ཕྱུགས་ཀྱི་ཀླད་སྲིན།
ནད་འདི་ནི་ཁྱི་དང་སྤྱང་ཀི ཝ་མོ་བཅས་ཀྱི་རྒྱུ་ནག་ནང་དུ་སྐྱེས་ཡོད་པའི་རྒྱུ་འབུ་ལེབ་རིང་མགོ་མང་ཅན་གྱིས་དྲངས་པ་ཡིན། འབུ་དེས་སྒོ་ང་བཏང་ནས་བཤང་གཅི་དང་ལྷན་དུ་རྩ་སར་བབས། ལུག་གིས་འབུ་སྒོང་འབྱར་ཡོད་པའི་རྩྭ་ཟོས་པ་དང་ཆུ་འཐུང་རྗེས་འབུ་སྒོང་ནང་གི་ཀྱུ་བ་དྲུག་ཅན་གྱི་འབུ་ཕྲུག་དེ་ཁྲག་ཁྲག་རྒྱུ་བ་དང་མཉམ་དུ་ཀླད་པའམ་རྒྱུངས་བར་བབས། ཟླ་འགའ་རེ་འགོར་རྗེས་ཆེ་ཆུང་སྲན་མ་དང་བྱ་སྒོང་འདྲ་བའི་ཁུག་ཐུམ་དབྱིབས་ཀྱི་བུ་ཕྲུག་མགོ་མང་ཅན་དུ་གྱུར། དེས་ཀླད་པ་དང་རྒྱུངས་བ་མནན་པའི་རྐྱེན་གྱིས་དབང་རྩ་འཁྲུགས་པའི་ནད་རྟགས་བྱུང་པ་རེད། ཁྱི་དང་སྤྱང་ཀིས་སླར་ཡང་ནད་བྱུང་ནས་ཤི་ཞིང་འབུ་ཕྲུག་མགོ་མང་ཅན་འདུས་པའི་ལུག་གི་ཀླད་ཞོ་ཟོས་རྗེས་རྒྱུ་འབུ་ཞེབ་རིང་མགོ་མང་གི་ནད་འགོས་པ་རེད།
ལུག་འབྲུམ།
ལུག་གི་འབྲུམ་བུའི་ནད་འབུ་ནི་དབུགས་ལམ་བརྒྱུད་ནས་འགོས་པ་དང་སྐྱི་ལྤགས་ལ་རྨས་སྐྱོན་ཐེབས་པས་འགོས་པའང་ཡོད། དགུན་དཔྱིད་དུས་ཚིགས་སུ་ནད་འདི་བྱུང་བ་མང་ཞིང་། ལུ་གུར་ནད་འགོག་ནུས་པ་ཞན་པའི་རྐྱེན་གྱིས་ནད་འདི་བྱུང་ནས་ཤི་བ་མང་། ནད་ཐེབས་པའི་ལུག་གི་ལུས་ཐོག་ནས་ལྷུང་པའི་ཆུ་སེར་ཅན་གྱི་པགས་ཤུན་ནང་དུ་ལུག་འབྲུམ་ནད་འབུ་འདུས་ཡོད། བསྐམས་རྗེས་རྡུལ་དང་འདྲེས་ནས་གང་སར་ཁྱབ་སྟེ་མཁའ་དབུགས་ནང་དུ་ཁྱབ་འདུག་པས། ནད་མེད་པའི་ལུག་གིས་དེ་བརྔུབས་རྗེས་ནད་འདི་འབྱུང་སླ་བ་ཡིན།
ཁ་ཚ་རྨིག་ཚའི་ནད།
ནད་འདི་ནི་ཁ་ཚ་རྨིག་ཚའི་ནད་དུག་ནས་བྱུང་བའི་ཁོར་ཡུག་དང་ར་ལུག་སོགས་རྨིག་པ་ཁ་དབྲག་ཅན་གྱི་སྲོག་ཆགས་ལ་ཕོག་པའི་གློ་བུར་བ་དང་ཚ་དྲོད་ཅན། ཐུག་པ་ཙམ་གྱིས་འགོས་སྲིད་པའི་མགྱོགས་དྲགས་ལ་ཁྱབ་རྒྱ་ཆེ་བའི་འགོས་ནད་ཅིག་ཡིན་པ་རེད། ནད་དེའི་ཁྱད་ཆོས་ནི་ཁ་དང་རྨིག་པའི་ནང་དུ་རྨ་འབུད་པ་དང་རྨ་དེ་རུལ་བ། ནད་དེ་མི་ལའང་འགོས་པ་ཞིག་རེད། ནད་དེར་རིགས་མང་པོ་ཡོད་པ་སྟེ། འཛམ་གླིང་ཡོངས་སུ་དེ་ལ་རིགས་ཆེན་པོ་བདུན་ཡོད་པ་རེད།
