ཐེམ་ཆེན་རྫོང་མི་དམངས་སྨན་ཁང་།
སྨན་ཁང་ཞིག་ཡིན་ཏེ། སྤྱི་ལོ1955ལོར་བཙུགས་པ་དང་ཐེམ་ཆེན་རྫོང་ཐོག་དུ་ཡོད།
བྲག་དཀར་རྫོང་བོད་ལུགས་སྨན་ཁང་།
བྲག་དཀར་རྫོང་བོད་ལུགས་སྨན་ཁང་གི་སྨན་ལུམས་ཚན་ཁག་ནི་རྒྱལ་ཁབ་ཀྱི་ཡང་དག་པའི་མགོ་ཁྲིད་དང་རོགས་རམ། དེ་བཞིན་དུ་འདི་གའི་སྨན་ཁང་གི་མགོ་གཙོ་རྣམས་ཀྱི་ལྷག་བསམ་དཀར་བའི་འབད་བརྩོན་དང་མིག་རྒྱང་རིང་བའི་བློ་གྲོས་ལ་བརྟེན་ནས་སྤྱི་ལོ2017ལོའི་ཟླ12ནང་དངོས་སུ་དབུ་འབྱེད་ཀྱིས་ནད་པར་ཞབས་ཞུ་སྒྲུབ་པའི་ལས་མགོ་བརྩམས་པ་ཡིན། སྨན་ལུམས་ཐོག་ཁང་འདིའི་སྤྱིའི་རྒྱ་ཁྱོན་ལ་སྨི་གྲུ་བཞི་མ4750ཡོད་པ་དང་། སྨན་ལུམས་ཚན་ཁག་འདིར་ཁྱོན་ནད་པ་འདུག་སའི་ཉལ་ཁྲི45དང་། ཆེད་ལས་མི་སྣ25གཞན་ཡང་དེང་རབས་ཀྱི་སྔོན་ཐོན་ཡིན་པའི་ཚ་རླངས་མཁོ་འདོན་འཕྲུལ་ཆས9དང་སྨན་གདུ་སྣོད་ཆས9བཅས་ཡོད།
འབུམ་སྟེང་དགོན་བོད་སྨན་ཁང་།
སྤྱི་ལོ2005 ལོར། བླ་མ་རིན་པོ་ཆེ་སྤུག་བླ་ནམ་མཁའ་རྒྱལ་མཚན་མཆོག་གིས་དབུས་པའི་དོ་དམ་ལྷན་ཚོགས་ནས། སྨན་པ་དཀོན་མཆོག་བཀྲ་ཤིས། བློ་བཟང་ཆོས་འབྱོར། བསྟན་འཛིན་རྣམ་རྒྱལ་རྣམ་པ་གསུམ་སྨན་ལས་སུ་བཏང་སྟེ་དབུ་འཛུགས་མཛད་པ་ཞིག་ཡིན།
སྒྲོམ་ཚང་སྨན་ཁང་།
སྒྲོམ་ཚང་སྨན་ཁང་གི་སྒྲིག་ཆས་དེ་སྤྱིར་བཏང་སྨན་བཅོས་སམ་ཡང་ན་ལག་རྩལ་གྱི་འགན་ལེན་ནུས་པ་མི་འདྲ་བའི་སྒྲོམ་ཚང་ལས་གྲུབ་པ་ཞིག་ཡིན་པ་དང་།དུས་རིམ་སྔ་མོའི་སྨན་བཅོས་བྱེད་པའི་སྨན་བཅོས་ནུས་པ་ལྡན་ཡོད། དེས་སྐབས་བསྟུན་རང་བཞིན་ལེགས་པ་དང་། བཀོད་སྒྲིག་མྱུར་བ། ཁོར་ཡུག་འཕྲོད་ནུས་ཆེ་བ་སོགས་ཀྱི་ལེགས་ཆ་མང་པོ་ཞིག་གིས་ཐོལ་བྱུང་གི་འཕྲལ་བསྟུན་གསོ་རིག་རོགས་སྐྱོབ་ཀྱི་ལས་འགན་དང་འཚམ་ཐུབ།
ལེའེ་ཧྲིན་ཧྲན་སྨན་ཁང་།
