གཟི།
གཟི་ཞེས་པ་ཡང་སྙིང་དངོས་པོ་གང་ཡིན་པ་དང། གནས་ཐང་ཇི་ལྟར་ཡོད་མེད། ཅི་འདྲ་བྱས་ནས་བརྟག་དགོས་པ། ལྷ་སའི་ཁྲོམ་ལ་རིག་རྒྱུ་མང་བའི་གཟི་རྣམས་དངོས་པོ་གང་ལས་གྲུབ་པ། ཐོན་ཁུངས་གང་ནས་ཡིན་པ་སོགས་གསལ་པོ་མཁྱེན་མཁན་མང་པོ་མེད། དེས་ན་སུག་བྲིས་པས་བོད་ཀྱི་གཟི་སྒྲུབ་མཁན་རྣམས་ལ་བཅར་འདྲི་ཐེངས་མང་ཞུས་པའི་སྟེང་། རྒྱལ་ཕྱི་རྒྱལ་ནང་གི་དེ་འབྲེལ་ལྗགས་རྩོམ་མང་པོ་བལྟས་ནས། གོང་གསལ་གྱི་རྨོངས་གནད་རྣམས་སེལ་བར་ཕན་པ་མེད་ཀྱང་གནོད་པར་མི་འགྱུར་སྙམ་ནས་རྩོམ་འདི་བྲིས་པས། གཟུར་གནས་མཁས་པ་རྣམས་ནས་བླ་མེད་དགོངས་འཆར་ཆུ་བོའི་རྒྱུན་བཞིན་ལྷུག་སྩོལ་ཡོད་པ་ཞུ།
སྨར་གདན།
བོད་ཀྱི་བུ་མོའི་རྒྱན་ཆའི་རྣམ་གྲངས་ཤིག་ཡིན་ལ། དེའི་ཁྱབ་ཡུལ་ནི་བྲག་དཀར་རྫོང་གི་འབྲོག་ཁུལ་སོ་སོར་ཁྱབ་ཡོད་པར་མ་ཟད། མཚོ་སྔོན་པོ་གཡས་རུ་གཡོན་རུའི་འབྲོག་སྡེ་སོ་སོ་དང་རྨ་ཕར་རུ་ཚུར་རུའི་འབྲོག་སྡེ་སོགས་སུང་ཁྱབ་ཡོད་པདང་རོང་ཁུ་ཁ་ཤས་ནའང་སྨར་གདན་དང་ཆ་འདྲ་བ་ཡོད་པ་རེད།
གཙུག་གཡུ།
ང་ཚོས་ནམ་རྒྱུན་བོད་རིགས་བུད་མེད་ཀྱིས་མགོའི་གཙུག་རྒྱན་ལ་གཡུ་བཏགས་ཡོད་པ་མཐོང་ཐུབ་ཅིང་། ཀུན་གྱི་སྣང་ངོར་དེ་ནི་རྒྱན་ཆའི་འདུ་ཤེས་ཆགས་ནས་འབྲོག་ཕྱོགས་སུ་དགའ་སྟོན་དང་དུས་ཆེན་སྐབས་སུ་བུ་མོ་ལོ་ཆུང་རྣམས་ལའང་གཙུག་གཡུ་འདོགས་བཞིན་ཡོད། ཡིན་ནའང་གཙུག་རྒྱན་དུ་གྱུར་བའི་གཡུ་ཆུང་ཆུང་འདི་ནི་རྒྱན་ཆ་ཁོ་ན་ཙམ་མ་ཡིན་པར་འདི་ལ་མཚོན་དོན་ཟབ་མོ་ཡོད།
སྐྲ་ཤུབས།
རོང་མོ་ཐམས་ཅད་ཀྱི་སྐྲ་ལུང་ལ་གོས་སྐུད་ཚོན་མདངས་སྣ་ཚོགས་ཀྱིས་གཙགས་པའི་དཀྱིལ་དུ་གཡུ་བྱུར་སྣ་ཚོགས་ཆ་འགྲིག་ཅིང་སྐྲའི་ལན་བུའི་མདོ་གསུམ་དུ་བགོས་ནས་གཡས་གཡོན་གཉིས་ཀྱི་སྐྲའི་སྣེ་མོ་སྐྲ་ལུང་གི་ནང་དུ་བཅུག་ནས་རྒྱབ་དུ་འདོགས་པས་ན་སྐྲ་ལུང་དང་སྐྲ་ཤུབས་ཟེར།
བཞོ་བཟུང་།
བཞོ་བཟུང་ནི་བོད་རིགས་བུད་མེད་རྣམས་ཀྱིས་འོ་མ་བཞོ་བའི་དུས་བཞོ་ཟེའུ་ཆེ་ཆུང་གང་ཡིན་རུང་ལག་པས་བཟུང་ནས་བཞོས་ན་སྟབས་མི་བདེ་བས། འཛིན་ཐག་ཕྲ་མོ་ཤིང་གི་ཆ་རིལ་ནི་ཨ་ལོང་དང་སྦྲགས་ནས་སྐེ་རགས་ངོས་སུ་བཏགས་ན་འོ་མ་བཞོ་བར་རམ་འདེགས་བྱེད་ཐུབ་པས། ད་ལྟའང་ཤིང་གི་ཆ་རིལ་འདོགས་བཞིན་པ་ནི་གང་སར་མཐོང་ཐུབ་པ་དང་དེ་རིམ་བཞིན་འགྱུར་ཏེ་ཤིང་གི་ཆ་རིལ་དབྱིབས་ཅན་དེ་དངུལ་གྱི་འདོགས་ཆར་བསྒྱུར་ཏེ་ད་ལྟའི་བཞོ་གཟུང་འདི་གྲུབ་པ་རེད།
ཚངས་སྐུད།
གསང་སྔགས་མ་རྒྱུད་ཀྱི་རྒྱན་ཆའི་གྲས་ཤིག རྒྱ་གར་དུ་མུ་སྟེགས་པས་ཚངས་པ་ལ་དད་པ་མཚོན་བྱེད་ཀྱི་སྐུད་པ་སྒོམ་ཐག་ལྟར་གྱོན་པ་ཡིན་པས་དེ་ལྟར་ཐོགས།
མེ་ཆ།
མེ་ཆ་ནི་གནའ་སྔ་མོར་མེ་སྦར་བྱེད་ཀྱི་ཡོ་བྱད་ཅིག་སྟེ། མེ་ཆ་ནི་ལྕགས་ལེབ་ཅིག་དང་རྡེལ་དཀར་ཞིག སྤྲ་བ་ཞིག་བཅས་ལས་གྲུབ་པ་ཡིན་ལ་བོད་ཀྱི་མེ་ཆ་འདི་ལ་ཡང་གཞན་དང་ཐུན་མོང་མ་ཡིན་པའི་རང་ཉིད་ཀྱི་སྤྱོད་སྒོ་དང་རང་ཉིད་ཀྱི་རིན་ཐང་ལྡན་པར་མ་ཟད། དེའི་ཚན་རིག་གི་རང་བཞིན་དང་གསར་གཏོད་ཀྱི་རང་བཞིན་ཡང་དེང་གི་ང་ཚོའི་གནས་སྟངས་དང་བསྡུར་ནས་གླེང་ན་སྔོན་ཐོན་ཞེས་གླེང་ཆོག་ཆོག་ཡིན་ནོ།།
| རྒྱན་ཆས། བརྡ་འགྲེལ 7 ཡོད། |