ཕྱུགས་རིགས་ཀྱི་ཁྲག་ཉམས་ནད།
ནད་འདི་ནི་པ་ཧྲི་འབུ་སྲིན་ཕྲ་རབ་ཀྱིས་དྲངས་པའི་ཁྲག་ཐོན་པ་དང་ཁྲག་ཉམས་པའི་ནད་ཅིག་ཡིན། ནམ་ཟླ་འགྱུར་བ་དང་དྲོ་འཁྱག་མི་མཉམ་པ། ངལ་དུབ་ཆེ་དྲགས་པ་སོགས་ཀྱི་རྐྱེན་གྱིས་ཕྱུགས་ཟོག་གི་ནད་འགོག་ནུས་པ་ཇེ་ཞན་དུ་སོང་པ་དང་བསྟུན་ནས། འབུ་སྲིན་ཕྲ་མོ་དེའི་དུག་ཇེ་བཙན་དུ་འགྱུར་བས་ནད་འདི་བྱུང་བ་རེད། ནོར་གྱི་ཁྲག་ཐོན་ཁྲག་ཉམས་ནད་ཀྱི་ཁྱད་ཆོས་ནི་ལུས་ཡོངས་ལ་ཚ་བ་རྒྱས་པ་དང་། མྱུར་ཅན་གྱི་རྒྱུ་བ་གཉན་ནད་དང་ནང་ཁྲོལ་གྱི་འབྱར་སྐྱིར་ཁྲག་ཐོན་རང་བཞིན་གྱི་ཚ་སྐྲང་བྱུང་ཡོད་པ་ཞིག་ཡིན།
ནོར་གྱི་གློ་ནད།
ནོར་གྱི་གློ་ནད་ཀྱི་འབྱུང་ཁུངས་ནི་ཀྲི་ཡོན་ཐི་ཟེར་བ་དེ་རེད། སྤྱིར་ནོར་གྱི་འགོ་ནད་རང་བཞིན་གྱི་བརྔ་སྐྱི་གློ་ཚད་ཀྲི་ཡོན་ཐི་ཟེར། དགུན་དཔྱིད་དུས་ཚིགས་གཉིས་ལ་ནད་དེ་འབྱུང་སླ་བ་དང་། དེ་ནི་གློ་ཚད་དང་རྩིབ་སྐྱིའི་ཚ་ནད་ཀྱི་མཉམ་བྱུང་ནད་རིགས་ཤིག་རེད། ནད་གྱི་འབྱུང་གཞི་ནི་ནོར་ནད་པའི་དབུགས་ལམ་ནས་ཕྱིར་བཏང་རྗེས་ནད་ཡོད་པའི་ནད་དང་ནད་མེད་པའི་ནོར་ཐུག་ནས་འགོས་པ་ཞིག་ཡིན། དགུན་དཔྱིད་དུས་སུ་རྩྭ་མེད་པ་དང་ཆུ་དཀོན་པའི་རྐྱེན་གྱིས་ནོར་གྱི་འཚོ་བཅུད་མི་འདང་ཞིང་ནད་འགོག་པའི་སྟོབས་ཤུགས་ཞན་པས། ནད་འགོས་པའི་གོ་སྐབས་ཇེ་མང་དུ་སོང་པ་རེད།
ཕྱུགས་ནད།
རླུང་དང་མཁྲིས་པ། བད་ཀན་གསུམ་ནི་ལུས་ཁམས་ནང་དུ་རང་ཤུགས་ཀྱིས་གནས་ཡོད། དེ་གསུམ་ཕན་ཚུན་དོ་སྙོམ་ཡིན་རྒྱུ་དེ་ནི་ལུས་ཁམས་བདེ་ཐང་གི་རྩ་བའི་ཆ་རྐྱེན་ཡིན་པ་དང་། ཁོར་ཡུག་དང་དུས་ཚོད། བཟའ་བཏུང་དང་འཚོ་བའི་ཆ་རྐྱེན་སོགས་འགྱུར་ལྡོག་བྱུང་བའི་རྐྱེན་གྱིས་དེ་དག་དོ་སྙོམ་མ་བྱུང་ན། ལུས་ཁམས་ལ་ནད་འབྱུང་ངེས་ཡིན། མཁྲིས་པ་མི་སྙོམ་ན་ལུས་ཁམས་ཡོངས་སུ་ཚ་བ་རྒྱས་ལ། མཁྲིས་པ་ལ་མེ་ཡི་རང་བཞིན་ལྡན་པ་ཞིག་ཡིན།
