སློབ་ཆུང་།
མི་རྣམས་ཀྱིས་ཆེས་ཐོག་མའི་སློབ་གསོ་མྱོང་ས་དང་རྨང་གཞི་སློབ་གསོ་གཙོ་བོ་ཡིན་པའི་སློབ་གྲྭ་ལ་ཟེར་ཞིང་། སྤྱིར་བཏང་ལོ6ནས12བར་ནི་སློབ་ལོ་རན་པའི་བྱིས་པ་ཡིན་ལ། དུས་ཡུན་ལོ6ཡིན།
འབྲི་ཀློག་ཉན་བཤད།
འབྲི་ཀློག་ཉན་བཤད་ཀྱི་སྦྱོང་བརྡར་གྱིས་སློབ་མའི་སྐད་ཡིག་དང་ལེན་བྱེད་པའི་ནུས་པ་དང་སྐད་ཡིག་བེད་སྤྱོད་ཀྱི་ནུས་པ་མཐོ་རུ་གཏོང་རྒྱུ་དེ་ནི་སྐད་ཡིག་སློབ་ཁྲིད་ཀྱི་རྩ་བའི་ལས་འགན་ཞིག་ཡིན། དེ་དག་ཚང་མར་བསམ་གཞིགས་ཀྱི་བྱེད་སྒོས་གཞོགས་འདེགས་བྱེད་དགོས་ཤིང་། དེ་དག་བསམ་བློའི་འདུ་ཤེས་དང་སྤྱི་ཚོགས་ཀྱི་ཆ་འཕྲིན་དང་འབྲེལ་ཡོད། འོན་ཀྱང་འབྲི་ཀློག་ཉན་བཤད་ཀྱི་བྱེད་སྒོ་ཕན་ཚུན་བར་མི་འདྲ་བའི་ཁྱད་པར་ཡོད་པ་དང་ནུས་པའང་སོ་སོར་ཐོན་པས་ཕན་ཚུན་གཅིག་ཚབ་གཅིག་གིས་བྱེད་ཐུབ་པ་ཞིག་མིན། འབྲི་ཀློག་ཉན་བཤད་བར་གྱི་འབྲེལ་བ་དང་ནུས་པ་གཅིག་མིན་པའི་དབང་གིས་འབྲི་ཀློག་ཉན་བཤད་ཕྱོགས་ཡོངས་ནས་སྦྱོང་བརྡར་དང་ཡར་རྒྱས་ཡོང་བའི་རྩ་དོན་གཏན་འཁེལ་བྱས་ཡོད།
ཞག་སྡོད་ལམ་ལུགས་ཀྱི་མི་རིགས་སློབ་ཆུང་།
མི་རིགས་ས་ཁུལ་གྱི་ཞག་སྡོད་ལམ་ལུགས་སློབ་ཆུང་ལ་ཞག་སྡོད་སློབ་ཆུང་དང་ཕྱེད་ཞག་སྡོད་སློབ་ཆུང་གཉིས་ཡོད། ཞག་སྡོད་སློབ་ཆུང་གི་སློབ་མའི་སྡོད་ས་དང་ཟ་ཁང་ཚང་མ་སློབ་གྲྭར་ཡོད་ལ། སློབ་མའི་ཐོན་ཁུངས་ཀྱི་ཁྱབ་རྒྱ་ཆེ་བར་མ་ཟད་ས་གནས་ཀྱང་རྫོང་མཁར་དང་གྲོང་རྡལ་ནས་འཛུགས་དགོས་ལ། ཕྱེད་ཞག་སྡོད་སློབ་ཆུང་ནི་སློབ་མ་ཚང་མའི་ཞག་སྡོད་དང་ཟ་འཐུང་ཡོད་ཚད་སློབ་གྲྭ་ནས་ཐག་གཅོད་མི་བྱེད་ལ། སློབ་མའི་བསྡུ་ལེན་བལྟོས་བཅས་ཀྱིས་གཅིག་བསྡུས་ཡིན་ལ། སློབ་གྲྭའི་ས་གནས་ནི་ཞིང་དང་སྡེ་བ་ནས་འཛུགས་དགོས་ལ། སློབ་མ་སྐོར་ཅིག་གཅིག་བསྡུས་སྒོས་སློབ་གྲྭར་ཟ་མ་དང་ཞག་སྡོད་བྱེད་དགོས། མི་རིགས་ས་ཁུལ་གྱི་ཞག་སྡོད་ལམ་ལུགས་ཀྱི་འཆར་འགོད་ལ། སློབ་གྲྭ་གནས་སའི་རྫོང་རིམ་པའི་སློབ་གསོ་སྲིད་འཛིན་སྡེ་ཁག་གིས་འབྲེལ་ཡོད་སྡེ་ཁག་དང་མཉམ་འབྲེལ་སྒོས་མི་གྲངས་འདུས་སྡོད་ཆེ་ས་དང་སྡོད་སའི་ཁྱབ་ཁོངས། ཐོན་སྐྱེད་འཚོ་བ། ཁོར་ཡུག འགྲིམ་འགྲུལ་སོགས་ཀྱི་གནས་ཚུལ་ལ་གཞིགས་ནས་གཅིག་གྱུར་སྒོས་བཀོད་སྒྲིག་བྱེད་དགོས།
