གཅན་ཚའི་མདའ་རྩེད།
མདའ་ནི་གདོད་མའི་སྤྱི་ཚོགས་སུ་རི་དྭགས་རྔོན་བྱེད་ཀྱི་ཐོན་སྒྲུབ་ལག་ཆ་སྟབས་བདེ་ཙམ་ཡིན་པ་དང་། བོད་ཀྱི་ལོ་རྒྱུས་སུ་མངའ་མཛད་བཅུ་གཉིས་སྐབས་ཀྱི་དང་པོ་གནོད་སྦྱིན་ནག་པོས་མངའ་དབང་མཛད་པའི་སྐབས་སུ་བྱུང་བར་གྲགས་ལ། དེ་ནི་དགྲ་འདུལ་གཉེན་སྐྱོང་སོགས་ཀྱི་དམག་འཁྲུག་གི་ཁྲོད་དུ་སྤྱོད་པའི་དུས་ཡིན་པར་གོ་བ་ལས་སྤྱིར་མདའ་མོ་ནི་མངའ་མཛད་བཅུ་གཉིས་སྐབས་ཀྱི་དང་པོའི་སྐབས་སུ་བྱུང་བར་བྱས་ན་རིགས་པའི་གཏད་སོ་ཅི་ཡང་མེད་དོ།།
བི་ཤུ།
བི་ཤུ་ནི་བོད་ལྗོངས་ཉིང་ཁྲིའི་ཀོང་པོ་ཡུལ་དུ་དར་ཁྱབ་ཆེ་བའི་རོལ་རྩེད་བྱ་འགུལ་ཞིག་ཡིན། མདའ་མོ་འདིའི་མདའ་རྩེ་ཤིང་ལས་བཟོས་པའི་ཟླུམ་སྙུང་དབྱིབས་ཅན་ཞིག་ཡིན་ཞིང་། དེའི་ཕྱོགས་བཞི་རུ་བུ་ག་ཆུང་ཆུང་བཞི་བརྟོལ་འདུག་པས་མདའ་འཕེན་དུས་སྒྲ་ཁྱད་པར་བ་ཞིག་གྲགས་པས་ཀུན་གྱིས་བི་ཤུ་ཞེས་ནས་འབོད་པ་ཡིན། མདའ་འཕེན་སའི་འབེན་དེ་སྨི50ཡི་མཚམས་སུ་བཞག་ཡོད་ཅིང་ཀོ་བ་ལས་བཟོས་པའི་སྒོར་དབྱིབས་རིམ་པ་གསུམ་གྱིས་གྲུབ་པ་ཞིག་ཡིན་པ་དང་། མདའ་མོ་འབེན་མིག་ལ་ཕོག་ནས་དཀྱིལ་གྱི་སྒོར་དབྱིབས་གཉིས་ས་ལ་ལྷུང་ན་རྒྱལ་ཁ་ཐོབ་པར་ངོས་འཛིན་གྱིན་ཡོད།
རྟ་ཐོག་མདའ་རྩལ།
རྟ་ཐོག་མདའ་རྩལ་ནི་རྟ་བཞོན་ཏེ་མདའ་དང་། མེ་མདའ་ཚ་ཁ་ལྟ་བར་ཟེར་བ་ཡིན། དེའང་གནའ་དུས་ཀྱི་འབྲོག་པའི་འཚོ་བ་དང་། རི་དྭགས་རྔོན་པ། དམག་དོན་སོགས་ལ་འབྲེལ་བ་གཏིང་ཟབ་ཡོད། བོད་རྒྱལ་སྲོང་བཙན་སྒམ་པོའི་དུས་སུ་རྟ་དམག་དཔུང་སྡེ་སྟོབས་ཆེན་ཡོད་སྟབས་དཔུང་སྡེ་དེའི་ནང་ནམ་རྒྱུན་དུ་རྟ་རྩལ་དང་། རྟ་རྒྱུག རྟ་ཐོག་མདའ་རྩལ་སོགས་ཀྱི་འགྲན་བསྡུར་བྱེད་པ་ཡིན།
མདའ་རྩེད།
མདའ་རྩེད་ནི་རོང་ཕྱོགས་ལ་དར་བའི་རྩེད་མོའི་རྣམ་པ་ཞིག་སྟེ་སྡེ་བ་སོ་སོས་འགྲན་སྡུར་བྱས་ནས་མདའ་རྩེད་གཏོང་བ་ལ་ཟེར་ཞིང་འདིར་དེའི་སྐོར་གྱི་ནང་དོན་ཕྲན་ཙམ་ངོ་སྤྲོད་བྱས་ཡོད།
| མདའ་རྩལ། བརྡ་འགྲེལ 4 ཡོད། |