ཀེ་རི་སེའི་གནའ་རབས་རིག་གནས།
གནའ་བོའི་ཀེ་རི་སེ་ནི་ཀེ་རི་སེ་ཕྱེད་གླིང་དང་ཨེ་ཆེན་ཧེ་གླིང་ཕྲན་ཁག ཡ་ཤི་ཡ་ཆུང་བའི་མཚོ་འགྲམ་བཅས་ཀྱིས་གྲུབ་པ་ཞིག་རེད། གནའ་བོའི་ཤེས་རིག་དར་ཡུལ་གཞན་དག་དང་བསྡུར་ན། རི་མང་ཞིང་བདེ་ཐང་ཉུང་ལ། གླིང་ཚོམ་གང་སར་ཁྱབ་པ་ཞིག་སྟེ། དེས་མཚོ་འགྲུལ་གྱི་ལས་རིགས་དར་བ་དང་། ཡ་གླིང་ནུབ་མ་དང་། ཨེ་ཅིབ་སོགས་དང་རིག་གནས་དཔལ་འབྱོར་གྱི་འབྲེལ་འདྲིས་བྱེད་པར་ཆ་རྐྱེན་བསྐྲུན་འདུག གནའ་བོའི་ཀེ་རི་སེའི་ཤེས་རིག་གི་གྲུབ་འབྲས་ནི་བསམ་གྱིས་མི་ཁྱབ་པ་ཞིག་སྟེ། རྩོམ་རིག་དང་ལོ་རྒྱུས་རིག་པ་དང་མཚན་ཉིད་རིག་པ་དང་རང་བྱུང་ཚན་རིག་བཅས་ཕྱོགས་གང་ཐད་ནས་གྲུབ་འབྲས་གཡུར་དུ་ཟ་བ་བླངས་ཡོད་ཅིང་། གནའ་བོའི་འཛམ་གླིང་རིག་གནས་ཀྱི་མཐོ་སར་འགྲེང་འདུག
རྒྱ་གར་གྱི་གནའ་རབས་རིག་གནས།
སའི་དབང་དུ་བྱས་ན། རྒྱ་གར་གྱི་སྐམ་ས་ཆེན་པོ་དེ་ནི་བྱང་ཕྱོགས་ཧི་མ་ལ་ཡ་དང་འདབས་འབྲེལ་ཞིང་། ཤར་ལྷོ་ནུབ་གསུམ་ནི་རྒྱ་མཚོ་ཆེན་པོར་ཕྱོགས་ནས་ཡོད། ཡུལ་དེའི་ས་ཁོངས་རྒྱ་ཆེ་ཞིང་། ནུབ་ཕྱོགས་ནི་ཆར་ཆུ་མོད་པའི་ཚ་ཁུལ་ཡིན་ལ། བྱང་ཕྱོགས་ནི་ཆུ་བོ་གངྒ་དང་རྒྱ་གར་ཆུ་བོ་གཉིས་འབབ་རྒྱུད་ཀྱི་བདེ་ཐང་རེད། རྒྱ་གར་ཡུལ་དུ་ཞིང་ལས་རིག་གནས་དར་སྔ་ཞིང་། ཡུལ་འདིར་མི་རིགས་སྣ་ཁ་མང་བ་དང་། རྒྱལ་ཕྲན་དང་མི་རིགས་ཕན་ཚུན་བར་གྱི་འགལ་རྩོད་དང་། ཆོས་ལུགས་ཀྱི་དར་རྒུད་རབས་དང་རིམ་པ་བྱུང་བས་ན། རྒྱ་གར་རང་གི་ཐུན་མོང་མ་ཡིན་པའི་རིག་གནས་རང་གཤིས་ཏེ། བློ་ཁོག་ཆེ་ཞིང་རྒྱ་མཚོ་བཞིན་སྡུད་ཕོད་པའི་རིག་གནས་སེམས་ཁམས་དང་། ཆོས་ལུགས་རྣམ་པ་སྣ་ཚོགས་འགལ་འབྲེལ་གྱིས་གནས་པའི་རིག་གནས་སྣང་ཚུལ་གྲུབ་ཡོད།
