བྱིས་གཉོར་ཁང་།
བྱིས་གཉོར་ཁང་ནི་སློབ་སྔོན་སློབ་གསོའི་སྡེ་ཁག་ཅིག་ཡིན་ཞིང་། བྱིས་པ་རྣམས་གཅིག་བསྡུས་ཀྱིས་གསོ་སྐྱོང་དང་སློབ་གསོ་གཏོང་བ་ཡིན་ལ། རྒྱུན་དུ་ལོ་གསུམ་ནས་དྲུག་བར་གྱི་བྱིས་པ་དག་བྱིས་གཉོར་ཁང་དུ་སྐྱེལ་བ་ཡིན། བྱིས་གཉོར་ཁང་ནི་བྱིས་པ་རྣམས་ཀྱི་དགའ་དགའ་སྐྱིད་སྐྱིད་བྱེད་སའི་གནས་ཤིག་ཡིན་ལ། དེས་བྱིས་པ་རྣམས་བདེ་ཐང་དགའ་སྤྲོའི་ངང་བྱིས་དུས་ཀྱི་འཚོ་བ་སྐྱིད་པོ་ཞིག་རོལ་བར་རོགས་བྱེད་པ་ཡིན།
ཁྱིམ་ཚང་སློབ་གསོ།
སྤྱིར་བཏང་དུ་ཁྱིམ་ཚང་གི་འཚོ་བའི་ཁྲོད་དུ་ཕ་མའམ་རྒན་པ་དག་གིས་བུ་ཕྲུག་ཚོར་སློབ་གསོ་གཏོང་བར་ཟེར་ཞིང་། སྒྲ་ཡངས་འཇུག་གི་གོ་དོན་ནི་བྱིས་པ་བཙས་ནས་ནར་སོན་པའི་བར་དུ་མྱོང་བའི་ཁྱིམ་ཚང་གི་སློབ་གསོ་ལ་ཟེར་བ་དང་། སྒྲ་དོག་འཇུག་གི་གོ་དོན་ནི་སློབ་ལོ་མ་རན་པའི་བྱིས་པར་སྤེལ་བའི་ཁྱིམ་ཚང་གི་སློབ་གསོ་ལ་ཟེར། སྤྱིར་བཏང་དུ་ཁྱིམ་ཚང་གི་སློབ་གསོའི་གནད་འགག་ནི་བྱིས་པ་བཙས་པ་ནས་ལོ་བཅོ་ལྔ་ཙམ་གྱི་བར་གྱི་སློབ་གསོ་དེ་ཡིན་ལ། བོད་ལུགས་ཀྱིས་བུ་ཕྲུག་དགོན་པར་ཆོས་ཞུགས་མ་བྱས་གོང་ཕ་མའི་སར་ཁྱིམ་གྱི་འཚོ་བ་སྐྱེལ་དགོས་པས་དེ་སྐབས་ཕ་མའི་ཐེབས་པའི་སློབ་གསོ་ཡིན།
དམར་འབྱར་དུས་སྐབས།
བྱིས་པ་སྐྱེས་པ་ནས་ལོ་གཅིག་གི་སྔོན་གྱི་དུས་སྐབས་ལ་དམར་འབྱར་ཟེར་ལ། སྐྱེས་པ་ནས་འཚར་ལོངས་བྱུང་བ་ཆེས་མགྱོགས་པའི་དུས་སྐབས་ཡིན་དང་། མི་ཚེའི་སྟེང་འཚར་ལོངས་ཆེས་དར་འཕེལ་འབྱུང་བའི་དུས་རིམ་དང་ཡང་ཆེས་མཐའ་འཇུག་གི་དུས་སྐབས་ཀྱང་ཡིན།
གསར་སྐྱེས་བྱིས་པའི་དུས།
གསར་སྐྱེས་བྱིས་པ་ནི་མངལ་ལས་སྐྱེས་ཏེ་ལྟེ་ཐག་བཅད་པ་ནས་ཉིན་ཉེར་བརྒྱད་ཀྱི་དུས་ལ་ཟེར་བ་དང་། དུས་ཡུན་རིང་པོར་འཚར་ལོངས་དང་ནད་རིགས་ཕྱོགས་ལ་ཧ་ཅང་མངོན་གསལ་གྱི་ཁྱད་ཆོས་རང་བཞིན་ལྡན་པས། ནད་འབྱུང་ཚད་མཐོ་བ་དང་ཤི་ཚད་ཀྱང་མཐོ་བ་ཡིན། དེའི་རྐྱེན་དམར་འབྱར་དུས་ཀྱི་ཆེས་ཁྱད་པར་ཅན་གྱི་དུས་ཤིག་ཡིན། དུས་སྐབས་འདིར་བྱིས་པ་ཨ་མའི་མངལ་ལས་ཁ་བྲལ་ཏེ་ཁེར་ཚུགས་ཀྱི་འཚོ་སྡོད་རྣམ་པར་གྱུར་ལ། གནས་ཡོད་པའི་ཕྱི་ནང་གི་ཁོར་ཡུག་ལ་ཡང་རྩ་བའི་ཆ་ནས་འགྱུར་ལྡོག་བྱུང་མོད། འོན་ཀྱང་མཐུན་པའི་ནུས་ཤུགས་ཆ་ཚང་མིན་པར་མ་ཟད། བྱིས་པ་བཙའ་དུས་གོ་རིམ་གྱི་གནོད་པ་དང་རེད་པའི་རྣམ་པ་གནས་ཡོད་ལ། ལྷན་སྐྱེས་ཀྱི་ཡ་མ་གཟུགས་ཀྱི་རྣམ་པ་ཡང་འདིའི་སྐབས་སུ་མངོན་པ་ཡིན།
སློབ་ལོ་རན་པའི་བྱིས་པ།
འགན་བབས་སློབ་གསོ་ཁྱབ་བརྡལ་གྱི་སློབ་གྲྭར་ཞུགས་ཆོག་པའི་ལོ་ཚད་ལ་ཐོན་པའི་བྱིས་པར་གོ་དགོས་པ་སྟེ། ལ་ལས་ལོ6དང7ནས་ལོ11དང12བར་གྱི་སློབ་ཆུང་གི་སློབ་མའི་དུས་སྐབས་ལ་སློབ་ལོ་རན་པའི་བྱིས་པ་ཟེར།
བློ་འབྱེད་སློབ་གསོ།
གཞུང་ལུགས་གསར་པ་མི་ཤེས་པའི་མི་དང་ལྷག་ཏུ་བྱིས་པར། ཚན་རིག་གི་ཤེས་བྱ་ཞིབ་བཤེར་བྱེད་པའི་ནུས་པ་མེད་པའི་སྐབས་སུ། ཆེས་སྟབས་བདེའི་ངང་ནས་མཇུག་འབྲས་ཡིད་ལ་འཛིན་དུ་བཅུག་སྟེ་ཚན་རིག་ཤེས་བྱ་བཀོལ་དུ་འཇུག་པ་ལས་ར་སྤྲོད་ཀྱི་གོ་རིམ་མེད་པའི་སློབ་གསོ་བྱེད་ཐབས་ལ་བློ་འབྱེད་སློབ་གསོ་ཟེར། བློ་འབྱེད་སློབ་གསོའི་རྒྱུན་སྤྱོད་བཤད་ཐབས་ནི་བློ་འབྱེད་བྱ་ཡུལ་གྱི་ཤེས་ཟིན་པའི་རྒྱུན་ཤེས་ལ་བརྟེན་ནས་གནས་ལུགས་བཤད་པ་ལས་ཚན་རིག་གི་བདེན་སྤྲོད་བྱེད་པའི་གོ་རིམ་མིན།
ཁྱུང་མཆུ་གྲོང་རྡལ་གྱི་བྱིས་པ་ཁང་།
