སྤོས་ཤེལ།
གནའ་དུས་གསོམ་ཤུག་གི་ཐང་ཆུ་ས་འོག་གཏིང་ཟབ་སར་སོང་ནས་རིམ་གྱིས་རྡོར་གྱུར་པ་ཡིན་ཞིང་། མདོག་སེར་སྨུག་ཅན་དྭངས་པ་ཞིག རྒྱན་ཆ་དང་དྲི་ཞིམ་གྱི་རྫས་བྱེད་ཆོག་ལ་ནུས་པས་མིག་ནད་རབ་རིབ་ལ་ཕན།
ཏིལ།
ལོ་ཏོག་རིགས་ཤིག་གི་མིང་སྟེ། འབྲུ་ལ་དཀར་ནག་གཉིས་ཡོད། རོ་མངར། ཞུ་རྗེས་དྲོད། ནུས་པས་རླུང་འཇོམས། ལུས་སྟོབས་འཕེལ་བར་བྱེད། ཆུ་སེར་ལའང་ཕན།
མིང་རྒྱུ་དམིགས་བསལ་བའི་འདུས་མིང་།
མིང་རྒྱུ་དམིགས་བསལ་བའི་འདུས་མིང་འདི་ནི་འདུས་མིང་གི་གྲུབ་ཚུལ་སྔ་མ་དག་གི་ཁ་གསབ་ཡིན་ལ། དམིགས་སུ་བསལ་བྱ་ནི་མིང་རྒྱུ་དམིགས་བསལ་བ་སྟེ། སྒྲ་འབྲུའི་རྣམ་པ་དང་སྒྲ་འབྲུའི་དོན་མཚོན་སྟངས་སོགས་ལ་འདུས་མིང་གི་རིགས་གཞན་དག་དང་མ་འདྲ་བའི་ཁྱད་པར་ཡོད་པ་ཡིན།
ཁ་དོག་གི་མིང་།
སྤྱིར་ཁ་དོག་གི་མིང་གི་རིག་གནས་ལ་རྣམ་པ་དང་དོན་གཉིས་ཀྱི་ཕྱོགས་ནས་ངོས་བཟུང་བྱས་ཡོད་ལ། བོད་སྐད་ཀྱི་ཁ་དོག་གི་མིང་གི་རྣམ་པའི་རང་གཤིས་ནི་གཞི་མིང་ལ་མིང་མཐའ་སྒྲ་རིགས་མཐུན་པ་ལྟ་བུ་ཡོད་པ་དེ་རང་གཤིས་ཤིག་ཡིན་པ་ལས་གཞན་ཁྱད་པར་འགའ་མ་མཆིས། འདིར་གཙོ་བོ་བརྡ་དོན་གྱི་གོ་བའི་ཕྱོགས་ཀྱི་རང་གཤིས་དེ་ཡིན། དེ་ཡང་བརྡ་དོན་ལས་ཐ་སྙད་བརྡ་དོན་ནམ་དངོས་གཞིའི་གོ་བ་ཡོད་པ་དེ་ཕུད། བོད་མི་རིགས་རང་གི་སེམས་ཁམས་སམ་ལྟ་བའི་གཤིས་ཀ་མཚོན་པའི་ཟུར་བཏགས་ཀྱི་གོ་བ་འགའ་ཁ་དོག་གི་མིང་གི་གོ་བྱར་ཞུགས་ཡོད་པ་དེ་བོད་སྐད་ཀྱི་ཁ་དོག་གི་མིང་གི་དོན་གཤིས་ཡིན།
གྲངས་ཀྱི་མིང་།
གྲངས་ཀྱི་མིང་གི་རྣམ་པ་སྟེ་གྲངས་ཀྱི་མིང་གི་སྒྲ་ལ་བོད་པ་རང་གི་གོམས་གཤིས་སུ་སོང་བའི་རྣམ་འགྱུར་ཞིག་ཆགས་ཡོད་པ་ནི་བོད་སྐད་ཀྱི་གྲངས་ཀྱི་མིང་གི་རྣམ་པའི་ཕྱོགས་ཀྱི་རང་གཤིས་ཡིན།
