ཁ་པར།
ཁ་པར་ནི་དབྱིན་སྐད་དུTelephoneཟེར་ཞིང་། ཞི་ལའི་སྐད་ལས་བྱུང་པ་དང་། རྒྱང་རིང་གི་སྐད་སྒྲ་ཞེས་པའི་དོན་ཡིན་ཞིང་། དེ་ནི་སྐད་སྒྲ་བརྒྱུད་སྐྱེལ་དང་བསྡུ་ལེན་བྱེད་པའི་རྒྱང་རིང་འཕྲིན་གཏོང་སྒྲིག་ཆས་ཤིག་ཡིན། སྔོན་གྱི་དུས་རབས་བཅོ་བརྒྱད་པའི་སྐབས་སུ་ཡོ་རོབ་གླིང་ལ“ཁ་པར”ཞེས་པའི་ཐ་སྙད་འདི་བྱུང་ཞིང་། སྐུད་ཕྲེང་ལས་གྲུབ་པའི་སྐད་སྦུག་ལ་སྤྱོད་བཞིན་ཡོད་པ་རེད། ཁ་པར་བྱུང་བ་དེ་ཡཱ་ལི་ཧྲན་ཏཱ•ཀུ་ལཱ་ཧན་མུའུ•པེ་ཨེར་ལ་རག་ལས་ཡོད་པ་དང་། ཐོག་མའི་ཁ་པར་གྱི་རྩ་བའི་རིགས་པ་སྐད་ཆའི་སྒྲ་དེ་མཁའ་དབུགས་ཁྲོད་ཀྱི་མཉམ་འདུས་འདར་འགུལ་བྱས་པ་བརྒྱུད། སྲ་གཟུགས་སྟེང་བརྒྱུད་གཏོང་བྱས་པ་དང་། གློག་རྩ་འཕར་བ་ལས་གློག་འདྲེན་ལྕགས་རིགས་སྟེང་དུ་བརྒྱུད་སྤྲོད་བྱས་པ་རེད། པེ་ཨེར་གྱིས1876ལོའི་ཟླ3པར་ཁ་པར་གྱི་ཆེད་ཁེའི་དབང་ཆ་སྙན་ཞུ་བྱས་པ་རེད། ཨ་རིའི་རྒྱལ་ཚོགས་ཀྱིས2002ལོའི་ཟླ6པའི་ཚེས15ཉིན་གྱི་གྲོས་ཆོད་ཨང269པའི་སྟེང་ཨན་ཏུང་ཉི་ཨའོ•མུའུ་ཆི་ཁ་པར་གསར་གཏོད་མཁན་ཡིན་པ་གཏན་འཁེལ་བྱས་པ་དང་། མུའུ་ཆི་ཡིས1860ལོར་ཐེངས་དང་པོར་སྤྱི་དམངས་ལ་ཁོང་གི་གསར་གཏོད་འགྲེམས་སྟོན་བྱས་པ་མ་ཟད། འབྲེལ་ཡོད་ཀྱི་གསར་གཏོད་རྣམ་གྲངས་འདིའི་ངོ་སྤྲོད་ཉིག་ཡོའི་དབྱི་ཐ་ལིའི་ཚགས་པར་སྟེང་དུ་སྤེལ།
གྲངས་འཛིན།
གྲངས་འཛིན་རྒྱུད་ཁོངས་སམ་ཡང་ན་ཨང་ཀིའི་རྒྱུད་ཁོངས་ནི་ཁ་ཐོར་རང་བཞིན་ཅན་གྱི0དང་ཡང་ན1གཅིག་གིས་ཆ་འཕྲིན་གྱི་ནང་འཇུག་དང་སྒྲིག་གཅོད། བརྒྱུད་གཏོང་། གསོག་ཉར་སོགས་སྒྲིག་གཅོད་བྱེད་པའི་རྒྱུད་ཁོངས་ཤིག་ཡིན། བལྟོས་བཅས་ཀྱི་གྲངས་འཛིན་མ་ཡིན་པའི་རྒྱུད་