བཟང་གསུམ་སློབ་མ།
བཟང་གསུམ་སློབ་མ་ནི་ཀྲུང་གོ་སློབ་གྲྭའི་ཕུལ་བྱུང་སློབ་མར་འདེམས་པའི་གཟེངས་རྟགས་ཡིན། བཟང་གསུམ་ནི་བསམ་བློའི་ཀུན་སྤྱོད་བཟང་བ། སློབ་སྦྱོང་ལ་བཟང་བ། ལུས་ཕུང་བཟང་བ། བཟང་གསུམ་སློབ་མ་འདེམས་པའི་དུས་ནི1954ནས་མགོ་བརྩམས་པ་ཡིན་ལ། དེ་ལ་རྩ་བའི་ཚད་འཇལ་གྱི་ཚད་གཞི་དང་འདེམས་པའི་བསྡུར་ཚད་ཀྱང་གཏན་འཁེལ་ཡོད། 2012ལོའི་ཟླ3པར། རྒྱལ་ཡོངས་སྲིད་གྲོས་མིང་རྟགས་བཀོད་དེ་བཟང་གསུམ་སློབ་མ་འདེམས་བསྐོ་བྱ་བ་མཚམས་འཇོག་དགོས་པའི་སྙན་ཞུ་ལས། སློབ་གསོ་པུའུ་ནས་གཅིག་གྱུར་གྱི་གཏན་འཁེལ་མི་བྱེད་ལ་སློབ་གྲྭའི་འདེམས་བསྐོ་ཐག་གཅོད་ལ་ཐེ་གཏོགས་མི་བྱེད།
སློབ་ཆུང་སློབ་མའི་བསྲུང་བྱ།
ཀྲུང་གོའི་སློབ་ཆུང་སློབ་མའི་སློབ་སྦྱོང་དང་རྒྱུན་ལྡན་འཚོ་བའི་ཁྲོད་དུ་བརྩི་སྲུང་བྱེད་དགོས་པའི་ཀུན་སྤྱོད་ཚད་གཞི།
སློབ་ཆུང་སློབ་མ།
སྤྱིར་བཏང་དུ་སློབ་ཆུང་དུ་སློབ་གྲྭར་ཡོད་པའི་ལོ6ནས12བར་གྱི་སློབ་མ་ལ་གོ་དགོས་ལ། ལན་རེར་ཕྱོགས་ག་གེ་མོའི་ཐོག་མར་འཇུག་མཁན་གྱི་མི་ལ་ཡང་གོ་བ་ཡིན།
ལྗོངས་ཕྱིའི་བདེ་འཇགས།
སློབ་གྲོགས་ཚོ་ལྗོངས་ཕྱི་ནས་གནས་སྐོར་དང་བཟའ་ཆས་ཟ་བ། རོལ་རྩེད་བྱེད་པ། ལུས་རྩལ་སྦྱོང་བརྡར་བྱེད་སྐབས་འགུལ་སྐྱོད་ཁོར་ཡུག་རྒྱ་ཆེ་ལ། མཐོང་བའི་བྱ་དངོས་ཀྱང་ཇེ་མང་དང་རྙོག་འཛིང་ཆེ་ལས། ཉེན་ཁའི་རྒྱུ་རྐྱེན་ཀྱང་ཇ་མང་དུ་འགྲོ་བ་ཡིན། དེར་བརྟེན་གཟབ་གཟབ་བྱེད་དགོས་སའི་དོན་དག་ཀྱང་གང་མང་ཞིག་ཡོད།
གློག་གི་བདེ་འཇགས།
སྤྱི་ཚོགས་འཚོ་བའི་ཆུ་ཚད་ཇེ་མཐོར་སོང་བ་དང་བསྟུན་ནས་གློག་བཀོལ་སྤྱོད་བྱེད་པའི་གནས་ཚུལ་ཀྱང་ཇེ་མང་ནས་ཇེ་མང་དུ་འགྲོ་བཞིན་ཡོད་ལ། དེ་ལ་གཟབ་གཟབ་མ་བྱས་ན་མིའི་ཚེ་སྲོག་དང་རྒྱུ་རྫས་ལ་ཉེན་ཁ་ཆེན་པོ་འབྱུང་བ་ཡིན། སྤྱི་ཚོགས་འཚོ་བའི་ཆུ་ཚད་ཇེ་མཐོར་སོང་བ་དང་བསྟུན་ནས་གློག་བཀོལ་སྤྱོད་བྱེད་པའི་གནས་ཚུལ་ཀྱང་ཇེ་མང་ནས་ཇེ་མང་དུ་འགྲོ་བཞིན་ཡོད་ལ། དེ་ལ་གཟབ་གཟབ་མ་བྱས་ན་མིའི་ཚེ་སྲོག་དང་རྒྱུ་རྫས་ལ་ཉེན་ཁ་ཆེན་པོ་འབྱུང་བ་ཡིན། གློག་གི་བདེ་འཇགས་ནི་གློག་གི་སྒྲིག་ཆས་དང་བཀོལ་སྤྱོད་བྱེད་མིའི་ཚེ་སྲོག་གི་བདེ་འཇགས་ལ་འབྲེལ་བ་ཆེན་པོ་ཡོད་པས་ངེས་པར་དུ་ཤེས་དགོས་པའི་ནང་དོན་གལ་ཆེན་ཞིག་ཡིན།
རང་སྲུང་རང་སྐྱོབ།
སློབ་གྲོགས་ཚོ་ནམ་རྒྱུན་དུ་བདེ་སྐྱིད་དང་དྲོད་ཁོལ་གྱིས་ཁེངས་པའི་ཁྱིམ་ཚང་ནང་འཚོ་བ་རོལ་གྱིན་ཡོད་ལ། ཕ་མ་དང་ཁྱིམ་བདག་གིས་སེམས་ཁུར་དང་གཅེས་སྐྱོང་ཐོབ་ཡོད་པས། བསམ་ཚོད་ལ་ཉེན་ཁ་མེད་པར་འདོད་མོད། འོན་ཀྱང་། ཁྱིམ་ཚང་ནང་གི་དོན་དག་མང་པོ་ཞིག་ལ་ངེས་པར་དུ་མཉམ་འཇོག་དང་སེམས་ཁུར་བྱེད་དགོས་ཏེ། གལ་ཏེ་མཉམ་འཇོག་མ་བྱས་ན་ཉེན་ཁ་འབྱུང་སླ་ལ་དོན་རྐྱེན་འབྱུང་བར་ཉེན་ཁ་ཡང་ཡོད། ཁྱིམ་ཚང་གི་འཚོ་བའི་ཁྲོད་དུའང་བདེ་འཇགས་ཀྱི་གནད་དོན་མང་པོ་ཞིག་ཡོད།
བདེ་འཇགས་སློབ་གསོའི་ཉིན་མོ།
སློབ་གསོ་པུའུ་དང་། སྤྱི་བདེ་པུའུ། ཐོན་ཀྲུང་དབྱང་། ཀྲུང་གོའི་དབང་བོ་སྐྱོན་ཅན་མཉམ་འབྲེལ་ལྷན་ཚོགས། རྒྱལ་ཡོངས་ན་གཞོན་ལས་ཚོགས་ཨུ་ཡོན་ལྷན་ཁང་བཅས་སྡེ་ཁག་ལྔ་ཡིས་མཉམ་འབྲེལ་སྒོས་བརྡ་སྦྱོར་སྤེལ་ཏེ། སྤྱི་ཟླ3པའི་ཚེས28ཉིན་ཏེ་ཟླ་གསུམ་པའི་ཆེས་མཐའ་མཇུག་གི་གཟའ་ཟླ་བ་རྒྱལ་ཡོངས་ཆུང་འབྲིང་སློབ་མའི་བདེ་འཇགས་སློབ་གསོའི་ཉིན་མོར་གཏན་འཁེལ་བྱས་ལ། གཙོ་ཚིག་ནི་བདེ་འཇགས་འདུ་ཤེས་སྲ་བརྟན།། ཉེན་འགོག་ནུས་པ་མཐོར་འདེགས།། བྱས་པ་དེ་ཡིན། 1996ལོར་སྤྱི་ཚོགས་ཡོངས་སྐུལ་སློང་བྱས་ཏེ་མི་རེ་རེ་ནས་ཆུང་འབྲིང་སློབ་གྲྭའི་བདེ་འཇགས་ལ་སེམས་ཁུར་བྱ་དགོས་པར་བྱས།
ཆུ་གནོད་འགོག་ཐབས།
