རྨ་ཆུའི་ཧུའུ་ཁོའུ་རྦབ་ཆུ།
ཧྲན་ཞི་ཞིང་ཆེན་གྱི་ཅི་རྫོང་གི་ནུབ་ལྷོའི་སྟོང་སྨི་ཉེར་ལྔ་ཆོད་པའི་སར། ཀྲུང་གོའི་རྦབ་ཆུ་ཆེན་པོ་གཉིས་པར་གྲགས་པའི་རྨ་ཆུའི་ཧུའུ་ཁོའུ་རྦབ་ཆུ་ཡོད།གསེར་འབྲུག་མཁའ་ནས་འཁྱུག་འདྲའི་རྨ་ཆུ་དེ་ལྷོ་ནས་བྱང་དུ་རྦ་རླབས་ཆལ་ཆིལ་གཡོ་བཞིན་ས་སེར་མཐོ་སྒང་གི་ཆིན་ཅིན་གྲོག་རོང་ཆེན་པོའི་བར་རྒྱུད་དུ་བསླེབས་དུས། གློ་བུར་དུ་ཆུ་རྒྱུན་ཆད་པ་ཇི་བཞིན་མཐོང་ལམ་དུ་ཡལ་མོད། ཆལ་ཆིལ་དུ་རྒྱུ་བའི་ཆུ་བོ་བྱེ་འདམ་དང་ལྷན་དུ་སྨི་བཅུ་ཕྲག་ལྷག་ཡོད་པའི་མཐོ་ས་ནས་ཐུར་དུ་གཞོལ་ཅིང་བྲག་ལ་བརྡབས་པས་ཆུ་རྡུལ་ལང་ལོང་འཕྱུར་ཏེ། རྟ་དམག་ཁྲི་ཕྲག་མང་བོ་རྡུལ་འཚུབ་དང་བཅས་བང་གིས་རྒྱུག་པ་དང་མཚུངས་པས་བརྗིད་ཉམས་ལྡན་པ་ཞིག་རེད།
བདུད་ཤུལ་ཡོ་རིས།
བདུད་ཤུལ་ཡོ་རིས་ཞེས་པ་ནི་མིས་ཆེད་དུ་བསྐྱིལ་བའི་རྫིང་བུ་ཞིག་གི་མིང་ཡིན་ལ། ཡུལ་འདིའི་ཁ་སྐད་དུ་ཆེད་བསྐྱིལ་རྫིང་བུ་ལ་ཡོ་རིས་ཟེར། རྫིང་བུའམ་ཡོ་རིས་འདི་ནི་མཚོ་ལྷོ་ཁུལ་གསེར་ཆེན་རྫོང་ཐང་སྐར་མ་གྲོང་རྡལ་སྲིད་གཞུང་གི་ལྷོ་ཕྱོགས་ན་ཡོད།
ཆུའི་ཐོན་ཁུངས།
ཆུ་ནི་ཚེ་སྲོག་གི་འབྱུང་རྩ་ཡིན་ཞིང་དེས་སའི་གོ་ལའི་ཐོག་གི་ཚེ་སྲོག་ལྡན་པ་ཐམས་ཅད་སྐྱེ་འཕེལ་དང་འཚོ་གནས་ཐུབ་པ་བྱེད་ཀྱི་ཡོད། གཞན་ཡང་ཆུ་ནི་རང་བྱུང་ཐོན་ཁུངས་གཙོ་བོ་ཞིག་ཡིན་ཏེ་མི་རྣམས་རྒྱུན་གཏན་གྱི་འཚོ་ཆུ་དང་བཟོ་ཞིང་ཐོན་སྐྱེད་ལས་རིགས་ཐད་བེད་སྤྱོད་གཏོང་བའི་ཆུ་མཁོ་སྤྲོད་བྱེད་ཀྱི་ཡོད།
གོ་རའི་གཞུང་ཆུ།
གོ་རའི་གཞུང་ཆུ་ཞེས་པ་ནི་མཚོ་ལྷོ་ཁུལ་ཁྲི་ཀ་རྫོང་འཕྲང་དམར་གྲོང་རྡལ་ཁོངས་རོལ་གྱི་གོ་རའི་ལུང་ཁོག་ཧྲིལ་བོ་བརྒྱུད་ནས་འབབ་ཀྱིན་ཡོད་དེ། འདིའི་འབྱུང་ཁུངས་ནི་འཕྲང་དམར་གྲོང་རྡལ་སྲིད་གཞུང་གི་ལྷོ་ཕྱོགས་སུ་སྤྱི་ལེ70ལྷག་གི་མཚམས་ཀྱི་བྲག་དཀར་རྫ་འདབས་ལ་ཐུག་ཡོད།
