ཨའེ་དབྱིན་སི་ཐན།
ཨའེ་དབྱིན་སི་ཐན། ཡིའུ་ཐའེ་པ་ཡིན། དེང་རབས་ཀྱི་དངོས་ལུགས་རིག་པའི་གསར་གཏོད་མཁན་དང་། གྲུབ་འབྲས་ཅན། རྨང་གཞི་འཛུགས་མཁན་བཅས་ཡིན། ལྟོས་བཅས་སྨྲ་བའི་ལྟ་བ་དང་བྱེད་ཐབས་དེས་དངོས་ལུགས་རིག་པའི་གཞུང་ལུགས་འཕེལ་རྒྱས་སུ་འགྲོ་བར་ཤུགས་རྐྱེན་ཟབ་མོ་ཐེབས་ཤིང་། གཞན་དངོས་ལུགས་རིག་པའི་ཕྱོགས་དང་ལྷག་པར་དུ་འོད་གློག་ནུས་པའི་གཏན་སྲོལ་གསར་རྙེད་བྱུང་བས། སྤྱི་ལོ1921ལོར་ཨའེ་དབྱིན་སི་ཐན་ལ་ནོ་པེར་དངོས་ལུགས་རིག་པའི་བྱ་དགའ་ཐོབ།
ཀུ་ལིན་སྤུན་གཉིས།
ཡ་ཀོ་པུའུ•ཀུ་ལིན་དང་ཁོང་གི་ནུ་བོ་ཝེ་ལེན•ཀུ་ལིན་ནི་འཇར་མན་གྱི་མིང་དུ་གྲགས་པའི་སྐད་བརྡ་རིག་པ་བ་དང་བྱིས་སྒྲུང་རྩོམ་པ་པོ་ཡིན་ལ། འཇར་མན་གྱི་སྐད་བརྡ་རིག་པའི་རྨང་འདིང་མཁན་ཡང་ཡིན།
ལུའུ་སེ་ཧྥུའུ།
ལུའུ་སེ་ཧྥུའུ་ནི་ནེའུ་ཙི་ལན་གྱི་མིང་དུ་གྲགས་པའི་དངོས་ལུགས་རིག་པ་བ་ཞིག་ཡིན་ལ། མ་རྡུལ་དངོས་ལུགས་རིག་པའི་ཡབ་ཆེན་ཞེས་འབོད། རིག་གཞུང་ལས་རིགས་སུ་ཁོང་ནི་ཧྥ་ལཱ་ཏི་རྗེས་ཀྱི་ཆེས་རླབས་ཆེ་བའི་དངོས་བཤེར་དངོས་ལུགས་རིག་པ་བར་ཁས་ལེན་གྱི་ཡོད། ཁོང་གིས་ལུའུ་སེ་ཧྥུའུ་འགྱེད་འཕྲོ་རང་བཞིན་གྱི་གཞུང་ལུགས་དེ་བཏོན་པ་དང་དངོས་བཤེར་ཁྲོད་རྒྱུ་རྡུལ་གསར་རྙེད་བྱུང་ནས་མིང་བཏགས་པས་ཕྱིས་སུ་ཁོང་ལ་རྗེས་དྲན་བྱེད་ཆེད་རྫས་འགྱུར་གཞི་རྒྱུ་ཨང104པ་དེར་རོམ་ཞེས་བཏགས། སྤྱི་ལོ1908ལོར་ནོ་པེར་རྫས་འགྱུར་རིག་པའི་བྱ་དགའ་ཐོབ།
ལྕམ་མོ་ཅུའུ་ལི།
