དབང་བོ་སྐྱོན་ཅན་གྱི་ཨོ་རྩལ་འགྲན་ཚོགས།
དབང་བོ་སྐྱོན་ཅན་ཨོ་རྩལ་འགྲན་ཚོགས་ནི་སྤྱི་ལོ1960ལོར། རྒྱལ་སྤྱིའི་དབང་བོ་སྐྱོན་ཅན་ཨོ་ལིན་ཕིག་ཨུ་ཡོན་ལྷན་ཚོགས་ཀྱིས་གཙོ་སྒྲུབ་གནང་བའི་དབང་བོ་སྐྱོན་ཅན་ཆེད་དམིགས་ཀྱི་འཛམ་གླིང་གི་སྣ་འཛོམས་ཆེ་གྲས་ཅན་གྱི་ལུས་རྩལ་འགྲན་ཚོགས་ཤིག་ཡིན།
ཡ་གླིང་གི་ལུས་རྩལ་འགྲན་ཚོགས།
ཡ་གླིང་གི་ལུས་རྩལ་འགྲན་ཚོགས་ནི་ཡ་གླིང་ས་ཁུལ་ཏུ་གཞི་ཁྱོན་ཆེས་ཆེ་བའི་ཕྱོགས་བསྡུས་རང་བཞིན་གྱི་ལུས་རྩལ་འགྲན་ཚོགས་ཤིག་ཡིན་ལ། ཡ་གླིང་གི་ཨོ་ལིན་ཕིག་ལས་འཛིན་ལྷན་ཚོགས་ཀྱི་ཚོགས་མི་ནས་རེས་མོས་ཀྱིས་གཙོ་སྒྲུབ་གནང་གི་ཡོད་ཅིང་། ལོ་བཞིའི་ནང་ཐེངས་གཅིག་ལ་སྤེལ་གྱི་ཡོད་པ་དང་། འགྲན་ཚོགས་འདི་ཨོ་རྩལ་འགྲན་ཚོགས་དང་སྤེལ་མར་བསྡུས་ཀྱི་ཡོད།
ཡ་གླིང་ཤར་མའི་ལུས་རྩལ་འགྲན་ཚོགས།
ཡ་གླིང་ཤར་མའི་ལུས་རྩལ་འགྲན་ཚོགས་ནི་ཡ་གླིང་ཤར་མའི་ལུས་རྩལ་འགྲན་ཚོགས་སྤྱི་པ་ནས་སྤེལ་བའི་ས་ཁུལ་གྱི་སྣ་འཛོམས་རང་བཞིན་གྱི་ལུས་རྩལ་འགྲན་ཚོགས་ཤིག་ཡིན་ལ། དེར་ཞུགས་པའི་རྒྱལ་ཁབ་བམ་ས་ཁུལ་ནི་ཡ་གླིང་ཤར་མའི་ལུས་རྩལ་འགྲན་ཚོགས་ལས་འཛིན་ལྷན་ཚོགས་ཀྱི་ཚོགས་མི་དང་ཟུར་པ། གདན་ཞུའི་རྒྱལ་ཁབ་སོགས་ཡིན།
འཛམ་གླིང་སློབ་ཆེན་པའི་ལུས་རྩལ་འགྲན་ཚོགས།
འཛམ་གླིང་སློབ་ཆེན་པའི་ལུས་རྩལ་འགྲན་ཚོགས་ལ་ཨོ་ལིན་ཕིག་ལུས་རྩལ་འགྲན་ཚོགས་ཆུང་བ་ཞེས་བཤད་སྲོལ་ཡོད་ལ། རྒྱལ་སྤྱིའི་སློབ་ཆེན་པའི་མཉམ་འབྲེལ་འགྲན་ཚོགས་ཤིག་ཡིན། དེར་གཙོ་བོ་སློབ་སྡོད་སློབ་ཆེན་པ་དང་མཐར་ཕྱིན་ནས་ལོ་གཉིས་ལས་འགོར་མེད་པའི་སློབ་ཆེན་པ（ལོ17ནས28བར）ཞུགས་པའི་འཛམ་གླིང་གི་རྒྱ་ཆེའི་སྣ་འཛོམས་རང་བཞིན་གྱི་ལུས་རྩལ་འགྲན་ཚོགས་ཤིག་ཡིན།
ཨོ་རྩལ་འགྲན་ཚོགས།
