གཟེབ་གྲུག་འགྲན་སྡུར།
གཟེབ་གྲུག་ལུས་རྩལ་ནི་ཨ་རི་ནས་དར་བ་ཡིན། སྤྱི་ལོ1891ལོའི་ཟླ12ཚེས21ཉིན། ཨ་རིའི་མ་ས་ཀྲུའུ་སའེ་ཁུལ་གྱི་སི་ཕུའུ་ལིན་ཧྥེ་ཨེར་ཏི་ཡེ་ཤུའི་ཆོས་ལུགས་གཞོན་ནུ་སྦྱོང་བརྡར་སློབ་གྲྭའི་ལུས་སྦྱོང་དགེ་རྒན་ཇེམ་སི་ནིས་སྨི་སིས་གསར་གཏོད་གནང་བ་ཡིན། སྤྱི་ལོ1896ལོར། གཟེབ་གྲུག་ཀྲུང་གོ་ལ་དར།
དབྱུག་འཁྱོག་སྤོ་ལོ།
དབྱུག་འཁྱོག་སྤོ་ལོ་འདིའི་མིང་ཡོང་ཁུངས་ནི་ཧྥ་རན་སེའི་སྐད་ཡིན་ལ། བསྟན་དོན་ནི་ལུག་རྫིའི་ལག་རྟེན་ལ་གོ འཛམ་གླིང་སྟེང་གི་ལུས་རྩལ་རྣམ་གྲངས་ཁྲོད་ལོ་རྒྱུས་ཀྱི་རྒྱུན་ཆེས་རིང་བ་ཡིན། དབྱུག་འཁྱོག་སྤོ་ལོའི་བྱུང་བ་དེ་ཨོ་ལེན་ཕིག་འགྲན་ཚོགས་ལས་ལོ1200འམ་དེ་ལས་སྔ་བ་རེད།
དབྱུག་རྩེད་སྤོ་ལོ།
དབྱུག་རྩེད་སྤོ་ལོ་ནི་དབྱུག་པས་སྤོ་ལོ་རྒྱག་པ་དེ་ཁྱད་ཆོས་གཙོ་བོ་ཡིན་པ་མ་ཟད། ད་དུང་ཐུན་མོང་རང་བཞིན་དང་འགྲན་རྒོལ་གྱི་རང་བཞིན་ལྡན་པའི་ལུས་རྩལ་རྣམ་གྲངས་ཤིག་ཡིན།
དར་ཐོག་སྤོ་ལོ།
དར་ཐོག་སྤོ་ལོ་ལ་དར་ཐོག་གི་དབྱུག་འཁྱོག་སྤོ་ལོ་ཡང་ཟེར། དར་ཐོག་སྤོ་ལོ་ཁ་ན་ཏ་ནས་དར་བ་དང་། རྗེས་སུ་ཡོ་རོབ་གླིང་གི་མེ་གླིང་བྱང་མའི་ས་ཆར་དར། སྤྱི་ལོ1908ལོར་པ་ལི་ནས་རྒྱལ་སྤྱིའི་དར་ཐོག་སྤོ་ལོའི་མནའ་འབྲེལ་ལྷན་ཚོགས་བཙུགས། སྤྱི་ལོ1924ལོར་དགུན་དུས་ཀྱི་ཨོ་རྩལ་འགྲན་སྡུར་རྣམ་གྲངས་སུ་ཚུད་པ་རེད།
དྲ་གྲུག
དྲ་གྲུག་ནི་ཡིད་དུ་འོང་ཡང་ཛ་དྲག་ཅན་གྱི་ལུས་རྩལ་རྣམ་གྲངས་ཤིག་ཡིན། དྲ་གྲུག་ལུས་རྩལ་གྱི་བྱུང་བ་དང་འཕེལ་རྒྱས་དེ་ཚིག་ཕྲེང་བཞི་ལ་བསྡུས་ཆོག དེ་ནི་ཧྥ་རན་སེ་ནས་གསོ་སྐྱོང་བྱས་ལ། དབྱིན་ཇི་ནས་མཚར་ལོངས་བྱུང་། ཨ་རི་ནས་མགོ་བརྩམས་ཏེ་ཁྱབ་གདལ་དང་དེའི་རྣམ་པ་ཡང་རྩེར་སོན།
