དངོས་མང་བཤམས་སྟོན་ཁང་།
དངོས་མང་བཤམས་སྟོན་ཁང་ནི་རང་བྱུང་དང་མིའི་རིགས་ཀྱི་ཤུལ་བཞག་རིག་གནས་འཚོལ་སྡུད་དང་གསོག་འཇོག བཤམས་སྟོན་དང་ཞིབ་འཇུག་བྱེད་སའི་ས་གནས་ཤིག་ཡིན་པ་མ་ཟད། ཚན་རིག་རང་བཞིན་ལྡན་པ་དང་ལོ་རྒྱུས་རང་བཞིན་ལྡན་པ། ཡང་ན་སྒྱུ་རྩལ་གྱི་རང་བཞིན་ལྡན་པའི་དངོས་རྫས་ལ་རིགས་དབྱེ་ནས་མིའི་རིགས་ལ་ཤེས་བྱ་དང་སློབ་གསོ་འདོན་སྤྲོད་བྱེད་སའི་རིག་གནས་སློབ་གསོའི་སྡེ་ཁག་ཅིག་ཡིན། དངོས་མང་བཤམས་སྟོན་ཁང་ནི་ཁེ་བཟང་འཚོལ་བ་མ་ཡིན་པའི་ཡུན་རིང་རང་བཞིན་གྱི་སྡེ་ཁག་ཅིག་ཡིན་ཞིང་། མི་དམངས་ལ་སྒོ་འབྱེད་པ་དང་སྤྱི་ཚོགས་ལ་ཞབས་ཞུ་སྒྲུབ་པ། སློབ་སྦྱོང་དང་སློབ་གསོ། རོལ་རྩེད་གཙོ་བོར་དམིགས་པ་ཞིག་ཡིན།
ཀོང་ཀྲོའུ་འོས་ལངས་ཀྱི་སྔོན་གཤེགས་དཔའ་བོའི་བང་སོ།
ཀོང་ཀྲོའུ་འོས་ལངས་ཀྱི་སྔོན་གཤེགས་དཔའ་བོའི་བང་སོ་ནི་ཀོང་ཏུང་ཞིང་ཆེན་ཀོང་ཀྲོའུ་གྲོང་ཁྱེར་ཡོ་ཞིའུ་ཁུལ་ཀྲུང་ཧྲན་ལམ་གཉིས་པའི་ཨང་རྟགས92པར་གནས་ཤིང་། རྒྱ་ཁྱོན་ལ་སྨི་གྲུ་བཞི་མ་ཁྲི18ཟིན་ཡོད། བཅིངས་འགྲོལ་བཏང་རྗེས་ཀྱི་སྤྱི་ལོ1954ལོར་བསྐྲུན་པའི་སྤྱི་ལོ1927ལོའི་ཟླ12པའི་ཚེས11ཉིན་ཀྲུང་གོ་གུང་ཁྲན་ཏང་གིས་འགོ་ཁྲིད་པའི་ཀོང་ཀྲོའུ་འོས་ལངས་ཁྲོད་སྐུ་གཤེགས་པའི་སྔོན་གཤེགས་དཔའ་བོ་ལ་དྲན་གསོ་ཞུ་བའི་དྲན་གསོའི་རང་བཞིན་གྱི་སྤྱི་གླིང་ཞིག་ཡིན།
སུན་ཀྲུང་ཧྲན་གྱི་གཞིས་རྙིང་དྲན་གསོ་ཁང་།
སུན་ཀྲུང་ཧྲན་གྱི་གཞིས་རྙིང་དྲན་གསོ་ཁང་ནི་ཀོང་ཏུང་ཞིང་ཆེན་ཀྲུང་ཧྲན་གྲོང་ཁྱེར་ཚུའེ་ཧེང་གྲོང་ཚོར་གནས་ཡོད་ལ། དེ་ནི་སྤྱི་ལོ1956ལོར་བཙུགས་པ་དང་། སྤྱིའི་རྒྱ་ཁྱོན་ལ་སྨི་གྲུ་བཞི་མ་ཁྲི20ཟིན།
ཏེང་ཞའོ་ཕིང་གི་གཞིས་རྙིང་།
ཏེང་ཞའོ་ཕིང་གི་གཞིས་རྙིང་ནི་སི་ཁྲོན་ཞིང་ཆེན་ཀོང་ཨན་གྲོང་ཁྱེར་ཀོང་ཨན་ཆུས་ཞེ་ཞིན་གྲོང་རྡལ་ཕའེ་ཧྥང་གྲོང་ཚོར་གནས་པ་དང་། རྒྱ་ཁྱོན་ལ་སྤྱི་ལེ་གྲུ་བཞི་མ3.19ཡོད། མཛེས་ལྗོངས་ཁུལ་གཙོ་བོ20ལྷག་ཡོད།
ཀྲུང་གོའི་བཟོ་ཞིང་དམར་དམག་ཆུང་ཡ་ཙུང་ཏུའེ་ཡི་བཅོས་སྒྲིག་གནས་ཤུལ་རྙིང་པ།
ཀྲུང་གོའི་བཟོ་ཞིང་དམར་དམག་ཆུང་ཡ་ཙུང་ཏུའེ་ཡི་བཅོས་སྒྲིག་གནས་ཤུལ་རྙིང་པ་དེ་ནི་སྤྱི་ལོ1989ལོའི་ཟླ12པར་བསྐྲུན་ཞིང་ཕྱི་ཕྱོགས་སུ་སྒོ་མོ་ཕྱེ།
ཀྲུང་གོ་བཟོ་ཞིང་དམར་དམག་ཅུན་ཤོག་བདུན་པའི་བཀོད་འདོམས་པུའུ་ཡི་གནས་ཤུལ་རྙིང་པ།