ཨོ་ལིན་ཕིག་ལུས་རྩལ་འགྲན་ཚོགས་ཏེ་མིང་བསྡུས་ན་ཨོ་རྩལ་འགྲན་ཚོགས། དེ་ནི་རྒྱལ་སྤྱིའི་ཨོ་ལིན་ཕིག་ཨུ་ཡོན་ལྷན་ཚོགས་ནས་གཙོ་སྒྲུབ་གནང་བའི་རྩལ་སྦྱོང་གི་རྣམ་གྲངས་མང་བའི་རྒྱལ་སྤྱིའི་རང་བཞིན་གྱི་འགྲན་ཚོགས་ཤིག་ཡིན། ལོ་བཞིའི་ནང་ཐེངས་རེར་སྡུད་ཀྱི་ཡོད།
དགུན་དུས་ཨོ་རྩལ་འགྲན་ཚོགས།
དགུན་དུས་ཨོ་ལིན་ཕིག་ལུས་རྩལ་འགྲན་ཚོགས་ཀྱི་མིང་བསྡུས་ན་དགུན་དུས་ཨོ་རྩལ་འགྲན་ཚོགས་ཞེས་ཟེར་ཞིང་། རྒྱལ་སྤྱིའི་ཨོ་ལིན་ཕིག་ཨུ་ཡོན་ལྷན་ཚོགས་ནས་གཙོ་སྒྲུབ་གནང་བའི་འཛམ་གླིང་རང་བཞིན་གྱི་དགུན་ཐོག་གི་རྣམ་གྲངས་ཅན་གྱི་ལུས་རྩལ་འགྲན་ཚོགས་ཤིག་ཡིན།
ཨེ་ཤ་ཡའི་ལུས་རྩལ་འགྲན་ཚོགས།
ཨེ་ཤ་ཡའི་ལུས་རྩལ་འགྲན་ཚོགས་ནི་ཨེ་ཤ་ཡའི་ཨོ་ལིན་ཕིག་ལས་འཛིན་ལྷན་ཚོགས་ཀྱིས་གཙོ་སྒྲུབ་བྱས་པའི་ཕྱོགས་བསྡུས་རང་བཞིན་གྱི་ལུས་རྩལ་འགྲན་ཚོགས་ཤིག་ཡིན།
ཨོ་རྩལ་གྲོང་སྡེ།
ཨོ་རྩལ་གྲོང་སྡེ་ནི་ཨོ་རྩལ་འགྲན་ཚོགས་གཙོ་སྒྲུབ་པས་ཨོ་རྩལ་འགྲན་ཚོགས་སུ་ཞུགས་པའི་ལུས་རྩལ་པ་དང་། གཞུང་དཔོན། ལས་ཀ་བ་སོགས་ཀྱི་སྡོད་གནས་ལ་བསྐྲུན་པ་དེ་ཡིན།
ཨོ་རྩལ་འགྲན་ཚོགས་ཀྱི་དང་བླངས་མི།
ཨོ་རྩལ་འགྲན་ཚོགས་ཀྱི་དང་བླངས་མི་ནི་ཨོ་ལིན་ཕིག་ལུས་རྩལ་འགྲན་ཚོགས་ཀྱི་གོ་རིམ་དུ་རང་ཉིད་འཕངས་མེད་དུ་ནང་དུ་ཞུགས་ནས་རྡོག་རྩ་གཅིག་སྒྲིལ་གྱིས་རང་ཉིད་ཀྱི་ལས་འགན་ཡོངས་འགྲུབ་བྱེད་པ་དང་། དེར་ཁེ་ཕན་གྱི་བསམ་བློ་མི་བཅངས་པའི་སྡེ་དེ་ཡིན།
ཨོ་རྩལ་འགྲན་ཚོགས་ཀྱི་བཀྲ་ཤིས་གཡང་རྟེན།
ཨོ་ལིན་ཕིག་ལུས་རྩལ་འགྲན་ཚོགས་ཀྱི་བཀྲ་ཤིས་གཡང་རྟེན་ཟེར་བ་ནི་ཨོ་ལིན་ཕིག་ལུས་རྩལ་འགྲན་ཚོགས་ཀྱི་གཙོ་སྒྲུབ་རྒྱལ་ཁབ་ཀྱིས་རྩེད་ཚོགས་རྒྱལ་ཁའི་ངང་སྐྱོང་བ་དང་། དེས་མི་རྣམས་ལ་དགའ་སྤྲོ་དང་བདེ་སྐྱིད། བཀྲ་ཤིས་བདེ་ལེགས་བཅས་ཡོང་བའི་ཆེད་དུ་སྲོག་ཆགས་དང་མི་སོགས་ཀྱི་འདྲ་རིས་བཟོ་འགོད་བྱེད་པ་དེ་ལ་བྱ།
ཨོ་རྩལ་འགྲན་ཚོགས་ཀྱི་ཚོགས་གླུ།
