ཀྲུང་གོའི་དངུལ་སྒོར་བཤམས་སྟོན་ཁང་།སྔ་མའི་པར་གཞི་དེ འབྲོངDruglha ནས 2026-02-28 14:31ལ་འགྲུབ།
ཀྲུང་གོའི་དངུལ་སྒོར་བཤམས་སྟོན་ཁང་།
ཀྲུང་གོའི་དངུལ་སྒོར་བཤམས་སྟོན་ཁང་།
ཀྲུང་གོའི་དངུལ་སྒོར་བཤམས་སྟོན་ཁང་ནི་པེ་ཅིན་གྲོང་ཁྱེར་ནུབ་གྲོང་ཁུལ་ཞི་ཅའོ་མིང་སྲང་ལམ་གྱི་སྒོ་ཨང17པར་གནས་ཡོད། སྤྱིའི་རྒྱ་ཁྱོན་ལ་སྨི་ངོས་གྲུ་བཞི་མ1800ཡོད་པ་དང་། འགྲེམས་ཁང་གི་རྒྱ་ཁྱོན་ལ་སྨི་ངོས་གྲུ་བཞི་མ1100ཡོད། དེའི་ནང་དུ་ལྟེ་བའི་འགྲེམ་ཁང་དང་འགྲེམ་སྟོན་ཁང4བཙུགས་ཡོད། འདི་ནི་ཀྲུང་གོའི་མི་དམངས་དངུལ་ཁང་སྤྱི་ཁྱབ་དངུལ་ཁང་གི་ཐད་གཏོགས་རྒྱལ་ཁབ་རིམ་པའི་དངུལ་སྒོར་ཆེད་ལས་དངོས་མང་བཤམས་སྟོན་ཁང་ཡིན།
སྤྱི་ལོ1990ལོར་ཀྲུང་གོའི་དངུལ་སྒོར་དངོས་མང་བཤམས་སྟོན་ཁང་གི་འཛུགས་སྐྲུན་གྲ་སྒྲིག་བྱེད་འགོ་བརྩམས། སྤྱི་ལོ1992ལོའི་ཟླ7པའི་ཚེས29ཉིན་དངོས་མང་བཤམས་སྟོན་ཁང་དངོས་སུ་སྒོ་ཕྱེ་བ་རེད། སྤྱི་ལོ2022ལོའི་ལོ་མཇུག་བར་དུ་ཀྲུང་གོའི་དངུལ་སྒོར་བཤམས་སྟོན་ཁང་དུ་ཉར་ཚགས་དངོས་རྫས219411（ཆ་ཚང）ཡོད་པ་དང་ལོ་འཁོར་གྱི་ལྟད་མོ་བའི་བསྡོམས་འབོར35000ཡོད་པ་རེད།
སྤྱི་ལོ2021ལོའི་ཟླ6པའི་ཚེས19ཉིན། ཀྲུང་གོའི་དངུལ་སྒོར་བཤམས་སྟོན་ཁང་ལ་ཀྲུང་དབྱང་དྲིལ་བསྒྲགས་པུའུ་ཡིས“རྒྱལ་ཡོངས་རྒྱལ་གཅེས་རིང་ལུགས་ཀྱི་སློབ་གསོའི་དཔེ་སྟོན་རྟེན་གཞི”ཞེས་པའི་མིང་བཏགས་པ་རེད། སྤྱི་ལོ2025ལོའི་ཟླ3ཚེས17ཉིན་རྒྱལ་ཁབ་ལ་དབང་བའི་སྤྱི་ཕན་རང་བཞིན་གྱི་ཉར་ཚགས་ཚན་པའི་མིང་ཐོའི（ཁག་དང་པོ）ནང་བདམས་པ་རེད།
གཞི་རྩའི་གནས་ཚུལ།
རྒྱ་ཡིག་གི་མིང་།
中国钱币博物馆
ཕྱི་ཡིག་གི་མིང་།
CHINA NUMISMATIC MUSEUM
གནས་ཡུལ།
པེ་ཅིན་གྲོང་ཁྱེར་ནུབ་གྲོང་ཁུལ་ཞི་ཅའོ་མིང་སྲང་ལམ་གྱི་སྒོ་ཨང17པ།
རྒྱ་ཁྱོན།
1800 m²
རིགས།
རྒྱལ་ཁབ་རིམ་པའི་ཆེད་དོན་དངོས་མང་བཤམས་སྟོན་ཁང་།
མཛེས་ལྗོངས་རིམ་པ།