ཨ་རབ་ཀྱི་རིག་གནས།
ཨ་རབ་ཕྱེད་གླིང་ནི་འཛམ་གླིང་སྟེང་ཆེས་ཆེ་བའི་གླིང་ཕྲན་ཕྱེད་མ་ཞིག་ཡིན་པ་དང་། ཤར་ཕྱོགས་སུ་པར་ཟིག་མཚོ་འགག་དང་འབྲེལ་ཞིང་། ནུབ་ཕྱོགས་སུ་མཚོ་དམར་ཡོད། ནུབ་བྱང་ཕྱོགས་ནི་སེ་རི་ཡའི་བྱེ་ཐང་དང་། བྱང་ཕྱོགས་མེ་སོ་པུ་ཏ་མུ་ཡ་བདེ་ཐང་དང་འབྲེལ་ནས་ཡོད། ས་བབ་དམིགས་བསལ་པའི་དབང་གིས། གནས་དེ་ནི་ཤར་ནུབ་གཉིས་ཀྱི་ཚོང་ལམ་གལ་ཆེན་ཞིག་ཏུ་གྱུར་པ་རེད། དུས་རབས་དཀྱིལ་མའི་དུས་མགོར། ཨ་རབ་མི་རིགས་དར་རྒྱས་སུ་བྱུང་སྟེ། འཛམ་གླིང་ཆོས་ལུགས་ཆེ་གསུམ་གྲས་ཀྱི་དབྱི་སི་ལན་ཆོས་ལུགས་གསར་བཏོད་གནང་བར་མ་ཟད། ཡ་གླིང་དང་ཧྥེ་གླིང་། ཡོ་རོབ་གླིང་གསུམ་གྱི་ས་ཁོངས་བརྒལ་བའི་བཙན་རྒྱལ་རིང་ལུགས་ཀྱི་རྒྱལ་ཁབ་ཆགས།
ཨེ་ཅིབ་ཀྱི་གནའ་རབས་རིག་གནས།
ཨེ་ཅིབ་ཀྱི་གནའ་རབས་རིག་གནས་ཀྱི་ས་མཚམས་དང་རྒྱལ་ཁོངས་ནི་ད་ལྟའི་དུས་དང་ཕལ་ཆེར་གཅིག་མཚུངས་རེད་དེ། ཧྥེ་གླིང་གི་བྱང་ཤར་དུ་གནས་ཤིང་། ནེ་རོ་གཙང་པོ་ནི་ལྷོ་ནས་བྱང་དུ་བཞུར་ཏེ་ས་དབུས་རྒྱ་མཚོར་འབབ་པ་རེད། ཨེ་ཅིབ་རྒྱལ་ཁབ་ཀྱི་གནམ་གཤིས་སྐམ་ཤས་ཆེ་ཞིང་ཆར་ཆུ་ཉུང་། ཡིན་ནའང་། ལོ་རེའི་ནེ་རོ་གཙང་བོ་བྲུག་པ་དེས་ནི་གཏེར་རྫས་དང་བྱེ་འདམ་སྨད་དུ་ཁུར་ཅིང་། དེའི་འགྲམ་རྒྱུད་དུ་ཡུར་ཆུ་འདྲེན་སླ་བའི་ས་ཞིང་གཤིན་པོ་ཆགས་པར་བྱས་ཏེ། སྔ་དུས་ཀྱི་ཞིང་ལས་དར་རྒྱས་ལ་མཐུན་རྐྱེན་ལེགས་པོ་བསྐྲུན་འདུག གནའ་བོའི་ཨེ་ཅིབ་ལ་ལོ་ངོ་སུམ་སྟོང་ལྷག་གི་ལོ་རྒྱུས་ལྡན་ཞིང་རྒྱལ་རབས་སོ་གཅིག་བརྒྱུད་པ་རེད། རྒྱལ་ཁབ་ཀྱི་ཆགས་འཇིག་དང་། རྒྱལ་པོའི་གདུང་རྒྱུད་ཀྱི་འགྱུར་བ། རྒྱལ་ས་གཞན་དུ་སྤོས་པ། ཕྱི་རོལ་གྱི་བཙན་འཛུལ་སོགས་གང་