མདའ་རྩལ།
མདའ་རྩལ་ལ་ལོ་རྒྱུས་ཀྱི་རྒྱུན་རིང་བ་དང་། དང་ཐོག་རྔོན་ལས་དང་དམག་འཁྲུག་སོགས་སུ་སྤྱོད་པ་ཡིན། སྔར་མདའ་བ་ཚང་མ་རྔོན་པ་ཡིན་པ་དང་། རྗེས་སུ་མདའ་རྩལ་དམག་འཁྲུག་ཏུ་སྤྱོད་པའི་མཚོན་ཆའི་རིགས་སུ་གྱུར། དེང་རབས་མདའ་རྩལ་ནི་ཆེས་ཐོག་མར་དབྱིན་ཇི་ནས་བྱུང་བ་ཡིན།
ལྕགས་རྟ་འགྲན་སྡུར།
ཨོ་རྩལ་འགྲན་ཚོགས་ཀྱི་ལྕགས་རྟ་འགྲན་སྡུར་ནི་སྤྱི་ལོ1896ལ་ཨ་ཐེན་སིའི་ཨོ་རྩལ་འགྲན་ཚོགས་སྐབས་དང་པོ་ནས་སྤེལ་ཅིང་། འགྲན་སྡུར་དེ་དུས་ཚོད12རིང་སྤེལ་ལ། འགྲན་ཞུགས་པས་ཞོགས་པའི་དུས་ཚོད5ནས་མགོ་བརྩམས་སྟེ་ཟ་མ་མི་ཟ་ལ་ངལ་ཡང་མི་གསོ་བར་འགྲན་རར་བསྐོར་བ900ལྷག་རྒྱག་དགོས། ས་རུབ་དུས་ད་གཟོད་འགྲན་སྡུར་མཇུག་བསྡུ་བའི་འགྲན་ཞུགས་རྣམ་གྲངས་ཤིག་རེད།
རྟ་རྩལ།
རྟ་རྩལ་ནི་སྤྱི་ལོ1900ལོའི་ཨོ་རྩལ་འགྲན་ཚོགས་སྟེང་ཐོག་དང་པོར་ཞུགས་པ་དང་། དེའི་རྗེས་སྤྱི་ལོ1912ལོའི་ཨོ་རྩལ་འགྲན་ཚོགས་སྟེང་ཞུགས་པ་རེད། རྟ་རྩལ་ལ་དབྱེ་ན་འགྲན་སྡུར་རྣམ་གྲངས་གསུམ་ཡོད་དེ། བཀག་བརྒལ་འགྲན་སྡུར་དང་གར་སྟབས་ཞོན་རྩལ། སྣ་འཛོམས་ཀུན་ཐུབ་རྟ་རྩལ་འགྲན་སྡུར་ཏེ། ཉིན་གསུམ་ལ་འགྲན་སྡུར་བྱེད་པ་ཡིན།
མེ་མདའ་འཕེན་རྩལ།
མེ་མདའ་འཕེན་རྩལ་ནི་མེ་མདའ་ཡིས་འབེན་ལ་རྒྱག་པའི་ལུས་རྩལ་འགྲན་བསྡུར་གྱི་རྣམ་གྲངས་ཤིག་ཡིན་པ་དང་། དེ་ནི་གནའ་རབས་ཀྱི་རི་དྭགས་རྔོན་སྟངས་ནས་ལུས་རྩལ་བྱ་འགུལ་དུ་གྱུར་པ་ཞིག་ཡིན།
གནས་གཏན་ལུས་རྩལ།
གནས་གཏན་ལུས་རྩལ་ཞེས་པ་ནི་ས་ཁྲ་དང་ཕྱོགས་སྟོན་འཁོར་ལོ་བཅས་ལ་བརྟེན་ནས། གཏན་ཁེལ་བྱས་ཟིན་པའི་ཁ་ཕྱོགས་ལ་གཞིགས་ཏེ་རང་མོས་ཀྱིས་མདུན་སྐྱོད་ཀྱི་ལམ་བུ་བདམས་པ་བརྒྱུད་ས་ཁྲའི་སྟེང་བསྟན་པའི་ས་གནས་ཁག་ཅིག་ཏུ་ཐོན་པར་བྱེད་དགོས་པའི་ལུས་ཤུགས་དང་ཀླད་ཤུགས་མཉམ་འབྲེལ་གྱི་ལུས་རྩལ་ཞིག་ཡིན།