ཁྱུང་མཆུ་གྲོང་རྡལ་གྱི་བྱིས་པ་ཁང་ནི་སྔར་གྱི་ལྷ་རྒྱལ་གླིང་གི་བྱིས་པ་ཁང་ཞེས་པ་དེ་ཡིན། སྤྱི་ལོ1953ལོར་ཁུལ་སྲིད་གཞུང་དེ་ལྷ་རྒྱལ་གླིང་དུ་གནས་སྤོས་ཏེ་དེར་བྱིས་པ་ཁང་བཙུགས་པའི་འཆར་གཞི་བཀོད། སྤྱི་ལོ1954ལོར་སློབ་ཚན་དངོས་སུ་ལས་གཉེར་བྱེད་འགོ་ཚུགས། ཁུལ་རིམ་ལས་ཁུངས་ལས་བྱེད་མི་སྣའི་བུ་ཕྲུག་གི་སློབ་ལོ་མ་ལོན་གོང་གི་གྲ་སྒྲིག་སློབ་གསོའི་འགན་ཁུར་བ་དང་། སྤྱི་ལོ1960ལོའི་ཟླ6པར་ལྷ་རྒྱལ་གླིང་ནས་ཧུང་ཡོན་རྫོང་མཁར་གྱི་ཧུ་ར་མར་གནས་སྤོས་ཏེ་མིང་ལ་ཧུང་ཡོན་རྫོང་ཁྱུང་མཆུ་གྲོང་རྡལ་གྱི་བྱིས་པ་ཁང་ཞེས་བཏགས།
ཨ་མ་མཛངས་མ་དགེ་བའི་བཤེས་གཉེན་འདྲ།
དེབ་འདི་ནི་ཉེ་ཆར་མཐོང་དཀོན་པའི་ཁྱིམ་ཚང་སློབ་གསོའི་ཕུལ་དུ་བྱུང་བའི་དེབ་ཅིག་དང་། མ་དཔེ་ནི་བྲིན་ཆེ་ཤོས་ཀྱི་ལག་བྲིས་ཅིག་ཀྱང་ཡིན་པ་འདི་ནི་སློབ་གསོ་ཆེད་མཁས་པ་དབྱིས་ཅན་ལིའི་བུ་སྐྱོང་ཉམས་མྱོང་གི་ཟིན་ཏིག་ཅིག་གོ།
སྦྲུམ་བུའི་དང་ལེན།
འདིར་སྦྲུམ་བུས་ཨ་མ་ཡི་བསམ་ཚུལ་མཐའ་དག་དང་ལེན་བྱེད་པའི་སྐོར་དང་མངལ་གནས་སློབ་གསོ་ལེགས་པར་སྐྱོང་བའི་ཐབས་ལམ་བཅས་བཤད་ཡོད།
མ་ཁོག་སློབ་གསོ།
མ་ཁོག་སློབ་གསོ་ཟེར་བ་ནི་ཧ་ཅང་གལ་འགངས་ཆེ་ལ། ཧ་ཅང་གཟབ་དགོས་པའི་གནད་དོན་དམ་པ་ཞིག་ཡིན། སྤྱིར་བཏང་ཁྱོ་ཤུག་གཉིས་ཀས་ཆེས་ཐོག་མའི་ཕྲུ་གུ་གསོ་འདོད་ཀྱི་སྔོན་འགྲོའི་གྲ་སྒྲིག་ལ་ཟེར་ཞིང་། བུད་མེད་གང་དེའི་མངལ་དུ་ཕྲུ་གུ་ཆགས་པའི་སྔོན་ལ། སྨན་ཁང་ཚད་ལྡན་དུ་སོང་ནས་བུད་མེད་དེའི་ལུས་པོའི་འཕྲོད་བསྟེན་ལ་བརྟག་དཔྱད་ཡག་པོ་ཞིག་བྱེད་དགོས།
ཁྱོ་གའི་འོས་འགན།
ཁྱོ་གའི་འོས་འགན་ཟེར་བ་ནི་སྐྱེས་པ་དེའི་ཉིན་མཚན་དུས་དྲུག་ཏུ་སེམས་ཞིབ་མོའི་སྒོ་ནས་རང་གི་ཆུང་མའི་ལུས་ཁམས་དང་སེམས་ཁམས་ལ་བསྟུན་ནས་ཁྱིམ་ལས་སོགས་གཙོར་བྱས་པའི་ཁྱིམ་ཚང་ནང་གི་བྱ་བ་ཐམས་ཅད་ཀྱི་འགན་ཡོངས་སུ་རྫོགས་པ་འཁུར་དགོས་པ་ལ་ཟེར།