ལེའེ་ཧྲིན་ཧྲན་སྨན་ཁང་ནི་སྤྱིར་བཏང་དུ་ཝུའུ་ཧན་ལེའེ་ཧྲིན་ཧྲན་སྨན་ཁང་ལ་ཟེར། ཝུའུ་ཧན་ལེའེ་ཧྲིན་ཧྲན་སྨན་ཁང་ནི་སྤྱི་ལོ2003ལོའི་ས་སི་གློ་ཚད་སྐབས་སུ་བཙུགས་པའི་པེ་ཅིན་ཞོའོ་ཐང་ཧྲན་སྨན་ཁང་གི་རྣམ་པ་ལྟར་ཡིན། ཕྱོགས་བསྡུས་སྒོས་ཏོག་དབྱིབས་ནད་དུག་གསར་བའི་ནད་པ་སྨན་བཅོས་བྱེད་སའི་སྨན་ཁང་ཡིན། ནད་ཁུལ32དབྱེ་ཡོད་ལ། ནད་ཁྲི1500ཡོད།
པེ་ཅིན་ཞའོ་ཐང་ཧྲན་སྨན་ཁང་།
པེ་ཅིན་ཞའོ་ཐང་ཧྲན་སྨན་ཁང(མིང་གཞན་ལ་པེ་ཅིན་ཞའོ་ཐང་ཧྲན་བདེ་ཐང་སླར་གསོ་སྨན་ཁང་དང་། པེ་ཅིན་ཞའོ་ཐང་ཧྲན་ལུས་གསོ་ཁང་། པེ་ཅིན་གྲོང་ཁྱེར་བདེ་ཐང་དོ་དམ་སྐུལ་འདེད་ལྟེ་གནས། པེ་ཅིན་རྒྱལ་སྤྱིའི་སྨན་རྫས་རྟེན་རྫས་བཤམས་སྟོན་ཁང་བཅས་ཟེར)སྤྱི་ལོ1988ལོའི་ཟླ12པའི་ཚེས29ཉིན་པེ་ཅིན་དུ་སྒོ་བྱང་བཀལ་ནས་བཙུགས་པ་དང་པེ་ཅིན་གྲོང་ཁྱེར་ཁྲང་ཕིང་ཆུས་ཞའོ་ཐང་ཧྲན་གྲོང་རྡལ་དུ་གནས་ཡོད།
འཕྲོད་བསྟེན་རིམས་འགོག་ས་ཚིགས།
འཕྲོད་བསྟེན་རིམས་འགོག་ས་ཚིགས་ནི་བཟའ་ཆས་གཙང་སྦྲ་དང་ནད་རིགས་སྔོན་འགོག་བྱེད་པའི་ལས་ཁུངས་ཤིག་ཡིན། རང་རྒྱལ་གྱིས་རྒྱལ་ཁབ་བཙུགས་པ་ནས་བཟུང་འཕྲོད་བསྟེན་རིམས་འགོག་ལས་དོན་གྱི་འཛུགས་སྐྲུན་རྒྱུན་འཁྱོངས་བྱས་ཏེ། གྲུབ་འབྲས་ཧ་ཅང་ཆེན་པོ་བླངས་ཡོད་པ་དང་། ལྷག་པར་དུ་འགོས་ནད་སྣ་ཚོགས་ལ་ཚོད་འཛིན་དང་ལྟ་ཞིབ་ཚད་ལེན་བྱས་པར་མ་ཟད། རིམ་བཞིན་འགོས་ནད་སྣ་ཚོགས་ཀྱི་འཕེལ་རྒྱས་དང་དར་ཁྱབ་མེད་པར་བཏང་། རྒྱལ་སྤྱི་དང་འབྲེལ་མཐུད་བྱེད་ཆེད། དུས་མཚུངས་སུ་ཀྲུང་གོས་རིམས་ནད་ཚོད་འཛིན་དང་འཕྲོད་བསྟེན་ལྟ་སྐུལ་སྒྲིག་སྲོལ་བསྒྱུར་བཅོས་ལག་བསྟར་བྱས་ཏེ། འགན་ནུས་ལ་འགྱུར་ལྡོག་བྱུང་བའི་དབང་གིས་རིམ་པ་ཁག་གི་འཕྲོད་བསྟེན་རིམས་འགོག་ས་ཚིགས་སྤྱི་ལོ2002ལོ་ནས་བཟུང་། འཕྲོད་བསྟེན་ལྟ་སྐུལ་སུའོ（ཅུའུ）གཅིག་རྗེས་གཉིས་མཐུད་ཀྱིས་ལོགས་སུ་བཀར