ཁྱིམ་ཕྱིའི་སྨྱན་ཆས།
ཁྱིམ་ཕྱིའི་སྨྱན་ཆས་ནི་ཐོག་ཁང་གི་སྟེང་དང་ཚོང་ལས་ཁུལ་གྱི་སྒོ་འགྲམ། ལམ་འགྲམ་སོགས་སུ་སྒྲིག་བཀོད་བྱས་པའི་བརྡ་འཕྲིན་ཁྱབ་སྒྲོག་གི་སྨྱན་བྱེད་ལ་ཟེར་བ་དང་། རྣམ་པ་གཙོ་བོ་ལ། དབུགས་སྒང་དང་། དབུགས་ལྡན་མཁའ་འཕུར། འཁོར་སྒམ། རྣམ་པ་ཆེ་བའི་དབུགས་ལྡན་གཟུགས་རིས། མཐོ་རིམ་སློབ་གྲྭའི་ནང་དང་། ཚད་མཐོའི་སྡོད་ཁུལ་གྱི་ཐོག་ཁང་གི་བར་ཁྱམས་སོགས་ཡིན།
གསར་དར་སྨྱན་ཆས།
གསར་དར་སྨྱན་ཆས་ནི་ལག་རྩལ་གསར་བའི་མ་ལག་གི་ཁྱད་ཆོས་ལྡན་པའི་སྨྱན་ཆས་ཀྱི་རིགས་ལ་ཟེར་བ་ཡིན་ཏེ། དཔེར་ན། མྱུར་སྐྱེལ་འཕྲིན་ཡིག་བརྡ་ཁྱབ་དང་། ཨང་ཀིའི་སིལ་དེབ། ཨང་ཀིའི་ཚགས་པར། ཨང་ཀིའི་རྒྱང་སྒྲོག ཁ་པར་འཕྲིན་ཐུང་། སྤོ་སྒུལ་བརྙན་འཕྲིན། དྲ་རྒྱ། ཨང་ཀིའི་བརྙན་འཕྲིན། ཨང་ཀིའི་གློག་བརྙན། རེག་བྱའི་སྨྱན་ཆས་སོགས་ལྟ་བུ་ཡིན། དེ་ལས་གཞན་པའི་དུས་དེབ་དང་། ཁྱིམ་ཕྱིའི་སྨྱན་ཆས། རྒྱང་སྒྲོག བརྙན་འཕྲིན་བཅས་ནི་སྲོལ་རྒྱུན་གྱི་བརྙན་ཆས་བཞི་ཡིན། སྨྱན་ཆས་གསར་བའི་རིགས་ལ“ སྨྱན་སྦྱོར་ལྔ་བ” ཞེས་འབོད་སྲོལ་ཡང་ཡོད།
PowerPoint2007
PowerPointནི་སྟོན་འགྲེམས་ཟིན་བྲིས་བཟོ་བྱེད་ཀྱི་མཉེན་ཆས་ཡིན་ལ། དེ་ནིMicrosoft Officeམཉེན་ཆས་ཀྱི་གྲུབ་ཆ་གཙོ་བོ་ཞིག་རེད། PowerPointབེད་སྤྱད་ནས་ཡི་གེ་དང་། རིས་དབྱིབས། སྐད། བརྙན་ཟློས་བཅས་ཚུད་པའི་སྨྱན་མང་གཟུགས་ཀྱི་སྟོན་འགྲེམས་ཟིན་བྲིས་བཟོ་ཐུབ། དེ་སྔོན་མའི་པར་གཞི་ལས་ཕུན་སུམ་ཚོགས་པའི་བྱེད་ནུས་བརྒྱུད་འཛིན་བྱས་པའི་རྨང་གཞིའི་ཐོག་འཆར་ངོས་གསར་པ་དང་། སྟབས་བདེ་བའི་བཀོལ་སྤྱོད་དཔེ་རྣམ་གྱིས་སྤྱོད་པ་པོར་སྨྱན་མང་གཟུགས་ཀྱི་སྟོན་འགྲེམས་ཟིན་བྲིས་བཟོ་བར་ཕྱོགས་སྟོན་ལེགས་པོ་བྱེད་ཐུབ།
རིས་དབྱིབས་སྒྲིག་གཅོད།
སྟོན་འགྲེམས་ཟིན་བྲིས་བཟོ་བའི་དམིགས་ཡུལ་ནི་མི་གཞན་ལ་རང་གི་ལྟ་བ་ངོ་སྤྲོད་བྱེད་པ་དང་། བསམ་བློ་དྲིལ་བསྒྲགས། ཕུལ་བྱུང་ཐོན་རྫས་འོས་སྦྱོར་བྱེད་པ་སོགས་ཡིན། གལ་སྲིད་སྟོན་འགྲེམས་ཟིན་བྲིས་ནང་དུ་ཡི་གེ་ཁོ་ན་མིན་པར་ཕུན་སུམ་ཚོགས་པའི་རིས་དབྱིབས་དང་མཉམ་དུ་སྡེབ་སྒྲིག་བྱས་ཚེ་སྟོན་འགྲེམས་ཟིན་བྲིས་ཀྱི་མཐོང་འབྲས་ཧ་ཅང་ལེགས་པོ་ཡོང་བ་ཡིན།
| སྨྱན་མང་ཉེར་སྤྱོད། བརྡ་འགྲེལ 4 ཡོད། |