མི་ཉག་སྒུར་བྲོ།
འདིར་བརྗོད་པའི་སྒུར་བྲོ་ནི་མི་ཉག་ཡུལ་དུ་གནའ་ནས་ད་བར་དུ་མ་ཉམས་རྒྱུད་སྤེལ་བྱས་ཤིང་ཐུན་མོང་མ་ཡིན་པའི་གནའ་བྲོ་ཞིག་ཡིན་པའི་གནད་དང་བསྟུན་ཏེ། ཁམས་མི་ཉག་ཡུལ་གྱི་སྒུར་བྲོ་དེའི་མིང་བྱུང་ཚུལ་དང་། སྒུར་བྲོའི་ཁྱད་ཆོས། མི་ཉག་སྒུར་བྲོའི་དབྱེ་བ་བཅས་བརྗོད་པར་བྱའོ། །
སྡེ་དགེའི་མདུན་བྲོ།
ཁམས་སྡེ་དགེའི་བྲོ་ཆེན་ལ་མི་རིགས་རང་གི་ཁྱད་ཆོས་ལྡན་ལ། ལུས་ངག་གི་ཉམས་འགྱུར་རྨད་དུ་བྱུང་བའི་སྒྱུ་རྩལ་གྱིས་གསོན་ཉམས་ལྡན་པ་ཞིག་ཡིན། དེ་ལ་དོན་ཚན་ཆེན་པོ་བཞི་ཡད་དེ། དང་པོ་སྡེ་དགེའི་བྲོ་ཡི་འབྱུང་ཁུངས་དང་། གཉིས་པ་སྡེ་དགེའི་བྲོ་ཡི་འཕེལ་རིམ། གསུམ་པ་སྡེ་དགེའི་བྲོ་བ་རྣམས་ཀྱི་གོས་རྒྱན། བཞི་པ་སྡེ་དགེའི་བྲོ་ཡི་རྡོག་བྲོ་དང་ངག་རྟའི་གདངས་དབྱངས་དང་བྲོ་ཚིག་བཅས་བཞི་ཡོད་པ་རེད།
གླིང་བྲོ།
གླིང་བྲོ་ཆེས་ཐོག་མར་གླིང་གེ་སར་གྱིས་རྟ་རྒྱུག་གིས་རྒྱལ་ཁ་བཞེས་པ་དང་གཡུལ་ལས་རྒྱལ་བའི་སྐབས་ཀུན་ཏུ་བྲོ་གར་མཛད་པ་དེ་ནས་དར་ཞིང་དམངས་ཁྲོད་དུ་གནས། དེ་ནས་བླ་མ་མི་ཕམ་རྣམ་རྒྱལ་རྒྱ་མཚོས（སྤྱི་ལོ1846ལོ—སྤྱི་ལོ1912ལོ）གླིང་བྲོ་བདེ་ཆེན་རོལ་མོ་འདི་ཉིད་ཀྱི་དབྱངས་དང་གར་སྟབས་སོགས་ཕྱོགས་བསྒྲིགས་མཛད་ནས་ཁམས་ཀྱི་རྫོགས་ཆེན་དགོན་པར་འཁྲབ་སྟོན་བྱས་པས་དམངས་ཁྲོད་ལ་ཁྱབ་བརྡལ་དུ་བྱུང་།
ཉག་རོང་སྐོར་བྲོ།
ཉག་རོང་སྐོར་བྲོ་ལ་རོལ་ཆའི་མཐུན་སྦྱོར་མེད་ལ་ས་ཕྱོགས་ཀྱི་གཟབ་འཕྱོར་སྤྲས་པའི་བྲོ་པ་རྣམས་ཕོ་མོ་འགྲིག་གཉིས་སུ་བསྒྲིགས་ནས། སྐོར་བྲོ་འཁྲབ་པ་ཡིན། དེ་ལས་བྲོ་འཁྲབ་སྐབས་ཀྱི་བྲོ་འགོ་ཁྲིད་མཁན་དེ་ལ་བྲོ་དཔོན་ཟེར་ཞིང་། དེ་ནས་བྲོ་དཔོན་གྱི་རྗེས་སུ་འབྲང་མཁན་དེ་ལ་བྲོ་གཡོག་ཟེར་ཞིང་། བྲོའི་མཇུག་མར་ཡོད་པའི་བྲོ་པ་དེ་ལ་བྲོ་རྔ་ཞེས་ཟེར་བ་རེད། དེ་མིན་གཞན་རྣམས་ལ་བྲོ་པ་ཞེས་ཟེར་བ་མ་གཏོགས་མིང་གཞན་འདོགས་སྲོལ་མེད།