ལོ་ཆུང་བྱིས་པ་ནི་རང་བྱུང་ཁམས་ཀྱི་བྱ་དངོས་ཡོད་ཚད་ལ་མཚར་སྣང་སྐྱེས་ལ། ལྷག་ཏུ་ཆུ་རྩེད་བྱེད་པར་དགའ་བར་མ་ཟད། ཆུ་ནང་གི་ཉ་རིགས་སོགས་འཛིན་པར་དགའ་བ་མ་ཟད། ཆུ་ལ་བརྐྱལ་བར་ལྷག་ཏུ་དགའ་བ་ཡིན། གལ་ཏེ་ཆུ་གནོད་འགོག་པའི་ཐབས་ཤེས་ལ་རྒྱུས་ལོན་མེད་ན་ཚེ་སྲོག་ལ་འབྱུང་བའི་ཉེན་ཁ་ཧ་ཅང་ཆེ།
ཟས་རིགས་བདེ་འཇགས།
ཟས་རིགས་བདེ་འཇགས་ནི་དུག་མེད་པ་དང་གནོད་པ་མེད་པ། འཚོ་བཅུད་ཚད་ལྡན་ཡིན་པར་མིའི་བདེ་ཐང་ལ་ཉེ་རིང་གང་དུ་ཡང་གནོད་པ་ཅི་ཡང་མེད་པའི་ཟས་རིགས་ལ་གོ་བ་ཡིན་ལ། ཟས་རིགས་བདེ་འཇགས་དེ་ཡང་ཆེད་དུ་བཟའ་བཏུང་ལས་སྣོན་དང་གསོག་འཇོག ཉོ་འཚོང་སོགས་གོ་རིམ་གྱི་ཁྲོད་ཀྱི་ཟས་རིགས་འཕྲོད་བསྟེན་དང་བཟའ་སྤྱོད་བདེ་འཇགས་བྱས་ཏེ། ནད་རིགས་འབྱུང་བར་སྔོན་འགོག་བྱེད་དགོས། ལོ་ཆུང་བྱིས་པ་ནི་འཇིག་རྟེན་གྱི་རིག་རིག་ལ་མཚར་བ་དང་ལག་ཏུ་ཡོང་ཡོང་ཁ་ནང་དུ་འཇུག་པའི་གོམས་གཤིས་ཡོད་པས། སློབ་ཆུང་སློབ་མར་དེའི་སྐོར་གྱི་ཤེས་བྱ་བརྒྱུད་སྤྲོད་བྱ་རྒྱུ་ནི་ཧ་ཅང་གལ་ཆེ།
འགྲིམ་འགྲུལ་བདེ་འཇགས།
མི་རྣམས་གཞུང་ལམ་གྱི་སྟེང་འགུལ་སྐྱོད་བྱེད་པའམ་རྩེད་མོ་རོལ་བའི་སྐབས་སུ། འགྲིམ་འགྲུལ་བཅའ་ཁྲིམས་ཀྱི་བསྟན་དོན་ལྟར་བདེ་འཇགས་སྒོས་རླངས་འཁོར་དང་མི་བགྲོད་པ་དང་འགྲོ་བ། ཡང་ན་ཚེ་སྲོག་གི་ཤི་རྨས་དང་རྒྱུ་རྫས་ལ་གྱོང་གུན་ཐེབས་པར་སྔོན་འགོག་བྱེད་དགོས། སློབ་ཆུང་སློབ་མར་མཚོན་ན་ནར་སོན་པའི་དུས་སྐབས་དང་བྱ་དངོས་ཡོད་ཚད་ལ་རྒྱུས་ལོན་བྱེད་པའི་དུས་མཚམས་ཡིན་པས། བྱ་བ་གང་དང་གང་བསྒྲུབ་པའི་ཐད་ལ་ཐག་གཅོད་ཀྱི་བློ་མིག་ཞན་ལ། ལྷག་ཏུ་བདེ་འཇགས་སློབ་གསོ་དེ་ངེས་པར་དུ་མཁོ་གལ་ཆེ་བ་ཞིག་ཡིན།
སྐར་བརྒྱའི་ལམ་ལུགས།