མེང་ཐའེ་སུའོ་ལིའི་སློབ་གསོ།
མེང་ཐའེ་སུའོ་ལིའི་སློབ་གསོ་ནི་དབྱི་ཐ་ལིའི་བུད་མེད་སློབ་གསོ་མཁས་ཅན་མཱ་ལི་ཡ་མེང་ཐའེ་སུའོ་ལིའི་མིང་ཐོག་ནས་བཏགས་པའི་སློབ་གསོའི་ཐབས་ལམ་ཤིག་ཡིན་ལ 《ཕྲུ་གུའི་ཁྱིམ་དུ་སྤྱོད་པའི་ཚན་རིག་གི་སློབ་གསོའི་ཐབས་ལམ》ཞེས་པའི་དཔེ་དེབ་ལས་དྲངས་པ་ཡིན་ལ། སྤྱི་ལོ1909ལོར་མེང་ཐའེ་སུའོ་ལི་ཡིས《ཕྲུ་གུའི་ཁྱིམ་དུ་སྤྱོད་པའི་ཚན་རིག་གི་སློབ་གསོའི་ཐབས་ལམ》ཞེས་པའི་དཔེ་ཆ་ཞིག་བརྩམས་ཤིང་། སྤྱི་ལོ1912ལོར་བརྩམས་ཆོས་དེ་ཉིད་ཨ་མེ་རི་ཁར་པར་སྐྲུན་བྱས་པ་དང་། དུས་མཚུངས་སུ་མགྱོགས་མྱུར་ངང་ཡིག་རིགས20ལྷག་ཏུ་བསྒྱུར་ནས་འཛམ་གླིང་གི་ས་ཆ་སོ་སོར་དར་ཁྱབ་བྱུང་། རྒྱལ་ཁབ100ལྷག་ཙམ་གྱིས་མེང་ཐའེ་སུའོ་ལིའི་སློབ་གསོའི་ཐབས་ལམ་ནང་འདྲེན་བྱས་པ་དང་། ཡོ་རོབ་དང་ཨ་རིར་ད་དུང་མེང་ཐའེ་སུའོ་ལིའི་ལས་འགུལ་ཡང་བྱུང་ཡོད། སྤྱི་ལོ1913ལོ་ནས་སྤྱི་ལོ1915ལོའི་བར་མེང་ཐའེ་སུའོ་ལི་སློབ་གྲྭ་འཛམ་གླིང་གི་གླིང་ཆེན་ཁག་ཏུ་ཁྱབ་ཡོད་དེ། དུས་རབས་སྔོན་མའི་ལོ་རབས་བཞི་བཅུ་བར་ཨ་རི་ཁོ་ནར་སློབ་གྲྭ2000ལྷག་ཡོད་ཅིང་། མེང་ཐའེ་སའོ་ལིས་འཛམ་གླིང་གི་ཁྱབ་ཁོངས་སུ་ཕྲུ་གུའི་སློབ་གསོའི་གསར་བརྗེ་ཞིག་བསླངས།
སློབ་ལོ་རན་པའི་བྱིས་པ།
འོས་འགན་སློབ་གསོའི་དུས་རིམ་གྱི་སློབ་ལོ་རན་པའི་བྱིས་པ་ཞེས་པ་ནི་ལོ6ནས15བར་གྱི་ལོ་ཆུང་བྱིས་པ་ལ་ཟེར།
བྱིས་པའི་འཚོ་བའི་ལམ་ལུགས།
བྱིས་པའི་འཚོ་བའི་ལམ་ལུགས་ནི་བྱིས་གཉོར་ཁང་གི་ཉིན་གཅིག་གི་བྱེད་སྒོ་སྣ་ཚོགས་ཀྱི་དུས་ཚོད་བཀོད་སྒྲིག་དང་གོ་རིམ་ཡིན། བྱིས་གཉོར་ཁང་གི་གཞི་རྩའི་བདེ་སྲུང་དང་སློབ་གསོའི་བྱེད་ཐབས་དེ་གཙོ་བོ་བྱིས་པའི་ལོ་ཚོད་ཀྱི་ཁྱད་ཆོས་ལ་གཞིགས་ནས་བྱིས་པའི་ཟས་ཟ་བ་དང་། གཉིད་ལོག་པ། སློབ་ཁྲིད་བྱེད་པ། ཕྱི་རོལ་དུ་བྱེད་སྒོ་སྤེལ་བའི་དུས་ཚོད་སོགས་གཏན་འཁེལ་བྱེད་པ་ཡིན།