མི་ཉག་ཡུལ་གྱི་འགྲོ་བྲོ།
གནའ་སྲོལ་གྱི་གོམས་གཤིས་ལྟར་མི་ཉག་གི་བུ་དང་བུ་མོ་སོགས་བག་མ་དང་མག་པ་སོགས་བཏང་བའི་སྐབས་སུ། དུད་ཚང་གི་ཀ་བའི་མདུན་དུ་ཅོག་ཙེ་གྲུ་བཞི་ཅན་གྱི་སྟེང་། ཆང་རག་དང་བུ་རམ་སོགས་བཤམས་ལ། གཟུགས་མཛེས་ལ་སྐད་སྙན་པའི་ཕོ་མོ་ཆ་གཉིས་རེས་ལུས་ལ་དར་གོས་ཀྱིས་བརྒྱན་ཏེ་ཞབས་བྲོ་འཁྲབ་སྲོལ་ཡོད་པ་རེད། འགྲོ་བྲོ་འཁྲབ་པའི་སྐབས་སུ་བྲོ་ཚིག་ནང་ཤིས་བརྗོད་ཀྱི་ཚིག་ཤ་སྟག་ཡིན།
ཤོན་ཞབས་བྲོ།
ཤོན་ཞེས་པ་ནི་སཾཀྲིཏའི་སྐད་དེ་བྲོ་ཡི་དོན་ཡིན། ཤོན་བྲོ་ནི་བཤད་པ་དང་གཞས་གཏོང་པ། འཁྲབ་པ་གསུམ་ཕན་ཚུན་འདྲེས་པའི་བོད་མི་རིགས་ཀྱི་དམངས་ཁྲོད་སྲོལ་རྒྱུན་གྱི་བྲོ་ཞིག་ཡིན་ནོ། སྤྱི་ལོ2008ལོར་རྒྱལ་སྲིད་སྤྱི་ཁྱབ་ཁང་གིས་མཆོག་མཆན་བཀོད་དེ་རིམ་པ་གཉིས་པའི་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཀྱི་མིང་ཐོ་ནང་ཚུད་པ་རེད།
ཡག་པ་ཡག་མ།
ཡག་པ་ཡག་མ་ཞེས་པའི་ཞབས་གཞས་ནི་མངའ་རིས་ས་ཁུལ་རུ་ཐོག་རྫོང་རུ་ཐོག་ཤང་དུ་དར་བའི་ཆེས་གནའ་བོའི་ཞབས་གཞས་ཤིག་རེད། དེའི་ཉམས་འགྱུར་དམིགས་བསལ་ཆེ་བ་དང་། གྲུབ་ཆ་ཚགས་དམ་པ། གཞས་ཚིག་ཕུན་སུམ་ཚོགས་པ། སྙན་འཇེབས་ཡིད་དབང་འཕྲོག་པའི་འགྱུར་ཁུག་བཅས་ནི་བོད་ཀྱི་ས་ཕྱོགས་གཞན་ནས་མཐོང་དཀོན་པའི་དམངས་ཁྲོད་སྒྱུ་རྩལ་གྱི་རིགས་ཤིག་ཡིན།
ཞང་ཞུང་སྒོར་གཞས།
འོམ་བུའི་ཞང་ཞུང་སྒོར་གཞས་ཀྱི་གླུ་ཚིག་གི་ནང་དོན་གཙོ་བོ་ནི་གནའ་བོའི་ཞང་ཞུང་གི་ལོ་རྒྱུས་དང་འོམ་བུ་གྲོང་ཚོའི་སྤྱི་ཚོགས་ཀྱི་རིག་གནས་སྣང་ཚུལ་དང་ཕྱིའི་བཀོད་པ་ཡིན་ཞིང་། མཚོན་བྱེད་རང་བཞིན་ལྡན་པའི་སྒོར་གཞས《གནས་མཆོག་ཞང་ཞུང》ཞེས་པའི་གླུ་ཚིག་ནང་གནས་རི་ནི་རྟ་མགོ་གངས་རི་ཡིན་པ་དང་། གནས་མཚོ་ནི་དྭངས་རྭ་གཡུ་མཚོ་ཡིན་པ། རྫོང་ནི་དྭངས་རྭ་ཆོས་རྫོང་ཡིན་པ། རྒྱལ་པོ་ནི་ལི་མིག་རྒྱལ་པོ་ཡིན་ཞེས་པ་སོགས་ཡིན།
མ་ཎི་ཆོས་བྲོ།