ཕྱུགས་ཀྱི་འགོས་ནད།
སྒོ་ཕྱུགས་ཀྱི་འགོས་ནད་ནི་ཕོག་མགྱོགས་ཤིང་བཅོས་ཐབས་མེད་པ་དང་དུས་ཚོད་ཐུང་ཐུང་གི་ནང་དུ་ཟོག་མང་པོ་འཆི་བ་དང་འབྲོག་ལས་ལས་རིགས་ལ་གནོད་སྐྱོན་ཆེན་པོ་ཐེབས་པ་ཞིག་རེད། སྒོ་ཕྱུགས་ཀྱི་འགོས་ནད་སྔོན་འགོག་བྱེད་དགོས་ན། འགོས་ནད་སྔོན་འགོག་གཙོ་བོ་བྱེད་དགོས་པ་དང་འགོག་བཅོས་ཟུང་འགྲེལ་བྱེད་ཕྱོགས་ལག་བསྟར་ནན་ཏན་བྱེད་དགོས་ལ། འགོས་ནད་སྔོན་འགོག་གི་ཕྱོགས་བཞིའི་ལས་ཀ་ཡག་པོ་བསྒྲུབ་དགོས།
མཆིན་འབུའི་ནད།
མཆིན་འབུ་དེ་མཆིན་པ་བརྒྱུད་ནས་འཁྲིས་སྦུབས་སུ་གནས་ཡོད་པ་དང་། མཆིན་འབུའི་ནད་ནི། གཟུགས་དབྱིབས་ལྕང་ལོ་དང་འདྲ་བ། ཁ་མདོག་སེར་སྐྱ་ཡིན།
འབྲིའི་ནུ་མའི་ཚ་ནད།
ནད་འདི་ནི་ཕྱུགས་ར་མི་གཙང་པ་དང་བརླན་གཤེར་ཆེ་བ། ཕྱུགས་རའི་ནང་དུ་ལུད་བསགས་མང་དྲགས་པ། དུས་ཚོད་ལྟར་འོ་མ་མི་བཞོ་བ། ནུ་མར་རྨས་སྐྱོན་ཐེབས་པ། ནད་ཡམས་ཕྲ་མོ་ཕོག་པ། འཚིག་རྨ་བྱུང་པ། འཁྱགས་རྨས་ཐེབས་པ་བཅས་ཀྱིས་ནུ་མར་ཚ་ནད་བྱུང་དུ་བཅུག་པ་ཡིན།
རྟའི་ཁ་ཚའི་ནད།
རྒྱུན་དུ་གཟན་ཆས་ཚེར་མ་ཅན་དང་རྩི་ཤིང་སྲ་མོའི་རིགས། གཟན་རྩྭ་རུལ་བ། དུག་ཡོད་པའི་གཟན་ཆས་སོགས་ཟོས་པ། དུག་ཆེ་བའི་རྫས་འགྱུར་སྨན་རྫས་ལྡུད་པ། སོ་སྐྱེས་ཚད་ལྡན་མིན་པ་བཅས་ཀྱི་རྐྱེན་གྱིས་ཁའི་ཚ་ནད་འབྱུང་སྲིད་པ་རེད།
རྟའི་གཅིན་འགག་པའི་ནད།
ལྒང་བུ་ལ་ཚ་ནད་བྱུང་བའི་རྐྱེན་གྱིས་ལྒང་རྩར་རེངས་འཁུམས་ཐེབས་པ་དང་། སྐེད་པ་དང་ཚང་རའི་ཁག་ལ་རྨས་སྐྱོན་ཐེབས་ཏེ་གཅིན་གཏོང་སའི་ཤ་གནད་སྦྲིད་ནས་ལྒང་བུས་ཕྱེད་འཛུམ་མི་ཐུབ་པར་གཅིན་གཏོང་འདོད་ཀྱང་གཏོང་མི་ཐུབ་པ་ཞིག་རེད།
རྟའི་ཆམ་རིམས།
ནད་འདི་ནི་རྟའི་ཆམ་རིམས་ཀྱི་ནད་དུག་ལས་དྲངས་བའི་མྱུར་བའི་རང་བཞིན་གྱི་དབུགས་ལམ་གྱི་འགོས་ནད་ཅིག་ཡིན་པ་དང་། ནད་དུག་ནི་ཁྲག་དང་སྣ་ཁུང་གི་ཟགས་རྫས་ཀྱི་ནང་དུ་གནས་ཡོད། རྟ་ཐང་པོ་དང་ནད་པ་དངོས་སུ་ཐུག་པའམ་སྣ་ཁུང་གི་ཟགས་རྫས་ཀྱི་ལྦུ་བ་བརྒྱུད་ནས་འགོས་པ་དང་། རྟ་ལ་ནད་དེ་འགོས་རྗེས་ནད་དུག་དེ་དབུགས་ལམ་གྱི་ཕྱི་ངོས་ཕྲ་ཕུང་ནང་དུ་འཚོ་ཞིང་རྒྱུད་འཕེལ་བྱེད་པ་མ་ཟད། ད་རུང་དབུགས་ལམ་བརྒྱུད་ནས་ཉིན་བརྒྱད་ཀྱི་རིང་ལ་ནད་དུག་དང་ཟགས་ཐོན་དངོས་རྫས་མཉམ་དུ་ཕྱི་ཚོར་གཏོར་ནས་ལྦུ་བ་མཁའ་དབུགས་ནང་དུ་གཡེང་འགྲོ་བ་ཞིག་ཡིན་པས། རྟ་ཐང་པོས་ལྦུ་བ་དེ་རྔུབ་རྗེས་ཉིན་གཅིག་ནས་གཉིས་འགོར་ན་ནད་དེ་བྱུང་པ་དང་། སྣའི་ཟགས་རྫས་ཀྱིས་སྦངས་བའི་ཡོ་ཆས་དང་རྟ་ཁང་སོགས་བརྒྱུད་ནས་མཆེད་ཀྱང་ཐུབ་པ་ཞིག་རེད། ཆམས་རིམ་འགོས་པའི་ཁྱད་ཆོས་ནི་གློ་བུར་དུ་བྱུང་པ་དང་མཆེད་པ་མགྱོགས་པར་མ་ཟད། ད་རུང་འགྲིམ་འགྲུལ་ལམ་ཐིག་དེད་ནས་མཆེད་དེ་དུས་ཡུན་ཐུང་ཐུང་གི་ནང་དུ་ས་ཕྱོགས་ཀུན་ཏུ་ཁྱབ་ཡོང་བ་དང་། རྟ་དྲེལ་བོང་བུ་མང་པོར་ནད་འབྱུང་དུ་འཇུག་པ་རེད།
རྨིག་པ་རུལ་བའི་ནད།
ནད་འདི་ནི་རུལ་བའི་རླམ་ཕྲ་དབྱུག་དུག་ནད་དེ་རྨིག་པ་ལ་ཕོག་པའི་འགོས་ནད་ཅིག་རེད། ནད་དེ་རང་བྱུང་ཁམས་སུ་ཁྱབ་པ་དང་། དབྱར་སྟོན་དུས་ཚིགས་གཉིས་སུ་བྱུང་མང་བ་དང་། ལུག་ར་བརླན་གཤེར་ཆེ་བ་དང་ཚེར་སྡོང་མང་པོ་སྐྱེས་ཡོད་པའི་རྩྭ་སར་ལུག་འཚོ་བ། རྡོ་ཟགས་ནང་དུ་ལུག་འདེད་པ་བཅས་ཀྱིས་ནད་འདི་འབྱུང་སླ་བ་རེད།
ལུག་གི་གློ་བའི་སྐུད་འབུའི་ནད།
གློ་བའི་འབུ་སྐུད་པ་ཅན་ལ་རིགས་གཉིས་ཡོད་ཅིང་། གློ་བའི་སྐུད་འབུ་ཆེ་བ་དང་གློ་བའི་སྐུད་འབུ་ཆུང་བ་གཉིས་ཏེ། དེ་དག་ཚང་མ་ཨོལ་གྲོག་གི་ཡལ་ག་དང་གློ་བར་གནས་ཡོད་པ་རེད།
ཤ་མ་མི་ལྷུང་བའི་ནད།
མོ་ཕྱུགས་ལ་སྦྲུམ་ཆགས་པའི་སྐབས་སུ་འགུལ་བསྐྱོད་བྱས་པ་མི་འདང་བ་དང་། ཚོ་དྲགས་པའམ་ཡང་ན་རིད་དྲགས་པ། མཚེ་མ་བཙས་པ། སྦྲུམ་བུ་ཆེ་དྲགས་པ། བུ་སྣོད་དུ་ཚ་ནད་བྱུང་བ། མངལ་ཆུ་གང་དྲགས་པ། སྦྲུམ་ཤོར་བ་ལ་སོགས་པའི་རྐྱེན་གྱིས་བྱུང་བ་ཞིག་ཡིན་ཞིང་། དུས་ཚོད་བཅུ་གཉིས་འགོར་ཡང་ད་དུང་ཤ་མ་མི་ལྷུང་བ་ཡིན་ན་དེར་ཤ་མ་མི་ལྷུང་བའི་ནད་ཟེར།
ལུག་གི་འཇུ་ལམ་འབུ་སྐུད་ཀྱི་ནད།
ལུག་གི་འཇུ་ལམ་གྱི་འབུ་སྐུད་རིགས་མང་པོ་གནས་ཡོད་པའི་རྐྱེན་གྱིས་ནད་འདི་བྱུང་པ་རེད། འབུ་སྐུད་པ་གཙོ་བོ་ནི་རྒྱུ་ཤའི་ནང་དུ་གནས་ཡོད་པའི་སྨུག་པོ་ཅན་དང་གཅུས་གཟེར་ཅན། རྒྱུ་ནག་ནང་གི་རྡོག་པོ་ཅན། སྐེ་ཕྲ་ཅན། ཀྱོ་བ་ཅན། རྒྱུ་དཀར་ནང་གི་རྟ་ལྕགས་ན་དང་ཚིགས་མདུད་ཅན། ཁ་ཆེ་ཅན་སོགས་ཡིན་པ་དང་། འབུ་སྐུད་པ་འདི་དག་ཚང་མས་སྒོ་ང་གཏོང་ཐུབ། སྒོ་ང་ལུག་གི་རུལ་མ་དང་ལྷན་དུ་བཏང་ནས་ལུག་ར་དང་རྩ་སར་འགོས་ཐུབ་པའི་འབུ་ཕྲུག་ཏུ་གྱུར་ཏེ། ལུག་གི་རྩྭ་ཟ་བ་དང་ཆུ་འཐུང་བའི་སྐབས་སུ་འབུ་ཕྲུག་ལུག་གི་ཁ་ནང་དུ་སོང་ནས་ནད་འདི་འགོས་པ་ཞིག་ཡིན།
ས་ནད།
ས་ནད་ནི་ས་ནད་ཀྱི་དབྱུག་སྲིན་ལས་བྱུང་པའི་གློ་བུར་བ་དང་ཚ་དྲོད་ཅན་གྱི་འགོས་ནད་ཅིག་ཡིན་པ་དང་། ནད་དེ་སྒོ་ཕྱུགས་ཚང་མར་ཕོག་སྲིད་པ་དང་། ལྷག་པར་དུ་ར་མ་དང་ལུག རྟ་སོགས་ལ་འགོས་སླ་བ་དང་། མི་ལའང་འགོ་བའི་ནད་ཅིག་རེད། ནད་དེའི་ཁྱད་ཆོས་ནི་མཚེར་བ་གློ་བུར་དུ་སྐྲང་བ་དང་གྲོད་ཁོག་རྒྱས་པ། ཁ་དང་སྣ་ནང་ནས་ཁྲག་ཐོན་པ། ཁྲག་མདོག་ནི་དམར་ནག་ཡིན་ཞིང་དགག་མི་ཐུབ་པ་རེད།
སྒོ་ཕྱུགས་ཀྱི་འགོས་ནད།
སྒོ་ཕྱུགས་ཀྱི་འགོས་ནད་ནི་ནད་གཞིའི་སྐྱེ་དངོས་ཕྲ་རབ་དེ་སྒོ་ཕྱུགས་ཀྱི་ལུས་པོ་ལ་ཕོག་ནས། རྒྱུན་ལྡན་གྱི་འགོག་སྲུང་ལ་གཏོར་བཤིག་བཏང་ནས་བྱུང་བ་ཞིག་ཡིན།