ཨོ་ལིན་ཕིག་ལུས་རྩལ་འགྲན་ཚོགས་ཀྱི་ཚོགས་གླུ་ནི་ཨོ་ལིན་ཕིག་ལུས་རྩལ་འགྲན་ཚོགས་ཀྱི་འགོ་ཚུགས་པའི་མཛད་སྒོ་རུ་དཀྲོལ་རྒྱུར་གཏན་འཁེལ་བྱས་ཡོད་པ་ཡིན།
ཨོ་རྩལ་འགྲན་ཚོགས་ཀྱི་ཚོགས་རྟགས།
ཨོ་ལིན་ཕིག་ལུས་རྩལ་འགྲན་ཚོགས་ཀྱི་ཚོགས་རྟགས་ནི་ཨོ་རྩལ་འགྲན་ཚོགས་ཀྱི་ཁྱད་དབང་ཆེ་ཤོས་ཀྱི་སྣང་བརྙན་མཚོན་རྟགས་ཡིན། ཚོགས་རྟགས་ཀྱི་དཔེ་རིས་སྐབས་ལ་ལར་ཡོངས་ཁྱབ་མངོན་གསལ་གྱི་འཚོལ་བསྡུ་བརྒྱུད་ནས་ལེགས་ཤོས་བདམས་པ་ཡིན་མོད། འོན་ཀྱང་ཚོགས་རྟགས་དེ་ངེས་པར་དུ་རྒྱལ་སྤྱིའི་ཨོ་རྩལ་ལྷན་ཚོགས་ལག་བསྟར་ཨུ་ཡོན་ལྷན་ཁང་གི་ཞིབ་བཤེར་ཆོག་མཆན་བརྒྱུད་དགོས་པ་ཡིན།
ཨོ་ལིན་ཕིག་གི་དཔལ་མེ།
ཨོ་ལིན་ཕིག་གི་དཔལ་མེ་ནི་ཨོ་ལིན་ཕིག་ལུས་རྩལ་རྒྱས་ཚོགས་ཀྱི་ར་བ་ནས་སྒྲོན་པའི་མེ་ཆུན་དེ་ཡིན་ལ། འོད་སྣང་དང་མཐུན་སྒྲིལ། མཛའ་བརྩེ། ཞི་བདེ། དྲང་བདེན་བཅས་མཚོན་པ་ཡིན།
ཨོ་ལིན་ཕིག་ལེགས་བཤད།
ཨོ་ལིན་ཕིག་ལེགས་བཤད་ལ་ཨོ་ལིན་ཕིག་གི་འབོད་ཚིག་གམ་ཨོ་ལིན་ཕིག་གི་གདམ་ངག་ཀྱང་ཟེར་ཞིང་། དེ་ནི་ཨོ་ལིན་ཕིག་ལུས་རྩལ་གྱི་དགོངས་དོན་གཅིག་ཡིན། དེའི་ནང་དོན་ནི“ཆེས་སྐྱེན་པ། ཆེས་མཐོ་བ། ཆེས་སྟོབས་པ”བཅས་ཡིན།
ཨོ་རྩལ་འགྲན་ཚོགས་ཀྱི་ཚོགས་དར།
ཨོ་རྩལ་འགྲན་ཚོགས་ཀྱི་ཚོགས་དར་ནི་གཞི་རས་དཀར་སྟོང་ཅན་གྱི་དབུས་ན་ཨ་ལོང་ལྔ་སྦྲེལ་ཅན་ཞིག་འདུག་ཅིང་། དེ་ནི་ང་ཚོས་རྒྱུན་དུ་བཤད་པའི་ཨོ་ལིན་ཕིག་ཨ་ལོང་ཡིན་ལ། ཨ་ལོང་རེ་རེའི་མཚོན་མདངས་ནི་གཡོན་ནས་གཡས་སུ་རིམ་བཞིན་སྔོན་པོ་དང་སེར་པོ། ནག་པོ། ལྗང་མདོག དམར་པོ་བཅས་ཡིན།
འཛམ་གླིང་འབྲིང་རིམ་སློབ་མའི་ལུས་རྩལ་འགྲན་ཚོགས།
འཛམ་གླིང་འབྲིང་རིམ་སློབ་མའི་ལུས་རྩལ་འགྲན་ཚོགས་ནི་སྤྱི་ལོ1974ལོ་ནས་བཟུང་འཚོག་འགོ་བརྩམས་ཤིང་། དེ་ནི་རྒྱལ་སྤྱིའི་འབྲིང་རིམ་སློབ་མའི་ལུས་རྩལ་མཉམ་འབྲེལ་ལྷན་ཚོགས་ཀྱིས་གཙོ་སྒྲུབ་བྱས་པ་ཡིན་ལ། ལོ་ན་བཅུ་བདུན་མན་གྱི་འབྲིང་རིམ་སློབ་མ་ཞུགས་པའི་རྒྱལ་སྤྱིའི་ཕྱོགས་བསྡུས་རང་བཞིན་གྱི་ལུས་རྩལ་འགྲན་ཚོགས་ཤིག་ཡིན།