འདྲ་པའི་མ་ཎི་ཆོས་བྲོ་ནི་འཚོ་གནས་ཀྱི་ཁོར་ཡུག་དང་ཆོས་ལུགས་སྲོལ་རྒྱུན་དང་འབྲེལ་བ་དམ་པོ་ཡོད་པའི་དམངས་ཁྲོད་ཀྱི་རོལ་དབྱངས་གླུ་བྲོ་ཞིག་སྟེ། དེའི་ནང་དོན་ནི་མ་ཎི་འབྲུ་དྲུག་གྱེར་འདོན་བྱས་པ་གཙོ་བོར་བྱས་འདུག
དེང་རབས་ཞབས་བྲོ།
དེང་རབས་ཞབས་བྲོ་ནི་དུས་རབས་ཉི་ཤུ་བར་ནུབ་ཕྱོགས་ནས་དར་བའི་གནའ་བོའི་པ་ལིའི་ལྡོག་ཕྱོགས་ཀྱི་ཞབས་བྲོའི་རིགས་ཤིག་ཡིན། དེའི་མཛེས་དཔྱོད་ཀྱི་ལྟ་ཚུལ་ནི་གནའ་གཞུང་པ་ལིའི་རྙིང་ཞེན་མཁྲེགས་འཛིན། དངོས་ཡོད་འཚོ་བ་དང་བྲལ་བ། དག་གཙང་གི་འཁྲབ་རྩལ་རྣམ་པ་ཅན་དུ་ཕྱོགས་པར་ངོ་རྒོལ་བྱེད་པ། གནའ་བོའི་པ་ལི་ཞབས་བྲོ་འཁྲབ་པའི་འགུལ་སྟངས་ཚད་ལས་བརྒལ་བའི་རེངས་འགྱུར་གྱི་འཆིང་རྒྱ་ལས་གྲོལ་དགོས་པའི་ལྟ་བ་བཏོན་ཡོད།
རྒྱལ་སྤྱིའི་ཚད་ལྡན་མཛའ་འབྲེལ་ཞབས་བྲོ།
རྒྱལ་སྤྱིའི་ཚད་ལྡན་མཛའ་འབྲེལ་ཞབས་བྲོ་ནི་ལུས་རྩལ་བྱ་འགུལ་ཁྲོད་ཀྱི་བྱ་འགུལ་གལ་ཆེན་ཞིག་ཡིན་ཞིང་། དེ་ནི་ཕོ་མོ་ཟུང་ཆ་རུ་བསྡེབས་ནས་གོམ་པའི་འདེགས་འཇོག་གི་སྟངས་སྟབས་གཙོ་བོར་བཟུང་ནས་འཁྲབ་པའི་ལུས་རྩལ་འགྲན་སྡུར་ཞིག་ཡིན།
གཞས།
གཞས་ཀྱི་རིག་གནས་སྒྱུ་རྩལ་ནི་ཁྱབ་རྒྱ་ཆེ་ཞིང་རྣམ་གྲངས་མང་པས། ས་གནས་སོ་སོའི་མིང་འདོགས་ཚུལ་དང་གཞས་ཀྱི་ཚད་གཞི་དང་གཏོང་སྟངས་སོགས་གཅིག་མཐུན་མིན། དཔེར་ན། སྟོད་གཞས་དང་། རས་གཞས། ལྷོ་ཁའི་སྐོར་གཞས། ཁམས་ཀྱི་འབའ་གཞས། ཡུལ་ཤུལ་གཞས། ཨ་མདོའི་གླུ་དང་ཤགས། ལ་གཞས། རྩེད་རིགས་སོགས་གང་མང་ཡོད།
གར་འཆམ།
བོད་ཁ་བ་ཅན་གྱི་ཡུལ་ནི་རིག་པའི་བང་མཛོད་དང་། གླུ་གར་གྱི་རྒྱ་མཚོ་ལྟ་བུ་ཡིན། དེ་ལས་ངོ་མཚར་ཞིང་གཏིང་ཟབ་པ། ལྟ་སྒོམ་སྤྱོད་གསུམ་གྱི་དངོས་གྲུབ་ཕྱི་རུ་གསལ་ལེར་མངོན་པ་ནི་བོད་བརྒྱུད་ནང་བསྟན་ཆོས་ལུགས་ཀྱི་གྲུབ་མཐའ་སོ་སོ་དང་། བོན་དགོན་ཁག་གི་འཆམ་རེད། འདིར་ཤེས་ལྡན་གཞོན་ནུའི་ཚོགས་ལ་གསལ་འདེབས་བྱ་རྒྱུ་ཞིག་ནི། དབེན་པའི་གནས་སའམ་དགོན་པ་ནི་གྲོང་དང་