མཐོ་རིམ་སློབ་གྲྭ།
མཐོ་རིམ་སློབ་གྲྭ་ནི་སློབ་གྲྭ་ཆེན་མོ་དང་ཆེད་ལས་སློབ་གླིང་། མཐོ་རིམ་ལས་རིགས་ལག་རྩལ་སློབ་གྲྭ། མཐོ་རིམ་ཆེད་སྦྱོང་སློབ་གྲྭ་སོགས་ཀྱི་སྤྱི་མིང་ཡིན། ཡོན་ཚད་དང་གསོ་སྐྱོང་གི་རིམ་པ་སྟེང་ནས་བཤད་ན། ཆེད་སྦྱོང་དང་དངོས་གཞི། རབ་འབྱམས་ཞིབ་འཇུག་སློབ་མ། འབུམ་རམས་ཞིབ་འཇུག་སློབ་མ་ཚང་མ་མཐོ་རིམ་སློབ་གྲྭའི་ཁོངས་སུ་གཏོགས་ཤིང་། སློབ་གྲྭ་ཆེན་མོ་ནི་མཐོ་རིམ་སློབ་གྲྭའི་ཆ་ཤས་ཤིག་ཡིན།
བོད་སྐད་ཡིག་རྩོམ་རིག་ཆེད་ལས།
སློབ་ཆེན་བོད་སྐད་ཡིག་རྩོམ་རིག་ཆེད་ལས་ནི་བཅིངས་འགྲོལ་རྗེས་འཛུགས་སྐྲུན་དང་རིམ་བཞིན་འཐུས་སྒོ་ཚང་དུ་སོང་བའི་ཆེད་ལས་ཤིག་ཡིན།
རྩོམ་འབྲིའི་ནུས་པ།
རྩོམ་འབྲི་ནི་དེང་རབས་སྤྱི་ཚོགས་ནང་མེད་དུ་མི་རུང་ཞིང་། ཆ་འཕྲིན་གཏོང་སྤྲོད་དང་། བསམ་བློ་བརྗེ་རེས་སྐབས་རྩོམ་འབྲི་དགོས་པ་མ་ཟད། སློབ་སྦྱོང་དང་ཚན་རིག་ཞིབ་འཇུག ཉམས་མྱོང་སྤེལ་རེས་དང་ཤེས་བྱ་བརྒྱུད་སྤྲོད་སྐབས་ཀྱང་རྩོམ་འབྲི་དགོས་པ་སོགས་གང་ལྟར་རྩོམ་འབྲི་ནི་མེད་དུ་མི་རུང་ཞིང་། རྩོམ་འབྲི་བ་ནི་དེང་རབས་སྤྱི་ཚོགས་ཀྱི་འཚོ་བའི་གྲུབ་ཆ་གལ་ཆེན་ཞིག་ཏུ་གྱུར་ཡོད།
འཆད་འཁྲིད་དགེ་རྒན།
མཐོ་རིམ་སློབ་གྲྭའི་ནང་གི་དགེ་རྒན་ཆེན་མོ་གཞོན་པ་ལས་རིམ་པ་གཅིག་གི་དམའ་བའི་དགེ་རྒན།
རོགས་འཁྲིད་དགེ་རྒན།
སློབ་ཆེན་དགེ་རྒན་མིང་བཏགས་ལས་ཆེས་དམའ་བའི་ཚད་རིམ། མཐོ་རིམ་སློབ་གྲྭའི་སློབ་ཁྲིད་བྱེད་བཞིན་པའི་དགེ་རྒན་ཁྲོད་ནས་འཆད་འཁྲིད་དགེ་རྒན་ལས་རིམ་པ་གཅིག་གིས་དམའ་བའི་དམའ་རིམ་མིང་བཏགས་ཀྱི་ཁོངས་གཏོགས་ཡིན། རྩ་དོན་གྱི་ཐད་ནས་རོགས་འཁྲིད་དགེ་རྒན་གྱིས་སྒེར་ངོས་ནས་སློབ་ཁྲིད་བྱས་མི་ཆོག་པའམ། ཡང་ན་རིག་ཚན་གཅིག་གི་བསླབ་ཚན་ཡོངས་སུ་སློབ་ཁྲིད་བྱས་མི་ཆོག་པར། འཆད་འཁྲིད་དགེ་རྒན་ནམ་དགེ་རྒན་ཆེན་མོའི་རྗེས་འབྲངས་སྒོས་ལས་བྱ་ཞུ་དག་དང་སློབ་ཁྲིད་ཐད་ལ་རོགས་པ་བྱེད་དགོས།
དགེ་རྒན་ཆེན་མོ།