[རྒྱུན་ལྡན]གྱི་འཚོ་བའི་ལམ་ལུགས།
[རྒྱུན་ལྡན]གྱི་འཚོ་བའི་ལམ་ལུགས་ནི་སྤྱི་ལོ2013ལོར་ཁྱབ་བསྒྲགས་བྱས་པའི་སློབ་གསོ་རིག་པའི་ཐ་སྙད་ཅིག་ཡིན།
འཇར་པིན་གྱི་བྱིས་པའི་སློབ་གསོ།
འཇར་པིན་གྱི་བྱིས་པའི་སློབ་གསོ་ནི་འཇར་པིན་གྱི་བྱིས་པའི་སྤྱི་ཚོགས་སློབ་གསོ་དེ་མིང་ཀྲི་ཁྲི་ལོའི་གསར་བཅོས་བྱས་རྗེས་མགོ་བརྩམས་ཤིང་། ཆེས་སྔ་ཤོས་ཀྱི་བྱིས་གཉོར་ཁང་ནི་སྤྱི་ལོ1876ལོར་ཏུང་ཅིན་བུད་མེད་དགེ་འོས་སློབ་གྲྭའི་ཞོར་གཏོགས་སུ་བཙུགས་པའི་བྱིས་གཉོར་ཁང་དེ་ཡིན།
སློབ་ཞུགས་གྲ་སྒྲིག་སློབ་གསོ།
སློབ་ཞུགས་གྲ་སྒྲིག་སློབ་གསོ་ནི་སྤྱི་ལོ2013ལོར་ཁྱབ་བསྒྲགས་བྱས་པའི་སློབ་གསོ་རིག་པའི་ཐ་སྙད་ཅིག་ཡིན།
བྱིས་གཉོར་ཁང་གི་སློབ་ཁྲིད།
བྱིས་གཉོར་ཁང་གི་སློབ་ཁྲིད་ནི་སྤྱི་ལོ2013ལོར་ཁྱབ་བསྒྲགས་བྱས་པའི་སློབ་གསོ་རིག་པའི་ཐ་སྙད་ཅིག་ཡིན།
ནད་སླེ་བྱིས་པ།
ནད་སླེ་བྱིས་པ་ནི་ལྷན་སྐྱེས(རྒྱུད་འཛིན་རང་བཞིན་དང་རྒྱུད་འཛིན་རང་བཞིན་མ་ཡིན་པའི་ནད་འདུས)སམ་རྗེས་ནས་ནད་ཕོག་པའམ་བསམ་ཡུལ་ལས་འདས་པའི་གནོད་འཚེ་ཕོག་ནས་དབང་བོ་སྐྱོན་ཅན་དུ་གྱུར་བ་དང་། སྨན་བཅོས་བྱེད་ཐབས་བྲལ་བའམ་ཡང་ན་མ་ལག་གིས་སྨན་བཅོས་བྱས་པ་བརྒྱུད་ནས་རྒྱུན་ལྡན་གྱི་ངལ་རྩོལ་ནུས་ཤུགས་འདོན་མི་ཐུབ་པའི་བྱིས་པ་ལ་ཟེར།
དམིགས་བསལ་བྱིས་པའི་སྤྱི་ཚོགས་ཞབས་ཞུའི་སྒྲིག་གཞི་བཀོད་སྒྲིག་དང་ཞབས་ཞུའི་ཚད་གཞི།
《དམིགས་བསལ་བྱིས་པའི་སྤྱི་ཚོགས་ཞབས་ཞུའི་སྒྲིག་གཞི་བཀོད་སྒྲིག་དང་ཞབས་ཞུའི་ཚད་གཞི》ནི་ཧྲང་ཧའེ་གྲོང་ཁྱེར་དམངས་སྲིད་ཅུའུ་ཡིས་ཁྱབ་བསྒྲགས་བྱས་པའི་ཚད་གཞི་ཞིག་རེད།