ཆུ་ནག་ཆུ་ཁོལ།
ཆུ་ནག་ཆུ་ཁོལ་ཞེས་པ་ནི་མཚོ་ལྷོ་ཁུལ་ཁྲི་ཀ་ལ་ཟེ་བ་གྲོང་རྡལ་སྲིད་གཞུང་གི་ནུབ་བྱང་ཕྱོགས་སུ་ཧ་ལམ་སྤྱི་ལེ20ཡི་མཚམས་ན་ཡོད། ཆུ་ཁོལ་འདིའི་ས་ངོས་སུ་བུད་པའི་ཆུའི་ཚ་ཚད་ནི86℃ཡིན། འདིའི་ཉིན་རེའི་ཆུའི་ཐོན་ཚད་ནི་ཏུན1175ཡིན།
བྲག་དཀར་ཆུ་ཁོལ།
བྲག་དཀར་ཆུ་ཁོལ་ཞེས་པ་ནི་མཚོ་ལྷོ་ཁུལ་མང་རྫོང་མགོ་མང་གཞོངས་གྲོང་རྡལ་སྲིད་གཞུང་གི་ཤར་ཕྱོགས་སུ་ཧ་ལམ་སྤྱི་ལེ60ཡིས་ཆོད་པའི་མཚམས་ཏེ། མོ་ཆུ་ལུང་བའི་ནགས་ཁུལ་དུ་ཡོད་ཅིང་། གནས་འདིའི་རི་བོ་དག་ལྗང་མདོག་གིས་བཀླུབས་ཡོད་ལ། ཆུ་བོའང་དྭངས་ཤིང་གཙང་བས་ན་འདི་གའི་ཡུལ་ལྗོངས་ལྟ་ན་སྡུག འདི་གར་ལྷ་མོ་ཆུ་ཁོལ་དང་མགོན་པོ་ལེགས་ལྡན་གྱི་ཆུ་ཁོལ། སྨན་བླའི་ཆུ་ཁོལ་སོགས་ཆུ་ཚན་ཆེ་ཆུང24ཡོད། ཆུའི་ཚ་ཚད་ལ 40℃-63℃ཡོད།
གཙང་དགེ་ཆུ་ཁོལ།
གཙང་དགེ་ཆུ་ཁོལ་ཞེས་པ་ནི་མཚོ་ལྷོ་ཁུལ་ཁྲི་ཀ་རྫོང་ཀབ་རོན་གཞུང་ཡུལ་ཚོ་སྲིད་གཞུང་གི་ཤར་ལྷོའི་ཕྱོགས་སུ་ཧ་ལམ་སྤྱི་ལེ10ཡི་མཚམས་ན་ཡོད་ཅིང་། འདི་ནི་མཐོ་ཚད་ལ་སྨི5ལྷག་ཡོད་པའི་བྲག་གསེང་ནས་ཕྱིར་འཐོར་བའི་ཚུལ་གྱིས་བརྡོལ་བཞིན་པ་ཞིག་ཡིན། ཆུའི་དྲོད་ཚད་ནི་ཏུའུ30ལྷག་ཙམ་ཡིན།
བྱ་ཆུ།
བྱ་ཆུ་ནི་བྱ་མདོའི་ལུང་བར་རྒྱུ་བའི་ཆུ་ཡིན་པས་བྱ་ཆུར་འབོད་ཅིང་ཆུ་མགོ་ཡན་ལག་གཉིས་ཡོད།
མོ་ཅོག་ཆུ།
མོ་ཅོག་ཆུ་ནི་མགོ་རྩེ་ཁོག་ནས་འབབ་ཅིང་བྲག་དཀར་གྱི་ཀབ་རོན་ཁོག་བརྒྱུད་ནས་རྨ་ཆུར་འབབ་པའི་ཆུ་བོ་ཞིག
རྨ་ཆུ།