་རྗེས། ནད་རིགས་སྔོན་འགོག་ཚོད་འཛིན་ལྟེ་གནས（CDC）ཞེས་བསྒྱུར། སྤྱི་ལོ2004ལོར་སླེབས་སྐབས་གཞི་རྩའི་ཐོག་མིང་བསྒྱུར་ཟིན་པ་རེད། འཕྲོད་བསྟེན་རིམས་འགོག་ས་ཚིགས་ཀྱིས་ལས་རིགས་ཉུང་ཤས་ཀྱི་མ་ལག་ནང་སྔར་བཞིན་མིང་ཟོག་འཇོག་བྱས་ཡོད་པ་ཕུད། བེད་སྤྱོད་བྱེད་ཀྱིན་མེད།
མཚོ་ལྷོ་ཁུལ་མི་དམངས་སྨན་ཁང་།
མཚོ་ལྷོ་ཁུལ་མི་དམངས་སྨན་ཁང་ནི། ཁུལ་གནས་སའི་ཆབ་ཆ་གྲོང་རྡལ་དུ་གནས་ཡོད། སྤྱི་ལོ2019ལོའི་ཟླ9བའི་ཚེས27ཉིན་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་མཉམ་སྡེབ་ཀྱི་མཚན་སྙན་སྤྲད་པ་རེད།
འཕྲལ་བཅོས་ཁང་།
འཕྲལ་བཅོས་གསོ་རིག་ཚན་ཁག（ཁང）གམ་ཡང་ན་འཕྲལ་བཅོས་གསོ་རིག་ལྟེ་གནས་ནི་སྨན་ཁང་ནང་གི་ནད་གཞི་ཚབས་ཆེན་ཕོག་པའི་ནད་པ་གཅིག་སྡུད་ཆེ་ཤོས་དང་། ནད་རིགས་མང་ཤོས། མྱུར་སྐྱོབ་དང་དོ་དམ་ལས་འགན་ལྕི་ཤོས་བཅས་ཀྱི་ཚན་ཁག་ཅིག་ཡིན་པ་དང་། འཕྲལ་བཅོས་ནད་པ་ཚང་མ་སྨན་ཁང་དུ་བསྡད་ནས་སྨན་བཅོས་བྱེད་པར་ངེས་པར་དུ་བརྒྱུད་དགོས་པ་ཞིག་རེད།
ཧུང་ཡོན་རྫོང་མི་དམངས་སྨན་ཁང་།
ཧུང་ཡོན་རྫོང་མི་དམངས་སྨན་ཁང་ནི་སྤྱི་ལོ1960ལོའི་ཟླ3པར་ཧུ་ར་མ་ད་ལྟའི་ཁྱུང་མཆུ་གྲོང་རྡལ་དུ་གནས་སྤོ་བྱས་ནས་མིང་ལ་ཧུང་ཡོན་རྫོང་མི་དམངས་སྨན་ཁང་ཟེར་ཞིང་། སྨན་ཁང་འདིའི་རྨང་གཞིའི་སྒྲིག་བཀོད་དང་མི་སྣ་མང་ཤོག་ནི་ལིས་རྫོང་མི་དམངས་སྨན་ཁང་ནས་ལྷ་རྒྱལ་གླིང་དུ་གནས་སྤོས་པ་ཡིན།
ཧུང་ཡོན་རྫོང་བོད་སྨན་ཁང་།
ཧུང་ཡོན་རྫོང་བོད་སྨན་ཁང་ནི་སྤྱི་ལོ1992ལོར་བཙུགས་པ་དང་། དེ་ནི་སྔར་གྱི་རྫོང་བོད་སྨན་སྒོ་བསྟེན་སྨན་བཅོས་པུའུ་ཡུལ་ཚོའི་རིམ་པའི་ལས་དོན་སྡེ་ཚན་ཡིན། མི་སྣའི་སྒྲིག་གཞི་ནི་རྫོང་ཡོངས་ཀྱི་འཕྲོད་བསྟེན་ལས་དོན་མི་སྣའི་ཁྲོད་དུ་སྒྲིག་སྦྱོར་བྱས་ཤིང་། སྤྱི་ལོ2003ལོའི་ཟླ6པའི་ཚེས18ཉིན་རྫོང་བོད་སྨན་སྒོ་བསྟེན་སྨན་བཅོས་པུའུ་ཡི་གོ་གནས་དེ་རྫོང་བོད་སྨན་ཁང་དུ་འཕར།
