མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོ།
མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོ་ནི་ཉིན་ཧྲིལ་བོའི་ལམ་ལུགས་ཀྱི་མི་རིགས་བཅའ་སྡོད་སློབ་འབྲིང་ཞིག་ཡིན་ལ། རང་ཁུལ་གྱི་གཞི་རྒྱ་ཆེས་ཆེ་བའི་མི་རིགས་མཐོ་རིམ་སློབ་འབྲིང་ཞིག་ཡིན། སློབ་གྲྭ་འདི་ནི་སྔར་གྱི་མཚོ་ལྷོ་ཁུལ་མི་རིགས་དགེ་འོས་སློབ་གྲྭ（སྤྱི་ལོ1956ལོའི་ཟླ11པར་བཙུགས）བྱ་བ་དེ་ཡིན་པ་དང་། དེ་ནི་མཚོ་སྔོན་ཞིང་ཆེན་གྱིས་བཙུགས་པ་ཆེས་སྔ་བའི་མི་རིགས་འབྲིང་རིམ་དགེ་འོས་སློབ་གྲྭ་ཞིག་ཡིན། སྤྱི་ལོ2004ལོའི་ཟླ4པར། རང་ཁུལ་གྱི་སློབ་གསོའི་ལས་དོན་འཕེལ་རྒྱས་ཀྱི་དགོས་མཁོར་གཞིགས་ནས། སློབ་གྲྭ་འདི་ག་དང་སྔར་གྱི་མཚོ་ལྷོ་ཁུལ་བོད་ཡིག་སློབ་འབྲིང་གཉིས་མཉམ་དུ་བསྡུས་ཏེ་ཉིན་ཧྲིལ་བོའི་ལམ་ལུགས་ཀྱི་མི་རིགས་བཅའ་སྡོད་མཐོ་རིམ་སློབ་འབྲིང་དུ་བསྒྱུར།
བོད་ལྗོངས་སློབ་གྲྭ་ཆེན་མོ།
བོད་ལྗོངས་སློབ་ཆེན་ནི་བོད་རང་སྐྱོང་ལྗོངས་ཀྱི་ཁོངས་གཏོགས་ཀྱི་ཕྱོགས་བསྡུས་རང་བཞིན་གྱི་སློབ་གྲྭ་ཆེན་མོ་ཞིག་ཡིན་ཞིང་། “ལས་གྲྭ211” གི་རྒྱལ་ཁབ་ཀྱིས་གཙིགས་ཆེར་འཛུགས་སྐྲུན་བྱེད་པའི་སློབ་ཆེན་དང་།“དབུས་རྒྱུད་དང་ནུབ་རྒྱུད་སློབ་ཆེན་གྱི་རྨང་གཞིའི་ནུས་པ་འཛུགས་སྐྲུན་ལས་གྲྭ”ཡི་སློབ་ཆེན་བཅས་སུ་བདམས་ཡོད། སློབ་ཆེན་འདི་ནི་བོད་ལྗོངས་མི་དམངས་སྲིད་གཞུང་དང་རྒྱལ་ཁབ་སློབ་གསོ་པུའུ་གཉིས་ཀྱིས་མཉམ་དུ་བསྐྲུན་པ་ཡིན། ཀྲུང་གོའི“རྩེ་གྲའི་སྨན་པའི་སློབ་གསོ་དང་སྐྱེད་སྲིང་འཆར་གཞི”དང་། “ཞིང་ལས་དང་ནགས་ལས་ཕྱོགས་ཀྱི་རྩེ་གྲའི་འཇོན་མིའི་སློབ་གསོ་དང་སྐྱེད་སྲིང་འཆར་གཞི”སོགས་ཀྱི་བཅོས་སྒྱུར་ཚོད་ལྟའི་སློབ་ཆེན་ཡིན་པར་མ་ཟད། 2013ལོའི་ཟླ5པར་དབུས་རྒྱུད་དང་ནུབ་རྒྱུད་ཀྱི་མཐོ་རིམ་སློབ་གསོ་དར་སྤེལ་འཆར་གཞི་ཁྲོད་བདམས་པ་དང་། 2013ལོའི་ཟླ7པར་འབུམ་རམས་པའི་ཐོབ་ཐང་དབང་སྤྲོད་ལས་ཁུངས་ཀྱི་ཆོག་མཆན་ཐོབ།
ཀྲུང་དབྱང་མི་རིགས་སློབ་གྲྭ་ཆེན་མོ།
ཀྲུང་དབྱང་མི་རིགས་སློབ་གྲྭ་ཆེན་མོ་ནི་པེ་ཅིང་གྲོང་ཁྱེར་ཧའེ་ཏེན་གྲོང་ཁུལ་དུ་ཆགས་པ་སྟེ། ལྷོ་ཕྱོགས་སུ་རྒྱལ་ཁབ་དཔེ་མཛོད་ཁང་ལ་འབྲེལ་བ་དང་། བྱང་ཕྱོགས་སུ་ཀྲུང་ཀོན་གྲོང་ཚོའི་ཚན་རྩལ་གླིང་དང་འདྲེས་པའི་མཚམས་སུ་ཆགས་ཤིང་། པེ་ཅིང་གྲོང་ཁྱེར་དང་རྒྱལ་ཁབ་མི་རིགས་དོན་གཅོད་ཨུ་ཡོན་ལྷན་ཁང་། རྒྱལ་ཁབ་སློབ་གསོ་པུའུ་བཅས་ཀྱིས་མཉམ་དུ་བཙུགས་པ་རེད། ཏང་དང་རྒྱལ་ཁབ་ཀྱི་མཐོང་ཆེན་འོག 1978ལོར་རྒྱལ་ཁབ་ཀྱི་སློབ་ཆེན་གཙོ་བོའི་གྲས་སུ་བདམས། 1999ལོ་དང་། 2004ལོར་སྔ་རྗེས་སུ“ལས་གྲྭ211”དང“ལས་གྲྭ985”ཡི་རྒྱལ་ཁབ་ཀྱིས་གཙིགས་ཆེར་འཛུགས་སྐྲུན་བྱེད་པའི་སློབ་ཆེན་གྱི་གྲས་སུ་ཚུད་ཅིང་། ཀྲུང་གོའི“བཅའ་ཁྲིམས་ཕྱོགས་ཀྱི་རྩེ་གྲའི་འཇོན་མི་སྐྱེད་སྲིང་བྱེད་པའི་འཆར་གཞི”ཡི་སློབ་ཆེན་ཡང་ཡིན་པ་རེད།
