ཁམས་རའི་ནགས་ཚལ།
ཁམས་རའི་ནགས་ཚལ་ནི་གཅན་ཚ་རྫོང་མཁར་གྱི་ནུབ་བྱང་སྟེ་དོ་རྒྱ་དང་ཁམས་ར། བྲག་ཁང་སྣ་ཁ་བཅས་མཚོ་འཕགས་སྨི2580-4000ཡོད་པའི་རི་ཁུལ་དུ་ཁེབས་པའི་རྒྱལ་ཁབ་རིམ་པའི་སྲུང་སྐྱོབ་ནགས་ཚལ་ལ་ཟེར།
གདོང་མགོ་ནགས་ཚལ།
གདོང་མགོ་ནགས་ཚལ་ནི་གཅན་ཚ་རྫོང་མཁར་གྱི་ལྷོ་ཕྱོགས་སྟེ་སྣང་ར་དང་། ནང་ཁོག སྟེང་སོ། གཅན་ཚ་ཐང་བཅས་ཀྱི་ཁོངས་སུ་ཁེབས་ཡོད།
ལོ་བའི་ནགས་ཚལ།
ལོ་བའི་ནགས་ཚལ་ནི་གཅན་ཚ་རྫོང་གི་ནུབ་ཕྱོགས་སྟེ་ཚོ་དྲུག་དང་། སྐྱ་རེངས། སྐྱ་རྒྱ་བཅས་ཀྱི་ཁོངས་སུ་ཁེབས་ཡོད།
མོ་ཆུ་ནགས།
མོ་ཆུ་ནགས་ཞེས་པ་ནི་མཚོ་ལྷོ་ཁུལ་མང་རྫོང་མགོ་མང་གཞོངས་གྲོང་རྡལ་མངའ་ཁོངས་ཀྱི་ནགས་ཚལ་ཞིག་སྟེ། མགོ་མང་གཞོངས་གྲོང་རྡལ་སྲིད་གཞུང་གི་ཤར་ལྷོའི་ཕྱོགས་སུ་ཧ་ལམ་སྤྱི་ལེ30ཡི་སར་ཡོད་ཅིང་། རྒྱ་ཁྱོན་ལ་མུའུ4162.80ཡོད།
ཇིད་པར་ནགས།
ཇིད་པར་ནགས་ཞེས་པ་ནི་མཚོ་ལྷོ་ཁུལ་མང་རྫོང་ཐར་ཤུལ་ཡུལ་ཚོ་མངའ་ཁོངས་ཀྱི་ནགས་ཚལ་ཞིག་སྟེ། ཐར་ཤུལ་ཡུལ་ཚོའི་མངའ་ཁོངས་ཀྱི་རྫ་རྒན་རི་བོའི་ལྷོ་རྒྱུད་དུ་ཇིད་པར་དང་། ཇིད་ཆུང་། སྐུང་དམར། ཕོ་ལྷ་ལ་སོགས་པའི་ལུང་བར་ཁེབས་འདུག རྒྱ་ཁྱོན་ལ་སྤྱི་ལེ་གྲུ་བཞི་མ་ཕལ་ཆེར466ཡོད་པ་དང་མང་རྫོང་གི་མངའ་ཁུལ་གྱི་རང་བྱུང་ནགས་ཚལ་ཅུང་ཆེ་བ་ཞིག་ཡིན།
འགྲམ་ནགས་ཆེ་ཆུང་།
ས་མིང་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་ཤར་ཕྱོགས་ཀྱི་སྤྱི་ལེ30ཡས་མས་སུ་ཡོད།
བེའུ་ཧ་ནགས་རྒན།
ས་མིང་ཞིག་ཡིན་ཏེ། ཐེམ་ཆེན་རྫོང་མཁར་དམར་ཡུལ་ཚོའི་སྲིད་གཞུང་དང་བར་ཐག་སྤྱི་ལེ15ཡས་མས་ཡོད།
ཁྲག་རོ་གནའ་བོའི་སྟར་སྡོང་།
ཁྲག་རོ་གནའ་བོའི་སྟར་སྡོང་ཞེས་པ་ནི་བོད་ལྗོངས་ཉིང་ཁྲི་ས་ཁུལ་སྤོ་བོ་རྫོང་གི་ཁོངས་སུ་ཡོད་པའི་སྟར་གའི་སྡོང་བོ་ཤིན་ཏུ་སྐད་གྲགས་ཆེ་བ་ཞིག་ཡིན་པ་དང་། སྟར་གའི་སྡོང་བོ་དེ་ནི་ཉིང་ཁྲི་ས་ཁུལ་སྤོ་བོ་རྫོང་གི་སུམ་འཛོམས་གྲོང་རྡལ་གལ་སྲིད་འཛིན་གྲོང་ཚོའི་ཁྲག་རོ་ཀོ་རང་བྱུང་གྲོང་ཚོའི་ནང་དུ་ཡོད་པ་རེད།
སྤྱི་ཕན་ནགས་ཚལ།
