ལྗིད་འདེགས།
ལྗིད་འདེགས་ནི་གནའ་སྔ་མོའི་དུས་རབས་ཁྲོད་མིའི་རིགས་ཀྱིས་རྡོ་ལ་སོགས་ཡར་བཀྱགས་ནས་ལུས་སྟོབས་མངོན་པ་ལས་བྱུང་བ་ཡིན་ལ། རྗེས་སུ་རིམ་གྱིས་ལུས་རྩལ་རྣམ་གྲངས་ཀྱི་གྲས་སུ་ཚུད། ཉེ་རབས་ཀྱི་ལྗིད་འདེགས་ལུས་རྩལ་ནི་དུས་རབས་བཅོ་བརྒྱད་པའི་དུས་མཇུག་དུ་དར་བ་ཡིན་ལ། ཨའོ་གླིང་དུ་རྒྱུགས་ཆེ། དུས་རབས་བཅུ་དགུ་པའི་ལོ་རབས་བརྒྱད་ཅུ་པའི་དུས་མགོར་ལྗིད་འདེགས་དངོས་སུ་འགྲན་སྡུར་རྣམ་གྲངས་ཀྱི་གྲས་སུ་ཚུད།
འཇུ་རེས།
འཇུ་རེས་ནི་འཛམ་གླིང་སྟེང་ཆེས་སྔ་བའི་ལུས་རྩལ་འགྲན་སྡུར་ཞིག་ཡིན་པ་ཀུན་གྱིས་ཁས་ལེན། ཀེ་རི་སེ་དང་ཨེ་ཅིབ། ཀྲུང་གོ འཇར་པན་ལ་སོགས་རྒྱལ་ཁབ་ཀྱི་གནའ་བོའི་རིག་གནས་ཁྲོད་འཇུ་རེས་ཀྱི་སྐོར་ཡིག་ཐོག་ཏུ་བཀོད་ཡོད། སྤྱི་ལོ་སྔོན་གྱི776ལོར་གནའ་རབས་ཨོ་རྩལ་བྱུང་བ་ནས་བཟུང་། འཇུ་རེས་ནི་ནང་གསེས་ཀྱི་འགྲན་སྡུར་རྣམ་གྲངས་ཤིག་ཡིན།
ཁུ་ཚུར་གཞུ་རྩལ།
ཁུ་ཚུར་གཞུ་རྩལ་ནི་མི་གཉིས་ཀྱིས་ལག་འབོལ་གྱོན་ཏེ་སྒྲིག་ཁྲིམས་ཀྱི་ཚད་བཀག་འོག་ཁུ་ཚུར་གྱིས་ཕན་ཚུན་གཞུ་རེས་དང་རང་སྲུང་བྱེད་པའི་ལུས་རྩལ་ཞིག་ཡིན།
རལ་གྲིའི་སྣུན་རྩལ།
རལ་གྲིའི་སྣུན་རྩལ་ནི་མི་གཉིས་ཀྱིས་ཆེད་དུ་བཟོས་པའི་རྣོ་ལྕགས་རིགས་ཀྱི་རལ་གྲི་ཐོགས་ཤིང་། གཏན་ཁེལ་བྱས་ཟིན་པའི་ལུས་རྩལ་ར་བ་དང་། གཏན་ཁེལ་བྱས་ཟིན་པའི་དུས་ཚོད་དང་རལ་གྲིའི་རྡེག་གྲངས་ནང་། སྣུན་འགུལ་སྐྱོད་སྟངས་ལ་བརྟེན་ནས་འཐབ་མོ་བྱེད་པའི་ལུས་རྩལ་བྱ་འགུལ་ཞིག་ཡིན།
རུའུ་ཏའོ་དྲག་རྩལ།
རུའུ་ཏའོ་དྲག་རྩལ་ནི་མི་གཉིས་ཀྱིས་ལག་འཛིང་བྱས་ཏེ་རྩལ་འགྲན་པའི་ལུས་རྩལ་ཞིག་ཡིན། རུའུ་ཏའོ་དྲག་རྩལ་ནི་འཇར་པན་ནས་དར་བ་ཡིན་ལ། དང་པོར་རུའུ་ཏའོ་དྲག་རྩལ་ནི་འཇར་པན་དྲག་རྩལ་བ་དག་གིས་བཀོལ་བ་ཞིག་ཡིན་པ་དང་། རྗེས་སུ་རིམ་གྱིས་ལུས་རྩལ་རྣམ་གྲངས་ཀྱི་གྲས་སུ་ཚུད།