རྨ་ཆུ་ནི་མཚོ་སྔོན་གྱི་བ་ཡན་ཧ་རིའི་རྩ་ནས་བྱུང་སྟེ་སི་ཁྲོན་དང་ཀན་སུའུ། ཉིན་ཞ། ནང་སོག ཧྲན་ཞི། སན་ཞི། ཧོ་ནན། ཧྲན་ཏུང་བཅས་ཞིང་ཆེན་དགུ་བརྒྱུད་ནས་རྒྱ་མཚོར་འབབ་པའི་ཆུ་བོ་ཞིག་ཡིན་ཞིང་རིང་ཚད་སྤྱི་ལེ5464ཡོད་ཅིང་ཀྲུང་གོའི་ཆུ་བོ་ཨང་གཉིས་པ་ཡིན། འཛམ་གླིང་གི་ཆུ་བོ་ཆེན་པོ་ཨང་ལྔ་བའི་གྲས་ཡིན།
མེ་ལོང་།
ཆུ་བོ་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་གྱི་ལྷོ་ཕྱོགས་སུ་འབབ་ཀྱིན་ཡོད།
མེ་ལོང་སྐེད།
ཆུ་བོ་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་གྱི་ལྷོ་ཕྱོགས་སུ་འབབ་ཀྱིན་ཡོད།
ཀྱ་ཀྱུ་ཆུ།
ཆུ་བོ་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་ཤར་ཕྱོགས་ཀྱི་སྤྱི་ལེ8ཡས་མས་སུ་ཡོད།
ལྗང་མེར་ཆུ་མགོ
ཆུ་མགོ་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་ལྷོ་ཕྱོགས་ཀྱི་སྤྱི་ལེ25ཡས་མས་སུ་ཡོད།
ཐོད་ལོག་ཆུ་མགོ
ཆུ་མགོ་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་ལྷོ་ཕྱོགས་ཀྱི་སྤྱི་ལེ16ཡས་མས་སུ་ཡོད།
ནགས་མེར་ཆུ།
ས་མིང་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་ལྷོ་ཕྱོགས་ཀྱི་སྤྱི་ལེ17ཡས་མས་སུ་ཡོད།
ཀླུ་མང་ཆུ།
ས་མིང་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་ལྷོ་ཕྱོགས་ཀྱི་སྤྱི་ལེ33ཡི་མཚམས་སུ་ཡོད།
ཆུ་ལུང་ཆུ་མགོ
ས་མིང་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་ཤར་ཕྱོགས་ཀྱི་སྤྱི་ལེ28ཡས་མས་སུ་ཡོད།
རྭ་འཁྱོག་ཆུ་མཛོད།
ས་མིང་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་ཤར་ཕྱོགས་ཀྱི་སྤྱི་ལེ38ཡས་མས་སུ་ཡོད།
རྭ་འཁྱོག་ཀླད་གདོང་ཆུ་མགོ
ས་མིང་ཞིག་ཡིན་ཏེ། ཐེམ་ཆེན་རྫོང་ཤེས་ཡོན་གྲོང་རྡལ་ཤར་ཕྱོགས་ཀྱི་སྤྱི་ལེ41ཡས་མས་སུ་ཡོད།