སྐར་བརྒྱའི་ལམ་ལུགས་ནི་སྐར་གྲངས་ཡོངས་ལ་སྐར་མ100ཡི་རྒྱུགས་ལེན་དང་། སྤྱིར་བཏང་དུ་སློབ་ཆུང་ལ་སྐར་བརྒྱའི་ལམ་ལུགས་བཀོལ་སྤྱོད་བྱེད་པ་ཡིན། 2013ལོའི་ཟླ8པའི་ཚེས22ཉིན། སློབ་གསོ་པུའུ་ཡིས《སློབ་ཆུང་སློབ་མའི་འགན་འཁྲི་དོན་ཚན་བཅུ་འཕྲི་བའི་གཏན་འཁེལ》གྱི་བསམ་འཆར་བསྡུ་ལེན་ཡིག་ཆ་ལས་ཁྱབ་བསྒྲགས་ཀྱི་ནང་ཕྱོགས་ཡོངས་ནས་སྐར་བརྒྱའི་ལམ་ལུགས་མེད་པར་བཟོ་དགོས་པའི་གཏན་འཁེལ་བྱས་ཡོད།
བདེ་འཇགས་སློབ་གསོ།
རང་སྲུང་གི་ནུས་པ་ནི་བྱིས་པ་བདེ་ལེགས་ངང་འཚར་ལོངས་འབྱུང་བའི་ངེས་མཁོའི་ནུས་པ་ཞིག་ཡིན་ལ། རང་ཉིད་སྲུང་སྐྱོབ་དང་ཉེན་ཁར་རྒྱང་དུ་བསྐྱེད་ན་ད་གཟོད་བྱིས་པ་བདེ་སྐྱིད་ངང་འཚོ་བ་སྐྱིད་པོ་རོལ་ཐུབ། བྱིས་པ་བདེ་ཐང་དང་བདེ་འཇགས་ཀྱི་ཆེད་དུ། དགེ་རྒན་དང་ཁྱིམ་བདག་གིས་སྔ་ས་ནས་ཁོ་ཚོར་དགོས་ངེས་ཀྱི་བདེ་འཇགས་རྒྱུན་ཤེས་དང་ཐག་གཅོད་བྱེད་ཐབས་སོགས་ཁྲིད་དེ་བྱིས་པའི་རང་སྲུང་གི་འདུ་ཤེས་དང་གདོང་གཏོད་ཐུབ་པའི་སེམས་ཁམས་ལ་དོ་སྣང་བྱེད་དགོས།
རྨེ་བ་ཡུལ་ཚོའི་སློབ་ཆུང་།
ཧུང་ཡོན་རྫོང་རྨེ་བ་ཡུལ་ཚོའི་སློབ་ཆུང་ནི་སྔར་གྱི་རྡོ་ཁང་སློབ་ཆུང་བྱ་བ་དེ་ཡིན་ཞིང་།རྡོ་ཁང་སློབ་ཆུང་ནི་སྤྱི་ལོ1959ལོའི་ལོ་འགོར་དམངས་གཙོ་བཅོས་བསྒྱུར་ལ་རྒྱལ་ཁ་བླངས་རྗེས་སྔར་རྨེ་བ་དགོན་གྱི་གནས་ས་རྙིང་བར་གསར་དུ་བསྐྲུན་པ་ཡིན། སྤྱི་ལོ1969ལོར་སྔར་རྨེ་བ་བཙོན་ཁང་གནས་སའི་ཁང་བ་རྙིང་བ་བཅོས་བསྐྲུན་བྱས་ཏེ་དེར་གནས་སྤོས་ཤིང་། དེ་ནི་རིམ་པ་མཐོ་དམའ་གཉིས་ལྡན་གྱི་སློབ་ཆུང་ཞིག་ཡིན།
ལུང་ཟི་ཐང་སློབ་ཆུང་།
ལུང་ཟི་ཐང་སློབ་ཆུང་ནི་སྔར་གྱི་ལུང་ཟི་ཕྱུགས་རྒྱུད་སྤེལ་རའི་བུ་ཕྲུག་སློབ་ར་དེ་ཡིན་ཞིང་། སི་ཁྲོན་ཞིང་ཆེན་ཕྱུགས་རྒྱུད་སྤེལ་རས་དོ་དམ་བྱས་ཏེ། སྤྱི་ལོ2008ལོར་ཧུང་ཡོན་རྫོང་སློབ་གསོ་ཅུས་ལ་རྩིས་སྤྲོད་བྱས་ཏེ་ཧུང་ཡོན་རྫོང་ལུང་ཟི་ཐང་སློབ་ཆུང་དུ་བསྒྱུར། སྤྱི་ལོ2008ལོར་རྫོང་སློབ་གསོ་ཅུས་ཀྱིས་སྔར་གྱི་སློབ་གྲྭའི་གནས་ཡུལ་དུ་འཆར་འགོད་བྱས་ཏེ་མ་དངུལ་བཏང་ནས་ད་ལྟའི་སློབ་གྲྭ་འདི་བསྐྲུན་པ་རེད།
ཚ་རུ་མ་ཡུལ་ཚོའི་སློབ་ཆུང་།