སྤྱི་ཕན་ནགས་ཚལ་ལ་སྐྱེ་ཁམས་སྤྱི་ཕན་ནགས་ཚལ་ཡང་ཟེར་ཞིང་། དེ་ནི་མིའི་རིགས་ཀྱི་འཚོ་གནས་ཁོར་ཡུག་ལ་སྲུང་སྐྱོབ་དང་ཇེ་ལེགས་སུ་གཏོང་བ་དང་། སྐྱེ་ཁམས་དོ་སྙོམས་རྒྱུན་འཁྱོངས་བྱེད་པ། སྐྱེ་དངོས་རིགས་ཀྱི་ཐོན་ཁུངས་ཉར་ཚགས་བྱེད་པ། ཚན་རིག་ཚོད་ལྟ། ནགས་ཚལ་ཡུལ་སྐོར། རྒྱལ་ཁབ་ས་ཆ་བདེ་སྲུང་སོགས་ཀྱི་དགོས་མཁོ་དེ་གཉེར་སྐྱོང་དམིགས་ཚད་གཙོ་བོར་བྱེད་པའི་ནགས་ཚལ་དང་སྡོང་ཕྲན་ནགས་ཚལ་ཞིག་ཡིན། འཛུགས་སྐྲུན་དང་། སྲུང་སྐྱོབ། དོ་དམ་བཅས་བྱེད་པ་ནི་མི་དམངས་སྲིད་གཞུང་རིམ་པ་ཁག་གིས་གཙོ་བོར་འཇོག་དགོས། དོན་གཅོད་དབང་ཆའི་རིམ་པ་ལྟར་རྒྱལ་ཁབ་ཀྱི་སྐྱེ་ཁམས་སྤྱི་ཕན་ནགས་ཚལ་དང་ས་གནས་ཀྱི་སྐྱེ་ཁམས་སྤྱི་ཕན་ནགས་ཚལ（དེའི་ནང་ཞིང་ཆེན་རིམ་པ་དང་། གྲོང་ཁྱེར་རིམ་པ། རྫོང་རིམ་པ་བཅས་ཚུད་ཡོད）དུ་དབྱེ་ཡོད་ལ། སྤྱི་ཕན་ནགས་ཚལ་ལ་རྒྱལ་ཁབ་རིམ་པ་དང་། ཞིང་ཆེན་རིམ་པ། གྲོང་ཁྱེར་དང་རྫོང་རིམ་པ་བཅས་ཀྱི་སྤྱི་ཕན་ནགས་ཚལ་དུ་དབྱེ་ཡོད།
ཧའེ་ནན་ཚ་ཁུལ་ཆར་ནགས་རྒྱལ་ཁབ་སྤྱི་གླིང་།
ཧའེ་ནན་ཚ་ཁུལ་ཆར་ནགས་རྒྱལ་ཁབ་སྤྱི་གླིང་ནི་ཧའེ་ནན་ཞིང་ཆེན་གྱི་དབུས་རྒྱུད་རི་ཁུལ་དུ་གནས་པ་དང་། ཤར་དུ་ཧྥེ་ལུའོ་རི་བོའི་རྒྱལ་ཁབ་ནགས་ཚལ་སྤྱི་གླིང་ནས་ནུབ་ཀྱི་ཅན་ཧྥེང་ལིན་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་བར། ལྷོ་པོ་ཐིང་རྫོང་མའོ་ཞི་ཤང་ནས་བྱང་དུ་ལི་མུའུ་རི་བོའི་ཞིང་ཆེན་རིམ་པའི་རང་བྱུང་སྲུང་སྐྱོང་ཁུལ་བར་ཡིན་པ་དང་། དེ་ནི་ཚ་ཁུལ་ཆར་ནགས་དང་འཛམ་གླིང་གི་དུས་རླུང་གི་རྒྱུན་ལྗང་འདབ་རྒྱ་ཆེ་བའི་ནགས་ཚལ་སྣོལ་འདྲེས་ཀྱི“སྐམ་ས་ཆེན་པོའི་རང་བཞིན་གྱི་གླིང་ཕྲན་གྱི་གླིང་ཕྲན་རྣམ་པའི”ཚ་ཁུལ་གཅིག་པུ་དེ་ཡིན།
སྐྱེ་དངོས་ཀྱི་གཤིས་ནུས།
སྐྱེ་དངོས་ཀྱི་གཤིས་ནུས་ནི་རང་བྱུང་ཁམས་སུ་ཚེ་སྲོག་ཡོད་པའི་རྩི་ཤིང་གིས་འདོན་སྤྲོད་བྱས་པའི་ནུས་ཚད་ཡིན། རྩིས་བརྒྱབ་པ་ལྟར་ན། སྐྱེ་དངོས་དངོས་ཟོག་གསོག་ཉར་གྱི་ནུས་ཚད་དེ་འཛམ་གླིང་གི་ནུས་རྒྱུ་འཛད་སྤྱོད་བསྡོམས་འབོར་ལས་ལྡབ2ཀྱིས་མཐོ་བ་ཡོད། མིའི་རིགས་ཀྱི་ལོ་རྒྱུས་ཐོག་ཆེས་སྔ་མོར་བཀོལ་སྤྱོད་བྱེད་པའི་ནུས་ཁུངས་ནི་སྐྱེ་དངོས་ཀྱི་གཤིས་ནུས་ཡིན།
ཧྲའན་ཞི་ཧན་ཁྲེང་གི་བྱ་ཝང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཧྲའན་ཞི་ཧན་ཁྲེང་གི་བྱ་ཝང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཧྲའན་ཞི་ཞིང་ཆེན་གྱི་ཤར་རྒྱུད་དང་ཀོན་ཀྲུང་གཤོང་ས་བྱང་ཤར་མཐའ་ཁུལ་དང་ཧྲའན་ཞི་བྱང་རྒྱུད་ཀྱི་ས་སེར་མཐོ་སྒང་གི་ལྷོ་རྒྱུད་དུ་གནས་ཡོད། སྲུང་སྐྱོབ་ཁུལ་དེ་ནི་ས་སེར་མཐོ་སྒང་ཐོག་ཉར་ཚགས་ཅུང་ཆ་