ལུས་སྦྱོང་།
ལུས་སྦྱོང་ནི་ལག་སྟོང་ངམ་འཕྲུལ་ཆས་ལ་བརྟེན་ནས་ལུས་ཕུང་སྦྱོང་བརྡར་བྱེད་པའི་རྩལ་སྦྱོང་གི་རིགས་ཤིག་ཡིན།
གཟུགས་མཛེས་ལུས་རྩལ།
གཟུགས་མཛེས་ལུས་རྩལ་ནི་ལག་པ་དང་འབྲེལ་ཡོད་ཀྱི་སྒྲིག་ཆས་ལ་བརྟེན་ནས། ཚད་ལྡན་གྱི་སྦྱོང་བརྡར་དང་ལག་པའི་འགུལ་སྟངས་ལྟར་ལུས་ཤུགས་ཇེ་ཆེ་དང་ལུས་ཀྱི་ཤ་གནད་ཇེ་རྒྱས། མིའི་གཟུགས་གཞི་ལེགས་བསྒྱུར་དང་སེམས་ཁམས་སྙོམ་སྒྲིག་བཅས་དམིགས་ཡུལ་དུ་བྱེད་པའི་ལུས་རྩལ་འགུལ་སྐྱོད་ཀྱི་རིགས་ཤིག་ཡིན།
ཆུ་འཁྱགས་ཀྱི་ཁྲུས།
ཆུ་འཁྱགས་ཀྱི་ཁྲུས་ནི་ཆུ་འཁྱགས་ཀྱིས་ཁྲུས་བྱས་ནས་ལུས་ཕུང་སྦྱོང་བརྡར་བྱེད་པའམ་ནད་རིགས་འགོག་པའི་བྱ་ཐབས་ཤིག་ཡིན།
མིག་མངས།
མིག་མངས་ནི་རྡེའུ་དམག་ནག་གཉིས་ཀྱིས་ཕྱེས་ཤིང་ཚན་རིག་དང་སྒྱུ་རྩལ་ཟུང་འབྲེལ་བྱས་པའི་རིག་པ་འགྲན་པའི་རོལ་རྩེད་ཅིག་ཡིན།
ཝེ་ཆི་མིག་མངས།
ཝེ་ཆི་མིག་མངས་ནི་འཐབ་ཇུས་རང་བཞིན་གྱི་མི་གཉིས་ཀྱིས་མིག་མངས་འགྲན་སྡུར་བྱེད་པའི་རིགས་ཀྱི་རོལ་རྩེད་ཅིག་ཡིན།
རྒྱལ་སྤྱིའི་མིག་མངས།
རྒྱལ་སྤྱིའི་མིག་མངས་ནི་འཐབ་ཇུས་རང་བཞིན་གྱི་མི་གཉིས་ཀྱིས་འགྲན་སྡུར་བྱེད་པའི་རོལ་རྩེད་ཅིག་ཡིན།
སྒྱུ་རྩལ་ལུས་སྦྱོང་།
སྒྱུ་རྩལ་ལུས་སྦྱོང་ནི་རོལ་མོའི་རམ་འདེགས་ཁྲོད་ལག་སྟོང་ངམ་རྒྱུ་ཆ་ཡང་མོ་བཟུང་ནས་རྒྱུན་མ་ཆད་པར་ལུས་ཕུང་སྦྱོང་བརྡར་བྱེད་པ་ལ་ཟེར།
དཔྱངས་གདུབ།