ཕྱུགས་སྨན།
བོད་ཀྱི་ཕྱུགས་ནད་སྨན་རྫས་ནི་མཚོ་བོད་མཐོ་སྒང་དུ་ཐོན་པ་དང་ཁྱད་དུ་ཐོན་པའི་བོད་ཀྱི་ཕྱུགས་ནད་སྨན་བཅོས་བྱེད་པའི་སྨན་རྫས་རེད། བོད་ཀྱི་ཕྱུགས་ནད་སྨན་པས་ཀྲུང་དབྱི་ཕྱུགས་སྨན་གྱི་རྒྱུན་དུ་སྤྱོད་པའི་ཀྲུང་སྨན་སྤྱོད་མོད། འོན་ཀྱང་དེ་དག་གི་རང་བཞིན་དང་བྲོ་བ། ཕན་ནུས་སོགས་མི་འདྲ་བའི་ལྟ་ཚུལ་ཡོད།
མིག་ནད་བར་འགྲིབ།
མིག་ནད་བར་འགྲིབ་ནི་མཐོང་བྱེད་རྒྱལ་མོའི་དྭངས་གསལ་བདར་དབྱིབས་གཟུགས་རབ་རིབ་ཉོག་རྫོབ་ཏུ་གྱུར་པ་ལ་བརྟེན་ནས་འོད་ཚུར་བསྡུ་བའི་ནུས་པ་ཉམས་ཤིང་གཟུགས་འཛིན་ནུས་པའམ་མཐོང་ཤུགས་མར་འགྲིབ་པའི་ནད་ཅིག་སྟེ། འདི་ཉིད་རྒྱུད་འདེད་དང་སྨུག་ཕྱིའི་འོད་ཐིག་འཚོ་བཅུད་ལ་སོགས་པར་འབྲེལ་བ་ངེས་ཅན་ཞིག་ཡོད། ཐོག་མའི་རབ་རིབ་ཀྱིས་གཟུགས་འཛིན་ནུས་པར་ཤུགས་རྐྱེན་ཆེར་མེད་ནའང་ཡུན་གྱིས་ཇེ་སྡུག་ཇེ་ཐུར་སོང་སྟེ་ཐ་ན་མིག་ཞར་འགྲོ་བའི་གནས་ཚུལ་ཡང་འབྱུང་།
ཕོ་འབྲས་ནད།
ཕོ་འབྲས་ནི་གཙོ་བོ་ཟས་སུ་མ་ཚོས་པ་དང་། འཚིག་པ། འཁེང་བ་སོགས་ཀྱི་ཟས་མང་བསྟེན་དྲགས་པ་སོགས་ལས་བྱུང་བ་དང་ཡང་ན་སྨུག་པོ་རྡོལ་ནས་ཡུན་རིང་དུ་རྨ་རྙིང་མ་དྲག་པ་ལས་འབྲས་ནད་དུ་གྱུར་པ་མང་ངོ་།།
རྒྱུ་རླུགས་ཀྱི་ནད།
རྒྱུ་རླུགས་ཀྱི་ནད་ཟེར་བ་ནི་རྒྱུ་མ་གྲོད་སྐྱིའི་ཕྱི་ངོས་སུ་ལུག་ནས་སྦོས་སྐྲངས་ཆགས་པའི་ནད་ཅིག་ཡིན་ལ། དེ་ནི་ཟས་སྤྱོད་ལོག་པ་དང་། བཤང་བ་བཙིར་དྲགས་པ། འཁྲུག་ལས་ཆེ་བ་དྲགས་པ་སོགས་ཀྱིས་གྲོད་སྐྱི་གས་རྡོལ་བྱུང་བར་བརྟེན་ནས་སློང་བ་དང་། དེར་རྒྱུ་མ་བརླ་ཁུག་གི་བར་གསེང་བརྒྱུད་ནས་གསང་སྒྲོའི་ནང་ལུག་པ་དང་། ཡང་ན་བརླ་ཁུག་ཏུ་ལུག་པ། ལྟེ་ཁུང་བརྒྱུད་ནས་གསུས་ལྡེབས་སུ་ལུག་པ་སོགས་ཡོད།
གསུས་སྐྱིའི་གཉན་ཚད།