ཁམས་སྡེ་དགེའི་བོད་སྨན་ཁང་།
ཁམས་སྡེ་དགེའི་བོད་སྨན་ཁང་ནི་སྤྱི་ལོ1978ལོར་སི་ཁྲོན་ཞིང་ཆེན་གྱིས་སྡེ་དགེ་བོད་སྨན་ཁང་ཞེས་པའི་མཚན་གསོལ་ནས་སྡེ་དགེ་པར་ཁང་ལས་ལོགས་སུ་སྤོས་ཏེ། གསར་དུ་གསོ་རིག་སློབ་གླིང་དང་། སྒོ་བསྟེན་སྨན་ཁང་། ནད་པ་སྡོད་ཁང་། སྨན་པའི་སྡོད་ཁང་། སྨན་མཛོད་དང་སྨན་བཟོ་ཁང་སོགས་ཁྱད་ཆོས་ལྡན་པའི་སྨན་ཁང་ཞིག་བསྐྲུན་ནས་དར་རྒྱས་བྱུང་། སྤྱི་ལོ1986ལོར་པཎ་ཆེན་རིན་པོ་ཆེ་སྐུ་ཕྲེང་བཅུ་བ་སྐུ་དངོས་གཟིགས་ཞིབ་ཏུ་ཕེབས་པ་མ་ཟད་སྡེ་དགེ་དཔལ་ལྡན་གསོ་རིག་ཁང་ཞེས་པའི་མཚན་དུ་ཕྱག་བྲིས་གནང་བ་སོགས་མཛད། སྤྱི་ལོ1987ལོར་སི་ཁྲོན་ཞིང་ཆེན་གྱིས་སྡེ་དགེ་བོད་ལུགས་གསོ་རིག་ཞིབ་འཇུག་ཁང་གི་མཚན་གསོལ།
སྨན་བཅོས་མཉམ་འབྲེལ་སྒྲིག་གཞི།
སྨན་བཅོས་མཉམ་འབྲེལ་སྒྲིག་གཞི་ནི་ས་ཁོངས་གཅིག་པའི་ནང་གི་སྨན་བཅོས་ཐོན་ཁུངས་སྡེབ་སྒྲིག་བྱེད་པ་དང་། རྒྱུན་དུ་ས་ཁོངས་གཅིག་གི་རིམ་པ་གསུམ་པའི་སྨན་ཁང་དང་རིམ་པ་གཉིས་པའི་སྨན་ཁང་དང་། སྡེ་ཁུལ་སྨན་ཁང་། གྲོང་ཚོའི་སྨན་ཁང་བཅས་ཀྱིས་སྨན་བཅོས་མཉམ་འབྲེལ་སྒྲིག་གཞི་ཞིག་གྲུབ་ཡོད། དེའི་དམིགས་ཡུལ་ནི་མི་སེར་གྱི་ནད་ལྟ་དཀའ་བའི་གནད་དོན་ཐག་གཅོད་བྱེད་ཆེད་ཡིན།
ཨང་བཀོད་ཁ་ཆད།
དེ་ནི་འཕྲོད་བསྟེན་པུའུ་ཡིས《གཞུང་བཙུགས་སྨན་ཁང་དུ་ཁ་ཆད་སྨན་བཅོས་ཞབས་ཞུའི་ལས་དོན་སྤེལ་བའི་སྐོར་གྱི་བསམ་འཆར》གཞིར་བཟུང་ནས་ཁྱབ་བསྒྲགས་བྱས་པ་ཞིག་ཡིན་ཞིང་། དྲ་ཐོག་ཐོ་འགོད་ནི་གཞུང་བཙུགས་སྨན་ཁང་གིས་ནད་པ་ལྟེ་བར་བྱས་ནས་སྨན་བཅོས་ཞབས་ཞུ་སྤེལ་བའི་བཅོས་བསྒྱུར་བྱེད་ཐབས་གལ་ཆེན་ཞིག་ཡིན་པས་མང་ཚོགས་ཀྱིས་སྨན་བཅོས་སྟབས་བདེ་དང་སྨན་བཅོས་ཞབས་ཞུའི་ཆུ་ཚད་མཐོ་རུ་གཏོང་བར་དོན་སྙིང་གལ་ཆེན་ལྡན་ཡོད།