དམིགས་བསལ་བྱིས་པའི་དཔྱད་དཔོག
དམིགས་བསལ་བྱིས་པའི་དཔྱད་དཔོག་ནི་སྤྱི་ལོ2013ལོར་ཁྱབ་བསྒྲགས་བྱས་པའི་སློབ་གསོ་རིག་པའི་ཐ་སྙད་ཅིག་ཡིན།
དམིགས་བསལ་བྱིས་པའི་སློབ་གསོ་བཀོད་སྒྲིག་བྱེད་སྟངས།
དམིགས་བསལ་བྱིས་པའི་སློབ་གསོ་བཀོད་སྒྲིག་བྱེད་སྟངས་ནི་སྤྱི་ལོ2013ལོར་རྒྱལ་ཡོངས་ཚན་རིག་ལག་རྩལ་ཐ་སྙད་ཞིབ་བཤེར་གཏན་འབེབས་ཨུ་ཡོན་ལྷན་ཁང་གིས་ཁྱབ་བསྒྲགས་བྱས་པའི་སློབ་གསོ་རིག་པའི་ཐ་སྙད་ཅིག་ཡིན།
དམིགས་བསལ་བྱིས་པའི་སློབ་གསོའི་ལས་ཁུངས།
དམིགས་བསལ་བྱིས་པའི་སློབ་གསོའི་ལས་ཁུངས་ལ“དམིགས་བསལ་བྱིས་པའི་སློབ་གསོ་བཀོད་སྒྲིག་ལས་ཁུངས”ཀྱང་ཟེར། དམིགས་བསལ་གྱི་བྱིས་པར་སློབ་གསོ་དང་སློབ་ཁྲིད་བྱེད་ས་ཡིན། དེའི་རིགས་གཙོ་བོ་ནི་ཞག་སྡོད་ལམ་ལུགས་ཀྱི་དམིགས་བསལ་སློབ་གྲྭ་དང་། དམིགས་བསལ་ཉིན་རེའི་སློབ་གྲྭ། ཉིན་ཧྲིལ་བོའི་ལམ་ལུགས་ཀྱི་དམིགས་བསལ་འཛིན་གྲྭ། དུས་ཚོད་ཆ་ཤས་ལམ་ལུགས་ཀྱི་དམིགས་བསལ་འཛིན་གྲྭ། ཟུར་ཁྲིད་སློབ་ཁང་ཡོད་པའི་རྒྱུན་ལྡན་འཛིན་གྲྭ། སྐོར་སྐྱོད་དགེ་རྒན་གྱི་ཞབས་ཞུ་ཡོད་པའི་རྒྱུན་ལྡན་འཛིན་གྲྭ་དང་། སྨན་ཁང་དང་ཁྱིམ་ཚང་། བདེ་ཐང་སླར་གསོའི་ལས་ཁུངས་སོགས་ཡོད།
དམིགས་བསལ་གྱི་བྱིས་པ་འབྱུང་ཚད།
དམིགས་བསལ་གྱི་བྱིས་པ་འབྱུང་ཚད་ནི་དམིགས་བསལ་གྱི་བྱིས་པ་བྱུང་བའི་ཟློས་ཕྱོད་ཡིན་ལ། དེ་ནི་ས་ཁུལ་ག་གེ་མོ་ཞིག་གི་དམིགས་བསལ་གྱི་བྱིས་པའི་སྤྱི་འབོར་སམ་ཡང་ན་དམིགས་བསལ་གྱི་བྱིས་པའི་སྤྱི་འབོར་དང་ས་ཁུལ་དེའི་བྱིས་པའི་སྤྱི་འབོར་གྱི་བསྡུར་ཚད་ལ་ཟེར།
དམིགས་བསལ་བྱིས་པའི་བྱུང་ཚད།
