འཁོར་སྐར་འཕྲིན་གཏོང་།
འཁོར་སྐར་འཕྲིན་གཏོང་དེ་གོ་བདེར་འགྲེལ་ན། དེ་ནི་སའི་གོ་ལའི་སྟེང(ས་ངོས་དང་དམའ་རིམ་རླུང་ཁམས་ཆེན་མོ་ཡང་འདུ)གི་སྐུད་མེད་གློག་གི་འཕྲིན་གཏོང་ས་ཚིགས་བར་དུ་འཁོར་སྐར་དེ་བར་སྦྲེལ་དུ་བཀོལ་ནས་འཕྲིན་གཏོང་བྱེད་པ་ཞིག་ཡིན། འཁོར་སྐར་འཕྲིན་གཏོང་མ་ལག་དེ་འཁོར་སྐར་དང་སའི་གོ་ལའི་ཚིགས་མལ་གྱིས་གྲུབ་པ་དང་། འཁོར་སྐར་འཕྲིན་གཏོང་གི་ཁྱད་ཆོས་ནི། འཕྲིན་གཏོང་ཁྱབ་ཁོངས་རྒྱ་ཆེ་ལ། འཁོར་སྐར་གྱིས་འགྱེད་གཏོང་བྱས་པའི་གློག་རླབས་མངའ་བའི་ཁྱབ་ཁོངས་ཤིག་ཡིན་ན། ཚིགས་མལ་དེ་གཉིས་གང་དུ་ཡང་འཕྲིན་གཏོང་བརྒྱུད་སྤྲོད་བྱེད་ཀྱི་ཡོད་པས། སྐམ་སའི་གནོད་སྐྱོན་ཐེབས་དཀའ་བ་ཞིག་ཡིན། སའི་གོ་ལའི་ཚིགས་མལ་གློག་ལམ་གྱི་སྒྲིག་འགོད་དུས་ལྟར་ཤར་གཏོང་བྱེད་ཐུབ་པ་ཡིན་ན། དུས་མཉམ་དུ་ཕྱོགས་མང་པོའི་བརྡ་འཕྲིན་བསྡུ་ལེན་བྱས་ཏེ། དཔལ་འབྱོར་ས་ཁུལ་དུ་ཁྱབ་སྒྲོག་དང་། ཁུལ་མང་འཕྲིན་གཏོང་མངོན་འགྱུར་བྱ་ཐུབ་པ་དང་། གློག་ལམ་སྒྲིག་ཆས་ནི་དུས་བསྟུན་སྐབས་ཁེལ་ཞིག་ཡིན་པས། དུས་ལྟར་གཅིག་བསྡུས་ཁུལ་དུ་སྐད་ཆའི་ཞབས་ཞུ་ཁྱབ་ཐུབ་ཅིང་། གཅིག་མཚུངས་འཕྲིན་ལམ་དེ་ཁ་ཕྱོགས་མི་འདྲ་བ་དང་ཡང་ན་བར་ཁོངས་མི་གཅིག་པར་བཀོལ་སྤྱོད་བྱས་ཆོག་པ་ཡིན།
བྱང་སྐར་ཨང་གསུམ་པའི་གོ་ལ་ཧྲིལ་པོའི་འཁོར་སྐར་ཕྱོགས་སྟོན་མ་ལག
བྱང་སྐར་ཨང་གསུམ་པའི་གོ་ལ་ཧྲིལ་པོའི་འཁོར་སྐར་ཕྱོགས་སྟོན་མ་ལག(བསྡུས་མིང་ལ་བྱང་སྐར་ཨང་གསུམ་པའི་མ་ལག) ནི་སའི་གོ་ལའི་སྒོར་དབྱིབས་འབྲིང་བའིའཁོར་ལམ་འཁོར་སྐར24དང་། སའི་གོ་ལའི་འགུལ་མེད་འཁོར་ལམ་འཁོར་སྐར3 གསེག་གཞོལ་སའི་གོ་ལའི་འགྲོས་མཉམ་འཁོར་ལམ་འཁོར་སྐར3བཅས་ཁྱོན་བསྡོམས་འཁོར་སྐར30ལས་གྲུབ། བྱང་སྐར་ཨང་གསུམ་པའི་འཁོར་སྐར་ཕྱོགས་སྟོན་མ་ལག་གིས་ཞབས་ཞུ་རིགས་གཉིས་མཁོ་འདོན་བྱེད་པ་སྟེ། སྒོ་དབྱེའི་ཞབས་ཞུ་དང་དབང་ཆ་སྤྲོད་པའི་ཞབས་ཞུ་ཡིན། སྒོ་དབྱེའི་ཞབས་ཞུ་ནི་ཞབས་ཞུའི་ཁུལ་དུ་རིན་མི་དགོས་པར་གནས་ཡུལ་གཏན་ཁེལ་དང་མྱུར་ཚད་འཇལ་བ། དུས་བརྡ་གཏོང་བ་བཅས་ཀྱི་ཞབས་ཞུ་འདོན་སྤྲོད་བྱེད་ཅིང་། གནས་ཡུལ་གཏན་འཁེལ་གྱི་ཞིབ་ཚད་སྨི10ཡིན་ལ་དུས་བརྡ་གཏོང་བའི་ཞིབ་ཚད་ནཱ་སྐར་ཆ50ཡིན་པ་དང་། འགྲོས་ཚད་ཀྱི་ཞིབ་ཚད་ནི་སྐར་ཆ་རེར་སྨི0.2ཡིན། དབང་སྤྲོད་ཞབས་ཞུ་ནི་དབང་བཅོལ་མཁན་ལ་དེ་བས་བདེ་འཇགས་ཀྱི་གཏན་ཁེལ་གནས་ཡུལ་དང་མྱུར་ཚད་འཇལ་བ། དུས་བརྡ་གཏོང་བ། འཕྲིན་གཏོང་ཞབས་ཞུ་བཅས་དང་དེ་བཞིན་མ་ལག་གི་འཐུས་ཚང་རང་བཞིན་གྱི་ཆ་འཕྲིན་མཁོ་འདོན་བྱ་རྒྱུ་དེ་རེད།
སྲུང་སྐར་ལག་ལེན་ཨང་ཉེར་གཅིག་པ།
པེ་ཅིང་དུས་ཚོད་སྤྱི་ལོ2021ལོའི་ཟླ10བའི་ཚེས24ཉིན་གྱི་ཆུ་ཚོད9དང་སྐར་མ27སྟེང་། རང་རྒྱལ་གྱིས་ཞི་ཁྲང་སྲུང་སྐར་འཕེན་གཏོང་ལྟེ་གནས་སུ་རྒྱང་སྐྱོད་ཨང་གསུམ་པའི་སྐྱེལ་འདྲེན་མེ་ཤུགས་འཕུར་མདའ་ཁ་པ་སྤྱད་དེ། སྲུང་སྐར་ལག་ལེན་ཨང་ཉེར་གཅིག་པ་འཕེན་གཏོང་བྱས་པ་དང་། སྲུང་སྐར་བདེ་བླག་ངང་སྔོན་བཀོད་འཁོར་ལམ་དུ་སླེབས་པ་དང་འཕེན་གཏོང་ལས་འགན་ཡོངས་སུ་ལེགས་འགྲུབ་བྱུང་ཡོད།
ནན་ཐུང་སྲུང་སྐར་ཨང་དང་པོ།
དེ་ནི་དགུ་ཚིགས་འཇིག་རྟེན་འཕུར་སྐྱོད་ཀྱི་སྲུང་སྐར་ཁག02ཁྲོད་ཀྱི་གཅིག་ཡིན་པ་དང་། སྤྱི་ལོ2022ལོའི་ཟླ3པའི་ཚེས5ཉིན་གྱི་ཆུ་ཚོད14:01གི་སྟེང་ཞི་ཁྲང་སྲུང་སྐར་འཕེན་གཏོང་ལྟེ་གནས་སུ་བདེ་བླག་ངང་འཕེན་གཏོང་བྱས་པ་རེད།
རྒྱང་ཚོར་ཨང་སུམ་ཅུ་སོ་བཞི་པའི་སྲུང་སྐར02པ།
པེ་ཅིང་གི་དུས་ཚོད་སྤྱི་ལོ2022ལོའི་ཟླ3ཚེས17ཉིན་གྱི་ཆུ་ཚོད15:09སྟེང་རང་རྒྱལ་གྱིས་ཅིའུ་ཆོན་སྲུང་སྐར་འཕེན་གཏོང་ལྟེ་གནས་སུ་རྒྱང་སྐྱོད་ཨང་བཞི་པའི་སྐྱེལ་འདྲེན་མེ་ཤུགས་འཕུར་མདའ་ག་པ་སྤྱད་དེ་རྒྱང་ཚོར་ཨང་སུམ་ཅུ་སོ་བཞི་པའི་སྲུང་སྐར02པ་འཕེན་གཏོང་བྱས་པ་དང་། སྲུང་སྐར་དེ་སྔོན་གཏན་འཁེལ་བྱས་པའི་འཁོར་ལམ་དུ་བདེ་བླག་ངང་ཞུགས་དེ་འཕེན་གཏོང་ལས་འགན་ཕུན་སུམ་ཚོགས་པོའི་ངང་ལེགས་གྲུབ་བྱུང་ཡོད།
| འཁོར་སྐར་འཕྲིན་གཏོང་། བརྡ་འགྲེལ 6 ཡོད། |