གིས་ཀྱང་རྩ་བའི་ཆ་ནས་བཤད་ན་ཆབ་སྲིད་ཟུང་འབྲེལ་གྱི་རྒྱལ་པོའི་ལམ་ལུགས་མགོ་རྟིང་བསློགས་པར་མ་ནུས། དེར་ཡང་གཤམ་གྱི་རྒྱུ་མཚན་རེ་གཉིས་མཆིས་ཏེ། རང་ཁ་རང་གསོ་བྱེད་པའི་དཔལ་འབྱོར་གྱི་རྣམ་པ་དང་། ཕྱི་རོལ་ཡུལ་དང་འབྲེལ་ལམ་མེད་པའི་དབང་གིས་ཁ་ནང་འཁོར་དང་རྙིང་ཞེན་གྱི་བསམ་བློ་ལྟ་བ་ཆགས་པ་དང་གཅིག ནེ་རོ་གཙང་པོའི་འགྲམ་རྒྱུད་ཀྱི་གྲོག་རོང་དཀན་གཟར་དང་། དེའི་ཕྱི་རོལ་གྱི་བྱེ་ཐང་སོགས་ཀྱིས་ཕྱི་དགྲའི་འཇིགས་པ་སེལ་ཏེ་ཆབ་སྲིད་དང་ཆོས་དད་དང་རིག་གནས་སྲོལ་རྒྱུན་སོགས་ལྟོས་བཅས་ཀྱིས་གཏན་འཇགས་རྒྱུན་འཛིན་ཐུབ་པ་དང་གཉིས། གཞན་ཡང་དུས་ཡུན་རིང་བོར་ཆགས་པའི་ཨེ་ཅིབ་པའི་གཤིས་རྒྱུད་དེ། གནའ་སྲོལ་བརྩི་འཇོག་དང་སྒྲིག་ལམ་འཁུར་སྲུང་བཅས་ཀྱི་རྒྱུ་མཚན་གྱིས་སོ།། མདོར་ན། ཡུར་ཆུ་འདྲེན་པའི་ལག་རྩལ་ཧ་ཅང་དར་རྒྱས་སུ་ཕྱིན་པ་དེས་གནའ་བོའི་ཨེ་ཅིབ་པའི་ལག་ཤེས་བཟོ་ལས་དང་ཚོང་ལས་བླ་ལྷག་གིས་འཕེལ་བ་དང་། དེས་ཀྱང་རིག་གནས་ཀྱི་བྱུང་འཕེལ་ལ་དངོས་པོའི་བདག་རྐྱེན་ཟམ་མ་ཆད་པར་བསྐྲུན་པ་རེད།
རོ་མའི་གནའ་རབས་རིག་གནས།
རོ་མའི་གནའ་རབས་རིག་གནས་ཀྱི་མགོ་ཁུངས་ནི་དབྱི་ཐ་ལི་རེད། དབྱི་ཐ་ལི་ནི་ས་དབུས་རྒྱ་མཚོའི་དཀྱིལ་དབུས་སུ་ཆགས་ཡོད་པ་དང་། བྱང་ཕྱོགས་ནི་རི་བོ་ཨར་ཕེ་སི་དང་འདབས་འབྲེལ་ཞིང་། ཕྱོགས་གསུམ་རྒྱ་མཚོར་ཁ་གཏད་ནས་ཡོད། གནས་དེའི་མཁའ་དབུགས་དྲོད་འཇམ་དང་ལྡན་ལ། ཆར་ཆུ་དུས་ལྟར་འབབ། ས་གཤིན་ལེགས་ཤིང་། ཞིང་ལས་དང་ཕྱུགས་ལས་འཕེལ་རྒྱས་སུ་སྨན། སྔོན་གྱི་རྡོ་ཆས་དུས་སྐབས་ནས་བཟུང་སྟེ། དབྱི་ཐ་ལིའི་ཕྱེད་གླིང་དུ་མིའི་རིགས་འཚོ་སྡོད་བྱས་མྱོང་ཞིང་། སྤྱི་ལོའི་སྔོན་གྱི་ལོ་ངོ2000ནས་མགོ་ཚུགས་ཏེ། བྱང་ཤར་ཕྱོགས་ཀྱི་ཏོ་ནོ་གཙང་པོའི་འགྲམ་རྒྱུད་ནས་ཡེན་ཨིག་སྐད་རིགས་སྨྲ་བའི་ཚོག་ཁག་ཅིག་རི་བོ་ཨར་ཕེ་སི་བརྒྱུད་ནས་དབྱི་ཐ་ལི་ཕྱེད་གླིང་དུ་འབྱོར་བ་དང་། དེའི་ཁྲོད་དུ་ཆུ་བོ་ཐེ་པོ་འབབ་རྒྱུད་ཀྱི་བདེ་ཐང་དུ་གཏན་སྡོད་བྱས་པའི་ཚོ་ཁག་དེ་དག་ལ་ལཱ་ཏིང་པ་ཞེས་བརྗོད་ཅིང་། དེ་ནི་རོ་མ་པའི་མེས་པོར་ངོས་འཛིན་པ་རེད། སྤྱི་ལོ་སྔོན་གྱི་དུས་རབས་བརྒྱད་པ་ནས་བདུན་པའི་བར་དུ། ཁོང་པ་ཚོས་ཆུ་བོ་ཐེ་པོའི་སྨད་རྒྱུད་དུ་རོ་མའི་མཁར་གྲོང་བརྩིགས་ཤིང་། དེའི་རྨང་གཞིའི་ཐོག ལོ་ཟླའི་དཀའ་བ་དུ་མ་ཁྱད་དུ་བསད་དེ་རླབས་ཆེན་གྱི་རོ་མའི་ཤེས་རིག་གི་དབུ་ཁྱུད་བྲིས། རོ་མའི་གནའ་རབས་ཤེས་རིག་དར་བའི་གོ་རིམ་ཁྲོད་དུ། ཤར་ཕྱོགས་རིག་གནས་དང་ཀེ་རེ་སིའི་རིག་གནས་ཀྱི་ཤན་ཐེབས་པ་མང་ཞིང་། གཞན་ཡང་ལ་ཏིང་མི་རིགས་ཀྱི་རིག་གནས་རྨང་གཞི་བྱས་ཐོག་རིམ་གྱིས་འཐུས་སྒོ་ཚང་བ་ཅན་ཞིག་ཏུ་གྲུབ་པར་མངོན། སྤྱི་ལོའི་སྔོན་གྱི་ལོ་ངོ509ལོར་རོ་མ་སྤྱི་མཐུན་རྒྱལ་ཁབ་བཙུགས་པ་དང་། དེས་དབྱི་ཐ་ལི་རྒྱལ་ཡོངས་ལ་དབང་བསྒྱུར་ཆེད་དུ་ཕྱི་ཕྱོགས་སུ་རྒྱ་བསྐྱེད་པའི་ལམ་བུར་ཞུགས། ལོ་ངོ་ཉིས་བརྒྱ་ལྷག་གི་དཔུང་འཇུག་བྱས་པ་བརྒྱུད། སྤྱི་ལོའི་སྔོན་གྱི་ལོ་ངོ272ལོར། རོ་མའི་དམག་དཔུང་གིས་དབྱི་ཐ་ལི་རྒྱལ་ཡོངས་བདག་གིར་བཟུང་། དེ་ནས་ཀྱང་དམག་འཁྲུག་རབས་དང་རིམ་པ་བརྒྱུད། ཤར་གྱི་ཡ་ཤི་ཡ་ཆུང་བ་ནས་ནུབ་ཀྱི་རྒྱ་མཚོ་ཆེན་མོར་ཐུག་གི་བར་དུ་ས་ཁོངས་རྒྱ་བསྐྱེད་ཅིང་། གོ་རིམ་དེ་དག་གི་ཁྲོད་དུ། རྒྱུ་ནོར་དང་ས་ཞིང་འབོར་ཆེན་འཕྲོག་བཅོམ་བྱས་པ་དང་། བྲན་གཡོག་མང་པོ་འཛིན་བཟུང་བྱས་པར་མ་ཟད། ཡུལ་གྲུ་དེ་དག་གི་རིག་གནས་ཀྱི་ལེགས་ཆ་སྡུད་ལེན་གནང་ཐོག་བྲན་གཡོག་ལམ་ལུགས་ཀྱི་དཔལ་འབྱོར་དང་རིག་གནས་འཕེལ་རྒྱས་ལ་མཐུན་རྐྱེན་ལེགས་པོ་བསྐྲུན།
