རིང་རྒྱུག
རིང་རྒྱུག་གི་ཐོག་མའི་རྣམ་གྲངས་ནི་དབྱིན་ལི4དང6ཡིན་པ་དང་། དུས་རབས19པའི་དུས་དཀྱིལ་ནས་བཟུང་རིམ་བཞིན་སྨི5000དང་སྨི10000ཡིས་ཚབ་བྱས། ཐོ་འགོད་བྱས་པར་གཞིགས་ན། དེང་རབས་ཀྱི་རིང་རྒྱུག་འགྲན་བསྡུར་སྔ་ཤོས་ནི་སྤྱི་ལོ1847ལོའི་ཟླ4པའི་ཚེས5ཉིན་དབྱིན་ཇིའི་ལོན་ཏོན་དུ་གཉེར་བའི་ལས་རིགས་འགྲན་བསྡུར་ཡིན་པ་དང་། དབྱིན་ཇིའི་ཅེ་ཁེ་ཤུན་གྱིས་སྐར་མ32དང་སྐར་ཆ35ཡི་སྐར་འབྲས་ཀྱིས་རིང་རྒྱུག་གི་ཨང་དང་པོ་བླངས་པ་རེད། ཨོ་རྩལ་འགྲན་ཚོགས་ཀྱི་འགྲན་བསྡུར་རྣམ་གྲངས་ནང་སྐྱེས་པ་དང་བུད་མེད་ཚང་མ་སྨི5000དང་སྨི10000རྒྱུག་གིན་ཡོད། སྐྱེས་པའི་རྣམ་གྲངས་སྤྱི་ལོ1912ལོར་བཞག་པ་དང་། བུད་མེད་ཀྱི་རྣམ་གྲངས་སྨི5000ཅན་གྱི་རིང་རྒྱུག་དེ་སྤྱི་ལོ1996ལོར་བཞག་པ་དང་། སྨི10000ཅན་གྱི་རིང་རྒྱུག་དེ་སྤྱི་ལོ1988ལོར་བཞག་པ་རེད།
སྨི10000ཡི་རྒྱུག་འགྲན།
སྨི10000ཡི་རྒྱུག་འགྲན་ནི་མཆོང་རྒྱུག་འཕེན་གསུམ་གྱི་འགྲན་བསྡུར་ཁྲོད། འགྲན་ཞུགས་མཁན་གྱི་ཨང་རིམ་དེ་དེའི་ལུས་ཕུང(མགོ་དང་། སྐེ་བ། དཔུང་པ། རྐང་པ། ལག་པ་བཅས་ཚུད་མེད་པ)མཐའ་སྣེའི་ཐིག་ཏུ་འབྱོར་རྗེས་དྲང་འཕྱང་ངོས་སུ་སླེབས་སྐབས་ཀྱི་གོ་རིམ་ལ་རག་ལས་ཡོད། སྔོན་ལ་སླེབས་མཁན་གྱི་ཨང་རིམ་མཐོ་བ་ཡིན་ལ། ཁྱོན་སྨི10000ལ་རྒྱུག་དགོས་་པ་རེད།
སྨི5000ཡི་རྒྱུག་འགྲན།
སྨི5000ཡི་རྒྱག་འགྲན་ནི་རིང་རྒྱུག་རྣམ་གྲངས་ཀྱི་ཁོངས་སུ་གཏོགས་པ་དང་སྙུགས་ཤུགས་ཀྱི་བླང་བྱ་ཅུང་ནན་པོ་ཡོད། འཐབ་རྩལ་བཀོལ་སྤྱོད་བྱེད་པ་ཡིས་རྒྱུན་ལྡན་གྱི་ནུས་པ་འདོན་ཐུབ་མིན་ལ་ཤུགས་རྐྱེན་ཆེན་པོ་ཐེབས་སྲིད། གལ་ཏེ་འཐབ་རྩལ་བཀོལ་སྤྱོད་བྱས་པ་འོས་འཚམ་མིན་ན། ལུས་པོར་གནོད་པ་ངེས་ཅན་ཞིག་ཐེབས་སྲིད། སྤྱིར་བཏང་དུ་བཤད་ན། ལུས་རྩལ་པས་འགྲན་བསྡུར་མ་བྱས་གོང་དུ་སྔོན་སྦྱོང་ལུས་རྩལ་བྱེད་དགོས་པ་དང་། འགྲན་བསྡུར་བྱེད་སྐབས་དབུགས་ཀྱི་འབྱིན་རྔུབ་ལེགས་སྒྲིག་བྱེད་པར་དོ་སྣང་བྱེད་དགོས་ལ། སྤྱིར་བཏང་དུ་གོམ་པ་བཞི་ལ་དབུགས་ཐེངས་གཅིག་གཏོང་དགོས་པ་དང་། འགྲན་བསྡུར་མཇུག་འགྲིལ་རྗེས་སྔོན་ལ་ལྷོད་གཡེང་གི་འགུལ་སྐྱོད་བྱེད་དགོས།
སྨི3000ཅན་གྱི་བཀག་བརྒལ་རྒྱུག་འགྲན།
སྨི3000ཅན་གྱི་བཀག་བརྒལ་རྒྱུག་འགྲན་ནི་རིང་རྒྱུག་དང་བཀག་བརྒལ་ཟུང་དུ་འབྲེལ་བའི་ལུས་རྩལ་རྣམ་གྲངས་ཤིག་ཡིན། རྒྱུག་ལམ་སྟེང་དུ་འགོག་སྒྲོམ་ལྔ་ཡོད་པ་དང་། དེའི་ནང་གི་འགོག་སྒྲོམ་བཞི་པར་ཆུ་རྫིང་ཡོད། བརྒྱུད་རིམ་ཧྲིལ་པོར་ཁྱོན་འགོག་སྒྲོམ་ཐེངས་སོ་ལྔ་བརྒལ་དགོས་ཤིང་། དེའི་ནང་ཆུ་རྫིང་དུ་ཐེངས་བདུན་བརྒལ་དགོས།
རྒྱང་རྒྱུག
རྒྱང་ཐག་རིང་བོར་རྒྱུག་པའི་བསྡུས་མིང་དུ་རྒྱང་རྒྱུག་ཅེས་འབོད་ཅིང་། དབྱིན་ཡིག་གིlong-distance runningཟེར་ལ། ཐོག་མའི་རྣམ་གྲངས་ནི་དབྱིན་ལི4ནས་དབྱིན་ལི6བར་རྒྱུག་པ་ཞིག་ཡིན། དུས་རབས19པའི་དུས་དཀྱིལ་ནས་བཟུང་རིམ་བཞིན་སྨི5000གི་ཚབ་སྨི10000གིས་བྱས་ཡོད།
རྒྱུག་འགྲན།
རྒྱུག་འགྲན་ནི་མཆོང་རྒྱུག་འཕེན་གསུམ་ལུས་རྩལ་གྱི་རིགས་ཤིག་ཡིན། ཨོ་རྩལ་འགྲན་ཚོགས་ལ་སྨི100དང་། སྨི200 སྨི400 སྨི800བཅས་ཡོད། སྐྱེས་མ་སྨི3000(སྐབས25པ་ནས་བཟུང་རྣམ་གྲངས་དེ་མེད་པར་བཟོས། སྐྱེས་མ་སྨི5000ཅན་ཁ་སྣོན་བྱས་པ)དང་། སྨི10000 མཱ་ར་སུང་། སྨི3000བཅས་ཀྱི་བཀག་རྒྱའི་འགྲན་སྡུར(སྐྱེས་པ)སྨི100དང་། སྨི110དང་། སྨི400དང་། སྤྱི་ལེ10བཅས་ཀྱི་རྒྱུག་འགྲན(བུད་མེད)སྤྱི་ལེ20དང་། སྤྱི་ལེ50ཡི་རྒྱུག་འགྲན(སྐྱེས་པ)4×400ཡི་མཐུད་རྒྱུག་བཅས་ཡོད་པ་རེད།
| རྒྱང་རྒྱུག བརྡ་འགྲེལ 6 ཡོད། |