རླངས་འཁོར་ལས་འགུལ།
རླངས་འཁོར་ལས་འགུལ་ནི་རླངས་འཁོར་གཞུང་ལམ་དང་རི་ཐང་ནས་རྒྱུགས་སྐབས་ཀྱི་མྱུར་ཚད་དང་ཁ་ལོ་བའི་ལག་རྩལ། རླངས་འཁོར་གྱི་སྤུས་ཀ་སོགས་བསྡུར་བའི་འགྲན་སྡུར་ཞིག་ཡིན།
མདའ་འཕེན།
མདའ་འཕེན་ནི་གཞུ་ཡི་ལྡེམ་ཤུགས་ལ་བརྟེན་ནས་མདའ་འཕེན་པ་དང་། བར་ཐག་ངེས་ཅན་ཞིག་གི་ནང་དུ་གནད་ལ་འཁེལ་མིན་གྱི་ལུས་རྩལ་འགྲན་བསྡུར་བྱེད་པ་ལ་ཟེར་ཞིང་། དེ་ལ་མདའ་འཕེན་ལུས་རྩལ་ཟེར། ལོ་ངོ་ཁྲི1སྔོན་གྱི་རྡོ་ཆས་སྤྱོད་པའི་དུས་རབས་སུ། མིའི་རིགས་ཀྱིས་མདའ་གཞུ་སྤྱད་ནས་རི་དྭགས་རྔོན་པ་དང་ཉ་འཛིན་ཚུལ་གསར་གཏོད་བྱས་པ་དང་། དེའི་རྗེས་སུ་མདའ་གཞུ་ཡང་དམག་འཁྲུག་ལ་སྤྱོད་པའི་མཚོན་ཆའི་གྲས་ཤིག་ཡིན་ཞིང་། ད་ལྟའི་མདའ་འཕེན་ནི་མི་རྣམས་ཀྱིས་དགའ་མོས་ཡོད་པའི་ལུས་རྩལ་བྱ་འགུལ་དུ་བརྩིས་ནས་གནས་ཐུབ་པ་རེད། མདའ་འཕེན་གྱི་འབྱུང་ཁུངས་ནི་ཧ་ལམ་སྤྱི་ལོའི་སྔོན་གྱི་ལོ་ཁྲི5ཙམ་ལ་གཏུགས་ཆོག་པ་དང་། གནའ་བོའི་ཧྥེ་གླིང་དང་། ཡོ་རོབ། ཨེ་ཤ་ཡ་སོགས་ས་ཁུལ་དུ་དར་ཁྱབ་ཆེ་བ་རེད། ཀྲུང་གོས་རྡོ་ཆས་རྙིང་པའི་དུས་མཇུག་ནས་མདའ་གཞུ་གསར་གཏོད་བྱས་པ་དང་མདའ་གཞུ་ནི་མི་རྣམས་ཀྱིས་རི་དྭགས་རྔོན་པ་དང་དམག་དཔུང་གིས་དམག་རྒྱག་པའི་མཚོན་ཆ་གལ་ཆེན་ཞིག་ཡིན། དེང་རབས་མདའ་འཕེན་ལུས་རྩལ་ནི་དུས་རབས14བར་དབྱིན་ཇི་ནས་དར་བ་དང་། དེ་ནི་དྲག་རྩལ་བའི་དམག་དོན་དགོས་མཁོ་ནས་རོལ་རྩེད་བྱ་འགུལ་དུ་གྱུར། དུས་རབས16པར་མདའ་འཕེན་སྟངས་རིགས་གསུམ་བྱུང་བ་སྟེ། རིགས་དང་པོ་ནི་འབེན་ལ་མདའ་འཕེན་པ་དང་། རིགས་གཉིས་པ་ནི་སའི་འབེན་ལ་མདའ་འཕེན་པ། རིགས་གསུམ་པ་ནི་འཁྱམས་ནས་མདའ་འཕེན་པ་བཅས་ཡིན། འཛམ་གླིང་གི་མདའ་འཕེན་ལེགས་སྐྱེས་འགྲན་བསྡུར་རྣམ་གྲངས་གསུམ་ནི། འཛམ་གླིང་ཁང་ཕྱིའི་མདའ་འཕེན་ལེགས་སྐྱེས་འགྲན་བསྡུར་དང་། འཛམ་གླིང་གི་ཁང་བའི་ནང་གི་མདའ་འཕེན་ལེགས་སྐྱེས་འགྲན་བསྡུར། འཛམ་གླིང་གི་རི་ཐང་མདའ་འཕེན་ལེགས་སྐྱེས་འགྲན་བསྡུར་བཅས་ཡིན།
མདའ་འབེན།
མདའ་འབེན་ནི་མདའ་འཕེན་སའི་འབེན་ལ་ཟེར་ཞིང་རྒྱུ་ཆ་གཙོ་བོ་ནི་འབྲས་སོག་ཡིན་ཏེ། གནོན་སྣོན་སྒྲིག་ཆས་ལ་བརྟེན་ནས་བཟོས་པ་ཡིན།
ཚ་ཁའི་ལུས་རྩལ།
ཚ་ཁའི་ལུས་རྩལ་ནི་མེ་མདའ་འབེན་ལ་ཕོག་མིན་གྱིས་སྐར་འབྲས་སྟེར་བའི་འགྲན་བསྡུར་གྱི་རྣམ་གྲངས་ཤིག་ཡིན།
ལྕགས་རྟ།
ལྕགས་རྟ་ནི་མིའི་རྐང་ཤུགས་ལ་བརྟེན་ནས་འཁོར་བསྐྱོད་བྱེད་ཀྱིན་པའི་འཁོར་ལོ་གཉིས་ཅན་གྱི་འགྲིམ་འགྲུལ་ཡོ་བྱེད་ཅིག་ཡིན་ལ། མིང་གཞན་ལ་རྐང་འཁོར་ཡང་ཟེར། ལྕགས་རྟ་ལ་འཛེར་སྒྲ་མེད་པ་དང་། འཁོར་ཡུག་སྦགས་པར་མི་བྱེད་པ། བོངས་ཚད་ཆུང་ཞིང་ཡང་བ། སྒྲིག་རིམ་སྟབས་བདེ་ཡིན་པ། བཟོ་སྐྲུན་གྱི་མ་དངུལ་ཉུང་བ་དང་། བཀོལ་སྤྱོད་དང་ཞིག་གསོ་སྟབས་བདེ་བ་སོགས་ཀྱི་ཁྱད་ཆོས་ཡོད་པ་མ་ཟད། དངོས་ཟོག་འགྲུལ་སྐྱེད་གྱི་ཡོ་བྱད་དུ་སྤྱོད་ཆོག་ལ། ལུས་ཕུང་སྦྱོང་བརྡར་ཡང་བྱེད་ཆོག་པས། མི་རྣམས་ཀྱི་བཀོལ་ཚད་ཤིན་ཏུ་ཆེ།
སྒ་རྩལ།
སྒ་རྩལ(Pommel horse)ཞེས་པ་སྐྱེས་པའི་རྩལ་འགྲན་ལུས་སྦྱོང་གི་རྣམ་གྲངས་ཤིག་ཡིན་ལ། དང་ཐོག་ཡོ་རོབ་གླིང་དུ་བྱུང་ཞིང་། རོ་མ་པ་དག་གི་རྟ་རྩལ་སྦྱོང་བརྡར་ཞིག་ཡིན། དུས་རབས19པའི་དུས་མགོར་འཇམ་མན་གྱི་ལུས་སྦྱོང་ཆེད་མཁས་པF.L.ཡིས་རྟ་སྒ་ལུས་སྦྱོང་ཡོ་ཆས་སྤྱད།
| ར་ཕྱིའི་ལུས་རྩལ། བརྡ་འགྲེལ 11 ཡོད། |