དཔྱངས་གདུབ་ནི་སྐྱེས་པའི་ལུས་སྦྱོང་རྣམ་གྲངས་ཀྱི་གྲས་ཤིག་ཡིན། ཉེ་རབས་ཀྱི་དཔྱངས་གདུབ་ལུས་རྩལ་ནི་ཧྥ་རན་སི་ནས་བྱུང་བ་དང་། དེ་ནི་རྩལ་རྩེད་འཁྲབ་སྟོན་པས་བར་སྣང་ཐག་པས་འཁྲབ་སྟོན་བྱས་ནས་བློ་སྒོ་ཕྱེ་སྟེ་གསར་གཏོད་བྱས་པ་ཞིག་ཡིན་ཞིང་། དེའི་རྗེས་ནས་འཇར་མན་དང་དབྱི་ཐ་ལིར་དར་བ་རེད། སྤྱི་ལོ1842ལོར་འཇར་མན་གྱི་མི་ཧྲེ་ཕི་སིས་དཔྱངས་གདུབ་དང་པོ་བཟོས་པ་རེད། སྔ་དུས་ཀྱི་དཔྱངས་གདུབ་ལུས་རྩལ་ལ་གཡོ་འགུལ་འགུལ་སྟངས་དང་སྟབས་བདེ་བའི་དཔྱང་བ་མ་གཏོགས་མེད་ཅིང་། དེ་ནི་རྩལ་སྦྱོང་སྦྱོང་བརྡར་གྱི་རམ་འདེགས་བྱེད་ཐབས་ཤིག་ཡིན། དུས་རབས19པར་དཔྱངས་གདུབ་དེ་རང་ཚུགས་ཀྱི་སྐྱེས་པའི་ལུས་སྦྱོང་རྣམ་གྲངས་སུ་གྱུར། སྤྱི་ལོ1896ལོར་སྐབས་དང་པོའི་ཨོ་རྩལ་འགྲན་ཚོགས་ཀྱི་འགྲན་བསྡུར་རྣམ་གྲངས་སུ་བཀོད།
སྙོམས་ཤིང་།
སྙོམས་ཤིང་གི་ལུས་རྩལ་ནི་སྤྱི་ལོའི་སྔོན་གྱི་རོ་མའི་དུས་རབས་ནས་བྱུང་བ་དང་། ལུས་རྩལ་པས་འཕྲེད་ཤིང་ཞིག་གི་སྟེང་ནས་ཞབས་བྲོ་དང་ཨ་ལོག་རྒྱག་དགོས།
བྱེ་སྒྱེ།
བྱེ་སྒྱེ་ནི་སྤྱིར་བཏང་དུ་རས་སྲ་མོ་དང་། དར་རས་དཀར་པོ། གསོ་སྒྱེ་བཅས་ལས་གྲུབ་པ་དང་། གོང་འོག་རིམ་པ་བཅུ་དང་། ཆེ་ཆུང་ཁྲེ་ཙེ1.5*1.5ཡོད་པ་དང་། ནང་དུ་ལྕགས་བྱེ་སྤྱི་རྒྱ8ཙམ་བླུགས་ཡོད། བྱེ་སྒྱེ་ལ་ལར་བྱེ་མ་དང་སོག་ལེའི་ཕྱེ་མ། སྲན་མའམ་ཁྲེ་རྒོད་སོགས་བླུགས་ཡོད། གྲུ་བཞི་དང་སྒོར་དབྱིབས་རིགས་གཉིས་ཡོད་ལ། ལྗིད་ཚད་དང་ཆེ་ཆུང་ནི་སྦྱོང་བརྡར་མཁན་གྱི་དགོས་མཁོ་ལྟར་གཏན་འཁེལ་བྱེད་དགོས། གཙོ་བོ་ཤ་གནད་སྦྱོང་བརྡར་བྱེད་སྤྱད་ཡིན།
རལ་རྩེད།
རལ་རྩེད་ནི་གནའ་རབས་ཀྱི་གྲི་རྩལ་འཐབ་རྩོད་ཁྲོད་འཕེལ་རྒྱས་བྱུང་བའི་ལུས་རྩལ་རྣམ་གྲངས་ཤིག་ཡིན་ཞིང་། དེས་ཞི་འཇམ་གྱི་འགུལ་སྟངས་དང་སྟབས་བསྟུན་གྱི་འཐབ་རྩལ་ཟུང་འབྲེལ་བྱས་ཏེ། ལུས་རྩལ་པའི་སྙིང་སྟོབས་ཚད་མཐོའི་གཅིག་བསྡུས་དང་ལུས་ཕུང་གི་མཐུན་སྦྱོར་རང་བཞིན་ལེགས་པོ་ཡོང་བའི་བླང་བྱ་དང་། ལུས་རྩལ་པའི་འགུལ་སྟངས་ལེགས་པོ་དང་བདེ་ལྕགས་འཁྱུག་པོའི་རང་བཞིན་མངོན་ཡོད།