ཁེད་ཚིག
ཁེད་ཚིག་ཅེས་པ་ནི་ཁེད་བྱའི་དོན་དེ་གཙོ་བོ་དངོས་པ་འདྲ་བཞག་ཅིག་བརྗོད་པའི་ཟོལ་ལ་ཁ་བསྒྱུར་ནས་སྐབས་ག་རེ་ཡིན་པ་ཚོད་བགམ་དུ་དཔོག་པའམ་ཁེད་རྒྱུའི་རྩེ་མོའི་ཚིག་གི་རིགས་སྡེ་ཞིག་ཡིན་ལ། དེ་ཡང་བརྗོད་པ་ལ་ཞུགས་ཚེ། ཚིག་དུམ་གཏན་འཇགས་མ་གཞན་དག་དང་འདྲ་བར་རང་ཉིད་ནི་ཚིག་རྣལ་མའི་གོ་ས་འཛིན་པའི་བྱེད་ནུས་ཅན་ཡིན། ཁེད་ཚིག་གི་ངོ་བོ་ནི་རང་གི་ལུས་སྲོག་རྒྱན་གསུམ་གྱིས་གྲུབ་པ་ཡིན།
མིང་ཚོམ།
མིང་གི་ཚོམ་བུ་སྟེ། མིང་རྒྱུ་དུ་མ་འདུས་པའི་ཕུང་བོའམ་ཚམ་བུ་ལ་མིང་ཚོམ་ཟེར་ཞིང་། མིང་ཚོམ་གྱི་གྲུབ་ཚུལ་བཤད་པ་ལ། མིང་ཚོམ་ལ་དབྱེ་ན་མིང་ཚོམ་སྤྱིར་བཏང་བ་དང་མིང་ཚོམ་གཏན་འཇགས་མ་གཉིས་སུ་ཡོད་པའི་ནང་གི་འདིར་ནི་མིང་ཚོམ་གཏན་འཇགས་མ་བསྒྲུབ་རྒྱུ་དེ་ཡིན།
ཉམས་སྒྲ།
སེམས་ཉམས་བརྗོད་པའི་སྒྲ་ཡིས་ཐེག་པའི་ཟུར་ཞུགས་ཀྱི་དོན་ལ་མི་རིགས་རང་གི་ཐུན་མོང་མ་ཡིན་པའི་ཆོས་ལུགས་དང་ཡ་རབས་སྤྱོད་ལུགས། དམངས་སྲོལ་སོགས་ཀྱི་ལྟ་བའི་སེམས་ཁམས་རེ་འདྲེས་ཡོད་པ་གོ་རྒྱུ་ཡོད་པ་དེ་སེམས་ཉམས་བརྗོད་པའི་སྒྲའི་བརྡ་དོན་ལ་གནས་པའི་རིག་གནས་ཡིན།
མིང་གི་བརྡ་དོན།
སྲོལ་རྒྱུན་དུ་བརྡ་དོན་ཞེས་པ་འདིར་མཐོང་ཆེན་དེ་ཙམ་མི་བྱེད་ཀྱང་། དོན་དུ་སྐད་བརྡའི་ནང་དུ་སྐད་ཆའི་གྲུབ་ཆ་མིང་ཚིག་ཡི་གེ་གསུམ་དང་འདྲ་བའམ་དེ་དག་ལས་ཀྱང་གལ་ཆེ་བ་ལྟ་བུའི་གོ་ས་ཞིག་སྟེ། སྐད་ཆ་ལ་རང་ངོས་ཀྱི་རྒྱུ་བཞི་ཞེས་ཚེ་ཡི་གེ་དང་། མིང་དང་། ཚིག་དང་། བརྡ་དོན་བཞི་ཡིས་གྲུབ་པ་རེད་ལ། སྐད་ཆ་ལ་རང་ངོས་ཀྱི་རྒྱུ་གཉིས་ཞེས་ཚེ། སྐད་གདངས་དང་བརྡ་དོན་གཉིས་ཀྱིས་གྲུབ་པ་ལྟ་བུ་ཡིན་ནོ། ། དེས་ན་བརྡ་དོན་ཞེས་ཚེ་གཙོ་བོའི་ཆ་ནས་མིང་ངོ་ཅོག་གི་དོན་ནམ་ཚིག་གོ་ཅོག་གི་དོན་ལ་གོ་དགོས། དེ་ལྟ་མོད་ཀྱང་། བརྡ་དོན་རིག་པའི་ཞིབ་འཇུག་གི་ཆུ་ཚད་དང་། གྲུབ་འབྲས་གཞིར་བཞག་ན་མིང་གི་བརྡ་དོན་མ་གཏོགས་ཚིག་གི་བརྡ་དོན་ཕྱོགས་ལ་ཞིབ་འཇུག་གི་རྣམ་བཞག་འཐུས་ཚང་མ་བྱུང་ངོ་། །
བརྡ་རྙིང།
བརྡ་རྙིང་ལ་ཡང་རིགས་དབྱེ་ན་དོན་བསྐལ་བུ་སོང་བའི་མིང་བརྡ་རྙིང་དང་། སྐད་སྒྲ་ལ་འཕོ་འགྱུར་བྱུང་ནས་འགྱུར་བྱ་བརྡ་རྙིང་དུ་སོང་བ། མིང་ཚབ་གསར་བ་བྱུང་ནས་འཚབ་བྱ་བརྡ་རྙིང་དུ་སོང་བ་ཡོད།
བརྡ་གསར།
བརྡ་གསར་རམ་མིང་གསར་ནི་དུས་ཀྱི་བརྒྱུད་རིམ་དུ་སྔ་ཕྱི་ལྟོས་བཅས་སུ་སོང་བའི་ཕྱི་དུས་སུ་བྱུང་བའི་མིང་གི་རིགས་ཏེ། མིང་གསར་འབྱུང་བའི་རྒྱུ་གཙོ་བོ་ནི་བརྡ་རྙིང་གི་སྐབས་སུ་ཞོར་བསྟན་བྱུང་བ་བཞིན། དངོས་པོ་གསར་བ་བྱུང་བ་དང་། སྔར་ཡོད་ཀྱི་དོན་དངོས་ལ་མིང་རྙིང་བ་ཡོད་པར་མིང་ཚབ་གསར་བ་སྤྱོད་པ་དང་། སྔར་ཡོད་ཀྱི་མིང་གི་སྒྲའི་རྣམ་པ་འགྱུར་ལྡོག་བྱུང་སོགས་ཡིན།
གཡར་མིང་།
གཡར་མིང་ནི་མ་སྐད་རང་ངོས་ནས་གཞིར་གྲུབ་པའི་མིང་དང་འབྱུང་ཁུངས་ཁ་གཏད་དུ་སོང་བའི་སྐད་རིགས་གཞན་ལས་གཡར་པའི་མིང་གི་རིགས་ཏེ། མིང་གང་དེ་དག་ཕྱི་སྐད་ནས་བླངས་ཕྱིར་མིང་དེ་དག་ལ་ཕྱི་སྐད་ཀྱི་ཤན་ཞུགས་སྟངས་མ་འདྲ་བའི་རིགས་འགའ་ཡོད།
ཡུལ་བརྡ།
ཡུལ་བརྡ་ཞེས་པ་ནི་ཡུལ་སྐད་རང་བཞིན་གྱི་མིང་སྟེ། དེ་ནི་སྤྱི་སྐད་རང་བཞིན་གྱི་མིང་དང་ཕན་ཚུན་ལྟོས་བཅས་ཀྱིས་རིགས་སུ་དགར་བ་ཞིག་ཡིན། དེ་ཡང་འདིར་བཤད་པའི་སྤྱི་སྐད་ནི་བོད་ཕྱི་ནང་ཀུན་གྱིས་ཐུན་མོང་དུ་སྤྱོད་བཞིན་པའི་བོད་ཀྱི་སྐད་ཡིག་དེ་ཡིན་ཞིང་། དེ་ནི་ངག་ཐོག་དང་ཡིག་ཐོག་གཉིས་སུ་ལག་ལེན་བྱེད་པ་ལས་ངག་ཐོག་གི་ལག་ལེན་དེ་ཁྱབ་ཆེར་སྤེལ་ཐུབ་ཀྱི་མེད། ཡུལ་སྐད་ཅེས་པ་ནི་ཐུན་མོང་གི་ཡིག་སྐད་ཀྱི་ལུགས་དེ་ལ་བསྟུན་མི་དགོས་པའི་ཡུལ་ལུང་སོ་སོའི་ཁ་སྐད་དག་ཡིན་ལ། དེ་ཡང་ངག་ཐོག་ཏུ་མ་ཟད་ཡིག་ཐོག་ཏུ་ཡང་ཅུང་ཙམ་རེ་ཡོང་གི་ཡོད། ཡུལ་སྐད་དང་སྤྱི་སྐད་ཀྱི་འབྲེལ་བ་ཐག་གཅོད་བྱེད་ཐབས་ནི། སྤྱི་སྐད་ཉིད་ཐ་སྙད་དམ་མིང་གི་ཚོགས་པའི་ཕྱོགས་ནས་ཚད་ལྡན་དུ་ཆགས་ཐབས་ལ་ཡུལ་བརྡ་རྣམས་ཇི་ལྟར་འདོར་ལེན་བྱེད་ཐབས་ཏེ། སྤྱི་སྐད་ཀྱི་མིང་ཚོགས་འཐུས་སྒོ་ཇེ་ཚང་དུ་གཏོང་ཐབས་རང་ཡིན།
བརྡ་ཆད།
བརྡ་ཆད་ཅེས་པ་ནི་རིག་གནས་སྐོར་ཚན་ངེས་ཅན་ལ་ཆེད་སྤྱོད་དུ་བཀོལ་བའི་ཆེད་གཉེར་རང་བཞིན་ཅན་གྱི་མིང་གི་རིགས་སོ། །བརྡ་ཆད་ཀྱི་སྐབས་འདིར་བརྡ་ཆད་དག་གི་དོན་གྱི་རང་བཞིན་དང་བརྡ་ཆད་ཀྱི་ཁྱད་ཆོས་ངོས་ཟིན་དགོས་པ་ཡིན་ནོ། །
རྐྱང་མིང་འབྲུ་མང་མ།
རྐྱང་མིང་འབྲུ་མང་མ་ནི་ཚེག་ཁྱིམ་གཉིས་སམ་གཉིས་ལས་མང་བའི་སྒྲའི་རྣམ་པ་ཅན་ཏེ། དེ་ཡང་བསྒྲུབ་བྱར་འགྲོ་མིན་གྱིས་ནང་གསེས་རིགས་གཉིས་ཡོད་དོ།།
མིང་མཛོད་རིག་པ།
མིང་མཛོད་རིག་པ་ནི་སྐད་བརྡ་བཀོལ་སྤྱོད་རིག་པའི་ཡན་ལག་རིག་གཞུང་ཞིག་ཡིན་ལ། དེས་མིང་མཛོད་སྒྲིག་ཚད་ཀྱི་གཞུང་ལུགས་དང་ལག་ལེན། མིང་མཛོད་ཀྱི་རིགས་དབྱེ་ཐབས་སོགས་ལ་ཞིབ་འཇུག་བྱེད་པ་ཡིན།
མིང་མཛོད་ཀྱི་ཁོག་འབུབ།
མིང་མཛོད་ཀྱི་ཁོག་འབུབ་ཅེས་པ་ནི་མིང་མཛོད་ཀྱི་ཁོ་ལག་སྒྲིག་ཚུལ་དེ་ཡིན་ལ། དེ་ངོས་བཟུང་བ་ལ་མིང་མཛོད་ཀྱི་ཁོག་གཞིའི་གྲུབ་ཆ་ངོས་འཛིན་རྒྱུ་དེ་ཡིན་ནོ། །
ཚིག་དུམ།