ཁོངས་ཀྱིས་རྒྱུན་མཐུད་རང་བཞིན་གྱི་གྲངས་ཐང་གིས་ཆ་འཕྲིན་མཚོན་གྱི་ཡོད་ལ། གྲངས་འཛིན་ཀྱི་མཚོན་ཐབས་རྣམ་པ་ནི་གྱེས་པའི་རང་བཞིན་ཅན་ཡིན་མོད། འོན་ཀྱང་། དེའི་མཚོན་པའི་ཆ་འཕྲིན་ནི་ཁ་ཐོར་དང་ཡང་ན་རྒྱུན་མཐུད་ཅན་ཡིན་ཆོག་པ་རེད།
གྲངས་འཛིན་ཐོན་རྫས།
གྲངས་འཛིན་ཐོན་རྫས་ཏེ་སྤྱིར་བཏང་དུMP3 Uསྡེར། རིག་ལྡན་ལག་ཁྱེར་ཁ་པར་དང་གྲངས་འཛིན་པར་ཆས། བརྙན་ལེན་འཕྲུལ་ཆས་དང་བཤར་འབེབས་ཆས་སོགས་ཨང་ཀི་དང་སྒྲིག་ཨང་ལ་བརྟེན་ནས་བཀོལ་སྤྱོད་བྱེད་ཆོག་པའི་འཕྲུལ་ཆས་དང་། དེ་མ་ཟད་གློག་ཀླད་དང་སྦྲེལ་ཆོག་པ་ཚང་མར་གྲངས་འཛིན་ཐོན་རྫས་སུ་འབོད།
PDFརྣམ་པའི་གློག་རྡུལ་དཔེ་དེབ།
PDFརྣམ་པའི་གློག་རྡུལ་དཔེ་དེབ་ནི་བཟོ་སྐྲུན་གྱི་གོ་རིམ་ཅུང་སྟབས་བདེ་བའི་གྲས་ཤིག་ཡིན་ཁར་དུས་རྒྱུན་འཚོ་བའི་ཁྲོད་བེད་སྤྱོད་མང་བ་དང་དྲ་ཐོག་དུ་ཁྱབ་རྒྱ་ཆེ་བའི་གློག་རྡུལ་དཔེ་དེབ་ཀྱི་རྣམ་པ་ཞིག་ཡིན།
mp3(རོལ་དབྱངས་གཏོང་ཆས)
mp3ནི་སྒྲ་ཟློས་ཡིག་ཆ་སྟེ། ནང་གསོག་ཟིན་ཚད་ཆུང་ཞིང་། སྟབས་བདེ་ཞིང་འཁྱེར་བདེ་བའི་གླུ་དབྱངས་ལ་ཉན་བྱེད་ཀྱི་སྤྱོད་ཆས་ཤིག་ཡིན།
mp4(ཡིག་ཆའི་རྣམ་གཞག)
mp4ནི་སྒྲ་ཟློས་དང་བརྙན་ཟློས་ཆ་འཕྲིན་ལ་སྤྱོད་པའི་ཆ་ཚང་བའི་གནོན་སྐྱུང་ཨང་སྒྲིག་ཚད་གཞི་ཞིག་སྟེ། རྒྱལ་སྤྱིའི་ཚད་ལྡན་ཅན་རྩ་འཛུགས(ISO)དང་རྒྱལ་སྤྱིའི་གློག་ལས་ཨུ་ཡོན་ལྷན་ཚོགས(IEC)ཁོངས་གཏོགས་ཀྱི“འགུལ་རྣམ་བརྙན་རིས་ཆེད་མཁས་ཚོགས་པ”(Moving Picture Experts