དགེ་རྒན་ཆེན་མོ་ཟེར་བ་ལ་མང་ཆེ་ཤོས་ནི་སློབ་ཆེན་ནམ་སློབ་གླིང་དུ་སློབ་ཁྲིད་བྱེད་པར་འོས་ཚད་འཛོམས་པོ་ཡོད་པའི་དགེ་རྒན་དང་ཞིབ་འཇུག་པ་ལ་གོ་བ་ཡིན་ལ། འོན་ཏེ་དགེ་རྒན་ཆེན་མོ་དང་ཞིབ་འཇུག་པར་ཁྱད་པར་ཡོད་པ་ཡིན། དགེ་རྒན་ཆེན་མོས་འཁྲིད་པའི་འགན་ཁུར་ཡོད་ལ། ཞིབ་འཇུག་པར་དེའི་ལས་འགན་མེད། དགེ་རྒན་ཆེན་མོ་ནི་སློབ་ཆེན་དགེ་རྒན་གྱི་མིང་བཏགས་ལས་ཆེས་མཐོ་ཤོས་ཡིན་ལ། རྒྱ་ཡིག་གི་དགེ་རྒན་ཆེན་མོ་ཞེས་པ་ནི་འཁྲིད་པ་དང་སྤྲོད་པའི་ནང་དོན་ཡིན་ལ། ཀྲུང་གོའི་གནའ་རབས་སུ་སློབ་དཔོན་གྱི་མིང་ཡིན། ཀྲུང་གོའི་ཧན་རྒྱལ་རབས་དང་ཐང་རྒྱལ་རབས་ཀྱི་སློབ་ཆེན་ནང་དུ་མིང་བཏགས་འདི་བཙུགས་ཡོད། དབྱིན་ཇིའི་མིང་ཚིག་གི་དོན་དང་འབྲེལ་བ་མེད་མོད། འཇར་པན་ཡི་གེའི་ཁྲོད་དུའང་སློབ་ཆེན་གྱི་དགེ་རྒན་ལ“教授”འདི་ལྟར་འབྲི།
མཛུབ་སྟོན་སློབ་དཔོན།
མཛུབ་སྟོན་སློབ་དཔོན（Hierophant）མིང་འདི་ནི་ཀེ་རི་སེའི་སྐད་ལས་བྱུང་བ་ཡིན་ལ། གནའ་བོའི་ཀེ་རི་སེའི་ཨའེ་ལེ་ཧྥུ་ཞི་སི་ཡིས་གསང་བའི་སྒོ་ནས་ཆོས་ལུགས་ཀྱི་ཆོ་ག་སྤེལ་བའི་མཆོད་འབུལ་མཁན་གཙོ་བོར་ཡིན་ལ། གཙོ་བོ་ལྐོག་གྱུར་གྱི་ཆོས་ལུགས་མཛད་སྒོའི་སྟེང་དངོས་པོ་ངོ་མཚར་ཅན་ཡར་འབུལ་རྒྱུ་དེ་ཡིན་པར་མ་ཟད། ཐོག་མར་ཆོས་ཞུགས་མཁན་ལ་གསང་བ་འགྲེལ་བཤད་བྱེད་རྒྱུ་དེ་ཡིན། སྐྱེས་ཆེན་དམ་པ་ནི་ངེས་པར་དུ་ཡིའུ་མོ་ཨེར་ཧྥུ་སི་རུས་རྒྱུད་ཡིན་དགོས་ལ། གོམས་སྲོལ་དུ་ལོ་ན་མཐོ་བ་དང་སྐད་གདངས་གསལ་བའི་སྐྱེས་པ་ཡིན་དགོས་ལ། དེར་མིང་སྲིང་ཡོད་མི་ཆོག ལས་གནས་སུ་འདུག་སྐབས། རང་གི་མིང་ངོ་མ་གཡུགས་ཏེ་སྐྱེས་ཆེན་དམ་པ་མ་གཏོགས་འབོད་མི་ཆོག མཛུབ་སྟོན་སློབ་དཔོན་གྱིས་ཤེས་བྱ་དང་བློ་གྲོས་ཀྱི་མཚོན་བྱེད་ཡིན། འདིའི་སྟེང་ནས་བཤད་ནའང་སྲོལ་རྒྱུན་གྱིHierophant（སྐྱེས་ཆེན་དམ་པ）ཁྱད་གཤིས་ངོ་མ་དེ་ཚང་འདུག ཁོ་ཚོ་ནི་ཤེས་བྱ་དང་ཀུན་སྤྱོད་ཀྱི་བརྒྱུད་སྤྲོད་མཁན་ཡིན་ལ། མིའི་རིགས་ཀྱི་སེམས་ནང་གི་ན་ཟུག་གསོ་བའི་སྨན་པ་ཡིན།
དངོས་གཞི།
དངོས་གཞི་ནི་སློབ་ཆེན་དངོས་གཞི་ཡིན་ལ། མཐོ་རིམ་སློབ་གསོའི་རྩ་བའི་གྲུབ་ཆ་ཡིན། སྤྱིར་བཏང་དུ་སློབ་ཆེན་ནམ་སློབ་གླིང་ནས་སྤེལ་དགོས་ལ། མཐོ་རིམ་ལས་རིགས་སློབ་གླིང་ཁག་ཅིག་ནས་བཀོལ་སྤྱོད་རང་བཞིན་གྱི་དངོས་གཞིའི་སློབ་གསོའི་སྤེལ་འགོ་ཚུགས་ལ། དངོས་གཞིའི་སློབ་གསོ་གཙོ་གནད་ནི་གཞུང་ལུགས་སྟེང་གི་ཆེད་ལས་ཅན་གྱི་ཤེས་སྤེལ་སློབ་གསོ་ཡིན་ལ། བཀོལ་སྤྱོད་རྣམ་པ་ཅན་གྱི་གཙོ་གནད་ནི་བཀོལ་སྤྱོད་སྟེང་གི་ཆེད་ལས་སློབ་གསོ་དང་དངོས་ཡོད་ལག་རྩལ་སློབ་གསོ་ཡིན། སློབ་མ་རྒྱུན་ལྡན་ངང་མཐར་ཕྱིན་རྗེས་སྤྱིར་བཏང་དུ་དངོས་གཞིའི་མཐར་ཕྱིན་འཛིན་ཡིག་དང་ཤེས་རམས་བསླབ་གནས་འཛིན་ཡིག་ཐོབ་པ་ཡིན། རང་རྒྱལ་ནས་དངོས་གཞི་བསླབ་གནས་ལ་ཉིན་ཧྲིལ་བོའི་ལམ་ལུགས་ཀྱི་དངོས་གཞི་དང་ཉིན་ཧྲིལ་བོའི་ལམ་ལུགས་མ་ཡིན་པའི་དངོས་གཞི་གཉིས་སུ་དགར་ཡོད། ཉིན་ཧྲིལ་བོའི་ལམ་ལུགས་དངོས་གཞི་ནི་རྒྱུན་ལྡན་དུ་རྒྱལ་ཡོངས་ས་ཆ་སོ་སོ་ནས་མཐོ་རྒྱུགས་དང་རང་བདག་སློབ་བསྡུ་ཡང་ན་འོས་སྐྱེལ་སོགས་ཀྱི་རྣམ་པས་སློབ་མ་བསྡུ་ལེན་བྱས་པ་ཡིན་ལ། སློབ་ལོ་ལོ4-6བར། སློབ་མས་སློབ་གྲྭར་སློབ་སྦྱོང་བྱེད་པ་ནི་ཁྱབ་བརྡལ་རང་བཞིན་གྱི་སློབ་གསོའི་རྣམ་པ་ཞིག་ཡིན་པར་མ་ཟད། སྤྱི་ཚོགས་ཁས་ལེན་རང་བཞིན་ཧ་ཅང་མཐོ། གཞན་ད་དུང་ཆེད་སྦྱོང་སློབ་མ་གཅིག་གྱུར་གྱི་ཆེད་སྦྱོང་དངོས་གཞིར་འཕེར་བའི་རྒྱུགས་ལེན་ལ་ཞུགས་ཏེ་དངོས་གཞིའི་སློབ་གསོ་མྱངས་ཆོག སློབ་ལོ་ལོ2ཡིན། ཉིན་ཧྲིལ་བོའི་ལམ་ལུགས་མ་ཡིན་པའི་དངོས་གཞི་གཙོ་བོ་ལ་རང་སྦྱོང་རྒྱུགས་ལེན་གྱི་དངོས་གཞི་དང་དར་མའི་མཐོ་རྒྱུགས། རྒྱང་སྲིང་སློབ་གསོ། ལས་ཞོར་སློབ་གསོ། སྒོ་འབྱེད་སློབ་གསོ་སོགས་རིགས་མང་པོ་ཡོད་ལ། སྦྱོང་ཡུན་ཚད་བཀག་མེད་པ། སློབ་སྦྱོང་བྱེད་ཐབས་རྣམ་པ་སྣ་ཚོགས་ཡོད་པར་མ་ཟད། སློབ་མས་འབྲེལ་ཡོད་སློབ་གསོ་བདེ་ཁག་ནས་རང་སྦྱོང་བྱས་ཀྱང་ཆོག
དངོས་གཞིའི་སློབ་མ།
དངོས་གཞིའི་སློབ་མ་ནི་མཐོ་རིམ་དཀྱུས་མའི་སློབ་གསོའི་དངོས་གཞིའི་རིམ་པའི་ད་ཡོད་སློབ་མ་དང་མཐར་ཕྱིན་སློབ་མ་ལ་ཟེར་བ་ཡིན། དེ་ལ་གཞུང་སྒྲུབ་དངོས་གཞི་དང་དམངས་སྒྲུབ་དངོས་གཞི་གཉིས་ཡོད། དེ་ལ་ཡང་རྣམ་པ་བཞི་སྟེ། གཞུང་སྒྲུབ་རིམ་པ་དང་པོ་དང་གཉིས་པའི་དངོས་གཞི། དམངས་སྒྲུབ་རིམ་པ་གཉིས་པ་དང་གསུམ་པ་བཅས་ཡིན། ད་དུང་སློབ་ཆེན་དང་སློབ་གླིང་གི་གྲུབ་ཆ་ཁག་ཡིན་ལ། སློབ་མ་མཐར་ཕྱིན་རྗེས་ཤེས་རམས་བསླབ་གནས་ཐོབ་པ་ཡིན། སློབ་ལུགས་ལ་ལོ་གཉིས་ལམ་ལུགས་ཅན（ཆེད་སྦྱོང་འགོ་འཛུགས་ས་ཡིན་པའི་ལོ་གཉིས་ལམ་ལུགས་ཀྱི་དངོས་གཞི）དང་ལོ་བཞིའི་ལམ་ལུགས（སྤྱིར་བཏང）། ལོ་ལྔའི་ལམ་ལུགས（གསོ་སྦྱོང་རིགས་དང་བཟོ་བཀོད་རིགས）། རང་རྒྱལ་དུ་དཀྱུས་མའི་མཐོ་རྒྱུགས་ཁྲོད་དུ། དངོས་གཞིའི་བསྡུ་ལེན་ལ་དངོས་གཞིའི་རིམ་པ་དང་པོ་དང་གཉིས་པ། གསུམ་པ་བཅས་ཡོད།