ཚང་ཞིང་གདོད་མའི་རང་བཞིན་གྱི་རང་བྱུང་ནགས་ཚལ་ཁུལ་འབའ་ཞིག་དེ་ཡིན་པ་དང་། སྤྱིའི་རྒྱ་ཁྱོན་ལ་སྤྱི་ཆིང39124ཡོད། སྲུང་སྐྱོབ་ཁུལ་དེ་ནི་ཀྲུང་གོའི་སྐྱེ་དངོས་སྣ་མང་ཕུན་སུམ་ཚོགས་པའི་ས་ཁུལ་གྱི་གྲས་ཤིག་ཡིན་པ་དང་། སྣོད་བཅུད་ས་བབ་ཀྱི་ལེགས་ཆ་ཆེ་ཙམ་ལྡན་པ། བྱ་ཝང་གི་ཁྱད་དུ་འཕགས་པའི་འཚོ་སྡོད་ཁོར་ཡུག་ཡོད་པའི་རི་ཁུལ་གྱི་ནགས་ཚལ་མཛེས་ལྗོངས་ཤིག་རེད། ཧན་ཁྲེང་གི་བྱ་ཝང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་གྱི་སྲུང་སྐྱོབ་བྱ་ཡུལ་གཙོ་བོ་ནི་བྱ་ཝང་གི་ཁྱུ་ཚོགས་དང་དེ་བཞིན་དེའི་འཚོ་གནས་ཁོར་ཡུག་ཡིན་པ་རེད།
ཧྲའན་ཤིས་ཧན་ཁྲེང་ཧོང་ལུང་རི་བོའི་བྱ་ཝང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཧྲའན་ཤིས་ཧན་ཁྲེང་ཧོང་ལུང་རི་བོའི་བྱ་ཝང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཧྲའན་ཤིས་ཞིང་ཆེན་ཧན་ཁྲེང་ས་ཁོངས་སུ་གནས་པ་དང་། ས་ཁམས་གནས་ཚད་ནི་ཤར་གྱི་གཞུང་ཐིག་ཏུའུ110°07′—110°27′ཡིན་པ་དང་། བྱང་གི་འཕྲེད་ཐིག་ཏུའུ35°33′—35°45′བར་ཡིན། སྲུང་སྐྱོབ་ཁུལ་དེ་སྤྱི་ལོ2001ལོར་བཙུགས་པ་དང་སྤྱི་ལོ2010ལོར་བྱ་ཝང་ཞིང་ཆེན་རིམ་པའི་རང་བྱུང་སྲུང་སྐྱོབ་ཁུལ་དེ་རྒྱལ་ཁབ་ཁོར་ཡུག་སྲུང་སྐྱོབ་པུའུ་ཞིབ་དཔྱད་བྱས་པ་བརྒྱུད་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དུ་རིམ་སྤོར་བྱས།
ཧྲའན་ཤིས་ཙེ་པོ་རི་བོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཧྲའན་ཤིས་ཙེ་པོ་རི་བོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དེ་ཧྲའན་ཤིས་ཞིང་ཆེན་པའོ་ཅི་གྲོང་ཁྱེར་ཧྥིང་རྫོང་ཁོངས་སུ་གནས་པ་དང་སྲུང་སྐྱོབ་ཁུལ་གྱི་སྤྱིའི་རྒྱ་ཁྱོན་སྤྱི་ཆིང17472ཡོད་པའི་ནང་ལྟེ་བའི་ཁུལ་གྱི་རྒྱ་ཁྱོན་སྤྱི་ཆིང5278དང་། བར་ཆོད་ཁུལ་གྱི་རྒྱ་ཁྱོན་སྤྱི་ཆིང5186 ཚོད་ལྟའི་ཁུལ་གྱི་རྒྱ་ཁྱོན་སྤྱི་ཆིང708བཅས་ཟིན་ཡོད་པ་རེད། སྲུང་སྐྱོབ་ཁུལ་ནི་རི་སྐྱེས་སྲོག་ཆགས་རིགས་ཀྱི་རང་བྱུང་སྲུང་སྐྱོབ་ཁུལ་ཡིན་པ་དང་། སྲུང་སྐྱོབ་བྱ་ཡུལ་གཙོ་བོ་ནི་ནགས་ཁྲོད་གླ་དང་དེ་བཞིན་འཚོ་གནས་བྱ་ཡུལ་ཡིན།
ཧྲའན་ཤིས་ལུའེ་དབྱང་རྩ་ཆེ་ཆུ་སྐྱེས་སྲོག་ཆགས་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ།