ཀྲུང་གོ་བཟོ་ཞིང་དམར་དམག་ཅུན་ཤོག་བདུན་པའི་བཀོད་འདོམས་པུའུ་ཡི་གནས་ཤུལ་རྙིང་པ་དེ་ནི་ཀོང་ཞི་པའེ་སེ་གྲོང་ཁྱེར་བཅིངས་འགྲོལ་ཁྲོམ་གཞུང་ཨང39པ་རུ་གནས་ཤིང་། ཁང་ཞི་སྲིད་ལོ་ང་དགུ་པར（སྤྱི་ལོ1720ལོ）བཙུགས།
སན་ཡོན་ལི་མི་དམངས་ཀྱི་དབྱིན་འགོག་འཐབ་རྩོད་དྲན་གསོ་ཁང་།
སན་ཡོན་ལི་མི་དམངས་ཀྱི་དབྱིན་འགོག་འཐབ་རྩོད་དྲན་གསོ་ཁང་ནི་སན་ཡོན་གནའ་བོའི་ལྷ་ཁང་དེ་ཡིན་ལ། ཀོང་ཀྲོའུ་གྲོང་ཁྱེར་ཀོང་ཡོན་དབུས་ལམ་གྱི་ཨང34པར་གནས་ཡོད། ལྷ་ཁང་འདི་ནི་ཆིང་རྒྱལ་རབས་ཀྱི་དུས་མགོར་བཙུགས་པ་དང་། སྔོན་ཆད་ཏའོ་ཇོའི་ལྷ་ཁང་ཞིག་ཡིན། སྤྱི་ལོ2016ལོའི་ཟླ12པར་སན་ཡོན་ལི་མི་དམངས་ཀྱི་དབྱིན་འགོག་འཐབ་རྩོད་དྲན་གསོ་ཁང་དེ《རྒྱལ་ཡོངས་ཀྱི་གསར་བརྗེའི་ཡུལ་སྐོར་མཛེས་ལྗོངས་ཁུལ་གྱི་མིང་ཐོའི》ནང་བདམས།
ལུ་ཐིང་རྫོང་ལི་ཏཱ་ཀྲའོ་དྲན་གསོ་ཁང་།
ལུ་ཐིང་རྫོང་ལི་ཏཱ་ཀྲའོ་དྲན་གསོ་ཁང་ནི་ཧོ་པེ་ཞིང་ཆེན་ལུ་ཐིང་རྫོང་མུའུ་ཡོན་སྲང་ལམ་གྱི་ཨང1པོར་གནས་པ་དང་། ལུ་ཐིང་རྫོང་ལི་ཏཱ་ཀྲའོ་དྲན་གསོ་ཁང་གི་རྒྱ་ཁྱོན་མུའུ་ལ130ཡོད། འཛུགས་སྐྲུན་གྱི་རྒྱ་ཁྱོན་ལ་སྨི་གྲུ་བཞི་མ8656ཡོད། མཛེས་ལྗོངས་ལྟ་ཁུལ་གཙོ་བོ་ནི། ལི་ཏཱ་ཀྲའོ་ཡི་ཚེ་གང་བྱས་རྗེས་འགྲེམས་སྟོན་དང་། ལི་ཏཱ་ཀྲའོ་ཡི་སྤྱོད་གཙང་ཉམས་འགྱུར་འགྲེམས་སྟོན། ལི་ཏཱ་ཀྲའོ་ཡི་དྲན་གསོའི་རྡོ་རིང་སོགས་ཡིན། འགྲེམས་ཁང་ནང་དུ་ཡིག་རིས་གྲགས་ཅན་དང་ལི་ཏཱ་ཀྲའོ་ཡི་རིག་དངོས་དཔྱད་གཞི་མང་པོ་ཉར་ཚགས་བྱས་ཡོད།
པའེ་ཆིའུ་ཨུན་དང་ཁུ་ཏི་ཧྭ་གཉིས་ཀྱི་དྲན་གསོ་ཁང་།
པའེ་ཆིའུ་ཨུན་དང་ཁུ་ཏི་ཧྭ་གཉིས་ཀྱི་དྲན་གསོ་ཁང་ནི་ཐང་རྫོང་བྱང་ངོས་ཀྱི་སྤྱི་ལེ2ཡོད་པའི་ཀྲུང་མིང་རི་འདབས་སུ་གནས། ཁུ་ཏི་ཧྭ་དྲན་གསོ་ཁང་ནི་1971ལོར་བཙུགས་པ་དང་། སྤྱི་ལོ1985ལོར་གནས་སྤོ་དང་རྒྱས་སྐྲུན་བྱས། སྤྱི་ལོ2017ལོའི་ཟླ1པོར་རྒྱལ་ཁབ་འཕེལ་སྒྱུར་ཨུ་ཡོན་ལྷན་ཁང་གིས《རྒྱལ་ཡོངས་ཀྱི་གསར་བརྗེའི་ཡུལ་སྐོར་གྱི་རྩེར་སོན་མཛེས་ལྗོངས་ཁུལ་གྱི་མིང་མཛོད》ཁྱབ་བསྒྲགས་བྱས་པ་དང་། པའེ་ཆིའུ་ཨུན་དང་ཁུ་ཏི་ཧྭ་གཉིས་ཀྱི་དྲན་གསོ་ཁང་ནི་ཀྲུང་གོའི་གསར་བརྗེའི་ཡུལ་སྐོར་གྱི་རྩེར་སོན་མཛེས་ལྗོངས་ཁུལ་གྱི་མིང་མཛོད་དུ་བཅུག་ཡོད།
རན་ཀྲོང་དོང་ལམ་དམག་འཐབ་དྲན་གསོ་ཁང་།