ལུས་རྩལ་ཁང་།
ལུས་རྩལ་ཁང་ནི་ཁང་པའི་ནང་ལུས་རྩལ་འགྲན་བསྡུར་བྱེད་པ་དང་། ལུས་རྩལ་སྦྱོང་བརྡར་བྱེད་པའམ་ཡང་ན་གླུ་ལེན་ཆེད་ཚོགས་གཉེར་བའི་འཛུགས་སྐྲུན་ཞིག་ཡིན། ལུས་རྩལ་ཁང་བཀོལ་སྤྱོད་ཀྱི་ངོ་བོ་ལྟར་དབྱེ་ན་འགྲན་བསྡུར་ཁང་དང་སྦྱོང་བརྡར་ཁང་རིགས་གཉིས་ཡོད། ལུས་རྩལ་རྣམ་གྲངས་ལྟར་དབྱེ་ན་སྤོ་ལོ་ཁང་དང་འཁྱགས་གྲུག་ཁང་། མཆོང་འཕེན་ཁང་སོགས་ཡོད། རྒྱ་ཁྱོན་ལ་ཆེ་བ་དང་། འབྲིང་ཙམ། ཆུང་བ་བཅས་སུ་དབྱེ་ཆོག་པ་དང་། སྤྱིར་བཏང་དུ་ལྟད་མོ་བ་མང་ཉུང་ལ་གཞིགས་ནས་དབྱེ་ཆོག ད་ཆ་ཀྲུང་གོས་ལྟད་མོ་བ་བཞུགས་གནས8000ལས་བརྒལ་བ་དེར་ལུས་རྩལ་ཁང་ཆེ་གྲས་ཞེས་བརྗོད་པ་དང་། ལྟད་མོ་བ་མི3000ལས་ཉུང་བ་དེར་ལུས་རྩལ་ཁང་ཆུང་གྲས། ལྟད་མོ་བ8000དང3000གི་བར་ཡིན་ན་ལུས་རྩལ་ཁང་འབྲིང་གྲས་ཞེས་བརྗོད་ཀྱིན་ཡོད། སྐབས་འགར་ལུས་རྩལ་ཁང་ཡང་འཁྲབ་སྟོན་ལྟེ་གནས་བྱས་ནས་འཁྲབ་སྟོན་བྱེད་སྒོ་སྣ་ཚོགས་སྤེལ་བ་རེད།
ཞན་གོང་།
ཞན་གོང་ནི་མཆོང་རྒྱུག་འཕེན་གསུམ་གྱི་ལུས་རྩལ་རྣམ་གྲངས་ཀྱི་གྲས་ཤིག་ཡིན་ཞིང་། དེས་གཟུགས་གཞི་བདེ་ཐང་དུ་གཏོང་བ་དང་། ལྷག་པར་དུ་ལུས་གཞུང་དང་རྐང་ལག་གི་སྟོབས་ཤུགས་འཕེལ་རྒྱས་གཏོང་བར་ནུས་པ་མངོན་གསལ་ཡོད། ཆེས་སྔ་དུས་ནི་སྔར་གནས་ནས་ཞན་གོང་འདེད་པའི་ལག་རྩལ་སྤྱད་པ་དང་། རྗེས་སུ་དུས་ཚོད་ཀྱི་འགྱུར་ལྡོག་བརྒྱུད་དེ། རིམ་གྱིས་བྱེད་ཐབས་སྣ་ཚོགས་བྱུང་བ་སྟེ། དཔེར་ན་གཞོགས་ངོས་སུ་མདུན་ཕྱོགས་དང་གཞོགས་ངོས་སུ་ཤུད་འདེད་བྱེད་པ་ལྟ་བུ་ཡིན། དོར་ཟིན་པའི་ཞན་རྫས་སྒྱོགས་མདེལ་གྱིས་རྡོ་ཡི་ཚབ་བྱས་ནས་ལད་ཟློས་སྦྱོང་བརྡར་བྱེད་པ་ནི་དེང་རབས་ཞན་གོང་གི་ཐད་ཀའི་འབྱུང་ཁུངས་ཡིན།
