གཉིད་མི་ཁུག་པའི་ནད།སྔ་མའི་པར་གཞི་དེ བསེ་ཆང་རྡོ་རིན། ནས 2018-09-04 09:15ལ་འགྲུབ།
གཉིད་མི་ཁུག་པའི་ནད།
གཉིད་མི་ཁུག་པའི་ནད།
སྤྱིར་བཏང་མི་ཞིག་གི་མི་ཚེ་ཧྲིལ་པོའི་ཕྱེད་ཀ་ནི་ལས་ཀའི་དུས་དང་ཕྱེད་ཀ་ནི་གཉིད་ཀྱི་དུས་ཡིན་ལ།གཉིད་མ་ཁུག་པའམ་གཉིད་ཡེར་ བའི་ནད་བྱུང་ཚེ་ལུས་དང་སེམས་ཁམས་གཉིས་ལ་གདུང་བའི་ནད་དུ་མ་བྱུང་ཞིང་།དུས་ལྟར་གསོ་བཅོས་མ་བྱས་པར་འགོར་འགྱངས་བྱུང་ཚེ་སྙིང་རླུང་གི་ནད་དང་སྲོག་རླུང་གི་ནད། མཐར་སྨྱོ་བྱེད་ཀྱི་ནད་དུ་མར་འགྱུར་ཉེན་ཆེ་བས། མི་སུ་ཞིག་ཡིན་རུང་གཉིད་མི་ཁུག་པའི་ནད་རྟགས་བྱུང་ཚེ་དུས་ལྟར་སྨན་པར་བསྟེན་ནས་གསོ་བཅོས་བྱེད་རྒྱུ་ནི་ཅི་ནས་ཀྱང་གལ་ཆེ་བར་འདོད།
གཞི་རྩའི་གནས་ཚུལ།
བོད་ཡིག་གི་མིང་།
གཉིད་མི་ཁུག་པའི་ནད།
རིགས།
བདེ་སྲུང་།
1
ནང་དོན་མདོར་བསྟན།
སྤྱིར་བཏང་མི་ཞིག་གི་མི་ཚེ་ཧྲིལ་པོའི་ཕྱེད་ཀ་ནི་ལས་ཀའི་དུས་དང་ཕྱེད་ཀ་ནི་གཉིད་ཀྱི་དུས་ཡིན་ལ།གཉིད་མ་ཁུག་པའམ་གཉིད་ཡེར་ བའི་ནད་བྱུང་ཚེ་ལུས་དང་སེམས་ཁམས་གཉིས་ལ་གདུང་བའི་ནད་དུ་མ་བྱུང་ཞིང་།དུས་ལྟར་གསོ་བཅོས་མ་བྱས་པར་འགོར་འགྱངས་བྱུང་ཚེ་སྙིང་རླུང་གི་ནད་དང་སྲོག་རླུང་གི་ནད། མཐར་སྨྱོ་བྱེད་ཀྱི་ནད་དུ་མར་འགྱུར་ཉེན་ཆེ་བས། མི་སུ་ཞིག་ཡིན་རུང་གཉིད་མི་ཁུག་པའི་ནད་རྟགས་བྱུང་ཚེ་དུས་ལྟར་སྨན་པར་བསྟེན་ནས་གསོ་བཅོས་བྱེད་རྒྱུ་ནི་ཅི་ནས་ཀྱང་གལ་ཆེ་བར་འདོད།
2
གཉིད་མི་ཁུག་པ་ནི་རྒྱུ་རྐྱེན།
