ཡོངས་འཛིན་རིག་མཛོད། >འཚོ་བ། >རྒྱན་གོས།

འདམ་གཞུང་གི་རྒྱན་གོས།

ལས་ལ་བརྩོན་ཞིང་དཔའ་དང་བློ་གྲོས་ཀྱིས་རབ་ཏུ་ཕྱུག་པའི་བོད་པ་རྣམས་ནི་གླུ་དང་གར་བྲོའི་རྩལ་དང་རྩེད་འཇོར་མཉེས་ཤིང་། རིན་ཐང་གཞལ་དུ་བྲལ་བའི་ནོར་བུ་དང་རྒྱན་ཆའི་རིགས་ཀྱིས་རང་ལུས་ཡོངས་སུ་བཀླུབས་ནས་མཛེས་པ་ཀུན་ལ་ངོམ་པའི་ཐུན་མིན་གྱི་སྲོལ་དང་ལྡན་པའི་མི་རིགས་ཤིག་རེད། བོད་རིགས་ས་ཁུལ་དུ་གནས་སའི་ཡུལ་བབ་མི་འདྲ་བའི་དབང་གིས་དེ་གའི་གྱོན་གོས་དང་རྒྱན་ཆས་ལའང་རང་རང་གི་ཡུལ་གྱི་ཁྱད་ཆོས་མི་འདྲ་བ་མང་པོ་ཡོད། སྐྱེས་པའི་རྒྱན་གོས། འདམ་གཞུང་ཁུལ་གྱི་སྐྱེས་པ་རྣམས་ཀྱི་སྐྲ་ལྕང་ལོ་ལྷས་པའི་སྣེ་མོར་སི་ཤན་གྱི་སྐྲ་གཞུག་དམར་པོ་ཞིག་བསྒར་ཡོད། ལྕང་ལོར་བ་སོའི་ཤ་ཀྲད་དང་། དངུལ་གྱི་ཚིགས་ཁེབས་རྟ་སྒའི་གཟུགས་གཡུ་བྱུར་གྱི་ཁྲ་ཅན་ཆེན་པོ་འགའ་ཞིག་བརྒྱུས་ཏེ་ལྕང་ལོ་མགོ་བོར་དཀྲིས།

རིགས་དབྱེ།   འཚོ་བ།རྒྱན་གོས།

རྒྱ་རིགས་ཀྱི་རྒྱན་གོས།

ཀྲུང་གོའི་གྱོན་ཆས་ནི་རྒྱ་མི་རིགས་ཀྱི་སྲོལ་རྒྱུན་གྱོན་གོས་གཙོ་བོ་ཡིན། ཧོང་ཏིའི་སྐབས་སུ་གསར་བཟོ་བྱས་པ་ཞིག་ཡིན་ལ། ཀྲུའུ་ནུབ་མའི་སྐབས་ནས་བཟུང་རྒྱ་རིགས་ཀྱི་གྱོན་གོས་རྨང་གཞི་གྲུབ་ཟིན་པ་དང་། ཧན་རྒྱལ་རབས་ཀྱི་སྐབས་སུ་སླེབས་དུས་ཕྱོགས་ཡོངས་ནས་ཡོངས་ཁྱབ་ཏུ་ལེགས་གྲུབ་བྱུང་ཡོད་པ་ཞིག་ཡིན། དེ་ནས་བཟུང་མིང་རྒྱལ་རབས་ཀྱི་དུས་མཇུག་དང་ཆིང་རྒྱལ་རབས་ཀྱི་དུས་མགོའི་བར་རྒྱ་ནག་གི་གྱོན་གོས་ལ་ལོ་ངོ་སྟོང་ཕྲག་གི་ལྷག་གི་ལོ་རྒྱུས་ལྡན་། རྒྱ་ནག་གི་གྱོན་གོས་ལ་ཧྭ་ཞའི་གྱོན་གོས་ཞེས་ཀྱང་ཟེར་ལ། དེར་གོང་མཐུད་གཡས་ཐུ་དང་གོང་འདབ་དྲང་མོ་ཡོད་ལ་བསྐོར་འདབ་ཀྱང་ཡོད།

རིགས་དབྱེ།   འཚོ་བ།རྒྱན་གོས།

ཕྱུ་བ་བཟོ་ཚུལ།

རྒྱན་གོས་གང་ཞིག་འཆར་བཟོ་བྱེད་པ་ལ་ཐོག་མར་ལྭ་བ་དེའི་དབྱིབས་རིས་འགོད་རྒྱུ་ནི་ཐོག་མའི་འགྲོ་ཕྱོགས་ཙམ་ཡིན་པས། བོད་ཀྱི་རྒྱན་གོས་འཆར་འགོད་བྱེད་པའམ་གསར་བཟོ་བྱེད་གང་ཞིག་ཡིན་པ་ལའང་ཐོག་མར་ཐིག་རིས་བྲིས་ཏེ་བཟོ་ཁོག་གཅོད་རྒྱུ་ནི་གལ་ཆེ་བ་ཞིག་ཡིན་པས། འདིར་བོད་ཀྱི་ཕྱུ་བ་བཟོ་བའི་ཚུལ་ཇི་ལྟར་ཡིན་པར་བཤད་པ་ལ། ཕོ་ཕྱུ་བཟོ་ཚུལ།                                                       འདིར་ནི་བོད་ཀྱི་སྐྱེས་པའི་གྱོན་གོས་ཕྱུ་པའི་ཐིག་རིས་ཇི་ལྟར་འགོད་པ་ལ།  མདུན་རྒྱབ་འབྲི་ཚུལ། (1) གཤམ་ཆའི་ཐིག