པེ་ཅིང་སློབ་གྲྭ་ཆེན་མོ།
པེ་ཅིང་སློབ་གྲྭ་ཆེན་མོ་ནི1898ལོར་བཙུགས་ཤིང་། ཐོག་མའི་དུས་སུ་རྒྱལ་སའི་སློབ་གྲྭ་ཆེན་མོ(京师大学堂)ཟེར་ཞིང་། ཀྲུང་གོའི་ཉེ་རབས་ཀྱི་རྒྱལ་བཙུགས་སློབ་ཆེན་ཐོག་མ་ཡིན་པར་མ་ཟད། སློབ་གྲྭ་ཆེན་མོ་ཞེས་པའི་མིང་ནས་བཙུགས་པའི་སློབ་གྲྭ་ཆེས་ཐོག་མ་དེ་ཡིན་ལ། སློབ་ཆེན་འདི་བཙུགས་པ་ནས་བཟུང་ཀྲུང་གོའི་ཉེ་རབས་ཀྱི་མཐོ་རིམ་སློབ་གསོའི་འགོ་ཚུགས་པ་མཚོན། དེར་མ་ཟད་ཀྲུང་གོའི་ཉེ་རབས་སུ་རྒྱལ་ཁབ་ཀྱི་ཆེས་མཐོའི་སློབ་གྲྭའི་ཐོབ་ཐང་སྟེང་བཙུགས་པའི་སློབ་གྲྭ་ཁོ་ན་ཡིན་ལ། ཐོག་མའི་དུས་སུ་རྒྱལ་ཁབ་ཀྱི་ཆེས་མཐོའི་སློབ་གསོའི་སྲིད་འཛིན་ལས་ཁུངས་ཀྱང་ཡིན་པས། སློབ་གསོ་པུའི་འགན་ནུས་ལག་བསྟར་བྱས་ཏེ་རྒྱལ་ཡོངས་ཀྱི་སློབ་གསོར་དོ་དམ་བྱེད་ཀྱིན་ཡོད། པེ་ཅིང་སློབ་ཆེན་གྱིས་ཀྲུང་གོའི་ཆེས་སྔ་མོའི་དེང་རབས་ཀྱི་སློབ་གྲྭའི་ལམ་ལུགས་གྲུབ་ཐུབ་པར་སྐུལ་འདེད་བྱས་ཐོག ཀྲུང་གོའི་ཆེས་སྔ་མོའི་རིག་གནས་ཚན་ཁག་དང་རང་བྱུང་ཚན་རིག་རིག་ཚན། སྤྱི་ཚོགས་རིག་ཚན། ཞིང་ལས་རིག་ཚན་སོགས་སློབ་ཆེན་གྱི་རིག་ཚན་ཐོག་མ་གསར་དུ་བསྐྲུན་པས། ཉེ་རབས་ཀྱི་ཀྲུང་གོའི་མཐོ་རིམ་སློབ་གསོའི་རྨང་བཏིངས་པ་རེད། པེ་ཅིང་སློབ་ཆེན་ནི་སློབ་གསོ་པུའུ་ལ་ཐད་ཀར་གཏོགས་ཤིང་། ལས་གྲྭ211དང་། ལས་གྲྭ985། འཆར་གཞི2011བཅས་རྒྱལ་ཡོངས་ཀྱི་གཙོ་ཆེར་འཛུགས་སྐྲུན་བྱེད་པའི་སློབ་ཆེན་དུ་གཏོགས་པར་མ་ཟད། མནའ་འབྲེལ་སློབ་ཆེན་དགུ་དང་། ཨེ་ཤ་ཡ་ཤར་མའི་ཞིབ་འཇུག་རྣམ་པའི་སློབ་ཆེན་མཐུན་ཚོགས། རྒྱལ་སྤྱིའི་ཞིབ་འཇུག་རྣམ་པའི་སློབ་ཆེན་མཐུན་ཚོགས་སོགས་ཀྱི་ཁོངས་ཞུགས་སློབ་ཆེན་གཙོ་བོ་ཡིན་པ་རེད།
གཅན་ཚ་རྫོང་མི་རིགས་སློབ་འབྲིང་དང་པོ།
རྨ་ལྷོ་ཁུལ་གཅན་ཚ་རྫོང་མི་རིགས་སློབ་འབྲིང་ནི་རྨ་ཆུ་འགྲམ་རྒྱུད་ཀྱི་མར་ཁུ་ཐང་གྲོང་རྡལ་དུ་ཆགས་ཤིང་། རང་ཞིང་གི་སློབ་འབྲིང་ཁྲོད་དུ་གཞི་ཁྱོན་ཅུང་ཆེ་བའི་བོད་ཡིག་གཙོ་གཉེར་གྱི་བཅའ་སྡོད་སློབ་གྲྭ་ཞིག་ཡིན། སློབ་གྲྭ་འདི་ནི་སྤྱི་ལོ1979ལོར་གསར་དུ་བཙུགས་པ་ཡིན་ཞིང་ས་ངོས་གཞི་ཁྱོན་ལ་མུའུ74ཡོད། དེ་ལས་བཟོ་སྐྲུན་རྒྱ་ཁྱོན་གྱིས་སྨི་ངོས་སྙོམས་གྲུ་བཞི་མ14200ལྷག་ཟིན་ཡོད།