གྲོང་ཁྱེར་དང་བར་ཐག་རིང་ཡང་། དེ་ནི་བོད་རང་རིགས་ཀྱི་ཁྱད་ཆོས་ལས་གྲུབ་པའི་སྣ་འཛོམས་ཀྱི་སློབ་གྲྭ་ཞིག་སྟེ། དེར་ཐུན་མོང་དང་ཐུན་མོང་མ་ཡིན་པའི་རིག་གནས་མཐའ་དག་ལ་སློབ་སྦྱོང་བྱ་ཆོག་པར་མ་ཟད། བོད་བརྒྱུད་ནང་བསྟན་ཆོས་ལུགས་དང་། བོན་པོའི་ཆོས་སྤྱོད་སྣ་ཚོགས་ལའང་ཐོས་བསམ་སྒོམ་གསུམ་དང་། འཛིན་སྐྱོང་སྤེལ་གསུམ་བྱེད་སའི་རྟེན་གཞི་གལ་ཆེན་ཞིག་ཡིན་པ་ཀུན་གྱིས་མཁྱེན་གསལ་ལྟར་ལགས། དེར་བརྟེན། འབྲོག་དགོན་དག་ནའང་བཅུ་ཕྲག་རིག་གནས་གཙོས་པའི་བྲོ་གར་དང་མཛེས་རྩལ་སོགས་སྒྱུ་རྩལ་སྣ་ཚོགས་ལ་སློབ་སྦྱོང་དང་ཞིབ་འཇུག་བྱེད་བཞིན་གདའ། དགོན་པའི་ནང་ཟློས་གར་འཁྲབ་སྟོན་ལ་གར་འཆམ་ཞེས་འབོད། གཙོ་བོ་ཆོས་ལུགས་གྲུབ་མཐའ་ཁག་སོ་སོས་རང་རང་གི་ཡི་དམ་དང་སྲུང་མའི་འདྲ་འབག་དང་། ཆོས་གོས་གྱོན་ཞིང་ཕྱག་མཚན་ལག་ཏུ་ཐོགས་ནས་གར་འཁྲབ་པ་ལ་ཟེར།
གླུ་གར།
གླུ་གར་ནི་ཁ་ནས་གླུ་ལེན་ཞིང་ལུས་ཀྱིས་གར་འཁྲབ་པའི་རིག་རྩལ་གྱི་རྣམ་པ་ཞིག་ཡིན་ཞིང་། ཨ་མདོ་ཡུལ་འདིའི་རིག་གནས་སྒྱུ་རྩལ་ལ་སྐོར་བྲོ་དང་། གླུ་ཤགས་གཞས་གསུམ་གཙོས་པའི་གར་འཆམ་དང་། ལྷ་རྩེད། ཀླུ་རྩེད། གཏོ་འཕེན་པ་སོགས་དང་། ཨ་རྩེད་དང་གར་སོགས་ཀྱི་བྲོ་གར་མང་དུ་ཡོད།
དམག་རྩེད།
རེབ་གོང་ཡུལ་དུ་དྲུག་པའི་ཀླུ་རོལ་སྐབས་ཐུན་མོང་མ་ཡིན་པའི་བྲོ་གར་འཁྲབ་སྲོལ་ཞིག་ཡོད་པ་དེའི་མིང་ལ་དམག་རྩེད་ཟེར། དམག་རྩེད་ནི་གནའ་བོའི་བོད་དམག་གི་དཔུང་ཁག་གཅིག་ས་དེར་གཞི་ཆགས་རྗེས། སོ་ནམ་དང་ཕྱུགས་ཟོག་ལ་བརྟེན་ནས་འཚོ་བ་བསྐྱལ། ལོ་རེའི་དུས་སྟོན་གྱི་སྐབས་སུ་གཞན་སྡེ་དག་ལ་ལྷ་རྩེད་དང་། ཀླུ་རྩེད། བྲོ་གར་འཁྲབ་སྟོན་སོགས་ཀྱི་སྲོལ་བཟང་ཡོད་མོད། རང་སྡེ་ལ་དམག་རྩལ་སྦྱོང་སྲོལ་ལས་འཁྲབ་སྟོན་གཞན་མེད་པས། ཁོ་ཚོས་དམག་རྩལ་སྦྱོང་བའི་ཚུལ་ཀུན་ལ་མངོན་པས་ན་དགའ་བསུ་ཆེན་པོ་ཐོབ། རིམ་གྱིས་དམག་རྩེད་སྦྱོང་སྲོལ་ནས་བྲོ་གར་གྱི་རྣམ་པ་ཅན་དུ་གྱུར་བ་ཡིན།