ཀརྨ་དགོན་གསར།
བོད་རང་སྐྱོང་ལྗོངས་ལྷ་ས་གྲོང་ཁྱེར་གྱི་ཤར་ངོས་ས་ནག་མར་བཏབ་མྱོང་བའི་དགོན་པ་ཞིག་ཡིན།
ཀླུ་སྒུག་གཞུང་།
འདི་ནི་ལྷ་ས་གྲོང་ཁྱེར་གྱི་ནུབ་བརྒྱུད་གཡུ་ཐོག་ཟམ་པའི་ཉེ་འདབས་སུ་ཡོད་པའི་ས་ཆ་ཞིག་ཡིན་ལ། ཀླུ་སྒུག་ཞེས་པ་སྒྲ་བསྒྱུར་ནས་ཀླུ་སྦུགས་ཞེས་འབོད་པའང་ཡོད། ཀླུ་སྦུག་ནི་ལྷ་ས་གཙུག་ལག་ཁང་ནས་བྲག་ལྷ་ཀླུ་སྒུག་བར་གྱི་ཐང་ཆེན་ལ་ཟེར།
ཇོ་བོའི་དབུ་སྐྲ།
དུས་རབས་བདུན་པའི་ནང་རྒྱ་བཟའ་འུན་ཤིང་ཀོང་ཇོས་བཙུགས་གནང་བར་གྲགས་པའི་ཇོ་བོའི་དབུ་སྐྲ་ཞེས་རྒྱ་ལྕང་སྡོང་པོ་རྐང་གཅིག་ཡོད།
ཉང་བྲན་ཆུ་བཟང་རི་ཁྲོད།
ཉང་བྲན་ཆུ་བཟང་རི་ཁྲོད（ཆུ་བཟང་བསམ་གཏན་གླིང）དེ་སེ་ར་དགོན་པའི་ནུབ་ཀྱི་རི་གཤམ་དུ་གནས་ཡོད།
ཐལ་ཕུང་སྒང་།
ཐལ་ཕུང་སྒང་དུ་ཁ་ཆེའི་ཕྱག་ཁང་དང་ཏཱ་ལའི་བླ་མ་སྐུ་ཕྲེང་བཅུ་གསུམ་པའི་སྐབས་བོད་སྡོད་ཁ་ཆེ་བ་ཚོར་འཚོ་སྡོད་བྱེད་པའི་ས་ཆ་ཐལ་ཕུང་སྒང་རྒྱུད་ཝ་གླིང་ཞེས་པ་གནང་བ་དེ་ཡོད།
བཀྲ་ཤིས་ཆོས་གླིང་།
བཀྲ་ཤིས་ཆོས་གླིང་གི་རི་ཁྲོད་དེ་ལྷ་ས་ཉང་བྲན་ཕུ་ཡི་ཕ་བོང་ཁའི་རྒྱབ་རི་བཀྲ་ཤིས་རྟགས་བརྒྱད་ཀྱི་ཡ་གྱལ་དབུ་གདུགས་ཞེས་པའི་ལ་ཉག་རུ་གནས་ཡོད།
བདེ་ཆེན་གསང་སྔགས་མཁར།
ལྷ་སའི་ཤར་ཕྱོགས་སྦྲག་ས་གསུམ་གྱི་ས་ན་བདེ་ཆེན་གསང་སྔགས་མཁར་ཞེས་པའི་དགོན་པ་དེ་ཡོད། དེང་སང་སྟག་རྩེའི་རྫོང་གནས་ཡུལ་དུ་ཡིན། སྔར་ཡུལ་དེར་བདེ་ཆེན་ཟེར་བ་དང་། གྲོང་ཚོའི་རྒྱབ་རིའི་སྟེང་དུ་མཁར་ཤུལ་ཡོད་པ་དེ་ཕག་མོ་གྲུབ་པས་བོད་ཀྱི་སྲིད་དབང་འཛིན་པའི་སྐབས་བརྩེགས་པའི་རྫོང་ཆེན་བཅུ་གསུམ་གྱི་གྲས་བདེ་ཆེན་བྲག་དཀར་རྫོང་ཞེས་པ་དེ་ཡིན།
