མཚོ་ལྷོ་བོད་རིགས་རང་སྐྱོང་ཁུལ་གྱི་རང་སྐྱོང་སྲོལ་ཡིག
སྤྱི་ལོ2005ལོའི་ཟླ7པའི་ཚེས29ཉིན་མཚོ་སྔོན་ཞིང་ཆེན་མི་དམངས་འཐུས་མི་ཚོགས་ཆེན་སྐབས་བཅུ་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་བཅུ་བདུན་པའི་ཐོག་ཆོག་མཆན་གནང་བའི《（མཚོ་ལྷོ་བོད་རིགས་རང་སྐྱོང་ཁུལ་གྱི་རང་སྐྱོང་སྲོལ་ཡིག）བཟོ་བཅོས་སྐོར་གྱི་མཚོ་ལྷོ་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་གྱི་ཆོད་དོན》གཞིར་བཟུང་ནས་དག་བཅོས་བྱས། སྤྱི་ལོ 2020ལོའི་ཟླ1པོའི་ཚེས10ཉིན་མཚོ་ལྷོ་བོད་རིགས་རང་སྐྱོང་ཁུལ་སྐབས་བཅུ་བཞི་བའི་མི་དམངས་འཐུས་མི་ཚོགས་ཆེན་གྱི་ཚོགས་འདུ་ཐེངས་དྲུག་པའི་སྟེང་བཟོ་བཅོས་བྱས། 2020ལོའི་ཟླ3པའི་ཚེས25ཉིན་མཚོ་སྔོན་ཞིང་ཆེན་མི་དམངས་འཐུས་མི་ཚོགས་ཆེན་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་བཅོ་ལྔ་བའི་ཐོག་ཆོག་མཆན་ཐོབ།
མི་རིགས་ས་ཁོངས་རང་སྐྱོང་ལམ་ལུགས།
དེ་ནི་རྒྱལ་ཁབ་ཀྱི་གཅིག་གྱུར་མགོ་ཁྲིད་འོག་གྲངས་ཉུང་མི་རིགས་ཁག་འདུས་སྡོད་བྱེད་པའི་ས་གནས་སུ་ས་ཁོངས་རང་སྐྱོང་ལག་བསྟར་བྱས་ཏེ་རང་སྐྱོང་ལས་ཁུངས་བཙུགས་ནས་རང་སྐྱོང་དབང་ཆ་སྤྱོད་པའི་ལམ་ལུགས་ལ་ཟེར་ཞིང་། མི་རིགས་ས་ཁོངས་རང་སྐྱོང་ལམ་ལུགས་ནི་རང་རྒྱལ་གྱི་གཞི་རྩའི་ཆབ་སྲིད་ལམ་ལུགས་ཀྱི་གྲས་ཡིན་ལ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཆབ་སྲིད་འཛུགས་སྐྲུན་བྱེད་པའི་ནང་དོན་གལ་ཆེན་ཞིག་ཀྱང་ཡིན། མི་རིགས་ས་ཁོངས་རང་སྐྱོང་ལམ་ལུགས་ནི་གཅིག་གྱུར་གྱི་མེས་རྒྱལ་ཁྱིམ་ཚང་ཆེན་པོའི་ནང་དུ་རྒྱལ་ཁབ་ཀྱི་གཅིག་གྱུར་མགོ་ཁྲིད་འོག་གྲངས་ཉུང་མི་རིགས་འདུས་སྡོད་ཀྱི་ས་ཁུལ་རྨང་གཞིར་བྱས་ཏེ། དེ་མཚུངས་ཀྱི་རང་སྐྱོང་ལས་ཁུངས་འཛུགས་པ་དང་། རང་སྐྱོང་དབང་ཆ་སྤྱོད་པ། རང་བདག་གིས་རང་མི་རིགས་དང་རང་ས་ཁུལ་གྱི་ནང་ཁུལ་ལས་དོན་དོ་དམ་བྱེད་པ། རང་ཁྱིམ་རང་བདག་གི་དབང་ཆ་སྤྱོད་པ་བཅས་ཡིན།
སྤྱི་ཚོགས་རིང་ལུགས་ཀྱི་མི་རིགས་འབྲེལ་བ།