རན་ཀྲོང་དོང་ལམ་དམག་འཐབ་དྲན་གསོ་ཁང་ནི་གསར་བརྗེའི་ལོ་རྒྱུས་དྲན་གསོ་ཁང་ཞིག་ཡིན་པ་དང་ཧོ་པེ་ཞིང་ཆེན་པའོ་ཏིང་གྲོང་ཁྱེར་ཆིང་ཡོན་ཆུས་རན་ཀྲོང་གྲོང་ཚོར་གནས། སྤྱི་ལོ1959ལོར་དྲན་གསོ་ཁང་བཙུགས། སྤྱི་ལོ1961ལོའི་ཟླ3པར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་སྲིད་སྤྱི་ཁྱབ་ཁང་གིས་རྒྱལ་ཡོངས་ཀྱི་གཙོ་གནད་རིག་དངོས་སྲུང་སྐྱོང་ཚན་པ་དང་རྒྱལ་ཁབ་ཀྱིAAAརིམ་པའི་ཡུལ་སྐོར་མཛེས་ལྗོངས་ཁུལ་དུ་ཁྱབ་བསྒྲགས་བྱས།
ཀོན་ཞང་དབྱིན་གྱི་གཞིས་རྙིང་དྲན་གསོ་ཁང་།
ཀོན་ཞང་དབྱིན་གྱི་གཞིས་རྙིང་དྲན་གསོ་ཁང་ནི་ཏང་དང་དམག་དཔུང་གི་ཐོག་མའི་འགོ་ཁྲིད་པ་ཀོན་ཞང་ཡིང་ལ་དྲན་གསོ་ཞུ་ཆེད་བཙུགས་པ་དང་། གཞིས་རྙིང་དང་དྲན་གསོ་ཁང་ཁག་གཉིས་སུ་ཕྱེ་ཡོད་པ་དང་རྒྱ་ཁྱོན་ལ་སྨི་གྲུ་བཞི་མ3400ལྷག་ཡོད། འགྲེམས་སྟོན་ཁང་དུ་རྩ་ཆེའི་ལོ་རྒྱུས་ཀྱི་འདྲ་པར148དང་། རིག་དངོས་དང་རྒྱུ་ཆ77འགྲེམས་སྟོན་བྱས་པ་བརྒྱུད་ཀོན་ཞང་དབྱིན་གྱི་མི་ཚེ་གཅིག་གི་གསར་བརྗེའི་བྱ་གཞག་ངོ་སྤྲོད་ཞིབ་ཕྲ་བྱས་ཡོད།
ཧེ་ཧྲན་འགོག་རྒོལ་དམག་འཁྲུག་གི་སྔོན་གཤེགས་དཔའ་བོའི་བང་སོ།
ཧེ་ཧྲན་འགོག་རྒོལ་དམག་འཁྲུག་གི་སྔོན་གཤེགས་དཔའ་བོའི་བང་སོ་ནི་སྤྱི་ལོ1948ལོར་བསྐྲུན་པ་དང་། ཧེ་ཧྲན་རྫོང་གྲོང་བྱང་རི་བོའི་སྒང་དུ་གནས་ཤིང་། སྤྱིའི་རྒྱ་ཁྱོན་སྨི་གྲུ་བཞི་མ28500ཟིན་པ་དང་། ཧེ་ཧྲན་འགོག་རྒོལ་དམག་འཁྲུག་དང་ལེའོ་ཉིང་ནུབ་རྒྱུད་ཀྱི་འགོག་རྒོལ་དམག་འཁྲུག་ནང་གྲོངས་པའི་སྔོན་གཤེགས་དཔའ་བོ3159ཡི་རུས་པ་དུར་འཇུག་བྱས་ཡོད།
སི་ཕིང་གཡུལ་འགྱེད་དྲན་གསོ་ཁང་དང་སི་ཕིང་དཔའ་བོའི་བང་སོ།
སི་ཕིང་དཔའ་བོའི་བང་སོ་ནི་སི་ཕིང་གྲོང་ཁྱེར་གྱི་བྱང་འདབས་སུ་གནས་པ་དང་། ཧ་ཏ་གཞུང་ལམ་སི་ཕིང་གི་འཛུལ་སྒོའི་འགྲམ་དུ་གནས་པ་དང་། བང་སོ་ཅུང་མཐོ་སར་བརྩིགས་ཡོད་པའི་རྐྱེན་གྱིས་བང་སོ་ནས་ཕར་ལྷོ་ཕྱོགས་སུ་རྒྱང་ལྟ་བྱེད་དུས་གྲོང་ཁུལ་གྱི་ཡུལ་ལྗོངས་ཡོངས་རྫོགས་གསལ་པོ་མཐོང་ཐུབ། བང་སོའི་རྒྱ་ཁྱོན་ལ་སྨི་གྲུ་བཞི་མ་ཁྲི20ལྷག་ཡོད།
ཡན་པེན་གསར་བརྗེའི་སྔོན་གཤེགས་དཔའ་བོའི་བང་སོ།
ཡན་པེན་གསར་བརྗེའི་སྔོན་གཤེགས་དཔའ་བོའི་བང་སོ་ནི་སྤྱི་ལོ1992ལོར་བསྐྲུན་པ་དང་འཛུགས་སྐྲུན་རྒྱ་ཁྱོན་ལ་སྨི་གྲུ་བཞི་མ6165ཟིན་པ་དང་། རྒྱལ་ཡོངས་ཀྱི་གསར་བརྗེའི་སྔོན་གཤེགས་དཔའ་བོའི་བང་སོ་ཆེ་ཤོས་ཡིན་པ་མ་ཟད། རྒྱལ་ཁབ་ཀྱིས་རྒྱལ་ཡོངས་ཀྱི་གསར་བརྗེའི་སྲོལ་རྒྱུན་སློབ་གསོའི་གཙོ་གནད་རྟེན་གཞི100ཡི་གྲས་སུ་བདམས་ཡོད།