མཱ་ལི•ཅུའུ་ལིའམ་ཡོངས་གྲགས་སུ་ལྕམ་མོ་ཅུའུ་ལི་ནི་འཛམ་གླིང་གི་ཚན་རིག་ལོ་རྒྱུས་སྟེང་ཉམས་པ་མེད་པའི་མི་སྣ་གྲགས་ཅན་ཞིག་ཡིན། རྒྱལ་ཁོངས་ཧྥ་རན་སེའི་ཡིན་པའི་ཕོ་ལན་གྱི་བུད་མེད་ཚན་རིག་པ་འདི་ནི་ཚན་རིག་གི་གནས་བབ་མི་འདྲ་བ་གཉིས་ནས་ནོ་པེར་བྱ་དགའ་ཐེངས་གཉིས་ལ་ཐོབ་པའི་ཚན་རིག་པ་གཅིག་པུ་ཡིན་ལ། མོས་ཆེད་དུ་ཚུར་འཕྲོ་སྣང་ཚུལ་གྱི་གནས་བབ་ལ་ཞིབ་འཇུག་བྱས་པ་དང་། རྫས་འགྱུར་ཁྲོད་ཀྱི་རད་དང་ཕོལ་གཉིས་ཏེ་ཚུར་འཕྲོ་རང་བཞིན་ལྡན་པའི་གཞི་རྒྱུ་རྙེད་པས། མ་རྡུལ་ནུས་པའི་དུས་རབས་ཀྱི་བགྲོད་ལམ་ཇེ་ཡངས་སུ་བཏང་།
ཝེ་ལེན་ཧཱ་ཝེ།
ཧཱ་ཝེ་ནི་དབྱིན་ཇིའི་དུས་རབས་བཅུ་བདུན་པའི་མིང་དུ་གྲགས་པའི་ལུས་ཁམས་རིག་པ་བ་དང་སྨན་པ་ཞིག་ཡིན། ཁོང་གིས་ཁྲག་གི་འཁོར་རྒྱུན་གྱི་ཆོས་ཉིད་རྙེད་དེ་ཉེ་རབས་ལུས་ཁམས་རིག་པའི་ཚན་རིག་འཕེལ་རྒྱས་ལ་རྨང་གཞི་བཏིངས། ཁྲག་གི་འཁོར་རྒྱུན་གྱི་ཆོས་ཉིད་དང་སྙིང་གི་ནུས་པ་རྙེད་པ་དེ་ནི་དུས་རབས་ལས་བརྒལ་བའི་གྲུབ་འབྲས་ཆེན་པོ་ཡིན།
ཧྥ་པུའུ་ཨེར།
ཧྥ་པུའུ་ཨེར་ནི་ཧྥ་རན་སེའི་མིང་དུ་གྲགས་པའི་འབུ་སྲིན་རིག་པ་བ་དང་རྩོམ་རིག་པ་ཡིན། མི་རྣམས་ཀྱིས་ཁོང་ལ་འབུ་སྲིན་ལས་རིགས་ཀྱི་ཧུ་མ་དང་འབུ་སྲིན་ལས་རིགས་ཀྱི་ཝེ་ཅི་ཨེར་ཞེས་སུ་འབོད། ཁོང་གིས་ཆུ་ཚོན་རི་མོའི་ལམ་ནས་འབུ་སྲིན་གྱི་རི་མོ700ལྷག་བྲིས་ཡོད།
ཧྥ་ལཱ་ཏི།
ཧྥ་ལཱ་ཏི་ནི་དབྱིན་ཇིའི་དངོས་ལུགས་རིག་པ་བ་དང་རྫས་འགྱུར་རིག་པ་བ་ཞིག་ཡིན་ལ། མིང་དུ་གྲགས་པའི་རང་སྦྱོང་གིས་མཁས་པར་གྱུར་པའི་ཚན་རིག་པ་ཞིག་ཀྱང་ཡིན། ཁོང་ནི་གློག་སྡུད་ལྟོས་འབྱུང་གི་སྣང་ཚུལ་ཐོག་མར་ཚོར་མཁན་དང་གློག་འབྱེད་གཏན་སྲོལ་གསར་གཏོད་པ། ཅཱ་ལི་ལུའེ་དང་ཉིའུ་ཏུན་གྱི་རྗེས་སུ་བྱུང་བའི་ཉེ་རབས་དངོས་ལུགས་རིག་པའི་འཕེལ་རིམ་ཁྲོད་ཀྱི་ཚབ་བྱེད་མི་སྣ་ཡིན།
