བོད་ཡིག་མཐེབ་གཞོང་།
ཐོན་རྫས་འདིའི་ནང་གི་སྒྲིག་ཆས་ལ་ནང་འདྲེན་བྱས་པའི་ཉིང་ལྷེབ་སོགས་ཀྱི་ལག་རྩལ་གསར་པ་བཀོལ་སྤྱོད་བྱས་པས་རྒྱུ་སྤུས་བཟང་ཞིང་བཀོལ་ཡུན་རིང་བ། ཐོན་རྫས་ཀྱི་ཕྱི་ངོས་ནི་མིའི་བཟོ་བཀོད་རིག་པའི་གཞུང་ལུགས་བཞིན་འཆར་འགོད་བྱས་པ་དང་བཟོ་རྩལ་སྤུས་ལེགས་ལྡན་པའི་ཚོན་རྩི་བྱུགས་པས་བེད་སྤྱོད་བྱེད་སྐབས་ལག་པར་བདེ་ཞིང་རྡར་ཤན་ཆེ་བ། འཇམ་འདྲེད་འགོག་པའི་དམིགས་བསལ་གྱི་ཁྱད་ཆོས་ལྡན། ད་དུང་འཛད་སྤྱོད་པར་སྟབས་བདེ་སྐྲུན་ཆེད་ཐོན་རྫས་འདིར་མཐུད་ཁUSB PS/2གཉིས་རྒྱབ་སྐྱོར་བྱེད་པའི་ལག་རྩལ་སྤྱད་ཡོད་སྟབས་རིགས་འདྲ་མིན་གྱི་གློག་ཀླད་ཐོག་བེད་སྤྱོད་བཏང་ཆོག
མཐེབ་གནོན་སྒྲིག་སྟངས(སྨོན་ལམ་གསུམ་པ)
སྨོན་ལམ་བོད་ཡིག་གསུམ་པའི་མཐེབ་གནོན་འདི་ཉིད་བསྒྲིག་དུས། དང་པོ་ཡར་འཆར་དཀར་ཆག་གི་དབྱིན་ཡིགcontrol Panelའདིའི་ནང་དུ་སོང་དངRegional and language Optionsཟེར་བའི་འདིར་བཀོད་པའི་འདྲ་པར་དང་པོའི་སྟེང་གི་རི་མོ་འདི་མཐོང་ཐུབ། དེའི་སྒོ་ཕྱེ་བ་དང་། འདྲ་པར་འདི་དག་གི་གོ་རིམ་ནང་བཞིན་སྒྲིག་ཆས་དག་སྒྲིགས་དང་ཁྱོད་ཀྱིས་བོད་ཡིག་གི་གནད་དོན་ཡག་པོ་སེལ་ཐུབ་པ་ཡིན།
ཀུ་ཤུའི་གློག་ཀླད་ཀྱི་བོད་ཡིག་མཐེབ་གཞོང་གི་བཀོད་པ།
ཀུ་ཤུའི་གློག་ཀླད་ཁྲོད་ཀྱི་བོད་ཡིག་གི་མཐེབ་གཞོང་ལ་དབྱེ་ན་གསུམ་སྟེTibetan-WyieདངTibetan QWERTYདང་། Tibetan-Otaniབཅས་སོ།། ཀུ་ཤུའི་གློག་ཀླད་ཁྲོད་ཀྱི་བོད་ཡིག་གི་མཐེབ་གཞོང་བཟོ་མཁན་ནི་འཇར་པན་གྱིOtaniགཙུག་ལག་སློབ་གྲྭ་རེད། འདིར་ཀུ་ཤུའི་གློག་ཀླད་ཁྲོད་ཀྱི་བོད་ཡིག་གི་མཐེབ་གཞོང་བཀོད་པ་དཔེ་རིས་དང་སྦྱར་ནས་ངོ་སྤྲོད་ཙམ་བྱའོ།།
བྱེད་ནུས་མཐེབ།
མཐེབ་གནོནEscདངF1ནསF12བར་གྱི་མཐེབ་གནོན་ལ་བྱེད་ནུས་མཐེབ་ཟེར་ཞིང་། དེ་དག་བཀོལ་སྤྱོད་ལེགས་པོ་བྱེད་ཤེས་ཚེ་ཁྱོད་ཀྱི་ལས་ཆོད་ཇེ་མཐོར་འགྲོ་ངེས་ལ། མཐེབ་གནོནF1ནསF12བར་གྱི་མཐེབ་གཞོང་ལ་རང་རང་གི་བྱེད་ནུས་ལྡན་མོད། ཡིན་ཡང་དེ་དག་བཀོལ་སྤྱོད་བྱེད་ཤེས་མཁན་ཧ་ཅང་ཉུང་། དེ་བས་གཤམ་ནས་མཐེབ་གནོན་འདི་དག་གི་ཁྱད་མཚར་ནུས་པ་མཚམས་སྦྱོར་ཉུང་ཙམ་བྱ།