རིགས་དབྱེ།   འཚོ་བ།རྒྱན་གོས།

སྐྲ་ཤུབས།

རོང་མོ་ཐམས་ཅད་ཀྱི་སྐྲ་ལུང་ལ་གོས་སྐུད་ཚོན་མདངས་སྣ་ཚོགས་ཀྱིས་གཙགས་པའི་དཀྱིལ་དུ་གཡུ་བྱུར་སྣ་ཚོགས་ཆ་འགྲིག་ཅིང་སྐྲའི་ལན་བུའི་མདོ་གསུམ་དུ་བགོས་ནས་གཡས་གཡོན་གཉིས་ཀྱི་སྐྲའི་སྣེ་མོ་སྐྲ་ལུང་གི་ནང་དུ་བཅུག་ནས་རྒྱབ་དུ་འདོགས་པས་ན་སྐྲ་ལུང་དང་སྐྲ་ཤུབས་ཟེར། མིང་གཞན། སྐྲ་ལུང་། རིགས་དབྱེ། རྒྱན་ཆ། ངོ་སྤྲོད། རོང་མོ་ཐམས་ཅད་ཀྱི་སྐྲ་ལུང་ལ་གོས་སྐུད་ཚོན་མདངས་སྣ་ཚོགས་ཀྱིས་གཙགས་པའི་དཀྱིལ་དུ་གཡུ་བྱུར་སྣ་ཚོགས་ཆ་འགྲིག་ཅིང་སྐྲའི་ལན་བུའི་མདོ་གསུམ་དུ་བགོས་ནས་གཡས་གཡོན་གཉིས་ཀྱི་སྐྲའི་སྣེ་མོ་སྐྲ་ལུང་གི་ནང་དུ་བཅུག་ནས་རྒྱབ་དུ་འདོགས་པས་ན་སྐྲ་ལུང་དང་སྐྲ་ཤུབས་ཟེར།

རིགས་དབྱེ།   འཚོ་བ།རྒྱན་གོས།

གོས།

གོས་ནི་འགྲོ་བ་མིའི་རིགས་སྤྱི་ལ་དར་སྔ་ཞིང་མེད་དུ་མི་རུང་བའི་མཁོ་ཆས་ཤིག་ཡིན་ལ། ཕྱི་གོས་རྒྱན་གྱི་སྟེང་ནས་མི་རིགས་དེའི་ནང་ཀུན་སྤྱོད་མཚོན་མར་མ་ཟད། ད་དུང་མི་རིགས་དེའི་ཤེས་རིག་ལྡན་པའི་ལོ་རྒྱུས་ཀྱང་མཚོན་གྱི་ཡོད། བོད་མི་ནི་འཛམ་གླིང་གི་མི་རིགས་མང་པོའི་ཁྲོད་དུ་གོས་དར་སྔ་བའི་མི་རིགས་ཤིག་ཡིན་ལ། ལོ་ཏོག་ཟོས་པས་དེ་ཀུན་མི་ཉིད་གྱུར།། མ་རྨོས་འབྲུ་ཟ་གོས་སུ་ཤིང་ལོ་གྱོན།། ནགས་ན་རི་དྭགས་ལྟ་བུར་གནས་པ་ཡིན།། ཀློ་དང་མོན་ལྟར་སྤྱོད་པས་བོད་ཡུལ་གང་།། ཞེས་པ་ལ་བརྟག་ཚེ། ཤིན་ཏུ་སྔ་བའི་དུས་ནས་བོད་ལ་གོས་དར་བ་མཚོན་པར་མ་ཟད་གོས་ཀྱི་ཐོག་མའང་ཤིང་ལོ་ཡིན་པ་གསལ་པོར་བསྟན་ཡོད་དོ།། མིང་གཞན།

རིགས་དབྱེ།   འཚོ་བ།རྒྱན་གོས།

གཙུག་གཡུ།

ང་ཚོས་ནམ་རྒྱུན་བོད་རིགས་བུད་མེད་ཀྱིས་མགོའི་གཙུག་རྒྱན་ལ་གཡུ་བཏགས་ཡོད་པ་མཐོང་ཐུབ་ཅིང་། ཀུན་གྱི་སྣང་ངོར་དེ་ནི་རྒྱན་ཆའི་འདུ་ཤེས་ཆགས་ནས་འབྲོག་ཕྱོགས་སུ་དགའ་སྟོན་དང་དུས་ཆེན་སྐབས་སུ་བུ་མོ་ལོ་ཆུང་རྣམས་ལའང་གཙུག་གཡུ་འདོགས་བཞིན་ཡོད། ཡིན་ནའང་གཙུག་རྒྱན་དུ་གྱུར་བའི་གཡུ་ཆུང་ཆུང་འདི་ནི་རྒྱན་ཆ་ཁོ་ན་ཙམ་མ་ཡིན་པར་འདི་ལ་མཚོན་དོན་ཟབ་མོ་ཡོད། རྒྱ་ཡིག་གི་མིང་། 顶璁 སྤྱོད་ཡུལ། བུད་མེད་ཀྱི་མགོ་རྒྱན། ཆོས་ལུགས་ཀྱི་ཆོ་ག་ལས་བྱུང་བ། ང་ཚོ་བོད་མི་རིགས་ཀྱི་ཆོས་ལུགས་ནང་དུ་བླ་འགུགས་ཚེ་འགུགས་ཀྱི་ཆོ་ག་ཡོད་ལ།

རིགས་དབྱེ།   འཚོ་བ།རྒྱན་གོས།

རྨ་ཆེན་སྤོམ་ཞྭ།

བོད་མདོ་སྨད་པ་ཕལ་ཆེ་བས་གྱོན་སྲོལ་ཡོད་པའི་ཕྱིང་དཀར་གྱི་ཞྭ་མོ་རྩེ་རིང་ཏོག་ཅན་ལ་ཚར་ལོ་དམར་པོས་བརྒྱན་པ་འདི་ཨ་མྱེས་རྨ་ཆེན་སྤོམ་རའི་དབུ་ཞྭ་ཡིན་པའི་ཤོད་སྲོལ་ཡོད་དོ།། རྒྱ་ཡིག་གི་མིང་། 玛卿保木夏 རྒྱུ་ཆ། ཕྱིང་དཀར། ས་ཁུལ། མདོ་སྨད་ས་ཁུལ། མིང་གི་འབྱུང་ཁུངས། ཨ་མྱེས་རྨ་ཆེན་གྱི་ཞྭ་ཡིན་པས་ན་དེ་ལྟར་བཏགས། ཁྱད་ཆོས། བགེགས་བར་ཆད་སེལ་ཐུབ་པ། ཞྭ་དབྱིབས། ཞྭ་མོ་རྩེ་རིང་ཏོག་ཅན་ལ་ཚར་ལོ་དམར་པོས་བརྒྱན་པ། ངོ་སྤྲོད། ཞྭ་འདི་ནི་བོད་མདོ་སྨད་ཡུལ་གྱི་མི་ཕལ་ཆེ་བས་གྱོན་པ་ཡིན། དེ་ཡང་བོད་མི་རྒན་རབས་པ་ཚོའི་ངག་རྒྱུན་དུ་སྟོད་ཀྱི་གངས་དཀར་ཏི་སེ་དང་། བར་གྱི་གཉན་ཆེན་ཐང་ལྷ།