དར་ཤའམ་གསུས་སྐྱིའི་གཉན་ཚད་ནི་གསུས་པའི་སྐྱི་ཁོག་ལ་ཚ་བ་ཞུགས་ནས་གཉན་ཁ་རྒྱས་ཏེ་ཆུ་སེར་བསགས་པའི་ནད་ཅིག་ཡིན།
གཞང་འབྲུམ།
གཞང་འབྲུམ་ནི་རྒྱུན་མཐོང་གི་ནད་རིགས་ཤིག་ཡིན་ལ། ལོ་ན་ཆེ་ཆུང་གང་ལ་ཡང་བྱུང་བ་དང་། ལོ་དང་བསྟུན་ནས་ཇེ་རིང་དུ་འགྲོ་བ་ཡིན། ནད་ཚབས་ཡང་ན་རྟགས་མེད་པ་དང་། ནད་ཚབས་ལྕི་ན་གཞང་ཁ་གཟེར་བ་དང་། ཐུར་དུ་འཕྱངས་པ། སྐྱག་པར་འཁྲག་འདྲེས་པ་ཡིན། རྩ་གཏོང་དཀའ་བ་དང་། རྒྱུན་དུ་ཙོག་པའམ་ཡང་ལངས་པ་དང་། ཡུན་རིང་གསུས་པའི་གནོན་ཤུགས་ཆེར་རྒྱས་པ་རྣམས་ནི་གཞང་འབྲུམ་ནད་ཀྱི་རྒྱུན་མཐོང་གི་སློང་རྐྱེན་ཡིན།
གཞང་འབྲས།
གཞང་འབྲས་ནི་འཇུ་བྱེད་ལམ་དུ་བྱུང་བའི་རྒྱུན་མཐོང་གི་སྡུག་ཅན་སྐྲངས་འབྲས་ཤིག་ཡིན། བརྒྱ་ཆའི་བདུན་ཅུ་ནི་གཞང་སྟོད་ཀྱི་སུམ་ཆའི་གཅིག་དང་། གཞང་དང་གཉེ་མའི་འབྲེལ་མཚམས་ཀྱི་ཁ་འཁོར་དུ་བྱུང་བ་དང་། མང་ཆེ་བ་ནི་ལོ་སུམ་བཅུ་ནས་བདུན་བཅུ་ལ་འབྱུང་བ་ཡིན།
ལོང་འབྲས།
ལོང་འབྲས་ནི་རྒྱུན་མཐོང་གི་སྡུག་ཅན་སྐྲངས་འབྲས་ཤིག་ཡིན། དེའི་རྒྱུ་རྐྱེན་གསལ་བོ་མི་ཤེས། ཕལ་ཆེར་རྒྱུ་རྐྱེན་འདི་དག་ལ་འབྲེལ་བ་ཡོད་པ་སྟེ། གཅིག་ནི་ཟས་སྐོམ་མི་འཚམ་པ་ཟོས་པ་དང་། ཚི་སྣའི་ཟས་སྐོམ་ཟོས་ཉུང་བ་དང་། ཞག་ཚིལ་གྱི་རིགས་ཟོས་མང་བ་སོགས་དང་། གཉིས་པ་ནི་ལོང་ཀར་ཤ་མཛེར་སྐྱེས་པའི་ལོ་རྒྱུས་ཡོད་པ། གསུམ་ནི་དལ་གཤིས་ལོང་ཀའི་ཚ་ནད་འབྲས་ནད་དུ་འགྱུར་བ། བཞི་ནི་འབྲས་སྐྱེད་དངོས་པོ། ཟེ་ཨེན་ཕལ་བའི་རིགས་ཀྱི་འདྲེས་སྦྱོར་དངོས་རྫས་གཙོ་བྱས་པ་སོགས་ཡིན།
ལོང་ནད་ཚ་བ།
ནད་འདི་ནི་རྒྱུ་རྐྱེན་མི་གསལ་བའི་གཞང་དང་ལོང་གའི་དལ་གཤིས་ཀྱི་གཉན་ཚད་ཅིག་ཡིན། མིག་སྔར་སྤྱིར་བཏང་དུ་ནད་འདིའི་བྱུང་ཚུལ་དང་རིམས་ཐར་རྒྱུན་ལྡན་མིན་པ་ལ་འབྲེལ་བ་ཡོད་པ་དང་། རང་ལུས་ཀྱི་རིམས་ཐར་རང་བཞིན་གྱི་ནད་རིགས་ཤིག་ཡིན་པར་འདོད་ཀྱིན་ཡོད། ཡང་ན་འགྱུར་རྣམ་འགྱུར་བྱུང་དང་རྒྱུད་འདེད་ཀྱི་རྒྱུ་ཆ་དང་འབྲེལ་བ་ཡོད། ནད་འདི་ན་ཚོད་གང་དུ་ཡང་འབྱུང་བ་དང་ཕལ་ཆེར་དར་མ་ལ་འབྱུང་བ་ཡིན།
