱས་པའི་ཚད་ཀྱི་མང་ཉུང་དང་ལས་ཕྱོད་ཀྱི་མཐོ་དམའ་ལ་གཞིགས་ནས། དམའ་རིམ་འཕྲིན་གཏོང་དང་མཐོ་རིམ་འཕྲིན་གཏོང་རིགས་གཉིས་སུ་དབྱེ་ཡོད། དེའི་ཁྲོད་ཀྱི་མཐོ་རིམ་འཕེལ་རིམ་འཕྲིན་གཏོང་བྱེད་ཐབས་རིགས་གསུམ་དུ་དབྱེ་ཡོད། ནང་གསོག་མཉམ་སྤྱོད་བྱེད་པའི་རྣམ་པ་དང་། གནས་ཚུལ་བརྒྱུད་སྤྲོད་བྱེད་པའི་རྣམ་པ། ཡིག་ཆ་མཉམ་སྤྱོད་བྱེད་པའི་རྣམ་པ་བཅས་ཡིན།
སྔོན་བཀོད་སྒྲིག་གཅོད་བཀའ་བརྡ།
ANSI Cཚད་གཞིསCཡི་ཁུངས་བྱ་རིམ་དུ“སྔོན་བཀོད་སྒྲིག་གཅོད་བཀའ་བརྡ”དུ་མ་བཅུག་ཆོག་པ་ངེས་འཁེལ་བྱས་ཡོད་ཅིང་། དེ་ཡིས་བྱ་རིམ་ཇུས་འགོད་ཀྱི་ཁོར་ཡུག་ལེགས་བཅོས་དང་། བྱ་རིམ་སྒྲིག་པའི་ནུས་ཕྱོད་ཇེ་མཐོར་གཏོང་ཐུབ་པ་ཡིན། སྔོན་བཀོད་སྒྲིག་གཅོད་བཀའ་བརྡ་དེ་དག་ནིANSI Cཡིས་གཅིག་གྱུར་གྱིས་གཏན་འཁེལ་བྱས་པ་ཞིག་ཡིན་མོད། འོན་ཀྱང་དེ་ནིCསྐད་བརྡ་རང་གི་གྲུབ་ཆ་མིན་པས། ཐད་ཀར་སྒྱུར་སྒྲིག་བྱས་མི་ཆོག །བྱ་རིམ་ལ་རྒྱུན་ལྡན་གྱི་སྒྱུར་སྒྲིག་མ་བྱས་གོང་ལ་ཐོག་མར་བྱ་རིམ་ནང་གི་དམིགས་བསལ་ཅན་གྱི་བཀའ་བརྡ་དེ་དག་ལ“སྔོན་བཀོད་སྒྲིག་གཅོད”བྱ་དགོས། སྔོན་བཀོད་སྒྲིག་གཅོད་བཀའ་བརྡར་གཞིར་བཟུང་ནས་བྱ་རིམ་ལ་འོས་མཐུན་གྱི་སྒྲིག་གཅོད་བྱེད་དགོས། སྔོན་བཀོད་སྒྲིག་གཅོད་བྱས་རྗེས་བྱ་རིམ་དུ་སྔོན་བཀོད་སྒྲིག་གཅོད་བཀའ་བརྡ་འདུས་མེད་ཅིང་། མཇུག་མཐར་སྒྱུར་སྒྲིག་བྱ་རིམ་གྱིས་སྔོན་བཀོད་སྒྲིག་གཅོད་བྱས་རྗེས་ཀྱི་ཁུངས་བྱ་རིམ་ལ་རྒྱུན་ལྡན་གྱི་སྒྱུར་སྒྲིག་བྱས་ན། ལག་བསྟར་བྱ་རུང་བའི་དམིགས་འབེན་ཚབ་ཨང་ཐོབ་པའོ།། ད་ལྟ་བེད་སྤྱོད་བྱེད་པའིCསྒྱུར་སྒྲིག་རྒྱུད་ཁོངས་མང་ཆེ་བ་རུ་སྔོན་བཀོད་སྒྲིག་གཅོད་དང་། སྒྱུར་སྒྲིག སྦྲེལ་བའི་ཆ་ཤས་སོགས་ཀྱི་ཁག་འདུས་ཡོད་པས། སྒྱུར་སྒྲིག་བྱེད་དུས་སུ་དེ་མ་ཐག་ཏུ་འགྲུབ་ཐུབ་པ་རེད།