ཚིག་དུམ་ནི་ཚིག་གཉིས་སམ་དུ་མ་བརྡ་སྤྲོད་ཀྱི་ཆོས་ཉིད་ངེས་ཅན་ལ་གཞིགས་ནས་གྲུབ་ཅིང་། དོན་ངེས་ཅན་མཚོན་པའི་སྐད་ཆའི་སྡེ་ཚན་ལ་ཟེར་ཞིང་། མིང་ངམ་མིང་ཚོམ་ལས་བསགས་ཆ་མང་བའི་ཕྱོགས་སུ་རིམ་པ་གཅིག་གིས་བརྒལ་ཡང་ཚིག་རྣལ་མའི་ཚད་ཀྱི་འདང་ཆ་མ་བསྙེགས་པའི་དུམ་བུ་འབྲིང་མ་ཞིག་ཡིན་ནོ། །
ཚིག་དུམ་གཏན་འཇགས་མ།
ཚིག་དུམ་གཏན་འཐགས་མ་ནི་གཙོ་བོ་རྗོད་བྱེད་དུམ་བུ་དེ་སྐད་ཆའི་ཁྲོད་དུ་སྔར་ནས་གྲུབ་ཟིན་གཏན་འཇགས་སུ་སོང་བ་ཞིག་སྟེ། དཔེར་ན། རི་བོང་ཅལ་འདྲོགས། ལྟག་སྒོ་ཕྱེ་བ། མི་གོ་བ་ཅན་ལ་ཚིག་གཅིག་ཅེས་པ་ལྟ་བུའི་དཔེ་ཆོས་དང་རྒྱུན་ཚིག་དང་གཏམ་དཔེ་སོགས་ཀྱི་ཚིག་དུམ་ཇི་སྙེད་པ་དེ་དག་ཡིན།
འདུས་མིང་འབྲུ་མང་མ།
འདུས་མིང་འབྲུ་མང་མ་ནི་མིང་དང་མིང་འདུས་ནས་གྲུབ་པའི་འདུས་མིང་གི་ཡ་གྱལ་ཞིག་ཡིན་པ་དང་། མིང་དང་མིང་འདུས་ནས་གྲུབ་པའི་འདུས་མིང་ལ་འདོད་རྒྱལ་གྱི་མིང་དང་འདོད་རྒྱལ་གྱི་མིང་འདུས་ནས་གྲུབ་པའི་འདུས་མིང་དང་། འདོད་རྒྱལ་གྱི་མིང་དང་རྗེས་གྲུབ་ཀྱི་མིང་འདུས་ནས་གྲུབ་པའི་འདུས་མིང་། རྗེས་གྲུབ་ཀྱི་མིང་དང་འདོད་རྒྱལ་གྱི་མིང་འདུས་ནས་གྲུབ་པའི་འདུས་མིང་། རྗེས་གྲུབ་ཀྱི་མིང་དང་རྗེས་གྲུབ་ཀྱི་མིང་འདུས་ནས་གྲུབ་པའི་འདུས་མིང་སོགས་ཡོད།
རྐྱང་མིང་གཉིས་འདུས་ཀྱི་མིང་།
རྐྱང་མིང་མཉམ་སྦྱོར་གྱི་འདུས་མིང་ནི་འདུས་མིང་གི་རིགས་ལས་གྲུབ་ཚུལ་གཙོ་བོ་ཞིག་ཡིན་ཏེ། འདུས་མིང་ཞེས་པ་ནི་མིང་རྒྱུ་གཉིས་ཡན་ཆད་འདུས་པའི་མིང་ཡིན་ལ། དེར་མིང་རྒྱུ་ཡི་ཁྱད་པར་དང་མིང་རྒྱུ་དག་གི་འདུས་སྦྱོར་བྱེད་ཚུལ་གྱི་གྱི་ཁྱད་པར་ལ་བརྟེན་ནས་འདུས་མིང་ལ་རིགས་ཀྱང་དུ་མ་ཞིག་ཡོད།
མིའི་མིང་།