ཧྥུ་ཐུ།
ཧྥུ་ཐུ་ནི་དབྱི་ཐ་ལིའི་དངོས་ལུགས་རིག་པ་བ་ཡིན། མིས་བཟོས་རྫས་འགྱུར་གློག་ཁུངས་ཐོག་མ་སྟེ་གློག་གཡིས་གསར་གཏོད་མཛད། རྗེས་རབས་པས་ཁོང་ལ་རྗེས་དྲན་བྱེད་ཆེད་མིས་བཟོས་རྫས་འགྱུར་གློག་ཁུངས་ཐོག་མ་དེ་ལ་ཧྥུ་ཏཱ་གློག་གཡིས་ཞེས་བཏགས། རྗེས་སོར་ཁོང་ལ་པོ་ཅུའེ（伯爵）སྟེ་པོ་རིམ་གྱི་མཚན་གནས་གནང་བ་རེད།
ཧྥོ་ལན་ཁུ་ལིན།
ཧྥོ་ལན་ཁུ་ལིན་ནི་དུས་རབས་བཅོ་བརྒྱད་པའི་ཨ་མེ་རི་ཁའི་མིང་དུ་གྲགས་པའི་ཚན་རིག་པ་དང་ཆབ་སྲིད་པ། གསར་འགོད་པ། རྩོམ་པ་པོ། བྱམས་སྙིང་རྗེ་ཅན་བཅས་ཡིན་པ་མ་ཟད། ཕུལ་དུ་བྱུང་བའི་ཕྱི་འབྲེལ་པ་དང་གསར་གཏོད་པ་ཞིག་ཀྱང་ཡིན།
ཧྥུ་ལའེ་མིང་།
ཧྥུ་ལའེ་མིང་ནི་དབྱིན་ཇིའི་འབུ་ཕྲའི་རིག་པ་བ་དང་སྐྱེ་དངོས་རྫས་འགྱུར་རིག་པ་བ། འབུ་ཕྲ་རབ་རིག་པ་བ་བཅས་ཡིན། ཁོང་གིས་ཤེས་རྟོགས་བྱུང་བའི་སྨན་རྫས་ཕན་ཉི་ཞི་ལིན（འཆང་མེ་སུའུ）གྱིས་འཛམ་གླིང་འཁྲུག་ཆེན་གཉིས་པའི་སྐབས་མི་ཁྲི་མ་འབུམ་གྱི་ཚེ་སྲོག་བསྐྱབས། སྤྱི་ལོ1945ལོར་ཁོང་ལ་ནོ་པེར་ལུས་ཁམས་རིག་པ་དང་གསོ་བ་རིག་པའི་བྱ་དགའ་ཐོབ་པ་རེད།
ཨ་ཅི་སྨི་ཏུ།
ཨ་ཅི་སྨི་ཏུ་ནི་གནའ་བོའི་ཀེ་རི་སེའི་མཚན་ཉིད་རིག་པ་བ་དང་ཚན་རིག་པ། རྩིས་རིག་པ། དངོས་ལུགས་རིག་པ་བ་བཅས་ཡིན་ལ། འཇགས་རྣམ་ཤུགས་རིག་དང་རྒྱུག་གཟུགས་ཞི་ཤུགས་རིག་པའི་རྨང་འདིང་མཁན་ཀྱང་ཡིན། ཁོང་ལ་ཤུགས་རིག་པའི་ཡབ་ཆེན་ཞེས་པའི་མཚན་སྙན་གསོལ་ཡོད་ལ། ཁོང་དང་ཀའོ་སི། ཉིའུ་ཏུན་གསུམ་ལ་འཛམ་གླིང་གི་རྩིས་རིག་པ་ཆེན་པོ་གསུམ་དུ་གྲགས།