གཅན་ཚ་རྫོང་མི་རིགས་སློབ་འབྲིང་གཉིས་པ།
གཅན་ཚ་རྫོང་མི་རིགས་སློབ་འབྲིང་གཉིས་པ་ནི་རྨ་ལྷོ་ཁུལ་གཅན་ཚ་རྫོང་དུ་ཆགས་ཡོད་ལ། སློབ་གྲྭ་དེ་ནི་སྤྱི་ལོ1999ལོར་བཙུགས་པའི་མི་རིགས་སློབ་འབྲིང་ཞིག་ཡིན། སློབ་གྲྭའི་ས་ཁྱོན་ལ་མུའུ103ལྷག་ཡོད། ད་ལྟ་འཛིན་གྲྭ27ཡོད་ལ། དེ་ལས་དམའ་འབྲིང་འཛིན་གྲྭ15དང་། མཐོ་འབྲིང་འཛིན་གྲྭ12ཡོད། སློབ་མའི་མལ་ཁང་གི་འཛུགས་སྐྲུན་རྒྱ་ཁྱོན་ལ་སྨི་གྲུ་བཞི་མ38349ཡོད། འཛུགས་སྐྲུན་ཡོངས་ལ་མ་དངུལ་སྒོར་དུང་ཕྱུར11ལྷག་བཏང་ཡོད། ད་ལྟ་སློབ་གྲྭར་སྡོད་པའི་སློབ་མ1693ཡོད། དགེ་བཟོ་བ173ཡོད།
གཡོན་རུ་བཅའ་སྡོད་སློབ་གྲྭ་དང་པོ།
གཡོན་རུ་བཅའ་སྡོད་སློབ་གྲྭ་དང་པོ་ནི་གཅན་ཚའི་ཐང་སྲིད་གཞུང་ཡོད་སའི་གཡོན་རུའི་ཁྲ་ཚང་སྐེད་དུ་ཆགས་ཡོད། སློབ་གྲྭ་འདི་ནི་སྤྱི་ལོ1964ལོར་བཙུགས་པ་ཡིན། སློབ་གྲྭ་སྤྱིའི་འཛུགས་སྐྲུན་རྒྱ་ཁྱོན་ལ་སྨི་གྲུ་བཞི་མ1792ཡོད། འཛིན་གྲྭ་དྲུག་དང་སློབ་མ་བརྒྱ་དང་སུམ་ཅུ་ལྷག་ཡོད། དགེ་བཟོ་བ་བཅུ་དྲུག་དང་ཆེད་གཉེར་དགེ་རྒན་བཅུ་གཉིས་ཡོད།
གཡོན་རུ་བཅའ་སྡོད་སློབ་གྲྭ་གཉིས་པ།
གཡོན་རུ་བཅའ་སྡོད་སློབ་གྲྭ་གཉིས་པ་ནི་གཅན་ཚ་རྫོང་གཅན་ཚའི་ཐང་དུ་ཡོད་ལ། སློབ་གྲྭ་དེ་ནི་སྤྱི་ལོ1998ལོར་བཙུགས་པ་ཡིན།
གཅན་ཚ་རྫོང་ལྷ་རྟེན་དཀྱིལ་སྙིང་ཆ་ཚང་སློབ་ཆུང་།
གཅན་ཚ་རྫོང་ལྷ་རྟེན་དཀྱིལ་སྙིང་ཆ་ཚང་སློབ་ཆུང་ནི་སྤྱི་ལོ1970ལོའི་ཟླ10བར་བཙུགས་ཤིང་། གཅན་ཚ་རྫོང་གི་ནུབ་བྱང་ཕྱོགས་སུ་ཆགས་ཡོད།
གཅན་ཚ་རྫོང་བྲག་ཁང་སྣ་ཁ་ཆ་ཚང་སློབ་ཆུང་།
གཅན་ཚ་རྫོང་བྲག་ཁང་སྣ་ཁ་ཆ་ཚང་སློབ་ཆུང་ནི་རྨ་ལྷོ་ཁུལ་གཅན་ཚ་རྫོང་ཁམས་ར་གྲོང་རྡལ་བྲག་ཁང་སྣ་ཁ་སྡེ་བར་ཆགས་ཡོད། སློབ་གྲྭ་དེ་ནི་བོད་ཡིག་གི་སློབ་ཁྲིད་གཙོ་བོར་གཉེར་བའི་སློབ་ཆུང་ཞིག་ཡིན།
གཅན་ཚ་རྫོང་ནང་ཁོག་སློབ་ཁུལ།
གཅན་ཚ་རྫོང་ནང་ཁོག་སློབ་ཁུལ་ལ་སློབ་གྲྭ་ལྔ་ཡོད་དེ་བདེ་ཆེན་ཆ་ཚང་སློབ་ཆུང་དང་ལྷ་ས་ཆ་ཚང་སློབ་ཆུང་། ས་དཀར་གོང་སློབ་ཆུང་། ཞྭ་ཁྲ་སློབ་ཆུང་། འོར་རྟ་སློབ་ཆུང་བཅས་སློབ་གྲྭ་ལྔ་དང་། དགེ་རྒན20ཡོད།
ཡུལ་ཤུལ་ཁུལ་ལས་རིགས་ལག་རྩལ་སློབ་གྲྭ།