རིམ་མེད།
སྒོ་འབྱེད་དུས་ཚོད།
གཟའ་མིག་དམར་ནས་གཟའ་ཉི་མའི་བར། ཉིན་རེར་ཆུ་ཚོད་9:00-17:00（16:00ལ་སྤ་སེ་ལེན་མཚམས་འཇོག་རྒྱུ）དང་། གཟའ་ཟླ་བར་སྒོ་བརྒྱབ་པ།
སྒོ་འཛིན་རིན་གོང་།
རིན་མི་དགོས་པ།
ཉར་ཚགས་དངོས་རྫས་ཀྱི་གྲངས་འབོར།
300000（2019ལོའི་ལོ་མཇུག་བར）
དཀར་ཆག
1
འཕེལ་རྒྱས་ཀྱི་བརྒྱུད་རིམ།
སྤྱི་ལོ1990ལོར་ཀྲུང་གོའི་དངུལ་སྒོར་དངོས་མང་བཤམས་སྟོན་ཁང་གི་གྲ་སྒྲིག་བྱེད་འགོ་བརྩམས།
སྤྱི་ལོ1992ལོའི་ཟླ7པའི་ཚེས29ཉིན་དངོས་མང་བཤམས་སྟོན་ཁང་དངོས་སུ་སྒོ་ཕྱེ་བ་རེད།
2
གཞི་རྩའི་བཤམས་སྟོན།
དངུལ་ལོར་གཅིག་གྱུར།
“དངུལ་ལོར་གཅིག་གྱུར”གྱི་ཚན་པ་ནི་གདོད་མའི་སྤྱི་ཚོགས་ཀྱི་བརྗེ་རེས་བྱུང་བ་ནས་ཆིན་ཧྲི་ཧོང་གིས་དངུལ་ལོར་གཅིག་གྱུར་སྐོར་འགྲེམས་སྟོན་བྱས་ཡོད་ལ། འདི་ལས་དངུལ་ལོར་གྲུབ་པའི་བརྒྱུད་རིམ་ཁྲོད་ཀྱི་ས་ཁོངས་ཀྱི་ཁྱད་ཆོས་དང་། དངུལ་ལོར་གཅིག་གྱུར་གྱི་འཕེལ་ཕྱོགས་ལྡོག་མེད་བཅས་གསལ་སྟོན་བྱས་ཡོད།
གསེར་དངུལ་དངུལ་ལོར།
“གསེར་དངུལ་དངུལ་ལོར”གྱི་ཚན་པར་ཁྲུན་ཆིའུ་དུས་དཀྱིལ་དང་དུས་མཇུག་ནས་བཟུང་ལྕགས་རིགས་རྩ་ཆེན་གྱི་དངུལ་ལོར་རིམ་འགྱུར་གྱི་བརྒྱུད་རིམ་འགྲེམས་སྟོན་བྱས་ཡོད་ལ། དེའི་ཁོངས་སུ་ཀྲན་གོའི་གསེར་གྱི་དངུལ་ལོར། ཐང་ནས་ཆིང་རྒྱལ་རབས་བར་གྱི་དངུལ་ཆས། ཉེ་རབས་དང་། དེང་རབས་ཀྱི་གསེར་དངུལ་དྲན་གསོའི་དངུལ་ལོར་བཅས་ཚུད་ཡོད།
ཤོག་སྒོར་དང་དངུལ་ཁང་།
ཤོག་དངུལ་དང་དངུལ་ཁང་གི་ཚན་པར་གནའ་རབས་ཀྱི་ཤོག་སྒོར་དང་། ཤོག་དངུལ་དང་ཡིད་རྟོན། ཤོག་དངུལ་གྱི་འཛའ་ཐང་ཆག་པ། མི་དམངས་ཀྱི་དངུལ་ལོར”བཅས་སྡེ་ཚན་བཞི་ནས་ལྟད་མོ་བར་ཤོག་དངུལ་ཐོག་མར་ཀྲུང་གོར་ཐོན་པའི་རྒྱུ་རྐྱེན་དང་བརྒྱུད་རིམ་མངོན་པར་བྱས་ཡོད། ཤོག་དངུལ་གྱི་ཡིད་རྟོན་ངོ་བོ་དང་། ཤོག་དངུལ་འགྲོ་རྒྱུག གུང་ཁྲན་ཏང་གིས་མགོ་ཁྲིད་བྱས་ནས་འགྲེམས་སྤེལ་བྱས་པའི་མི་དམངས་དངུལ་ལོར་གྱིས་གསར་བརྗེ་དང་འཛུགས་སྐྲུན་ཁྲོད་ཐོན་པའི་ནུས་པ་རླབས་ཆེན་མངོན་ཡོད།