སྤྱི་ཐུན་བསླབ་ཚན།
མཐོ་རིམ་སློབ་གསོའི་རང་སྦྱོང་རྒྱུགས་ལེན་ཁྲོད་ཆེད་ལས་གང་དང་གང་ཡིན་ཀྱང་ངེས་པར་དུ་སློབ་སྦྱོང་བྱེད་དགོས་པའི་བསླབ་ཚན་ཡིན་ལ། དཔེར་ན《མཚན་ཉིད་རིག་པ》དང《ཆབ་སྲིད་དཔལ་འབྱོར་རིག་པ》ལྟ་བུ།
དངོས་ལུགས་རིག་ཚན།
དངོས་ལུགས་རིག་ཚན(science departments)ནི་རང་བྱུང་ཚན་རིག་དང་བཀོལ་སྤྱོད་ཚན་རིག རྩིས་དངོས་གཏན་ཚིགས་བཅས་ཀྱི་བསྡུས་མིང་ཡིན། དངོས་ལུགས་རིག་ཚན་གྱི་བྱུང་བ་དང་འཕེལ་རྒྱས་ནི་མིའི་རིགས་ཀྱི་ཤེས་རིག་འཕེལ་རྒྱས་ཀྱི་འབྲས་བུ་ཡིན་ལ། མིའི་རིགས་ཀྱིས་དངོས་སུ་རང་བྱུང་ལ་བསམ་གཞིགས་བྱེད་ཤེས་པའི་རྟགས་མཚན་ཡིན། དེའི་རྐྱེན་གྱིས་དངོས་ལུགས་རིག་ཚན་གྱི་འཕེལ་རྒྱས་དེ་ཡང་མིའི་རིགས་ཀྱི་ཚན་རིག་དང་རང་བྱུང་བསམ་གཞིགས་འཕེལ་རྒྱས་ཀྱི་གཙོ་གནད་ཡིན། རྒྱལ་ནང་ནས་ཅུང་སྐད་གྲགས་ཡོད་པའི་དངོས་ལུགས་རིག་ཚན་སློབ་ཆེན་ལ་ཀྲུང་གོའི་ཚན་རིག་ལག་རྩལ་སློབ་ཆེན་དང་པེ་ཅིང་སློབ་ཆེན། ཆིན་ཧྭ་སློབ་ཆེན་སོགས་ཡོད།
སྐད་ཡིག་རིག་ཚན།
སྐད་ཡིག་རིག་ཚན་ལ་མི་ཆོས་སྤྱི་ཚོགས་ཚན་རིག་ཀྱང་ཟེར། སྒྲ་ཡངས་འཇུག་གི་ངོས་ཐད་ནས་མིའི་རིགས་སྤྱི་ཚོགས་ཀྱི་སྒེར་ཚུགས་ཀྱི་ཆབ་སྲིད་དང་དཔལ་འབྱོར། རིག་གནས་སོགས་ཀྱི་ཞིབ་འཇུག་བྱ་ཡུལ་གྱི་རིག་ཚན་ལ་གོ། སྒྲ་དོག་འཇུག་གི་ངོས་ཐད་ནས་མཐོ་འབྲིང་སྐབས་སུ་སྐད་ཡིག་རིག་ཚན་དང་དངོས་ལུགས་རིག་ཚན་གདམས་པའི་བསླབ་ཚན་ལ་ཟེར་བ་ཡིན།
མཐར་ཕྱིན་དཔྱད་རྩོམ་བགྲོ་གླེང་།
རྩ་འཛུགས་ཡོད་པ་དང་གྲ་སྒྲིག་ཡོད་པ། འཆར་གཞི་ཡོད་པ། གསལ་འབྱེད་ཡོད་པ་བཅས་ཅུང་ཚད་གཞི་ཆ་ཚང་བའི་སྒོ་ནས་དཔྱད་རྩོམ་ལ་ཞིབ་དཔྱད་བྱེད་པའི་རྣམ་པ་གཙོ་བོ་ཡིན། མཐར་ཕྱིན་དཔྱད་རྩོམ་བགྲོ་གླེང་ལེགས་འགྲུབ་ཡོང་ཆེད། བགྲོ་གླེང་མ་བྱས་སྔོན་ལ། སློབ་གྲྭ་དང་བགྲོ་གླེང་ཨུ་ཡོན་ཚོགས་པ། བགྲོ་གླེང་མཁན་བཅས་གསུམ་ནས