གཉིད་མི་ཁུག་པ་ནི་རྒྱུ་རྐྱེན་གང་མང་ཞིག་གི་དབང་གིས་ཉིན་མཚན་གཉིས་ཀར་གཉིད་མིད་པའམ་ཁུག་དཀའ་བར་གྱུར་ཏེ་ལུས་དང་སེམས་ཁམས་གཉིས་ལ་གནོད་པ་ཆེན་པོ་ཐེབས་པའི་ནད་རིགས་ཤིག་ཡིན་ལ། སྐོམ་བཅུད་མིད་པ་ཡང་བ་དང་ཇ་རྒོད་ལྟ་བུའི་རྩུབ་པའི་སྐོམ་བསྟེན་དྲགས་པ། ཀློག་འདོན་སོགས་མང་དྲགས་པ། གཉིད་བཀག་པ་དང་སེམས་ལས་ཆེ་བ། སེམས་ཁམས་ལ་ཕོག་ཐུག་བྱུང་བ། ཟུངས་ཟད་པ་སོགས་ཀྱིས་སློང་བ་ཡིན།
3
ནད་རྟགས།
ནད་རྟགས་སུ་གཡལ་མང་བ་དང་ཡན་ལག་རྐྱོང་བ། ལུས་སྙོམ་པ། སྙིང་མི་བདེ་བ་དང་མགོ་བོ་ལྕི་བ། རྣ་བ་འུར་བ། མིག་འགྲིབ་པ། ཁ་ཟས་མི་འཇུ་བ་སོགས་འབྱུང་། གཞོགས་འདེགས་བརྟག་དཔྱད་ལས། སྙིང་རིས་དངEEGའཕྲུལ་ཆས་བཀོལ་ཏེ་ཀླད་པའི་དབང་རྩའི་ནུས་འགྱུར་ལ་བརྟག་དཔྱད་ བྱེད་དགོས།
4
བཅོས་ཐབས།
གཉིད་ཡེར་བ་ལ་ཚ་ཡེར་རླུང་ཡེར་རྣམ་པ་གཉིས་ཡོད་ལ། རླུང་གིས་མི་ཁུག་པར་མར་དང་ཞོ། བུ་རམ། ཆང་། ཤ་ཁུ་སོགས་བསྟེན། སྤྱོད་ལམ་དུ་ཡིད་འོང་གྲོགས་དང་མུན་ཁུང་དྲོ་བའི་གནས་སུ་འདུག་དགོས། ཚ་བས་མི་ཁུག་པར་མར་གསར་དང་དར་བ། བསིལ་སར་སྡོད་པ་བཅས་བྱ་དགོས། སྨན་གྱི་བཅོས་ཐབས་ནི་སྨན་པའི་ངག་བཞིན་རླུང་ཡེར་ལ་ཧོར་མི་དང་རྫ་མའི་འཕྲུལ་འཁོར། འཇམ་རྩི། དབྱུག་བཅོས་སོགས་རིམ་བཞིན་བསྟེན་རྒྱུ། ཚ་ཡེར་ལ་ཐོག་མར་གླ་རྩི་མར་དཀར་བསྲེས་ནས་བྲང་རྒྱབ་གནས་སུ་བྱུག་མཉེ་བྱ། བླ་གཉན་གྱི་ནད་དང་བསྡོངས་ན་ནད་བབ་དང་བསྟུན་ནས་གཏར་ག་གདབ། མཐར་མི་བཙས་ནད་རྗེས་གཅོད་བྱ་དགོས།
གཉིད་མི་ཁུག་པའི་ནད་འདི་ལ་རྐྱང་བ་དང་ལྡན་པ། འདུས་པ་སོགས་ཀྱི་ན་ལུགས་སྣང་ཚུལ་དུ་མ་ཡོད་པས་དུས་ལྟར་གསོ་བཅོས་མ་བྱས་པར་འགྱངས་ན་སྲོག་རླུང་དང་སྙིང་རླུང་། སྙིང་འཕྱོས། ཡང་ན་སྨྱོ་བྱེད་ཀྱི་ནད་ཀྱང་འབྱུང་སྲིད་པས་རང་རང་གི་ནད་བབ་ལྟར་གསོ་བཅོས་བྱ་རྒྱུ་གལ་ཆེའོ།།
དཔྱད་གཞིའི་ཡིག་ཆ།