3
ད་ལྟ་དང་འབྱུང་འགྱུར།
ད་ལྟ་དང་འབྱུང་འགྱུར་ནི་ཀྲུང་ཧྭའི་དངུལ་ལོར་འགྲེམས་སྟོན་གྱི་ཆ་ཤས་མཐའ་མ་དེ་ཡིན་པ་དང་། ལྟད་མོ་བར་དེང་རབས་ཀྱི་དངུལ་སྒོར་དང་ཤོག་དངུལ། ཐོན་སྐྱེད་བྱེད་པའི་བརྒྱུད་རིམ་དང་རྫུན་འགོག་ཤེས་བྱ་ངོ་སྤྲོད་བྱས་པ་དང་ཆབས་ཅིག་དངུལ་ལོར་གློག་རྡུལ་ཅན་དུ་འགྱུར་བའི་མདུན་ལམ་ཡང་མངོན་ཡོད།
4
བཤམས་སྟོན་ཁང་གི་ཁྱད་ཆོས།
ཀྲུང་གོའི་དངུལ་སྒོར་བཤམས་སྟོན་ཁང་གིས་མི་ཐབས་ཀྱི་འོད་ཁུངས་སྣ་ཚོགས་བེད་སྤྱོད་གང་ལེགས་བྱས་ནས་རིག་གནས་ཀྱི་རྣམ་པ་ཟབ་མོ་ཞིག་བཏོད་དེ། ཧོ་པེའི་མན་ཁྲེང་ལིའུ་ཧྲེང་བང་སོ་དང་མིང་རྒྱལ་རབས་ཀྱི་ཤོག་དངུལ་དང་འབྲེལ་བ་ཡོད་པའི་རྩ་ཚིག་དང་དེ་བཞིན་དངུལ་རྩའི་སྒྲིག་གཞི་རྙིང་པའི་ཆན་ཀྲོང་འདྲ་བཟོ་བྱས་ནས། ལྟད་མོ་བ་འགྲེམས་ཁང་དུ་ཐོན་ན། དངོས་སུ་གནས་དེ་དག་ལ་ཐོན་པ་ལྟ་བུའི་ཉམས་སྣང་སྐྱེ་སུ་འཇུག་ཐུབ།
5
བཤམས་སྟོན་ཁང་གིས་ཉར་ཚགས་བྱས་པའི་རིག་དངོས།
ཀྲུང་གོའི་དངུལ་སྒོར་དངོས་མང་བཤམས་སྟོན་ཁང་དུ་འཛམ་གླིང་གི་རྒྱལ་ཁབ30ལྷག་གི་དངུལ་སྒོར་ཉར་ཚགས་བྱས་ཡོད། དཔེར་ན་ཨ་རི་དང་། དབྱིན་ཇི། ཧྥ་རན་སི། འཇར་མན། ཨུ་རུ་སུ། འཇར་པན། ཁྲའོ་ཞན་སོགས་ལྟ་བུ་ཡིན། དེའི་ནང་དུས་རབས19པའི་རྒྱལ་ཁབ་ཁག་གི་གསེར་སྒོར་དང་དེང་རབས་ཀྱི་ཤོག་དངུལ་གྱིས་བསྡུར་ཚད་ཅུང་ཆེན་པོ་ཟིན་ཡོད། རིག་དངོས་སོགས་རིགས་ཆེན་པོ་དྲུག་ཉར་ཚགས་བྱས་ཡོད།
6
ཉར་ཚགས་དངོས་རྫས་ཀྱི་ཡོང་ཁུངས།
ཀྲུང་གོའི་དངུལ་སྒོར་བཤམས་སྟོན་ཁང་གི་ཉར་ཚགས་དངོས་རྫས་ཀྱི་ཡོང་ཁུངས་གཙོ་བོ་ནི། གཅིག་ནི་ཀྲུང་གོའི་མི་དམངས་དངུལ་ཁང་གི་ཉར་ཚགས་རྙིང་བ་དང་། གཉིས་ནི་དངུལ་སྒོར་ཉར་ཚགས་བྱེད་མཁན་དང་དངུལ་སྒོར་ལ་དགའ་པོ་བྱེད་མཁན་གྱི་ཞལ་འདེབས་ཡིན། གསུམ་ནི་སྤྱི་ཚོགས་ནས་བསྡུ་རུབ་བྱས་པ་ཡིན།