་གྲ་སྒྲིག་ཕུན་སུམ་ཚོགས་པ་བྱེད་དགོས་ལ། བགྲོ་གླེང་སྐབས་སུ་དགེ་རྒན་གྱིས་ནུས་ཤུགས་ཡོད་ཚད་བཏོན་ནས་དཔྱད་རྩོམ་ཁྲོད་ཀྱི་ཤེས་རིག་གི་ཆུ་ཚད་དོན་དངོས་ཡིན་མིན་ལ་བརྟག་དཔྱད་ནན་མོ་བྱེད་དགོས་ལ། སློབ་མས་ཀྱང་རང་ཉིད་ཀྱི་བསྒྲུབ་བྱ་བདེན་པ་ཡིན་པར་བཤད་དགོས་པ་མ་ཟད། དགེ་རྒན་གྱིས་ལྟ་བ་ནོར་འཁྲུལ་ཡིན་པར་བདེན་སྤྲོད་བྱེད་དགོས།
ཆེད་སྦྱོང་ཚན་ཁག
ཆེད་སྦྱོང་ཚན་ཁག་ནི་སྤྱིར་བཏང་དུ་སློབ་ཆེན་གྱི་ཆེད་སྦྱོང་སློབ་གསོ་ལ་གོ་བ་དང་། མཐོ་རིམ་སློབ་གསོའི་གྲུབ་ཆ་གཙོ་བོ་དང་། སློབ་ཆེན་བསླབས་རིམ་གྱི་རིམ་པ་གཅིག་ཡིན། ཀྲུང་གོ་ནས་སློབ་ཆེན་ཆེད་སྦྱོང་ལ་མཐོ་རིམ་ལས་རིགས་ལག་རྩལ་སློབ་གླིང་དང་མཐོ་རིམ་ཆེད་སྦྱོང་ཚན་ཁག་སློབ་གྲྭ་གཉིས་སུ་ཡོད་ལ། དངོས་གཞིའི་མཐོ་སློབ་ཁག་ཅིག་གིས་ཆེད་སྦྱོང་ཚན་ཁག་ཀྱང་བཙུགས་ཡོད། ཆེད་སྦྱོང་རིམ་པར་བསླབ་གནས་མི་སྤྲོད་ལ་ཆེད་སྦྱོང་གི་མཐར་ཕྱིན་འཛིན་ཡིག་མ་གཏོགས་མེད། མཐོ་རིམ་ལས་རིགས་ལག་རྩལ་སློབ་གླིང་དང་མཐོ་རིམ་ཆེད་སྦྱོང་སློབ་གྲྭ་གཉིས་ཀ་ཆེད་སྦྱོང་རིམ་པ་ཡིན་ལ་སྔ་མ་ནི་གཙོ་བོ་ལག་རྩལ་དང་ཕྱི་མ་ནི་གཞུང་ལུགས་ལ་གཞོལ་ཆེ་བ་ཡིན། གཙོ་བོར་བཟུང་བའི་རྣམ་པ་མི་འདྲ་བ་ལས་ངོ་བོའི་སྟེང་ནས་ཁྱད་པར་མེད། ཀྲུང་གོ་ནས་ཆེད་སྦྱོང་སློབ་གསོ་ལ་མཐོ་རིམ་དཀྱུས་མའི་སློབ་གསོ་ལས་ད་དུང་ལོ་ལྔའི་ལམ་ལུགས་ཀྱི་མཐོ་རིམ་ལས་རིགས་ལག་རྩལ་སློབ་གླིང（3+2ཆེད་སྦྱོང）སྒོ་འབྱེད་སློབ་གསོ། དར་མའི་སློབ་གསོ། རང་སྦྱོང་རྒྱུགས་ལེན། རྒྱང་བསྲིང་སློབ་གསོ་སོགས་ཀྱང་འདུ། ཆེད་སྦྱོང་ནི་འབྲིང་རིམ་སློབ་གསོའི་རྨང་གཞིའི་སྟེང་དུ་སློབ་ཆེན་གྱི་ཤེས་བྱ་ཡོད་པའི་སློབ་མ་སྐོར་ཞིག་གསོ་སྐྱོང་བྱས་པ་དང་། ཆེད་ལས་ཤེས་བྱ་ངེས་ཅན་ལྡན་པ་དང་ལག་རྩལ་གྱི་མཐོ་རིམ་ལག་རྩལ་མི་སྣ་གསོ་སྐྱོང་བྱས་པ་རེད། ཤེས་བྱའི་འཁྲིད་བྱ་ལ་འདང་ཚད་དང་བཀོལ་སྤྱོད་ཡོད་པ་གཞི་རྩར་བཟུང་བ་ཡིན།
སི་ཁྲོན་ཞིང་ཆེན་ཝེ་ཀྲོའུ་མི་རིགས་དགེ་འོས་སློབ་གྲྭ།
སི་ཁྲོན་ཞིང་ཆེན་ཝེ་ཀྲོའུ་མི་རིགས་དགེ་འོས་སློབ་གྲྭ་ནི་སི་ཁྲོན་ཞིང་ཆེན་རྔ་བ་བོད་རིགས་ཆའང་རིགས་རང་སྐྱོང་ཁུལ་ཝུན་ཁྲོན་རྫོང་གི་ཁོངས་སུ་ཡོད།