བེ་གར།
བེ་གར་ནི་དབྱུག་འཛིན་པའི་གར་ལ་གོ་ཞིང་། བེ་གར་གྱི་བྱུང་ཚུལ་ཐད་ཅུང་ཙམ་བཤད་ན། གནའ་དུས་ཡབ་མེས་དག་གནས་མཇལ་སོགས་ལ་འགྲོ་རྒྱུར་ཧ་ཅང་དགའ་བ་དང་། དེང་འདིར་ཡང་སྟོད་དབུས་གཙང་དང་། སྨད་རྒྱ་ནག་སོགས་ཀྱི་གནས་ཡུལ་འགངས་ཆེན་དག་ལ་གནས་སྐོར་དང་། ལྗོངས་རྒྱུ་རུ་འགྲོ་བ་ལས་གཞན། རྟ་ཡི་ལོ་ལ་གངས་སྐོར་དང་། ལུག་གི་ལོ་ལ་མཚོ་སྐོར། གཞན་ཡང་མདོ་སྨད་ཡུལ་དུ་བྱ་ཡི་ལོ་ལ་བྱ་ཁྱུང་དང་། སྤྲེལ་ལོར་བྲག་དཀར་སྤྲེལ་རྫོང་དགོན་སོགས་སུ་གནས་མཇལ་དུ་འགྲོ་བའི་སྲོལ་བཟང་ད་ལྟ་ད་དུང་རྒྱུན་འཁྱོངས་བྱེད་བཞིན་མཆིས། དེར་བརྟེན། མཁས་གྲུབ་གཉིས་ལྡན་གྱི་སྐྱེས་ཆེན་དམ་པ་རྣམས་དང་། སྒོས་སུ་རྒྱལ་དབང་ལྔ་བ་མཆོག་གིས་མཇལ་བ་རྣམས་ཀྱིས་ལམ་བར་དུ་དཀའ་སྡུག་དང་ལྟོགས་སྐོམ་མྱངས་པ་མཁྱེན་ནས། ཁོ་ཚོར་ཉིན་ལྟོགས་སྐོམ་སེལ་བ་དང་། མཚན་གནས་ཚང་གཡར་བར་དཀའ་ཁག་མེད་ཆེད། བེ་གར་མཛད་ཟེར་བའི་ངག་རྒྱུན་ཡོད།
བོད་ཀྱི་ཞབས་བྲོ།
རང་རེའི་མི་རིགས་འདི་ནི་འཛམ་གླིང་སྟེང་ཡ་མཚན་མཆོག་ཏུ་གྱུར་པའི་རིག་པའི་གནས་བཅུ་ཡི་བང་མཛོད་ཡིན་པར་མ་ཟད། ཟློས་གར་གྱི་ཁོངས་སུ་གཏོགས་པའི་བྲོ་གར་རིག་གནས་ནི་མི་རིགས་རང་ལ་སྤྲོ་སྣང་དང་། ལ་རྒྱ། འབོད་སྐུལ། མཆོད་བསྟོད་སོགས་སྦྱིན་པ་ལས་གཞན། བོད་ཀྱི་རིག་གནས་དང་། གཤིས་རྒྱུད། ཁྱད་ཆོས། གོམས་སྲོལ་སོགས་ཐད་ཀར་མི་རིགས་གཞན་ལ་ངོ་སྤྲོད་དང་། རྒྱུས་ལོན། འབྲེལ་འདྲིས་བྱེད་པའི་ཐབས་ཤེས་ཡིན།
བྲོ།
བྲོ་ནི་ཞབས་བྲོའི་གར་སྟབས་བག་ཕེབས་ལ་རོལ་དབྱངས་ཀྱི་འགྱུར་ཁུགས་མྱུར་ཞིང་། སྐབས་འགར་མཆོང་ལྡིང་བྱེད་པ་གཙོར་བཟུང་ནས་སྟངས་སྟབས་མངོན་པའི་གར་གྱི་རིགས་ཤིག་སྟེ། བོད་ཀྱི་ཞབས་བྲོ་རིག་གནས་སྒྱུ་རྩལ་གྱི་ལོ་རྒྱུས་སྟེང་དུས་ཡུན་ཅུང་རིང་བའི་བྲོ་གར་གྱི་གྲས་སུ་གཏོགས། གནའ་དུས་ཆོས་ཀྱི་ཆོ་ག་སྤེལ་བ་དང་། གཡུལ་ངོར་ཞུགས་པ། བླ་དཔོན་ཁྲི་ལ་འདོན་པ། དགའ་སྤྲོའི་དུས་སྟོན་སོགས་ཀྱི་སྐབས་སུ་འཁྲབ་སྟོན་བྱེད་པ་ཅུང་རྒྱུགས་ཆེ་བར་བཞེད།