ཡུལ་ཤུལ་ཁུལ་ལས་རིགས་ལག་རྩལ་སློབ་གྲྭ་ནི་སྤྱི་ལོ༡༩༥༧ལོའི་ཟླ༡༠ཚེས༨ཉིན་བཙུགས་ཤིང་། སློབ་གྲྭ་ཐོག་མར་འཛུགས་སྐབས་ཡུལ་ཤུལ་ཁུལ་མི་རིགས་དམའ་རིམ་དགེ་འོས་སློབ་གྲྭ་ཟེར། 1962ལོར་སློབ་གྲྭའི་མིང་ཡུལ་ཤུལ་བོད་རིགས་རང་སྐྱོང་ཁུལ་མི་རིགས་དགེ་འོས་སློབ་གྲྭ་ལ་བསྒྱུར། 1991ལོར་མི་རིགས་དགེ་འོས་སློབ་གྲྭར་འཁོར་སྐར་སློབ་གསོ་བརྙན་འཕྲིན་བརྒྱུད་གཏོང་ས་ཚིགས་བཙུགས་པ་དང་། སྤྱི་ལོ1985ལོར་མཚོ་སྔོན་མི་རིགས་སློབ་གྲྭ་ཆེན་མོའི་བོད་རིག་པའི་སློབ་གླིང་གི་ཡུལ་ཤུལ་བོད་ཡིག་ཆེད་སྦྱོང་སྡེ་ཁག་བཙུགས། ཡུལ་ཤུལ་ས་ཡོམ་བྱུང་རྗེས་ཀྱི་ལས་རིགས་སློབ་གསོའི་འཕེལ་རྒྱས་ཇེ་མགྱོགས་སུ་གཏོང་ཕྱིར་མ་དངུལ་སྒོར་དུང་ཕྱུར4.5བཏང་སྟེ་བསྐྱར་འཛུགས་ལེགས་འགྲུབ་བྱུང་ཞིང་། མིག་སྔར་སློབ་གྲྭ་འདིར་ནང་གསེས་ཚན་ཁག་ནི། མཚོ་སྔོན་མི་རིགས་སློབ་གྲྭ་ཆེན་མོའི་བོད་རིག་པའི་སློབ་གླིང་གི་ཡུལ་ཤུལ་ཆེད་སྦྱོང་སྡེ་ཁག་དང་། ཡུལ་ཤུལ་ཁུལ་རྒྱང་སྒྲོག་བརྙན་འཕྲིན་སློབ་གྲྭ་ཆེན་མོ། ཡུལ་ཤུལ་ཁུལ་ལས་རིགས་རྩལ་ནུས་ཚད་འཇོག་ལྟེ་གནས། ཡུལ་ཤུལ་ཁུལ་ལས་རིགས་ལག་རྩལ་སློབ་གསོའི་ལྟེ་གནས་བཅས་ཡོད་ཅིང་། སློབ་གྲྭའི་ས་ཁྱོན་ལ་མུའུ203.2ཡོད་པ་དང་། འཛུགས་སྐྲུན་སྤྱིའི་རྒྱ་ཁྱོན་སྤྱི་ལེ་གྲུ་བཞི་མ་སྨི6.8ཟིན་ཞིང་དགེ་བཟོ་བ250ཙམ་ཞིག་ཡོད།
ཡུལ་ཤུལ་བོད་རིགས་རང་སྐྱོང་ཁུལ་མི་རིགས་མཐོ་རིམ་སློབ་འབྲིང་གཉིས་པ།
ཡུལ་ཤུལ་བོད་རིགས་རང་སྐྱོང་ཁུལ་མི་རིགས་མཐོ་རིམ་སློབ་འབྲིང་གཉིས་པ་ནི། སྐྱེ་རྒུ་གྲོང་རྡལ་བྱ་ཤུལ་ཁོག་ཏུ་ཆགས་ཡོད། སྤྱི་ལོ༢༠༡༠ལོའི་ཡུལ་ཤུལ་ས་ཡོམ་རྗེས་སུ། ཀྲུང་གོའི་རྒྱ་གྲམ་དམར་པོས་སྔ་ཕྱིར་སྤྱི་ཚོགས་ལས་རིགས་ཁག་གི་བྱམས་ལྡན་མི་སྣ་རྣམས་ལས་རོགས་སྐྱོར་མ་དངུལ་སྒོར་ཁྲི༡༣༣༨༥བསྡུས་ཏེ། ཁུལ་ཡོངས་ཀྱི་སློབ་གསོའི་འཆར་གཞི་ནང་བཞིན་གསར་དུ་བཙུགས་པའི་བཅའ་སྡོད་ལམ་ལུགས་ཀྱི་མི་རིགས་མཐོ་རིམ་སློབ་འབྲིང་ཞིག་ཡིན།
ཟི་ལིང་གྲོང་ཁྱེར་སློབ་འབྲིང་དང་པོ།
སློབ་གྲྭ་འདི་ཟི་ལིང་གྲོང་ཁྱེར་ཀོན་མོན་སྲང་ལམ་སྒོ་ཨང1པོར་གནས་ཤིང་། སྤྱི་ལོ1913ལོའི་ཟླ9པར་གསར་དུ་བཙུགས། ད་ལྟ་སློབ་གྲྭའི་རྒྱ་ཁྱོན་ལ་སྨི་གྲུ་བཞི་མ17911.2ཡོད་པ་དང་། འཛུགས་སྐྲུན་རྒྱ་ཁྱོན་ལ་སྨི་གྲུ་བཞི་མ18184.06ཡོད། འདི་ནི་ཟི་ལིང་དང་ཐ་ན་མཚོ་སྔོན་གྱི་འཛུགས་སྔ་བའི་སློབ་གྲྭའི་གྲས་ཤིག་ཡིན།
ཟི་ལིང་གྲོང་ཁྱེར་སྒེར་བཙུགས་མཐོ་རིམ་སློབ་འབྲིང་དང་པོ།
ཟི་ལིང་གྲོང་ཁྱེར་གྱི་སྒེར་བཙུགས་བཅའ་སྡོད་མཐོ་རིམ་སློབ་འབྲིང་གཅིག་པུ་དེ་ཡིན།
ཟི་ལིང་གྲོང་ཁྱེར་སྤྱི་ཤོག་སློབ་འབྲིང་།