མཐོ་དམན་གདང་།
མཐོ་དམན་གདང་ནི་བུད་མེད་ཀྱི་ལུས་སྦྱོང་ལ་དམིགས་བསལ་དུ་ཡོད་པའི་རྣམ་གྲངས་ཤིག་ཡིན་ཞིང་། དེ་ནི་གཅིག་མཐོ་ལ་ཅིག་ཤོས་དམའ་བའི་གདང་གཉིས་ཀྱིས་གྲུབ་པ་ཞིག་ཡིན། དམའ་བའི་གདང་གི་མཐོ་ཚད་ནི་ལི་སྨི130-160ཡིན་པ་དང་། མཐོ་བའི་གདང་གི་མཐོ་ཚད་ནི་ལི་སྨི190-240ཡིན། འཕྲེད་གདང་ནི་འཇོང་དབྱིབས་ཤིག་ཡིན་པ་དང་། དེའི་རིང་ཚད་ལ་ལི་སྨི5དང་ཚངས་ཐིག་ལ་ལི་སྨི4ཡོད། དེ་ནི་ཤེལ་གྱི་ལྕགས་དང་ཤིང་གིས་བཟོས་པ་ཡིན་ཞིང་། དེར་ལྡེམ་ཤུགས་དང་སྲ་བརྟན་གྱི་རང་བཞིན་ལེགས་པོ་ལྡན་ཡོད། སྒྲིག་སྲོལ་ཁྲོད་དུ་འགུལ་སྟངས་ཆ་ཚང་གི་དཀའ་ཚད་མི་འདྲ་བའི་སྡེབ་སྒྲིག་གི་བླང་བྱ་ཡོད། དུས་རབས19པའི་དུས་མཇུག་ཏུ། བུད་མེད་ཀྱི་ལུས་སྦྱོང་དེ་ཡོ་རོབ་གླིང་དུ་དར་བ་དང་། སྐབས་དེར་བུད་མེད་ནི་སྐྱེས་པ་དང་འདྲ་བར་དོ་མཉམ་ཟུང་གདང་གདང་སྤྱོད་པ་ཡིན། རྗེས་སུ་བུད་མེད་ལུས་རྩལ་པའི་ཁྱད་ཆོས་དང་བསྟུན་ཆེད་ཟུང་གདང་གི་གཞོགས་གཅིག་ཇེ་མཐོར་བཏང་སྟེ་མཐོ་དམན་གདང་དུ་གྱུར། མཐོ་དམན་གདང་ནི་སྤྱི་ལོ1952ལོའི་ཨོ་རྩལ་འགྲན་ཚོགས་ཐོག་ད་གཟོད་བྱུང་བ་རེད། དེའི་སྔོན་ལ་བུད་མེད་ལུས་རྩལ་པས་སྤྱོད་པ་ནི་སྐྱེས་པ་དང་འདྲ་བའི་ཟུང་གདང་ཡིན། ཟུང་གདང་ནི་དཔུང་བའི་སྟོབས་ཤུགས་ཀྱི་རེ་བ་ཧ་ཅང་མཐོ་བས། བུད་མེད་ལུས་རྩལ་པའི་ལག་ཟུང་འཁྲབ་སྟོན་གྱིས་མིའི་འདོད་བློ་སྐོང་མ་ཐུབ། དེ་བས་ད་གཟོད་བུད་མེད་ལུས་རྩལ་པར་ཇུས་འགོད་བྱས་པའི་མཐོ་དམན་གདང་བྱུང་པ་རེད།
ལྕགས་སྒོར།