བྱ་སྒྲོའི་སྤོ་ལོ།
ལོ་ཉིས་སྟོང་སྔོན་གྱི་ཡར་སྔོན་དུ། ཀྲུང་གོ་དང་རྒྱ་གར་བཅས་རྒྱལ་ཁབ་ཁ་ཤས་སུ་བྱ་སྒྲོའི་སྤོ་ལོའི་ལུས་རྩལ་དང་འདྲ་བའི་རོལ་རྩེད་བྱུང་བ་དང་། རྗེས་སུ་དབྱིན་ཇི་དང་ཨའོ་གླིང་བྱང་མའི་རྒྱལ་ཁབ་བཅས་སུ་ཁྱབ།
རྐང་གྲུག་འགྲན་སྡུར།
དེང་རབས་རྐང་གྲུག་དར་ཡུལ་ནི་དབྱིན་ཇི་ཡིན་ལ། བཤད་སྲོལ་ལ་དུས་རབས་བཅུ་གཅིག་པར་དབྱིན་ཇི་དང་ཏན་མག་བར་ལ་དམག་འཁྲུག་ཅིག་ལངས་ཤིང་། དམག་འཁྲུག་མཇུག་རྫོགས་ཏེ་དབྱིན་ཇི་བས་འཐབ་རར་གཙང་སྒྲིག་བྱེད་དུས་ཏན་མག་བཙན་འཛུལ་བའི་མགོ་རུས་ཤིག་རྙེད། ཀུན་པོ་ཁོང་ཁྲོ་ལངས་ཏེ་མགོ་རུས་དེར་རྡོག་པས་བཞུས་པ་དེར་ཡོད་ཀྱི་བྱིས་པ་སྐོར་ཞིག་གིས་མཐོང་སྟེ་ལད་མོ་བྱས། འོན་ཀྱང་དེ་ཤིན་ཏུ་མཁྲེགས་ནས་རྐང་བ་ན་བས་སྐམས་ཀྱི་ལྒང་བུར་དབུགས་བརྒྱབ་ནས་རྩེས་པས་དེང་རབས་རྐང་གྲུག་བྱུང་བར་བཤད།
རྡེབ་གྲུག
ལུས་རྩལ་འདི་ནི་ཨ་རི་ནས་བྱུང་ཞིང་། སྤྱི་ལོ1895ལ། ཨ་རིའི་མངའ་སྡེ་མཱ་ས་ཊོ་སེའི་གྲོང་ཁྱེར་ཧོ་ལེ་ཁུག་ཅེས་པར་མིང་ལ་ཝེ་ལེན་མོ་ཀེན་ཟེར་བའི་རྩལ་སྦྱོང་ལས་བྱེད་མི་སྣ་ཞིག་གིས་གསར་གཏོད་གནང་བ་རེད། དང་ཐོག་རྡེབ་གྲུག་ལMintonetteསྟེ་གཟེབ་ཆུང་གི་དོན་ཞིག་ལྡན་མོད། སྤྱི་ལོ1896ལ། ཧོར་སི་ཐེ་ཏི་ནས་འགྲན་སྡུར་གྱི་ཁྱད་ཆོས་ལྟརVolleyballསྟེ། དེང་རབས་རྒྱལ་སྤྱིའི་གཅིག་སྤྱོད་ཀྱི་མིང་རྡེབ་གྲུག་ཅེས་སུ་བཏགས།
ལེ་ཆིའུ་སྤོ་ལོ།