ཧྥེ་སྨི།
ཧྥེ་སྨི་ནི་རྒྱལ་ཁོངས་ཨ་མེ་རི་ཁ་ཡིན་པའི་དབྱི་ཐ་ལིའི་ཕུལ་དུ་བྱུང་བའི་དངོས་ལུགས་རིག་པ་བ་ཞིག་ཡིན། ཁོང་ནི་མིའི་རིགས་ཀྱི་ལོ་རྒྱུས་སྟེང་རྡུལ་ཕྲན་འབར་མདེལ་དང་པོ་ཚོད་ལྟ་ལེགས་འགྲུབ་བྱུང་དུ་འཇུག་མཁན་གྱི་དེད་དཔོན་ཡིན། ཁོང་གིས་རྡུལ་ཕྲན་གྱི་སྙིང་བོའི་ཁྲོད་འདུས་པའི་ནུས་ཚད་ཚོད་འཛིན་ཡོད་པའི་སྒོ་ནས་ཕྱིར་འདོན་ཐབས་རྙེད་ལ། མིའི་རིགས་རྡུལ་ཕྲན་དུས་རབས་སུ་ཁྲིད། སྤྱི་ལོ1938ལོར་ནོ་པེར་དངོས་ལུགས་རིག་པའི་བྱ་དགའ་ཐོབ་པ་རེད།
ཨའོ་པུན་ཧའེ་མོ།
ཨའོ་པུན་ཧའེ་མོ་ནི་ཨ་མེ་རི་ཁའི་གཞུང་ལུགས་དངོས་ལུགས་རིག་པ་བ་དང་ཚན་རིག་རྩ་འཛུགས་པ། མན་ཧཱ་ཏུན་འཆར་གཞིའི་ལག་རྩལ་འགན་ཁུར་པ་གཙོ་བོ་ཡིན། སྤྱི་ལོ1945ལོར་ཁོང་གིས་གཙོ་ཁྲིད་མཛད་པའི་འཛམ་གླིང་གི་རྡུལ་ཕྲན་འབར་མདེལ་ཐོག་མ་དེ་བཟོས་པས། རྡུལ་ཕྲལ་འབར་མདེལ་གྱི་ཡབ་ཆེན་ཞེས་པའི་མཚན་སྙན་གནང་བ་རེད།
ཨའེ་ཏི་ཧྲེང་།
ཨའེ་ཏི་ཧྲེང་ནི་ཨ་མེ་རི་ཁའི་མི་ཡིན་ལ། མི་ཚེ་ཧྲིལ་བོར་སློབ་གྲྭར་ཟླ་བ་གསུམ་ཙམ་མ་གཏོགས་འགྲིམ་མ་མྱོང་ཡང་། ཁོང་གིས་དཀའ་སྤྱད་ཀྱིས་སློབ་གཉེར་ལ་བརྩོན་པས། གློག་རྡོ་དང་གློག་འཕྲིན། སྐད་འཇོག་འཕྲུལ་ཆས། གློག་བརྙན་སོགས་གློག་ཆས་སྣ་ཁ་སྟོང་ཕྲག་ལྷག་གསར་གཏོད་བྱས་པས། མིང་དུ་གྲགས་པའི་གསར་གཏོད་མཁན་པོར་གྱུར་ཅིང་། མིའི་རིགས་ཀྱི་དཔལ་ཡོན་དང་མདུན་སྐྱོད་ཐད་ལ་བྱས་རྗེས་ཆེན་པོ་བསྐྲུན།
ཀུ་པའེ་ཉི།