ཧུའུ་ནན་དྲག་ལངས་བཀོད་འདོམས་པུའུ་གནས་རྙིང་གི་དྲན་གསོ་ཁང་།
ཧུའུ་ནན་དྲག་ལངས་བཀོད་འདོམས་པུའུ་གནས་རྙིང་གི་དྲན་གསོ་ཁང་ནི་དབྱི་ཀྲང་རྫོང་ཁྲེང་ཀོན་གྲོང་རྡལ་དུ་གནས་པ་དང་། དེ་སྔོན་དབྱི་ཀྲང་བུད་མེད་སློབ་གྲྭ་ཡིན། སྤྱི་ལོ1928ལོའི་ཟླ1པར། ཀྲུའུ་ཏེ་དང་ཁྲེན་དབྱི་སོགས་ཀྱིས་ནན་ཁྲང་འོས་ལངས་ཀྱི་སྣེ་ཁྲིད་དེ་བཞག་པའི་དམག་དཔུང་ཁག་གཅིག་ཀོང་ཏུང་ནས་ཧུའུ་ནན་དུ་ལོག་ནས་དེ་གར“ཉན་ཀོན་དྲག་ལངས”བྱས་ཏེ། ཧུའུ་ནན་གྱི་དམར་པོའི་སྲིད་དབང་དབྱི་ཀྲང་སུའུ་ཝེ་ཨའེ་སྲིད་གཞུང་དང་པོ་བཙུགས་པར་མ་ཟད། དམག་དཔུང་བཅོས་སྒྲིག་བྱས། དེ་ནས་དངོས་སུ་ཀྲུང་གོའི་བཟོ་ཞིང་གསར་བརྗེའི་དམག་གི་ཧྲི་དང་པོ་བཙུགས། སྤྱི་ལོ1979ལོར་གཞིས་རྙིང་ལ་ཕྱོགས་ཡོངས་ནས་ཉམས་གསོ་བྱས་པ་དང་དེ་སྔོན་གྱི་རྣམ་པ་ལྟར་སླར་བཟོ་དང་བཤམས་སྟོན་བྱས་ནས་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞིར་བསྐྲུན། སྤྱི་ལོ1996ལོར་རྒྱལ་ཡོངས་ཀྱི་རིག་དངོས་སྲུང་སྐྱོབ་སྡེ་ཚན་གནད་ཆེན་དུ་ཁྱབ་བསྒྲགས་བྱས།
ཕེང་ཏུ་ཧོའེ་ཡི་དྲན་གསོ་ཁང་།
ཕེང་ཏུ་ཧོའེ་ཡི་དྲན་གསོ་ཁང་ནི་ཧུའུ་ནན་ཞིང་ཆེན་ཞང་ཐན་ཝུའུ་ཧྲི་གྲོང་རྡལ་ཕེང་ཏུ་ཧོའེ་ཡི་གནས་རྙིང་གི་ཁ་གཏད་ཀྱི་སྨི200ཡོད་པའི་ཝོ་ཧུའུ་རི་བོའི་སྟེང་དུ་གནས་ཤིང་། ཕེང་ཏུ་ཧོའེ་ཡི་གནས་རྙིང་དང་ཕན་ཚུན་འབྲེལ་ཞིང་། རྒྱ་ཁྱོན་ལ་སྤྱི་ཆིང8ཡོད། ཕེང་ཏུ་ཧོའེ་དྲན་གསོ་ཁང་ནི་རྒྱལ་ཡོངས་ཀྱི་གཙོ་གནད་རིག་དངོས་སྲུང་སྐྱོབ་ཚན་པ་ཡིན། དེ་མིན་ཞང་ཐན་སྲིད་གཞུང་གིས་ཕེང་ཏུ་ཧོའེ་ཡི་གནས་རྙིང་དང་། དྲན་གསོ་ཁང་། ཕེང་ཏུ་ཧོའེ་ཟངས་སྐུ། ཕེང་ཏུ་ཧོའེ་བང་སོ། ཕེང་ཏུ་ཧོའེ་ཐིང་། སྔོན་གཤེགས་དཔའ་བོའི་བང་སོ་སོགས་དྲན་གསོའི་སྒྲིག་བཀོད་དོ་དམ་དང་དྲིལ་བསྒྲགས་ཀྱི་འགན་འཁུར་བཞིན་ཡོད། དྲན་གསོ་ཁང་གི་ཚོད་འཛིན་རྒྱ་ཁྱོན་ལ་སྤྱི་ཆིང30ཡོད་པ་དང་ས་ཁྱོན་ལ་མུའུ160ཡོད། སྤྱི་ལོ1998ལོའི་ཟླ10པའི་ཚེས20ཉིན་བསྐྲུན་ནས་སྒོ་ཕྱེ། རྒྱལ་ཡོངས་ཀྱི་གསར་བརྗེའི་ཡུལ་སྐོར་གྱི་རྩེར་སོན་མཛེས་ལྗོངས་ཁུལ་བརྒྱ་དང་ཀྲུང་གོའི་གསར་བརྗེའི་ཡུལ་སྐོར་མཛེས་ལྗོངས་ཁུལ་ཆེ་གྲས་བཅུ་སོགས་ཀྱི་གཟི་བརྗིད་མཚན་སྙན་ཐོབ་མྱོང་། སྤྱི་ལོ2016ལོའི་ཟླ12པར་ཕེང་ཏུ་ཧོའེ་དྲན་གསོ་ཁང་ནི《རྒྱལ་ཡོངས་ཀྱི་གསར་བརྗེའི་ཡུལ་སྐོར་གྱི་རྩེར་སོན་མཛེས་ལྗོངས་ཁུལ་གྱི་མིང་གཞུང》ནང་བཅུག