མཱར་སུན་འགྲན་རྒྱུག
རྒྱལ་སྤྱིའི་ཐོག་ཤིན་ཏུ་དར་ཁྱབ་ཆེ་བའི་རིང་ཚད་སྤྱི་ལེ42.192ཅན་གྱི་རྒྱང་རྒྱུག་འགྲན་སྡུར་གྱི་རྣམ་གྲངས་ཤིག་ལ་གོ། །
མཚོ་སྐོར་ལྕགས་རྟ་འགྲན་བསྡུར།
མཚོ་སྔོན་པོ་སྐོར་བའི་རྒྱལ་སྤྱིའི་གཞུང་ལམ་ལྕགས་རྟ་འགྲན་བསྡུར་གྱི་བསྡུས་མིང་ལ་མཚོ་སྐོར་འགྲན་བསྡུར་ཟེར། སྤྱི་ལོ2002ལོར་དངོས་སུ་བཙུགས་ཤིང་། ལོ་རེར་སྤྱི་ཟླ6པ་ནས་ཟླ8པའི་སྐབས་སུ་མཚོ་སྔོན་ཞིང་ཆེན་གྱི་མཚོ་སྔོན་པོ་སྐོར་བའི་ས་ཁུལ་དང་། ཀན་སུའུ་ཞིང་ཆེན། ཉིང་ཞ་ཧུའེ་རིགས་རང་སྐྱོང་ལྗོངས་བཅས་སུ་གཉེར་གྱི་ཡོད།
“ངོ་མཚར་ཆེ་བའི་དགུན་དུས་ཨའོ་རྩལ་འགྲན་ཚོགས”ཀྱི་བརྗོད་དོན་གཙོ་བོའི་མེ་ཏོག་སྟེགས་བུ།
གནམ་བདེ་སྒོ་མོ་ཆེའི་ཐང་ཆེན་གྱི་དཀྱིལ་སྙིང་དུ“ངོ་མཚར་ཆེ་བའི་དགུན་དུས་ཨའོ་རྩལ་འགྲན་ཚོགས”ཀྱི་བརྗོད་དོན་གཙོ་བོའི་མེ་ཏོག་སྟེགས་བུ་བཀོད་སྒྲིག་བྱས་ཡོད་པ་དང་། མེ་ཏོག་སྟེགས་བུས་ཀྲུང་གོའི་མདུད་པ་རྒྱབ་ལྗོངས་གཙོ་བོར་བྱས་ནས་དགུན་དུས་ཨའོ་རྩལ་འགྲན་ཚོགས་ཀྱི་ཚོགས་རྟགས་དང་གངས་འཁྱག་གི་གཞི་རྒྱུ་དང་ཟུང་འབྲེལ་བྱས་ཏེ། པེ་ཅིང་གི་དགུན་དུས་ཨའོ་རྩལ་འགྲན་ཚོགས་ལ་བཅངས་བའི་སྨོན་འདུན་བཟང་པོ་མཚོན་པར་བྱས་ཡོད།
ཨོ་ལིམ་ཕིག་ལས་རྩལ་འགྲན་ཚོགས་ཀྱི་ཚོགས་དར།
ཨོ་ལིམ་ཕིག་ལས་རྩལ་འགྲན་ཚོགས་ཀྱི་ཚོགས་དར་ནི་ཨོ་ལིམ་ཕིག་ལས་རྩལ་འགྲན་ཚོགས་སྐབས་སྤྱོད་པའི་དར་ཆ་ཡིན། འཕྲེད་གཞུང་གི་བསྡུར་ཚད3：5དང་གྲུ་བཞི་ནར་མོའི་དབྱིབས་སུ་བཟོས་ཡོད། དར་ཆའི་ལྟེ་བ་ནི་རིང་ཐུང་གཅིག་མཚུངས་ཡིན་པའི་སྒོར་དབྱིབས་ལྔ（ཨོ་ལིམ་ཕིག་གདུབ）ལས་གྲུབ་ཡོད།
པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་རེ་ཞུའི་སྙན་ཞུ།
པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་རེ་ཞུའི་སྙན་ཞུ་དེ་སྤྱི་ལོ2015ལོའི་ཟླ་དང་པོར་དངོས་སུ་གྲུབ་པ་དང་། དེའི་ནང་འགྲན་ར12འཛུགས་སྐྲུན་དང་སྒྱུར་བཀོད་ཇུས་གཞི་སོགས་ཀྱི་ནང་དོན་ཚུད་ཡོད། སྤྱི་ལོ2022ལོར་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་འཆར་གཞི་ལྟར་སྤྱོད་པའི་འགྲན་ར12ཡོད་པའི་ནང་གསར་སྐྲུན་ཁང་དང་། སྒྱུར་བཀོད་ཁང་། དེ་བཞིན་འཛུགས་སྐྲུན་བྱ་ཡུལ་ཁག་གཅིག་བཅས་ཚུད་ཡོད་པ་རེད།
པེ་ཅིང་དགུན་དུས་ཨའོ་རྩལ་འགྲན་ཚོགས་ཀྱི་སྤྱི་གླིང་།
པེ་ཅིང་དགུན་དུས་ཨའོ་རྩལ་འགྲན་ཚོགས་ཀྱི་སྤྱི་གླིང་དེ་ཧྲི་ཅིན་རི་ཁུལ་གྱི་ནུབ་རྒྱུད་དང་ཡུང་ཏིང་གཙང་པོའི་འགྲམ་རྒྱུད་དུ་གནས་པ་དང་། པེ་ཅིང་དགུན་དུས་ཨའོ་རྩལ་འགྲན་ཚོགས་སྒྲིག་འཛུགས་ཨུ་ལྷན་དང་ཧྲེ་ཀང་གངས་ཤུད་ཀྱི་མཆོང་སྟེགས་ཆེན་པོ་དང་ཐག་ཉེ་པོ་ཡོད། སྤྱི་གླིང་དེ་བྱང་ཁུལ་དང་། དབུས་ཁུལ། ལྷོ་ཁུལ་བཅས་ཆ་ཤས་ཆེན་པོ་གསུམ་དུ་དབྱེ་ཡོད། བྱང་རྒྱུད་ནི་གྲོང་ཁྱེར་ཉེ་འདབས་ཀྱི་རི་སྐྱེས་བརླན་བཤེར་ས་ཁུལ་ཡིན་པ་དང་། དཔེར་ན།“གངས་འཁྱག་ནགས་ཚལ”གྱིས་རི་ཁུལ་གྱི་གངས་ཤུད་ལུས་རྩལ་ཁོར་ཡུག་ལ་ལད་ཟློས་བྱས་པ་མ་ཟད། ཕུག་ལམ་ཇུས་འགོད་བྱས་པ་དང་། གློག་རྡུལ་བརྙན་ཤེལ་སྤྱད་དེ་དགུན་དུས་ཨའོ་རྩལ་འགྲན་ཚོགས་དང་འཇིག་རྟེན་སྐར་ཚོགས་བཀྲ་བའི་སྐར་ཚོགས་བཀྲ་བའི་ཕན་འབྲས3Dབསྐྲུན་པའི་ནང་ཆུ་ངོས་ཀྱི་རྒྱ་ཁྱོན་སྤྱི་ཆིང326དང་། སྔོ་ལྗང་རྒྱ་ཁྱོན་སྤྱི་ཆིང506བསྐྲུན་རྗེས་ཀྱི་པེ་ཅིང་དགུན་དུས་ཨའོ་རྩལ་འགྲན་ཚོགས་སྤྱི་གླིང་གི་སྤྱིའི་རྒྱ་ཁྱོན་ལ་སྤྱི་ཆིང1142ཟིན་ཡོད། སྤྱི་ལོ2021ལོའི་ཟླ12པའི་ཚེས21ཉིན་པེ་ཅིང་དགུན་དུས་ཨའོ་རྩལ་འགྲན་ཚོགས་སྤྱི་གླིང་གི་མཚོན་རྟགས་རང་བཞིན་གྱི་མཛེས་ལྗོངས་མཚམས་ཚིགས་སུ“དགུན་དུས་ཨའོ་རྩལ་འགྲན་ཚོགས་ཀྱི་སྐོར་ལམ”དངོས་སུ་འགྲེམས་སྟོན་བྱས་པ་རེད། སྤྱི་ལོ2022ལོའི་ཟླ1པའོ་ཚེས21ཉིན