ཉི་ལྟེ་སྨྲ་བའི་ལྟ་བ་འདོན་མཁན་ཀོ་པའེ་ཉི་ནི་རིག་རྩལ་བསྐྱར་དར་སྐབས་ཀྱི་ཕོ་ལན་རྒྱལ་ཁབ་ཀྱི་གནམ་དཔྱད་རིག་པ་བ་དང་རྩིས་རིག་པ། ཆོས་ཚོགས་བཅའ་ཡིག་གི་འབུམ་རམས་པ། ཆོས་དཔོན་བཅས་ཡིན། ས་འགུལ་རིག་པ་དང་ཉེ་ལྟེ་སྨྲ་བའི་གསར་གཏོད་པ། དེང་རབས་རྩོམ་རིག་གི་རྨང་གཞི་འདིང་མཁན་བཅས་ཡིན། རང་བྱུང་ཚན་རིག་གི་རང་ཚུགས་བསྒྲགས་གཏམ་སྟེ《གནམ་གཟུགས་འཁོར་སྐྱོད་སྨྲ་བ》ཞེས་པ་མཛད།
ཅཱ་ལི་ལུའེ།
ཅཱ་ལི་ལུའེ་ནི་དབྱི་ཐ་ལི་རྒྱལ་ཁབ་ཀྱི་རྩིས་རིག་པ་དང་དངོས་ལུགས་རིག་པ་བ། གནམ་དཔྱད་རིག་པ་བ་དང་ཚན་རིག་གསར་བརྗེའི་དེད་དཔོན་བཅས་ཡིན། ཁོང་གིས་དུས་ཚོད་འཁོར་ལོ་དང་དྲོད་གྲང་དཔྱད་ཆས། རྒྱང་ཤེལ་སོགས་གསར་གཏོད་བྱས་པས། ཚན་རིག་ཐད་མིའི་རིགས་ལ་བྱས་རྗེས་བླ་མེད་བསྐྲུན་ཅིང་ཉེ་རབས་དངོས་བཤེར་ཚན་རིག་གི་རྨང་འདིང་མཁན་གྱི་གྲས་ཡིན། ཁོང་ལ་ཉེ་རབས་ཤུགས་རིག་པའི་ཡབ་ཆེན་དང་དེང་རབས་ཚན་རིག་གི་ཡབ་ཆེན་ཞེས་པའི་མཚན་སྙན་གནང་ཡོད།
ཉིའུ་ཏུན།
ཉིའུ་ཏུན་ནི་དབྱིན་ཇིའི་གོང་མ་ཚང་གི་རིག་གཞུང་ལྷན་ཚོགས་ཀྱི་ཚོགས་གཙོ་དང་། དབྱིན་ཇིའི་རླབས་ཆེ་བའི་དངོས་ལུགས་རིག་པ་བ་དང་རྩིས་རིག་པ་བཅས་ཡིན། ཁོང་ལ་ཉེ་རབས་དངོས་ལུགས་རིག་པའི་ཡབ་ཆེན་ཞེས་པའི་མཚན་སྙན་གནང་ཡོད།
ཏར་ཝུན།
ཏར་ཝུན་ནི་དུས་རབས་བཅུ་དགུ་པའི་དབྱིན་ཇིའི་ཕུལ་དུ་བྱུང་བའི་སྐྱེ་དངོས་རིག་པ་བ་དང་འཕེལ་འགྱུར་སྨྲ་བའི་རྨང་འདིང་མཁན་ཡིན། ཨུན་ཀི་སིས་འཕེལ་འགྱུར་སྨྲ་བའི་གཞུང་ལུགས་དེ་དུས་རབས་བཅུ་དགུ་བའི་རང་བྱུང་ཚན་རིག་གི་གསར་རྙེད་ཆེན་པོ་གསུམ（གཞན་གཉིས་ནི་ཕྲ་ཕུང་རིག་པའི་གཞུང་ལུགས་དང་ནུས་ཚད་གཏན་གནས་འཕོ་འགྱུར་ངེས་སྲོལ）གྱི་གྲས་སུ་བགྲང་ཞིང་། ཁོང་གིས་མིའི་རིགས་ལ་བྱས་རྗེས་རླབས་ཆེན་བཞག་ཡོད་པ་རེད།