རིགས་དབྱེ།   འཚོ་བ།རྒྱན་གོས།

རྨོག་མོ་གནམ་ལྕགས་འབུམ་ཐུབ།

འཛམ་གླིང་གེ་སར་རྒྱལ་པོ་ཞེས་ཡོངས་སུ་གྲགས་པའི་སྐྱེས་བུའི་དམག་ཆས་ཏེ། རྨོག་ཆེན་རྒྱལ་བའི་ཐོད་དཀར་རམ། རྨོག་མོ་གནམ་ལྕགས་འབུམ་ཐུབ་ཅེས་གྲགས། རྒྱུ་ཆ། ལྕགས། རིགས། དམག་ཞྭ། དུས་སྐབས། ཆོས་རྒྱལ་ཁྲི་སྲོང་ལྡེའུ་བཙན། ངོ་སྤྲོད། དབུ་ཞྭ་འདི་ནི་གུ་རུ་པདྨ་འབྱུང་གནས་དང་། ཆོས་རྒྱལ་ཁྲི་སྲོང་ལྡེའུ་བཙན་རྣམ་གཉིས་ཀྱི་ཕྲིན་ལས་གཅིག་ཏུ་བསྡུས་པའི་རོལ་གར་ནག་ཕྱོགས་བདུད་ཀྱི་ཁ་གནོན་དུ་ཤར་བ། འཛམ་གླིང་གེ་སར་རྒྱལ་པོ་ཞེས་ཡོངས་སུ་གྲགས་པའི་སྐྱེས་བུའི་དམག་ཆས་ཏེ།

རིགས་དབྱེ།   འཚོ་བ།རྒྱན་གོས།

ཧྲང་མའོ།

ཞྭ་མོ་འདི་ནི་སྔར་རྒྱ་ནག་ནས་དར་བའི་དབྱར་ཞྭ་ཞིག་རེད་འདུག རྒྱ་ཡིག་གི་མིང་། 纱帽 འབྱུང་ཁུངས། རྒྱ་ནག རྒྱུ་ཆ། སྙུག་མ། རིགས། སྐུ་དྲག་གི་ཞྭ། དུས་ཚིགས། དབྱར་ཁ། ངོ་སྤྲོད། ཞྭ་མོ་འདི་ནི་སྔར་རྒྱ་ནག་ནས་དར་བའི་དབྱར་ཞྭ་ཞིག་རེད་འདུག ཞྭ་མོ་འདིའི་རྒྱུ་ཆ་ནི་སྙུག་མ་ཡིན་ཞིང་། སྙུག་མ་ལེབ་ལེབ་ཕྲ་པོར་གཞོགས་བརྒྱབས་པ་ནས་ལྷས་ཏེ་བཟོས་པ་དང་། ནང་ཤར་རས་སྲབ་པོ་རེ་བཏང་བ། སྟེང་དུ་གསེར་རྩི་བྱུགས་པའི་ཏོག་ཀྱང་བརྒྱབས་ཡོད་པས། བལྟས་ན་མཛེས་པོ་དང་གྱོན་ན་ཡང་པོ་སོགས་ཡོད་པའི་ཁྱད་ཆོས་དུ་མ་དང་ལྡན་པར་བརྟེན།

རིགས་དབྱེ།   འཚོ་བ།རྒྱན་གོས།

ཝ་འཁྱིལ།

ཞྭ་མོ་འདི་ནི་སྔར་བོད་ས་གནས་ཀྱི་དཔོན་རིགས་ཆེ་ཁག་རྣམས་ཀྱིས་གྱོན་སྲོལ་ཡོད་པའི་གོ་གནས་མཚོན་པའི་དགུན་དུས་ཀྱི་ཞྭ་མོ་ཞིག་ཡིན རྒྱ་ཡིག་གི་མིང་། 瓦奇尔帽 འབྱུང་ཁུངས། སོག་པོ། རྒྱུ་ཆ། ཝ་ལྤགས། རིགས། དཔོན་ཞྭ། མཚོན་རྟགས། གོ་གནས་མཚོན་པ། དུས་ཚིགས། དགུན་ཁ། ངོ་སྤྲོད། ཞྭ་མོ་འདི་ནི་སྔར་བོད་ས་གནས་ཀྱི་དཔོན་རིགས་ཆེ་ཁག་རྣམས་ཀྱིས་གྱོན་སྲོལ་ཡོད་པའི་གོ་གནས་མཚོན་པའི་དགུན་དུས་ཀྱི་ཞྭ་མོ་ཞིག་ཡིན་པ་དང་། ཞྭ་མོ་འདིའི་ཐོག་མའི་འབྱུང་ཁུངས་ནི་སོག་པོ་ཡིན་ཞིང་།

རིགས་དབྱེ།   འཚོ་བ།རྒྱན་གོས།

མོ་ཞྭ།

འདི་ནི་སྐྱིད་གྲོང་བརྒྱ་ཚོ་དགུའི་ནང་གནས་པའི་བུད་མེད་ཚང་མས་རྒྱུན་དུ་གྱོན་པའི་ཞྭ་མོ་ཡིན། རྒྱུ་ཆ། སྣམ་བུ། ས་ཁུལ། ལྷ་རྩེ་དང་གཉའ་ལམ། ངོ་སྤྲོད། ཞྭ་མོ་འདི་ནི་སྐྱིད་གྲོང་བརྒྱ་ཚོ་དགུའི་ནང་གནས་པའི་བུད་མེད་ཚང་མས་རྒྱུན་དུ་གྱོན་པའི་ཞྭ་མོ་ཡིན་ལ། ཞྭ་མོ་འདི་ལྷ་རྩེ་དང་གཉའ་ནང་སོགས་སུ་གྱོན་སྲོལ་འདུག ཞྭ་མོ་འདི་ནི་རྒྱུ་སྣམ་བུ་ལས་བཟོས་པ་ཞིག་ཡིན་ལ་ཟུར་གཉིས་ལ་སྐྱིན་ཁེབས་ཀྱིས་མཛེས་རྒྱན་སྤྲས་པ་ཞིག་རེད་འདུག 