འབའ་གཞས།
འབའ་གཞས་ནི་ཁམས་ཕྱོགས་འབའ་ལི་ཐང་ཡུལ་ནས་དར་ཁྱབ་བྱུང་བའི་གླུ་གཞས་ཡིན་པས་ན་མིང་ཡང་འབའ་གཞས་ཞེས་ཐོགས། དེ་ནི་དེང་གི་སི་ཁྲོན་ཞིང་ཆེན་གྱི་དཀར་མཛེས་དང་། རྔ་བ་ཁུལ། ཡུན་ནན་ཞིང་ཆེན་གྱི་བདེ་ཆེན་རྫོང་ཁོངས་སོགས་སུ་དར་ཁྱབ་ཆེ་བ་ཡིན།
རས་པ།
རས་པ་ནི་སྐྱེས་པས་གཡས་ལག་ལ་སིལ་སྙན་དང་གཡོན་ལག་ཏུ་རྔ་ཕྱགས་ཐོགས་པ་དང་། བུད་མེད་ཀྱིས་རྔ་ཆུང་བཟུང་ནས་མཉམ་དུ་འཁྲབ་པའི་དམངས་ཁྲོད་ཀྱི་ཞབས་བྲོ་ཞིག་སྟེ། བྲོ་གར་འདི་བོད་ཀྱི་མཆོད་སྲོལ་རིག་གནས་དང་དམ་དུ་འབྲེལ་ཞིང་། ད་ལྟའི་བར་ལོ་ངོ་སྟོང་ཕྲག་ལྷག་གི་ལོ་རྒྱུས་ལྡན་པ་ཡིན།
སྐོར་བྲོ།
སྐོར་བྲོ་ནི་ཞབས་བྲོ་ཀུན་གྱི་ཡུམ་ཡིན་ཞེས་བརྗོད་ཆོག་ཅིང་། ཅིའི་ཕྱིར་ཞེ་ན། མིའི་རིགས་ཀྱིས་གནའ་ནས་ད་བར་དུ་འཛིན་སྐྱོང་སྤེལ་གསུམ་བྱས་དང་བྱེད་བཞིན་ཡོད་པའི་བྲོ་གར་ཆེ་མ་ཆུང་གསུམ་དང་། སྒོས་སུ་རང་རེའི་བོད་ཀྱི་བྲོ་གར་རིག་གནས་ལ་ཞིབ་ཏུ་བརྟག་ཅིང་དཔྱད་ན། དེ་དག་དང་སྐོར་བྲོའི་བར་ལ་འབྲེལ་བ་མེད་པའམ་སྐོར་བྲོའི་ཆ་མི་ལྡན་པ་གཏན་ནས་མེད། དེ་ཡང་སྐོར་བྲོའི་ལོ་རྒྱུས་ཧ་ཅང་རིང་བའི་ཚུལ་ནི། མིའི་རིགས་ལ་ལོ་རྒྱུས་ཅི་ཙམ་ཡོད་པ་ལྟར། སྐོར་བྲོ་ལའང་དེ་བཞིན་གདའ་བ་ཡིན།
སྟོད་གཞས།
སྟོད་གཞས་ནི་བོད་ཡུལ་སྟོད་ལས་བྱུང་བའི་གཞས་ཡིན་པས་ན་མིང་ཡང་དེ་ལྟར་ཐོགས། ཡུལ་དེ་གའི་སྟོད་གཞས་ནི་དངོས་གནས་སྐད་གྲགས་ཆེ་ཞིང་ཁྱད་ཆོས་ལྡན་པ་ཞིག་རེད། དེ་ཉིད་གནའ་དུས་མངའ་རིས་དང་དབུས་གཙང་ཕྱོགས་སུ་དར་ཁྱབ་ཆེ་ཞིང་། ལྷག་ཏུ་དབུས་ཕྱོགས་སུ་དུས་ཆེན་དང་དགའ་སྟོན་ཆེ་མ་ཆུང་གསུམ་གྱི་སྐབས། རྒན་དར་གཞོན་གསུམ་སུ་ཡིན་ཡང་རྩེད་རྒྱུར་དགའ་བའི་གཞས་བྲོ་ཞིག་ཡིན།
ནང་མ།