Groupསྟེ། MPEG)ཡིས་གཏན་འབེབས་བྱས་ཤིང་། པར་གཞི་དང་པོ་སྤྱི་ལོ1998ལོའི་ཟླ10པར་ཐོབ་པ་དང་པར་གཞི་གཉིས་པ་སྤྱི་ལོ1999ལོའི་ཟླ12པར་ཐོབ་པ་རེད། MPEG-4ནང་དུMPEG-1དངMPEG-2འདུས་པའི་བྱེད་ལས་མང་ཆེ་ཤོས་དང་དེ་བཞིན་རྣམ་གཞག་གཞན་གྱི་དགེ་མཚན་ལྡན་པ་དང་། དེ་མ་ཟད་ནང་ཞུགས་དང་རྒྱ་བསྐྱེད་ཀྱིས་རྟོག་བཟོས་དཔེ་དབྱིབས་སྐད་བརྡ་མངོན་འགྱུར་ལ་རམ་འདེགས་བྱེད་པ་དང་། བྱ་ཡུལ་ལ་ཁ་ཕྱོགས་པའི་ཡིག་ཚགས་འདྲེས་སྦྱོར་བྱེད་པ་དང་དེ་བཞིན་གྲངས་འཛིན་པར་དབང་དོ་དམ། དེ་མིན་ཕན་ཚུན་མཉམ་འགུལ་བྱེད་ལས་བཅས་ལྡན་པ་ཡིན།
གྲངས་འཛིན་བརྙན་ལེན་འཕྲུལ་ཆས(DV)
DVནི་དབྱིན་ཡིགDigital Videoཡི་བསྡུས་མིང་ཡིན་ལ། རྒྱ་ཡིག་གི་ནང་དོན་ནི“ཨང་ཀིའི་བརྙན་ཟློས”ཡིན་པ་དང་། དེ་ནི་སུའོ་ཉི། སུང་ཞཱ། ཧྲེང་ལི། ཞཱ་པུའུ། ཏུང་ཀྲི་དང་ཅཱ་ནེང་སོགས་མིང་གྲགས་ཅན་གྱི་ཁྱིམ་སྤྱོད་གློག་ཆས་བཟོ་གྲྭ་མང་པོ་མཉམ་འབྲེལ་གྱིས་བཟོས་པའི་གྲངས་འཛིན་བརྙན་ཟློས་རྣམ་གཞག་ཅིག་ཡིན།
ལག་ཁྱེར་ཁ་པར།
སྤོ་སྒུལ་ཁ་པར་རམ་ཡང་ན་སྐུད་མེད་ཁ་པར་ལ་སྤྱིར་བཏང་དུ་ལག་ཁྱེར་ཁ་པར་ཟེར་བ་དང་། མ་གཞི་དེ་ནི་འཕྲིན་གཏོང་ཡོ་བྱད་ཅིག་ཡིན་ལ། ཁྱབ་ཁོངས་ཅུང་ཆེ་བའི་ནང་དུ་བེད་སྤྱོད་བྱེད་ཆོག་པའི་འཁྱེར་བདེའི་རང་བཞིན་ལྡན་པའི་ཁ་པར་མཐའ་སྣེ་ཞིག་ཡིན་པ་དང་། གནའ་དུས་ཀྱི་ཨ་མེ་རི་ཁའི་པེ་ཨེར་དངོས་བཤེར་ཁང་གིས1940ལོར་བཟོས་པའི་གཡུལ་སའི་སྤོ་སྒུལ་ཁ་པར་འཕྲུལ་ཆས་ནས་འཕེལ་རྒྱས་སུ་བྱུང་བ་ཞིག་ཡིན། 1958ལོར། སུའུ་ལེན་གྱི་བཟོ་བཀོད་པ་ལིའེ་ཨང་ཉི་ཏུ•ཁུའུ་ཕུའུ་ལི་དབྱང་ནུའོ་ཝེ་ཆི་ཡིསЛК-1རྟགས་ཅན་གྱི་སྤོ་སྒུལ་ཁ་པར་གསར་གཏོད་བྱས་པ་དང་། 1973ལོར། ཨ་མེ་རི་ཁའི་མོ་ཐུའོ་ལུའོ་ལཱའི་བཟོ་བཀོད་པ་མཱ་ཏིང•ཁུའུ་ཕཱ་ཡིས་འཛམ་གླིང་སྟེང་ཐོག་དང་པོར་ཚོང་ལས་ཅན་གྱི་ལག་ཁྱེར་ཁ་པར་གསར་གཏོད་བྱས་ཤིང་། ད་ལྟའི་བར་འཕེལ་རྒྱས་བྱུང་ནས4Gཡི་དུས་རབས་སུ་སླེབས་པ་རེད།