ཟི་ལིང་གྲོང་ཁྱེར་སྤྱི་ཤོག་སློབ་འབྲིང་ནི་མཛེས་སྡུག་ལྡན་པའི་ནན་ཁྲོན་གཙང་པོའི་ངོགས་སུ་གནས་པ་དང་། སྤྱི་ལོ1958ལོར་གསར་དུ་བཙུགས། དེས་ལོ50ཙམ་གྱི་དཀའ་སྡུག་གི་ལོ་རྒྱུས་བརྒྱུད་ཟིན་ཞིང་། ཟི་ལིང་གྲོང་ཁྱེར་ཅུས་ཀྱི་ཁོངས་སུ་གཏོགས་པའི་བཅའ་སྡོད་ལམ་ལུགས་ཀྱི་ཆ་ཚང་སློབ་འབྲིང་དང་ཞིང་ཆེན་རིམ་པའི་ཚད་ལྡན་ཅན་གྱི་སློབ་གྲྭ་ཞིག་རེད། སློབ་ཁྲིད་ཀྱི་སྒྲིག་བཀོད་ཆ་ཚང་བ་དང་སློབ་གསོའི་ཁྱད་ཆོས་མངོན་གསལ་ལྡན་པའི་སློབ་གྲྭ་ཞིག་ཡིན།
ཀོས་ནན་རྫོང་བཅའ་སྡོད་སློབ་ཆུང་གཉིས་པ།
སློབ་གྲྭ་འདི་ཉིད་སྤྱི་ལོ2011ལོར་གསར་དུ་བཙུགས་ཤིང་། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཀོས་ནན་རྫོང་རིག་གནས་ལམ་གྱི་ནུབ་ངོས་སུ་གནས་པ་དང་། རྫོང་སྲིད་གཞུང་གིས་མ་དངུལ་སྒོར་ཁྲི232.3བཏང་ཡོད། ས་ཆ་མུའུ136.65ཡོད་ཅིང་། སློབ་གྲྭའི་འཛུགས་སྐྲུན་ལས་གྲྭར་ཁྱོན་མ་དངུལ་སྒོར་ཁྲི2627བཏང་། འཛུགས་སྐྲུན་རྒྱ་ཁྱོན་ལ་སྨི་གྲུ་བཞི་མ15622.34ཡོད་པ་རེད།
ཀོས་ནན་རྫོང་མི་རིགས་སློབ་འབྲིང་།
ཀོས་ནན་རྫོང་མི་རིགས་སློབ་འབྲིང་ནི་སྤྱི་ལོ1976ལོའི་ཟླ12པར་བཙུགས་པ་དང་ཀོས་ནན་རྫོང་མཁར་དུ་གནས་ཤིང་། རི་ཆུ་གཉིས་ལ་ཉེ་བར་འབྲེལ་ཡོད། བཅའ་སྡོད་ལམ་ལུགས་ཀྱི་དམའ་རིམ་མི་རིགས་སློབ་འབྲིང་ཡིན། སློབ་གྲྭ་ཐོག་མར་འཛུགས་དུས་སུ་དགེ་རྒན7དང་སློབ་མ40ལས་མེད། སྤྱི་ལོ2000ལོའི་ཟླ9པར་མཐོ་རིམ་སློབ་འབྲིང་གསར་འཛུགས་བྱས།
ཀོས་ནན་རྫོང་སློབ་འབྲིང་།
ཀོས་ནན་རྫོང་སློབ་འབྲིང་ནི་སྤྱི་ལོ1958ལོའི་ཟླ3པའི་ཚེས16ཉིན་བཙུགས་པ་དང་། སྐབས་དེར་ཀླུ་ཚང་དགོན་པའི་སྡོད་ཁང་གཡར་ནས་སློབ་ཁང་བྱས་པ་དང་། སློབ་གྲྭ་བཙུགས་མ་ཐག་སློབ་མ16དང་དགེ་རྒན5ཡོད།
གུང་ཧོ་རྫོང་མི་རིགས་སློབ་འབྲིང་།
གུང་ཧོ་རྫོང་མི་རིགས་སློབ་འབྲིང་ནི་སྤྱི་ལོ1979ལོར་བཙུགས་ཤིང་། དེ་ནི་བོད་རིགས་སློབ་མ་གཙོ་བོ་ཡིན་པའི་བཅའ་སྡོད་ལམ་ལུགས་ཀྱི་མི་རིགས་སློབ་འབྲིང་ཞིག་ཡིན། ད་ལྟ་དགེ་བཟོ་བ88ཡོད་པའི་ནང་ཆེད་བསྐོས་དགེ་རྒན74ཡོད་པ་དང་སྦྱངས་རབས་ཚད་ལོན་ཚད་ནི98.6%ཡིན་པ་དང་། ཆེད་ལས་ལག་རྩལ་གྱི་མཐོ་རིམ་གོ་མིང་ཅན25དང་། འབྲིང་རིམ་ཅན36། དམའ་རིམ་ཅན13བཅས་ཡོད། ད་ལྟ་སློབ་གྲྭར་སློབ་ཁྲིད་འཛིན་གྲྭ25ཡོད་པ་དང་སློབ་མ1380ཡོད།
མཚོ་ལྷོ་ཁུལ་མཐོ་རིམ་སློབ་འབྲིང་གཉིས་པ།
མཚོ་ལྷོ་ཁུལ་མཐོ་རིམ་སློབ་འབྲིང་གཉིས་པའམ་ཁྲི་ཀ་སློབ་འབྲིང་ནི་སྤྱི་ལོ1942ལོར་བཙུགས་པ་དང་། སྤྱི་ལོ1951ལོར་དངོས་སུ་སློབ་གྲྭ་སླར་གསོ་བྱས་ནས་དམའ་རིམ་སློབ་འབྲིང་འཛིན་གྲྭ1བསྡུས་པ་དང་། སྤྱི་ལོ1958ལོར་མཐོ་རིམ་སློབ་འབྲིང་འཛིན་གྲྭ་གསར་དུ་བསྣན་ནས་ཆ་ཚང་སློབ་འབྲིང་ཞིག་ཏུ་གྱུར། སྤྱི་ལོ2004ལོར་མཚོ་སྔོན་ཞིང་ཆེན་སློབ་གསོ་ཐིང་གིས་སྒོ་བྱང་བཀལ་ནས་ཞིང་ཆེན་རིམ་པའི་ཚད་ལྡན་ཅན་གྱི་སློབ་གྲྭར་གྱུར།