ལེ་ཆིའུ་སྤོ་ལོའི་ལག་རྩལ་གྱི་དཀའ་ཚད་དང་འགུལ་སྤྱོད་དྲག་ཚད་སོགས་དབྱུག་རྩེད་སྤོ་ལོ་ལས་དམའ་བས། རྗེས་སོར་སྐྱེས་མའི་ལུས་རྩལ་རྣམ་གྲངས་སུ་གྱུར་བ་རེད། ལེ་ཆིའུ་སྤོ་ལོའི་བྱུང་བ་ནི་དགོས་དབང་འདི་འདྲ་ཞིག་ལ་ཐུག་ཡོད་པ་སྟེ། གནམ་གཤིས་སྡུག་པོ་དང་འདུ་འཛི་ཆེ་བའི་གྲོང་ཁྱེར་གྱི་ཟང་ཟིང་འོག་དབྱུག་རྩེད་སྤོ་ལོའི་ལུས་རྩལ་དེ་དཔོང་སར་སྤར་བས་ལེ་ཆིའུ་སྤོ་ལོའི་ལུས་རྩལ་དུ་གྱུར་བ་རེད།
འཕེན་འཕངས་སྤོ་ལོ།
འཕེན་འཕངས་སྤོ་ལོ་ནི་དུས་རབས་བཅུ་དགུ་པའི་དུས་མཇུག་ཏུ་དབྱིན་ཇི་ནས་བྱུང་བ་དང་། དུས་རབས་ཉི་ཤུ་པའི་ལོ་རབས་ཉི་ཤུ་པར་ཡོ་རོབ་གླིང་སྐམ་སར་དར། དེ་རྗེས་མེ་གླིང་དང་ཡ་གླིང་གི་རྒྱལ་ཁབ་སོགས་ལ་དར་བ་ཡིན།
ལག་རྩེད་སྤོ་ལོ།
ལག་རྩེད་སྤོ་ལོ་ནི་གཟེབ་གྲུག་དང་རྐང་གྲུག་གི་ཁྱད་ཆོས་གཉིས་གཅིག་ཏུ་བསྡུས་ཏེ་འཕེལ་རྒྱས་བྱུང་བ་ཞིག་དང་། དེ་ནི་ལག་པས་རྩེད་ཅིང་སྤོ་ལོ་དེ་ཕ་རོལ་བའི་སྤོ་ལོའི་སྒོ་ནང་དུ་བརྫངས་ནས་སྐར་གྲངས་ལེན་པའི་ལུས་རྩལ་ཞིག་ཡིན།
སྐྱུ་རུའི་སྤོ་ལོ།
སྐྱུ་རུའི་སྤོ་ལོ་ནི་སྤོ་ལོའི་རིགས་ཀྱི་ལུས་རྩལ་ཞིག་ཡིན་ཞིང་། དེ་དབྱིན་ཇི་དང་ནེའུ་ཙི་ལན། ཨ་རི། ཁ་ན་ཏ། ཨོ་སི་ཁྲུ་ལི་ཡ། ལྗར་པན་སོགས་ཀྱི་རྒྱལ་ཁབ་ཏུ་དར་ཁྱབ་ཆེ་བ་ཡིན།
ཨ་རིའི་ཆེད་ལས་གཟེབ་གྲུག་མཉམ་འགྲན།
གཟེབ་གྲུག་གི་རྒྱལ་ཁམས་སུ་གྲགས་པའི་ཨ་རི་ལ་མི་འབོར་ཁྲི་ཚོ་བརྒྱའི་ཡན་གྱི་གཟེབ་གྲུག་ལུས་རྩལ་བ་མངའ། ཨ་རིའི་གཟེབ་གྲུག་ཆུ་ཚད་མཐོ་ཤོས་མཚོན་པའི་འགྲན་སྡུར་ནི་ཨ་རིའི་ཆེད་ལས་གཟེབ་གྲུག་མཉམ་འགྲན་ཏེ་བསྡུས་མིང་དུNBAཟེར་བ་དེ་ཡིན།
ཨ་རིའི་སྐྱེས་པའི་གཟེབ་གྲུག་རུ་ཁག