་པེ་ཅིང་གི་སྤྱི་ལོ2022ལོའི་དགུན་དུས་ཨའོ་རྩལ་འགྲན་ཚོགས་དང་དགུན་དུས་དབང་སྐྱོན་ཨའོ་རྩལ་འགྲན་ཚོགས་ཀྱི་དཔལ་འབར་བརྒྱུད་སྤྲོད་ལམ་ཐིག་དངོས་སུ་ཁྱབ་བསྒྲགས་བྱས་པ་རེད། མེ་སོན་བསྡུ་རུབ་ཀྱི་མཛད་སྒོ་མཇུག་འགྲིལ་རྗེས་དཔལ་འབར་བརྒྱུད་སྤྲོད་དེ་པེ་ཅིང་དགུན་དུས་ཨའོ་རྩལ་འགྲན་ཚོགས་སྤྱི་གླིང་སོགས་སུ་སྤེལ་བ་རེད།
སྤྱི་ལོ2022ལོའི་པེ་ཅིང་དགུན་དུས་ཨའོ་རྩལ་འགྲན་ཚོགས་དང་དགུན་དུས་དབང་སྐྱོན་ཨའོ་རྩལ་འགྲན་ཚོགས་ཀྱི་ཤུལ་བཞག་འཐབ་ཇུས་འཆར་གཞི།
《སྤྱི་ལོ2022ལོའི་པེ་ཅིང་དགུན་དུས་ཨའོ་རྩལ་འགྲན་ཚོགས་དང་དགུན་དུས་དབང་སྐྱོན་ཨའོ་རྩལ་འགྲན་ཚོགས་ཀྱི་ཤུལ་བཞག་འཐབ་ཇུས་འཆར་གཞི》ནི་སྤྱི་ལོ2019ལོའི་ཟླ2པའི་ཚེས19ཉིན་པེ་ཅིང་དགུན་དུས་ཨའོ་རྩལ་འགྲན་ཚོགས་སྒྲིག་འཛུགས་ཨུ་ལྷན་གྱིས་ཁྱབ་བསྒྲགས་བྱས་པའི་འཆར་གཞི་ཞིག་རེད།
སྤྱི་ལོ2022ལོའི་པེ་ཅིང་དགུན་དུས་ཨའོ་རྩལ་འགྲན་ཚོགས་ཀྱི་འགྲན་ཞུགས་ལག་བསྟར་རྩ་གནད།
《སྤྱི་ལོ2022ལོའི་པེ་ཅིང་དགུན་དུས་ཨའོ་རྩལ་འགྲན་ཚོགས་ཀྱི་འགྲན་ཞུགས་ལག་བསྟར་རྩ་གནད》ནི་མ་ལག་རང་བཞིན་དང་འཆར་གཞིའི་རང་བཞིན་ལྡན་པའི་སྒོ་ནས་པེ་ཅིང་དགུན་དུས་ཨའོ་རྩལ་འགྲན་ཚོགས་ཀྱི་ལས་དོན་ཁག་ལ་ཤུགས་སྣོན་རྒྱག་ཆེད་ཡིན་པ་དང་། ཀྲུང་གོའི་རྒྱལ་ཁབ་ལུས་རྩལ་སྤྱི་ཁྱབ་ཅུའུ་ཡིས་གཏན་འབེབས་བྱས་པའི་ལག་བསྟར་རྩ་གནད་ཅིག་ཡིན། སྤྱི་ལོ2018ལོའི་ཟླ9པའི་ཚེས5ཉིན་རྒྱལ་ཁབ་ལུས་རྩལ་སྤྱི་ཁྱབ་ཅུའུ་ཡིས《སྤྱི་ལོ2022ལོའི་པེ་ཅིང་དགུན་དུས་ཨའོ་རྩལ་འགྲན་ཚོགས་ཀྱི་འགྲན་བསྡུར་ལག་བསྟར་རྩ་གནད》ཁྱབ་བསྒྲགས་བྱས་པ་རེད།
སྤྱི་ལོ2022ལོའི་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་འགྲན་ཞུགས་ཞབས་ཞུའི་འགན་སྲུང་ལས་ཀའི་འཆར་གཞི།
