དར་མའི་སློབ་གསོ།
ཉིན་ཧྲིལ་བོའི་ལམ་ལུགས་ཀྱི་སློབ་ཁྲིད་རྣམ་པ་དང་མི་འདྲ་བའི་སློབ་གསོའི་རྣམ་པ་ཞིག་ཡིན། དེ་ལ་ལོ་དང་ཕོ་མིའི་ཚད་བཀག་མེད་པར་མ་ཟད། སློབ་གསོའི་རྣམ་པ་འདི་བརྒྱུད་ནས། སྤྱི་ཚོགས་སྟེང་གི་མི་དར་མའི་ནུས་པ་བསྐྱེད་སྲིང་དང་ཤེས་བྱ་ཕུན་སུམ་ཚོགས་པར་བྱེད་པ། ལག་རྩལ་མཐོར་འདེགས། ཆེད་ལས་ཐོབ་ཐང་སོགས་མཐོར་འདེགས་གཏོང་བའམ་ཡང་ན་ཁོ་ཚོ་ཁ་ཕྱོགས་གསར་བར་འཁྲིད་དེ་མིའི་ཕྱོགས་ཡོངས་འཕེལ་རྒྱས་དང་སྤྱི་ཚོགས་དཔལ་འབྱོར། རིག་གནས་ཀྱི་དོ་མཉམ་སོགས་ཀྱི་འཕེལ་རྒྱས་ཐད་ཀྱི་རྣམ་འགྱུར་དང་སྤྱོད་ལམ་ལ་འགྱུར་བ་གཏོང་ཐུབ།
དར་མའི་མཐོ་རྒྱུགས།
དར་མའི་མཐོ་རིམ་སློབ་གྲྭའི་སློབ་བསྡུ་གཅིག་གྱུར་རྒྱུགས་ལེན་གྱི་བསྡུས་མིང་ཡིན། དེ་ནི་རང་རྒྱལ་དར་མའི་མཐོ་རིམ་སློབ་གྲྭས་ཚད་ལྡན་གྱི་མཐར་ཕྱིན་སློབ་མ་འདེམས་ཏེ་རིམ་པ་མཐོ་བའི་བསླབས་རིམ་སློབ་གསོའི་སློབ་ཞུགས་རྒྱུགས་ལེན་ཡིན། རྒྱལ་དམངས་སློབ་གསོའི་མ་ལག་ཁོངས་གཏོགས་ཡིན་ལ་རྒྱལ་ཁབ་ཀྱི་སློབ་བསྡུ་འཆར་གཞི་ནང་བཅུག་ཡོད་ལ། རྒྱལ་ཡོངས་གཅིག་གྱུར་རྒྱུགས་ལེན་ནང་ཞུགས་རྗེས་ཞིང་ཆེན་དང་རང་སྐྱོང་ཁུལ། ཐད་གཏོགས་གྲོང་ཁྱེར་གྱིས་གཅིག་གྱུར་རྩ་འཛུགས་སྒོས་སྡུད་ལེན་བྱེད་དགོས།
ལས་ཞོར།
བྱ་བའི་དུས་ཚོད་ཀྱི་རྗེས་དང་རང་གི་ལས་གནས་ཀྱི་བྱ་བ་ཕུད་པའི་དོན་དག ཡང་ན་ཆེད་ལས་མ་ཡིན་པར་གོ་དགོས།
རྒྱང་བསྲིང་སློབ་གསོ།
སློབ་གསོ་པུའུ་ཡིས་ཡིག་ཆའི་ནང་དུ་དེང་རབས་རྒྱང་བསྲིང་སློབ་གསོའི་ནང་དུ་དྲ་རྒྱའི་སློབ་གསོ་ཟེར་ལ། དེ་ཡང་དར་མའི་སློབ་གསོའི་བསླབས་རིམ་ནང་གི་རིགས་གཅིག་ཡིན། བརྙན་འཕྲིན་དང་དྲ་རྒྱ་སོགས་བརྒྱུད་བསྒྲགས་སྨྱན་བྱེད་ཀྱི་སློབ་གསོའི་རྣམ་པ་ཡིན། དེའི་བར་སྟོང་གི་ཚད་བཀག་ལས་བརྒལ་བར་བྱས་པ་ལས་སྲོལ་རྒྱུན་གྱི་སློབ་ཁང་སློབ་གསོའི་རྣམ་པའི་ཁྱད་པར་ཡོད། རྣམ་པ་འདི་ལས་སློབ་སྦྱོང་བྱེད་པའི་སློབ་མ་ནི་ལས་ཞོར་གྱི་སློབ་སྦྱོང་བྱེད་མཁན་ཡིན་ལ། སློབ་ཁྲིད་བྱེད་སའི་གནས་གཏན་འཁེལ་མེད་སྟབས་ག་ས་གང་དུ་སློབ་ཁྲིད་བྱས་ཀྱང་ཆོག