ཨ་རིའི་སྐྱེས་པའི་གཟེབ་གྲུག་རུ་ཁག་ནི་ཨ་རིའི་ཚབ་བྱས་ཏེ་རྒྱལ་སྤྱིའི་གཟེབ་གྲུག་འགྲན་སྡུར་སྣ་ཚོགས་ལ་ཞུགས་པའི་རུ་ཁག་ཡིན་ཞིང་། མིང་གཞན་ལ“རྨི་སྙེག་རུ་ཁག”ཏུ་འབོད་པ་ཡིན། སྒྲ་དོག་པའི“རྨི་སྙེག་རུ་ཁག”ནི་མི་རྣམས་ཀྱིས་པཱ་སའེ་ལུའོ་ནའི་ཨོ་རྩལ་འགྲན་ཚོགས་སྐབས་ཉེར་ལྔའི་སྟེང་གསེར་གྱི་རྟགས་མ་བླངས་བའི་ཨ་རིའི་སྐྱེས་པའི་གཟེབ་གྲུག་རུ་ཁག་ཏུ་འབོད་པ་ཡིན།
གོར་ཧྥོ་སྤོ་ལོ།
གོར་ཧྥོ་སྤོ་ལོ་ནི་དབྱུག་པས་སྤོ་ལོར་བསྣུན་ཏེ་དོང་དུ་སྡུད་པའི་རྩལ་སྦྱོང་གི་རིགས་ཤིག་ཡིན་ཞིང་། ལུས་རྩལ་འདི་ནི་སུའུ་ཀུ་ལན་ནས་དུས་རབས་བཅོ་ལྔ་བའི་ནང་བྱུང་བ་ཞིག་ཡིན།
པོ་ལིན་སྤོ་ལོ།
པོ་ལིན་སྤོ་ལོ་ནི་ཤིང་གི་ཐང་གཅལ་སྟེང་དུ་སྤོ་ལོས་ཤིང་གི་བུམ་པ་དག་འགྱེལ་བར་བྱེད་པའི་ཁང་བའི་ནང་གི་རྩེད་མོའི་རིགས་ཤིག་ཡིན།
བྱེ་ཐང་རྡེབ་གྲུག
བྱེ་ཐང་རྡེབ་གྲུག་ནི་རྡེབ་གྲུག་ལུས་རྩལ་གྱི་རྣམ་གྲངས་ཤིག་ཡིན་ཏེ། བྱེ་ཐང་དུ་སྤེལ་བའི་མི་གཉིས་རེ་ཅན་གྱི་འགྲན་སྡུར་ཞིག་ཡིན་ལ། འགྲན་སྡུར་བྱེད་སའི་ར་བ་ནི་སྨི16×སྨི8ཅན་གྱི་གྲུ་བཞི་ནར་དབྱིབས་ཤིག་ཡིན།
ལྡེབས་གྲུག
ལྡེབས་གྲུག་ནི་མི་གཉིས་ཀྱིས་ལག་ཏུ་སྤོ་ལོ་འགོག་བྱེད་ཀྱི་ཡོ་བྱད་ཅིག་བཟུང་ནས་ཁང་བའི་ནང་དུ་རྩིག་ལྡེབས་ངོས་སུ་སྤོ་ལོ་གཡུག་པའི་ལུས་རྩལ་གྱི་རིགས་ཤིག་ཡིན།
གྱང་རྡེབ་སྤོ་ལོ།
སྤོ་ལོའི་ལུས་རྩལ་གྱི་རྣམ་གྲངས་ཤིག་སྟེ། གྲུག་ཐང་ཕྱོགས་གཅིག་གྱང་ཡིན་ཞིང་། འགྲན་བསྡུར་བྱེད་དུས་ཕྱོགས་གཅིག་གིས་གྲུ་གུ་གྱང་ངོས་སུ་བརྡེགས་ཏེ་ས་ལ་ལྷུང་བ་ན་ཕྱོགས་ཅིག་ཤོས་ཀྱིས་སླར་རྡེག་པ་ཞིག་གོ། །
མེང་ཧྥེ་སི་དོམ་ནག་རུ་ཁག