《སྤྱི་ལོ2022ལོའི་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་འགྲན་ཞུགས་ཞབས་ཞུའི་འགན་སྲུང་ལས་ཀའི་འཆར་གཞི》ནི་མ་ལག་རང་བཞིན་དང་འཆར་གཞིའི་རང་བཞིན་ལྡན་པའི་སྒོ་ནས་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་ལས་དོན་ཁག་ལ་ཤུགས་སྣོན་རྒྱག་ཆེད་ཡིན་པ་དང་། ཀྲུང་གོའི་རྒྱལ་ཁབ་ལུས་རྩལ་སྤྱི་ཁྱབ་ཅུའུ་ཡིས་གཏན་འབེབས་བྱས་པའི་ལས་ཀའི་འཆར་གཞི་ཞིག་ཡིན། སྤྱི་ལོ2018ལོའི་ཟླ9པའི་ཚེས5ཉིན་རྒྱལ་ཁབ་ལུས་རྩལ་སྤྱི་ཁྱབ་ཅུའུ་ཡིས《སྤྱི་ལོ2022ལོའི་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་འགྲན་ཞུགས་ཞབས་ཞུའི་འགན་ལེན་ལས་དོན་གྱི་འཆར་གཞི》ཁྱབ་བསྒྲགས་བྱས་པ་རེད།
ལས་བཟོ་བའི་ལུས་རྩལ།
ལས་བཟོ་བའི་ལུས་རྩལ་ནི་སྤྱི་ཚོགས་ལུས་རྩལ་གྱི་གྲུབ་ཆ་ཞིག་ཡིན། བཟོ་ཚོང་དང་། ཁེ་ལས། ལས་ཁུངས། ཚོགས་པ་སོགས་ཀྱི་ལས་བཟོ་པའི་ཁྲོད་དུ་སྤེལ་བའི་ལུས་རྩལ་སྦྱོང་བརྡར་གྱི་བྱེད་སྒོ་ཞིག་ཡིན། དེའི་དམིགས་ཡུལ་ནི་ལས་བཟོ་བའི་བདེ་ཐང་ཆུ་ཚད་མཐོ་རུ་གཏོང་བ་དང་། སེམས་ཁམས་སྙོམས་སྒྲིག་བྱེད་པ། ཁོར་ཡུག་སྣ་ཚོགས་འཕྲོད་ནུས་ཆེ་རུ་གཏོང་བ། ལས་རིགས་ཀྱི་ནད་སྔོན་འགོག་བྱེད་པ་བཅས་ཡིན། ལས་བཟོས་ལྟ་འདོད་ཅིང་ཉན་སྤྲོ་བའི་ལུས་རྩལ་རྣམ་གྲངས་དང་ལས་རིགས་ལས་གནས་ཀྱི་ངལ་རྩོལ་ཁྱད་ཆོས་དང་འཚམ་པའི་ལུས་སྦྱོང་དང་རོལ་རྩེད་ལ་ཕན་པའི་སྦྱོང་བརྡར་རྣམ་གྲངས་སྣ་ཚོགས་གཙོ་བོར་འཛིན་དགོས། རྣམ་པ་ནི་ལས་ཀར་མ་ཞུགས་གོང་གི་ལུས་རྩལ་དང་། ལས་གསེང་ལུས་སྦྱོང་གི་སྦྱོང་བརྡར་ཆུང་གྲས་སམ་འགྲན་བསྡུར་གྱི་བྱེད་སྒོ། སྟབས་བདེའི་ལུས་རྩལ་འགྲན་ཚོགས་སོགས་ཡོད།
མཚོ་སྔོན་ཞིང་ཆེན་གྱི་གྲངས་ཉུང་མི་རིགས་སྲོལ་རྒྱུན་ལུས་རྩལ་འགྲན་ཚོགས་སྐབས་དྲུག་པ།