སློབ་མས་རྒྱང་བསྒྲགས་བརྙན་འཕྲིན་དང་དྲ་རྒྱ། ཟབ་སྦྱོང་ཆེད་ལམ། སློབ་ཁྲིད་ཞིབ་འཇུག་ཁང་། ཁ་གཏད་སོགས་བརྒྱུད་ལམ་མི་འདྲ་བ་སོ་སོ་ནས་ཕན་ཚུན་ལ་སློབ་སྦྱོང་ལ་བྱེད་པ་ཡིན་ལ། དེང་རབས་ཆ་འཕྲིན་ལག་རྩལ་བཀོལ་སྤྱོད་ཀྱི་སློབ་གསོའི་རྗེས་ནས་ཐོན་པའི་མཚན་ཉིད་གསར་བའི་སློབ་གསོ་ཡིན་ལ་དེ་ནི་དྲ་རྒྱའི་ལག་རྩལ་དང་ཁོར་ཡུལ་ལས་སྤེལ་བའི་སློབ་གསོ་ཡིན། སློབ་མའི་བསྡུ་ལེན་ལ་ལོ་ཚད་དང་སྔོན་གྱི་བསླབས་རིམ་གྱི་ཚད་བཀག སྤྱི་ཚོགས་སྟེང་དུ་གོམ་པ་སྤོས་ཟིན་པའི་མང་ཚོགས་ཡོད་ཚད་ལ་བསླབས་རིམ་འཕེར་བའི་གོ་སྐབས་བསྐྲུན་པ་ཡིན།
སྦྲག་ཁྲིད།
སྦྲག་ཁྲིད་ནི་སློབ་ཁྲིད་ཀྱི་རྣམ་པ་ཞིག་ཡིན་ལ། གཙོ་བོ་སྦྲག་ཡིག་གམ་སྨྱན་བྱེད་གཞན་དག་བརྒྱུད་དེ་སློབ་སྦྱོང་བྱེད་པའི་བརྒྱུད་རིམ་ལ་གོ། སྦྲག་ཁྲིད་ནི་དར་མའི་མཐོ་རྒྱུགས་ཀྱི་སློབ་སྦྱོང་གི་རྣམ་པ་ཞིག་ཡིན་ལ། དར་མའི་མཐོ་རྒྱུགས་ལ་ལས་ཞོར་དང་ལས་བྲལ་གྱི་སློབ་སྦྱོང་རྣམ་པ་ཡང་ཡོད། རྒྱལ་ཁབ་གཅིག་གྱུར་གྱི་དར་མའི་མཐོ་རྒྱུགས་ལས་སྡུད་ལེན་བྱེད་པ་དང་སྡུད་ལེན་བརྡ་ཐོ་སྟེར་བ། རྒྱལ་དམངས་སློབ་གསོའི་ཁོངས་གཏོགས་དང་བསླབས་རིམ་རྒྱལ་ཁབ་ཀྱིས་ཁས་ལེན་བྱེད་པ་ཡིན། རྒྱལ་ཁབ་གཅིག་གྱུར་གྱི་དར་མའི་མཐོ་རྒྱུགས་ལ་ཞུགས་དགོས་པ་དང་ཞིང་ཆེན་དང་རང་སྐྱོང་ས་ཁུལ་ནས་གཅིག་གྱུར་གྱིས་བསྡུ་ལེན་བྱེད་པ་ཡིན།
མུ་མཐུད་སློབ་གསོ།
མུ་མཐུད་སློབ་གསོ་ནི་སློབ་གྲྭའི་སློབ་གསོར་ཁ་ཕྱོགས་རྗེས་སྤྱི་ཚོགས་སྟེང་གི་མི་སྟེ་ལྷག་པར་དུ་དར་མའི་སློབ་གསོའི་བྱ་འགུལ་དང་། ཚེ་གང་སློབ་གསོའི་མ་ལག་ཀྱི་གྲུབ་ཆ་གཙོ་བོ་ཡིན། འཛམ་གླིང་དཔལ་འབྱོར་སྤྱི་ཚོགས་ཀྱིས་མུ་མཐུད་སློབ་གསོ་ལ་སྔར་ལས་མཐོ་བའི་རེ་བ་བཏོན་ལ། མུ་མཐུད་སློབ་གསོའི་ལག་