ཁྲི་ཀ་རྫོང་མི་རིགས་སློབ་འབྲིང་།
ཁྲི་ཀ་རྫོང་མི་རིགས་སློབ་འབྲིང་ནི་སྤྱི་ལོ1976ལོར་བཙུགས་པ་དང་། བོད་རྒྱ་དབྱིན་གསུམ་སྟེ་སྐད་གསུམ་སློབ་ཁྲིད་བྱེད་བཞིན་པ་དང་བོད་སྐད་ཡིག་གཙོ་བོར་བྱེད་ཀྱིན་པའི་བཅའ་སྡོད་ལམ་ལུགས་ཀྱི་ཆ་ཚང་མི་རིགས་སློབ་འབྲིང་ཞིག་རེད།
ཀོས་ནན་རྫོང་ཉི་འོད་བྱིས་སྐྱོང་གླིང་།
ཀོས་ནན་རྫོང་ཉི་འོད་བྱིས་སྐྱོང་གླིང་ནི་མཚོ་ལྷོ་བོད་རིགས་རང་སྐྱོང་ཁུལ་ཀོས་ནན་རྫོང་དུ་གནས་པའི་བྱིས་སྐྱོང་གླིང་ཞིག་ཡིན་ལ། འདི་ཉིད་སྤྱི་ལོ1980ལོར་གསར་དུ་བཙུགས་པ་ཞིག་རེད།
མཚོ་ལྷོ་ཁུལ་ལས་རིགས་ལག་རྩལ་སློབ་གྲྭ།
མཚོ་ལྷོ་ཁུལ་ལས་རིགས་ལག་རྩལ་སློབ་གྲྭ་ནི་སྤྱི་ལོ2004ལོའི་ཟླ9པར། དེ་སྔའི་མཚོ་ལྷོ་ཁུལ་འཕྲོད་བསྟེན་སློབ་གྲྭ(སྤྱི་ལོ1976ལོར་བཙུགས)དང་དེ་སྔའི་མཚོ་ལྷོ་ཁུལ་མི་རིགས་ལས་རིགས་ལག་རྩལ་སློབ་གྲྭ་གཉིས(1989ལོར་བཙུགས)ཟླ་སྒྲིལ་བཏང་ནས་བཙུགས་པ་ཞིག་ཡིན་ཞིང་། དེ་ནི་མཚོ་ལྷོ་བོད་རིགས་རང་སྐྱོང་ཁུལ་གྱི་མིག་སྔའི་ཕྱོགས་བསྡུས་རང་བཞིན་གྱི་གཞུང་བཙུགས་འབྲིང་རིམ་ལས་རིགས་སློབ་གྲྭ་འབའ་ཞིག་ཡིན་ལ། ཁུལ་ཡོངས་ཀྱི་ལས་རིགས་ལག་རྩལ་སློབ་གསོ་དང་ལས་རིགས་རྩལ་ནུས་གསོ་སྦྱོང་གི་ལས་འགན་འཁུར་གྱིན་ཡོད།
ནུབ་བྱང་མི་རིགས་སློབ་གྲྭ་ཆེན་མོ་བོད་ཀྱི་སྐད་ཡིག་རིག་གནས་སློབ་གླིང་།
སྤྱི་ལོ1949ལོའི་ཟླ9པར། ཀྲུང་གོའི་མི་དམངས་བཅིངས་འགྲོལ་དམག་གི་ཐང་འཐབ་དམག་དཔུང་དང་པོ་དང་ཀན་སུའུ་ཞིང་ཆེན་གྱི་དམག་དོན་དོ་དམ་ཚོགས་པ་གཉིས་ཀྱིས་ནུབ་བྱང་གི་ལྟེ་གནས་ལན་གྲུ་རུ་བོད་རིགས་གནད་དོན་ཞིབ་འཇུག་འཛིན་གྲྭ་བསྡུས། ཟླ11པར་འཛིན་གྲྭ་དེ་རྒྱ་ཆེ་རུ་བཏང་སྟེ་བོད་རིགས་སློབ་གྲྭ་བཙུགས། སྤྱི་ལོ1950ལོའི་ཟླ1པོར་ནུབ་བྱང་མི་དམངས་གསར་བརྗེ་སློབ་ཆེན་ལན་གྲུའི་ཡན་ལག་སློབ་གྲྭའི་ཁག་གསུམ་པ་ཞེས་པར་མིང་བརྗེས་ཤིང་། སྤྱི་ལོ1951ལོར་རྒྱའི་སྐད་ཡིག་སྡེ་ཁག་དང་ཆབ་སྲིད་སྡེ་ཁག་བཙུགས། སྤྱི་ལོ1979ལོར་ཤེས་རམས་ཞིབ་འཇུག་སློབ་མ་བསྡུ་བའི་ཆོག་མཆན་ཐོབ། སྤྱི་ལོ1993ལོའི་ཟླ8པར་གྲངས་ཉུང་མི་རིགས་སྐད་ཡིག་རྩོམ་རིག་སྡེ་ཁག་དེ་བོད་ཀྱི་སྐད་ཡིག་རྩོམ་རིག་སྡེ་ཁག་དང་སོག་པོའི་སྐད་ཡིག་རྩོམ་རིག་སྡེ་ཁག་གཉིས་སུ་བགོས། སྤྱི་ལོ2003ལོའི་ལོ་མཇུག་ཏུ་བོད་ཀྱི་སྐད་ཡིག་རྩོམ་རིག་སྡེ་ཁག་གི་མིང་བརྗེས་ནས་བོད་ཀྱི་སྐད་ཡིག་རིག་གནས་སློབ་གླིང་དུ་བསྒྱུར་ཏེ་འབུམ་རམས་ཞིབ་འཇུག་སློབ་མ་བསྡུ་བའི་མགོ་བརྩམས། 2009ལོར་འབུམ་རམས་ཕྱི་ཚར་གྱི་རིག་གཞུང་ཞིབ་འཇུག་ལྟེ་གནས་བཙུགས།