སྲེག་ཕབ་འཕྲུལ་ཆས།
སྲེག་ཕབ་འཕྲུལ་ཆས་ལ་བྱ་རིམ་སྒྲིག་ཆས་ཟེར་ཞིང་། ཐའེ་ཝན་ཀྱི་གློག་འདྲེན་ཕྱེད་གཟུགས་ཐོན་ལས་འཕེལ་རྒྱས་སུ་སོང་བ་སྔ་བས། སྐམ་ས་ཆེན་མོ་རུ་སླེབས་དུས། སྤྱོད་མཁན་གྱིས་དེ་ལ་བྱ་རིམ་སྒྲིག་ཆས་ཟེར་བ་དང་། དེའི་རྒྱུ་མཚན་ནི་ད་ལྟའི་དབྱིན་ཇིའི་མིང་ནིPROGRAMMERཡིན་ལ། དབྱིན་ཇིའི་མིང་དེ་དང་སྤྱིར་བཏང་གི་རྩོམ་སྒྲིག་མཉེན་ཆས་འབྲི་སྲོལ་ཇུས་འགོད་པ་ནི་མིང་མཚུངས་ཡིན། དེ་བས་བྱ་རིམ་སྒྲིག་ཆས་ཞེས་བརྗོད་པ་རེད། སྲེག་ཕབ་འཕྲུལ་ཆས་ནི་དོན་དངོས་སུ་སྒྲིག་རུང་བྱ་རིམ་གྱི་འདུས་གྲུབ་གློག་ལམ་ལ་གཞི་གྲངས་འབྲི་བྱེད་ཀྱི་ཡོ་བྱད་ཅིག་ཡིན། དེ་གཙོ་བོ་རྐྱང་ལྷེབ་འཕྲུལ་ཆས་དང་གསོག་འཇོག་ཆས་རིགས་ཀྱི་ཉིང་ལྷེབ་ཀྱི་བྱ་རིམ་སྒྲིག་པར་སྤྱོད་ཀྱི་ཡོད།
གྲངས་འཛིན་པར་ཆས།
གྲངས་འཛིན་པར་ཆས་ནི་གྲངས་འཛིན་པར་ལེན་འཕྲུལ་ཆས་ཀྱི་བསྡུས་མིང་ཡིན་ཞིང་། མིང་གཞན་ལ་ཨང་ཀིའི་རྣམ་པའི་པར་ཆས་ཀྱང་ཟེར། གྲངས་འཛིན་པར་ཆས་ནི་གློག་རྡུལ་ཚོར་སྐྱེལ་ཆས་བེད་སྤྱོད་བྱས་ཏེ་འོད་རིག་པའི་གཟུགས་བརྙན་གློག་རྡུལ་གཞི་གྲངས་ལ་བརྗེ་བསྒྱུར་བྱས་པའི་པར་ལེན་འཕྲུལ་ཆས་ལ་ཟེར་བ་ཡིན།
DVD
ཨང་ཀིའི་ནུས་མང་འོད་སྡེར་ཏེ་བསྡུས་མིང་ལDVDཟེར་ཞིང་། དེ་ནི་འོད་སྡེར་གྱི་གསོག་ཆས་ཤིག་ཡིན། རྒྱུན་དུ་ཚད་ལྡན་བརྙན་འཕྲིན་གསལ་ཚད་ཅན་གྱི་གློག་བརྙན་གཏོང་པ་དང་སྤུས་ཚད་མཐོ་བའི་རོལ་དབྱངས་དང་ཤོང་ཚད་ཆེ་བའི་གསོག་འཇོག་གི་གཞི་གྲངས་སྤྱོད་སྒོ་ལ་བེད་སྤྱོད་བྱེད་ཀྱི་ཡོད། DVDདངCDཡི་ཕྱི་ཚུལ་འདྲ་ཞིང་། དེ་ཚོའི་ཚངས་ཐིག་ཚང་མ་ཧའོ་སྨིད120ཙམ་ཡིན།