སྤྱིར་མིའི་མིང་གི་སྒྲ་འབྲུའི་མང་ཉུང་ནི་གཙོ་བོ་ཚེག་ཁྱིམ་གཉིས་ཅན་དང་། དེ་ནས་གསུམ་མམ་བཞི་ཅན་ཡིན། ཚེག་ཁྱིམ་གཅིག་ཅན་མེད་པ་མིན་ཡང་ཧ་ཅང་དཀོན་པོ་ཡིན། ཚེག་ཁྱིམ་མང་མཐའ་ལ་ལྔ་ལས་བརྒལ་བ་ཅན་ཉུང་ཉུང་ཡིན་ཞིང་། བྱང་སེམས་སངས་རྒྱས་ལྟ་བུ་ལ་གསོལ་བའི་ཚེག་ཁྱིམ་ཉི་ཤུ་རྩ་གྲངས་ནས་ལྔ་བཅུ་རྩ་གྲངས་སོགས་ལ་སླེབས་པའང་ཡོད།
རྐྱང་མིང་།
རྐྱང་མིང་གི་གྲུབ་ཚུལ་ཤེས་པར་བྱ་བ་ལ་རྐྱང་མིང་གྲུབ་པའི་སྒྲ་རྒྱུ་དོན་གཉིས་ཀའི་འདང་ཚད་དང་། རྐྱང་མིང་གྲུབ་ཚུལ་སྒྲུབ་བྱེད་ཀྱི་རིག་པ། རྐྱང་མིང་གྲུབ་ཚུལ་གྱི་རྣམ་གྲངས་དང་བཅས་ཕྱོགས་གསུམ་ཙམ་ངེས་དགོས་པའོ། །
མིང་གི་ཚོགས་པ།
མིང་གི་ཚོགས་ཏེ། སྒྲ་དོན་འདྲེས་པའི་རྗོད་བྱེད་སྣ་ཚོགས་པ་ལས་རང་ལུས་ཐ་ཆུང་གི་རིགས་སུ་གཏོགས་པའི་ཐ་སྙད་ལ་མིང་དང་ཕྲད་གཉིས་ཡོད་པ་ལས། མིང་གི་ཚོགས་པ་ཞེས་པ་འདི་ནི་ཐ་སྙད་ཚོགས་ཀྱི་བྱེ་བྲག་པ་ཞིག་ཡིན། སྤྱིར་ཐ་སྙད་ཀྱི་ཚོགས་ཞེས་པ་དང་མིང་གི་ཚོགས་ཞེས་པ་འདི་ནི་སྤྱི་དང་བྱེ་བྲག་གི་ཁྱད་པར་ཅན་ཡིན་པས་སོ་སོ་ལ་ཁྱབ་བྱ་ཁྱབ་བྱེད་སོ་སོར་ཡོད་ཀྱང་། རྒྱ་ནག་དང་དབྱིན་ཇིའི་སྐད་སོགས་མིང་ཚོགས་རིག་པ་དར་ཟིན་པའི་སྐད་རིགས་དག་གི་བརྡ་སྤྲོད་ཀྱི་གོམས་གཤིས་སུ། ཐ་སྙད་ཀྱི་ཚོགས་ཞེས་པ་དེ་བཀྲལ་ཡོང་དུས་སྤྱིར་བཏང་དུ་ཕྲད་ཀྱི་ཚོགས་པ་མི་འགྲོལ་བར་མིང་གི་ཚོགས་སྣ་ཚོགས་བཀྲལ་བ་ཡིན་ལ། སྐབས་དོན་དེའི་ཁ་བྱང་དུ་མིང་ཚོགས་ཞེས་མི་འགོད་པར་ཐ་སྙད་ཀྱི་ཚོགས་ཞེས་སུ་འགོད་པའི་གོམས་གཤིས་ཤིག་ཆགས་ཡོད། འདིར་ནི་མིང་གི་ཚོགས་འབའ་ཞིག་འགོད་རྒྱུ་ཡིན་པའི་སྡེ་ཚན་ལ་གཞན་གྱི་ལུགས་སྲོལ་ལྟར་ཐ་སྙད་ཀྱི་ཚོགས་ཞེས་པའི་ཁ་བྱང་མ་བཀོད་པར་མིང་གི་ཚོགས་ཞེས་པའི་ཁ་བྱང་བཀོད་པའོ། །