དམག་སྤྱི་ཡེ་ཅན་དབྱིན་གྱི་དྲན་གསོ་ཁང་།
དམག་སྤྱི་ཡེ་ཅན་དབྱིན་གྱི་དྲན་གསོ་ཁང་ནི་ཀོང་ཏུང་ཞིང་ཆེན་མེ་ཀྲོའུ་གྲོང་ཁྱེར་མེ་རྫོང་ཆུས་ཡན་དབྱང་གྲོང་རྡལ་ཧུའུ་དབྱིབས་གྲོང་ཚོར་གནས་པ་དང་། དྲན་གསོ་ཁང་ནི་སྤྱི་ལོ1987ལོའི་ཟླ7པར་བཙུགས་པ་དང་། སྤྱི་ལོ1989ལོའི་ཟླ10པའི་ཚེས22ཉིན་ལས་མཇུག་འགྲིལ། སྤྱི་ལོ2016ལོའི་ཟླ12པར་ཡེ་ཅན་དབྱིན་དྲན་གསོ་ཁང་ནི《རྒྱལ་ཡོངས་ཀྱི་གསར་བརྗེའི་ཡུལ་སྐོར་མཛེས་ལྗོངས་ཁུལ》གྱི་མིང་ཐོ་ནང་བཅུག
ཡེ་ཐིང་དྲན་གསོ་ཁང་།
ཡེ་ཐིང་དྲན་གསོ་ཁང་རྙིང་པ་ནི་སྤྱི་ལོ1986ལོའི་ཟླ4པའི་ཚེས8ཉིན་རྨང་བཏིང་ཞིང་། འཛུགས་སྐྲུན་གྱི་རྒྱ་ཁྱོན་ལ་སྨི་གྲུ་བཞི་མ1500ཡོད། འགྲེམས་ཁང་གི་མིང་ནི་དམག་སྤྱི་ཡེ་ཅན་དབྱིན་གྱིས་བྲིས་ལ། དྲན་གསོ་ཁང་གི་དཀྱིལ་གྱི་ཚོམས་ཆེན་ནི་ཡེ་ཐིང་གི་རྡོའི་སྐུ་བརྙན་ཡིན། ཡེ་ཐིང་དྲན་གསོ་ཁང་གསར་པའི་འགྲེམས་ཁང་ནི་ཀྲུང་གུང་ཀྲུང་དབྱང་གཞུང་དོན་ཐིང་གི《ཡེ་ཐིང་དྲན་གསོ་ཁང་གནས་སྤོ་བྱ་རྒྱུར་མོས་མཐུན་བྱ་རྒྱུའི་སྐོར་གྱི་འཕྲིན་ལན》གཞིར་བཟུང་ཏེ། སྤྱི་ལོ2008ལོའི་ཟླ8པར་ལས་འགོ་ཚུགས་པ་དང་། འཛུགས་སྐྲུན་གྱི་རྒྱ་ཁྱོན་ལ་སྨི་གྲུ་བཞི་མ2758ཡོད། བཤམས་སྟོན་ཚོམས་ཆེན་གྱིས་ནང་དོན་ཇུས་འགོད་ཐད་པར་དང་རི་མོ399སྤྱད་པ་དང་དངོས་པོ141དང་རྣམ་པ་བདུན་གྱིས་དམག་དཔོན་ཆེན་མོ་ཡེ་ཐིང་གི་སྐུ་ཚེ་ཧྲིལ་པོའི་གལ་ཆེའི་དུས་སྐབས་དང་ཕུལ་བྱུང་ལེགས་སྐྱེས་ཕྱོགས་ཡོངས་ནས་མངོན་པར་མཚོན་ཡོད།
ཧའེ་ཧྥེང་ཕོ་བྲང་དམར་པོ་དང་ཐང་ཆེན་དམར་པོའི་གནས་རྙིང་།
གསར་བརྗེའི་གནས་མཆོག་ཧྲན་ཝུའེ་གྲོང་ཁྱེར་ཧའེ་ཧྥེང་ཕོ་བྲང་དམར་པོ་དང་ཐང་ཆེན་དམར་པོའི་གནས་རྙིང་ནི་ཀོང་ཏུང་ཞིང་ཆེན་ཧྲན་ཝུའེ་གྲོང་ཁྱེར་ཧའེ་ཧྥེང་རྫོང་ཧའེ་ཁྲེན་གྲོང་རྡལ་མི་དམངས་ལྷོ་ལམ་ཨང13པ་རུ་གནས་ཡོད། ཕོ་བྲང་དམར་པོ་ནི་མིང་རྒྱལ་རབས་སྐབས་སུ་བཙུགས་པའི་ཧའེ་ཧྥེང་ཞུའེ་ཕོ་བྲང་ཡིན་ཞིང་། ཧུང་ཝུའུ་སྲིད་ལོ་བཅུ་གཉིས་པར（1379）བཙུགས་པ་ཞིག་ཡིན།
ལུའོ་རུང་ཧོན་གྱི་གཞིས་རྙིང་།
ལུའོ་རུང་ཧོན་གྱི་གཞིས་རྙིང་ནི་ཧེང་དབྱང་གྲོང་ཁྱེར་ཧེང་ཏུང་རྫོང་རུང་ཧོན་གྲོང་རྡལ་ནན་ཝན་གྲོང་ཚོར་གནས་ཤིང་། རྒྱལ་ཁབ་ཀྱིA4རིམ་པའི་ཡུལ་སྐོར་མཛེས་ལྗོངས་དང་། རྒྱལ་ཡོངས་ཀྱི་གཙོ་གནད་རིག་དངོས་སྲུང་སྐྱོང་ཚན་པ། རྒྱལ་ཡོངས་ཀྱི་གསར་བརྗེའི་ཡུལ་སྐོར་དཔེ་སྟོན་ཚན་པ། རྒྱལ་ཡོངས་ཀྱི་རྒྱལ་གཅེས་རིང་ལུགས་སློབ་གསོའི་དཔེ་སྟོན་རྟེན་གཞི། རྒྱལ་ཁབ་ཀྱི་རྒྱལ་སྲུང་སློབ་གསོའི་དཔེ་སྟོན་རྟེན་གཞི་བཅས་ཡིན།