གྲངས་འཛིན་སློབ་སྦྱོང་།
གྲངས་འཛིན་སློབ་སྦྱོང(དབྱིན་ཡིགe-Learning)ནི་ཆ་འཕྲིན་ལག་རྩལ་གྱི་ཡོ་བྱད་སྣ་ཚོགས་བརྒྱུད་ནས་སློབ་སྦྱོང་དང་སྦྱོང་བརྡར་བྱེད་པའི་ཐབས་ལ་ཟེར། ཆ་འཕྲིན་དང་འཕྲིན་གཏོང་མ་ལག དྲ་སྦྲེལ་ཡོད་མེད་གང་ཡིན་རུང་། སློབ་སྦྱོང་གི་གོ་རིམ་ཁྲོད་བཀོལ་བའི་དམིགས་བསལ་གྱི་སྨྱན་གཟུགས་ཡིན་པས། མི་དང་ཐད་ཀར་འབྲེལ་འདྲིས་བྱེད་ཐབས་མེད།
གྲངས་འཛིན་འདྲ་པར།
གྲངས་འཛིན་འདྲ་པར་ནི་གྲངས་འཛིན་ལག་རྩལ་དང་པར་ལེན་ལག་རྩལ་གཉིས་ཀྱི་མཉམ་སྦྱོར་གཟུགས་ཤིག་ཡིན། གྲངས་འཛིན་མཚོན་ཐབས་ཞེས་པ་ནི་རྒྱུན་དུ་རྩིས་འཁོར་ཚན་རིག་དང་གློག་རྡུལ་རིག་པར་སྤྱོད་པ། ལྷག་པར་དུ་འཛམ་གླིང་གི་ཆ་འཕྲིན་ངོ་མ་དེ་ཉིས་གྲངས་འཛིན་རྣམ་པར་བསྒྱུར་བ་སྟེ། དཔེར་ན་གྲངས་འཛིན་སྒྲ་ཟློས་དང་གྲངས་འཛིན་འདྲ་པར་ལྟ་བུ་ཡིན།
གྲངས་འཛིན་ཁྱིམ་ཚང་།
གྲངས་འཛིན་ཁྱིམ་ཚང་ནི་རྩིས་འཁོར་དང་དྲ་རྒྱའི་ལག་རྩལ་རྨང་གཞི་རུ་བྱས་ཏེ་ཁྱིམ་སྤྱོད་གློག་ཆས་སྣ་ཚོགས་ཕན་ཚུན་སྦྲེལ་མཐུད་ཀྱིས་འཕྲིན་སྤེལ་དང་གཞི་གྲངས་བརྗེ་སྤོར་བྱས་ཏེ། ཁྱིམ་སྤྱོད་གློག་ཆས་བར་དུ་ཕན་ཚུན་སྦྲེལ་མཐུད་མངོན་འགྱུར་སྒོས་ཁྱིམ་ཚང་གི་སྒོར་མ་སོང་བར་ཆ་འཕྲིན་སྣ་ཚོགས་བསྡུ་ལེན་བྱེད་ཐུབ་པས། མིའི་རིགས་ཀྱི་འཚོ་སྡོད་ཀྱི་སྤྲོ་སྐྱིད་དང་རོལ་རྩེད་རང་བཞིན་མཐོར་འདེགས་སུ་བཏང་བ་ཞིག་ཡིན།
རྩ་གཉིས་ཨང་རིས།