མཚོ་སྔོན་ཁུ་ནུ་སློབ་འབྲིང་།
མཚོ་སྔོན་ཁུ་ནུ་སློབ་འབྲིང་ནི་ཟི་ལིང་གྲོང་ཤར་གྱི་གུང་ཧོ་ལྷོ་ལམ་ཨང9པར་གནས་ཡོད། སློབ་གྲྭ་འདི་སྤྱི་ལོ1932ལོར་བཙུགས་པ་དང་། སློབ་གྲྭ་བཙུགས་ཚུན་ནས་སློབ་གྲྭས་དམངས་ཀྱི་བློ་གྲོས་འཕེལ་བ་དང་ཕུལ་བྱུང་གི་ཚན་རིག་རིག་གནས་ཤེས་བྱ་བརྒྱུད་སྤེལ་བྱས་ནས། མཚོ་སྔོན་མི་རིགས་ས་ཁུལ་གྱི་སྤྱི་ཚོགས་དང་། དཔལ་འབྱོར། རིག་གནས་བཅས་འཕེལ་རྒྱས་འགྲོ་རྒྱུར་ལེགས་སྐྱེས་ཆེན་པོ་ཕུལ་ཡོད། སློབ་གྲྭས་གསོ་སྐྱོང་བྱས་པའི་སློབ་མ་རྒྱལ་ཁབ་ཕྱི་ནང་དུ་ཁྱབ་ནས་མི་རིགས་ཀྱི་དཔལ་འབྱོར་དར་རྒྱས་གཏོང་བ་དང་། སྤྱི་ཚོགས་ཀྱི་དཔལ་ཡོན་དར་སྤེལ་གཏོང་བའི་བར་གྱི་སྟོབས་ཤུགས་སུ་གྱུར་ཡོད།
ཧྲང་ཧའེ་གློག་རྡུལ་ཆ་འཕྲིན་ལས་རིགས་ལག་རྩལ་སློབ་གླིང་།
ཧྲང་ཧའེ་གློག་རྡུལ་ཆ་འཕྲིན་ལས་རིགས་ལག་རྩལ་སློབ་གླིང(ShanghaiTechnicalInstituteofElectronicsInformation)ནི་གློག་རྡུལ་ཆ་འཕྲིན་དང་། སྔོན་ཐོན་གྱི་བཟོ་སྐྲུན་ལས་རིགས། ཐོན་སྐྱེད་ཀྱི་རང་བཞིན་ལྡན་པའི་ཞབས་ཞུའི་ལས་རིགས་བཅས་ཀྱི་བྱང་ཚད་མཐོ་བའི་ལག་རྩལ་དང་ལག་རྩལ་ཅན་གྱི་ཤེས་ལྡན་མི་སྣ་གསོ་སྐྱོང་བྱེད་སའི་ཉིན་གང་ལམ་ལུགས་ཀྱི་སློབ་གླིང་དཀྱུས་མ་ཞིག་ཡིན། སྤྱི་ལོ2018ལོའི་ཟླ9པར་སློབ་གླིང་གི་གཞུང་ཕྱོགས་དྲ་ཚིགས་ཐོག་མངོན་པར་གཞིགས་ན། སློབ་གྲྭའི་སྤྱི་ཁྱབ་པུའུ་ནི་ཧྲང་ཧའེ་གྲོང་ཁྱེར་ཧྥེང་ཞན་ཆུས་སུ་གནས་པ་དང་། ས་ཁྱོན་མུའུ400ལྷག་ཙམ་ཟིན། དེ་མིན་མིན་ཞིན་སློབ་ཁུལ་དང་ཞུས་ཧུའེ་སློབ་ཁུལ་དུ་ཁྱོན་ཆེད་ལས30ཡོད་པའི་ནང་རྒྱལ་ཁབ་རིམ་པའི་གཙོ་གནད་ཆེད་ལས4དང་ཧྲང་ཧའེ་གྲོང་ཁྱེར་གྱི་གཙོ་གནད་ཆེད་ལས6བཅས་ཉིན་གང་ལམ་ལུགས་ཀྱི་སློབ་གྲྭར་ཡོད་པའི་སློབ་མ9207དང་ཆེད་མངགས་དགེ་རྒན500ཙམ་ཡོད།
ཡིང་ཁོའུ་ལས་རིགས་ལག་རྩལ་སློབ་གླིང་།
ཡིང་ཁོའུ་ལས་རིགས་ལག་རྩལ་སློབ་གླིང་ནི་རང་རྒྱལ་གྱི་ཁག་དང་པོའི་མཚོ་རྒྱུད་སྒོ་འབྱེད་གྲོང་ཁྱེར་དང་། རྒྱལ་ཁབ་རང་མོས་ཉོ་ཚོང་ཚོད་ལྟ་ཁུལ་གྱི་གྲོང་ཁྱེར། ཀྲུང་གོའི་ཡིད་དབང་འཕྲོག་ཤུགས་ཆེ་ཤོས་ཀྱི་སྡོད་མལ། ལས་ཞུགས། ཡུལ་སྐོར་བཅས་ལ་འཚམ་པའི་ཡིང་ཁོའུ་རུ་ཆགས་ཡོད། དེ་ནི་ལེའོ་ཉིང་ཞིང་ཆེན་མི་དམངས་སྲིད་གཞུང་གིས་ཆོག་མཆན་བཀོད་པ་དང་། རྒྱལ་ཁབ་སློབ་གསོ་པུའུ་ཡིས་སྙན་སེང་ཐོ་འགོད་བྱས་པའི་མཐོ་རིམ་སློབ་གྲྭ་དཀྱུས་མ་ཞིག་ཡིན།