ཁ་སྐད།
མིའི་རིགས་ཀྱི་སྐད་ཆ་བྱུང་རྗེས། དུས་ཡུན་ཧ་ཅང་རིང་བོའི་ནང་དུ་རྣམ་པ་གཅིག་ལས་མེད་པ་སྟེ། ངག་ཐོག་ནས་བཤད་པ་དང་རྣ་བས་ཉན་པའི་ཁ་སྐད་རེད། རྗེས་སུ་ཡི་གེ་གསར་སྐྲུན་བྱས་པ་དང་། མི་རྣམས་ཀྱིས་ཡི་གེ་སྤྱད་ནས་ཁ་སྐད་བཀོད། དེ་ནས་ཁ་སྐད་ཀྱི་རྨང་གཞིའི་སྟེང་སྨྱུ་གུས་འབྲི་བ་དང་མིག་གིས་ལྟ་བའི་ཡིག་སྐད་བྱུང་བ་རེད། ཡིག་སྐད་དེ་ཡི་གེས་བྲིས་པ་ཡིན་མོད། འོན་ཀྱང་ཡི་གེ་དེ་ཡིག་སྐད་ཁོ་ན་མ་རེད།
གདོད་མའི་སྐད་ཆ།
སྤྱི་མཚན་དུ་གྱུར་བའི་བསམ་གཞིག་ཡོད་རུང་། དོན་སྤྱིའི་རིམ་པ་དམའ་ལ། སྙིང་བསྡུས་ཀྱི་ཆུ་ཚད་མི་མཐོ་ཞིང་། རྒྱུན་པར་བྱ་དངོས་དངོས་དང་འབྲེལ་ཡོད།
གཞན་འགྱུར།
གཅིག་འདྲའམ་རིགས་འདྲའི་སྒྲ་གཉིས་ཕན་ཚུན་མཐུད་དུས། དེའི་ནང་གི་སྒྲ་གཅིག་གྱུར་ནས་སྒྲ་གཞན་ཞིག་དང་མི་འདྲ་བའམ་རིགས་འདྲ་མིན་པར་གྱུར་བའི་འཕོ་འགྱུར་དེ་ལ་གཞན་འགྱུར་ཟེར།
གསལ་བྱེད་འདུས་མ།
སྒྲ་ཚིགས་གཅིག་གི་ནང་དུ་གསལ་བྱེད་འགའ་མཉམ་དུ་འབྲེལ་ཡོད་པ་ལ་གསལ་བྱེད་འདུས་མ་ཟེར། ནན་གྱིས་བཤད་ན། དུས་ཚོད་ཀྱི་ཐོག་ནས་འགྱུར་ཚུལ་ཡོད་པ་ཤེས་ཐུབ་པ་དེ་ཚང་མ་གསལ་བྱེད་འདུས་མར་བརྩི། ཡིན་ནའང་རྒྱ་བོད་སྐད་ཁོངས་ཀྱི་སྐད་རིགས་དག་གི་འགག་བརྡར་གྱི་སྒྲ་དང་སྲོག་ཆེན་དེ་དག་གི་གྲུབ་ཆ་སོ་སོ་མཉམ་དུ་འབྲེལ་བ་ཧ་ཅང་དམ་པོ་ཡིན་ལ། དེའི་ནུས་པ་ནི་ཁེར་རྐྱང་གི་གསལ་བྱེད་དང་གཅིག་འདྲ་རེད། དེར་བརྟེན་རང་རྒྱལ་གྱི་སྐད་བརྡའི་ལས་ཀ་བྱེད་མཁན་གྱིས་སྤྱིར་བཏང་དུ་དེ་དག་གསལ་བྱེད་འདུས་མར་མི་བརྩི།
| སྒྲ་རིག་པ། བརྡ་འགྲེལ 39376 ཡོད། |