སྨན་ཁང་ནས་འབུད་ས།
སྨན་ཁང་ནས་འབུད་ས་ནི་ནད་པའི་སྨན་རིན་རྩིས་རྒྱག་གི་ལས་དོན་གཙོ་བོར་འཁུར་དགོས་པའི་ཚན་ཁག་ཅིག་ཡིན།
སྨན་ཁང་ནས་བུད་པའི་ཟིན་ཐོ།
སྨན་ཁང་ནས་བུད་པའི་ཟིན་ཐོ་ནི་ནད་པ་སྨན་ཁང་དུ་བསྡད་ནས་སྨན་བཅོས་བྱེད་པའི་བརྒྱུད་རིམ་གྱི་ཕྱོགས་བསྡོམས་ཤིག་ཡིན་པས་རྗེས་སུ་སྨན་བཅོས་བྱེད་སྐབས་དཔྱད་གཞིར་འཛིན་བདེ་བ་ཅིག་ཡིན།
ནད་གཡོག་པུའུ།
ནད་གཡོག་པུའུ（Nursing Department）ནི་སྨན་ཁང་གི་ནད་གཡོག་ལས་ཀའི་བཀོད་འདོམས་ལྟེ་གནས་ཡིན་པ་དང་། ནད་གཡོག་པུའུ་ཡི་ལས་ཀའི་དོ་དམ་ཆུ་ཚད་ཀྱིས་སྨན་ཁང་ཡོངས་ཀྱི་ནད་གཡོག་ལས་དོན་ཁག་སྤེལ་བ་དང་ནད་གཡོག་སྤུས་ཚད་ཚོད་འཛིན་བྱེད་པར་ནུས་པ་གལ་ཆེན་ཐོན་བཞིན་ཡོད། སྨན་ཁང་གི་བྱ་བའི་ཁྲོད་དུ་ནད་གཡོག་དང་ནད་ཐོག་སྨན་བཅོས་བྱ་བར་འབྲེལ་བ་དམ་པོ་ཡོད་པ་དང་། ནད་གཡོག་གི་སྤུས་ཚད་མཐོ་དམན་གྱིས་སྨན་བཅོས་ཀྱི་སྤུས་ཚད་ལ་ཐད་ཀར་ཤུགས་རྐྱེན་ཐེབས་བཞིན་ཡོད། དེར་བརྟེན་ནད་སྐྱོང་པུའུ་ཡི་མི་སྣའི་བྱང་ཚད་དང་ལས་ཀའི་དོ་དམ་ལ་བླང་བྱ་ནན་མོ་བཏོན་ཡོད།
གྲོང་ཁྱེར་སྡེ་ཁུལ་འཕྲོད་བསྟེན་ཞབས་ཞུའི་ས་ཚིགས་ཀྱི་གཞི་རྩའི་ཚད་གཞི།
གྲོང་ཁྱེར་སྡེ་ཁུལ་འཕྲོད་བསྟེན་ཞབས་ཞུ་ལས་ཁུངས་ཀྱིས་རྒྱལ་ཁབ་ཀྱི་འབྲེལ་ཡོད་གཏན་འབེབས་ལྟར་ཁོངས་གཏོགས་ཁུལ་གྱི་རྒྱུན་སྡོད་ཡུལ་མི་དང་། གནས་སྐབས་སྡོད་ཡུལ་མི། འབྲེལ་ཡོད་མི་སྣ་གཞན་དག་བཅས་ལ་སྡེ་ཁུལ་གྱི་གཞི་རྩའི་སྤྱི་བའི་འཕྲོད་བསྟེན་ཞབས་ཞུ་དང་གཞི་རྩའི་སྨན་བཅོས་ཞབས་ཞུ་མཁོ་འདོན་བྱེད་པ་རེད།
ཀྲུང་གོའི་གསོ་རིག་ཚན་རིག་ཁང་ཁྲག་རྒྱུན་ནད་སྨན་ཁང་།
ཀྲུང་གོའི་གསོ་རིག་ཚན་རིག་གླིང་གི་ཁྲག་ནད་སྨན་ཁང་ནི་ཀྲུང་གོའི་གསོ་རིག་ཚན་རིག་གླིང་གི་རིམ་པ་གསུམ་པའི་ཆེད་ཚན་སྨན་ཁང་གི་ཁོངས་སུ་གཏོགས།