སྔོན་གཤེགས་དཔའ་བོ་ལུའོ་རུང་ཧེང་དྲན་གསོ་ཁང་།
སྔོན་གཤེགས་དཔའ་བོ་ལུའོ་རུང་ཧེང་དྲན་གསོ་ཁང་ནི་ཧུའུ་པེ་ཞིང་ཆེན་ཞན་ཉིང་གྲོང་ཁྱེར་དུ་གནས་པ་དང་རྒྱལ་ཁབ་རིམ་པའི2Aརིམ་པའི་ཡུལ་སྐོར་མཛེས་ལྗོངས་ཁུལ་ཞིག་ཡིན།
ཀུའུ་ཡན་ཝུའུ་དྲན་གསོ་ཁང་།
ཀུའུ་ཡན་ཝུའུ་ནི་ཅང་སུའུ་ཁུན་ཧྲན་ཆན་ཏེང་གྲོང་རྡལ་དུ་གནས་པ་དང་། དེའི་ནང་ཀུའུ་ཡན་ཝུའུ་ཡི་གནས་རྙིང་དང་། ཐིང་ལིན་མཚུན་ཁང་། བང་སོ་བཅས་ཚུད་ཡོད་པ་དང་། སྤྱི་ལོ2005ལོར་ཀུའུ་ཡན་ཝུའུ་དྲན་གསོ་ཁང་ལ་ཀྲུང་དབྱང་དྲིལ་བསྒྲགས་པུའུ་ཡིས་རྒྱལ་ཡོངས་ཀྱི་རྒྱལ་གཅེས་རིང་ལུགས་ཀྱི་སློབ་གསོའི་དཔེ་སྟོན་རྟེན་གཞིའི་མིང་བཏགས།
སུའུ་ཀྲུང་གཡུལ་འགྱེད་དྲན་གསོ་ཁང་།
སུའུ་ཀྲུང་གཡུལ་འགྱེད་གསོ་ཁང་ནི་ཅང་སུའུ་ཧའེ་ཨན་གྲོང་ཁྱེར་གྱི་ལྟེ་གནས་སུ་གནས་པ་དང་། སྤྱི་ལོ1986ལོར་བཙུགས། རྒྱལ་ཁབ་ཀྱི“གསར་བརྗེའི་ཡུལ་སྐོར”མཛེས་ལྗོངས་ཁུལ་དང་། རྒྱལ་ཁབ་ཀྱི“AAA”རིམ་པའི་ཡུལ་སྐོར་མཛེས་ལྗོངས་ཁུལ། ནན་ཅིང་དམག་ཁུལ་ཁང་གི་གཞོན་ནུ་དཔོན་དམག་གི་སྲོལ་རྒྱུན་སློབ་གསོའི་རྟེན་གཞི། ཅང་སུའུ་ཞིང་ཆེན་མི་དམངས་ཡོངས་ཀྱི་རྒྱལ་སྲུང་སློབ་གསོའི་དཔེ་སྟོན་རྟེན་གཞི། ཅང་སུའུ་ཞིང་ཆེན་གྱི་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞི། ཅང་སུའུ་ཞིང་ཆེན་གྱི་རིག་དངོས་སྲུང་སྐྱོབ་ཚན་པ་བཅས་ཡིན།
ཁྲང་ཀྲོའུ་གསར་བརྗེ་བ་གསུམ་གྱི་རྗེས་དྲན་རྟེན་གནས།
ཀྲུང་གོ་གུང་ཁྲན་ཏང་གི་སྔ་དུས་ཀྱི་འགོ་ཁྲིད་པ་ཆུས་ཆིའུ་པའེ་དང་། ཀྲང་ཐའེ་ལེ། ཡུན་ཏའེ་དབྱིན་བཅས་ཚང་མ་ཁྲང་ཀྲོའུ་ཡི་མི་ཡིན་པས།“ཁྲང་ཀྲོའུ་གསར་བརྗེ་བ་གསུམ”ཞེས་འབོད་ཀྱི་ཡོད། རྗེས་དྲན་རྟེན་གནས་ནི་ཀྲུང་དབྱང་དྲིལ་བསྒྲགས་པུའུ་ཡིས་མིང་བཏགས་པའི་རང་རྒྱལ་གྱི་རྒྱལ་གཅེས་རིང་ལུགས་ཀྱི་སློབ་གསོའི་དཔེ་སྟོན་རྟེན་གཞི་ཐོག་མ་དེ་ཡིན། རྗེས་དྲན་རྟེན་གནས་ཀྱི་ས་ཁྱོན་ལ་སྨི་གྲུ་བཞི་མ་ཁྲི6.42ཡོད་པ་དང་། སྒྲིག་ཁོངས་སུ་ཡོད་པའི་མི་སྣ22ཡོད།
ཐའེ་ཞིང་ཧོང་ཆའོ་གསར་བརྗེའི་ལོ་རྒྱུས་རྗེས་དྲན་རྟེན་གནས།