དམིགས་བསལ་བྱིས་པའི་བྱུང་ཚད་ནི་དུས་ཚོད་ངེས་ཅན་ཞིག་གི་ནང་དུ་ཚོར་བའི་དམིགས་བསལ་བྱིས་པའི་ཟློས་ཕྱོད་ལ་ཟེར།
དམིགས་བསལ་བྱིས་པའི་སློབ་གསོའི་བརྟག་གཅོད།
དམིགས་བསལ་བྱིས་པའི་སློབ་གསོའི་བརྟག་གཅོད་ནི་སྤྱི་ལོ2013ལོར་ཁྱབ་བསྒྲགས་བྱས་པའི་སློབ་གསོ་རིག་པའི་ཐ་སྙད་ཅིག་ཡིན།
དབང་བོ་སྐྱོན་ཅན་བྱིས་པའི་ཐོག་མའི་ཐེ་གཏོགས།
དབང་བོ་སྐྱོན་ཅན་བྱིས་པའི་ཐོག་མའི་ཐེ་གཏོགས་ཞེས་པ་ནི་དེང་རབས་ཀྱི་དམིགས་བསལ་སློབ་གསོའི་འཕེལ་ཕྱོགས་ཡིན་ལ། དབང་བོ་སྐྱོན་ཅན་བྱིས་པ་སློབ་གྲྭར་མ་ཞུགས་གོང་གི་སྔོན་ནས་བདེ་ཐང་སླར་གསོའི་བྱ་བའི་མགོ་བརྩམས་པ་ཡིན། སྤྱིར་བཏང་དུ་སྐྱེས་བ་ནས་ལོ་བདུན་གྱི་བར་དུ་བྱེད་ཀྱི་ཡོད་ལ། ད་ལྟ་བྱིས་པ་མ་སྐྱེས་གོང་གི་ཨ་མའི་མངལ་དུ་ཡོད་སྐབས་བྱེད་ཀྱི་ཡོད། དུས་རབས20པའི་ལོ་རབས50པའི་རྗེས་སུ། ཚན་རིག་ཞིབ་འཇུག་དང་ལག་ལེན་ལས་བདེན་དཔང་བྱས་པ་ལྟར་ན། དམིགས་བསལ་བྱིས་པ་སྔ་མོ་ནས་སློབ་གསོ་དང་ལེན་དང་ཤེས་རྟོགས་བྱེད་དུ་བཅུག་ན། དེའི་རང་གཤིས་ཀྱི་མི་མངོན་པའི་ནུས་པ་དེ་ཙམ་གྱིས་འཕེལ་རྒྱས་ཅུང་ལེགས་པོ་ཡོང་བ་དང་། དབང་པོ་སྐྱོན་ཅན་ལས་བྱུང་བའི་མཇུག་འབྲས་ངན་པ་སྔོན་འགོག་དང་མེད་པར་བཟོ་བའམ་ཡང་ན་ཇེ་ཉུང་དུ་བཏང་སྟེ། ཕྱོགས་གང་ཅིའི་ཐད་ཀྱི་འཕེལ་རྒྱས་རྒྱུན་ལྡན་དུ་སླེབས་ཐུབ་པ་རེད།
ལུས་སེམས་ཞན་ཆ་ཡོད་པའི་བྱིས་པ།
ལུས་སེམས་ཞན་ཆ་ཡོད་པའི་བྱིས་པ་ནི་དམིགས་བསལ་གྱི་བྱིས་པའི་རིགས་ཤིག་ཡིན། དེ་ནི་ལུས་ཁམས་དང་སེམས་ཁམས་ཀྱི་ཞན་ཆ་ཡོད་པས་དམིགས་བསལ་གྱི་རོགས་རམ་བྱེད་དགོས་པའི་བྱིས་པ་ཞིག་ཡིན། རྒྱལ་ཁབ་མི་འདྲ་བའི་བྱིས་པ་འདིའི་རིགས་ལ་རིགས་དབྱེའི་གཏན་འབེབས་མི་འདྲ་བ་ཡོད་དེ། ཕལ་ཆེར་རིག་སྟོབས་རྗེས་ལུས་དང་། མཐོང་ཚོར་བར་གེགས། ཐོས་ཚོར་བར་གེགས། རྐང་ལག་ཞན་ཆ། ནད་ཞན། སེམས་ཁམས་བར་གེགས། སྐད་ཆའི་བར་གེགས། བར་གེགས་མང་པོ་སོགས་སུ་དབྱེ་ཆོག