7
རིག་གཞུང་ཞིབ་འཇུག
ཀྲུང་གོའི་དངུལ་སྒོར་བཤམས་སྟོན་ཁང་གིས་སྒོ་ཕྱེ་བའི་དྲན་གསོའི་རྟགས་མ་དང་ཀྲུང་གོའི་དངུལ་སྒོར་བཤམས་སྟོན་ཁང་གི་ངོ་སྤྲོད་མདོར་བསྡུས་རྩོམ་སྒྲིག་བྱས་ཡོད་པ་དང་། 《ཀྲུང་གོའི་རྒྱལ་རབས་རིམ་བྱུང་གི་དངུལ་ལོར》དང་། 《ཀྲུང་གོའི་གནའ་བོའི་དངུལ་ལོར་གྱི་རི་མོའི་དེབ》《ཏའེ་པའོ་ཐིང་གི་ཀྲུང་ཕྱིའི་དངུལ་སྒོར་རྩ་ཆེའི་དངོས་རྫས》སོགས་རྩོམ་སྒྲིག་བྱས་ཡོད།
ཀྲུང་གོའི་དངུལ་སྒོར་དངོས་མང་བཤམས་སྟོན་ཁང་དུ《ཀྲུང་གོའི་དངུལ་ལོར》ཞེས་པའི་དུས་དེབ་ཡོད།
8
རིག་གཞུང་སྤེལ་རེས།
སྤྱི་ལོ1991ལོའི་ཟླ9པའི་ཚེས8ཉིན། ཀྲུང་གོའི་དངུལ་སྒོར་དངོས་མང་བཤམས་སྟོན་ཁང་གྲ་སྒྲིག་ཨུ་ཡོན་ལྷན་ཁང་གིས་ཀྲུང་གོའི་དངུལ་སྒོར་སློབ་ཚོགས་ཀྱི་ཐོབ་ཐང་ཐོག་ནས་མི་སྣ་མངགས་ཏེ་པུའུ་ལུའུ་སེར་འཚོགས་པའི་སྐབས་བཅུ་གཅིག་པའི་རྒྱལ་སྤྱིའི་དངུལ་སྒོར་རིག་པའི་ཚོགས་ཆེན་ལ་ཞུགས། ཀྲུང་གོའི་དངུལ་སྒོར་བཤམས་སྟོན་ཁང་གི་སྒོ་ཕྱེ་བ་ནས་བཟུང་ལྟད་མོ་བ་ཁྲི་ཙམ་ལ་སྣེ་ལེན་ཞུས་ནས་ཨ་རི་དང་། དབྱིན་ཇི། འཇར་པན། ཧྥ་རན་སི། འཇར་མན། ཏེན་མག པེར་ཀྲེམ། སུའེ་ཏེན། དབྱི་ཐ་ལི། ཨོ་སི་ཁྲུ་ལི་ཡ་བཅས་དང་། ཧྥི་ལི་ཕིན་དང་ཨུ་རུ་སུ་སོགས་རྒྱལ་ཁབ་དང་ཐའེ་ཝན་དང་ཤང་ཀང་སོགས་ས་ཁུལ་གྱི་དངུལ་རྩའི་རིགས་གཅིག་མཁས་ཅན་དང་དངུལ་སྒོར་མཁས་དབང་མི་ཐེངས་ཆིག་སྟོང་ཙམ་ལ་སྔ་རྗེས་སུ་སྣེ་ལེན་ཞུས་ཡོད་པ་རེད།
9
གཟི་བརྗིད་མཚན་སྙན།
སྤྱི་ལོ2021ལོའི་ཟླ6པའི་ཚེས19ཉིན་ཀྲུང་གོའི་དངུལ་ལོར་རྟེན་རྫས་བཤམས་སྟོན་ཁང་ལ་ཀྲུང་དབྱང་དྲིལ་བསྒྲགས་པུའུ་ཡིས“རྒྱལ་ཡོངས་ཀྱི་རྒྱལ་གཅེས་རིང་ལུགས་ཀྱི་སློབ་གསོའི་དཔེ་སྟོན་རྟེན་གཞི”ཞེས་མིང་བཏགས་པ་རེད།
སྤྱི་ལོ2025ལོའི་ཟླ3པའི་ཚེས17ཉིན་གཞུང་ཁོངས་སྤྱི་ཕན་རང་བཞིན་གྱི་ཉར་ཚགས་ཚན་པའི་མིང་ཐོའི（ཁག་དང་པོ）ནང་བདམས་པ་རེད།
དཔྱད་གཞིའི་ཡིག་ཆ།