མེང་ཧྥེ་སི་དོམ་ནག་རུ་ཁག་ནི་ནི་སྤྱི་ལོ1995ལོརNBAརུ་ཞུགས་པ་དང་ཨ་རིའི་ཐེན་ནཱ་ཞི་མངའ་ཁུལ་གྱི་མེང་ཧྥེ་སི་གྲོང་ཁྱེར་གྱི་སྐྱེས་པའི་ཆེད་ལས་གཟེབ་གྲུག་རུ་ཁག་ཅིག་ཡིན། ཨ་རིའི་སྐྱེས་པའི་ཆེད་ལས་གཟེབ་གྲུག་རིམ་མཚུངས་མཉམ་འགྲན（NBA）ཡི་ནུབ་རྒྱུད་མཐུན་ཚོགས་ཀྱི་ལྷོ་ནུབ་འགྲན་ཁུལ་དུ་གཏོགས།
ཕོ་ཐུ་ལན་གསར་འབྱེད་མཁན་རུ་ཁག
ཕོ་ཐུ་ལན་གསར་འབྱེད་མཁན་རུ་ཁག་ནི་སྤྱི་ལོ1970ལོར་བཙུགས་རྗེསNBAམནའ་འབྲེལ་དུ་ཞུགས་པ་དང་ཨ་རིའི་ཨུ་ལུ་ཀང་མངའ་ཁུལ་གྱི་ཕོ་ཐུ་ལན་གྲོང་ཁྱེར་གྱི་ཆེད་ལས་གཟེབ་གྲུག་རུ་ཁག་ཅིག་ཡིན་ལ་ད་ལྟ་ཨ་རིའི་སྐྱེས་པའི་ཆེད་ལས་གཟེབ་གྲུག་རིམ་མཚུངས་མཉམ་འགྲན（NBA）ཡི་ནུབ་རྒྱུད་མནའ་འབྲེལ་གྱི་ནུབ་བྱང་འགྲན་ཁུལ་དུ་གཏོགས།
ཧྥེ་ཉི་ཁུ་སི་ཉིན་བྱེད་རུ་ཁག
ཧྥེ་ཉི་ཁུ་སི་ཉིན་བྱེད་རུ་ཁག་ནི་ཨ་རིའི་ཡཱ་ལི་སང་ནཱ་མངའ་ཁུལ་གྱི་ཧྥེ་ཉི་ཁུ་སི་ལྟེ་གནས་ཡིན་པའི་ཆེད་ལས་གཟེབ་གྲུག་རུ་ཁག་ཅིག་ཡིན། སྤྱི་ལོ1968ལོར་བཙུགས་ཤིང་ཨ་རིའི་སྐྱེས་པའི་ཆེད་ལས་གཟེབ་གྲུག་རིམ་མཚུངས་མཉམ་འགྲན（NBA）རུ་ཞུགས་པ་དང་ད་ལྟ་ཨ་རིའི་སྐྱེས་པའི་ཆེད་ལས་གཟེབ་གྲུག་རིམ་མཚུངས་མཉམ་འགྲན（NBA）ཡི་ནུབ་རྒྱུད་མནའ་འབྲེལ་གྱི་ཞི་བདེ་རྒྱ་མཚོའི་འགྲན་ཁུལ་དུ་གཏོགས།
ཏུའོ་ལུན་ཏུའོ་གཏུམ་འབྲུག་རུ་ཁག
ཏུའོ་ལུན་ཏུའོ་གཏུམ་འབྲུག་རུ་ཁག་ནི་ཁཱ་ན་ཏའི་ཨན་ཏཱ་ལུའེ་ལྟེ་གནས་གྲོང་ཁྱེར་ཏུའོ་ལུན་ཏུའོ་རུ་ཡོད་པའི་ཆེད་ལས་ཅན་གྱི་གཟེབ་གྲུག་རུ་ཁག་ཅིག་ཡིན། སྤྱི་ལོ1995ལོར་བཙུགས་ཤིང་ཨ་རིའི་སྐྱེས་པའི་ཆེད་ལས་གཟེབ་གྲུག་རིམ་མཚུངས་མཉམ་འགྲན（NBA）རུ་ཞུགས་པ་དང་ད་ལྟ་ཨ་རིའི་སྐྱེས་པའི་ཆེད་ལས་གཟེབ་གྲུག་རིམ་མཚུངས་མཉམ་འགྲན（NBA）ཡི་ཤར་རྒྱུད་མནའ་འབྲེལ་གྱི་ནུབ་རྒྱ་མཚོ་ཆེན་མོའི་འགྲན་ཁུལ་དུ་་གཏོགས།