རིགས་དབྱེ།   འཚོ་བ།རྒྱན་གོས།

འཕྱོངས་རྒྱས་ཞྭ་མོ།

འདི་ནི་ལྷོ་ཁ་འཕྱོངས་རྒྱས་ཁུལ་གྱི་བུད་མེད་ཚོས་གྱོན་སྲོལ་ཡོད་པའི་ཞྭ་མོ་ཞིག་ཡིན། རྒྱ་ཡིག་གི་མིང་། 琼结帽 ངོ་སྤྲོད། ཞྭ་མོ་འདི་ནི་ལྷོ་ཁ་འཕྱོངས་རྒྱས་ཁུལ་གྱི་བུད་མེད་ཚོས་གྱོན་སྲོལ་ཡོད་པའི་ཞྭ་མོ་ཞིག་ཡིན། ཞྭ་མོ་འདིའི་ཕྱི་དབྱིབས་ཀོང་པོའི་བྱ་ཞྭ་དང་འདྲ་མཚུངས་ཡོད་ནའང་། ཀོང་ཞྭ་ལས་ཧ་ཅང་ཆུང་བ་ཡོད་ལ། གྱོན་སྟངས་ཡང་མི་འདྲ་བ་ཡིན། ཞྭ་མོ་འདི་གྱོན་སྐབས་མགོ་བོའི་སྤྱི་གཙུག་ཏུ་གྱོན་ཏེ་གཡས་གཡོན་ནས་ཁབ་བཟུང་སོགས་ཀྱིས་སྐྲ་ལ་བསྐོན་དགོས་པ་ཡིན། 

རིགས་དབྱེ།   འཚོ་བ།རྒྱན་གོས།

ཚེ་རིང་སྐྱིན་ཁེབས།

ཞྭ་མོ་འདི་ནི་བོད་དབུས་གཙང་ཁུལ་གྱི་སྐྱེས་པ་ཚོས་དགུན་དུས་གྱོན་པའི་ཞྭ་ཞིག་ཡིན། རྒྱ་ཡིག་གི་མིང་། 长寿锦缎帽  次仁金果 གྱོན་མཁན་གྱི་ཐོབ་ཐང་། སྐྱེས་པ། དུས་ཚིགས། དགུན་ཁ། རྒྱུ་ཆ། ཕྱིང་པ། ས་ཁུལ། དབུས་གཙང་། ངོ་སྤྲོད། ཞྭ་མོ་འདི་ནི་བོད་དབུས་གཙང་ཁུལ་གྱི་སྐྱེས་པ་ཚོས་དགུན་དུས་གྱོན་པའི་ཞྭ་ཞིག་ཡིན། དེའི་རྒྱུ་ཆར་མཚོན་ན། གཞི་ཕྱིང་པ་ཡིན་ཞིང་། ཞྭ་འདེབས་སུ་རྒྱ་སེའམ་སྐྱིན་ཁེབས་དང་པན་ཀྱོག་གིས་བརྒྱན་པ་དང་། རྣ་ཆེ་ཆུང་བཞི་ཡོད་པ་དེའི་མཐར་སྲོག་ཆགས་ཆུང་ཚགས་ཀྱི་འཇམ་མཉེན་ལྡན་པའི་སྤུ་སྣ་ཚོགས་གཏོང་སྲོལ་ཡོད། དུས་ཕྱིས་སུ་ཟི་ལིང་གྲོང་ཁྱེར་ནས་དེ་དང་འདྲ་བ་ཞིག་ཐོན་ཡོད་པས་དེའི་མིང་འཇའ་བཏང་ལྤགས་སློག་ཅེས་འབོད་པ་ཡིན།

རིགས་དབྱེ།   འཚོ་བ།རྒྱན་གོས།

གར་ཕྲུག་པའི་ཞྭ་མོ།

འདི་ནི་སྔ་མོ་བོད་ས་གནས་ཀྱི་ཆོས་ཕྱོགས་ཀྱི་མཛད་སྒོ་ཆེ་ཁག་ཅིག་ལ་གར་འཁྲབ་སྟོན་ཞུ་སྐབས་འཁྲབ་སྟོན་པ་ཚོས་གྱོན་རྒྱུའི་ཞྭ་མོ་ཞིག་ཡིན། ངོ་སྤྲོད། ཞྭ་མོ་འདི་ནི་སྔ་མོ་བོད་ས་གནས་ཀྱི་ཆོས་ཕྱོགས་ཀྱི་མཛད་སྒོ་ཆེ་ཁག་ཅིག་ལ་གར་འཁྲབ་སྟོན་ཞུ་སྐབས་འཁྲབ་སྟོན་པ་ཚོས་གྱོན་རྒྱུའི་ཞྭ་མོ་ཞིག་ཡིན། སྐབས་འདིར་གར་ཞེས་པ་ནི། ལག་པའི་ཕྱག་རྒྱ་གཙོ་བོར་བྱས་པ་དང་། ཞི་བའི་ཉམས་བཅུ་དྲུག་གི་སྒོ་ནས་ལྷ་ལ་མཆོད་པ་འབུལ་བའི་ཕྱག་རྒྱའི་གར་སྟབས་ཤིག་ཡིན། དེ་ཡང་གར་ཕྲུག་རྣམས་ནི་ཕལ་ཆེར་ཕྲུ་གུ་རང་ལོ་བཅུ་ནས་བཅུ་དྲུག་ལོན་པ་ཤ་སྟག་ཡིན། 

རིགས་དབྱེ།   འཚོ་བ།རྒྱན་གོས།

པཎ་ཞྭ།

པཎྜི་ཏའི་ཞྭ་མོ་སྣེ་རིང་ཞིག རྒྱ་ཡིག་གི་མིང་། 通人冠 འབྱུང་ཁུངས། རྒྱ་གར། གྲུབ་མཐའ། རྙིང་མ་བ། ངོ་སྤྲོད། ཨོ་རྒྱན་སྨིན་གྲོལ་གླིང་པའི་མཁན་སློབ་རྣམས་ནི། དབུ་ཞྭ་པཎ་ཞྭའི་དབྱིབས་ཅན་དེ་ཡང་ཤེས་རབ་སྟོབས་ཀྱིས་ལོག་རྟོག་འཇོམས་པའི་མཚོན་བྱེད་རྩེ་མོ་ཅུང་ཟད་རྣོ་བ། མཐའ་གང་ལའང་མི་གནས་པའི་དེ་ཉིད་མཚོན་བྱེད་ཞྭའི་ལྟོ་བ་བྱིན་གྱིས་སྦོམ་པ། མདོ་སྔགས་ཀྱི་ཆོས་ཚུལ་གཞན་ལ་འདོམས་ནུས་མཚོན་བྱེད་ཅོད་པན་གཉིས་ནར་མར་འཕྱང་བ། འདུལ་བ་ལ་གཙོ་བོར་རྟོན་པ་དང་གཞན་དོན་དུ་ཆོས་འཆད་པ་ལ་ངལ་བ་མི་མངའ་བའི་མཚོན་བྱེད་རི་མོ་གཅིག་གིས་བརྒྱན་པ།