ནང་མ་ནི་ཕོ་བྲང་ནང་ངམ་བཀའ་བློན་དང་དཔོན་ཚང་གི་བཞུགས་སྒར་ཏེ། མདོར་ན་ཁང་བཟང་ནང་དུ་འཁྲབ་སྟོན་བྱ་འོས་པ་དང་བྱ་ཆོག་པའི་ཆུ་ཚད་དང་ཁྱད་ཆོས་ལྡན་པའི་བྲོ་གར་སྒྱུ་རྩལ་ཞིག་ལ་ཟེར། དེ་ནི་གནའ་བོའི་དམངས་ཁྲོད་ཀྱི་རོལ་མོ་དང་ཞབས་བྲོའི་རྨང་གཞི་ཐོག་བསྒྱུར་བཅོས་གོང་འཕེལ་བྱུང་བའི་ཞབས་བྲོའི་རྣམ་པ་ཞིག་ཡིན་ཞིང་། ནང་མའི་གླུ་གདངས་གནའ་ཉམས་དོད་པ་དང་། གར་སྟབས་ཀྱི་ཉམས་འགྱུར་མཛེས་པ། མི་རིགས་ཀྱི་ཁྱད་ཆོས་ཟབ་མོ་ལྡན་པ་བཅས་ཡིན་པས། དབུས་གཙང་ཁུལ་དུ་དར་ཁྱབ་ཤིན་ཏུ་ཆེ།
སྒྱུ་རྩལ་རིག་པའི་གཞུང་ལུགས།
སྒྱུ་རྩལ་རིག་པའི་གཞུང་ལུགས་ནི་སྒྱུ་རྩལ་གཞུང་ལུགས་ཀྱི་ཕྱོགས་བསྡུས་རང་བཞིན་གྱི་རྣམ་བཤད་ཅིག་ཡིན་ལ། སྒྱུ་རྩལ་གྱི་རྣམ་གྲངས་ཧ་ཅང་མང་པོ་ཡོད་ཅིང་དེའི་རྣམ་པ་དང་ནང་དོན་གྱི་སྣེ་མང་རང་བཞིན་ཐག་གཅོད་བྱས་ཡོད་པར་མ་ཟད། མུ་མཐུད་ནས་རྙིང་དོར་གསར་ལེན་ཡང་བྱས་ཡོད། མཛེས་རྩལ། རོལ་དབྱངས།ཞབས་བྲོ། ཟློས་གར་དང་གློག་བརྙན་སོགས་སྒྱུ་རྩལ་གྱི་རྣམ་གྲངས་ནང་། གསར་རྩོམ་དང་འཁྲབ་སྟོན་གྱི་རྙོག་འཛིང་ཆེ་བའི་སྣང་ཚུལ་ལ་ཁྱོན་ཡོངས་ཀྱི་ལྟ་ཚུལ་འཛིན་པ་དང་། དེའི་བྱེ་བྲག་གི་རང་བཞིན་དང་ཐུན་མོང་གི་རང་བཞིན་དབྱེ་འབྱེད་བྱས་ཏེ། དེའི་ཐུན་མོང་གི་རང་བཞིན་ཕྱོགས་བསྡུས་དང་ཆ་ཚང་བའི་མ་ལག་འཛུགས་པ་དང་། སྒྱུ་རྩལ་གྱི་ངོ་བོ་དང་ཁྱད་ཆོས། སྒྱུ་རྩལ་གྱི་བྱུང་འཕེལ། སྒྱུ་རྩལ་གྱི་ནུས་པ་དང་སྤྱི་ཚོགས་ཀྱི་ནུས་པ། སྒྱུ་རྩལ་གྱི་རིག་གནས་ཁྲོད་ཀྱི་གནས་ཐིག་གཏན་འཁེལ། དེ་བཞིན་སྒྱུ་རྩལ་རང་ངོས་ཀྱི་གནད་དོན་སྣ་ཚོགས་བཅས་འགྲེལ་བཤད་བྱས་ཏེ། དེ་དག་མི་ཆོས་ཚན་རིག་དང་སྤྱི་ཚོགས་ཚན་རིག་གི་བགྲོད་ལམ་དུ་འཇུག་རྒྱུ་ནི་སྒྱུ་རྩལ་རིག་ཚན་གྱི་ལས་འགན་གཙོ་བོ་ཞིག་ཏུ་གྱུར་ཡོད།
ཀྲུང་གོའི་ཞབས་བྲོའི་ལོ་རྒྱུས།