པེ་ཅིན་སློབ་ཆེན་མི་དམངས་སྨན་ཁང་།
པེ་ཅིན་སློབ་ཆེན་མི་དམངས་སྨན་ཁང་ཞི་ཀྲི་མོན་སྨན་ཁང་ནི་པེ་ཅིན་གྲོང་ཁྱེར་ཞི་ཀྲི་མོན་ལྷོ་ཁྲོམ་གཞུང་ཨང11པར་གནས་ཡོད་པ་དང་། པའེ་ཐ་དགོན་སྨན་ཁང་དེ་གྲོང་ནུབ་ཆུས་ཀྱི་ཧྥུའུ་ཁྲེང་མོན་ནེ་ཁྲོམ་གཞུང་གི་སྒོ་རྟགས་ཨང133དུ་གནས་ཡོད། སྤྱི་ལོ1918ལོར་བསྐྲུན། སྨན་བཅོས་དང་། སློབ་ཁྲིད། ཚན་ཞིབ་བཅས་གཞི་གཅིག་ཏུ་འདུས་པའི་རིམ་པ་གསུམ་པའི་ཕྱོགས་བསྡུས་སྨན་ཁང་ཞིག་ཡིན་པ་དང་། པེ་ཅིན་གྲོང་ཁྱེར་གྱི་སྨན་བཅོས་འགན་ལེན་ས་ཚིགས་སྨན་ཁང་དང་། རྒྱལ་ཁབ་འཕྲོད་བསྟེན་དང་འཆར་ལྡན་བུ་སྐྱེས་ཨུ་ལྷན་གྱི་དོ་དམ་སྨན་ཁང་། པེ་ཅིན་སློབ་ཆེན་ཞོར་གཏོགས་སྨན་ཁང་། པེ་ཅིན་སློབ་ཆེན་གྱི་ནད་ཐོག་གསོ་རིག་སློབ་གླིང་གཉིས་པ་བཅས་ཡིན། “རྒྱལ་ཡོངས་ཀྱི་སྨན་བཅོས་འཕྲོད་བསྟེན་ཁོངས་གཏོགས་ཀྱི་སྔོན་ཐོན་གསར་གཏོད་དང་ཕུལ་བྱུང་བརྩོན་ལེན་བྱེད་སྒོའི་སྔོན་ཐོན་ཚོགས་པ”དང་། “རྒྱལ་སའི་དཔལ་ཡོན་ཚན་པའི་དཔེ་སྟོན་ཁང”“རྒྱལ་སའི་སྨན་བཅོས་འཕྲོད་བསྟེན་རིག་གནས་འཛུགས་སྐྱོང་གི་སྔོན་ཐོན་ཚན་པ”“པེ་ཅིན་སློབ་ཆེན་ཏང་དོན་དང་བསམ་བློ་ཆབ་སྲིད་ལས་དོན་གྱི་སྔོན་ཐོན་ཚོགས་པ”“པེ་ཅིན་སློབ་ཆེན་གྱི་འཐབ་ཕྱོགས་གཅིག་གྱུར་ལས་དོན་གྱི་སྔོན་ཐོན་ཏང་ཨུ”སོགས་ཀྱི་གཟི་བརྗིད་མཚན་སྙན་ཐོབ། སྤྱི་ལོ2018ལོའི་ཟླ12པའི་ཚེས4ཉིན་རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས་སྐྲན་ནད་རིག་ཚན་སྣ་མང་སྨན་བཅོས་ཚོད་ལྟའི་སྨན་ཁང་ཁག་དང་པོར་ཡོངས་བསྒྲགས་བྱས།
རྨ་ལྷོ་ཁུལ་བོད་སྨན་ཁང་།