ཚ་རུ་མ་ཡུལ་ཚོའི་སློབ་ཆུང་ནི་སྤྱི་ལོ2001ལོའི་ཟླ11པར་བཙུགས་པ་དང་། དེ་ནི་ཧུང་ཡོན་རྫོང་ཁོངས་ཀྱི་ནུབ་ལྷོ་རྒྱུད་དུ་གནས་ཡོད། ཆེས་དབེན་པ་དང་། ཆེས་དབུལ་ཤོས། དཔལ་འབྱོར་དང་སྤྱི་ཚོགས་འཕེལ་རྒྱས་ཆེས་རྗེས་ལུས་ཡིན་པའི་ཡུལ་ཚོ་ཞིག་ཡིན། འབར་ཁམས་དང་། རྔ་བ། ཧུང་ཡོན་རྫོང་གསུམ་གྱི་འབྲེལ་མཚམས་སུ་གནས་ཤིང་། དེ་ནི་སི་ཁྲོན་ནུབ་བྱང་ས་མཐོའི་དཔེ་མཚོན་ལྡན་པའི་འབྲོག་ལས་རྐྱང་པའི་ཡུལ་ཚོ་ཞིག་རེད། ཡུལ་ཚོ་ཡོངས་ལ་དུད་ཚང355དང་མི་གྲངས2499ཡོད། ཁོངས་སུ་སྲིད་འཛིན་གྲོང་ཚོ་གསུམ་ཡོད་པ་དང་། སློབ་གྲྭ་ནི་ཚ་རུ་མ་ཡུལ་ཚོའི་གནས་ཡུལ་དུ་ཆགས་ཡོད།
ཧུང་ཡོན་སྦྲ་ཆེན་གྲོང་རྡལ་སློབ་ཆུང་།
ཧུང་ཡོན་རྫོང་སྦྲ་ཆེན་གྲོང་རྡལ་སློབ་ཆུང་ནི་སྤྱི་ལོ1959ལོའི་ལོ་མཇུག་ཏུ་བཙུགས་པ་དང་། སྔ་ཕྱིར་སྦྲ་གུར་སློབ་ཆུང་དང་། རྟ་ཐོག་གི་སྐོར་བསྐྱོད་སློབ་གྲྭ་སོགས་ལོ་ངོ50ལྷག་ཙམ་བརྒྱུད་དེ་ད་ལྟའི་གཞི་ཁྱོན་དང་རྣམ་པ་རིམ་བཞིན་ཆགས་པ་རེད།
ཨ་མོ་ཁོག་ཡུལ་ཚོའི་སློབ་ཆུང་།
ཧུང་ཡོན་ཨ་མོ་ཁོག་ཡུལ་ཚོའི་སློབ་ཆུང་ནི་གྲོང་གསེབ་བཅའ་སྡོད་ལམ་ལུགས་ཀྱི་སློབ་ཆུང་ཞིག་ཡིན་ལ། སློབ་གྲྭ་འདི་ནི་སྤྱི་ལོ1964ལོར་བཙུགས་པ་དང་། སྐབས་དེར་རྫོང་ཡོངས་སུ་གྲོང་གསེབ་བཅའ་སྡོད་ལམ་ལུགས་ཀྱི་སློབ་གྲྭ་འདི་མ་གཏོགས་མེད་ལ། སློབ་གསོའི་ལས་དོན་འཕེལ་རྒྱས་འགྲོ་བ་དང《མི་རིགས་ས་ཁུལ་གྱི་སློབ་གསོ་ལོ་བཅུའི་བྱ་སྤྱོད་འཆར་གཞི》སྐུལ་འདེད་བཏང་བ་དང་རྩ་ཆག་གཉིས་དང་ཁ་གསབ་གཅིག་ཀྱི་སྲིད་ཇུས་ལག་བསྟར་བྱས་པ་དང་བསྟུན། སློབ་གྲྭར་སྔ་ཕྱིར་འཛུགས་སྐྲུན་མང་བོ་བྱས་ཤིང་། བདེ་ཐང་མཛེས་སྡུག་ལྡན་པའི་སློབ་གྲྭའི་ཁོར་ཡུག་འཛུགས་བསྐྲུན་བྱས་ཡོད།
སྟག་ཚ་གྲོང་རྡལ་སློབ་ཆུང་།
སྟག་ཚ་གྲོང་རྡལ་སློབ་ཆུང་ནི་སྤྱི་ལོ1958ལོའི་དཔྱིད་ཀར་གསར་དུ་བཙུགས་ཤིང་། སྟག་ཚ་གྲོང་རྡལ་གྱི་ཤར་རྒྱུད་དུ་གནས་ཡོད། རྫོང་ཡོངས་ཀྱི་གཞི་ཁྱོན་ཆེས་ཆེ་བའི་ཆ་ཚང་སློབ་ཆུང་ཞིག་ཡིན་ལ། རྫོང་ཡོངས་ཀྱི་སློབ་ཆུང་སློབ་གསོ་དང་སློབ་ཁྲིད་ཞིབ་འཇུག་བྱེད་པའི་ཚོད་ལྟའི་ལྟེ་བའང་ཡིན།