ཧྲའན་ཤིས་ལུའེ་དབྱང་རྩ་ཆེ་ཆུ་སྐྱེས་སྲོག་ཆགས་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་ནི་ཧྲའན་ཞི་ཞིང་ཆེན་གྱི་ལུའེ་དབྱང་རྫོང་ཁོངས་སུ་གནས་པ་དང་སྤྱིའི་རྒྱ་ཁྱོན་ལ་སྤྱི་ཆིང3415ཡོད། སྲུང་སྐྱོང་བྱ་ཡུལ་ནི་ཉི་ཉ་དང་། ཆུ་སྲམ། ཁྲབ་ཆུང་ཉ་བཅས་དང་དེ་བཞིན་དེའི་འཚོ་སྡོད་བྱེད་སའི་ཆུ་ཁོངས་ཀྱི་སྐྱེ་ཁམས་ཁོར་ཡུག་ཡིན། སྲུང་སྐྱོང་ཁུལ་དེ་ནི་ཆིན་ལིང་ལྷོ་རྒྱུད་ཀྱི་སྣོད་བཅུད་གྲུབ་ཆ་ཆ་ཚང་ཤོས་དང་སྐྱེ་དངོས་སྣ་མང་རང་བཞིན་གྱི་ཁྱད་ཆོས་མངོན་གསལ་དོད་ཤོས་ཀྱི་ཆུ་སྐྱེས་དང་རི་སྐྱེས་སྲོག་ཆགས་དང་རྩི་ཤིང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་ཞིག་རེད།
ཧྲའན་ཞི་ཧོང་པོ་ཡོན་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཧྲའན་ཞི་ཧོང་པོ་ཡོན་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཆིན་ལིང་གི་བར་རྒྱུད་ལྷོ་ངོས་སུ་གནས་པ་དང་། དེ་ནི་ཐེ་པའེ་རྫོང་ཁོངས་སུ་གནས་ཡོད། དེ་ནི་དོམ་དང་དེའི་འཚོ་སྡོད་བྱེད་ཡུལ་གཙོ་བོ་ཡིན་པའི་རི་སྐྱེས་སྲོག་ཆགས་རིགས་ཀྱི་རང་བྱུང་སྲུང་སྐྱོབ་ཁུལ་ཡིན། སྲུང་སྐྱོབ་ཁུལ་དེ་ཀྲོའུ་ཀྲི་རྫོང་གྲོང་རྙིང་པའི་ཞིང་ཆེན་རིམ་པའི་རང་བྱུང་སྲུང་སྐྱོབ་ཁུལ་དང་སྦྲེལ་བ་དང་། ཤར་ལྷོ་དང་ཧྥོ་ཕིང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་འབྲེལ་མཐུད་བྱས་ཡོད། ལྷོ་ངོས་ཁྲང་ཆིང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དང་སྦྲེལ་བ། ནུབ་ངོས་དང་ཉིའུ་ཝེ་ཧོ་གཙང་པོའི་ཞིང་ཆེན་རིམ་པའི་རང་བྱུང་སྲུང་སྐྱོབ་ཁུལ་དང་སྦྲེལ་བ། བྱང་ངོས་ཐའེ་ཧྲན་རི་བོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དང་སྦྲེལ་ཡོད།
ཧྲའན་ཞི་ཕིན་ཧོ་ལེའང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཧྲའན་ཞི་ཕིན་ཧོ་ལེའང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཆིན་ལིང་ལྷོ་ངོས་ཀྱི་ཧྲའན་ཞི་ཞིང་ཆེན་གྱི་ཉིང་ཧྲའན་རྫོང་གི་མངའ་ཁོངས་སུ་གནས་པ་དང་། དེ་ནི་དོམ་དང་དེའི་འཚོ་སྡོད་བྱ་ཡུལ་གཙོ་བོར་འཛིན་པའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ཞིག་རེད། སྲུང་སྐྱོབ་ཁུལ་ནི་ཆིན་ལིང་དོམ་ཁྲའི་འཚོ་གནས་ཁུལ་གྱི་ཆེས་ཤར་ཕྱོགས་སུ་གནས་པ་དང་། དེ་ནི་ཆིན་ལིང་དོམ་ཁྲའི་ས་ཁོངས་ཀྱི་ཁྱུ་ཚོགས་ཏེ་ཕིང་ཧོ་ལེའང་ས་ཁོངས་ཀྱི་ཁྱུ་ཚོགས་ཀྱི་ལྟེ་བའི་ཁུལ་ཡིན་ལ། ཀྲུང་གོའི་དོམ་ཁྲའི་ཤར་ངོས་ཀྱི་ཁྱབ་ཁུལ་ཡང་ཡིན་པ་དང་སྤྱིའི་རྒྱ་ཁྱོན་སྤྱི་ཆིང21152ཟིན་གྱིན་ཡོད། དེའི་ནང་ལྟེ་བའི་ཁུལ་ལ་སྤྱི་ཆིང6510དང་། བར་ཆོད་ཁུལ་ལ་སྤྱི་ཆིང6200 ཚོད་ལྟ་ཁུལ་ལ་སྤྱི་ཆིང8442བཅས་ཡོད་པ་རེད།