ཐའེ་ཞིང་ཧོང་ཆའོ་གསར་བརྗེའི་ལོ་རྒྱུས་རྗེས་རྟེན་གནས་ནི་ཅང་སུའུ་ཞིང་ཆེན་ཐའེ་ཞིན་གྲོང་ཁྱེར་ཧོང་ཆའོ་གྲོང་རྡལ་དུ་གནས་པ་དང་། དེར་ཞིན་སི་ཅུན་གྱི་ཧོང་ཆའོ་གཡུལ་འགྱེད་ཀྱི་དྲན་གསོའི་མཆོད་རྟེན་དང་། ཞིན་སི་ཅུན་གྱི་སུའུ་པེ་བཀོད་འདོམས་པུའུ་ཡི་གནས་རྙིང་། ཞིན་སི་ཅུན་གྱི་ཙུང་ཏུའེ་གསུམ་པའི་སི་ལིང་པུའུ་ཡི་གནས་རྙིང་། སུའུ་ཡུའུ་ཡི་རུས་ཐལ་ཁ་ཤས་འཇོག་ས་སོགས་འདུས། ཀྲུང་དབྱང་དྲིལ་བསྒྲགས་པུའུ་ཡིས་རྒྱལ་ཡོངས་རྒྱལ་གཅེས་རིང་ལུགས་ཀྱི་རིམ་པ་གསུམ་པའི་སློབ་གསོའི་དཔེ་སྟོན་རྟེན་གཞིར་བདམས།
པེ་ཁྲོན་ས་ཡོམ་གྱི་རྗེས་ཤུལ།
པེ་ཁྲོན་ས་ཡོམ་གྱི་རྗེས་ཤུལ་ནི་སི་ཁྲོན་ཞིང་ཆེན་པེ་ཁྲོན་རྫོང་དུ་གནས་པ་དང་། ཤར་དུ་ཅང་ཡིའུ་གྲོང་ཁྱེར་དང་། ལྷོ་རུ་ཨན་རྫོང་། ནུབ་ཏུ་མའོ་རྫོང་། བྱང་དུ་སུང་ཕན་དང་ཕིང་ཝུའུ་རྫོང་བཅས་ཡོད་ཅིང་། རྒྱ་ཁྱོན་ལ་སྤྱི་ལེ་གྲུ་བཞི་མ2867.83ཡོད། རྫོང་མི་དམངས་སྲིད་གཞུང་གནས་སྐབས་སུ་ཨན་རྫོང་ཨན་ཁྲང་གྲོང་རྡལ་དུ་བཅའ་སྡོད་བྱས་ཡོད།
ཁྲོན་ཧྲའན་གསར་བརྗེའི་རྟེན་གཞི་ས་ཁུལ་གྱི་དམར་དམག་གི་སྔོན་གཤེགས་དཔའ་བོའི་བང་སོ།
ཁྲོན་ཧྲའན་གསར་བརྗེའི་རྟེན་གཞི་ས་ཁུལ་གྱི་དམར་དམག་གི་སྔོན་གཤེགས་དཔའ་བོའི་བང་སོའི་ཐོག་མའི་མིང་ལ་ཝང་ཕིན་དམར་དམག་གི་སྔོན་གཤེགས་དཔའ་བོའི་བང་སོ་ཞེས་བརྗོད་ཅིང་། སི་ཁྲོན་ཞིང་ཆེན་པ་ཀྲུང་གྲོང་ཁྱེར་ཐུང་ཅང་རྫོང་ཧྲ་ཞི་གྲོང་རྡལ་ཝང་ཕིན་གྲོང་ཚོར་གནས་ཡོད།
ཉེ་ཨེར་རྗེས་དྲན་ཁང་།
ཉེ་ཨེར་རྗེས་དྲན་ཁང་ནི་ཡུན་ནན་ཞིང་ཆེན་ཡུས་ཞི་གྲོང་ཁྱེར་དུ་གནས་ཡོད་ལ་ཇུས་འགོད་ཀྱི་སྤྱིའི་རྒྱ་ཁྱོན་ལ་སྨི་གྲུ་བཞི་མ33161ཡོད། དེའི་ནང་ཉེ་ཨར་རྗེས་དྲན་ཁང་དང་། ཉེ་ཨར་དཔེ་མཛོད་ཁང་སོགས་སྒྲིག་བཀོད་ཚུད་ཡོད།
ཏ་ཆིང་སྣུམ་ཞིང་ལོ་རྒྱུས་བཤམས་སྟོན་ཁང་།
ཏ་ཆིང་སྣུམ་ཞིང་ལོ་རྒྱུས་བཤམས་སྟོན་ཁང་ནི་རྡོ་སྣུམ་བཟོ་ལས་བརྗོད་བྱར་བྱས་པའི་ཀྲུང་གོའི་དྲན་གསོ་ཁང་དང་པོ་དེ་ཡིན་པ་དང་ཧེ་ལུང་ཅང་ཞིང་ཆེན་གྱི་རིག་དངོས་སྲུང་སྐྱོང་ཚན་པ་ཡིན་པར་གཏོགས། བཤམས་སྟོན་ཁང་ནང་སློབ་གསོའི་བྱེད་ནུས་དང་། འགྲེམས་སྟོན་བྱེད་ནུས། ཞིབ་འཇུག་བྱེད་ནུས། ཡུལ་སྐོར་བྱེད་ནུས། དེ་བཞིན་མི་གཤིས་ཅན་གྱི་ཞབས་ཞུའི་བྱེད་ནུས་བཅས་གཞི་གཅིག་ཏུ་བསྡུས་ནས་ཏ་ཆིང་སྣུམ་ཞིང་རིག་གནས་དང་རྡོ་སྣུམ་ལས་བཟོའི་ཉམས་འགྱུར་མངོན་པའི་རྟེན་གཞི་གལ་ཆེན་ཞིག་ཏུ་གྱུར་ཡོད་པ་རེད། བཤམས་སྟོན་ཁང་ཡང་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞི་དང་། ཁེ་ལས་ཀྱི་གཟུགས་བརྙན་འགྲེམས་སྟོན་གྱི་སྐར་ཁུང་། སྣུམ་ཞིང་གི་ལོ་རྒྱུས་ཞིབ་འཇུག་བྱ་ཡུལ། ཕུལ་བྱུང་རིག་གནས་སྤེལ་རེས་ཀྱི་ལས་སྟེགས། རྡོ་སྣུམ་གྱི་སྔོན་བྱོན་པར་དྲན་གསོ་ཞུ་བའི་འདུ་ཁང་དང་ཡུལ་སྐོར་སྤྲོ་གསེང་ལྟ་སྐོར་གྱི་གནས་མཆོག་བཅས་རེད། སྤྱི་ལོ2016ལོའི་ཟླ12པའི་ཚེས5ཉིན་རྒྱལ་ཁབ་ཡུལ་སྐོར་ཅུའུ་ཡིས་བརྡ་ཁྱབ་བཏང་བར་གཞིགས་ན། ཏ་ཆིང་སྣུམ་ཞིང་གི་ལོ་རྒྱུས་བཤམས་སྟོན་ཁང་གི་རིམ་པ་ཕབ་པ་རེད། སྤྱི་ལོ2017ལོའི་ཟླ་དང་པོར་རྒྱལ་ཁབ་འཕེལ་སྒྱུར་ཨུ་ལྷན་དང་། ཀྲུང་དབྱང་དྲིལ་བསྒྲགས་པུའུ། ནོར་སྲིད་པུའུ། རྒྱལ་ཁབ་ཡུལ་སྐོར་ཅུའུ། ཀྲུང་དབྱང་ཏང་གི་ལོ་རྒྱུས་ཞིབ་འཇུག་ཁང་སོགས་ཚན་པས《རྒྱལ་ཡོངས་ཀྱི་གསར་བརྗེའི་ཡུལ་སྐོར་གྱི་རྩེར་སོན་མཛེས་ལྗོངས་ཁུལ་གྱི་མིང་གཞུང》ཁྱབ་བསྒྲགས་བྱས་པ་དང་ཏ་ཆིང་སྣུམ་ཞིང་གི་ལོ་རྒྱུས་བཤམས་སྟོན་ཁང་དེའི་ནང་ཚུད་ཡོད་པ་རེད།
ཀྲེན་ཀྲུའུ་གླིང་ཕྲན་གསར་བརྗེའི་སྔོན་གཤེགས་དཔའ་བོའི་བང་སོ།
ཀྲེན་ཀྲུའུ་གླིང་ཕྲན་གསར་བརྗེའི་སྔོན་གཤེགས་དཔའ་བོའི་བང་སོ་ནི་པའོ་ཆིང་རྫོང་གི་ཤར་ཕྱོགས་སྤྱི་ལེ་གཉིས་ཀྱི་སར་གནས་པ་དང་སྤྱི་ལོ1969ལོར་བསྐྲུན་འགོ་ཚུགས། གནས་དེར་ཀྲེན་ཀྲུའུ་གླིང་ཕྲན་གྱི་རང་སྲུང་ངོ་རྒོལ་དམག་འཐབ་ཁྲོད་རང་སྲོག་བློས་བཏང་བའི་བཅིངས་འགྲོལ་དམག་གི་བཀོད་འཐབ་པ་དུར་འཇུག་བྱས་ཡོད་པས་ཀྲེན་ཀྲུའུའི་གླིང་ཕྲན་གྱི་གསར་བརྗེའི་སྔོན་གཤེགས་དཔའ་བོའི་བང་སོ་ཞེས་ཐོགས། སྤྱི་ལོ2007ལོའི་ཟླ8པར་བང་སོ་ཁང་བསྐྱར་སྐྲུན་རྒྱས་སྐྲུན་ལས་གྲྭ་ལག་བསྟར་བྱས་པ་དང་། བང་སོ་ཁང་གི་ས་ཁྱོན་སྨི་གྲུ་བཞི་མ་ཁྲི3.6ཟིན། ཀྲེན་ཀྲུའུ་གླིང་ཕྲན་གསར་བརྗེའི་སྔོན་གཤེགས་དཔའ་བོའི་བང་སོ་ནི་ཆེད་མངགས་ཀྲེན་ཀྲུའུ་གླིང་ཕྲན་གྱི་རང་སྲུང་རྒོལ་ལན་སྤྲོད་པའི་དམག་འཐབ་ལ་དྲན་གསོ་ཞུ་ཆེད་བསྐྲུན་པ་ཞིག་ཡིན་པ་དང་། སྐྱེད་ཚལ་ནང་དམག་འཐབ་ནང་རང་སྲོག་བློས་བཏང་བའི་དམག་འཐབ་དཔའ་བོ་ལྔ་དང་སྔོན་གཤེགས་དཔའ་བོ་དྲུག་ཅུ་རེ་གསུམ་དུར་འཇུག་བྱས་ཡོད་པ་དང་། ཀྲེན་ཀྲུའུ་གླིང་ཕྲན་གྱི་རང་སྲུང་རྒོལ་ལན་སྤྲོད་པའི་དྲན་གསོ་ཁང་དང་ཧན་པའེ་ཡུས་ཀྱི་དཔའ་བོ་ལྔའི་དྲན་གསོའི་རྡོ་རིང་བཙུགས་ཡོད།
| དྲན་རྟེན་ཁང་། བརྡ་འགྲེལ 134 ཡོད། |