ལྕགས་སྒོར་ནི་སྤྱི་ལོའི་སྔོན་གྱི་དུས་རབས12ནས་སྤྱི་ལེ་སྔོན་གྱི་དུས་རབས8པའི་ནང་ཀེ་རི་སེའི་མིས་རྡོ་གཡུག་པའི་བྱ་འགུལ་ཞིག་ཡིན་ལ། དབྱིན་ཇིའི་སྐད་དུdiscusཟེར། སྤྱི་ལོའི་སྔོན་གྱི708ལོའི་སྐབས18པའི་ཨོ་ལིན་ཕིག་ལུས་རྩལ་འགྲན་ཚོགས་ནི་ཀུན་ནུས་རྣམ་གྲངས་ཀྱི་གྲས་ཤིག་ཡིན།
ལྗིད་འགྱོག
ལྗིད་འགྱོག་ནི་འཇལ་དྲིལ། དེམ་དྲིལ་སོགས་བེད་སྤྱད་དེ་ལུས་རྩལ་སྦྱོང་བརྡར་དང་འགྲན་བསྡུར་བྱེད་པའི་ལུས་རྩལ་རྣམ་གྲངས་ཤིག་ཡིན་པ་དང་། ལུས་རྩལ་ནང་ནས་སྟོབས་ཤུགས་སྦྱོང་བརྡར་བྱེད་པའི་ཐབས་ལམ་གཙོ་ཤས་ཤིག་ཀྱང་ཡིན། ལོ་ཉིས་སྟོང་ལྷག་གི་ཡར་སྔོན་ནས་བཟུང་། ཀྲུང་གོ་རུ་ལྗིད་འགྱོག་གི་བྱ་འགུལ་ཡོད་པ་ཡིག་ཚང་དུ་གསལ་ལོ། །
འཐམ་འཁྱུད།
འཐམ་འཁྱུད་ནི་མི་གཉི་གས་དཔུང་འཇུ་བྱས་ནས་རྩལ་ཤུགས་འགྲན་པ་ཞིག་ཡིན་ཞིང་། ཕ་རོལ་པོ་བསྒྱེལ་དུ་འཇུག་པའམ་རྟགས་ཀྱི་ཕན་ཆད་དུ་ཕུད་ཐབས་བྱེད་པའི་ལུས་རྩལ་རྣམ་པ་ཞིག་ཡིན།
ཐའེ་ཅི་ཆོན།
ཐའེ་ཅི་ཆོན་ནི་དྲག་རྩལ་དང་ལུས་ཕུང་སྦྱོང་བརྡར་གཉིས་མཉམ་འཛོམས་ཀྱི་ལུས་རྩལ་ཞིག་ཡིན་ལ། སྔོན་མར་དེའི་འགུལ་སྟངས་སོགས་ཐུན་མོང་མ་ཡིན་པའི་ཁྱད་ཆོས་ལྡན་པས་དེ་ལ་ཁྲང་ཆོན་ནམ་མེན་ཆོན་ཀྱང་ཟེར་སྲོལ་ཡོད།
ནན་ཆོན།
ནན་ཆོན་ཞེས་པའི་མིང་འདི་ནི་ལྷོ་ཁུལ་ས་ཆའི་དྲག་རྩལ་སྤྱིའི་མིང་ཡིན་ལ། དྲག་རྩལ་གྱི་གྲས་ནས་ལུས་རྩལ་ཁ་ཚང་ཞིང་མཚོན་བྱེད་རང་བཞིན་ལྡན་པའི་དྲག་རྩལ་ཚན་ཁག་ཅིག་ཡིན།
མཉེན་རྩལ།
མཉེན་རྩལ་ནི་མི་གཉིས་ལག་འཛིང་བྱས་ཏེ་རྩལ་འགྲན་པའི་ལུས་རྩལ་ཞིག་ཡིན། སྤྱི་ལོ1882ལོར་འཇར་པན་རྒྱལ་ཁབ་ཀྱི་ཇ་ན་ཀྲི་བོའུ་ལང་གིས་ཀྲུང་གོའི་དྲག་རྩལ་ལས་རྡོག་རྫིས་དང་རྡུང་བ། འཇུ་རེས། འཛིན་བཟུང་བཅས་ཀྱི་རྩལ་བསྡུ་ལེན་དང་། དེ་མིན་ཅང་ཕན་རང་གི་དྲག་རྩལ་ལ་ཟུང་དུ་སྦྲེལ་ཏེ་སྲོལ་གཏོད་གནང་བ་ཞིག་ཡིན།