ནོ་པེར།
ནོ་པེར་ནི་སྙན་གྲགས་ཆེ་བའི་རྫས་འགྱུར་པ་དང་གསར་གཏོད་པ་ཡིན། ཁོང་གིས་དུས་རབས་བཅུ་དགུ་པར་སྲ་གཟུགས་ཀྱི་འབར་རྫས་ལས་བཟོ་བྱས། དེ་ནི་ཟིལ་ཤུགས་ཆེ་ལ་བདེ་འཇགས་ཡིན་པས་འཛམ་གླིང་ཡོངས་སུ་བཀོལ་སྤྱོད་རྒྱ་ཆེར་བྱས། ཁོང་འདས་ཁར་རང་གི་རྒྱུ་ནོར་བཏང་ནས་མིང་གྲགས་ཆེ་བའི་ནོ་པེར་བྱ་དགའི་ལམ་ལུགས་བཙུགས།
ཀུ་ལུན་པུའུ།
ཀུ་ལུན་པུའུ་ནི་དབྱི་ཐ་ལིའི་མིང་དུ་གྲགས་པའི་མཚོ་འགྲུལ་མཁས་པ་དང་མྱུལ་དཔྱད་པ། གསར་གཏོད་པ་བཅས་ཡིན། ཁོང་ཐེངས་བཞིར་གྲུར་བསྡད་ནས་ནུབ་ཀྱི་རྒྱ་མཚོ་ཆེན་མོ་འཕྲེད་ཀྱིས་བཅད་ཅིང་ནུབ་ཀྱི་རྒྱ་མཚོ་ཆེན་མོ་ནས་ཨ་མེ་རི་ཁ་གླིང་ཆེན་བར་གྱི་མཚོ་ལམ་བཏོད།
ཨ་མེ་ལི་ཀུ
མྱུལ་དཔྱད་པ་ཨ་མེ་ལི་ཀུ་ནི་དབྱི་ཐ་ལིའི་ཧྥོ་ལུའོ་ལུན་ས་ཡི་ཚོང་པ་དང་དངུལ་ཁང་མཁས་ཅན་ཞིག་ཡིན། དུས་རབས་བཅུ་དྲུག་པའི་དུས་མགོར་ཁོང་གིས་སྐམ་ས་གསར་བའི་གོ་དོན་འཛམས་གླིང་ཡོངས་ལ་བསྒྲགས་པས། མིའི་རིགས་ཀྱིས་འཛམ་གླིང་ངོས་འཛིན་ཐད་ལ་བྱས་རྗེས་རླབས་ཆེན་བཞག
མའེ་ཀྲེ་ལུན།
མའེ་ཀྲེ་ལུན་ནི་ཕུའུ་ཐའོ་ཡ་རྒྱལ་ཁབ་ཀྱི་མིང་དུ་གྲགས་པའི་མཚོ་འགྲུལ་མཁན་དང་མྱུལ་དཔྱད་པ་ཡིན། སྔ་ཕྱིར་ཕུའུ་ཐའོ་ཡ་དང་སི་ཕེན་དུ་མཚོ་འགྲུལ་མྱུལ་དཔྱད་བྱས།
པཱ་སི་ཏུ།
པཱ་སི་ཏུ་ནི་ཧྥ་རན་སེའི་སྐྱེ་དངོས་ཕྲ་རབ་སྐྱེ་ལུགས་རིག་པ་བ། རྫས་འགྱུར་རིག་པ་བ་ཞིག་ཡིན། ཁོས་སྐྱེ་དངོས་ཕྲ་རབ་ཀྱི་རིགས་དང་གོམ་གཤིས། འཚོ་བཅུད། སྐྱེ་འཕེལ། ནུས་པ་སོགས་ལ་ཞིབ་འཇུག་བྱས་ནས་བཟོ་ལས་སྐྱེ་དངོས་ཕྲ་རབ་དང་གསོ་རིག་སྐྱེ་དངོས་ཕྲ་རབ་ཀྱི་རྨང་བཏིང་བ་མ་ཟད་སྐྱེ་དངོས་ཕྲ་རབ་སྐྱེ་ལུགས་རིག་པ་གསར་གཏོད་མཛད།