རིགས་དབྱེ།   འཚོ་བ།རྒྱན་གོས།

ཇོ་ཞྭ།

འདི་ནི་སྤུ་ཧྲེང་ཁུལ་གྱི་བུད་མེད་ཚོས་རྒྱུན་དུ་གྱོན་པའི་ཞྭ་མོ་ལོ་རྒྱུས་དམིགས་བསལ་ཅན་ཞིག་ཡིན། རྒྱ་ཡིག་གི་མིང་། 觉沃帽 ས་ཁུལ། སྤུ་ཧྲེང་ཁུལ། ངོ་སྤྲོད། ཞྭ་མོ་འདི་ནི་སྤུ་ཧྲེང་ཁུལ་གྱི་བུད་མེད་ཚོས་རྒྱུན་དུ་གྱོན་པའི་ཞྭ་མོ་ལོ་རྒྱུས་དམིགས་བསལ་ཅན་ཞིག་ཡིན། དེ་ཡང་གནའ་སྔ་མོའི་དུས་ཤིག་ལ་སྤུ་ཧྲེང་གི་རྒན་མོ་ཞིག་གིས་ཇོ་བོ་མཇལ་དུ་བསྐྱོད་དེ་ཇོ་བོ་མཇལ་བ་དང་། དད་སེམས་ཧ་ཅང་ཆེན་པོ་སྐྱེས་ཤིང་ལག་གཉིས་ཐལ་མོར་སྦྱར་ཏེ། དེ་རིང་ཇོ་བོ་ཁྱེད་ཀྱིས་ང་ལ་བྱིན་རླབས་ཤིག་གནང་རོགས་གནང་ཞེས་ཞུ་སྐབས་ཇོ་བོས་རང་གིས་བཞེས་པའི་དབུ་ཞྭ་དེ་མར་ཕུད་ནས་དབུ་ཞྭ་དེའི་རྩེ་བཅད་དེ་ཇོ་བོ་རང་ཉིད་ཀྱིས་བཞེས།

རིགས་དབྱེ།   འཚོ་བ།རྒྱན་གོས།

ཨར་ཞྭའམ་ཕྱིང་ཞྭ་རྩེ་རིང་།

བོད་ཀྱི་མདོ་སྨད་རེབ་གོང་ལ་སོགས་པའི་ས་ཁུལ་མི་ཉུང་བ་ཞིག་གི་ཕོ་མོ་ཚོས་དང་ཞེན་ཆེན་པོ་བྱེད་པའི་དབྱར་དུས་ཀྱི་ཞྭ་མོ་ཞིག་ཡིན། རྒྱ་ཡིག་གི་མིང་། 红缨毡帽 རྒྱུ་ཆ། ཕྱིང་པ། འཛར་དམར་པོ། ས་ཁུལ། མདོ་སྨད་རེབ་གོང་། དུས་ཚིགས། དབྱར་ཁ། ངོ་སྤྲོད། ཨར་ཞྭའམ་ཕྱིང་ཞྭ་རྩེ་རིང་ནི་བོད་ཀྱི་མདོ་སྨད་རེབ་གོང་ལ་སོགས་པའི་ས་ཁུལ་མི་ཉུང་བ་ཞིག་གི་ཕོ་མོ་ཚོས་དང་ཞེན་ཆེན་པོ་བྱེད་པའི་དབྱར་དུས་ཀྱི་ཞྭ་མོ་ཞིག་ཡིན། འོན་ཀྱང་མདོ་སྨད་ཀྱི་ས་ཁུལ་ཁག་ཏུ་ཞྭ་འདིའི་བཟོ་དབྱིབས་མི་འདྲ་བ་རེ་ཟུང་ཡོད་པར་བཤད།

རིགས་དབྱེ།   འཚོ་བ།རྒྱན་གོས།

རིགས་ལྔའི་ཞྭ་མོ།

གཡུང་དྲུང་བོན་ལུགས་ལ་འདི་ཉིད་གཙོ་བོར་རྣམ་བརྒྱད་གར་མཆོད་ཀྱི་སྐབས་སུ་མཁའ་འགྲོའི་ཆ་རྒྱན་དང་། གཤིན་འདུར་ཕུང་བསྲེག་སྦྱོང་སྐབས་སུ་བདེར་གཤེགས་རིགས་ལྔའི་ཆས་རྒྱན་གྱི་ཚུལ་དུ་གསོལ་གྱི་ཡོད། རྒྱ་ཡིག་གི་མིང་། 苯教五佛帽 རྒྱུ་ཆ། རས་དང་རིན་པོ་ཆེ་གསེར་དང་དངུལ། གྲུབ་མཐའ། བོན་པོ། ངོ་སྤྲོད། འདི་ནི་སྤྱིར་ནང་ཆོས་འཛིན་པ་ཀུན་ལ་སྣང་ཡང་། བཤད་སྟངས་མི་འདྲ་བ་རེ་ཡོད་སྲིད་པར་ངེས། དཔེར་ན། གཡུང་དྲུང་བོན་ལུགས་ལ་འདི་ཉིད་གཙོ་བོར་རྣམ་བརྒྱད་གར་མཆོད་ཀྱི་སྐབས་སུ་མཁའ་འགྲོའི་ཆ་རྒྱན་དང་། གཤིན་འདུར་ཕུང་བསྲེག་སྦྱོང་སྐབས་སུ་བདེར་གཤེགས་རིགས་ལྔའི་ཆས་རྒྱན་གྱི་ཚུལ་དུ་གསོལ་གྱི་ཡོད།

རིགས་དབྱེ།   འཚོ་བ།རྒྱན་གོས།

སོག་ཞྭ།

སྔར་བོད་ཀྱི་མི་དྲག་ཚོའི་ཞབས་ཕྱིའམ་གཡོག་པོ་ཚོས་གྱོན་རྒྱུའི་ཞྭ་མོ་ཞིག་ཡིན། རྒྱ་ཡིག་གི་མིང་། 璎珞帽 གྱོན་མཁན། མི་དྲག་ཚོའི་ཞབས་ཕྱིའམ་གཡོག་པོ་ཚོ། ངོ་སྤྲོད། སོག་ཞྭ་ནི་སྔར་བོད་ཀྱི་མི་དྲག་ཚོའི་ཞབས་ཕྱིའམ་གཡོག་པོ་ཚོས་གྱོན་རྒྱུའི་ཞྭ་མོ་ཞིག་ཡིན་པ་དང་། གཞན་ཡང་བོད་ཀྱི་ས་ཁུལ་ཁ་ཤས་ནང་ཆང་ས་རྒྱག་སྐབས་མནའ་མར་བསྐོན་གྱི་ཡོད་ཚུལ་བོད་རྒྱ་ཚིག་མཛོད་ཆེན་མོའི་ནང་གསལ།