བོད་ཀྱི་ཐོག་མའི་གློག་ཁང་།
བོད་ཀྱི་ཐོག་མའི་གློག་ཁང་ནི（སྤྱི་ལོ1928ལོར）ཏཱ་ལའི་བླ་མ་སྐུ་ཕྲེང་བཅུ་གསུམ་པའི་སྐབས་དངོས་སུ་བཙུགས་པ་དང་།དེ་ནི་བོད་ཀྱི་ལོ་རྒྱུས་ཐོག་ཆུ་ཤུགས་གློག་འདོན་འཕྲུལ་འཁོར་མ་ལག་ཆ་ཚང་བ་ཐོག་མར་བཙུགས་པ་དེ་རེད།
བྲག་རི་རི་ཁྲོད།
བྲག་རི་རི་ཁྲོད་ནི་བོད་རང་སྐྱོང་ལྗོངས་ལྷ་ས་གྲོང་ཁྱེར་གྱི་སེ་ར་དགོན་པའི་ཉེ་འགྲམ་དུ་གནས་ཡོད།
རག་རི་བཙུན་དགོན།
རག་རི་བཙུན་དགོན་དེ་ལྷ་སའི་ཤར་ཕྱོགས་རི་ཆེན་ཇོ་མོ་ཟེ་ཟེ་ཡི་རི་གཤམ་དུ་གནས་ཡོད། དེ་ཡང་དུས་རབས་བཅོ་བརྒྱད་པའི་ནང་སྡེ་དཔོན་མདོ་མཁར（རག་ཤག）བའི་མི་ངོ་བཙུན་མ་ཞིག་གིས་ཐོག་མར་ཕྱག་བཏབ།
རི་སྐྱ་བསམ་གཏན་གླིང་།
རི་སྐྱ་བསམ་གཏན་གླིང་དེ་ནི་ལྷ་སའི་ཤར་བྱང་གཙང་རལ་གྲོང་ཚོའི་རི་ལྡེབས་སུ་གནས་ཡོད། དུས་རབས་བཅོ་བརྒྱད་པའི་ནང་རི་སྐྱ་སྤྲུལ་སྐུ་སྐུ་ཕྲེང་དང་པོ་མངའ་རིས་བློ་བཟང་རྣམ་རྒྱལ་མཆོག་གིས་ཐོག་མར་ཕྱག་བཏབ།
རྒྱུད་སྨད་གྲྭ་ཚང་།
རྒྱུད་སྨད་གྲྭ་ཚང་དང་རྒྱུད་སྟོད་གྲྭ་ཚང་གཉིས་སུ་དབྱེ་བའི་རྒྱུད་སྨད་གྲྭ་ཚང་དེ་ལྷ་ས་གཙུག་ལག་ཁང་གི་བྱང་ངོས་སུ་གནས་ཡོད། རྒྱུད་གྲྭ་བྱ་བའི་གོ་དོན་ནི་མདོ་སྔགས་ཟུང་དུ་འབྲེལ་བའི་རྒྱལ་བསྟན་འཛིན་པའི་གོ་དོན་ནོ།། རྒྱུད་སྨད་གྲྭ་ཚང་དེ་ཐོག་མར་རབ་བྱུང་བདུན་པའི་ཆུ་གླང（སྤྱི་ལོ1433ལོར）རྒྱལ་བ་ཙོང་ཁ་པ་ཆེན་པོའི་དངོས་སློབ་རྗེ་ཤེས་རབ་སེང་གེས་བཞེངས།
རྒྱུད་སྟོད་གྲྭ་ཚང་།
རྗེ་ཀུན་དགའ་དོན་གྲུབ་ཀྱིས་རབ་བྱུང་བརྒྱད་པའི་ཤིང་རྟ（སྤྱི་ལོ1474ལོར）རྒྱུད་ཀྱི་བཤད་པ་བཙུགས་པ་ནས་དཔལ་ལྡན་སྟོད་རྒྱུད་གྲྭ་ཚང་དུ་གྲགས་པ་འདི་ཉིད་ཆགས་པ་ཡིན།