ཐེ་རྩལ།
ཐེ་རྩལ་ཞེས་པ་ནི་ཐེ་གོ་རྒྱལ་ཁབ་ཀྱི་དྲག་རྩལ་ལུས་རྩལ་ཞིག་ཡིན་ལ། ཁྱད་འཕགས་ཅན་གྱི་ལག་འཛིང་འཐབ་རྩལ་ཞིག་ཡིན་པས་རྨས་སྐྱོན་འཐེབ་སླ་ཞིང་། ལུས་ཀྱི་རྩལ་ཤུགས་དང་དྲུང་ཤ་དོད་པའི་ལུས་རྩལ་རིགས་ཤིག་ཡིན།
ཐག་འཐེན།
ཕྱོགས་གཉི་གར་མི་གྲངས་མང་ཉུང་མེད་པར་ཤེད་ཤུགས་འགྲན་པའི་སྤྲོ་སྐྱིད་རང་བཞིན་གྱི་ལུས་རྩལ་བྱ་འགུལ་ཞིག་ཡིན་ལ། ཀྲུང་གོའི་སྲོལ་རྒྱུན་གྱི་ལུས་རྩལ་རྣམ་གྲངས་ཤིག་ཡིན།
ལྡིང་འགྱིག
ལྡིང་འགྱིག་ནི་མི་གཉིས་ནས་དྲུག་བར་བརྩེ་ཆོག་པའི་མིག་མངས་ཀྱི་རིགས་ཤིག་ཡིན་ལ། འགྱིག་གཞོང་ནི་སྐར་མ་ཟུར་དྲུག་ཅན་གྱི་རྣམ་པས་གྲུབ་ཅིང་། འགྱིག་རྡེའུ་ཡང་ཁ་དོག་མི་གཅིག་པ་དྲུག་ཡོད། ཁ་དོག་རེ་ལ་རྡེའུ10ནས15བར་ཡོད་པ་དང་། བརྩེ་མཁན་རེ་ཟུར་གཅིག་ནས་རྡེའུ་སྣ་གཅིག་བཀོལ་གྱི་ཡོད།
ལྕགས་སྒོར།
ལྕགས་སྒོར་ནི་སྤྱི་ལོའི་སྔོན་གྱི་དུས་རབས12ནས་སྤྱི་ལེ་སྔོན་གྱི་དུས་རབས8པའི་ནང་ཀེ་རི་སེའི་མིས་རྡོ་གཡུག་པའི་བྱ་འགུལ་ཞིག་ཡིན་ལ། དབྱིན་ཇིའི་སྐད་དུdiscusཟེར། སྤྱི་ལོའི་སྔོན་གྱི708ལོའི་སྐབས18པའི་ཨོ་ལིན་ཕིག་ལུས་རྩལ་འགྲན་ཚོགས་ནི་ཀུན་ནུས་རྣམ་གྲངས་ཀྱི་གྲས་ཤིག་ཡིན།
དཔྱངས་ལོང་།
དཔྱངས་ལོང(hand ring)ཞེས་པ་སྐྱེས་པའི་ལུས་སྦྱོང་རྣམ་གྲངས་ཀྱི་གྲས་ཤིག་ཡིན་ལ། ཉེ་རབས་སུ་དཔྱངས་ལོང་ལུས་རྩལ་འདི་དབྱིན་ཇི་ནས་དར་ཞིང་། ཚུལ་དེ་ནི་རྩལ་རྩེད་སྣ་ཚོགས་བར་སྣང་དུ་ཐག་པས་འཁྲབ་སྟོན་བྱས་པ་ལས་བློ་སྒོ་འབྱེད་ཅིང་གསར་དུ་གཏོད་པ་ཞིག་ཡིན།
| ར་ནང་ལུས་རྩལ། བརྡ་འགྲེལ 35 ཡོད། |