རིགས་དབྱེ།   འཚོ་བ།རྒྱན་གོས།

བྱ་ཞྭ།

འདི་ནི་ཀོང་པོའི་ཡུལ་གྱི་བུད་མེད་ཚོས་གྱོན་པའི་ཞྭ་མོ་ཞིག་ཡིན། ས་ཁུལ། ཀོང་པོ། རྒྱུ་ཆ། ཕྱིང་བ། བཟོ་དབྱིབས། མཐའ་ལ་སྐྱིང་ཁབ་ཁ་རིས་ཅན་གྱིས་རྒྱན་པ་དང་། མདུན་ཕྱོགས་སུ་བྱ་ཡི་གཤོག་པ་འདྲ་བའི་རྩེ་གཉིས་ཡོད། ངོ་སྤྲོད། བྱ་ཞྭ་ཞེས་པ་འདི་ནི་ཀོང་པོའི་ཡུལ་གྱི་བུད་མེད་ཚོས་གྱོན་པའི་ཞྭ་མོ་ཞིག་ཡིན། ཞྭ་མོ་འདིའི་རྒྱུ་ཆ་གཙོ་བོ་ནི་ཕྱིང་པས་བཟོས་པ་ཞིག་ཡིན་ལ། ཞྭ་མོ་འདིའི་མཐའ་ལ་སྐྱིང་ཁབ་ཁ་རིས་ཅན་གྱིས་རྒྱན་པ་དང་། ཞྭ་དེའི་མདུན་ཕྱོགས་སུ་བྱ་ཡི་གཤོག་པ་འདྲ་བའི་རྩེ་གཉིས་ཡོད།

རིགས་དབྱེ།   འཚོ་བ།རྒྱན་གོས།

སྤུན་དོག་ཞྭ་མོ།

ཞྭ་མོ་འདི་ནི་དུས་ཕྱིས་སུ་དར་ཁྱབ་བྱུང་བའི་ཞྭ་མོ་དྲོད་ཅན་ཞིག་ཡིན། རྒྱུ་ཆ། སྤུན་མདོག་གིས་ལྷས་ནས་བཟོས་པ། མིང་གཞན་ལ། ཅུ་མོ་སུའི་ཞྭ་མོ། ངོ་སྤྲོད། སྤུན་དོག་གི་ཞྭ་མོ་འདི་ནི་དུས་ཕྱིས་སུ་དར་ཁྱབ་བྱུང་བའི་ཞྭ་མོ་དྲོད་ཅན་ཞིག་ཡིན། ཞྭ་མོ་འདི་ནི་སྤུན་དོག་གིས་ལྷས་ནས་བཟོས་པ་ཞིག་ཡིན། ཞྭ་མོ་འདིར་ཕལ་ཚིག་ནང་ཅུ་མོ་སུའི་ཞྭ་མོ་ཡང་ཟེར། ཞྭ་མོ་འདིའི་ཚོས་གཞི་དང་བཟོ་དབྱིབས་ལ་ངེས་གཏན་མེད། སྒེར་སོ་སོའི་བློ་འདོད་བཞིན་བཟོ་ལྟ་སྣ་ཚོགས་ཡོད་པ་ཡིན།

རིགས་དབྱེ།   འཚོ་བ།རྒྱན་གོས།

དྭགས་ཞྭ།

དབུ་ཞྭ་འདི་ནི་བཀའ་བརྒྱུད་ཆེ་བཞི་ཆུང་བརྒྱད་དུ་གྲགས་པའི་ཆོས་བརྒྱུད་རྒྱ་ཆེར་འཕེལ་བའི་བསྟན་འཛིན་གྱི་སྐྱེས་ཆེན་རྣམས་ཀྱིས་གསོལ་བའི་དབུ་ཞྭ་ཞིག རྒྱ་ཡིག་གི་མིང་། 达波帽 གྲུབ་མཐའ། དྭགས་པོ་བཀའ་བརྒྱུད། རིགས། བླ་མའི་དབུ་ཞྭ། མཚོན་དོན། བསོད་ནམས་དང་ཡེ་ཤེས་ཀྱི་ཚོགས་ལ་རྟག་ཏུ་འཇུག་པ་མཚོན། ངོ་སྤྲོད། དབུ་ཞྭ་འདི་ནི་བཀའ་བརྒྱུད་ཆེ་བཞི་ཆུང་བརྒྱད་དུ་གྲགས་པའི་ཆོས་བརྒྱུད་རྒྱ་ཆེར་འཕེལ་བའི་བསྟན་འཛིན་གྱི་སྐྱེས་ཆེན་རྣམས་ཀྱིས་གསོལ་བའི་དབུ་ཞྭ་ཞིག་སྟེ། དེའི་མཚོན་དོན་ནི། བསོད་ནམས་དང་ཡེ་ཤེས་ཀྱི་ཚོགས་ལ་རྟག་ཏུ་འཇུག་པའི་བརྡར་གཡོན་གཡས་པད་འདབ་ནར་མར་འབྲེལ་བ།

རིགས་དབྱེ།   འཚོ་བ།རྒྱན་གོས།

གཤེན་ཞྭ།

ཞྭ་འདི་སྟོན་པ་གཤེན་རབ་མི་བོའི་གདུང་འཛིན་རྣམས་ཀྱིས་གསོལ་བ་ཞིག་ཡིན། རྒྱ་ཡིག་གི་མིང་། 兴饶帽 རྒྱུ་ཆ། གོས་ཆེན་དང་རས། གྲུབ་མཐའ། བོན་པོ། ངོ་སྤྲོད། ཞྭ་འདི་སྟོན་པ་གཤེན་རབ་མི་བོ་ཆེའི་གདུང་འཛིན་རྣམས་ཀྱིས་གསོལ་ཞིང་། རྒྱུ་ནི་གོས་ཆེན་དང་རས་བཟང་སོགས་ལ་བྱ། མཚོན་དོན་ནི། མདུན་པད་གསུམ་གྱིས་སྐུ་གསུམ་ལྷུན་རྫོགས་འགྲོ་དོན་མཛད་པའི་དོན་དང་། སྤྱི་གཙུག་རྩེ་རྒྱལ་གྱིས་ལོག་ཚོགས་ཟིལ་གནོན་སྟོང་གསུམ་ཁ་ལོ་བསྒྱུར་བའི་དོན། རྒྱལ་མཚན་ཏོག་གིས་རྒྱལ་གཤེན་བསྟན་པ་འདི་ཉིད་ཀྱིས་མི་ནུབ་འགྲོ་དོན་མཛད་པའི་དོན་བཅས་མཚོན་པ་ཡིན།