རྟག་བརྟན་གཟིམ་ཕུག་རི་ཁྲོད།
རྟག་བརྟན་གཟིམ་ཕུག་རི་ཁྲོད་དེ་ཕ་བོང་ཁའི་གདུགས་ཡུ་ཞེས་པའི་རི་ཁུག་ཏུ་ཡོད། གནས་དེར་ན་རོ་མཁའ་སྤྱོད་མའི་སྒྲུབ་ཆུ་ཤིན་ཏུ་ངོ་མཚར་ཆེ་བ་དང་། སྟེང་དུ་ཆོས་བྱུང་རང་བྱོན། བྲག་ཕུག་ནང་བདེ་མཆོག་གི་སྤྱན་འབུར་ཚུགས་སུ་ཡོད་པའི་རང་བྱོན་སོགས་མཇལ་རྒྱུ་ཡོད་པའི་གནས་ཤིན་ཏུ་དབེན་པ་ཞིག་ཡོད།
རྨེ་རུ་དགོན་པ།
ལྷ་ས་གྲོང་ནང་གི་རྨེ་རུ་དགོན་ནི་རྒྱུད་སྨད་ཀྱི་ཤར་དུ་གནས་ཡོད། མ་དགོན་ནི་ལྷ་ས་གཙུག་ལག་ཁང་གི་ཤར་སྒོ་སེ་ར་ལྟག་སྒོའི་འགྲམ་དུ་ཡོད་པའི་རྨེ་རུ་རྙིང་པ་ཞེས་པ་དེ་ཡིན།
ལྷ་གདོང་ཤན་ཁ།
ཚལ་གུང་ཐང་དོན་གཅོད་ཁང་ཁོངས་ལྷ་མཐོང་ཤན་ཁ་ནི་དེ་སྔ་ལྷ་ས་སྐྱིད་ཆུའི་ལྷོ་བྱང་བར་འགྲུལ་པ་སྐྱེལ་སྒྲོལ་བྱ་སའི་གྲུ་ཁ་གཙོ་བོ་ཞིག་ཡིན་ཅིང་།དབྱར་དུས་ཟླ་བ་བདུན་རིང་ཀོ་བ་གཏོང་བ་དང་། དགུན་དུས་ཟླ་བ་ལྔའི་རིང་ཤིང་གྲུ་རྟ་མགོ་ཅན་གཏོང་གི་ཡོད།
དངོས་གྲུབ་ཆུ་མགོ
ལྷ་སའི་དངོས་གྲུབ་ཆུ་མགོ་དེ་ལྷ་སའི་ཤར་ངོས་རག་གྲོང་ཚོའི་མདུན་ངོས་སུ་ཡོད། ཆུ་དེ་དཔལ་རོང་གྲོང་ཚོར་བབས་རྗེས་ཆུ་མདའ་མ་རྡོ་བཤགས། བྲག་ཉ་མགོ་གཟུགས་ཟེར་བ་ནས་ཆུ་ཡུར་གསུམ་དུ་ཁ་གྱེས་ནས་བྱང་རྒྱུད་འདམ་རར་བབས་པ་དང་དབུས་རྒྱུད་ནོར་གླིང་དུ་འགྲོ་བ། ལྷོ་རྒྱུད་སྐུ་འབུམ་ཐང་རྒྱུད་ནས་འགྲོ་བ་ཡིན།
སྦྲ་ནག་ཞོལ།
སྔར་འདིར་ལྷ་སའི་མཐའ་རུ་ཡིན་པས་ས་སྟེང་རྒྱ་ཆེ་བས་ཁམས་པ་ཇ་ཚོང་པ་དང་། འབྲོག་པ་སོགས་ཚོང་ལ་ཡོང་ནས་སྦྲ་གུར་ཕུབ་སྟེ་སྡོད་ཀྱི་ཡོད་པས་སྦྲ་ཞོལ་ཞེས་གྲགས།
ལྷ་སའི་སྐྱེད་མོས་ཚལ།