མི་ཆོས་རིང་ལུགས་ཀྱི་བསམ་བློ།
ཀྲུང་གོའི་དེང་རབས་མཐོ་རིམ་སློབ་གསོར་གདེང་འཇོག་བྱེད་སྐབས་དེང་སྐབས་ལྟ་ཚུལ་མི་འདྲ་བ་ཆེན་པོ་རིགས་གཉིས་ཡོད་དེ། གཅིག་ནི་ཕུགས་བསམ་རིང་ལུགས་པ་དག་སྟེ། ཁོ་ཚོས་ཀྲུང་གོའི་མཐོ་རིམ་སློབ་གསོར་སྐྱོན་གྱི་དྲི་མས་ཀུན་ནས་སྦགས་ཡོད་ཅིང་། མདུན་དུ་ལྷགས་པའི་གནད་དོན་རི་ལྟར་སྤུངས་ཡོད་ལ། བཅོས་སྒྱུར་མ་བྱས་ཐུ་མེད་ཀྱི་གནས་སུ་ལྷུང་ཡོད་པར་འདོད། ཡང་གོ་སྐབས་རིང་ལུགས་པ་དག་གིས་ཀྲུང་གོའི་མཐོ་རིམ་སློབ་གསོས་བླངས་བའི་གྲུབ་འབྲས་ནི་ཡིད་ཚིམས་པ་ཞིག་ཡིན་ལ། སློབ་ཆེན་གྱི་གྲངས་ཀ་དང་གཞི་ཁྱོན། འབུམ་རམས་པའི་སློབ་ཞུགས་གྲངས་ཚད་སོགས་གང་གི་ཐད་ནས་བལྟས་ཀྱང་འཛམ་གླིང་ཨང་དང་པོར་སོན་ཡོད་རབས་བཤད་དེ། ང་རྒྱལ་གྱི་མདོག་ཀྱང་སྣ་ཚོགས་སྟོན་པར་བྱེད། ང་ཚོ་སློབ་གསོའི་ཁོར་ཡུག་འདི་འདྲ་ཞིག་གི་འོག་ཏུ་གནས་པས། བོད་ཀྱི་སློབ་ཆེན་སློབ་གསོ་ལ་ཡང་འདི་དང་གཅིག་འདྲའི་འདུ་ཤེས་འཛིན་སྟངས་ཤིག་དང་སློབ་སྒྲུབ་ལམ་ལུག་ཤིག འགྲོ་ལུགས་སྒྲུབ་སྟངས་ཤིགས་ཆགས་ཡོད་པ་རེད།
སློབ་ཆེན་གྱི་དམིགས་འབེན།
སློབ་ཆེན་གྱི་དམིགས་འབེན་ནི་སློབ་མ་གསོ་སྐྱོང་བྱ་རྒྱུ་དེ་ཡིན་ཞིང་། སློབ་ཆེན་བྱུང་བ་ནས་ད་ལྟའི་བར་གྱི་སློབ་ཆེན་ལོ་རྒྱུས་ལ་ཞིབ་ཏུ་མཇལ་ན། རིག་གཞུང་ནི་སློབ་ཆེན་གྱི་དམིགས་འབེན་དང་བསམ་བློའི་ལྟེ་བ། རྨང་གཞི་བཅས་ཡིན་པ་གསལ་བོར་རྟོགས་ཐུབ། རིག་གཞུང་འདི་སློབ་ཆེན་གྱི་ནང་སྙིང་ཡིན་པ་རྟོགས་ཕྱིན། སློབ་ཆེན་གྱི་མ་ལག་ཀུན་པོ་ནང་སྙིང་འདི་ལ་བརྟེན་ནས་འཁོར་སྐྱོད་བྱེད་ཀྱིན་པ་ཤེས་དགོས་ལ། འདི་ལ་རང་དབང་གི་ཁོར་ཡུག་དང་ཁེར་ཚུགས་ཀྱི་རང་བཞིན། གསར་གཏོད་ཀྱི་སྙིང་སྟོབས་སོགས་འཛོམས་དགོས་པའང་ཞར་ལ་རྟོགས་ངེས།
ཀྲུང་གོའི་དེང་རབས་སློབ་ཆེན།
ཀྲུང་གོའི་དེང་རབས་སློབ་ཆེན་ནི་སྒྲིག་གཞི་ཡོད་པ་དང་སྤུས་ཚད་ཡོད་པའི་སློབ་གླིང་ཞིག་ལ་ཟེར་ཞིང་། ཕྱི་རྒྱལ་གྱི་སྐད་ཡིག་ཤེས་ལྡན་པ་གསོ་སྐྱོང་བྱ་ཆེད། ཕྱི་ལུགས་གཉེར་བའི་ཕྱོགས་ཁག་གི་འགོ་གཙོ་ཀུང་ཆིན་ཝང་དབྱི་ཤིན་སོགས་ཀྱིས་སྙན་ཞུ་བརྒྱུད་དེ་ཆིང་སྲིད་གཞུང་གིས་སྤྱི་ལོ1862ལོར་པེ་ཅིང་དུ་རང་རྒྱལ་གྱི་དེང་རབས་སློབ་གྲྭ་གསར་བ་དེ་བཙུགས།