རྩ་གཉིས་ཨང་རིས། རྒྱུན་མཐོང་གི་རྩ་གཉིས་ཨང་རིས་ནི QR Codeཡིན་པ་དང་། QRཡི་མིང་ཆ་ཚང་ལQuick Responseཟེར། ཉེ་བའི་ལོ་ཤས་རིང་སྒུལ་བདེའི་སྒྲིག་ཆས་ཐོག་དར་ཁྱབ་ཆེ་བའི་ཨང་སྒྲིག་བྱེད་སྟངས་ཤིག་ཡིན་ལ། སྲོལ་རྒྱུན་གྱི་ཐིག་རིས་ཚབ་ཨངBar Codeལས་ཆ་འཕྲིན་དེ་བས་མང་པོ་གསོག་ཉར་བྱེད་ཐུབ་ཅིང་། གཞི་གྲངས་ཀྱི་རིགས་ཀྱང་དེ་བས་མང་པོ་མཚོན་ཐུབ།
གྲངས་འཛིན་སོ་དམག
“གྲངས་འཛིན་སོ་དམག”ནི་ཧྲང་ཧའེ་གྲོང་ཁྱེར་གྱི་རིམས་ནད་སྔོན་འགོག་ཚོད་འཛིན་གྱི་བླང་བྱ་གཞིར་བཟུང་སྟེ། ས་གནས་ཁག་གིས་ཧྲང་ཧའེ་གྲོང་ཁྱེར་གྱི་གྲངས་གཞི་ཆེན་པོའི་ལྟེ་གནས་ཀྱིས་མཁོ་འདོན་བྱས་པའི་དབང་གྲགས་ལྡན་པའི་གྲངས་གཞིའི་ཞབས་ཞུ་ལ་གཞིགས་ནས་བཏོན་པའི་བདེ་ཐང་གི་ཉིང་རྡུལ་བརྟག་དཔྱད་ནུས་པ་ལྡན་པའི་འཕྲུལ་འཁོར་སྒྲིག་ཆས་ཤིག་ཡིན་ཞིང་། དེའི་ནང་ལག་ཁྱེར་པར་གཞི་དང་། ཀ་དབྱིབས་པར་གཞི། རྩིས་འཁོར་པར་གཞི། གཅོད་འཁོར་པར་གཞི་སོགས་རྣམ་པ་སྣ་ཚོགས་ཚུད་ཡོད། “རེ་ཞུ་ཨང་རིས”བཤེར་འབེབས་སམ་ཡང་ན་ཐོབ་ཐང་ལག་ཁྱེར་ཀློག་པ་སོགས་ཀྱི་རྣམ་པ་བརྒྱུད་དེ་འབྲེལ་ཡོད་བདེ་ཐང་ཞིབ་བཤེར་དང་གནས་ཡུལ་དུ་མགྱོགས་མྱུར་ཞུགས་ཆོག དབང་ཆ་སྤྲད་པའི་གཉེར་སྐྱོང་ཚན་པས་མཁོ་འདོན་བྱས་པའི་གཞི་གྲངས་ཞབས་ཞུའི་མཐུད་ཁ་དང་འབྲེལ་མཐུད་བྱས་པ་མ་ཟད་གཅིག་གྱུར་གྱི་གཉེར་སྐྱོང་དོ་དམ་ཁྱབ་ཁོངས་ནང་བཅུག་པའི་སྒྲིག་ཆས་ལ་གཞི་ནས“གྲངས་འཛིན་སོ་དམག”གི་སྒྲིག་ཆས་ཞེས་བརྗོད་ཆོག
གྲངས་འཛིན་དངུལ་ལོ།
གྲངས་འཛིན་དངུལ་ལོའི་བསྡུས་མིང་ལDIGICYདང་། དབྱིན་སྐད“Digital Currency”（ཨང་ཀིའི་དངུལ་ལོར）ཞེས་པའི་བསྡུས་འབྲི་ཡིན་ལ། གློག་རྡུལ་དངུལ་ལོར་རྣམ་པའི་ཚབ་བྱེད་དངུལ་ལོར་ཡང་ཡིན། གྲངས་ཀའི་གསེར་ཊམ་དང་གསང་བའི་ཨང་གྲངས་ཀྱི་དངུལ་ལོར་གཉིས་ཀ་གྲངས་འཛིན་དངུལ་ལོར（DIGICCY）ལ་གཏོགས།