བཤང་འགགས་ཀྱི་ནད།
བཤང་བ་འགགས་པ་ནི་ནད་གཞི་ཁག་ཅིག་ལ་ཐུན་མོང་དུ་འབྱུང་བའི་རྟགས་ཤིག་ཡིན་ལ། སྤྱིར་བཏང་ལུས་ལ་ཚ་བ་ཆེན་པོ་བརྒྱབ་པ་དང་། ཕོ་བ་དང་རྒྱུ་མར་རྨ་དོད་པ། མཁྲིས་པ་དང་མཆིན་པའི་ནད། རྒྱུ་ལོང་གི་ནུས་པ་འཁྲུགས་པ། སྲིན་ནད་སོགས་དང་དེ་མིན་ཟས་སུ་ཤ་སྐམ་པོ་དང་ཞོ་བཙོས་པ་སོགས་བསྟེན་དྲགས་པས་སློང་བ་ཡིན།
རྒྱུ་འབུའི་ནད།
ནད་འདི་ཟས་སྐོམ་སོགས་ལ་ནད་འགོས་པའམ་བཙོག་པ་ཐེབས་པའི་རིགས་བསྟེན་པ་ལས་བྱུང་བའི་སྲིན་ནད་ཅིག་ཡིན་པ་སྟེ། རྒྱུ་འབུའི་ནད་འདི་ཅུང་རྒྱུན་མཐོང་ཡིན། རྒྱུ་འབུ་ལ་རིགས་མང་ཡང་གཙོ་བོ་གྲོལ་འབུ་དང་བཤང་འབུ་གཉིས་རྒྱུན་མཐོང་ཡིན།
ཁོག་པ་བཤལ་བ།
ཁོག་པ་བཤལ་བ་ནི་ཆེས་རྒྱུན་མཐོང་གི་ནད་རྟགས་ཤིག་ཡིན་ལ། ན་ཡུན་ཟླ་བ་གཉིས་ཡན་ནམ། ཡང་ན་མཚམས་ཆད་དེ་བདུན་གཉིས་ནས་བཞིའི་ནང་ཡང་ཡང་དུ་ཁོག་པ་བཤལ་ན། དེ་ལ་དལ་གཤིས་རང་བཞིན་གྱི་ཁོག་པ་བཤལ་བ་ཟེར། ནད་ཀྱི་རྒྱུ་རྐྱེན་མི་འདྲ་བར་བརྟེན་ནས་ནད་རྟགས་ཀྱང་མི་འདྲ་བ་སྣ་ཚོགས་སྟོན་ལ། བཅོས་ཐབས་ཀྱང་མི་འདྲ་བ་རེ་རེ་ཡོད། གཙོ་བོ་གཅིན་སྙི་ཟ་ཁུའི་ནད་དང་ཨོལ་རྨེན་གྱི་ནུས་པ་ཚད་བརྒལ། དལ་གཤིས་རང་བཞིན་གྱི་མཁལ་མའི་ནུས་པ་ཞན་པ། མཆིན་མཁྲིས་དང་གཤེར་རྨེན་གྱི་ནད་རིགས་དཔེར་ན་མཆིན་ཚད་དང་མཆིན་པ་སྲ་འགྱུར། མཆིན་འབྲས། གཤེར་རྨེན་ཚ་ནད་དང་གཤེར་རྨེན་འབྲས་ནད། མཁྲིས་རྩ་གཤག་བཅོས་བྱས་རྗེས་དང་། རྒྱུ་མའི་འབྲས་ནད་དང་རྒྱུ་ཚད། རྒྱུ་མའི་འདུས་འདྲིལ་ནད་དང་རྒྱུ་རིམས་སོགས་ནད་རིགས་མང་པོས་བསྐྱེད་པ་ཡིན།
| སྨན་བཅོས་བདེ་སྲུང་། བརྡ་འགྲེལ 575 ཡོད། |