པུའུ་ལུའུ་ཁུ་ལིན་གཟེབ་དྲ་རུ་ཁག
པུའུ་ལུའུ་ཁུ་ལིན་གཟེབ་དྲ་རུ་ཁག་ནི་ཨ་རིའི་ཉིའུ་ཡོག་མངའ་ཁུལ་གྱི་ཉིའུ་ཡོག་གྲོང་ཁྱེར་པུའུ་ལུའུ་ཁུ་ལིན་ཁུལ་དུ་ཡོད་པའི་སྐྱེས་པའི་གཟེབ་གྲུག་རུ་ཁག་ཅིག་ཡིན་ལ། སྤྱི་ལོ1967ལོར་བཙུགས་ཤིང་སྤྱི་ལོ1976ལོར་ཨ་རིའི་སྐྱེས་པའི་ཆེད་ལས་གཟེབ་གྲུག་རིམ་མཚུངས་མཉམ་འགྲན（NBA）རུ་ཞུགས་པ་དང་ད་ལྟ་ཨ་རིའི་སྐྱེས་པའི་ཆེད་ལས་གཟེབ་གྲུག་རིམ་མཚུངས་མཉམ་འགྲན（NBA）ཡི་ཤར་རྒྱུད་མནའ་འབྲེལ་གྱི་ནུབ་རྒྱ་མཚོ་ཆེན་མོའི་འགྲན་ཁུལ་དུ་གཏོགས།
མའེ་ཨ་སྨི་མེ་འབར་རུ་ཁག
མའེ་ཨ་སྨི་མེ་འབར་རུ་ཁག་ནི་སྤྱི་ལོ1988ལོར་བཙུགས་ཤིངNBAརུ་ཞུགས། དེ་ནི་ཨ་རིའི་ཧྥོ་ལུའོ་ལི་ཏཱ་མངའ་ཁུལ་གྱི་མའེ་ཨ་སྨི་གྲོང་ཁྱེར་གྱི་སྐྱེས་པའི་ཆེད་ལས་གཟེབ་གྲུག་རུ་ཁག་ཅིག་ཡིན་པ་དང་། ཨ་རིའི་སྐྱེས་པའི་ཆེད་ལས་གཟེབ་གྲུག་རིམ་མཚུངས་མཉམ་འགྲན（NBA）ཡི་ཤར་རྒྱུད་མཐུན་ཚོགས་ཀྱི་ཤར་ནུབ་འགྲན་ཁུལ་དུ་གཏོགས། མེ་འབར་རུ་ཁག་གི་ནི་འགྲན་སྡུར་གཙོ་གནས་ནི་མའེ་ཧང་དཀྱིལ་སྙིང་གཟེབ་གྲུག་ཁང་དུ་བཙུགས་ཡོད།
ཞྭ་ལུའོ་ཐུ་སེར་སྦྲང་རུ་ཁག
ཞྭ་ལུའོ་ཐུ་སེར་སྦྲང་རུ་ཁག་ནི་ཨ་རིའི་ཁཱ་ལུའོ་ལའེ་ནཱ་བྱང་མའི་མངའ་ཁུལ་དུ་ཡོད་པའི་ཆེད་ལས་གཟེབ་གྲུག་རུ་ཁག་ཅིག་ཡིན། སྔོན་གྱི་མིང་ལ་ཞཱ་ལུའོ་ཐུ་ཞི་ལ་རུ་ཁག་ཟེར་བ་དང་སྤྱི་ལོ2004ལོར་བཙུགས་ཤིངNBAརུ་ཞུགས། ཨ་རིའི་སྐྱེས་པའི་ཆེད་ལས་གཟེབ་གྲུག་རིམ་མཚུངས་མཉམ་འགྲན（NBA）ཡི་ཤར་རྒྱུད་མཐུན་ཚོགས་ཀྱི་ཤར་ནུབ་འགྲན་ཁུལ་དུ་གཏོགས།