མཐོ་སློབ་སློབ་སྒྲུབ་ཀྱི་རྒྱུན་སྲིང་ལྷོད་མེད་ཀྱི་བླང་བྱ་བཞི།
སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རང་རྒྱལ་གྱི་མཐོ་རིམ་སློབ་གྲྭ་ཁག་འཛུགས་སྒྲུབ་ལ་དམིགས་ཏེ་རྒྱུན་སྲིང་ལྷོད་མེད་ཀྱི་བླང་བྱ་བཞི་བཏོན།
སྤྱི་ཚོགས་རིང་ལུགས་སློབ་ཆེན་གྱི“ཞབས་ཞུ་བཞི”འི་སློབ་སྒྲུབ་ཁ་ཕྱོགས།
སྤྱི་ཚོགས་རིང་ལུགས་སློབ་ཆེན་གྱི“ཞབས་ཞུ་བཞི”འི་སློབ་སྒྲུབ་ཁ་ཕྱོགས་ནི་སྤྱི་ལོ2016ལོའི་ཟླ12པའི་ཚེས7ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱལ་ཡོངས་མཐོ་རིམ་སློབ་གྲྭ་ཁག་གི་བསམ་བློ་ཆབ་སྲིད་ཀྱི་བྱ་བའི་གྲོས་ཚོགས་སྟེང་བཏོན།
མཐོ་སློབ་ཏང་ཨུའི་འགོ་ཁྲིད་འོག་གི་སློབ་སྤྱིའི་འགན་ལེན་ལམ་ལུགས།
སྤྱི་ལོ1990ལོར། ཀྲུང་གུང་ཀྲུང་དབྱང་གིས《མཐོ་རིམ་སློབ་གྲྭའི་ཏང་གི་འཛུགས་སྐྲུན་ལ་ཤུགས་སྣོན་པའི་སྐོར་གྱི་ཀྲུང་གུང་ཀྲུང་དབྱང་གི་བརྡ་སྦྱོར》སྤེལ་ཏེ། མཐོ་རིམ་སློབ་གྲྭས་ཏང་ཨུའི་འགོ་ཁྲིད་འོག་གི་སློབ་སྤྱིའི་འགན་ལེན་ལམ་ལུགས་ལག་བསྟར་བྱེད་དགོས་པ་གསལ་བོར་བསྟན།
ཆེད་སྦྱོང་སློབ་མ།
ཆེད་སྦྱོང་སློབ་མར་ཆེད་ལས་ཚན་ཁག་གི་སློབ་མ་ཡང་ཟེར་ཞིང་། མཐོ་རིམ་སློབ་གྲྭ་དཀྱུས་མར་ཉིན་ཧྲིལ་བོའི་ལམ་ལུགས་ཀྱི་སློབ་སྦྱོང་བྱེད་མཁན་སློབ་མ་ཡིན།
གྲུ་གཟིངས་དང་རྒྱ་མཚོའི་གྲུབ་ཆའི་དངོས་པོའི་ཇུས་འགོད་དང་བཟོ་བཀོད།
རིག་ཚན་འདི་ནི་གཙོ་བོ་གྲུ་གཟིངས་ཀྱི་གྲུབ་ཚུལ་དང་། མཚོ་འགྲུལ་གྱི་རྩ་བའི་རིགས་པ། བདེ་འཇགས་ཀྱི་རང་བཞིན་ལྡན་པའི་ཇུས་འགོད། རྒྱལ་ཁབ་ཕྱི་ནང་གི་གྲུ་གཟིངས་གལ་ཆེ་བའི་མཉམ་ལས་ཁང་གི་ཚད་གཞི་སོགས་ཀྱི་ཤེས་བྱ་སློབ་སྦྱོང་དང་། གྲུ་གཟིངས་ཀྱི་ཇུས་འགོད་བྱེད་ཐབས་དང་མཚོ་འགྲུལ་གྱི་མྱུར་ཚད། འཁོར་སྐྱོད་ཀྱི་རང་བཞིན་ལེགས་པ། རླུང་རླབས་འགོག་པའི་ནུས་པ་སོགས་ཀྱི་གནད་དོན་ལ་ཞིབ་འཇུག་བྱེད་པ་ཡིན། རིག་ཚན་འདི་ནི་གྲུ་གཟིངས་དང་རྒྱ་མཚོའི་ལས་གྲྭའི་ཁོངས་གཏོགས་ཀྱི་རིམ་པ་གཉིས་པའི་རིག་ཚན་ཡིན།
སྐྱུར་བསྙལ་ལས་གྲྭ།