ཧྲང་ཧའེ་བཟོ་རྩལ་མཛེས་རྩལ་ལས་རིགས་སློབ་གླིང་།
ཧྲང་ཧའེ་བཟོ་རྩལ་མཛེས་རྩལ་ལས་རིགས་སློབ་གླིང(ShanghaiArtwDesignAcademy)ནི་ཧྲང་ཧའེ་གྲོང་ཁྱེར་གྱི་རང་ཚུགས་སུ་བཙུགས་པའི་སྒྱུ་རྩལ་ཇུས་འགོད་རིགས་ཀྱི་མཐོ་རིམ་སློབ་གླིང་ཞིག་ཡིན། ཧྲང་ཧའེ་གྲོང་ཁྱེར་གྱིས་རྒྱལ་ཁབ་སློབ་གསོའི་སྒྲིག་སྲོལ་བསྒྱུར་བཅོས་ཚོད་ལྟ་བྱེད་གནས་ཀྱི་འགན་འཁུར་བའི་མཐོ་རིམ་ལས་རིགས་སློབ་གྲྭ་གཅིག་པུ་ཡིན། སློབ་གྲྭ་ནི་ཧྲང་ཧའེ་གྲོང་ཁྱེར་གྱི་བཟོ་རྩལ་མཛེས་རྩལ་སློབ་གྲྭ(སྤྱི་ལོ1960ལོར་བཙུགས)དང་ཧྲང་ཧའེ་ཡང་བའི་བཟོ་ལས་གཉིས་པའི་ལས་བཟོ་པའི་སློབ་གྲྭ་ཆེན་མོ(སྤྱི་ལོ1980ལོར་བཙུགས)གཉིས་ཀྱིས་སྤྱི་ལོ2003ལོར་མཉམ་འབྲེལ་ཐོག་བཙུགས་པ་ཞིག་ཡིན། སྤྱི་ལོ2010ལོར་སློབ་གླིང་དེར་སློབ་གསོ་པུའུ་དང་ནོར་སྲིད་པུའུ་རྒྱལ་ཁབ་ཀྱི་དཔེ་སྟོན་རང་བཞིན་གྱི་མཐོ་རིམ་ལས་རིགས་སློབ་གླིང་གིས་ཞིབ་བཤེར་རྩིས་ལེན་བྱས་པ་རེད། སྤྱི་ལོ2017ལོའི་ཟླ9པར་སློབ་གྲྭའི་གཞུང་ཕྱོགས་དྲ་བའི་ཆ་འཕྲིན་ཐོག་ནས་མངོན་པར་གཞིགས་ན། སློབ་གླིང་དང་སློབ་གླིང་གི་རྒྱ་ཁྱོན་ལ་སྨི་ངོས་གྲུ་བཞི་མ121299ཟིན་པ་དང་སློབ་ཁྲིད་ཚན་ཞིབ་དཔྱད་ཆས་སྒྲིག་ཆས་ཀྱི་རྒྱུ་ནོར་བསྡོམས་འབོར་སྒོར་ཁྲི5057ཟིན། རིམ་པ་གཉིས་པའི་སློབ་གླིང6བཙུགས་པ་དང་མཐོ་རིམ་ལས་རིགས་ཆེད་ལས18བཙུགས། ཆེད་བསྐོས་དགེ་རྒན220ལྷག་དང་སློབ་གྲྭར་ཡོད་པའི་སློབ་མ4096ཡོད།
ཧྲང་ཧའེ་ཅི་ཀོང་ལས་རིགས་ལག་རྩལ་སློབ་གླིང་།
ཧྲང་ཧའེ་ཅི་ཀོང་ལས་རིགས་ལག་རྩལ་སློབ་གླིང་ནི་ཀྲུང་གོའི་ཧྲང་ཧའེ་རུ་གནས་ཤིང་། ཉིན་ཧྲིལ་བོའི་ལམ་ལུགས་ཀྱི་མཐོ་རིམ་སློབ་གྲྭ་དཀྱུས་མ་ཞིག་ཡིན། སྤྱི་ལོ1993ལོའི་ཟླ7པར། སློབ་གླིང་གིས་ཐུང་ཅི་སློབ་ཆེན་གྱི་རྒྱབ་སྐྱོར་དང་རོགས་རམ་འོག ཧྲང་ཧའེ་གྲོང་ཁྱེར་མི་དམངས་སྲིད་གཞུང་གི་ཆོག་མཆན་ཐོབ་པ་བརྒྱུད་བཙུགས་པ་རེད། དེའི་མིང་ལ“དམངས་གཉེར་ཅི་ཀོང་སློབ་གླིང”ཞེས་པ་དང་མཐོ་རིམ་སློབ་གསོའི་སློབ་རྒྱུས་ལག་ཁྱེར་གྱི་རྒྱུགས་སྤྲོད་སློབ་བསྡུའི་ནང་ཞུགས། སྤྱི་ལོ2017ལོའི་ཟླ7པའི་པར། སློབ་གླིང་དེའི་འོག་ཏུ་ཨར་ལས་དང་། ཨར་ལས་བཟོ་པ། དཔལ་འབྱོར་དོ་དམ། འཕྲུལ་གློག་སོགས་ཚན་ཁག4བཙུགས་ནས་ཉིན་ཧྲིལ་བོའི་ལམ་ལུགས་ཀྱི་སློབ་གྲྭར་སློབ་མ5700ལྷག་ཡོད།
| སློབ་གྲྭའི་ལོ་རྒྱུས། བརྡ་འགྲེལ 3256 ཡོད། |