རྨ་ལྷོ་ཁུལ་བོད་སྨན་ཁང་ནི། སྔོན་གྱི་རེབ་གོང་རྫོང་བོད་སྨན་སྒོ་བསྟེན་སྨན་བཅོས་ཁང་གི་རྨང་གཞིའི་སྟེང་སྤྱི་ལོ1959ལོར་བཙུགས་པ་ཡིན་ལ། ལོ་ངོ་ལྔ་བཅུ་ལྷག་ཙམ་གྱི་འཕེལ་རྒྱས་ལ་བརྟེན་ནས། དེང་སྐབས་ནད་ཐོག་སྨན་བཅོས་དང་། ནད་འགོག་བདེ་སྲུང་། སློབ་ཁྲིད་ཞིབ་འཇུག་བཅས་གཞི་གཅིག་སྣ་མང་གི་ཁུལ་རིམ་པའི་མི་རིགས་སྨན་ཁང་ཞིག་ཏུ་གྱུར་ཡོད། སྤྱི་ལོ1988ལོ་ནས་བཟུང་ད་ལྟའི་བར། སྔ་གཞུག་ཏུ་རྒྱལ་ཁབ་མི་དོན་པུའུ་དང་འཕྲོད་བསྟེན་པུའུ་ཡིས་ཐེངས་མང་པོར་སྔོན་ཐོན་སྡེ་ཁག་ལ་བདམས་པ་དང་། སྤྱི་ལོ1996ལོར་ཞིང་ཆེན་རིམ་པའི་དཔལ་ཡོན་ལྡན་པའི་ལས་ཁུངས་ལ་བདམས། སྤྱི་ལོ2013ལོར་ཨང་རིམ་གཉིས་པའི་སྨན་ཁང་ཀ་བའི་ཐོབ་ཐང་ཐོབ།
རྨ་ལྷོ་ཁུལ་མི་དམངས་སྨན་ཁང་།
རྨ་ལྷོ་བོད་རིགས་རང་སྐྱོང་ཁུལ་མི་དམངས་སྨན་ཁང་ནི། རེབ་གོང་རྫོང་རོང་བོ་གྲོང་རྡལ་གྱི་ཧོར་རྒྱ་སྡེ་བའི་ལྷོ་ཕྱོགས་སུ་ཆགས་ཡོད་ལ། གསར་སྐྲུན་སྨན་ཁང་གི་ས་ཁྱོན་ལ་མུའུ84 དང་། འཛུགས་སྐྲུན་སྤྱིའི་འཆར་འགོད་ཀྱི་རྒྱ་ཁྱོན་ལ་སྨི་གྲུ་བཞི་མ་ཁྲི5ལྷག་ལ་ཉེ། དེའི་ནང་ཕྱི་ནད་ཚན་ཁག་དང་ཁོག་ནད་ཚན་ཁག སྨྱོ་ནད་ཚན་ཁག སྨན་བཅོས་སྣ་འཛོམས་ཐོག་ཁང་། སྒོ་བསྟེན་དང་མྱུར་སྐྱོབ་ཐོག་ཁང་བཅས་སྨི་གྲུ་བཞི་མ30000ཟིན་ཡོད་པའི་ཆེད་བཀོལ་ཐོག་ཁང་ད་ལྟ་དངོས་སུ་བཀོལ་སྤྱོད་བྱེད་བཞིན་ཡོད།
མའོ་རྫོང་མི་དམངས་སྨན་ཁང་།
མི་སེར་རྒྱལ་ཁབ་ཁྲི་ལོ29ལོའི་ཟླ4བར་མའོ་རྫོང་འཕྲོད་བསྟེན་ཁང་བཙུགས་ཤིང་། ཡོན་ཀྲང་དང་། སྨན་པ། ནད་གཡོག་སོགས་མི་དགུ་བཀོད་སྒྲིག་བྱས་པ་དང་། འཕྲོད་བསྟེན་ཁང་བཙུགས་དུས་སྟབས་བདེའི་སྨན་བཅོས་སྒྲིག་བཀོད་སྒྲིག་སྦྱོར་བྱས་ཡོད། རྗེས་ནས་ཁ་སྣོན་བྱེད་པ་ཧ་ཅང་ཉུང་། རྒྱུན་ལྡན་གྱི་འགྲོ་སྒོ་དེ་སྨན་རྫས་ཀྱི་ཡོང་སྒོ་ལ་བརྟེན་པ་དང་། ཁྲི་ལོ31ལོའི་ཟླ10པར་རྫོང་འཕྲོད་བསྟེན་ཁང་དེ་ཁུལ་བཅུ་དྲུག་པའི་ལྟེ་གནས་འཕྲོད་བསྟེན་ཁང་ནང་དུ་