སྐྱུར་བསྙལ་ལས་གྲྭ་ཞེས་པ་ནི་དེང་རབས་ཀྱི་བཟོ་སྐྲུན་ལག་རྩལ་གྱི་བྱེད་ཐབས་སྤྱད་དེ་སྐྱེ་དངོས་ཕྲ་རབ་ཀྱི་དམིགས་བསལ་གྱི་བྱེད་ནུས་འགའ་བེད་སྤྱད་དེ་མིའི་རིགས་ལ་ཕན་པའི་ཐོན་རྫས་ཐོན་སྐྱེད་བྱེད་པའམ་ཡང་ན་སྐྱེ་དངོས་ཕྲ་རབ་ཐད་ཀར་བཟོ་ལས་ཐོན་སྐྱེད་ཀྱི་བརྒྱུད་རིམ་ནང་བེད་སྤྱོད་བྱེད་པའི་ལག་རྩལ་གསར་པ་ཞིག་ལ་ཟེར།
འཕུར་སྐྱོད་འཕྲུལ་ཆས་ཇུས་འགོད།
འཕུར་སྐྱོད་འཕྲུལ་ཆས་ཇུས་འགོད་ནི་རིམ་པ་དང་པོའི་རིག་ཚན་དང“མཁའ་འགྲུལ་མཁའ་སྐྱོད་ཚན་རིག་དང་ལག་རྩལ”གྱི་ཁོངས་གཏོགས་རིམ་པ་གཉིས་པའི་རིག་ཚན་ཞིག་ཡིན།
མཁའ་འགྲུལ་མཁའ་སྐྱོད་ལ་སྐུལ་འདེད་གཏོང་བའི་རིགས་པའི་གཞུང་ལུགས་དང་ལས་གྲྭ།
“མཁའ་འགྲུལ་མཁའ་སྐྱོད་ལ་སྐུལ་འདེད་གཏོང་བའི་རིགས་པའི་གཞུང་ལུགས་དང་ལས་གྲྭ”རིམ་པ་གཉིས་པའི་རིག་ཚན་ནང་མཁའ་འགྲུལ་སྒུལ་བྱེད་འཕྲུལ་འཁོར་དང་མེ་ཤུགས་འཕུར་མདའི་སྒུལ་བྱེད་འཕྲུལ་འཁོར་གྱི་རིག་ཚན་གཉིས་ཚུད་ཡོད་པ་རེད།
འཕྲུལ་འཁོར་ལས་གྲྭ།
འཕྲུལ་འཁོར་ལས་གྲྭ་ནི་མཐོ་རིམ་སློབ་གྲྭ་དཀྱུས་མའི་དངོས་གཞིའི་ཚན་ཁག་གི་ཆེད་ལས་ཤིག་ཡིན་པ་དང་འགྲིམ་འགྲུལ་སྐྱེལ་འདྲེན་རིགས་ཀྱི་ཆེད་ལས་ཤིག་ཀྱང་ཡིན།
ཆུ་སྒྲའི་ལས་གྲྭ།
ཆུ་སྒྲའི་ལས་གྲྭ་ནི་རྒྱལ་ཁབ་ཀྱི་གཙོ་གནད་རིག་ཚན་ཡིན་པ་དང་། རིག་ཚན་དེས་བརྟེན་པའི་རྒྱལ་ཁབ་རིམ་པའི“ཆུ་སྒྲའི་ལག་རྩལ་གྱི་གཙོ་གནད་ཚོད་ལྟ་ཁང”དེ་རང་རྒྱལ་གྱི་ཆུ་སྒྲའི་ལག་རྩལ་གྱི་རྨང་གཞིའི་ཞིབ་འཇུག་ཚན་པ་གལ་ཆེན་གྱི་གྲས་ཤིག་ཡིན།
སྐྱོ་མ་དང་ཤོག་བུ་བཟོ་བའི་ལས་གྲྭ།
སྐྱོ་མ་དང་ཤོག་བུ་བཟོ་བའི་ལས་གྲྭའི་ཆེད་ལས་ནི་ཡང་བའི་བཟོ་ལས་ལག་རྩལ་དང་ལས་གྲྭའི་རིམ་པ་དང་པོའི་རིག་ཚན་འོག་གི་རིམ་པ་གཉིས་པའི་རིག་ཚན་གྱི་གྲས་ཤིག་ཡིན།
མངར་ཆ་བཟོ་བའི་ལས་གྲྭ།
མངར་ཆ་བཟོ་བའི་ལས་གྲྭའི་རིག་ཚན་ནི་མིའི་རིགས་ཀྱི་འཚོ་བ་དང་འཚོ་གནས་ཀྱི་མཁོ་ཆས་ཐོན་སྐྱེད་ཀྱི་གནད་དོན་ཐག་གཅོད་བྱས་ནས་འཕེལ་རྒྱས་བྱུང་བའི་ཚན་རིག་ལག་རྩལ་ཞིག་ཡིན་ཞིང་། ཡང་བའི་བཟོ་ལས་ལག་རྩལ་དང་བཟོ་སྐྲུན་གྱི་རིམ་པ་དང་པོའི་རིག་ཚན་དང་དེང་རབས་ཀྱི་ཚན་རིག་ལག་རྩལ་ཁྱབ་ཁོངས་ཧྲིལ་པོའི་ནང་གལ་ཆེའི་གནས་བབ་བཟུང་ཡོད།
| སློབ་ཆེན་གྱི་སློབ་གསོ། བརྡ་འགྲེལ 106 ཡོད། |