2017ལོའི་ཟླ8པའི་ཚེས14ཉིན།མཚོ་སྔོན་ཞིང་ཆེན་གྱི་གྲངས་ཉུང་མི་རིགས་སྲོལ་རྒྱུན་ལུས་རྩལ་འགྲན་ཚོགས་སྐབས་དྲུག་པ་མཚོ་ལྷོ་ཁུལ་གསེར་ཆེན་རྫོང་དུ་གཟབ་རྒྱས་ངང་བསྡུས་ཤིང་། ཞིང་ཆེན་ཡོངས་ཀྱི་འཐུས་ཚབ་རུ་ཁག19ཡི་འགྲན་ཞུགས་པ1656འགྲན་སྡུར་ལ་ཞུགས། ཐེངས་འདིའི་འགྲན་ཚོགས་ནི་མཚོ་སྔོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་དང་མཚོ་སྔོན་ཞིང་ཆེན་ལུས་རྩལ་ཅུའུ་གཉིས་ཀྱིས་གཙོ་སྒྲུབ་དང་། མཚོ་ལྷོ་ཁུལ་མི་དམངས་སྲིད་གཞུང་གིས་འགན་སྒྲུབ་གནང་བ་རེད།
ཀྲུང་གོའི་ཨོ་ལིན་ཕི་ཁུ་ཨུ་ཡོན་ལྷན་ཚོགས།
ཀྲུང་གོའི་ཨོ་ལིན་ཕི་ཁུ་ཨུ་ཡོན་ལྷན་ཚོགས་ནི་སྤྱི་ལོ1910ལོར་པེ་ཅིན་ནས་འཚོགས་ཏེ་སྤྱི་ལོ1922ལོར་རྒྱལ་སྤྱིའི་ཨོ་ལིན་ཕི་ཁུ་བྱ་འགུལ་ལ་སྐུལ་འདེད་བྱེད་པའི་དམངས་ཚོགས་རང་བཞིན་དང་། ཁེ་ལས་མ་ཡིན་པའི་ལུས་རྩལ་གྱི་རྩ་འཛུགས་ཤིག་ཡིན་ལ། དེས་ཀྲུང་གོ་རྒྱ་སྤྱིའི་ཨོ་ལིན་ལུས་རྩལ་འགྲན་ཚོགས་ཀྱི་ལས་དོན་ལ་ཞུགས་པ་མཚོན།
ཨོ་ཡོན་གྲོང་ཚོ།
ཨོ་ཡོན་གྲོང་ཚོ་ལ་ཨོ་ལིན་ཕི་ཁུ་གྲོང་ཚོ་ཡང་ཟེར་ཞིང་། ཨོ་རྩལ་འགྲན་ཚོགས་གཙོ་སྒྲུབ་པས་ཨོ་ལིན་ལུས་རྩལ་ལ་ཞུགས་པའི་ལུས་རྩལ་པ་དང་། གཞུང་དཔོན། ལས་ཀ་བ་སོགས་སྡོད་གནས་ལ་བསྐྲུན་པའི་བསྟི་གནས་ཤིག་ཡིན་ལ། ལུས་རྩལ་འགྲན་བསྡུར་མགོ་མ་བརྩམ་པའི་སྔོན་གྱི་གཟའ་འཁོར་གཉིས་རིང་ལ་བེད་སྤྱོད་བྱེད་ཆོག་པ་དང་། འགྲན་བསྡུར་མཇུག་རྫོགས་ནས་ཉིན་གསུམ་གྱི་རྗེས་སུ་བེད་སྤྱོད་མཇུག་སྒྲིལ་བ་ཡིན།
དེང་རབས་ཨོ་ལིན་ཕི་ཁུ་ལུས་རྩལ།
དེང་རབས་ཨོ་ལིན་ཕི་ཁུ་ལུས་རྩལ་གྱི་བསམ་བློ་གཙོ་བོ་ནི་ཨོ་ལིན་ཕི་ཁུ་རིང་ལུགས་ཡིན། བྱ་འགུལ་གཙོ་བོ་ནི་ལུས་རྩལ་འགུལ་སྐྱོད་བྱེད་པ་དང་། ལོ་བཞིའི་ནང་ཐེངས་གཅིག་ལ་ཨོ་རྩལ་འགྲན་ཚོགས་གཟབ་རྒྱས་ངང་ཚོགས་པ་དང་། དེའི་དམིགས་ཡུལ་ནི་མིའི་སྐྱེ་ཁམས་དང་། སེམས་ཁམས། སྤྱི་ཚོགས་ཀྱི་ཀུན་སྤྱོད་སོགས་ཕྱོགས་ཡོངས་ནས་ཡར་རྒྱས་བཏང་ནས་རྒྱལ་ཁབ་སོ་སོའི་དབར་གྱི་རྒྱུས་ལོན་ལ་སྐུལ་འདེད་གནང་ནས་འཛམ་གླིང་ཞི་བདེ་ལ་སྲུང་སྐྱོབ་བྱ་རྒྱུ་དེ་ཡིན།