ལྷ་སའི་མཐའ་སྐོར་དུ་ལྗོན་ཤིང་སྣ་ཚོགས་ཀྱི་སྐྱེད་མོས་ཚལ་དང་། གླིང་ཁ་མང་པོ་ཡོད།
སྒར་པ་རི་ཁྲོད།
སྒར་པ་རི་ཁྲོད་དེ་ལྷ་སའི་ཤར་ཕྱོགས་རྔ་ཆེན་ལམ་གྱི་སྒར་པ་གྲོང་ཚོའི་རྒྱབ་རི་ཇོ་མོ་ཟེ་ཟེ་ཡི་གཤམ་དུ་གནས་ཡོད།
ལྷ་སའི་ས་དབྱིབས།
སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཀེ་ལ་ཤ་ཡིས་ཡོངས་སུ་བསྐོར་བའི་ཞིང་ཁམས་ཀྱི་དབུས་སུ་འཛམ་གླིང་གཙུག་ཕུད་ངོ་མཚར་རྨད་དུ་བྱུང་བའི་གནའ་བོའི་གྲོང་ཁྱེར་ཆོས་འཁོར་དཔལ་གྱི་ལྷ་ས་ཞེས་ཡུལ་གྲུ་ཀུན་ཏུ་གྲགས་པའི་བསོད་ནམས་ཞིང་མཆོག་དེ་ཡི་བྱུང་བ་བརྗོད་པ་ལ་སྤྲོ་བས་སྐལ་ལྡན་ལས་འཕྲོ་ཅན་ལ་སྨན་པའི་བདུད་རྩིར་གྱུར་ཅིག་ཅེས་ངག་གི་འདུན་པས་ཡོལ་བ་ཕྱེ་སྟེ་སོར་མོའི་ཟློས་གར་རྩེད་ལ་རོལ་བས། ཀུན་གྱི་ཡིད་ལ་བདེ་བ་ཐོབ་པ་ཤོག་ཅེས་སྔོན་འགྲོ་ཙམ་དང་། དེ་ཡང་བགྲང་བྱ་འབུམ་ཕྲག་གི་སྔོན་དུ་ལྷ་ས་ནི་མཚོ་མོ་ཡིན་པ་དང་ད་ལྟ་ཚན་རིག་པ་རྣམས་ཀྱིས་ཀྱང་བརྗོད་ཀྱིན་ཡོད་ལ། བོད་མི་རྣམས་ཀྱི་ཁ་རྒྱུན་དུའང་ལྷ་ས་མ་ཆགས་ལྷ་ས་ཆགས། ལྷ་ས་མཚོ་མོའི་སྟེང་དུ་ཆགས་ཞེས་བརྗོད་སྲོལ་ཡོད་པ་དང་། ས་དོང་མི་ཚད་ཙམ་ལས་མ་འདྲུས་ན་ཡང་ཆུ་དོན་གྱི་ཡོད། ལོ་ངོ་སྟོང་གི་སྔོན་དུ་ལྷ་ས་ནི་གླ་བའི་ཚལ་དང་། ཆུ་ཤིང་འོམ་བུ་སོགས་ཀྱི་ཚང་ཚིང་དང་། འོ་ཐང་མཚོ་སོགས་མཚེའུ་ཡོད་པར་གྲགས།
སེ་ར་ཆོས་སྡིངས།
སྒྲུབ་ཁང་དེ་སེ་ར་དགོན་པའི་ཤར་ངོས་སུ་ཡོད། གནས་དེ་ནི་སེ་ར་དགོན་པ་ཕྱག་མ་བཏབ་གོང་ནས་རྗེ་ཙོང་ཁ་པ་ཆེན་པོའི་སྒྲུབ་ཁང་ཡིན་ཅིང་།
སེ་ར་རྩེ་སྒྲུབ་ཁང་།
སེ་ར་རྩེ་སྒྲུབ་ཁང་དེ་སེ་ར་དགོན་པའི་སྟེང་གི་རི་ལྡེབས་སུ་ཡོད་པས་སེ་ར་དབུ་རྩེ་ཡང་ཟེར།
| རིག་དངོས་རྟེན་ཤུལ། བརྡ་འགྲེལ 1404 ཡོད། |