པི་ཨེར་ཀའེ་ཚི།
པི་ཨེར﹒ཀའེ་ཚི་ནི་མཉེན་ཆས་ཕྲ་མོའི་ཀུང་སིའི་ཀྲུའུ་ཞི་དང་མཉེན་ཆས་ཇུས་འགོད་པ་ཐོག་མ་ཡིན།
ཆའོ་པུའུ་སི།
ཆའོ་པུའུ་སི་ནི་གསར་གཏོད་པ་དང་ཁེ་ལས་པ། ཨ་རིའི་ཀུ་ཤུ་ཀུང་སིའི་མཉམ་འབྲེལ་གསར་འཛུགས་པ་དང་སྲིད་འཛིན་སྤྱི་འདོམས་པ་སྔོན་མ་ཡིན།
པུའུ་ལུའུ་ནུའོ།
ཆའོ་ཨེར་ཏན་ནུའོ•པུའུ་ལུའུ་ནུའོ་ནི་དབྱི་ཐ་ལིའི་རིག་རྩལ་བསྐྱར་དར་སྐབས་ཀྱི་རླབས་ཆེ་བའི་བསམ་བློ་བ་དང་རང་བྱུང་ཚན་རིག་པ། དངོས་གཙོ་རིང་ལུགས་ཀྱི་མཚན་ཉིད་རིག་པ་བ་དང་རྩོམ་རིག་པ་བཅས་ཡིན། ཁོང་གིས་ཀུ་པའེ་ཉིའི་ཉི་ལྟེ་སྨྲ་བ་རྒྱུད་འཛིན་དང་དར་སྤེལ་བྱས་ནས་འཇིག་རྟེན་ལྟ་ཚུལ་གསར་བ་ཞིག་ཆགས། དེས་བཀས་བཀོད་རྒྱུད་འཛིན་གྱི་ལྷའི་རིག་པའི་སྲོལ་རྒྱུན་ལ་རྡུང་རྡེག་ཐེབས་པ་དང་། ཁོང་ལ་མི་རྣམས་ཀྱིས་བདེན་ལུགས་སྲུང་སྐྱོབ་ཀྱི་འཚོལ་སྙེག་པ་ཞེས་བསྔགས་བརྗོད་བྱས།
མེང་ཏི་ཨེར།
མེང་ཏི་ཨེར་ནི་ཨོ་སི་ཁྲུ་རི་ཡར་འཁྲུངས་ཤིང་། རྒྱུད་འཛིན་རིག་པའི་རྨང་འདིང་མཁན་ཡིན། ཁོང་ལ་དེང་རབས་རྒྱུད་འཛིན་རིག་པའི་ཡབ་ཆེན་ཞེས་པའི་མཚན་སྙན་ཐོབ་ཡོད། ཁོང་གིས་སྲན་མའི་དངོས་བཤེར་བརྒྱུད་རྒྱུད་འཛིན་རིག་པའི་རྩ་བའི་ཆོས་ཉིད་ཆེན་པོ་གསུམ་ལས་གྱེས་པའི་ཆོས་ཉིད་དང་རང་མོས་སྡེབ་སྒྲིག་ཆོས་ཉིད་གཉིས་གསར་རྙེད་བྱུང་བ་རེད།
མུན་ཅེ་ལིའེ་ཧྥུའུ།