ཞབས་བྲོ་ནི་སྤྱིར་བཏང་དུ་རོལ་དབྱངས་ཀྱི་རམ་དཀྲོལ་དང་། དབྱངས་འགྲོས་ཡོད་པའི་འགུལ་སྟངས་ཀྱིས་མཚོན་ཐབས་གཙོ་བོ་བྱེད་པའི་སྒྱུ་རྩལ་གྱི་རྣམ་པ་ཞིག་ཡིན་ཞིང་། གནའ་བོའི་བློན་པོ་རྒྱལ་པོར་མཇལ་སྐབས་དམིགས་བསལ་གྱི་ཞབས་བྲོ་འཁྲབ་སྟངས་ཤིག་ཡོད་པ་ནི་གུས་སྲོལ་ཞིག་ཡིན།
ཞབས་བྲོའི་གཞུང་ལུགས།
ཞབས་བྲོའི་གཞུང་ལུགས་ཀྱི་ཁོངས་གཏོགས་སུ་མར་ཁེ་སི་ལེ་ཉིན་རིང་ལུགས་ཀྱི་རིགས་པའི་གཞུང་ལུགས་དང་། སྒྱུ་རྩལ་རགས་བཤད། མཛེས་རིག་གི་རྩ་བའི་རིགས་པ། ཞབས་བྲོའི་རགས་བཤད། ཀྲུང་གོའི་མི་རིགས་ཀྱི་དམངས་ཁྲོད་ཞབས་བྲོའི་རིག་གནས། ཀྲུང་གོའི་ཞབས་བྲོའི་ལོ་རྒྱུས། པ་ལིའི་ལོ་རྒྱུས། ཀྲུང་ཕྱིའི་སྒྱུ་རྩལ་ལོ་རྒྱུས། གནའ་བོའི་རྒྱ་སྐད། དེང་རབས་རྒྱ་སྐད། རོལ་དབྱངས། ཀྲུང་གོའི་གནའ་བོའི་ཞབས་བྲོ། ཀྲུང་གོའི་མི་རིགས་དབར་གྱི་ཞབས་བྲོ། པ་ལིའི་ཞབས་བྲོ། དེང་རབས་ཞབས་བྲོ། རྒྱ་གར་གྱི་ཞབས་བྲོ། ཞབས་བྲོའི་དབྱངས་རྟགས་སོགས་ཚུད་ཡོད།
ཞབས་བྲོ་འཁྲབ་ཁྲིད།
ཞབས་བྲོ་འཁྲབ་ཁྲིད་ནི་ཀྲུང་གོའི་མཐོ་རིམ་སློབ་གྲྭ་དཀྱུས་མའི་དངོས་གཞིའི་ཚན་ཁག་གི་ཆེད་ལས་ཤིག་ཡིན།
ཞབས་བྲོ་འཁྲབ་སྟོན།
ཞབས་བྲོ་འཁྲབ་སྟོན་གྱི་ལས་འགན་ནི་ཞབས་བྲོའི་འགུལ་སྟངས་དང་། བཟོ་དབྱིབས། ཐབས་རྩལ་བཅས་ཀྱི་ནུས་པ་ཁོང་དུ་ཆུད་དང་། རོལ་དབྱངས་དང་མཛེས་རྩལ་སོགས་སྒྱུ་རྩལ་གྱི་བྱེད་ཐབས་དང་ཟུང་འབྲེལ་བྱས་ཏེ་བརྩམས་ཆོས་ཀྱི་བསམ་བློའི་ནང་དོན་དེ་མཐོང་རུང་ཚོར་ཐུབ་པའི་ཞབས་བྲོའི་གཟུགས་བརྙན་དུ་བསྒྱུར་རྒྱུ་དེ་ཡིན།
རྒྱལ་སྤྱིའི་ཚད་ལྡན་ཞབས་བྲོ།
དེ་ལ་བྲོ་ཁང་གི་ཞབས་བྲོ་ཡང་ཟེར། དུས་རབས20པའི་ལོ་རབས70པའི་མཇུག་དང་ལོ་རབས80པའི་མགོར། བྲོ་ཁང་གི་ཞབས་བྲོ་ཉིད་འཛམ་གླིང་གི་རྒྱལ་ཁབ་ཁག་ཏུ་སྤེལ་རེས་བྱས་ཏེ་འགྲན་བསྡུར་གྱི་ཤས་ཅན་གྱི་འཁྲབ་སྟོན་བྱེད་སྲོལ་བྱུང་།
གནའ་སྲོལ་ཞབས་བྲོ།
མི་རིགས་ཁག་དང་རྒྱལ་ཁབ་ཁག་གི་དཔེ་མཚོན་ཅན་གྱི་སྲོལ་རྒྱུན་གྱི་དམངས་ཁྲོད་ཞབས་བྲོ་ལ་གནའ་སྲོལ་ཞབས་བྲོ་ཞེས་ཟེར།
| ཞབས་བྲོ། བརྡ་འགྲེལ 44 ཡོད། |