རིག་སྟོབས་རྗེས་ལུས་བྱིས་པ་ནི་རིག་སྟོབས70ལས་དམའ་བའི་བྱིས་པ་ལ་ཟེར། མཐོང་ཚོར་བར་གེགས་ལ་མཐོང་ཤུགས་ཞན་པ་དང་ལོང་བ་གཉིས་འདུས(མིག་ཤེད0.05~0.2བར་དུ་མཐོང་ཤུགས་ཞན་པ་དང0.04མན་དུ་ལོང་བ་ཡིན)པ་ཡིན།
སློབ་སྦྱོང་ལ་བར་གེགས་ཐེབས་པའི་བྱིས་པ།
སློབ་སྦྱོང་ལ་བར་གེགས་ཐེབས་པའི་བྱིས་པ་ནི་དུས་རབས20པའི་ལོ་རབས60པའི་དུས་དཀྱིལ་ནས་ལོ་རབས70པའི་དུས་མགོའི་བར་ཡིན་ཞིང་། དེར“དམིགས་བསལ་གྱི་སློབ་སྦྱོང་ལ་བར་གེགས་ཐེབས་པའི་བྱིས་པ”ཟེར། སྐད་ཆ་རྒྱུས་ལོན་དང་བཀོལ་སྤྱོད་བྱེད་པའི་གཞི་རྩའི་སེམས་ཁམས་ཀྱི་གོ་རིམ་ཁྲོད་དུ་བར་གེགས་རིགས་གཅིག་གམ་མང་པོ་ཐེབས་པའི་བྱིས་པ་ལ་ཟེར། བྱེ་བྲག་གི་མཚོན་ཚུལ་ནི། ཉན་པ་དང་། བསམ་པ། བཤད་པ། ཀློག་པ། འབྲི་བ་སོགས་ཀྱི་ནུས་པ་མེད་པ་དེ་ཡིན། འདི་རིགས་རྒྱུན་ལྡན་མིན་པ་ལ་ཤེས་ཚོར་བར་གེགས་དང་ཀླད་པར་རྨས་པ། ཀླད་པའི་བྱེད་ལས་སྙོམས་ཤོར་ཕྲ་མོ་བྱུང་བ། ཀློག་དཀའ་བ། འཕེལ་རྒྱས་རང་བཞིན་གྱི་ངག་ལྐུགས་ནད་སོགས་ཚུད་ཡོད་མོད། འོན་ཀྱང་མཐོང་ཚོར་བར་གེགས་དང་ཐོས་ཚོར་བར་གེགས། རྐང་ལག་བར་གེགས། རིག་སྟོབས་རྗེས་ལུས་ཐེབས་པ། སེམས་ཁམས་འཁྲུག་པའམ་རིག་གནས་དང་ཁོར་ཡུག དཔལ་འབྱོར་སོགས་ཞན་པ་ལས་བྱུང་བའི་སློབ་སྦྱོང་ལ་དཀའ་ངལ་ཡོད་པའི་བྱིས་པ་ཚུད་མེད།
བར་གེགས་བྱིས་པ།
བར་གེགས་བྱིས་པ་ནི་སྐྱེ་ཁམས་དང་། སེམས་ཁམས། སྤྱི་ཚོགས་ཀྱི་རྒྱུ་རྐྱེན་བཅས་ཀྱི་དབང་གིས་ནུས་པ་སྣ་ཚོགས་རྒྱུན་ལྡན་མིན་པའི་བྱིས་པ་ལ་ཟེར།
| བྱིས་པའི་སློབ་གསོ། བརྡ་འགྲེལ 49 ཡོད། |