རིགས་དབྱེ།   འཚོ་བ།རྒྱན་གོས།

ཨ་མཆོད་ཞྭ།

འདི་ནི་ཧི་མ་ལ་ཡའི་ས་ཁུལ་གྱི་ནང་པའི་ཨ་མཆོད་དེ། གྲོང་པའི་ནང་རིམ་གྲོ་གནང་མཁན་གྱི་གྲྭ་བཙུན་ཁག་ཅིག་གིས་དབྱར་དགུན་མེད་པར་གྱོན་སྲོལ་ཡོད་པའི་ཞྭ་མོ་ཞིག་ཡིན། རྒྱ་ཡིག་གི་མིང་། 经忏帽 ངོ་སྤྲོད། ཞྭ་འདི་ནི་ཧི་མ་ལ་ཡའི་ས་ཁུལ་གྱི་ནང་པའི་ཨ་མཆོད་དེ། གྲོང་པའི་ནང་རིམ་གྲོ་གནང་མཁན་གྱི་གྲྭ་བཙུན་ཁག་ཅིག་གིས་དབྱར་དགུན་མེད་པར་གྱོན་སྲོལ་ཡོད་པའི་ཞྭ་མོ་ཞིག་ཡིན། འདིའི་སྟེང་རས་སྔོ་ལྗང་དམར་སེར་གྱིས་མཛེས་རྒྱན་སྤྲས་ཤིང་། ནང་ཤར་རས་དམར་པོ་ཡུག་ཅིག་བཏང་སྟེ་གྲལ་བསྟར་འགྲིག་པོའི་ཤར་ཚེམ་དང་། མཐར་རས་སྔོན་པོའི་མཐའ་ལྕགས་ལེགས་པར་གཏོང་གི་ཡོད། ཞྭ་མོ་འདིར་གྱོན་སྟངས་མི་འདྲ་བ་ཡོད་དེ། པར་འདིའི་ནང་གི་གྱོན་སྟངས་ནི་དགུན་དུས་གྲང་ངར་ཆེ་བའི་སྐབས་ཀྱི་གྱོན་སྟངས་རེད། གྲང་རླུང་ལས་སྐྱོབ་ཆེད་རྣ་ཁེབས་དང་། རྒྱབ་ལག་ཅེས་ནར་ནར་རིང་པོ་དེ་ལྟག་རྒྱབ་ཏུ་གློད་ནས་འཇོག་པ་ཡིན། དབྱར་དུས་སུ་ཞྭ་དེ་རྒྱབ་མདུན་

རིགས་དབྱེ།   འཚོ་བ།རྒྱན་གོས།

དཔལ་ས་སྐྱའི་པཎ་ཞྭ།

འདི་ལ་བླ་ཞྭ་ཡང་ཞུ་བ་ཡིན་ཏེ་རྩ་བའི་དབྱིབས་སྒོར་མོ་རྩེ་མོ་ཅན་གྱེན་དུ་བསྣོལ་ཞིང་མདུན་ངོས་སུ་ཅུང་ཟད་ཉག་ཡོད་པ་ཞྭ་ལག་གཡས་གཡོན་གཉིས་ཐུར་དུ་འཕྱངས་པ་ཞིག རྒྱ་ཡིག་གི་མིང་། 萨迦通人冠 གྲུབ་མཐའ། དཔལ་ས་སྐྱའི་གྲུབ་མཐའ། ངོ་སྤྲོད། འདི་ལ་བླ་ཞྭ་ཡང་ཞུ་བ་ཡིན་ཏེ་རྩ་བའི་དབྱིབས་སྒོར་མོ་རྩེ་མོ་ཅན་གྱེན་དུ་བསྣོལ་ཞིང་མདུན་ངོས་སུ་ཅུང་ཟད་ཉག་ཡོད་པ་ཞྭ་ལག་གཡས་གཡོན་གཉིས་ཐུར་དུ་འཕྱངས་པ། ལུགས་གཞན་དུའང་དབྱིབས་མཐུན་པ་ཡོད་ཀྱང་འདིར་ཁ་མདོག་དམར་པོ་ཁོ་ནར་ཡིན་པ་ལ་འཇའ་རིས་གསེར་ཅན་གསུམ་རིམ་གྱིས་སྡེ་སྣོད་གསུམ་མཚོན་པ་དང་།

རིགས་དབྱེ།   འཚོ་བ།རྒྱན་གོས།

དར་དཀར་ཅོག་ཞྭ།

འདི་ནི་རས་དཀར་པོ་ཡུག་ཅིག་ལ་ལྟེབས་རྩེག་འགའ་བརྒྱབ་ནས་བཟོས་པ་ཞིག་ཡིན། རྒྱ་ཡིག་གི་མིང་། 白绸帽 རྒྱུ་ཆ། རས་དཀར་པོ། གྲུབ་མཐའ། བོན་པོ། ངོ་སྤྲོད། ཞྭ་འདི་ནི་རས་དཀར་པོ་ཡུག་ཅིག་ལ་ལྟེབས་རྩེག་འགའ་བརྒྱབ་ནས་བཟོས་པ་ཞིག་ཡིན་ཞིང་། དེའང་དེ་རས་དཀར་པོ་ཆུང་ངུས་སྟབས་བདེའི་ཚུལ་དུ་བཅོས་པ་ཡིན་པས་མིང་ལའང་དེ་ལྟར་བྱ། མཚོན་དོན་ནི། ཡོངས་སུ་རས་དཀར་ལ་བྱས་པ་དེས་གཙང་སྤྱོད་དྲི་མེད་ཐར་ལམ་གྱི་དོན་དང་། དབུ་རྩེ་གསུམ་གྱིས་སྐུ་གསུམ་མེ་ལྷ། དཀྱིལ་དུ་རྩེ་རྒྱལ་དོད་པས་ཡེ་ཤེས་ཟང་ཐལ་གྱི་དོན།

