མཚོ་ཆེན་མ།སྔ་མའི་པར་གཞི་དེ རྒྱ་ལོ་རྟ་མགྲིན་ཚེ་བརྟན། ནས 2020-01-03 14:49ལ་འགྲུབ།
མཚོ་ཆེན་མ་ཞེས་པ་ནི་བོད་ལྗོངས་ཉིང་ཁྲི་ས་ཁུལ་སྤོ་བོ་རྫོང་གི་ཁོངས་སུ་ཡོད་པའི་མཚོ་མོ་ཞིག་ཡིན་པ་དང་། མཚོ་མོ་དེ་ནི་ཉིང་ཁྲི་ས་ཁུལ་སྤོ་བོ་རྫོང་གི་གཡུ་ཤུལ་ཤང་མི་འཕྲལ་གྲོང་ཚོ་ཨུ་ཡོན་ལྷན་ཁང་གི་ནུབ་ཕྱོགས་ཀྱི་སྤྱི་ལེ10ལྷག་ཙམ་གྱི་སར་ཡོད་པ་རེད། མཚོ་མོ་དེའི་མཚོ་ངོས་ཀྱི་རྒྱ་ཁྱོན་ལ་མུའུ19ལྷག་ཙམ་ཡོད་པ་རེད། མཚོ་མོ་དེ་གནས་སའི་ས་བབ་མཐོ་ཚད་ལ་རྒྱ་མཚོའི་ངོས་ལས་སྨི2900ལྷག་ཙམ་ཡོད་པ་རེད།
མཚོ་ཆེན་མ་ཞེས་པའི་མིང་གི་ཐོགས་ཚུལ་ནི། མཚོ་མོ་དེ་ནི་མི་འཕྲལ་གྲོང་ཚོའི་ཁོངས་གཏོགས་ཀྱི་འབྲོག་ས་འབྲོག་ཆེན་ཁ་ཞེས་པ་དེར་གནས་པ་དང་། བཤད་རྒྱུན་ལ་མགོན་པོ་བེར་ནག་གི་བླ་མཚོ་ཡིན་པ་དང་། དེའི་ནང་དུ་དུད་ཚང་སུ་ཞིག་དར་རྒྱུ་ཡིན་པ་དང་། སུ་ཞིག་རྒུད་རྒྱུ་ཡིན་པ་མཚོ་མཇལ་ཞུ་རྒྱུ་ཡོད་པ་ཡིན་པར་བརྟེན། མིང་ལའང་དེ་ལྟར་དུ་འབོད་པར་གྲགས།