ཁ་པར།
ཁ་པར་ནི་དབྱིན་སྐད་དུTelephoneཟེར་ཞིང་། ཞི་ལའི་སྐད་ལས་བྱུང་པ་དང་། རྒྱང་རིང་གི་སྐད་སྒྲ་ཞེས་པའི་དོན་ཡིན་ཞིང་། དེ་ནི་སྐད་སྒྲ་བརྒྱུད་སྐྱེལ་དང་བསྡུ་ལེན་བྱེད་པའི་རྒྱང་རིང་འཕྲིན་གཏོང་སྒྲིག་ཆས་ཤིག་ཡིན། སྔོན་གྱི་དུས་རབས་བཅོ་བརྒྱད་པའི་སྐབས་སུ་ཡོ་རོབ་གླིང་ལ“ཁ་པར”ཞེས་པའི་ཐ་སྙད་འདི་བྱུང་ཞིང་། སྐུད་ཕྲེང་ལས་གྲུབ་པའི་སྐད་སྦུག་ལ་སྤྱོད་བཞིན་ཡོད་པ་རེད། ཁ་པར་བྱུང་བ་དེ་ཡཱ་ལི་ཧྲན་ཏཱ•ཀུ་ལཱ་ཧན་མུའུ•པེ་ཨེར་ལ་རག་ལས་ཡོད་པ་དང་། ཐོག་མའི་ཁ་པར་གྱི་རྩ་བའི་རིགས་པ་སྐད་ཆའི་སྒྲ་དེ་མཁའ་དབུགས་ཁྲོད་ཀྱི་མཉམ་འདུས་འདར་འགུལ་བྱས་པ་བརྒྱུད། སྲ་གཟུགས་སྟེང་བརྒྱུད་གཏོང་བྱས་པ་དང་། གློག་རྩ་འཕར་བ་ལས་གློག་འདྲེན་ལྕགས་རིགས་སྟེང་དུ་བརྒྱུད་སྤྲོད་བྱས་པ་རེད། པེ་ཨེར་གྱིས1876ལོའི་ཟླ3པར་ཁ་པར་གྱི་ཆེད་ཁེའི་དབང་ཆ་སྙན་ཞུ་བྱས་པ་རེད། ཨ་རིའི་རྒྱལ་ཚོགས་ཀྱིས2002ལོའི་ཟླ6པའི་ཚེས15ཉིན་གྱི་གྲོས་ཆོད་ཨང269པའི་སྟེང་ཨན་ཏུང་ཉི་ཨའོ•མུའུ་ཆི་ཁ་པར་གསར་གཏོད་མཁན་ཡིན་པ་གཏན་འཁེལ་བྱས་པ་དང་། མུའུ་ཆི་ཡིས1860ལོར་ཐེངས་དང་པོར་སྤྱི་དམངས་ལ་ཁོང་གི་གསར་གཏོད་འགྲེམས་སྟོན་བྱས་པ་མ་ཟད། འབྲེལ་ཡོད་ཀྱི་གསར་གཏོད་རྣམ་གྲངས་འདིའི་ངོ་སྤྲོད་ཉིག་ཡོའི་དབྱི་ཐ་ལིའི་ཚགས་པར་སྟེང་དུ་སྤེལ།
| ཁ་པར། བརྡ་འགྲེལ 2 ཡོད། |