ལེན་ཁྱབ་ཁོངས་མུ་མཐུད་འཕེལ་རྒྱས་དང་། ཞིབ་འཇུག་ཁྱབ་ཁོངས་ཀྱང་མུ་མཐུད་དུ་ཇེ་ཆེ་དང་གཏིང་ཇེ་ཟབ་ཏུ་སོང་ལ། ལྷག་པར་དུ་ཚེ་གང་སློབ་གསོའི་བསམ་བློར་མི་མང་པོས་སྔར་ལས་ལྷག་པར་དང་ལེན་བྱེད་ཀྱིན་ཡོད་ལ། མུ་མཐུད་སློབ་གསོ་དེ་དཔལ་འབྱོར་དང་སྤྱི་ཚོགས་ཁྲོད་ཀྱི་གོ་གནས། བྱེད་ནུས། ཐབས་བཀོད་སོགས་ལ་ཚད་ངེས་ཅན་གྱི་ཐོག་མའི་ངོས་འཛིན་དང་ལག་ལེན་བྱས་ལ། མུ་མཐུད་སློབ་གསོའི་ཞིབ་འཇུག་ལའང་འཕེལ་རྒྱས་ཆེན་པོ་ཐོན།
རང་སྦྱོང་རྒྱུགས་ལེན།
མཐོ་རིམ་སློབ་གསོའི་རང་སྦྱོང་རྒྱུགས་ལེན་གྱི་བསྡུས་མིང་ཡིན་ལ། 1981ལོར་རྒྱལ་སྲིད་སྤྱི་ཁྱབ་ཁང་གིས་ཆོག་མཆན་ཐོབ་སྟེ་བཙུགས་པ་ཡིན་ལ། རང་སྦྱོང་བྱེད་མཁན་དག་ལ་བསླབས་རིམ་རྒྱུགས་ལེན་གཙོ་བོ་བྱས་པའི་མཐོ་རིམ་སློབ་གསོའི་རྒྱལ་ཁབ་ཀྱི་རྒྱུགས་ལེན་ཡིན། སྒེར་གྱི་རང་སྦྱོང་དང་སྤྱི་ཚོགས་སློབ་སྐྱོར། རྒྱལ་ཁབ་ཀྱི་རྒྱུགས་ལེན་མཉམ་འབྲེལ་བྱས་པའི་མཐོ་རིམ་སློབ་གསོའི་རྣམ་པ་ཡིན་ལ། རང་རྒྱལ་གྱི་སྤྱི་ཚོགས་རིང་ལུགས་མཐོ་རིམ་སློབ་གསོའི་མ་ལག་གི་གྲུབ་ཆ་གཙོ་བོ་ཁག་ཡིན། རྒྱལ་ཁབ་ཀྱི་རྒྱུགས་ལེན་ལས་སྒེར་གྱི་རང་སྦྱོང་དང་སྤྱི་ཚོགས་སློབ་སྐྱོར་ལ་སྐུལ་འདེད་བྱེད་པའི་བྱ་འགུལ་ཞིག་དང་། རྩ་ཁྲིམས་གཞིར་བཟུང་ནས་རང་སྦྱོང་ཤེས་ལྡན་ཅན་དུ་འགྱུར་བའི་གཏན་འཁེལ་ལྟར། སྤྱོད་ཡོན་གཉིས་ལྡན་གྱི་ཤེས་ལྡན་འདེམས་པ་དང་གསོ་སྐྱོང་བྱེད་པ་ཡིན། མི་རིགས་སོ་སོའི་བསམ་བློའི་ཀུན་སྤྱོད་སྤུས་ཚད་དང་ཚན་རིག་རིག་གནས་སྤུས་ཚད་མཐོར་འདེགས་བཏང་སྟེ། སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་གྱི་དགོས་མཁོ་དང་འཚམ་པར་བྱེད་དགོས། སློབ་སྦྱོང་མཐར་ཕྱིན་ཏེ་དཔྱད་རྩོམ་བགྲོ་གླེང་དང་ཕྱི་ཡིག་བསླབ་གནས་ཞིབ་དཔྱད་ཚད་གཞི་ལ་ཐོན་པ་ཡིན་ན། དར་མའི་ཤེས་རམས་བསླབ་གནས་རེ་ཞུ་བྱས་ཆོག་ལ། ད་དུང་མུ་མཐུད་དུ་རམ་འབྱམས་དང་འབུམ་རམས་པའི་བསླབ་གནས་སློབ་སྦྱོང་བྱས་ཆོག