རིགས་དབྱེ།   འཚོ་བ།རྒྱན་གོས།

གནས་ཆུང་དབུ་རྨོག

འདི་ནི་གནས་ཆུང་རྡོ་རྗེ་དྲག་ལྡན་གྱི་དབུ་རྨོག་ཡིན། རྒྱ་ཡིག་གི་མིང་། 乃穷头盔 ངོ་སྤྲོད། འདི་ནི་གནས་ཆུང་རྡོ་རྗེ་དྲག་ལྡན་གྱི་དབུ་རྨོག་ཡིན། དབུ་རྨོག་གི་ལོགས་སུ་གཅུས་ཕྲའི་སྟེང་དུ་བྷནངྷ་སྐམ་པོ་ལྔའི་དབུ་རྒྱན་ནི་ཡེ་ཤེས་ལྔ་ཡི་དབང་བསྐུར་ཡེ་རྫོགས་རང་ཆས་སུ་མངའ་བའི་བརྡ་དང་། རྨོག་གི་ལོགས་སུ་རྨ་བྱའི་སྒྲོ་མདོངས་ནི་རིག་རྩལ་སོ་སོར་རྟོགས་པའི་ཡེ་ཤེས་ཀྱི་གསལ་སྒོ་མ་འགག་པར་སོར་རྟོགས་ཡེ་ཤེས་སྐུ་སྣང་བ་མཐའ་ཡས། སྒྲོ་མདོངས་ཀྱི་སྟེང་དུ་ཨང་ཟེར་ཞེས་རིན་ཆེན་དང་པོ་གསེར་གྱི་རལ་གྲིས་མཚན་པ་ནི། རང་བྱུང་གི་རིག་པ་ལ་རང་དབང་དུ་བསྒྱུར་བའི་དག་གྲོལ་གཉིས་ལྡན་གྱི་བྱ་བ་རང་གྲུབ་པའི་བྱ་གྲུབ་པའི་ཡེ་ཤེས་ཀྱི་སྐུ་དོན་ཡོད་གྲུབ་པ། དབུ་རྨོག་གི་དབུས་སུ་རྒྱལ་མཚན་གཤམ་ལོ་ལྔ་བརྩེགས་ནི་ཆོས་མཐུན་གྱི་བྱ་བ་རྣམས་ཕྱོགས་ཀུན་ཏུ་རྣམ་པར་རྒྱལ་བའི་བརྡ་དང་། རྒྱལ་མཚན་གྱི་སྟེང་དུ་རིན་པོ་ཆེའི་ཏོག་ནི་འཁོར་འདས་ཡེ་ནས་སྟོང་ཉིད་ཆེན་པོ་དག་མཉམ་

རིགས་དབྱེ།   འཚོ་བ།རྒྱན་གོས།

དཀར་མོ་རྩེ་རྒྱལ།

ཞྭ་འདིར་མཁས་ཞྭ་དཀར་མོ་རྩེ་རྒྱལ་ཡང་ཟེར་ཞིང་མཁས་པའི་རྩོད་གྲྭ་འགྲིམ་དུས་དང་གསང་སྔགས་ཀྱི་ལས་ཆོག་སོགས་ལ་འཇུག་སྐབས་གསོལ་བ་ཡིན། རྒྱུ་ཆ། ཕྱིང་བལ། གྲུབ་མཐའ། བོན་པོ། མིང་གཞན། མཁས་ཞྭ་དཀར་མོ་རྩེ་རྒྱལ། ངོ་སྤྲོད། ཞྭ་འདིར་མཁས་ཞྭ་དཀར་མོ་རྩེ་རྒྱལ་ཡང་ཟེར་ཞིང་མཁས་པའི་རྩོད་གྲྭ་འགྲིམ་དུས་དང་གསང་སྔགས་ཀྱི་ལས་ཆོག་སོགས་ལ་འཇུག་སྐབས་གསོལ་བ་ཡིན། རྒྱུ་ཕྱིང་བལ་གྱི་ནང་འཚང་ལ་ཕྱི་གཡོག་རས་དཀར་བྱ་དགོས། མཚོན་དོན་ནི། རྒྱབ་ནས་གཞོལ་ཞིང་མདུན་ནས་དགྱེ་བས་བོན་ལ་མོས་ཤིང་འཁོར་བར་ཡིད་ལྡོག་པའི་དོན་དང་།

རིགས་དབྱེ།   འཚོ་བ།རྒྱན་གོས།

རྒྱ་གར་ཞྭ་མོ།

ཞྭ་མོ་འདིའི་རྒྱུ་ཕྱིང་པ་ཡིན་ཞིང་བཟོ་ལྟ་ནི་བོད་ཀྱི་ཕྱིང་ཞྭ་ལས་ཕྲན་བུ་མཛེས་ལ་སྤུས་ཀ་དག་པ་ཡོད། རྒྱ་ཡིག་གི་མིང་། 印度帽 ཕྱི་ཡིག་གི་མིང་། Indian hat རྒྱུ་ཆ། ཕྱིང་བ། འབྱུང་ཁུངས། ཕྱི་གླིང་། མིང་གཞན། ཕྱི་ཞྭ། ཕྱི་གླིང་བའི་ཞྭ་མོ། ངོ་སྤྲོད། ཞྭ་མོ་འདིའི་རྒྱུ་ཕྱིང་པ་ཡིན་ཞིང་བཟོ་ལྟ་ནི་བོད་ཀྱི་ཕྱིང་ཞྭ་ལས་ཕྲན་བུ་མཛེས་ལ་སྤུས་ཀ་དག་པ་ཡོད།  ཞྭ་མོ་འདི་བོད་ཀྱི་ས་ཁུལ་མང་ཆེ་བའི་ནང་གྱོན་སྲོལ་ཡོད། ཞྭ་མོ་འདི་ཐོག་མ་བོད་ནང་ཚོང་པ་ཚོས་རྒྱ་གར་ནས་འཁྱེར་ཡོང་བར་བརྟེན་མིང་ལའང་རྒྱ་གར་ཞྭ་མོ་ཞེས་འབོད།

རིགས་དབྱེ།   འཚོ་བ།རྒྱན་གོས།

ཐུན་ཞྭ།

སྔགས་པ་རྣམས་ཀྱིས་གྱོན་རྒྱུའི་དབུ་ཞྭ་ཞིག་ཡིན། རྒྱུ་ཆ། རས། ཁ་མདོག དམར་པོ། གྱོན་མཁན། སྔགས་པ། ངོ་སྤྲོད། དབུ་ཞྭ་འདི་ནི་དྲག་སྔགས་ཀྱི་ནུས་པ་ཐོན་པའི་སྔགས་པ་རྣམས་ཀྱིས་དྲག་པོའི་ལས་སྦྱོར་སྐབས་གྱོན་རྒྱུའི་སྔགས་པའི་དབུ་ཞྭ་ཞིག་ཡིན།

རིགས་དབྱེ།   འཚོ་བ།རྒྱན་གོས།