ཀྲོའུ་ཀྲི་རྫོང་གི་རྫོང་རྙིང་རང་བྱུང་སྲུང་སྐྱོབ་ཁུལ།
ཀྲོའུ་ཀྲི་རྫོང་གི་རྫོང་རྙིང་རང་བྱུང་སྲུང་སྐྱོབ་ཁུལ་དེ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དུ་འཕར་ནས་ཤིས་ཨན་གྲོང་ཁྱེར་གྱི་རྒྱལ་ཁབ་རིམ་པའི་ཆིན་ལིང་དོམ་ཁྲའི་རང་བྱུང་སྲུང་སྐྱོབ་ཁུལ་དང་པོར་གྱུར་ཡོད། སྤྱིའི་རྒྱ་ཁྱོན་ལ་སྤྱི་ཆིང12611ཡོད། ནང་ཁུལ་དུ་ད་ལྟ་སྒལ་ཚིགས་སྲོག་ཆགས་རིགས63ཡོད།
ཧྲའན་ཞི་ཀོན་དབྱིན་རི་བོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཧྲའན་ཞི་ཀོན་དབྱིན་རི་བོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཆིན་ལིང་བར་རྒྱུད་ཀྱི་ལྷོ་ངོས་ཀྱི་ཧྥུའུ་ཕིན་རྫོང་གི་མངའ་ཁོངས་སུ་གནས་པ་དང་། ཀྲུང་གོའི་དོམ་ཁྲ་དང་། སྤྲེའུ་སྤུ་སེར། གཙོད་སོགས་ཁྱབ་ཁུལ་གཙོ་བོ་ཞིག་ཡིན། སྲུང་སྐྱོབ་ཁུལ་གྱི་སྤྱིའི་རྒྱ་ཁྱོན་ལ་སྤྱི་ཆིང13534ཡོད་པ་དེའི་ནང་ལྟེ་བའི་ཁུལ་གྱི་རྒྱ་ཁྱོན་ལ་སྤྱི་ཆིང4274ཟིན་ཡོད།
ཧྲའན་ཤིས་ཏན་ཧྥུང་ཝུའུ་ཀོན་གཙང་པོའི་རྩ་ཆེ་ཆུ་སྐྱེས་སྲོག་ཆགས་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཧྲའན་ཤིས་ཏན་ཧྥུང་ཝུའུ་ཀོན་གཙང་པོའི་རྩ་ཆེ་ཆུ་སྐྱེས་སྲོག་ཆགས་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དེ་ཧྲའན་ཤིས་ཞིང་ཆེན་ཧྲང་ལུའོ་གྲོང་ཁྱེར་ཏན་ཧྥུང་རྫོང་ཁོངས་སུ་གནས་པ་དང་། སྤྱིའི་རྒྱ་ཁྱོན་སྤྱི་ཆིང9029ཟིན་ཡོད་པ་རེད། སྲུང་སྐྱོབ་ཁུལ་གྱི་སྲུང་སྐྱོབ་བྱ་ཡུལ་གཙོ་བོ་ནི་རྒྱལ་ཁབ་ཀྱི་རིམ་པ་གཉིས་པའི་གཙོ་གནད་སྲུང་སྐྱོབ་གི་ཆུ་སྐྱེས་དང་རི་སྐྱེས་སྲོག་ཆགས་ཡིན་པ་རེད།
ཧེ་ཧོ་ཆུ་བའི་རྩ་ཆེ་རི་སྐྱེས་སྲོག་ཆགས་ཀྱི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཧེ་ཧོ་ཆུ་བའི་རྩ་ཆེ་རི་སྐྱེས་སྲོག་ཆགས་ཀྱི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དེ་ཧྲའན་ཤིས་ཞིང་ཆེན་ཀྲོའུ་ཀྲི་རྫོང་ཁོངས་ཀྱི་ཧེ་ཧོ་ཆུའི་འབབ་རྒྱུད་དུ་གནས་པ་དང་། སྤྱི་ལོ2016ལོའི་ཟླ5པར་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དུ་རིམ་སྤོར་བྱས་པ་རེད།