མུན་ཅེ་ལིའེ་ཧྥུའུ་ནི་ཨུ་རུ་སུའི་མིང་དུ་གྲགས་པའི་རྫས་འགྱུར་རིག་པ་བ་ཞིག་ཡིན་ཞིང་། ཁོང་གིས་རྫས་འགྱུར་གཞི་རྒྱུའི་དུས་འཁོར་ཆོས་ཉིད་གསར་རྙེད་བྱུང་སྟེ། རྡུལ་ཕྲན་ལྗིད་ཚད་ལ་གཞིགས་ནས་འཛམ་གླིང་སྟེང་གཞི་རྒྱུའི་དུས་འཁོར་རེའུ་མིག་ཐོག་མ་དེ་བཟོས་པ་རེད། ཁོང་གི་གསུང་རྩོམ་གྲགས་ཅན《རྫས་འགྱུར་གཞུང་ལུགས》ཞེས་པ་དུས་རབས་བཅུ་དགུ་བའི་མཇུག་དང་དུས་རབས་ཉི་ཤུ་བའི་མགོར། རྒྱལ་སྤྱིའི་རྫས་འགྱུར་རིག་པའི་སྡེར་ཀུན་གྱིས་གསུང་རྩོམ་ཚད་ལྡན་དུ་ཁས་ལེན་ཅིང་སྔ་ཕྱིར་ཐེངས་བརྒྱད་ལ་དཔར། རབས་རེ་རེའི་རྫས་འགྱུར་རིག་པ་བ་རྣམས་ལ་ཤུགས་རྐྱེན་ཆེན་པོ་ཐེབས་ཡོད་པ་རེད།
ཝ་ཐུ།
ཝ་ཐུ་ནི་དེང་རབས་དབྱིན་ཇིའི་མིང་དུ་གྲགས་པའི་གསར་གཏོད་པ་དང་བཟོ་ལས་གསར་བརྗེ་ཐེངས་དང་པའི་མི་སྣ་གཙོ་བོའང་ཡིན། ཁོང་གིས་སྤྱི་ལོ1776ལོར་བཀོལ་སྤྱོད་ཀྱི་རིན་ཐང་ལྡན་པའི་རླངས་སྐུལ་འཕྲུལ་ཆས་ཐོག་མ་དེ་གསར་གཏོད་གནང་། རྗེས་སོར་ལེགས་བཅོས་རབ་དང་རིམ་པ་བརྒྱུད་སྤྱོད་མང་སྒུལ་བྱེད་མ་འཁོར་གྲུབ་ཅིང་། བཟོ་ལས་ཐད་རྒྱ་ཆེར་སྤྱད་པས་མིའི་རིགས་རླངས་སྒུལ་དུས་རབས་སུ་སླེབས་ཐུབ་པ་རེད། མིའི་རིགས་ཀྱིས་རླབས་ཆེ་བའི་གསར་གཏོད་པ་ཁོང་ལ་རྗེས་དྲན་བྱེད་ཆེད། རྩོལ་ཕྱོད་ཀྱི་རྩིས་གཞིའི་མིང་ཝ་ཐུ་ཞེས་བཏགས(བསྡུས་མིང་ལ་ཝ། མཚོན་རྟགསW)
ཝེ་ཀུ་ནཱ།
ཝེ་ཀུ་ནཱ་ནི་འཇར་མན་གྱི་རླབས་ཆེ་བའི་གནམ་དཔྱད་རིག་པ་བ་དང་སའི་གོ་ལའི་དངོས་ལུགས་མཁས་ཅན་ཞིག་སྟེ། ཀུ་ལིང་ལན་ཉམས་ཞིབ་ཆེད་མཁས་པ་ཡང་ཡིན། ཁོང་གིས་བཏོན་པའི་སྐམ་སའི་གཡེང་སྐྱོད་ཀྱི་རིག་པ་དེ་ཁོང་ཚེ་ལས་འདས་ནས་ལོ་ངོ་སུམ་ཅུ་འགོར་རྗེས་ད་གཟོད་འཛམ་གླིང་ཡོངས་སུ་ཁྱབ་པར་གྱུར།
| རང་བྱུང་ཚན་རིག བརྡ་འགྲེལ 1379 ཡོད། |