སྤོ་ལོ་ཐང་།
སྤོ་ལོ་ཐང་ནི་གྲུ་བཞི་ནར་མོའི་དབྱིབས་ཀྱི་འགོག་དངོས་མེད་པའི་ངོས་སྙོམས་ཤིག་ཡིན་པ་དང་། སྤོ་ལོ་ཐང་གི་རིང་ཚད་ལ་སྨི28དང་། ཞེང་ལ་སྨི15ཡོད། སྤོ་ལོ་ཐང་གི་འཛུགས་བསྐྲུན་གྱི་རྒྱུ་ཆ་ལ་ས་རྒྱུ་དང་། ཨར་འདམ། ཤིང་རྒྱུ་སོགས་ཡོད། ད་ལྟ་འགྱིག་གིས་བསྐྲུན་པའི་སྤོ་ལོ་འགྲན་བསྡུར་ཐང་བཀོལ་སྤྱོད་བྱེད་པ་ཅུང་མང་། ས་རྒྱུ་དང་། ཨར་འདམ། སྣུམ་སྙིགས་བཅས་ཀྱིས་བསྐྲུན་པའི་སྤོ་ལོ་ཐང་ཅུང་གྲོན་ཆུང་ཡིན་པ་དང་། སློབ་གྲྭ་ཆེན་མོ་དང་གཞི་རིམ་ལས་ཁུངས་སོགས་སུ་བཀོལ་སྤྱོད་བྱེད་པ་ཅུང་མང་། འོན་ཀྱང་ས་ངོས་ངེས་པར་དུ་ཁོད་སྙོམས་བཟོས་ཏེ། གནོད་འཚེ་ཐེབས་པའི་དོན་རྐྱེན་མི་འབྱུང་བར་བྱ་དགོས།
སྐར་ཆ་གསུམ་ཁུལ།
སྐར་ཆ་གསུམ་ཁུལ་ཞེས་པ་ནི་ཚུར་རྒོལ་མཁན་ཕྱོགས་ཀྱི་སྤོ་ལོ་བ་ཞིག་ཕན་ཡོད་ཕར་རྒོལ་གནས་ནས་དུས་འགྱངས་བྱེད་དྲགས་པ་ཚོད་འཛིན་བྱེད་ཆེད་རྟགས་རྒྱབ་པའི་ས་ཁུངས་ཤིག་ཡིན། ས་ཁོངས་དེ་གར་ཚུར་རྒོལ་བྱེད་མཁན་ཕྱོགས་ཀྱིས་སྤོ་ལོ་ཚོད་འཛིན་བྱེད་འགོ་བཙུགས་ཚེ་ཚུར་རྒོལ་བྱེད་མཁན་ཕྱོགས་ཀྱི་སྤོ་ལོ་བ་སུ་ཡིན་རུང་དུས་ཚོད་སྐར་ཆ3ལས་བརྒལ་མི་རུང་། དེ་འདྲ་མ་བྱས་ཚེ་འགོག་སྲུང་བྱེད་མཁན་ཕྱོགས་ལ་དྲང་གཞག་མིན་པས་ཕར་རྒོལ་ཕྱོགས་ཀྱི་བྱ་སྤྱོད་ལ་ཆད་པ་གཅོད་དགོས། བྱེ་བྲག་གི་ཆད་གཅོད་ནི་རྒོལ་འགོག་བརྗེ་རྒྱུ་དེ་ཡིན། སྐར་ཆ3ནང་ཚུན་དུ་ལུས་པའི་ཕར་རྒོལ་བྱེད་མཁན་ཕྱོགས་དུས་ཚོད་ལས་བརྒལ་ཚེ་ནོར་འཛོལ་ལྟར་ཐག་གཅོད་བྱེད་པ་ལས་སྒྲིག་འགལ་ལྟར་ཐག་གཅོད་མི་བྱ།
| སྤོ་ལོའི་ལུས་རྩལ། བརྡ་འགྲེལ 130 ཡོད། |