ཧྲའན་ཞི་ཞིང་ཆེན་མོ་ཐེན་ལིང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཧྲའན་ཞི་ཞིང་ཆེན་མོ་ཐེན་ལིང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཧྲའན་ཞི་ཞིང་ཆེན་ཧན་ཀྲུང་གྲོང་ཁྱེར་ལིའུ་པ་རྫོང་གི་མངའ་ཁོངས་སུ་གནས་ཤིང་། ཤར་གྱི་ཏུའུ107°03′09″ －107°10′20″དང་། བྱང་གི་འཕྲེད་ཐིག33°31′53″－33°40′02″ཡིན། སྤྱིའི་རྒྱ་ཁྱོན་ལ་སྤྱི་ཆིང8520ཡོད་པའི་ནང་ལྟེ་བའི་ཁུལ་གྱི་རྒྱ་ཁྱོན་ལ་སྤྱི་ཆིང2804དང་། བར་ཆོད་ཁུལ་གྱི་རྒྱ་ཁྱོན་ལ་སྤྱི་ཆིང2510 ཚོད་ལྟའི་ཁུལ་གྱི་རྒྱ་ཁྱོན་ལ་སྤྱི་ཆིང3206བཅས་ཡོད།
ཧྲའན་ཞི་ཞིང་ཆེན་ཧུང་ཅན་ནོ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཧྲའན་ཞི་ཞིང་ཆེན་ཧུང་ཅན་ནོ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཧྲའན་ཞི་ཞིང་ཆེན་གྱི་ཡུས་ལིན་གྲོང་ཁྱེར་ཧྲེན་མུའུ་གྲོང་ཁྱེར་ཁོངས་ཀྱི་རང་བྱུང་སྲུང་སྐྱོབ་ཁུལ་ཡིན།
ཞིན་ལུང་རི་བོ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཞིན་ལུང་རི་བོ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ལན་ཀྲོའུ་གྲོང་ཁྱེར་གྱི་ཤར་ལྷོའི་ཡུས་ཀྲུང་རྫོང་གི་ཁོངས་སུ་ཡོད་པ་དང་། ལྷོ་ངོས་ལིན་ཐའོ་དང་། ཤར་ངོས་ཏིང་ཞི། ནུབ་བྱང་ལན་ཀྲོའུ་ཡི་མཐའ་འབྲེལ་ཡོད། སྲུང་སྐྱོབ་ཁུལ་གྱི་སྤྱིའི་རྒྱ་ཁྱོན་ལ་སྤྱི་ཆིང33301ཡོད། ཤིང་ལུང་ཧྲན་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་གྱི་རིགས་ནི་ནགས་ཚལ་སྣོད་བཅུད་མ་ལག་གི་རིགས་ཡིན་པ་དང་། སྲུང་སྐྱོབ་བྱ་ཡུལ་གཙོ་བོ་ནི་རི་སྐྱེས་སྲོག་ཆགས་དང་། རང་བྱུང་གི་ཡུན་ཧྲན་ནགས་ཚལ་རྙིང་པ་དང་དེའི་སྣོད་བཅུད་མ་ལག་རེད།
ཀན་སུའུ་མདོ་ལ་རིང་མོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཀན་སུའུ་མདོ་ལ་རིང་མོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་མཚོ་བོད་དང་། ས་སེར་བཅས་ས་མཐོ་ཆེན་པོ་གསུམ་འབྲེལ་མཚམས་ཀྱི་མདོ་ལ་རིང་མོའི་བྱང་འདབས་སུ་གནས་པ་དང་། ནགས་ཚལ་སྣོད་བཅུད་མ་ལག་རིགས་ཀྱི་རང་བྱུང་སྲུང་སྐྱོབ་ཁུལ་ཡིན། སྲུང་སྐྱོབ་ཁུལ་དེ་ནི་ནགས་ཚལ་སྣོད་བཅུད་མ་ལག་རིགས་ཀྱི་རང་བྱུང་སྲུང་སྐྱོབ་ཁུལ་ཡིན་པ་དང་སྤྱིའི་རྒྱ་ཁྱོན་སྤྱི་ཆིང་ཁྲི265.3ཟིན་ཡོད་པ་རེད།
ཀན་སུའུ་ཏུན་ཧོང་ཞི་ཧུའུ་མཚེའུ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཀན་སུའུ་ཏུན་ཧོང་ཞི་ཧུའུ་མཚེའུ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཀན་སུའུ་ཞིང་ཆེན་ཅིའུ་ཆོན་གྲོང་ཁྱེར་ཏུན་ཧོང་གྲོང་ཁྱེར་གྱི་ནུབ་རྒྱུད་དུ་གནས་པ་དང་། སྲུང་སྐྱོབ་ཁུལ་ནི་སྤྱི་ལོ1992ལོར་བསྐྲུན་པ་དང་། སྤྱི་ལོ2003ལོའི་ཟླ6པར་རྒྱལ་སྲིད་སྤྱི་ཁྱབ་ཁང་གིས་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དུ་རིམ་སྤོར་བྱ་རྒྱུའི་ཆོག་མཆན་གནང་བ་རེད། སྲུང་སྐྱོབ་ཁུལ་གྱི་སྤྱིའི་རྒྱ་ཁྱོན་སྤྱི་ཆིང་ཁྲི66ཟིན་ཞིང་། སྲུང་སྐྱོབ་བྱ་ཡུལ་གཙོ་བོ་ནི་འདམ་རའི་སྣོད་བཅུད་མ་ལག་དང་བྱེ་ཐང་སྣོད་བཅུད་མ་ལག་དང་དེ་བཞིན་རི་སྐྱེས་སྲོག་ཆགས་དང་རྩི་ཤིང་ཡིན་པ་རེད།
ཀན་སུའུ་ཞིང་ཆེན་གྱི་ཨན་ཞི་ཐང་རྒོད་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཀན་སུའུ་ཞིང་ཆེན་གྱི་ཨན་ཞི་ཐང་རྒོད་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཀན་སུའུ་ཞིང་ཆེན་ཀྭ་ཀྲོའུ་རྫོང་ཁོངས་སུ་གནས་པ་དང་རྒྱ་ཁྱོན་སྤྱི་ཆིང་ཁྲི80ཡོད། སྤྱི་ལོ1987ལོར་ཀན་སུའུ་ཞིང་ཆེན་མི་དམངས་སྲིད་གཞུང་གི་ཆོག་མཆན་ཐོབ་པ་བརྒྱུད་བཙུགས་པ་དང་སྤྱི་ལོ1992ལོར་རྒྱལ་ཁབ་རིམ་པར་རིམ་སྤོར་བྱས་ཤིང་། སྲུང་སྐྱོབ་བྱ་ཡུལ་གཙོ་བོ་ནི་ཧ་ཅང་ཐན་པའི་ཐང་རྒོད་ཀྱི་སྣོད་བཅུད་མ་ལག་ཡིན་པ་རེད།
ཀན་སུའུ་ཞིང་ཆེན་མིན་ཆིང་ལན་གནའ་གྲོང་གི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཀན་སུའུ་ཞིང་ཆེན་མིན་ཆིང་ལན་གནའ་གྲོང་གི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཀན་སུའུ་ཞིང་ཆེན་མིན་ཆིང་རྫོང་ཁོངས་ཀྱི་ཐང་རྒོད་ས་ཁོངས་སུ་གནས་ཤིང་། སྤྱིའི་རྒྱ་ཁྱོན་ལ་སྤྱི་ཆིང389882.5ཡོད། སྤྱི་ལོ2002ལོའི་ཟླ7པར་རྒྱལ་སྲིད་སྤྱི་ཁྱབ་ཁང་གིས་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དུ་རིམ་སྤོར་བྱ་རྒྱུའི་ཆོག་མཆན་གནང་བ་རེད། དེ་ནི་ཀྲུང་གོའི་རྒྱ་ཁྱོན་ཆེ་ཤོས་ཀྱི་བྱེ་ཐང་སྣོད་བཅུད་རིགས་ཀྱི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ཞིག་རེད།