སྟོན་ཁབ།
སྟོན་ཁབ་ནིCསྐད་བརྡའི་དོན་སྤྱི་གལ་ཆེན་ཞིག་ཡིན་ལ། Cསྐད་བརྡའི་ཁྱད་ཆོས་གལ་ཆེན་ཞིག་ཀྱང་ཡིན། བདེ་འཁྱུག་ལྡན་ཞིང་ཡང་དག་པའི་སྒོ་ནས་དེ་བཀོལ་སྤྱོད་བྱས་ན། རྙོག་འཛིང་ཆེ་བའི་གཞི་གྲངས་ཀྱི་གྲུབ་ཚུལ་མངོན་པར་མཚོན་ཐུབ་པ་མ་ཟད། འགུལ་རྣམ་གྱིས་ནང་གསོག་བགོ་བཤའ་བྱེད་ཐུབ་ལ། ཡིག་རྟགས་ཕྲེང་བ་སྟབས་བདེ་སྒོས་བེད་སྤྱོད་བྱ་ཐུབ་པ་མ་ཟད། ནུས་ལྡན་དང་སྟབས་བདེ་སྒོས་གྲངས་ཚོ་ཡང་བེད་སྤྱོད་བྱ་ཐུབ། རྟེན་འབྱུང་གྲངས་བེད་སྤྱོད་བྱེད་པའི་སྐབས་སུ་ཐང་གཅིག་ཡན་ཆད་ཐོབ་ཐུབ་ལ། ཐད་ཀར་ནང་གསོག་གི་ཤག་གནས་ཐག་གཅོད་བྱ་ཐུབ་བོ།།
ལྟེ་བའི་སྒྲིག་གཅོད་ཆས(CPU)
ལྟེ་བའི་སྒྲིག་གཅོད་ཆས་ནི་རྩིས་འཁོར་གྱི་སྒུལ་བསྐྱོད་དང་དེའི་བྱེད་ནུས། འགྲོས་ཤུགས། རྩོད་ལས་བཅས་ཀྱི་ཆེས་མཐོ་རིམ་གྱི་སྲོག་སྙིང་དེ་ཡིན་ནོ།།
གསར་གཏོད་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་བའི་འཐབ་ཇུས།
ཏང་གི་ཚོགས་ཆེན་བཅོ་བརྒྱད་པའི་ཐོག“ཚན་རྩལ་གསར་གཏོད་ནི་སྤྱི་ཚོགས་ཀྱི་ཐོན་སྐྱེད་ནུས་ཤུགས་དང་ཕྱོགས་བསྡུས་རྒྱལ་སྟོབས་ཆེ་རུ་གཏོང་བའི་འཐབ་ཇུས་ཀྱི་འདེགས་སྐྱོར་ཡིན་པས། ངེས་པར་དུ་རྒྱལ་ཁབ་འཕེལ་རྒྱས་གཏོང་བའི་ཁྱོན་ཡོངས་ཀྱི་ལྟེ་བའི་གོ་གནས་སུ་འཇོག་དགོས”ཞེས་ཁ་གསལ་སྒོས་བཏོན་ཡོད་ཅིང་། ཀྲུང་གོའི་ཁྱད་ཆོས་ལྡན་པའི་རང་བརྟེན་གསར་གཏོད་ཀྱི་བགྲོད་ལམ་དུ་བསྐྱོད་པ་རྒྱུན་འཁྱོངས་དང་། གསར་གཏོད་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་བའི་འཐབ་ཇུས་ལག་བསྟར་བྱེད་པ་ནན་བཤད་བྱས་ཡོད།