བསྒྲིགས། ཁྲི་ལོ34ལོའི་ཟླ3པར་རྫོང་འཕྲོད་བསྟེན་ཁང་གི་སྒྲིག་གཞི་བསྐྱར་གསོ་བྱས། ཁྲི་ལོ36ལོའི་ཟླ10པར་རྫོང་འཕྲོད་བསྟེན་ཁང་དུ་ཕྱི་ནད་ཚན་ཁག་གི་བརྟག་དཔྱད་ཁང་བཀོད་སྒྲིག་བྱས། སྤྱི་ལོ1950ལོའི་ཟླ2པར། ཁུལ་བཅུ་དྲུག་པའི་མཐའ་ཁུལ་སྨན་བཅོས་རུ་ཁག་དེ་རྫོང་འཕྲོད་བསྟེན་ཁང་དུ་བསྒྲིགས། ཟླ2པར་མི་དམངས་བཅིངས་འགྲོལ་དམག་གི་རྩིས་ལེན་བདག་སྤྲོད་བྱེད་པའི་ཚོ་ཆུང་གིས་རྫོང་འཕྲོད་བསྟེན་ཁང་དང་ལེན་བྱས་ཏེ། ཆེད་དམིགས་ས་ཁུལ་གྱི་སྨན་ཁང་དུ་རྒྱས་བསྐྲུན་བྱས་ཤིང་། སྤྱི་ལོ1953ལོའི་ཟླ4བར་ཧྥེང་དབྱི་གྲོང་རྡལ་གྱི་སྨི་གྲུ་བཞི་མ400ལྷག་ཡོད་པའི་དམངས་སྤྱོད་ཁང་བ་ཞིག་ཁང་གནས་བྱས་ཏེ་མའོ་རྫོང་འཕྲོད་བསྟེན་ཁང་བཙུགས། སྨན་དོན་མི་སྣ12ཡོད། བརྟག་དཔྱད་ཁང་ལ་ནང་ནད་དང་། ཕྱི་ནད། རྫས་འགྱུར་དཔྱད་ཞིབ། སྨན་རྫས་ཁང་དང་རིམ་ནད་འགོག་པའི་ས་ཚིགས་བཅས་སྒྲིག་བཀོད་བྱས་ཡོད། སྤྱི་ལོ1954ལོར་ཆེད་ཁུལ་སྨན་ཁང་གནས་སར་སྤོས། ནད་པའི་ཉལ་ཁྲི15ཡོད་པ་དང་། བྱིས་པའི་ཚན་ཁག་དང་། བུད་མེད་ན་ཚ་དང་བུ་སྐྱེ་ཚན་ཁག གཤགས་བཅོས་ཁང་། xའོད་ཐིག་ཁང་བཅས་ཁ་སྣོན་བྱས། ལོ་དེའི་ཟླ6པར་ནད་པའི་སྡོད་ཁང་བཙུགས་ཏེ་ནད་པའི་ཉལ་ཁྲི་དང་། ཕྲ་ཤེལ། གཤགས་བཅོས་ཉལ་ཁྲི་སོགས་སྒྲིག་བཀོད་གཙོ་བོ་ཁ་གསབ་སྒྲིག་སྦྱོར་བྱས་ཤིང་། སྤྱི་ལོ1955ལོར་རྫོང་མི་དམངས་སྨན་ཁང་གི་སྒྲིག་གཞི་བཙུགས། ནད་པའི་ཉལ་ཁྲི20དང་། ལས་བཟོ་བ24རུ་འཕར། སྤྱི་ལོ1958ལོའི་ཟླ7པར་ཝེ་ཀྲོའུ་གྲོང་རྡལ་དུ་མའོ་ཝུན་ཆའང་རིགས་རང་སྐྱོང་རྫོང་མི་དམངས་སྨན་ཁང་བཙུགས་ཏེ། མའོ་རྫོང་མི་དམངས་སྨན་ཁང་དེ་ཧྥེང་དབྱི་གྲོང་རྡལ་གྱི་ཡན་ལག་སྨན་ཁང་དུ་བསྒྱུར། སྤྱི་ལོ1959ལོར་ལས་བཟོ་བ18དང་ནད་པའི་ཉལ་ཁྲི15ཡོད།
| སྨན་ཁང་། བརྡ་འགྲེལ 23 ཡོད། |