ཀན་སུའུ་པའེ་ཧྲུའེ་ཅང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཀན་སུའུ་པའེ་ཧྲུའེ་ཅང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དེ་སྤྱི་ལོ1978ལོར་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་ནས་བཙུགས་པ་དང་། ཀན་སུའུ་ཞིང་ཆེན་གྱི་ཆེས་ལྷོ་སྣེའི་མཚམས་སུ་གནས་ཡོད། སྲིད་འཛིན་ས་ཁོངས་ཀྱི་ལུང་ནན་གྲོང་ཁྱེར་ཝུའུ་ཏུའུ་ཆུས་དང་ཝུན་རྫོང་གི་ཤང་གྲོང9ཡི་ཁོངས་སུ་གཏོགས་ཡོད། སྤྱིའི་རྒྱ་ཁྱོན་སྤྱི་ལེ་ངོས་གྲུ་བཞི་མ1837.99དང་། ལྟེ་བའི་ཁུལ་དུ་སྤྱི་ལེ་གྲུ་བཞི་མ901.58 བར་ཁུལ་དུ་སྤྱི་ལེ་ངོས་གྲུ་བཞི་མ261.32 ཚོད་ལྟ་ཁུལ་དུ་སྤྱི་ལེ་ངོས་གྲུ་བཞི་མ675.09བཅས་ཡོད་པ་དང་། ནགས་ཚལ་ཁྱབ་ཚད87.3%ཟིན་ཡོད་པ་རེད། ཀན་སུའུ་པའེ་ཧྲུའེ་གཙང་པོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཀྲུང་གོས་དོམ་ཁྲར་སྲུང་སྐྱོབ་བྱ་རྒྱུ་གཙོ་བོར་བྱེད་པའི་གཙོ་གནད་སྲུང་སྐྱོབ་ཁུལ་གྱི་གཙོ་གཟུགས་ཤིག་ཡིན་པ་དང་། ཀན་སུའུ་ཞིང་ཆེན་གྱི་ཚ་ཁུལ་བྱང་མའི་སྐྱེ་དངོས་ཐོན་ཁུངས་ཡོད་པའི་རང་བྱུང་མཛེས་ལྗོངས་ཁུལ་འབའ་ཞིག་དེ་རེད། ཀན་སུའུ་པའེ་ཧྲུའེ་ཅང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་གྱི་སྲུང་སྐྱོབ་བྱ་ཡུལ་གཙོ་བོ་ནི་དོམ་ཁྲ་དང་ཤིང་གུང་ཐུང་སོགས་རྩ་ཆེ་ལ་སྟོངས་ལ་ཉེ་བའི་རི་སྐྱེས་སྲོག་ཆགས་དང་རྩི་ཤིང་སྣ་ཚོགས་དང་དེ་བཞིན་དེའི་འཚོ་གནས་བྱེད་པའི་རང་བྱུང་སྣོད་བཅུད་ཁོར་ཡུག་དང་སྐྱེ་དངོས་སྣ་མང་རང་བཞིན་ཡིན་པ་རེད།
ཀན་སུའུ་ལེན་ཧྭ་རི་བོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ།
ཀན་སུའུ་ལེན་ཧྭ་རི་བོའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་ནི་ཀན་སུའུ་ཞིང་ཆེན་གྱི་ཤར་ལྷོའི་རྒྱུད་ཀྱི་ཁང་ལེ་དང་། ལིན་ཐན། ཅོ་ནེ། ལིན་ཐོ། ཝེ་ཡོན་བཅས་རྫོང་ལྔའི་འབྲེལ་མཚམས་སུ་གནས་ཤིང་། ཀན་སུའུ་ཞིང་ཆེན་ལིན་ཐན་རྫོང་གི་བྱང་རྒྱུད་ཀྱི་པ་ཅའོ་ཤང་གི་ས་ཁོངས་སུ་ཆགས་ཡོད་པ་དང་། གཅིག་སྡུད་བྱས་པའི་ཟུར་གསུམ་ཁུལ་གྱི་སྤྱིའི་རྒྱ་ཁྱོན་སྤྱི་ལེ་ངོས་གྲུ་བཞི་མ125.51ཟིན་གྱིན་ཡོད། རྨ་ཆུའི་རིམ་པ་དང་པོའི་ཡན་ལག་ཆུ་བོ་སྟེ་ཐོ་ཆུའི་ཆུ་ཁུངས་གསོ་བྱེད་ཁུལ་གཙོ་བོའི་གྲས་ཤིག་ཡིན་པ་དང་། ཆུ་ཁུངས་གསོ་བྱེད་ཀྱི་ནུས་པ་མངོན་གསལ་དོད་པོ་ཡོད།