ཐོན་ལས་གྲངས་ཀ་ཅན།
ཐོན་ལས་གྲངས་ཀ་ཅན་ནི་རབས་གསར་པའི་གྲངས་ཀའི་ཚན་རྩལ་གྱི་འདེགས་སྐྱོར་དང་སྣེ་ཁྲིད་འོག་གཞི་གྲངས་འགག་རྩའི་རྒྱུ་རྐྱེན་དུ་བྱེད་པ་དང་། རིན་ཐང་གློད་གཏོང་ལྟེ་བར་བྱེད་པ། གཞི་གྲངས་ནུས་པ་གཙོ་གནད་དུ་བྱེད་པ། ཐོན་ལས་སྦྲེལ་ཐག་གོང་འོག་གི་རྒྱུ་རྐྱེན་ཧྲིལ་པོ་གྲངས་འཛིན་ཅན་དུ་རིམ་སྤོར་དང་། རིགས་སྒྱུར། བསྐྱར་བཟོ་བཅས་ཀྱི་བརྒྱུད་རིམ་ལ་ཟེར།
ཡིག་ཚགས་དོ་དམ་གྲངས་ཀ་ཅན།
ཡིག་ཚགས་གྲངས་ཀ་ཅན་དུ་འགྱུར་བ་ནི་ཤོག་བུའི་ཡིག་ཚགས་བཤར་འབེབས་དང་ཕབ་འཇུག་སོགས་ཀྱི་བྱེད་ཐབས་བརྒྱུད་དེ། ཆ་འཕྲིན་དེ་དག་རྩིས་འཁོར་གྱི་གཞི་གྲངས་མཛོད་ནང་ཉར་ཚགས་བྱས་ནས་འཚོལ་བཤེར་བྱེད་བདེ་བ་དང་དུས་མཉམ་དུ་གྲབས་ཉར་བྱེད་མགྱོགས་པ། གསོག་འཇོག་བར་སྟོང་ཆུང་བ། སྲུང་སྐྱོང་སྟབས་བདེ་བ། བདེ་འཇགས་སོགས་ཀྱི་ཕན་ནུས་མངོན་འགྱུར་བྱ་རྒྱུ་དེ་རེད།
བརྗོད་པ་རང་བཞིན་གྱི་བསྡོམས་རྩིས།
བརྗོད་པ་རང་བཞིན་གྱི་བསྡོམས་རྩིས་ནི་རེའུ་མིག་བཟོ་བ་དང་རིགས་འབྱེད་པ། རིས་དབྱིབས་དང་རྩིས་རྒྱག་གི་གུག་རྟགས་རང་བཞིན་གྱི་གཞི་གྲངས་ཀྱིས་གཞི་གྲངས་ཁྱད་ཆོས་བརྗོད་པའི་བྱ་འགུལ་སྣ་ཚོགས་ལ་ཟེར། བརྗོད་པ་རང་བཞིན་གྱི་བསྡོམས་རྩིས་དབྱེ་ཞིབ་དེ་བརྟག་དཔྱད་ཀྱི་སྤྱིའི་འགྱུར་ཚད་ཀྱི་འབྲེལ་ཡོད་གཞི་གྲངས་ལ་བསྡོམས་རྩིས་རང་བཞིན་གྱི་ཞིབ་བརྗོད་བྱེད་དགོས་པ་དང་། གཙོ་བོ་གཞི་གྲངས་ཀྱི་ཟློས་གྲངས་དབྱེ་ཞིབ་དང་། གཅིག་བསྡུས་ཀྱི་འཕེལ་ཕྱོགས་དབྱེ་ཞིབ། ཁ་ཐོར་ཚད་དབྱེ་ཞིབ། ཁྱབ་ཚུལ་དང་དེ་བཞིན་གཞི་རྩའི་བསྡོམས་རྩིས་རི་མོ་ཁ་ཤས་ཚུད་ཡོད།
| གྲངས་འཛིན། བརྡ་འགྲེལ 21 ཡོད། |