རྒྱལ་ཁབ་ནགས་ལས་ཅུའུ་དོ་དམ་ལས་བྱེད་སློབ་གླིང་།
དེ་ནི་རྒྱལ་ཁབ་ནགས་ལས་ཅུའུ་ཡི་ཐད་གཏོགས་ལས་རིགས་གསོ་སྦྱོང་རྟེན་གཞི་ཡིན།
དར་མའི་སློབ་གསོ་རིག་པ།
དར་མའི་སློབ་གསོའི་རིག་པ（andragogy）སློབ་གསོའི་སློབ་སྐར་གྱི་ཡན་ལག་ཚན་ཁག དར་མའི་སློབ་སྦྱོང་གི་སྒྱུ་རྩལ་དང་ཚན་རིག དེ་བཞིན་དམིགས་ཡུལ་དེ་ལ་དམིགས་ནས་སྤེལ་བའི་དར་མའི་སློབ་གསོའི་གཞུང་ལུགས་དང་གོ་རིམ། ཐབས་ཤེས་བཅས་ལ་ཞིབ་འཇུག་བྱེད་དགོས། ཚིག་འདི་ནི་ཀེ་རི་སེའི་ཚིགandrosདངageinལས་བྱུང་བ་རེད། དར་མའི་སློབ་གསོ་རིག་པ་དེ་ད་ལྟ་ཡོ་རོབ་དང་ཨ་རིའི་རྒྱལ་ཁབ་ཁག་ཏུ་སྤྱོད་བཞིན་ཡོད་པ་མ་ཟད། མཉམ་འབྲེལ་རྒྱལ་ཚོགས་ཀྱི་སློབ་གསོ་ཚན་རིག་རིག་གནས་རྩ་འཛུགས་ཀྱི་ཡིག་ཆའི་ནང་ཡང་མཐོང་རྒྱུ་ཡོད་དེ། དེས་དར་མའི་ལུས་སེམས་འཕེལ་རྒྱས་དང་སྤྱི་ཚོགས་ཀྱི་གོ་གནས། འགན་འཁྲི་དང་ནུས་པ། འཚོ་བའི་ཉམས་མྱོང་། སློབ་སྦྱོང་གི་ཀུན་སློང་དང་དགོས་མཁོ། དེ་མིན་སློབ་སྦྱོང་གི་དུས་ཚོད་སོགས་ཀྱི་ཐད་ནས་གཞོན་ནུ་དང་ལོ་ཆུང་དང་མི་འདྲ་བས་སློབ་སྦྱོང་རྩ་འཛུགས་ཀྱི་ཐད་ནས་ཀྱང་མི་འདྲ།
རྒྱལ་གཅེས་རིང་ལུགས་ཀྱི་སློབ་གསོ།
རྒྱལ་གཅེས་རིང་ལུགས་ཀྱི་སློབ་གསོ་ཞེས་པ་ནི་མེས་རྒྱལ་ལ་དགའ་ཞེན་དང་དེའི་ཆེད་དུ་རང་སྲོག་བློས་གཏོང་བའི་བསམ་བློའི་སློབ་གསོ་ལ་ཟེར། རྒྱལ་གཅེས་རིང་ལུགས་ཀྱི་སློབ་གསོ་ནི་བསམ་བློ་དང་ཆབ་སྲིད་ཀྱི་སློབ་གསོ་གཏོང་བའི་ནང་དོན་གལ་ཆེན་ཞིག་ཡིན། རྒྱལ་གཅེས་རིང་ལུགས་ནི་འབོད་སྐུལ་གྱི་ནུས་པ་ཆེ་ཤོས་ལྡན་པའི་དར་ཆ་ཞིག་དང་ཀྲུང་ཧྭ་མི་རིགས་ཀྱི་སྲོལ་རྒྱུན་བཟང་པོ་ཞིག་རེད། དེང་རབས་ཀྱི་ཀྲུང་གོར་རྒྱལ་གཅེས་རིང་ལུགས་ཀྱི་ངོ་བོ་ནི་རྒྱལ་གཅེས་དང་། ཏང་ལ་དགའ་ཞེན། སྤྱི་ཚོགས་རིང་ལུགས་ཀྱི་ཚད་མཐོའི་གཅིག་གྱུར་མཐའ་འཁྱོངས་བྱ་རྒྱུ་དེ་རེད།
| དར་མའི་སློབ་གསོ། བརྡ་འགྲེལ 10 ཡོད། |