སྤྱི་ཚོགས་རིང་ལུགས་ཀྱི་མི་རིགས་འབྲེལ་བ་ནི་སྤྱི་ཚོགས་རིང་ལུགས་ཀྱི་ལམ་ལུགས་འོག་བཙུགས་པའི་མི་རིགས་འབྲེལ་བ་གསར་པར་ཟེར། ཀྲུང་གོར་སྤྱི་ཚོགས་རིང་ལུགས་ཀྱི་བསྒྱུར་བཀོད་ལེགས་འགྲུབ་བྱུང་རྗེས། མི་རིགས་ཁག་བར་གྱི་འབྲེལ་བ་གསར་པ་འདི་རིམ་བཞིན་ཆགས་ཡོད། དེའི་གཞི་རྩའི་ཁྱད་ཆོས་ནི་མི་རིགས་ཁག་གྲལ་རིམ་བཤུ་གཞོག་ལམ་ལུགས་ལས་ཐར་ཏེ་མི་རིགས་འགྲན་རྒོལ་དུ་ལངས་པའི་གྲལ་རིམ་གྱི་འབྱུང་རྩ་མེད་པར་གྱུར་ཟིན་པ་དང་། མི་རིགས་མི་འབོར་གྱི་ཆེས་མང་ཆེ་བ་ཟིན་པའི་ངལ་རྩོལ་མི་དམངས་རྣམས་མི་རིགས་ཀྱི་ལས་དབང་གི་ཁ་ལོ་སྒྱུར་མཁན་དུ་གྱུར་པ་དང་། མི་རིགས་བར་གྱི་འབྲེལ་བ་ནི་གཞི་རྩའི་ཐོག་མི་རིགས་ཁག་གི་ངལ་རྩོལ་མི་དམངས་བར་གྱི་འབྲེལ་བ་ཡིན་ལ། འདྲ་མཉམ་དང་། མཐུན་སྒྲིལ། རོགས་རེས། འཆམ་མཐུན་བཅས་ཀྱི་འབྲེལ་བ་ཡིན། མི་རིགས་ཚང་མ་འབྱོར་མེད་གྲལ་རིམ་གྱི་སྲིད་ཏང་དང་འབྱོར་མེད་གྲལ་རིམ་གྱི་སྲིད་དབང་གི་འགོ་ཁྲིད་འོག་ཏུ་གཅིག་གྱུར་ཡོང་བ་དང་། མི་རིགས་ཁག་གི་སློབ་སྟོན་བསམ་བློ་ནི་མར་ཁེ་སི་ལེ་ཉིན་རིང་ལུགས་དང་མའོ་ཙེ་ཏུང་གི་དགོངས་པ་ཡིན། མི་རིགས་ཁག་གི་འབད་འཐབ་དམིགས་འབེན་ནི་གཅིག་མཐུན་ཡིན་པ་སྟེ། ཐུན་མོང་དུ་སྤྱི་ཚོགས་རིང་ལུགས་འཛུགས་སྐྲུན་བྱེད་རྒྱུ་དེ་ཡིན།
མཚོ་ལྷོ་བོད་རིགས་རང་སྐྱོང་ཁུལ་མི་རིགས་མཐུན་སྒྲིལ་ཡར་ཐོན་སློབ་གསོ་ཁང་།
མཚོ་ལྷོ་བོད་རིགས་རང་སྐྱོང་ཁུལ་མི་རིགས་མཐུན་སྒྲིལ་ཡར་ཐོན་སློབ་གསོ་ཁང་ནི་མཚོ་སྔོན་ཞིང་ཆེན་དུ་གནས་ཡོད་པ་དང་། དེ་ནི་མཚོ་ལྷོ་བོད་རིགས་རང་སྐྱོང་ཁུལ་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་གྱི་སློབ་གསོའི་རྟེན་གཞི་ཡིན། སྤྱི་ལོ2019ལོའི་ཟླ11པའི་ཚེས12ཉིན་རྒྱལ་ཁབ་མི་རིགས་ལས་དོན་ཨུ་ལྷན་གྱིས་ཁྱབ་བསྒྲགས་བྱས་པའི་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་སློབ་གསོའི་རྟེན་གཞི་ཁག་དྲུག་པའི་ནང་མཚོ་ལྷོ་བོད་རིགས་རང་སྐྱོང་ཁུལ་མི་རིགས་མཐུན་སྒྲིལ་ཡར་ཐོན་སློབ་གསོ་ཁང་ཚུད་ཡོད།
| མི་རིགས་རང་སྐྱོང་ས་ཁུལ་གྱི་སྲིད་ཇུས། བརྡ་འགྲེལ 4 ཡོད། |