མཛོད་དགེ་རྫོང་མི་རིགས་ཞག་སྡོད་ལམ་ལུགས་སློབ་ཆུང་།
མཛོད་དགེ་རྫོང་མི་རིགས་ཞག་སྡོད་ལམ་ལུགས་སློབ་ཆུང་ནི་སྤྱི་ལོ1987ལོར་གསར་དུ་བསྐྲུན་པ་ཡིན་ལ། རྫོང་མཁར་གྱི་མུ་ཏིག་སྲང་ལམ་དང་བདེ་སྐྱིད་སྲང་ལམ་སྣོལ་མཚམས་སུ་གནས་ཡོད། རྫོང་ཡོངས་སུ་རོང་འབྲོག་ས་ཆ་ཀུན་ལ་ཁ་ཕྱོགས་ནས་སློབ་མ་བསྡུ་བ་དང་། སྐད་གཉིས་སློབ་ཁྲིད་ལམ་ལུགས་ལག་ཏུ་བསྟར་བའི་ཞག་སྡོད་ལམ་ལུགས་ཀྱི་སློབ་ཆུང་གཅིག་པུ་ཡིན།
ཧུང་ཡོན་རྫོང་མཁར་ཞོལ་སློབ་ཆུང་།
ཧུང་ཡོན་རྫོང་མཁར་ཞོལ་སློབ་ཆུང་ནི་སི་ཁྲོན་ཞིང་ཆེན་རྔ་བ་ཁུལ་ཧུང་ཡོན་རྫོང་ཁྱུང་མཆུ་གྲོང་རྡལ་དུ་གནས་ཡོད་ལ། སློབ་གྲྭའི་ས་ཁྱོན་ལ་སྨི་གྲུ་བཞི་མ་ཁྲི7.84དང་བཟོ་སྐྲུན་རྒྱ་ཁྱོན་ལ་སྨི་གྲུ་བཞི་མ3998ཡོད། སྤྱི་ལོ2005ལོའི་བར་སློབ་གྲྭར་སློབ་མ700ཡན་ཆད་ཡོད།
མཛོད་དགེ་རྫོང་སློབ་འབྲིང་།
མཛོད་དགེ་རྫོང་སློབ་འབྲིང་ནི་རྫོང་མཁར་གྱི་ལྷོ་ནུབ་ཕྱོགས་སུ་ཆགས་ཡོད་ལ། རྫོང་ཡོངས་སུ་རྒྱ་ཡིག་གཙོ་བོར་འཛིན་པའི་མཐོ་རིམ་ཆ་ཚང་སློབ་འབྲིང་གཅིག་པུ་ཡིན། རྒྱ་ཁྱོན་ལ་སྨི་གྲུ་བཞི་མ་ཁྲི297ཡོད་ལ། འཛུགས་སྐྲུན་རྒྱ་ཁྱོན་ལ་སྨི་གྲུ་བཞི་མ་ཁྲི1.44ཡོད།
ལུང་ཟི་ཡུལ་ཚོའི་སློབ་ཆུང་།
ཧུང་ཡོན་ལུང་ཟི་ཡུལ་ཚོའི་སློབ་ཆུང་ནི་བཅའ་སྡོད་ལམ་ལུགས་ཀྱི་སློབ་ཆུང་ཞིག་ཡིན་ལ། སློབ་གྲྭ་འདི་ནི་སྤྱི་ལོ1959ལོར་བཙུགས་པ་དང་། སྔོན་ཆད་སྦྲ་གུར་སློབ་གྲྭ་ཡིན་པ་དང་། སྤྱི་ལོ2005ལོར་སྒྲིག་བཀོད་ཅུང་ཆ་ཚང་བའི་སློབ་ཁྲིད་ཐོག་ཁང་བསྐྲུན་པ་དང་། སྤྱི་ལོ2007ལོའི་ཟླ4བར་སློབ་གསོའི་ལས་དོན་འཕེལ་རྒྱས་ཀྱི་དགོས་མཁོར་གཞིགས་ནས། སློབ་གྲྭ་འདི་དང་སྔར་གྱི་ལུང་ཟི་གྲོང་ཚོའི་སློབ་ཆུང་དང་གད་དམར་གྲོང་ཚོའི་སློབ་ཆུང་གསུམ་མཉམ་དུ་བསྡུས་ཏེ་ཧུང་ཡོན་རྫོང་ལུང་ཟི་ཡུལ་ཚོའི་ལྟེ་གནས་སློབ་གྲྭར་བསྒྱུར།
ཧུང་ཡོན་རྫོང་ཧྲེན་ཀྲེན་ཧྥུའུ་ཐེན་རེ་བའི་སློབ་ཆུང་།
ཧུང་ཡོན་རྫོང་ཧྲེན་ཀྲེན་ཧྥུའུ་ཐེན་རེ་བའི་སློབ་ཆུང་ནི་བཅའ་སྡོད་ལམ་ལུགས་ཀྱི་སློབ་ཆུང་ཞིག་ཡིན་ལ། སློབ་གྲྭའི་ས་ཁྱོན་ལ་སྨི་གྲུ་བཞི་མ་ཁྲི6.05ཡོད་པ་དང་། སློབ་གྲྭར་སློབ་མ667ཡོད།
སུང་ཕིང་ཀོའུ་ཡུལ་ཚོའི་སློབ་ཆུང་།
སུང་ཕིང་ཀོའུ་ཡུལ་ཚོའི་སློབ་ཆུང་ནི་སྤྱི་ལོ1955ལོར་བཙུགས་ཤིང་། ཐོག་མར་སློབ་གྲྭ་ནི་སུང་ཕིང་ཀོའུ་ཡུལ་ཚོའི་ཨེར་པ་ཞི་གྲོང་སྡེའི་མཆོད་ཁང་ནང་དུ་ཡོད། རྗེས་ནས་གནས་སྤོས་པ་དང་རྒྱས་བསྐྲུན་བྱས།
ཝེ་ཁྲེང་ཡུལ་ཚོའི་སློབ་ཆུང་།
ཝེ་ཁྲེང་ཡུལ་ཚོའི་སློབ་ཆུང་ནི་སྤྱི་ལོ1951ལོར་བཙུགས་ཤིང་། སྤྱི་ལོ1989ལོར་ལྟེ་གནས་སློབ་གྲྭ་དེ་ཆན་ཚུན་གྲོང་ཚོ་ནས་ཀྲུང་ཚུན་གྲོང་ཚོར་གནས་སྤོས་ཤིང་། སྤྱི་ལོ2003ལོར་ཡང་ཀྲུང་ཚུན་གྲོང་ཚོ་ནས་ཆན་ཚུན་གྲོང་ཚོ་ཧོ་པ་ཡུལ་ཚོ་སྲིད་གཞུང་གི་འགྲམ་དུ་སྤོས། སྤྱི་ལོ1991ལོར་ཡུལ་ཚོ་ཡོངས་ལ་སློབ་གྲྭ6ཡོད་པ་དང་། དེའི་ནང་དུ་ལྟེ་གནས་སློབ་གྲྭ་གཅིག་དང་གྲོང་ཚོ་རིམ་པའི་སློབ་གྲྭ5ཡོད་པ་དང་། དགེ་རྒན14དང་སློབ་མ་ཁྱོན་བསྡོམས140ཡོད། ལྟེ་གནས་སློབ་གྲྭ་ལ་དགེ་རྒན10ཡོད།
ཧྲོང་པའེ་སློབ་ཆུང་།
སི་ཁྲོན་ཞིང་ཆེན་རྔ་བ་ཁུལ་བཙན་ལྷ་རྫོང་ཧྲོང་པའེ་སློབ་ཆུང་ནི་སྤྱི་ལོ1986ལོར་བཙུགས་པ་དང་བཙན་ལྷ་རྫོང་གི་བྱང་རྒྱུད་དུ་གནས་ཡོད། ཆ་སྙོམས་རྒྱ་མཚོའི་ངོས་ལས་མཐོ་ཚད་སྨི4000ཡན་ཟིན། རྫོང་གྲོང་དང་བར་ཐག་སྤྱི་ལེ15ཡོད་པ་རེད། མིག་སྔར་དགེ་རྒན17ཡོད་ཅིང་སློབ་མ331ཡོད་པ་དང་། སློབ་གྲྭ་སྤྱིའི་རྒྱ་ཁྱོན་ལ་སྨི640ཡོད།
ཐེམ་ཆེན་རྫོང་མི་རིགས་སློབ་ཆུང་དང་པོ།
སློབ་ཆུང་ཞིག་ཡིན་ཏེ། ཐེམ་ཆེན་རྫོང་ཐོག་དུ་ཡོད་པ་དང་སྤྱི་ལོ1983ལོའི་སྟོན་ཀར་བཙུགས།
| སློབ་ཆུང་གི་སློབ་གསོ། བརྡ་འགྲེལ 89 ཡོད། |